E Diele, 22 Gusht 2004 http://www.korrieri.com/

Republikanet: Ne shtator te zgjidhet fjalkryqi PD-PR per zgjedhjet

 Drejtuesit e PR do ti kerkojne PD qe, brenda muajit shtator, te percaktohet perfundimisht menyra e bashkepunimit elektoral midis ketyre dy partive per zgjedhjet e ardhshme parlamentare. Garuli: "Nese nuk do te arrihet bashkepunimi ne shtator PR do te shikoje mundesine per nje ballafaqim me vehte elektoral"

Armando META

Drejtuesit me te larte republikan, do ti kerkojne Partise Demokratike qe, brenda muajit shtator, te percaktohet perfundimisht menyra e bashkepunimit elektoral midis ketyre dy partive per zgjedhjet e ardhshme parlamentare. Sekretari i Pergjithshem i PR, Aleksander Garuli, deklaroi dje per gazeten "Korrieri" se, ne menyre te shpejte duhet te kete nje riformatim te koalicionit "Bashkimi per Fitore", ne te cilin jo vetem te percaktohen partite perberese te ketij koalicioni, por dhe se cili do te jete bashkepunimi elektoral midis republikaneve dhe demokrateve, si dy partit kryesore te ketij grupimi ne zgjedhjet e ardhshme. "PR deklaron se nuk do te hyje ne bisedime ne pozita inferiore, persa i perket modaliteteve te bashkepunimit elektoral me PD, si dhe me subjektet e tjera opozitare te interesuara per kete bashkepunim elektoral. Muaji shtator, sipas mendimit tim, por edhe i lidershipit te PR, duhet te jete muaji perfundimtar i zgjidhjes se skemes se bashkepunimit elektoral midis PD dhe PR", nenvizon Garuli. Sipas tij, republikanet nuk do te pranojne me nga PD praktiken e zvarritjes se skemes se bashkepunimit elektoral, sic eshte bere gjate dy zgjedhjeve te fundit te pergjithshme. Garuli eshte i mendimit se, nese nuk do te arrihet ne nje formule bashkepunimi gjate muajit shtator mes PR dhe PD, atehere republikanet do te shikojne mundesine per nje ballafaqim me vehte elektoral. "Praktika e zvarritjes nga ana e PD, e gjetjes se formules se bashkepunimit elektoral, ka cuar ne mjaft raste ne coroditje te strukturave tona elektorale dhe partiake, duke vene ne veshtersi serioze funksionimin elektoral te PR. Ne do te kerkojme vendosjen e pikave mbi "i" me PD, ne menyre qe te mos perseritet ajo qe ndodhi ne zgjedhjet e fundit vendore, ku marreveshja elektorale mes PD dhe PR, per nga zbatimi, la shume per te desheruar, gje qe solli dhe pasoja jo te vogla brenda PR", nenvizon Garuli. Sipas tij, nevoja per nje riformatim te koalicionit "Bashkimi per Fitore", eshte mese e domosdoshme edhe per faktin se, ndonje subjekt perberes i ketij koalicioni, ne rastin konkret PLL, gjendet perpara dilemes per te bashkepunuar me "BF" apo me Levizjen per Zhvillim Kombetar, te nismuar nga metonjesi per fronin mbreteror Leka Zogu. Sipas Garulit, perpunimi i skemes se bashkepunimit elektoral midis PR dhe PD eshte mese i nevojshem, ne menyre qe edhe PR, nga pikpamja organizative dhe politike, te pergatise njerezit e saj, ne funksion te kurorezimit me sukses te kesaj skeme. "Ajo qe dua te theksoj eshte fakti se, PR eshte e pergatitur edhe per nje ballafaqim me vehte elektoral. Ne jemi te hapur per bashkepunim. Por nese konstatojme se nga pala tjeter do te mungoje ky vullnet, jemi te gatshem te perqendrojme te gjitha energjite tona per zhvilluar nje fushate me vehte elektorale", nenvizon Garuli. Sipas tij, dalja e PR vetem ne zgjedhje nuk nenkupton se ajo nuk do te jete e gatshme per bashkepunim me PD dhe me forcat e tjera opozitare pas zgjedhjeve.