http://www.korrieri.com/  E Premte, 23 Korrik 2004

Pronat, nje jave per gjetjen e konsensusit 

Kuvendi pranon dekretin e Presidentit per te rishqyrtuar ligjin e kthimit dhe kompensimit te pronave, por mazhoranca dhe opozita replikojne serish. Ruci: "Kryetarin e Komisionit Shteteror ta zgjedhe Parlamenti". Reagon Berisha: "Shqyrtimi, nje veprim i nxituar"

 

Renato KALEMI

 

Ligji "Per Kthimin dhe Kompensimin e Pronave" do te vazhdoje edhe per nje jave tjeter te "shetise" neper komisionet parlamentare te Kryesise se Kuvendit, ne menyre qe dy forcat politike kryesore te gjejne konsensusin e humbur dhe ta miratojne ate ne seance. Gjate gjithe kesaj kohe, keto komisione do te fillojne rishqyrtimin e ketij ligji, por kesaj rradhe, diskutimet do te perqendrohen vetem ne ato pika ku ka pasur verejtje nga Presidenti i Republikes, Alfred Moisiu.

 

Ne kete menyre, duket se si opozita, ashtu edhe mazhoranca, do te tentojne edhe njehere per te arritur konsensusin e kerkuar, nga Presidenti Moisiu dhe nderkombetaret, per nje nga ligjet me te rendesishme per vendin, sic eshte ai i kthimit te pronave. Kuvendi i Shqiperise e ka pranuar ne seancen e tij te djeshme, dekretin e kreut te shtetit shqiptar per te kthyer edhe njehere per shqyrtim ligjin "Per Kthimin dhe Kompensimin e Pronave", duke e miratuar ate me 100 vota "pro", 9 "abstenime" dhe vetem deputeti socialist, Durim Hushi votoi "kunder" ketij dekreti.

 

Gjate kesaj seance, pothuajse te gjithe deputetet e mbeshteten vendimin e Presidentit Moisiu, por kishte edhe nga ata qe ishin te mendimit se ligji i miratuar para nje muaji kishte shkelje kushtetuese dhe duhej ripare edhe njehere nga fillimi. "Presidenti Moisiu beri mire qe e ktheu ligjin. Ajo per te cilen behet debati, per mua s'ka asnje lloj rendesie, sepse kushdo qe te jete Kryetar i Komitetit te Kthimit te Pronave, do ta zbatoje detyren nje me nje. Rendesia qendron se ky ligj ka shkelur principet kushtetuese me te dyja kembet", ka nenvizuar dje, Kryetari i PDRn-se, Dashamir Shehi. Nderkaq, Kryetari i Grupit Parlamentar te Partise Socialiste, Gramoz Ruci u permendi edhe njehere deputeteve te opozites kushtin e tyre, per t'ia lene Kuvendit zgjedhjen e Kryetarit te Komitetit Shteteror te Kthimit dhe Kompensimit te Pronave, duke bere te qarte se nuk do ta mbeshtesin idene qe ky post te propozohet nga Presidenti, sic kerkohet me ngulm nga opozita. "Ne qofte se do te duhej te rishikohej i gjithe ligji, Presidenti Moisiu do ta kishte thene kete. Ne duhet te bejme vetem ato rregullime qe kerkon Presidenti, sepse kaq detyre kemi", u shpreh, Kryetari i Komisionit te Ligjeve, Spartak Braho.

 

Megjithate, nga ana tjeter, vete pronaret, per te cilet eshte hartuar edhe ligji i pronave, jane shprehur se deputetet duhet t'i shikojne me shume kujdes verejtjet e kryera nga Presidenti Moisiu. Sipas krereve te shoqates se pronareve, miratimi i ketij ligji duhet te ishte nje veprim me i sinqerte per ndarjen nga diktatura komuniste dhe ai duhet te respektoje te drejtat themelore te njeriut, sic eshte dhe e drejta e prones. "Ligji i kthyer eshte antikushtetues dhe ne shume nene te tij bie ndesh me Kushtetuten. Deputetet te marrin pergjegjesine e duhur per te mos u bere bashkepunetore ne legalizimin e abuzimeve dhe korrupsionit me pronat tona", theksoi dje, nenkryetari i Shoqates "Pronesi me Drejtesi", Ahmet Sulstarova.

 

Ligji "Per Kthimin dhe Kompensimin e pronave" u miratua rreth nje muaj me pare nga Kuvendi i Shqiperise pa pranine e opozites, e cila e braktisi seancen pas mosmarreveshjeve te krijuara ne ate kohe per Kryetarin e Komitetit te Kthimit te Pronave. Ky ligj u kritikua edhe nga OSBE-ja per mungese konsensusi dhe duket se kjo ka qene edhe arsyeja kryesore qe e detyroi Presidentin Moisu ta riktheje ne Kuvend ate, ku gjithcka pritet te vendoset seancen e ardhshme.
 
------------

Moisiu: Ligji te fitoje konsensus 
E Premte, 23 Korrik 2004

Presidenti i Republikes, Alfred Moisiu, mirepreti dhe vleresoi vendimin e djeshem te Kuvendit te Shqiperise per te pranuar dekretin e 2 korrikut "Per kthimin e ligjit te pronave". Me kete rast, Presidenti shprehu bindjen se "forcat politike te perfaqesuara ne Kuvend, do ta perdorin me pergjegjesi kohen ne dispozicion per te bere ndryshimet e propozuara ne dekret, ne menyre qe ligji njeheresh te permiresohet dhe te fitoje konsensusin e nevojshem".

 

Presidenti Moisiu, ne verejtjet e tij per ligjin, ishte shprehur se ai nuk reflekton plotesisht piken e pare te marreveshjes se partive politike te 18 dhjetorit 2002. Ne te njejten kohe, Kreu i Shtetit, kishte konstatuar edhe "angazhime politike ne nje perqindje jo te vogel, te cilat jane kunder zgjidhjeve ne aspekte te vecanta te ligjit". Sipas Predidentit, nje pjese e forcave politike, te cilat drejtojne nje pjese te konsiderueshme te bashkive, komunave, qarqeve dhe keshillave perkates, kane deklaruar mosnjohjen e ligjit dhe angazhimin politik per ta ndryshuar ate ne rast ndryshimi ne qeverisje, gje qe e cenon integritetin, besueshmerine dhe hapesiren per veprim te procesit te zbatimit te ligjit.

------------------

Rishqyrtimi i ligjit, nje veprim i nxituar 
E Premte, 23 Korrik 2004

Kryetari i Partise demokratike, Sali Berisha e ka konsideruar dje, si nje veprim te nxituar futjen ne rendin e dites, dekretin e Presidentit Alfred Moisiu per ligjin e pronave. Ne kete kuader, ai i kerkoi edhe Kryetarit te Kuvendit, Servet Pellumbi, qe kjo pike te shtyhet, sepse sipas Berishes, ky ligj ka nevoje per permiresime me te medha per shkak te deformimeve qe i jane bere. "Rikthimi i ketij ligji perben nje mundesi reale per Kuvendin, per ta shqyrtuar ne teresi ate, per ta bere ne perputhje me Kushtetuten e Shqiperise. Duhet te kemi nje mirekuptim per kete", ka deklaruar dje, kreu demokrat. Gjithashtu, sipas Berishes, ky ligj nuk synon gje tjeter vecse zhvillimin e prones dhe ne pergjithesi te vendit. Nderkaq, ai ka shkembyer replika edhe me Kreun e grupit socialist, Gramoz Ruci dhe zevendeskryeministrin, Namik Dokle, ku te tre perdoren lojra fjalesh per te "sulmuar" njeri-tjetrin.
 
------------------------------

http://www.kohajone.com/ 23 Korrik 2004

NANO-BERISHA, PAKTI PER PRONAT

 

Oli Xhilaga

 

Periudha e (lumtur( qe po kalon marredhenia Nano-Berisha u konkretizua ne seancen e djeshme plenare ku deputetet miratuan me shumice votash, dekretin e presidentit Moisiu, sa i takon ligjit per kthimin dhe kompensimin e pronave. Keshtu gjate kesaj seance, deputetet e konsideruan si te domosdoshem rishikimin e ligjit, pikerisht ne ato nene te cilat jane kontestuar nga institucioni i presidences. Ky dekret u miratua me 96 vota pro, kundrejt nje vote kunder dhe 9 votave abstenim. Krere te partive te vogla, si Skender Gjinushi dhe Maksim Begeja deklaruan dje se argumentat pse Moisiu e ktheu ligjin ne Kuvend, nuk jane tamam ato qe i interesojne pronareve. Gjate diskutimit te tyre deputetet kerkuan qe ligji te rishikohet dhe ne disa momente te tjera, te konsideruara prej tyre si te papranueshme. Madje ishte vete shefi opozitar, Berisha, i cili kerkoi nje ristudim ne teresi te ketij ligji. Por kundrejt kesaj kerkese kane reaguar deputetet mazhoritare, te cilet kembengulen ne shqyrtimin vetem te atyre ceshtjeve qe jane rikthyer nga presidenti dhe pikerisht rishqyrtimi i nenit 6 dhe atij 15 per kryetarin e KSHKKP-se. Por dhe gjate kesaj seance, ishin te pranishme kunderveniet midis deputeteve, te cilet nuk mund te mos permendnin gjate fjales se tyre epitetet dhe krahasimet per njeri-tjetrin. Keshtu lideri demokrat, Berisha, kesaj here duke vene ne dukje rendesine e ketij ligji, beri nje krahasim midis parlamentareve socialiste dhe kreut te tyre Nano. (Nuk mund te votojme nje ligj, i cili thote merrja Colit dhe jepja Lolit(, u shpreh Berisha nga foltorja e Kuvendit, pikerisht ne momentin kur ai u beri ftese deputeteve mazhoritare qe te ulen me opoziten per te diskutuar, sa i takon zgjidhjes korrekte te problemit. Ky moment, i cili krijoi konfuzion ne salle, u pasua me kundervenien qe beri ne emer te grupit te tij socialist Gramoz Ruci. (Formula e Colit dhe e Lolit nuk funksionon ne mazhorancen socialiste. Kujtoj, anetaret opozitare ne komisionet e Ekonomise dhe te Ligjeve rane dakord me projektligjin ne fjale, por meqenese ndryshoi qendrim Coli, edhe Lolet e juaj e ndryshuan mendimin(, u kunderp-rgjigj Ruci ndaj liderit Berisha. Megjithate seanca e djeshme plenare vendosi qe shqyrtimi mbi pikat e kontestuara nga presidenti te zhvillohet ne seancen e dates 29 korrik. Ne kete menyre, deputetet do te paraqesin amendimet e tyre, sa i takon verejtjeve te bera nga presidenti, ne komisionet parlamentare, per te diskutuar dhe per t'i kaluar me pas ne seance, e cila do te beje dhe finalizimin e ketij ligji te tejzgjatur.

 

Opozita

 

Qe ne fillim te diskutimit lidhur me dekretin e presidentit, opozita kerkoi qe ky shqyrtim te behet ne menyre te ngadalte dhe te mos mbyllet qe ne kete seance. Madje opozita parlamentare duke iu referuar ketij dekreti, propozoi qe ligji per kthimin dhe kompensimin e pronave te ristudiohet ne teresi dhe jo vetem ne ato pika qe eshte kontestuar nga presidenti. Gjithashtu, demokrati Jemin Gjana, duke u ndalur ne nenin 15 te ketij ligji, hodhi poshte pretendimet e pozites, e cila akuzoi PD-ne per braktisjen e seances. Sipas socialisteve, demokratet braktisen seancen pasi kerkonin qe kryetari i KSHKKP-se, te ishte kompetence e tyre. (Ne kerkojme qe te kuptohet koncepti i institucionit te balancuar, keshtu nese ju do te pranoni nje koncept te tille bashkepunojme, perndryshe mbani ligjin ashtu sic e keni miratuar(, theksoi Gjana lidhur me kete ceshtje. Gjithashtu, Gjana u ndal dhe ne disa momente te tjera te ketij ligji, te cilat jane ende te paqarta, si per shembull dhenia e kontratave te atyre banesave te cilat nderkohe njohin dhe ish-pronaret. Po ashtu paqartesi ka dhe ne momentin kur flitet per njohje te kufizuar te pronave apo te pakufizuar te atyre. Ardhur ne kete pike, opozita kerkoi qe te rishikohet ne teresi ky ligj. Por kjo kerkese u hodh poshte nga mazhoranca, e cila theksoi se ligji ne thelb eshte i rregullt. Ndersa sa i takon pikave te kontestuara nga presidenti, mazhoranca socialiste pranoi qe ato te shqyrtohen ne seancen e ardhshme.

 

----------------------------------

 

Me 100 vota pro, 1 kundër dhe 9 abstenime, Kuvendi vendosi të rishqyrtojë nenet që kontestoi presidenti

 

Pronat, ligji do të rishqyrtohet edhe njëherë nga e para

 

PD: Duam që ligji të rishqyrtohet në tërësi. PS: Vetëm nenet që kontestoi presidenti

 

A.Rama

 

TIRANE- Opozita ka edhe një javë kohë në dispozicion për të paraqitur amendamenet që do t’i bashkangjiten ligjit “Për kthimin dhe kompensimin e pronave ish -pronarëve” i kthyer nga presidenti me disa vërejtje teknike disa javë më parë. Parlamenti vendosi dje me shumicë votash, (100 vota pro, 1 kundër dhe 9 abstenime) të pranojë dekretin e presidentit, ndërsa komisionet parlamentare do të mblidhen për të shqyrtuar amendamentet dhe përmirësimet që do t’i bëhen projektligjit përfundimtar, duke u bazuar në vërejtjet që ka bërë presidenti. Ndonëse qëndrimi i palëve, për çështjet që duhet të përmirësohen në ligj ishte krejtësisht i ndryshëm, kryetari i grupit parlamentar të PS-së, Gramoz Ruçi kërkoi që miratimi përfundimtar të shtyhet për javën tjetër, me qëllim që konsensusi të jetë sa më i gjerë, ashtu siç ka kërkuar kreu i shtetit në dekret. Ndërkaq PS-ja ofroi ndryshimin e formulës së përbërjes së Komitetit Shtetëror për Kthimin dhe Kompensimin e Pronave, duke propozuar që ai të jetë i balancuar me nga 3 përfaqësues të pakicës dhe shumicës, ndërsa kryetari të zgjidhet nga Parlamenti. Ruçi gjithashtu propozoi kriteret kur do të shkarkohet një anëtar i KSHKKP-së, por ai e konsideroi antikushtetues argumentimin e presidentit që ligji i miratuar nuk njihej dhe për pasojë nuk do të zbatohet nga drejtuesit e disa njësive vendore. Ruçi, duke kundërshtuar debatet për ligjin në tërësi që u mbajtën dje nga disa deputetë, tha se kjo ishte një çështje e mbyllur dhe se Parlamenti do të përmirësonte vetëm nenet që lidheshin me vërejtjet e Moisiut. Ndërkohë kreu i selisë blu, Sali Berisha, vërejti se ligji duhet të shqyrtohej në disa çështje të rëndësishme, pasi ai kufizonte të drejtën kushtetuese të pronës e parashikuar me ligj duke pohuar njëkohësisht se në trojet bregdetare po vazhdonte vjedhja e tyre. Nënkryetari i grupit të PD-së, Jemin Gjana, tha se rezervat e opozitës për këtë ligj, nuk kufizoheshin vetëm në çështje se nga kush do të zgjidhet kryetari. “Ne kemi kërkuar ndërtimin e një institucioni të pavarur nga qeveria. Ligji i miratuar ka shkelur principet themelore, që lidhen me vlerën e tregut dhe kufizimin e pronës. Çështja kryesore që duhet riparë për të cilën ne nuk kemi qenë dakord edhe gjatë miratimit, janë dhëniet me koncesione të trojeve të ndryshme personave të tretëve. Ka një vendosje paralele institucionesh, që do të rrëzojnë vendimet e njëra-tjetrës. Ndërsa deputeti Dashamir Shehi, tha se ligji duhet riparë, pasi në aspektet kryesore, ai nuk ndryshon shumë nga mentaliteti i sistemit socialist për pronën, duke paragjykuar pronarët e mëdhenj, duke përcaktuar kthimin ose kompensimin deri në 60 ha tokë. “Kush do të paguajë lekët për trojet e zëna masivisht nga ndërtimet pa leje të viteve të fundit. Konsensusi që kërkohet të arrihet për çështjen e kryetarit të KSHKKP-së është një butafoni politike pa asnjë vlerë.

 

Neni 15/ Komiteti Shtetëror i Kthimit dhe Kompensimit të Pronave
për zbatimin e këtij ligji ngarkohet KSHKKR. Komiteti shtetëror përbëhet nga 5 anëtarë të cilët emërohen dhe shkarkohen nga Kuvendi. Një anëtar propozohet nga qeveria, 2 nga pozita, 2 nga opozita. Anëtari i propozuar nga qeveria është kryetari i kësaj strukture.

 

Neni 16 Kompetencat e Komitetit Shtetëror
a)shqyrton dhe merr vendim për ankesat ndaj vendimeve të komisioneve vendore në lidhje me anën proceduriale të zbatimit të ligjit ose në dhënien e vendimit me përjashtim të rastit të parashikuar në nenin 19 të këtij ligji
b)merr vendime për njehsimin e praktikave në procesin e kthimit dhe kompensimit të pronave dhe për zbatimin e ligjit
c) emëron dhe shkarkon nga detyra kryetarin dhe anëtarët e komisioneve vendore të kthimit dhe kompensimit të pronave

 

-------------

Moisiu: Pronat, PS e PD të gjejnë konsensusin

 

N.Perndoj

 

Presidenti i Republikës, Alfred Moisiu, vlerësoi vendimin e djeshëm të Kuvendit të Shqipërisë për të pranuar dekretin për kthimin e ligjit “Për kthimin dhe kompensimin e pronës”. “Me këtë rast, presidenti shpreh bindjen se forcat politike të përfaqësuara në Kuvend, do ta përdorin me përgjegjësi kohën në dispozicion për të bërë ndryshimet e propozuara në dekret, në mënyrë që ligji njëherësh të përmirësohet dhe të fitojë konsensusin e nevojshëm”, -thuhet në njoftimin për shtyp të Presidencës. Kuvendi miratoi dje në parim dekretin e presidentit të Republikës, Alfred Moisiu, për disa ndryshime në ligjin “Për kthimin dhe kompensimin e pronave”. Me 100 vota pro, 1 kundër dhe 9 abstenime deputetët kanë pranuar dekretin e presidentit Moisiu për kthimin në Kuvend të ligjit të pronave. Propozimet e presidentit Moisiu për ligjin e pronave do të shqyrtohen në komisionin parlamentar të Ligjeve dhe atë të Ekonomisë, për të kaluar më pas për votim në Parlament