23102004

Levizja per Zhvillim Kombetar e Zogut, ne kuvend me 5 anetare te rinj

Lajmi i ores 9:30 AM

TIRANE (23 Tetor) - Pese deputete te tjere pritet t'i bashkangjiten Levizjes se Zhvillimit Kombetar. Per te afruar keta deputete, nga Oborri Mbreteror kane filluar edhe bisedimet. Ato do te perqendrohen ne percaktimin e menyres se bashkepunimit, nese ai do te jete per shkrirjen ne nje grup kuvendor, ose ne afrimin e qendrimeve dhe angazhimit te dy grupeve ne Kuvend. Burime te besueshme thane se deputeti i Partise Demokratike te Rinovuar, Dashamir Shehi ka biseduar me perfaqesues te LZHK-se, ndersa po dje eshte zhvilluar mbledhja e zgjeruar e Grupit parlamentar te LZHK-se. Shehi e pohoi kete nisme, por nuk komentoi mbi emrat e mundshem qe do te bashkoheshin ose jo me LZHK-ne. ro/ro(Balkanweb)

Faqja 6 - POLITIKE

Tetor 23, 2004

Para zgjedhjeve, grupi i Mbretit pretendon të jetë grupi i tretë

Grupi i Zogut në Kuvend me 5 anëtarë të rinj

Braçe: S'bëhet qeveria me agallarë si Spartak Poçi

Denion Ndrenika

Rreth 3-5 deputetë do të bashkohen me Grupin Kuvendar të Lëvizjes për Zhvillim Kombëtar të Leka Zogut. Burime nga Oborri Mbretëror thanë dje për "Gazetën" se po zhvilloheshin bisedime mes deputetëve dhe grupit të sotëm.

LAJMI

TIRANE

Pesë deputetë të tjerë pritet t'i bashkangjiten Lëvizjes së Zhvillimit Kombëtar. Për të afruar këta deputetë, nga Oborri Mbretëror kanë filluar edhe bisedimet. Ato do të përqëndrohen në përcaktimin e mënyrës së bashkëpunimit, nëse ai do të jetë për shkrirjen në një grup kuvendor, ose në afrimin e qëndrimeve dhe angazhimit të dy grupeve në Kuvend. Burime të besueshme thanë se deputeti i Partisë Demokratike të Rinovuar, Dashamir Shehi ka biseduar me përfaqësues të LZHK-së, ndërsa po dje është zhvilluar mbledhja e zgjeruar e Grupit parlamentar të LZHK-së. I pyetur nga "Gazeta", Shehi e pohoi këtë nismë, por nuk komentoi mbi emrat e mundshëm që do të bashkoheshin ose jo me LZHK-në.

Negociatat
"Ne jemi në negocime me Lëvizjen për Zhvillim Kombëtar, por ende nuk ka ndonjë gjë, sepse thjesht po bisedojmë",- tha Shehi. Sipas tij, "emrat e deputetëve që po bisedohet nuk kanë rëndësi" dhe "unë si Dashamir e kam shprehur edhe më parë qëndrimin se jam i predispozuar për të ndihmuar LZHK-në, për të zgjeruar bashkëpunimin dhe për të rritur forcën". Këto qëndrime të Shehit sipas burimeve mbretërore, vërtetojnë se LZHK po përvijohet si forca e tretë në Kuvend, nëse do të përmblidhen të gjithë deputetët. Po kështu, burimet nga Oborri Mbretëror saktësuan se mund të jenë 3-5 deputetë që po negociojnë për t'u afruar me grupin aktual të LZHK-së dhe më tej se bëhet fjalë për Grupin e së Djathtës që drejtohet nga Uran Metko. Vetë Metko nuk konfirmoi asgjë, ndërkohë që burimet mbretërore saktësuan se po diskutohej edhe për formën e bashkëpunimit. "Gjatë mbledhjes së djeshme të Grupit Parlamentar të LZHK-së dhe në disa bisedime në mbrëmje, kemi diskutuar mbi dy mënyra bashkëpunimi. Së pari; për bashkërendimin ose bashkëpunimin e qëndrimeve mes grupeve të mësipërm, pra të LZHK-së dhe të Djathtë ose shkrirjen në një grup të vetëm të tyre. Mënyra e fundit do të nxirrte 8-10 deputetë për LZHK-në"-thanë burimet mbretërore. Ato shtuan me rezerva se disa deputetë besohej të ishin regjistruar që dje në grup, por dhe se duke nisur që sot dhe deri të hënën pritet përmbyllja e të githa negociatave dhe dalja me qëndrimin përfundimtar.

Begeja: Në janar do të kemi 10 deputetë në grup

Maksim Begeja, kryetar i grupit ka pohuar se ka bisedime me disa faktorë dhe po ashtu se ka shumë të ngjarë, që sipas ecurisë së deritashme, grupi i LZHK-së, të cilin e drejton ai, do të jetë me më shumë se dhjetë deputetë. Por, Begeja ka saktësuar se zgjerimi do të përcaktohet në janar me rikonfirmimin e grupeve për sesionin e ardhshëm të Kuvendit dhe se atëherë do të deklarohen vetë deputetët, të cilët vlerësojnë se përse do të bashkohen me LZHK-në, për platformën e saj larg interesave të partive të mëdha. Sipas Begesë, janë tre deputetë të grupit të Djathtë që janë pranë LZHK-së. Ndërkohë, Begeja u shpreh mosbesues për afrimin e deputetëve nga partitë e mëdha, por nuk përjashtoi mundësinë që ndonjë prej tyre, përfshi nga PD-ja, të bashkohej me lëvizjen mbretërore.

Qeveria fillon ndryshimet me zëvendësministrat

Pesë zëvendësministra dhe një prefekt janë lëvizur nga detyra. Në mbledhjen e qeverisë dje janë miratuar lëvizjet paralele të numrave dy të disa ministrive. Kështu, Arben Isaraj u emërua zëvenëdsministër i Rendit Publik në vend të Thoma Janos. Arben Ahmetaj u emërua zëvendësministër i Integrimit në vend të Besnik Barajt, i cili nga ana tjetër zëvendëson Pavli Zërin në Ministrinë e Mbrojtjes. Pajtim Bello rikthehet zëvendësministër i Industrisë dhe Energjetikës ku zëvendëson Arben Ahmetajn, ndërsa vendin e vetë Bellos në Pushtetin Vendor dhe Decentralizim e zë Paqësor Zeneli. Ky i fundit, është liruar nga detyra e Prefektit të Korçës për t'u zëvendësuar nga Pandi Peleshi.

Në foto: Ambasadori i Shqipërisë në Paris, Ferit Hoxha

Ambasadori tregon për arsenalin e armëve në ambasadë. Ministria e Jashtme: Armët, në të gjitha ambasadat perëndimore që në kohën e regjimit

"Armët ia dorëzova policisë franceze"

Ambasadori ynë në Paris: "Kishte kallashë, pistoleta dhe fishekë"

Z. Ambasador, si është e vërteta armëve në ambasadën Shqiptare në Paris?
Po është e vërtetë që unë kam gjetur një sasi armësh menjëherë sapo jam emëruar Ambasador i Shqipërisë në Paris. Isha i shqetësuar për praninë e tyre në mjediset e ambasadës armët dhe sidomos për sigurinë e personelit. I kam kërkuar Ministrisë së Punëve të Jashtme që të gjenim një zgjidhje në mënyrë që t’i largonim nga mjediset e ambasadës, t’i çonin ose në Shqipëri ose t’ua dorëzonim autoriteteve franceze. U vendos që t’i dorëzoheshin policisë franceze në bazë të konventave ndërkombëtare.
E mbani mend sa armë ishin dhe të çfarë lloji?
Ka qenë një sasi e konsiderueshme. Lloje të ndryshme armësh, disa automatikë, pistoleta, një sasi fishekësh etj. Besoj se duhet të kenë ardhur në ambasadë që nga vitet ’70.
A ishin në gjendje pune?
Po, ishin në gjendje pune. Kanë qenë të paketuara.
Si mendoni se mund të ketë mbërritur deri në Paris gjithë ai arsenal armësh?
Kjo është dicka që e di vetëm Ministria e Jashtme. Unë nuk kam punuar në kohën e regjimit të asaj kohe, por mendoj se duhet të kenë ardhur me postë diplomatike. Posta diplomatike nuk kontrollohet. Por, kjo është praktikë diplomatike e njohur. Jam i sigurt që shumë shtete në përfaqësitë e tyre diplomatike aty ky dyshojnë se personeli i tyre është i rrrezikuar kanë armatike ose prani të rojeve të armatosura. Në përfaqësitë diplomatike shqiptar të para ’90-ësh ka pasur shërbime sekrete dhe mendoj se armët duhet të kenë qenë nën kontrollin e tyre.
Si keni komunikuar me autoritetet franceze për t’i dorëzuar armët, a keni hasur probleme?
E kemi bërë me një procedurë diplomatiko-civile. I kemi vënë në dijeni për sasinë e armëve, ata kanë pranuar dhe i kemi dorëzuar. Nuk iu kemi thënë sigurisht se si janë dërguar këto armë përsa kohë që bëhej fjalë për një regjim tjetër, por iu kemi kërkuar bashkëpunimin e tyre përsa kohë ne gjykojmë se nuk jemi të kërcënuar.
Po ambasadorët e tjerë shqiptarë që kanë qenë para jush, a kanë pasur dijeni për armët?
Besoj se po, por kjo ëështë një çështje e tyre p[ërderisa nuk i ka shqetësuar prania e armëve në ambasadë.

Nano, me ambasadoren e re te Frances

Kryeministri Fatos Nano priti ne nje takim Ambasadoren e re te Republikes Franceze ne Tirane zonjen Fransuaz Burollo. Ne fillim te ketij takimi, Kryeministri ambasadores suksese ne kete detyre te re, si dhe garantoi se qeveria shqiptare eshte plotesisht e gatshme qe marredheniet me Francen te jene sa me miqesore e mirekuptuese dhe bashkepunimi dypalesh sa me i ngushte, dinamik dhe efikas. Bashkebiseduesit ndane te njejtin opinion per domosdoshmerine e shfrytezimit maksimal te te gjitha hapesirave te mundshme dhe oportuniteteve per t'i cuar marredheniet konkrete ne lartesine e mirekuptimit politik. Lidhur me procesin e integrimit te Shqiperise dhe vendeve te tjera te rajonit tone ne strukturat Euro-Atlantike, Kryeministri Nano vleresoi ne menyre te vecante rolin, kujdesin dhe vemendjen e vecante te Frances ne kete proces.

http://www.panorama.com.al/

Nano takon ambasadorët e Francës dhe Egjiptit

Kryeministri Nano ka pritur dje takime të veçanta me ambasadoren e re të Republikës Franceze në Tiranë Françoise Bourolleau, si dhe me ambasadorin e Republikës Arabe të Egjiptit, Refat al Ansari. Në takimin me ambasadoren e re franceze Nano e ka garantuar atë se qeveria shqiptare është plotësisht e predispozuar që marrëdhëniet me Francën të jenë sa më miqësore e mirëkuptuese dhe bashkëpunimi dypalësh sa më i ngushtë, dinamik dhe efikas. Ndërkohë që në takimin me ambasadorin arab, Nano ka shprehur besimin në rolin e tij për forcimin e marrëdhënieve dypalëshe. Kryeministri Nano dhe ambasadori Al Ansar vlerësuan nivelin shumë të mirë të marrëdhënieve, veçanërisht atyre politike, mes Shqipërisë dhe Egjiptit, të cilat mbështeten mbi baza të forta miqësore dhe historike.