PD rrezon oferten e PS per pronat  http://www.korrieri.com/

E Enjte, 22 Korrik 2004
Partia Demokratike nuk do te ndryshoje qendrimin e saj persa i perket ligjit
per kthimin e pronave dhe pritet qe ne seancen e sotme parlamentare te
votoje "pro" dekretit te Presidentit Alfred Moisiu. Kete e kane pohuar dje,
tre nga zyrtaret kryesore te partise me te madhe opozitare ne vend, duke
paralajmeruar hedhjen poshte te kushtit te vene dy dite me pare nga
socialistet, qe kreu i Komitetit te ndarjes se prones te zgjidhej nga
Kuvendi. Sekretari i Pergjithshem i PD, Ridvan Bode ka nenvizuar dje faktin
se demokratet nuk do te pranojne asnje lloj kompromisi me Partine
Socialiste, per Kryetarin e Komitetit te Kthimit dhe Kompensimit te Pronave
dhe se do votojne pro dekretit te Presidentit Moisiu.

Ne kete menyre, duket se i eshte hapur drita jeshile rrezimit te ketij
dekreti nga grupi i socialisteve, te cilet kane hasur ne kundershtimin e
demokrateve per kushtin e vene ndaj tyre per miratimin e dekretit ne fjale.
"Ne Parlament vendosin ato kartona qe ka PS-ja. Kjo (Kryetari i Komitetit)
ishte pika, e cila shkaktoi ikjen tone nga Kuvendi. Per fat te keq, pasi ne
ikem nga Kuvendi u fut dora ne ligj perseri dhe ndryshuan gjerat, per te
cilat kishim rene dakort", eshte shprehur dje, deputeti i PD-se, Fatos Beja.
Nderkaq, per Sekretarin e Marredhenieve me Jshte ne PD, Besnik Mustafaj,
qendrimi i kesaj partie eshte i percaktuar qe gjate diskutimit te ligjit te
pronave pak jave me pare, "dhe nuk mendojme se ka arsye per te ndryshuar
kete qendrim".

Ligji i miratuar para disa javesh nga Kuvendi i Shqiperise, pa konsensusin e
gjere te kerkuar nga Presidenti, u rikthye edhe njehere per rishqyrtim ne
seance nga Kreu i Shtetit, pak dite me pare. Arsyeja kryesore e ketij kthimi
nga kreu i shtetit shqiptar, ishte pikerisht mungesa e konsensusit te gjere
politik, por edhe ndonje problem teknik i ligjit.

R. Kalemi

-----------------------
22/07/2004
Topalli: Për vendimin e fundit të grupit të PS-së mund të themi shprehjen:
"Hiqja Fatosit dhe jepja Gramozit"

Pronat, PD nuk pranon kompromisin e PS-së

N.Perndoj

TIRANE- Demokratët nuk do të votojnë sërish ligjin për pronat. Ata nuk
pranojnë "kompromisin" e ofruar nga PS, ku thuhet se kryetari i Komisionit
Qendror të Kthimit dhe Kompensimit të Pronave duhet të zgjidhet nga Kuvendi.
Në projektligjin e kaluar më parë nga Kuvendi, ishte vendosur që kryetari i
këtij komisioni të emërohej nga kryeministri, ndërkohë që mendimi i opozitës
ishte që kryetari të zgjidhej nga presidenti. Nënkryetarja e Partisë
Demokratike, Jozefina Topalli u shpreh dje për "Shekullin", se vendimi
politik i grupit parlamentar të PS-së nuk ndryshon asgjë. "Gjithçka që tha
kryetari i grupit parlamentar të PS-së, Gramoz Ruçi nuk ndryshon asgjë. Kemi
mbetur aty ku e kemi lënë seancën e fundit", -tha ajo. Demokratët janë të
bindur se edhe propozimi i fundit i socialistëve është i njëjtë me
propozimin e mëparshëm. Kjo sepse kryetari i Komisionit Qendror të Kthimit
dhe Kompensimit të Pronave, do të jetë sërish i PS-së përderisa ai do të
votohet në Kuvend dhe në këtë organ legjislativ, shumicën e kanë po
socialistët.. "Për vendimin e fundit të grupit parlamentar të PS-së mund të
themi me plot gojën një shprehje: "Hiqja Fatosit dhe jepja Gramozit". Nuk ka
asgjë të re në këtë vendim. Eshtë përsëritur insistimi për të kontrolluar
çdo gjë, ide për të cilën ne braktisëm Kuvendin seancën e fundit, kur u
diskutua kjo çështje dhe natyrisht nuk ka ndryshuar asgjë lidhur me arsyet
për të cilat ne braktisëm edhe atë seancë parlamentare", -tha Topalli. Në
projektligjin e mëparshëm për pronat, ishte parashikuar që komisioni të
përbëhej nga 5 anëtarë, 2 pozita, 2 opozita dhe kryetari të emërohej nga
kryeministri. Me variantin e ri të propozuar nga socialistët (që duket se do
të hidhet poshtë) komisioni duhet të përbëhet nga 7 anëtarë. 3 anëtarë duhet
të zgjidhen nga pozita, 3 nga opozita dhe kryetari i zgjedhur nga Kuvendi.
Ndërsa sekretari i përgjithshëm i PD-së, Ridvan Bode deklaroi dje se ligji
për pronat lë vend për abuzime në dëm të ish-pronarëve. Krahas vërejtjes për
kryesimin e Komisionit të Kthimit dhe Kompensimit të Pronave, Bode i ka
shtuar argumentimit të tij edhe disa nene të tjera që, sipas tij, kanë
nevojë për ndryshime. "Nuk është çështja vetëm për komisionin, por është
njëkohësisht edhe mospranimi dhe deklarimi i papranueshëm i nenit 8, pika 4,
nen i cili u jep të drejtë atyre që sot disponojnë një kontratë mbi pronat e
ish-pronarëve apo mbi pronat shtetërore që të privatizojnë në mënyrë
preferenciale", -tha ai. Opozita, tha Bode, nuk do të pranojë asnjë
kompromis me PS lidhur me çështjen për kompetencat e komisionit që do të
merret me kthimin dhe kompensimin e pronave. Ai shtoi se miratimi i këtij
ligji, ka qenë i nxituar madje ka munguar transparenca e duhur.

---------------------------
Kuvendi voton dekretin e Presidentit Moisiu për disa ndryshime në ligjin e
pronave

Lajmi i ores 4:40 PM

Kuvendi Shqiptar
 TIRANE (22 Korrik) - Kuvendi miratoi në parim sot (e Premte) gjatë seancës
së sotme plenare, dekretin e Presidentit të Republikës, Alfred Moisiu, për
disa ndryshime në ligjin për "kthimin dhe kompesimin e pronave". Me 100 vota
pro, 1 kundër dhe 9 abstenime deputetët kanë pranuar dekretin e Presidentit
Moisiu për kthimin në Kuvend të ligjit të pronave. Ky dekret është vlerësuar
si shans për të siguruar një konsensus më të gjerë mes mazhorancës dhe
opozitës për këtë ligj. Propozimet e Presidentit Moisiu për ligjin e pronave
do të shqyrtohen në komisionin parlamentar të ligjeve dhe atë të ekonomisë,
për të kaluar më pas për votim në parlament bm/bm (News24/BalkanWeb)