RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 8, No. 200, Part II, 21 October 2004

KOSOVA PREPARES TO VOTE. The pre-election ban on political activity
before the 23 October parliamentary elections in Kosova came into
effect at midnight on 20 October, RFE/RL's South Slavic and Albanian
Languages Service reported. The previous afternoon, EU foreign- and
security-policy chief Javier Solana issued a statement in which he
called "upon all communities in Kosovo, and on all those eligible to
vote outside it, to...cast their votes," Reuters reported. "The
successful holding of free and fair elections resulting in an
effective and representative government is fundamental...for bringing
Kosovo closer to Europe," he added. Alluding to a planned boycott of
the vote by many Serbs, Solana argued that "the new assembly will
work during a particularly crucial period in Kosovo. It is essential
that it obtains the broadest possible support" (see "RFE/RL
Newsline," 19 and 20 October 2004, and "RFE/RL Balkan Report," 13
August, 17 September, and 8 October 2004). In Prishtina, Lawrence
Rossin, who is the deputy head of the UN civilian administration in
Kosova, told RFE/RL that the boycott campaign does not help
democracy. Meanwhile in Mitrovica, about 1,500 Serbs demonstrated
against the vote. Speakers stressed that the elections are part of a
process aimed at making Kosova independent of Serbia. PM

-------------------------------------------------------------------------------------

http://www.panorama.com.al/ © 2003 Gazeta Panorama        21 Tetor 2004

Faqe 6 - Politikë

shqipëria dhe greqia marrëdhëniet

Kryeministri i cilëson të mira marrëdhëniet me shtetin fqinj

Nano: Me Greqinë nuk ka probleme

Kryeministri Nano në intervistën e tij thotë se Shqipëria nuk ka probleme me
Greqinë.

Presidenti grek, Kostandinos Stefanopullos, i jep fund qëndrimit treditor në
Shqipëri me një vizitë në zonën ku banon minoriteti grek. Ndërkohë,
deklarata e tij, se çështja çame nuk ekziston, vazhdon të komentohet nga
politika shqiptare. Kryeministri Fatos Nano duke folur në një intervistë për
BBC-në tha se si në Greqi, ashtu edhe në Shqipëri nuk ka kundërshtime për
partneritetin strategjik midis dy vendeve.

BBC: Zoti Nano, cili është reagimi juaj lidhur me deklaratën e presidentit
grek?
Unë nuk besoj që vizita e presidentit grek lidhet me një çështje të vetme.
Vizitat e presidentëve, veçanërisht në marrëdhënie tradicionale dhe miqësore
fqinjësh, si ato midis Greqisë dhe Shqipërisë, shoqërohen me delegacione
përfaqësuese që janë në gjendje të trajtojnë të gjitha çështjet, që në
analizë të fundit janë objekt i Traktatit të Miqësisë dhe Bashkëpunimit
midis të dy vendeve, i nënshkruar gati dhjetë vjet më parë. Nga kjo
pikëpamje, kjo vizitë e dytë e presidentit Stefanopullos të Republikës mike
të Greqisë në Shqipëri po shërben për të azhornuar informacionin dhe
angazhimet për prioritetet e bashkëpunimit aktual midis dy vendeve,
veçanërisht në optikën e procesit të reformave të integrimit evropian të
Shqipërisë. Unë besoj se është shumë e rëndësishme të kuptohet që kjo vizitë
nuk lidhet me çështje konfliktuale, si dhe që marrëdhëniet shqiptaro-greke
nuk janë problematike, e përfundimisht, që ka një partneritet dhe besim
reciprok, i cili ganton kapërcimin e të gjitha problemeve që mbeten edhe në
vëmendjen publike, përfshi edhe atë të parashikuar nga neni 15 dhe 17 i
Traktatit të Miqësisë dhe Bashkëpunimit midis të dy vendeve, që lidhet me
rivendosjen e pronësisë së shtetasve shqiptarë në Greqi apo të shtetasve
grekë në Shqipëri, sepse marrëdhëniet ballkanike kanë qenë të ndërthurura
historikisht dhe kanë lënë pas edhe pasoja të tilla. Nga kjo pikëpamje, unë
vlerësoj se vizita e presidentit grek në Shqipëri është shumë frytdhënëse,
se të gjitha kontaktet e këtij dialogu politik të nivelit të lartë po
funksionojnë sipas së vërtetës. As në Greqi e as në Shqipëri nuk ka opozitë
për këtë partneritet strategjik midis fqinjësh evropianë. Dhe çdo vëmendje
kritike, natyrisht e mirëpritur, jo e stigmatizuar negativisht, për të
sjellë të gjithë kontaktin tek një problem ende i pazgjidhur nuk funksionon
nga pikëpamja e rezultatit kompleks që po krijon kjo vizitë e presidentit
grek.

BBC: Zoti Nano, megjithatë, kjo çështje është ngritur mbi të tjerat, sepse
duket sikur ka një lloj mosakordimi midis deklaratave të kryeministrit dhe
presidentit grek për këtë çështje, dhe bisedimeve që ju keni zhvilluar me
kryeministrin grek, Karamanlis, muaj më parë në Athinë.

Unë e kam përballuar edhe me presidentin Stefanopollos këtë çështje në
referencë të komenteve dhe dikskutimeve rreth kësaj në takimet e tjera të
presidentit grek në Shqipëri. Më lejoni të them që reagimi im, i së njëjtës
gjatësi vale dhe serioziteti që sapo përmenda, është që qeveritë kanë
detyrat e tyre, presidentët gjithashtu kanë përgjegjësinë e tyre për të çuar
përpara këtë marrëdhënie partnerësh strategjikë, ekspertët kanë fjalën e
tyre për të thënë, në mënyrë që shtetas shqiptarë në Greqi, apo shtetas
grekë, qytetarë me origjinë greke, në Shqipëri, të gëzojnë të gjitha të
drejtat dhe liritë themelore sipas standardeve evropiane të një komuniteti
ku Greqia është anëtare dhe Shqipëria po afrohet për t'u anëtarësuar. Dhe në
këtë perspektivë, më lejoni të vlerësoj që angazhimi dhe besimi i
Shqipërisë, respektivisht tek Greqia si një partnere e sigurtë për
integrimin evropian të vendit tim, është për të mos u vënë në diskutim.

BBC: Zoti Nano, një nga pikat kryesore në marrëdhëniet greko-shqiptare është
edhe çështja e emigrantëve shqiptarë. Ka vlerësime se shteti grek mund të
bëjë akoma më shumë për përmirësimin e statusit të tyre.

Qeveria që unë drejtoj dhe shteti shqiptar e kanë në mënyrë të vazhdueshme
në qendër të vëmendjes statusin dhe realizimin e të drejtave të emigrantëve
shqiptarë në Greqi. Bëhet fjalë për një numër të konsiderueshëm, rreth 600 -
700 mijë shtetas shqiptarë të punësuar në Greqi, të cilët për shkak të
mikpritjes dhe seriozitetit të shtetit grek për t'i integruar, vazhdojnë të
luajnë një rol të jashtëzakonshëm dhe të pazëvendësueshëm në përballimin e
kostove të tranzicionit evropian në Shqipëri, të tranzicionit ekonomik, të
luftës kundër varfërisë, të çështjeve të punësimit dhe, veçanërisht, e
sigurisht, për çështje të integrimit ekonomik të Shqipërisë në tregjet
evropiane. Nga kjo pikëpamje, unë kërkova dhe mora garancitë e nevojshme
edhe nga presidenti grek që do të vazhdojë politika e stimulimit për
punësim, për integrim, për legalizim jo vetëm të statusit formal të
emigrantëve shqiptarë në Greqi, por edhe për njohje të të drejtave të tjera
themelore të tyre si qytetarë të kësaj pjese të Evropës, dhe në të njëjtën
mënyrë, u përgjigjem me të njëjtin angazhim për ngritjen e standardeve të
minoritarëve grekë në Shqipëri në nivelet e BE-së, sepse këto janë enë
komunikuese që nuk mund të jenë lëvizje të veçuara nga njëra-tjetra, ashtu
siç po funksionon komunikimi dhe integrimi i Shqipërisë me vende të tjera të
rajonit, apo me Italinë fqinje, si anëtare e Bashkimit Evropian.


Reagimi
Shoqata "Çamëria", apel qeverisë

Shoqata për të Drejtat e Njeriut "Çamëria" është shprehur dje, mjaft e
zhgënjyer nga deklaratat e presidentit grek, Stefanopullos, që e lidhin
zgjidhjen e problemit të të drejtave të njeriut e të refugjatëve çamë me
pretendimet e pabaza territoriale kundër Shqipërisë në shekullin e kaluar.
Me anë të një deklarate, kryetari i shoqatës, Ahmet Xhafo, i cili flet në
emër të tyre që ai i quan "refugjatë çamë në Shqipëri", i bën thirrje
qeverisë greke të nisë dialogun për këtë çështje. "Ne u bëjmë thirrje
qeverisë greke, opinionit publik, dhe institucioneve akademike dhe fetare që
të ndërmarrin një dialog ndërtues dhe pozitiv me përfaqësuesit e refugjatëve
çamë që të kapërcejnë të gjitha paragjykimet dhe format e intolerancës me
synim kthimin e shpejtë të familjeve çame në shtëpitë e tyre", thuhet në
deklaratë.


Reagimi

Gazetat më të mëdha greke kanë sulmuar në faqet e tyre të djeshme hapjen e
çështjes çame gjatë vizitës së presidentit Stefanopullos në Tiranë. "Mjaft
më me Çamërinë", ishte titulli i madh i gazetës më të madhe greke, "Ta nea",
në të cilën, kryeministri Nano cilësohet si politikan me dy fytyra. Në
shkrimin e saj kjo gazetë sulmon kreun e qeverisë sonë, pasi, sipas saj, në
takimin me presidentin grek ai kishte deklaruar se kjo çështje duhet të
mbyllet sa më shpejt, ndërsa pas takimit kishte thënë tjetër gjë. Madje, "Ta
nea" citon Nanon gjatë vizitës në Athinë kur ky i fundit, sipas gazetës,
kishte deklaruar se duhet lënë pas e kaluara. Edhe shumë gazeta të tjera të
mëdha greke, në titujt e faqes së parë kanë sulmuar presidentin Moisiu i
cili, sipas tyre, hapi debatin gjatë vizitës së Stefanopullosit.