E Marte, 24 Gusht 2004 http://www.kohajone.com/

SHQIPTARET E DUAN LEVIZJEN E MBRETIT

Mesazh i prof.Teodor Kareco ndaj Levizjes per Zhvillim Kombetar

Naltmadheri,

Une qe po Ju shkruaj jam nje ekonomist me banim prej vitesh ne Detroit te Shteteve te Bashkuara te Amerikes. Per shume vjet kam dhene mesim ne universitet, kam kryer studime qe i quanim "shkencore" ne Akademine e Shkencave te Shqiperise si dhe kam kryer detyra te tjera. Ne momentet e permbysjes formale te komunizmit ne vitin 1991 isha per disa muaj Sekretar i Pergjithshem i Keshillit te Ministrave i caktuar nga Partia Republikane. Duke qene ne epiqendren e vorbulles qe rrotullonte e sterrotullonte komunistet e rinj e te vjeter ne lufte per pushtet, u deziluzionova per entuziazmin fillestar.

Ishte nje kenaqesi e madhe per mua te njihem nepermjet shtypit per nismen Tuaj te vyer "Levizja per Zhvillim Kombetar". Ne kete kohe kur ligjin ne Shqiperi e ben politika dhe politikane te coroditur e te korruptuar, nje levizje e tille eshte shpetimtare per vendin dhe popullin ne lengim. Nga sa e njoh une situaten ne Shqiperi dhe, e njoh jo pak, vetem nje levizje e tille, si te thuash me "duar te pasterta" mund te zgjoje nga gjumi shqiptaret e vertete, ata qe ne dhjetera vjecare kane vuajtur dhe po vuajne nga diktatura e vjeter apo ajo e re qe perdor instrumentet false te te ashtuquajtures "demokraci". Klasa politike, me perjashtime te rralla, eshte cngjyrosur nga kuq i thelle ne roze apo blu. Sot ata kane vetem e vetem nje qellim - te ruajne pushtetin me cdo mjet, per t'u pasuruar pa asnje skrupull. Interesi i vetem i tyre eshte vetem pasuria, aspak vendi dhe populli.

Fatkeqesia eshte se ketyre grupimeve laramane ish-komuniste ju bashkangjiten shume patriote, demokrate, te perndjekur politike. Ata u genjyen nga fasada demokratike e emertimit te kesaj apo asaj partie. Kete e kam ndier ne Shqiperi, turmat e popullit, me synimin e mire per te zhdukur faren komuniste u radhiten ne grupimet qe e quanin veten demokratike. Zhgenjimi ishte i madh. Sot shohim sesi behet lufta vetem brenda llojit, shumica e partive kane te njejtat programe, te njejten ideologji.

-_het nje levizje e vertete

Pjesa e zhgenjyer, ajo pjese e shendoshe e popullit qe sheh me sy realist se c'eshte politika e sotme dhe c'jane politikanet, intelektualet, perfaqesuesit me ne ze te shtresave qe brez pas brezi kane luftuar me te vetmin ideal Shqiperine, duhet objektivisht te bashkohen me Levizjen per Zhvillim Kombetar. Une te pakten nuk shoh nje here per nje here nje rruge tjeter. Madje gjykoj se edhe pjesa e shendoshe e krahut te majte apo te djathte e mashtruar nga drejtuesit e korruptuar politike do te renditen ne krahun Tuaj per hir te Shqiperise, te shtetit ligjor, rregullit, perparimit ekonomik. Politika me e mire sot eshte te bashkojme forcat qe edhe Shqiperia te jete nje shtet dinjitoz ne familjen evropiane, qe shqiptaret te rrojne si njerez.

Me pelqen fakti se, megjithese Levizja per Zhvillim Kombetar ka natyre politike, pa te cilen nuk mund te sigurohet pushteti, ne thelb kjo levizje nuk ka ngjyre politike, nuk perfaqeson parti me vete. Ne te po te flasim ndryshe bashkohen realisht, jo me parulla fallco, te gjithe shqiptaret pa dallim "feje, krahine dhe ideje". Ky eshte nje moment i ri ne politiken tone bashkekohore. Te bejme Shqiperine, te heqim fukarallekun e tejskajshem te nje pjese te mire te popullit, pastaj te luftojme ne rruge ligjore se cili grupim politik do te drejtoje. Kjo nuk perjashton faktin qe vete kjo levizje politike te shnderrohet dora-dores edhe ne parti politike.

Sikunder e kuptoj dhe e konceptoj une, ne kete moment te ri behet thirrje qe, cdo shqiptar, pavaresisht nga perkatesia partiake te perfshihet me te gjitha forcat ne kete levizje. Mua Naltmadheri me ke pa medyshje ne vorbullen e fuqishme te kesaj levizjeje.

Natyrisht varet nga serioziteti i kesaj levizjeje. Personalisht mua m'u perforcua bindja se kemi te bejme me nje Levizje serioze dhe efektive edhe per nje arsye tjeter. Ne balancen midis interesave Tuaja per te trasheguar realisht fronin e Mbretit te Shqiptareve dhe interesave qe ka aktualisht Shqiperia dhe shqiptaret ne lengim, Ju zgjodhet kete te dyten. Si qytetar i nderuar i Shqiperise Ju synoni te zgjidhni problemin e vendosjes se nje shteti ligjor. Kjo do te thosha eshte ABC-ja nga duhet nisur. Forma e regjimit vjen me pas.

Dr. Teodor Kareco
Detroit, USA
E-mail: akareco1164@wowway.com

--------------------------------------------------

E Martë 24 Gusht 2004 http://www.panorama.com.al/

 Faqe 10 – Speciale

feja dhe politika

 intervista

Flet atë Nikollë Marku, drejtuesi i kishës Shën Mëria

“Unë, prifti që mbështes lëvizjen e Leka Zogut”

Nga e dërguara jonë në Elbasan Brikena Demiras

Në kishën e Shën Mërisë në Elbasan, mbretëron qetësia. Është drekë dhe njerëzit akoma nuk kanë filluar të vijnë.

“I zoti” të pret me dashamirësi. Atë Nikollë Marku, përveçse kryen funksionin e tij, i përkushtuar në besimin ndaj perëndisë, ka shprehur edhe mbështetje ndaj platformës elektorale të shpallur së fundi nga pretendenti i fronit mbretëror, Leka Zogu I. Dhe kjo jo pa qëllim. Në thelb të kësaj mbështetjeje qëndron fakti se në këtë platformë, një nga çështjet kryesore është çështja e kishës ortodokse dhe e kreut të saj, që duhet të jetë me gjak shqiptar. Është një çështje që vazhdon prej më shumë se një dekade, dhe ende nuk ka gjetur zgjidhje. Megjithatë, atë Nikollë Marku shprehet se nuk ka mundësi të hedhë kandidaturën për deputet. “Unë do të punoj përkrah mbretit, sepse atje e gjej vetveten”, thotë atë Nikollë Marku. Në një intervistë për gazetën “Panorama”, prifti guximtar, që kundërshton prej 13 vjetësh qenien e Janullatosit në krye të Kishës Ortodokse Autoqefale Shqiptare, sqaron pozicionin e tij në lidhje me politikën dhe çështjen kombëtare.

Njerëzit me statusin tuaj qëndrojnë larg politikës. Sipas një reviste prestigjioze, thuhet që do të jeni deputet i lëvizjes së iniciuar nga Leka I, a është e vërtetë kjo?
Nuk është e vërtetë që unë do të hedh kandidaturën, ky është vetëm një teprim nga ana e disa njerëzve që duan të hapin debate, apo të më fyejnë mua. Unë kam shprehur mbështetjen time ndaj mbretit Leka I, sepse, në radhë të parë, ai është miku im, meqë mbetet një shqiptar i mirë. Së dyti, mendoj që ai trashëgon prej të atit një qëndrim korrekt ndaj kishës. Dua të kujtoj këtu që në kohën e mbretit Zog kisha, jo vetëm që nuk u cënua, por u ndihmua që ta kryejë sa më mirë misionin e vet fisnik. Unë besoj se këtë do të përpiqet të bëjë dhe Leka I, po t’i jepet mundësia.

Pse mendoni që Lëvizja për Zhvillim Kombëtar, e pretendentit të fronit mbretëror, i përmbush edhe aspiratat tuaja?
Mbreti në platformën e tij politike, për çështjen e kishës, ka shpallur si parësor zbatimin e statutit të Kishës Ortodokse Autoqefale Shqiptare. Unë duke parë këtë gjë, aty gjej vetveten, gjej kishën ortodokse shqiptare, gjej ligjin. Megjithatë, atij korrenti politik, asaj partie, atij lideri, a mbreti apo kushdo qoftë, që vjen dhe thotë “Zbatoni statutin e Kishës Ortodokse”, unë i them: “T’i qenke shpëtimtari”. Unë e njoh programin e të gjitha partive politike, por vetëm te kjo lëvizje e gjej vetveten, sepse ajo jep garanci për një autoqefali të njëmendët të Kishës sonë Ortodokse. Shteti shqiptar, ndonëse laik me Kushtetutë, në më shumë se një rast i ka futur hundët në punët e kishës, duke diktuar vullnetin e vet, i nisur nga interesa politike të çastit.

A u lejohet klerikëve të bëhen deputetë?
Jo, në asnjë mënyrë. Edhe nëse në Shqipëri mund të ketë pasur ndonjë rast, unë nuk kam informacion. Unë mjegullnajën mediatike të kohëve të fundit, për gjoja kandidimin tim si deputet, e quaj denigrim të figurës sime, një përpjekje për të hapur debate të pafrytshme, në një kohë që problemet e kishës janë krejt të tjera.

Ku do të qëndrojë mbështetja juaj konkrete ndaj pretendentit të fronit dhe lëvizjes së tij?
Do të qëndroj dhe do të punoj pranë tij vetëm për sa i përket çështjes së Kishës Ortodokse dhe çështjes së kryepeshkopit Janullatos.

Do ta linit rrason e priftit për të ndjekur gjurmët e Fan Nolit, nëse do të zgjidhej kjo çështje?
Jo, nuk do ta hiqja asnjëherë petkun e priftit, pasi kam bërë dy premtime sublime: do luftoj për kombin tim deri në fund, që ai të jetë i përparuar dhe i lulëzuar në paqe dhe do t’u qëndroj pranë grupimeve politike që punojnë për të mirën e kishës ortodokse, pa lënë pasdore veprimtarinë time si klerik. Unë jetën time do ta ndaj në dy kohë. Një pjesë ia kam kushtuar Jezusit, ndërsa pjesën tjetër prosperitetit të kombit tim

Mendoni se kryepeshkopi Janullatos ka mbështetje nga politikanët?
Të gjithë politikanët janë në kaos, nuk udhëhiqen nga parime kombëtare. Çështjen kombëtare e kanë vënë në plan të dytë. Ne nuk kemi politikanë, kemi vetëm njerëz që duan të zënë një vend në Parlament. Një politikan sot duhet të ketë një vizion të qartë të historisë dhe të së ardhmes së vendit të tij. Ai nuk mund ta ngrejë kot kartonin në Parlament për një ligj, nëse nuk njeh historinë e popullit, nëse nuk i shërben popullit. Nuk kam pikë dyshimi që Janullatosi gëzon mbështetjen e Partisë Socialiste. Statuti i Kishës Ortodokse Autoqefale Shqiptare, i vitit 1937, është i qartë në këtë pikë. Ai i ka të gjitha atributet juridike dhe shenjtërore, sepse ka edhe miratimin e Patrikanës së Stambollit. Me këtë statut kisha jonë ishte kisha e fundit në botë që fitoi autoqefalinë.

Nikollë Marku: Unë, me rraso në politikë

Iniciativa e atë Nikollë Markut për t’u “hedhur” në politikë të kujton jetën e Fan Nolit. “Nuk do ta heq rrason për mandatin e deputetit, por do të jem krah Lekës sa kohë që ai mbron autoqefalinë e Kishës sonë Ortodokse”, thotë atë Nikolla. Sipas tij, Noli ka qenë më shumë një burrë shteti sesa klerik, por kjo nuk ia zbeh aspak meritat e pamohueshme në luftën për autoqefalinë e Kishës Ortodokse Shqiptare.

Incidenti në Fikas, atë Nikolla: Kryqet afër kishave

“Përfaqësuesit e komunitetit mysliman në Fikas nuk e mbështetin kërkesën e tyre për ta zhvendosur kryqin me argumente dhe fakte”. Kështu shprehet atë Nikollë Marku, i pyetur në lidhje me incidentin e para disa ditëve në fshatin Fikas, banorët e të cilit ndërtuan një kryq të madh buzë rrugës nacionale. “Mua nuk më takon të flas në lidhje me këtë fakt, sepse nuk kam marrë pjesë në vendimmarrje, por di të them se duhen argumente të forta për të kërkuar heqjen e tij”, thotë ai. Megjithatë, nga ana tjetër, ai shton se “banorët e fshatit nuk kanë pse të ndërtojnë një kryq në një vend kaq dominant, për të mos krijuar incidente me komunitetet e tjera fetare”. Sipas tij, kryqet dhe simbolet kishtare duhet të vihen afër kishave dhe jo në majë të kodrave dhe të maleve. Ndërkaq, banorët e Fikasit e mbështesin veprimin e tyre me faktin se në atë vend kohë më parë ka qenë e ndërtuar një kishë, madje ky fshat është quajtur fshati i kishave, pasi aty ka pasur jo pak, por pesë kisha funksionale.

 ------------------------------------

24/08/2004 http://www.shekulli.com.al/

PR: Ndahemi nga PD nëse nuk na mbështet në maxhoritar

 A.Rama

TIRANE - Republikanët kërcënojnë se, në shtator do të shkëputen nga koalicioni i partive të djathta, në rast se nga Partia Demokratike nuk merren parasysh propozimet e PR për zgjedhjet e ardhshme parlamentare. “PR është e përgatitur që, ndoshta, të përballet edhe e vetme në zgjedhjet e përgjithshme të vitit 2005, nëse këto negociata nuk do të shkojnë në drejtimin e duhur. Gjithsesi, ne shpresojmë që të merremi vesh me PD, për të dalë me një formulë të përbashkët dhe një formulë të listës së përbërë, me mbështetje të përbashkët të kandidatëve në maxhoritar”, - tha Garuli.
Ndonëse fushata elektorale është ende larg, republikanët kanë nxituar të marrin në dorë situatën, duke vendosur kushte paraprake për partinë kryesore të opozitës PD, me qëllim që edhe në zgjedhjet e ardhshme të kenë mbështetjen e saj dhe të sigurojnë përfshirjen e tyre në listën e proporcionalit. Nga ana tjetër kreu demokrat Berisha tha se “PD do t’i marrë të gjitha vendimet për problemet zgjedhore duke zhvilluar bisedime të vazhdueshme me aleatët”. Koalicioni i djathtë rrezikon në këtë mënyrë shpërbërjen, pasi një tjetër lëvizje është ndërmarrë pak kohë më parë nga Mbreti Leka i Parë. Ky i fundit, duke tërhequr pranë vetes edhe ndonjë parti tjetër të djathtë, kërkon të jetë forca e tretë politike në vend.