http://www.kohajone.com/ 26 Maj 2004

PLL KERKON KRIJIMIN E XHANDARMERISE

Per te shtypur krimin dhe shmangur te gjitha pasojat qe rrjedhin prej tij,
legalistet do te paraqesin shume shpejt ne Kuvend nje projektligj te
perpunuar ne lidhje me krijimin e xhandarmerise. Ndaj per te krijuar nje
"arme efikase", qe te luftoje realisht krimin dhe rikthyer besimin e
qytetareve tek shteti, Partia Levizja e Legalitetit kerkon mirekuptimin e
klases politike dhe te opinionit publik, per miratimin me shpejtesi te ligji
ne fjale. Gjate nje deklarate per shtyp, kjo force politike pasi shprehu
shqetesimin e saj te thelle per rritjen e kriminalitetit dhe pasojat
tragjike kunder jetes e pasurise se qytetareve shqiptare, nxorri ne pah
arsyet dhe shkaqet kryesore qe sipas saj tregojne papergjegjshmerine e
organeve te rendit per te ruajtur sigurine publike. Per kete arsye,
legalist`t bene thirrje dje qe per te minimizuar pasojat e krimit ne
shoqerine shqiptare, ligjvenesit parlamentare te mos pengonin kalimin ne
parlament te projektligjit per xhandarmerine.

--------------
PDR: PRONAT, TE LIDHURA NE FIJE TE BARIT

Partia Demokrate e Re vlereson permiresimet e kryera ne projektligjin per
kthimin dhe kompensimin e pronave. Pasi u njohen me avancimin e pjesshem qe
pesoi "Ligji per pronat", reformatoret pershendeten vendimin e komisioneve
parlamentare, per te marre ne konsiderate amendamentet e propozuara prej
tyre per ceshtjen ne fjale. Pikerisht per te komentuar keto ndryshime, dje
kryetari i kesaj force olitike, Genc Pollo, zhvilloi nje konference per
shtyp ne nje nga ambientet e selise se kesaj partie. Gjate fjales se tij,
kreu reformator u shpreh me nota optimizmi rreth pikave ku drafti per pronat
pesoi "korigjimet" perkatese, qe sic i cilesoi ai "kane te bejne me thelbin
e problemit". "Do ta vecoja si teper pozitive vendimin per te marre ne
konsiderate disa nga propozimet tona. Kryesisht ate per kthimin e tokave te
lira ne zonen turistike, njohjen pa kufizim te prones se paluajtshme si dhe
caktimin e qerase se banesave te pronareve ne kushtet e tregut", vleresoi
Pollo. Por pavaresisht ketyre vleresimeve, kryetari i PDR-se nuk preferoi te
bente publike ngjyren e kartonit qe ligjvenesit reformatore do te ngrene per
projektligjin ne fjale, ne seancen e ardhshme plenare. Gjithashtu kreu
reformator nje vemendje te vecante ne deklaraten e tij i kushtoi dhe pikes
se "Tatimit te Jashtezakonshem" mbrapa se ciles fshihet dhe nje kompromis i
mundshem PS-PD, qe ai e percaktoi si "kompromisin e fijes se barit". "Nese
arrin te miratohet projektligji i pronave vetem ne kompromisin mbi Tatimin e
Jashtezakonshem atehere projektligji do te jete shume i manget. Nje
kompromis i tille synon te justifikoje qendrimin mbi pronen te PS dhe PD",
perfundoi fjalen e tij Pollo.


----------------------------------------------------------------------------

http://www.shekulli.com.al/
Debat për shtesat e kateve të ish-pronarëve

TIRANË - Deputetët socialistë kanë propozuar dje, një shtesë në ligjin për
kthimin e kompensimin e pronave ish-pronarëve, në lidhje me shtesat e kateve
të pronave të ish-pronarëve, pasi sipas tyre padrejtësisht ato u janë kthyer
ish-pronarëve. Këtë propozim e ka bërë deputeti Gjergj Koja, i cili ka
kërkuar këtë ndryshim në mënyrë që të mos u jepet ish-pronarëve shtesa e
kateve, pasi janë pronë e shtetit dhe nuk është pronë e tyre dhe nuk e kanë
patur kurrë. Edhe deputeti Gazmir Bizhga, është shprehur se është shumë e
rëndësishme që shtesat e kateve të mos u kthehen ish-pronarëve, pasi janë me
mijëra familje që banojnë në këto shtesa katesh. Ndërkohë që deputeti
socialist Erion Braçe dhe deputeti Petro Koçi kanë deklaruar në këtë
mbledhje se nuk duhet të preket ligji 7501. Nënkryetari i grupit Bardhyl
Agasi mësohet të ketë thënë se duhet të mbështeten shtresa e këtyre njerëzve
të strehuar në këto kate shtesë, të cilët i kanë privatizuar këto banesa. Ai
ka thënë se ish-pronarët i kanë marrë të gjitha pronat e veta, madje kanë
marrë edhe pallatet e shtetit, të cilat edhe i kanë privatizuar. Ndërsa
kryetari i komisionit të Ekonomisë Ylli Bufi është shprehur se për shtesat e
kateve nuk mund të ketë amendime, por edhe nëse miratohet me ligj nuk mund
të ketë fuqi prapavepruese.

----------------------------------------------------------------------------

26/05/2004 http://www.korrieri.com/

PLL: Te krijohet Xhandarmeria
Deputetet legaliste do te paraqesin ne Kuvend, nje projetkligj te perpunuar
per krijimin e armes se Xhandarmerise ne Shqiperi. Kryetari i legalisteve,
Eqerem Spahiu, tha se shpreson ne mirekuptimin e klases politike dhe te
opinionit publik, per konsiderimin dhe miratimin me shpejtesi te ketij
projektligji, i cili do te institucionalizoje rikrijimin e nje arme me
tradite te shkelqyera ne Shqiperi dhe gjetke, ne mbytjen e krimit dhe
rikthimin e besimit te qytetareve tek shteti. "PLL shpreh shqetesimin e saj
te thelle per agravimin e kriminalitetit dhe pasojat tragjike kunder jetes e
pasurise se qytetareve shqiptare", ka theksuar Spahiu.

A.M

----------------------------------------------------------------------------
Pronat rrezikojne koalicionin PD-PR
Republikanet mbledhin sot Komitetin Drejtues. Debat per projektligjin e
pronave dhe per marredheniet politike midis PR dhe PD

Republikanet dhe demokratet gjenden ne udhekryq, persa i perket marrdhenieve
politike midis tyre. Kriza qe po shfaqet, duket se eshte me e renda gjate
ketyre viteve te fundit, pas nje "krushqie" te gjate te mbushur me
buzeqeshje, por edhe me kulisa. Shkak per kete krize eshte bere, sipas
drejtuesve me te larte te PR, mungesa e vullnetit politik te PD, per te
votuar pro projektligjit per pronat te paraqitur nga kreu i republikaneve
Fatmir Mediu dhe deputeti i "Ballit..", Alfred Cako. Nje dite perpara
diskutimit ne Kuvend te projektit alternativ per pronat, te paraqitur nga
disa deputete te PS dhe te mbeshtetur edhe nga OSBE, republikanet kane
vendosur te mbledhin Komitetin Drejtues, ku do te merret vendimi politik
ndaj ketij projektligji, si dhe do te behet analiza e marredhenieve politike
midis PR dhe PD. Drejtuesit e larte te PR deklarojne se, nese nuk do te
merren ne vleresim amendamentet e tyre gjate miratimit te ketij projekti,
atehere votat e deputeteve te PR do te jene kunder. Sipas tyre, ky pritet te
jete edhe vendimi i Komitetit Drejtues te PR. Nderkaq ideologu i
republikaneve, Sabri Godo, ka deklaruar se, nese PD voton pro ketij projekti
te paraqitur nga socialistet, ajo do ta veconte veten nga partite aleate te
djadhta dhe per rrjedhim PR duhet te shqyrtoje me kujdes kete ceshtje ne
forumet e saj, sepse, sipas tij, "kemi te bejme me parime qe s'mund te
preken per hir te interesave te castit". "Bashkimi i opozites, ne veshtrim
te zhvillimeve politike te ardhme eshte nje domosdoshmeri, por duket se
opozita do te pesoje nje carje ne debatin mbi pronen, kryesisht per shkak te
qendrimit te PD", paralajmeron Godo. I ashper ne qendrimet e tij eshte edhe
Sekretari i Pergjithshem i PR, Aleksander Garuli. Sipas tij, PD ka
pergjegjesi te madhe, per kolapsin qe eshte krijuar tani per pronat. "Keto
jane ceshtje programore me rendesi te vecante. PR nuk mund te tradhtoje
programin e saj", ka nenvizuar Garuli. Ndersa kreu republikan Mediu,
perpiqet te hedhe pak "uje ne zjarrin e ndezur", midis PR e PD. Ai e
vlereson si negativ qendrimin e PD ndaj prones. Sipas tij, PD duhet te
kuptoje se ka detyrim ndaj pronareve. "Pavaresisht nga kjo qe ndodhi,
shpresoj dhe gjykoj qe PD do te marre nje qendrim me te qarte politikisht,
ne seancen e rradhes, kur do te diskutohet projektligji qe do te paraqitet
nga pala tjeter. I kerkojme PD-se qe ajo te votoje kunder ketij projekti",
ka nenvizuar Mediu. Persa i perket raporteve midis PR dhe PD, kreu i
republikaneve gjykon se, ato nuk duhen pare ne rrafshin individual, por mbi
baza programesh dhe qellimesh te perbashketa.

A. META

----------------------------------------------------------------------------

PS: Tatimi i Jashtezakonshem, mbetet
Deputetet socialiste do te mbeshtesin ne Parlament projektligjin per kthimin
dhe kompensimin e pronave, te propozuar nga qeveria. Ne mbledhjen e djeshme
te grupit parlamentar te PS, eshte vendosur qe te mos preket neni qe ka te
beje me "tatimin e jashtezakonshem". Me ane te ketij vendimi politik, ligji
i vitit 1945 nuk preket, por formulimi i tij mund te mos jete ne ligjin e
pronave. Nje rruge per te shmangur debatin me PD. Kryetari i Komisionit te
Ekonomise dhe Financave, socialisti Ylli Bufi, ka deklaruar pas mbledhjes se
grupit se, "nuk ka rendesi nese eshte ne ligj apo jo, perseri ajo do te
respektohet". "Nuk eshte ceshtje parimore, por ceshtje qe ka te beje me
shume me menyren sesi ndertohet nga ana legjislative ligji. Besoj se edhe
zgjidhja, duke mos qene ligji eshte e pranueshme. Por do te jete seanca
plenare qe do te vendose nese do te jete apo jo ne ligj ky nen", tha Bufi.
Sipas socialisteve, projektligji i pronave nuk synon te abrogoje ligje te
meparshme. Deputeti i PS, Elmaz Sherifi, pohon se kjo "do te thote qe te
tere ata, te cilet jo per arsye politike, por se nuk kane zbatuar ligjet e
shtetit shqiptar e u jane konfiskuar pasurite, do te thote qe nuk i fitojne
me ato". "Kjo do te thote qe ky ligj nuk abrogohet dhe nuk mund te bejme nje
veprim i cili bie ne kundershtim me pikerisht me frymen e ketij ligji", u
shpreh Sherifi. Duke marre parasysh kete vendim, pritet qe socialistet dhe
demokratet te debatojne ashper, kur te diskutohet projektligji per pronat,
ne piken qe ka te beje me "tatimin e jashtezoknshem". Nderkohe demokratet
kerkojne qe ky nen i ligjit te abrogohet.

E. GJ
----------------------------------------------------------------------------


"PS-PD, kompromis i brishte per pronen"

Kryetari i Partise Demokrate te Re, Genc Pollo, tha dje se per projektligjin
per pronat deri me tani jane miratuar kater nga nente amendamentet e
paraqitura nga PDR. Sipas tij, nder amendamentet e miratuara vlen te vecohen
ato te cilet vendosin perfundimisht: kthimin e tokave te lira ne zonen
turistike kodrinore-malore, si dhe tokave ne bregdet pronarit te ligjshem;
njohja pa kufizim e prones se paluajtshme, si dhe caktimin e qerase se
banesave te pronareve ne kushtet e tregut; trojet e godinat me interes
publik, ne rast tjetersimi, u kthehen pronareve dhe kur leshohen me qera u
jepen vetem pronareve. "Ky eshte nje avancim i pjesshem i platformes se PDR.
Nderkaq amendamentet e tjera jane gjithashtu shume te rendesishme sepse kane
te bejne me thelbin e Ligjit per Pronat: kthimin e tyre tek pronari i
ligjshem. Ne rast se keto amendamente nuk do te miratohen, PDR do te
konsideroje qendrimin e saj final ne votimin e projektligjit", ka nenvizuar
Pollo. Kreu i PDR e cilesoi kompromisin e mundshem PD- PS mbi "tatimin e
jashtezakonshem", si "kompromisin e fijes se barit". Sipas tij, nese arrin
te miratohet projektligji i pronave vetem ne kompromisin mbi tatimin e
jashtezakonshem, atehere ligji do te jete shume i manget. Nje kompromis i
tille, vijoi Pollo, synon te justifikoje qendrimin mbi pronen te PS dhe PD.
"Tatimi i jashtezakonshem eshte nje ceshtje e rendesishme
historiko-ideologjike, por ka fare pak ndikim real ne ceshtjen e prones", ka
nenvizuar Pollo.

A.M

----------------------------------------------------------------------------

© 2003 Gazeta Panorama http://www.panorama.com.al/




 PS: Kufiri kompensimit 100 hektarë

"Nuk ka shpronësime për konfiskimet e vitit 1945"

Faqe 5 - Politikë
26Maj 2004

ligji i pronave
kompensimi

Grupi i deputetëve socialistë vendosi dje të propozojë në seancë maksimumin
e kthimit të pronave

Luljeta Progni

Mazhoranca socialiste ka marrë dje vendimin politik që të kompensojë me jo
më shumë se 100 ha, ish-pronarët e mëdhenj të tokave.

Sipas këtij vendimi, pavarësisht se ku mund të ndodhet toka e secilit prej
pronarëve, në bregdet apo në mal, nëse ajo ka mundësi kompensimi fizik do të
realizohet brenda kufirit 100 ha, në të kundërt, kompensimi do të bëhet
financiarisht. Megjithëse ligji për pronat u rikthye për diskutim nëpër
komisione, duket se nuk është marrë në shqyrtim asnjë amendament i paraqitur
nga opozita. Varianti i ligjit për pronat do të kalojë në seancën e së
enjtes pa asnjë ndryshim thelbësor. Gjatë seancës së diskutimit të këtij
ligji, pritet të ketë një debat të ashpër mes pozitës dhe opozitës në lidhje
me këtë çështje, ku dhe do të përcaktohet varjanti përfundimtar për ligjin
për pronat. Sidoqoftë, ligjëvënsit socialistë kanë vendosur dje sërish që të
mos preket Ligji 7501 duke lënë të hapura por pa hapësira konkrete për t´u
ndryshuar disa nene të tjera të projektligjit për pronat. "Ne nuk mund të
ecim në logjikën e shpronësimit, sepse shpronësimi është bërë në një moment
të caktuar në bazë të një situate konkrete dhe të një ligji konkret. Kjo do
të thotë se nuk do të ketë shpronësime për ato ligje që janë nxjerrë që nga
viti 1945. Për ata që i kanë fituar banesat padrejtësisht do të gjejmë një
zgjidhje, e cila do t´u japë zgjidhjen e mundëshme edhe atyre që janë cënuar
padrejtësisht, por nuk ua marrim pronën, nuk ua konfiskojmë pronën. Kjo do
të thotë që edhe latifondistëve nuk do t´u jepen 2000 ha, por do t´u jepen
aq hektarë sa janë përcaktuar në ligjin e vitit 1993", tha sekretari për
burimet njerëzore në PS, Elmaz Sherifi. Sekretari socialist për marrëdhëniet
me publikun, tha se kompensimi me 100 ha tokë ishte vetëm një propozim, por
pritet që në seancën ku do të diskutohet ligji për pronat, të vendoset
përfundimisht edhe kjo pikë e prikejtligjit për tokat. Të njëjtën gjë ka
pohuar edhe nënkryetari i Komisionit të Bujqësisë, Niko Faberi.

Ruçi - Liponen
Kryetari i grupit parlamentar socialist Garmoz Ruçi, ka patur takime
intensive me deputetë, ekspertë, por dhe me ambasadorin e OSBE-së në Tiranë,
Osmo Liponen, ku është folur për projektligjin për pronat. Pasi është
konsultuar me deputetë të Komisionit të Ekonomisë, Ligjeve dhe atë të
Bujqësisë, Ruçi ka pasur një takim me Liponenin, ku është vendosur që ligji
për pronat të kalojë në Parlament në disa nene të tij, në tri variante.
Kalimi në tri variante i disa prej neneve të ligjit për pronat, ka lënë të
hapur mundësinë për konensus mes PS-së dhe PD-së gjatë votimit. Megjithatë,
hapësirat e opozitës për të arritur pretendimet e veta për ligjin për pronat
janë të vogla. Nga ana tjetër, mazhoranca socialiste ka vendosur tashmë
variantin e saj përfundimtar, pavarësisht pretendimeve të ish-pronarëve, të
opozitës apo edhe sugjerimeve të ndërkombëtarëve. I vendsur si një ndër
kushtet kryesore të ndërkombëtarëve për anëtarësim të Shqipërisë në BE,
zgjidhja e çështjes së pronave, duket se do të marrë drejtim, pavarësisht se
pas votimit të këtij ligji do të mbeten të pakënaqur mjaft prej
ish-pronarëve. Sugjerimet e herpashershme të ndërkombëtarëve për Shqipërinë
në lidhje me këtë cështje, kanë qenë që, qeveria shqiptare t´u kërkojë falje
ish-pronarëve për pamundësinë e kthimit të plotë të pronave.



Reformatorët përshëndesin pranimin e 4 amendamenteve
Pollo: PS-PD po diskutojnë "për fije bari"

Reformatorët e vlerësojnë të mangët ligjin për pronat, nëse ai do të
miratohet sipas kompromisit PD-PS për tatimin e jashtëzkonshëm. Ata e
vlerësojnë si "kompromisin i fijes se barit", marrëveshjen mes dy partive të
mëdha për këtë çështje. "Nëse arrin të miratohet projektligji i pronave
vetëm me kompromisin mbi tatimin e jashtëzakonshëm, atëherë projektligji do
të jetë shumë i mangët. Një kompromis i tillë është paliativ dhe synon të
justifikojë qëndrimin mbi pronën të PS-së dhe PD-së", tha dje kryetari i
PDR-së, Genc Pollo. Ai ka vlerësuar avancimet e bëra në komisionet e
ekonomisë dhe të ligjeve, të amendamenteve të paraqitura prej tyre në
Parlament. Ai tha se pjesa e mbetur e amendamenteve të PDR-së do të synohet
të miratohet në Parlament në seancën e votimit të ligjit për pronat. Në
Komisionin e Ekonomsië dhe të Ligjeve janë miratuar 4 nga 9 amendamentet e
paraqitura nga PDR-ja për ligjin për pronat.



PD, vota për pronat në dilemë

Edhe pse kanë zhvilluar një mbledhje urgjente të Grupit Parlamentar për të
dalë me një qëndrim për projektligjin e kthimit dhe kompensimin e pronës në
seancën pleanare të së enjtes, demokratët ende gjenden në dilemë, nëse do të
mbështesin aleatët e tyre apo do të majftohen vetëm me abrogimin e Ligjit
për Tatimin e Jashtëzakonshëm.



Tatimi i Jashtëzakonshëm
PS-ja devijon PD-në në Gjykatën Kushtetuese

Ligji për tatimin e jashtëzakonshëm konsiderohet çështje e mbyllur për
mazhorancën socialiste. Socialistët kanë vendosur që t´i lënë hapësirë PD-së
që të kërkojë rishqyrtimin e këtij ligji në Gjykatën Kushtëtuese, dhe më pas
do të respektojnë vendimin e kësaj gjykate për këtë çështje. "Tatimi i
jashtëzakonshëm është çështje e mbyllur, pasi do të repsektojmë vendimin e
Gjykatës Kushtëtuese, ndërkohë që i lëmë hapësirë opozitës të propozojë
rishikimin e këtij vendimi", tha dje për "Panoramën" nënkryetari i
Komisionit të Bujqësisë, Niko Faberi. Megjithatë, socialistët e konsiderojnë
si një çështje teknike dhe aspak politike. Kryetari i Komisionit të
Ekonomisë, Ylli Bufi, tha se PS-ja do të respektojë vendimin e Gjykatës
Kushtëtuese, duke i lënë të drejtën opozitës të paraqesë pranë kësaj gjykate
rishqyrtimin e këtij ligji. "Ka një ligj të vitit 1945, për të cilin është
shprehur Gjykata Kushtetuese dhe për çdo vendim të Gjykatës Kushtetuese pa
dyshim i gjithë legjislacioni që bëhet objekt gjykimi rishikohet. Ai vendim
i Gjykatës Kushtetuese do të zbatohet për aq sa është në fuqi. Nëse
ekspertët do të gjykojnë që nga pikëpamja teknike nuk duhet të jetë, atëherë
nuk do të jetë. Pra, nuk është çështje politike", tha Bufi. Ndërsa deputeti
socialist, Emaz Sherifi, e shikon të pamundur abrogimin e këtij ligji. "Të
gjithë atyre që jo për arsye politike, por ngaqë nuk kanë zbatuar ligjet e
shtetit shqiptar, u janë konfiskuar pasuritë, do të thotë që nuk i fitojnë
ato pasuri. Kjo do të thotë që ky ligj nuk abrogohet dhe ne nuk mund të
bëjmë një veprim që bie në kundërshtim pikërisht me frymën e këtij ligji"
,tha dje Sherifi.


 © 2003 Gazeta Panorama

Faqe 8 - Politikë
26Maj 2004

Kryerepublikani u bën thirrje demokratëve të mos aprovojnë variantin e
OSBE-së

Mediu: Për pronat lëmë PD-në

"Absurde heqja e Tatimit, pa abroguar Ligjin 7501"


Elisabeta Ilnica

Partia Republikane mund të sakrifikojë koalicionin me selinë blu për të
mbrojtur programin e saj, në themel të të cilit qëndron e drejta e pronës.

"Gjyqi" i nesërm parlamentar, veç çështjes së pronave, do të vendosë
përfundimisht edhe mbi marrëdhëniet PD-PR. Ligji 7501 nuk është më vetëm një
"siklet" i ish-pronarëve, por edhe i forcave politike të opozitës. Kreu
republikan, Fatmir Mediu, teksa është prononcuar për "Panorama", i ka bërë
dje thirrje PD-së që të mos e votojë variantin "e trukuar" të OSBE-së për
kthimin dhe kompensimin e pronave. Duke kërkuar reflektim nga selia blu,
Mediu kujton se e drejta e pronës përbën bazën e programit të çdo partie
opozitare dhe i rrethon ato në një grupim politik. "Ne jemi në koalicion me
PD-në dhe ajo duhet t'i bashkangjitet qëndrimit kundër projektligjit të
qeverisë, ashtu si edhe të gjitha partitë e tjera të vogla të spektrit të
djathtë", tha kreu i republikanëve. Sipas tij, vota për 7501-shin do të jetë
edhe vendimtare për të ardhmen e marrëdhënieve mes PD-së dhe PR-së. Mediu
thotë se "ky ligj është një mospërputhje e konsiderueshme mes republikanëve
dhe demokratëve, ndaj ne do të shohim qëndrimin e selisë blu në Parlament
dhe shpresojmë që ajo të reflektojë seriozisht". Ai e konsideron absurde
kërkesën e PD-së për abrogimin e ligjit për "Tatimin e Jashtëzakonshëm",
duke lënë në të njëjtën kohë në fuqi Ligjin 7501. Në këtë linjë, Mediu
thekson se "numri i pronarëve që preken nga Tatimi i Jashtëzakonshëm është i
pakët, pasi ky ligj më tepër ka funksionuar për pasuritë e luajtshme. Nisur
nga logjika e dëmeve që sjell ky ligj, do të ishte më normal abrogimi i
7501-shit, pasi ai përfshin një numër të madh ish-pronarësh, ndërkohë që për
pasuritë e luajtshme ne kemi vendosur se do të hartojmë një ligj tjetër".



Flet Mediu
"Varianti i OSBE shton konfliktet sociale"

"Nuk do të tolerojmë tek Ligji 7501". Kryetari i PR-së, Fatmir Mediu,
konfirmon për "Panoramën" se nuk do të ketë "pazare" me PD-në për këtë ligj,
edhe nëse një gjë e tillë mund të sjellë përçarjen e koalicionit. Sipas
Mediut, votimi i nesërm në Kuvend do të përcaktojë edhe marrëdhëniet e
mëtejshme në koalicion.

Nisur nga versionet e ndryshme për Ligjin 7501 që ka PR-ja dhe PD-ja, sa i
rrezikuar është koalicioni?
Prona të shkojë te pronari i ligjshëm. Kjo kauzë përbën thelbin e programit
tonë dhe në këtë pikë ne e kemi të vështirë të tolerojmë. Çështja ngelet që
të reflektojë Partia Demokratike. Kjo për faktin se të gjitha partitë e
djathta e kanë në themel të programit të drejtën e pronës, ndaj në qoftë se
PD-ja do të votojë pro Ligjit 7501, atëherë do të dilte kundër një pjese të
programit të saj. Duhet të kihet parasysh se të gjitha forcat politike të
spektrit të djathtë kanë kërkuar shfuqizimin e 7501-shit dhe presim që këtij
qëndrimi t'i bashkohen edhe demokratët. Në të kundërt, problemi nuk do të
ishte thjesht një marrëdhënie PR-PD, por shtimi i konflikteve sociale, për
shkak të pronës. Këtë jemi munduar që t'ia bëjmë të qartë dhe presim një
reagim pozitiv nga ana e tyre gjatë seancës. Vota e tyre për projektligjin e
kthimit dhe kompensimit të pronave, do të përcaktojë të ardhmen e
marrëdhënieve të koalicionit. Ligji 7501, është një mospërputhje e
konsiderueshme mes PR-së dhe PD-së dhe si e tillë ne do të mbrojmë atë çfarë
është më e rëndësishme. Në këtë rast, më e rëndësishme është kthimi i pronës
tek pronari i ligjshëm. Kjo përbën pikën e panegociueshme të Partisë
Republikane, ndaj shpresojmë në një reflektim serioz nga ana e selisë blu.

Po kushti i demokratëve për abrogimin e Ligjit për Tatimin e
Jashtëzakonshëm, a tregon vullnet të PD-së për zgjidhjen e çështjes së
pronës dhe solidaritetin me PR-në?
Ligji për Tatimin e Jashtëzakonshëm është më tepër ideologjik, se sa i
dëmshëm realisht pronarët. Është absurde që të këmbëngulësh tek një ligj i
tillë dhe të kalosh në heshtje Ligjin 7501. Për të sqaruar edhe opinionin
publik, Ligji për Tatimin e Jashtëzakonshëm ka funksionuar për pasuritë e
luajtshme, kur dihet që për një kategori të tillë Kuvendi do të dalë me një
ligj më vete. Logjik është abrogimi i 7501-shit, i cili përfshin direkt një
numër të madh ish-pronarësh dhe jo ideologjizma.

-----------------------------------------------------------------

  2001-2004 Ballkan.com Data e Publikimit: 26/05/2004
 http://www.ballkan.com/
Lajme nga Opozita

"Jemi kundër kompromisit PS-PD për pronat"


 Autori i Lajmit: G.Bushati
TIRANË - Kryetari i Partisë Demokrate të Re, Genc Pollo, përshëndeti dje
përfshirjen e amendimeve të propozuara nga kjo parti në projektligjin për
kthimin dhe kompensimin e pronave. Por, ai gjithashtu ka denoncuar mundësinë
e arritjes së kompromisit mes Partisë Socialiste dhe asaj Demokratike për
këtë projektligj, ky kompromis kryesisht për nenin e Tatimit të
Jashtëzakonshëm. Drejtues të kësaj partie bënë dje të ditur se tërheqja e
socialistëve do të jetë më e mundshme se sa tërheqja e demokratëve nga ana e
tyre. Ndërsa vetë reformatorët nuk janë shprehur përfundimisht se si do të
jetë vota e tyre për projektligjin e kthimit dhe të kompensimit të pronave,
megjithëse atyre u janë pranuar disa amendime, propozuar disa ditë më parë
në komisionet përkatëse parlamentare. Lidhur me marrëveshjen paraprake, të
arritur mes PS-së dhe PD-së, kryetari i PDr-së, Pollo deklaroi se "një
kompromis i tillë nuk ka vlerë më shumë se një fije bari dhe si e tillë
shumë shpejt do të dështojë". Janë katër amendime që u pranuan dje në
komisionin parlamentar të Ligjeve dhe të Ekonomisë. Në këto të katër nuk
janë përfshirë nenet që kërkojnë një abrogim të pjesshëm të ligjit 7501.
Sipas Pollos, në këto propozime nuk është pranuar thjeshtë termi "abrogim",
ndërsa pjesa tjetër, që gjithësesi çon në abrogim të 7501 është pranuar.
"Nga nëntë propozime tona janë pranuar vetëm katër, por kanë mbetur jashtë
pikërisht propozimet kryesore, lidhur me kthimin dhe kompensimin e pronave",
u shpreh dje kryereformatori. Ai vuri në dukje gjithashtu se pikërisht
pranimi i këtyre amendimeve janë pjesë të platformës së kësaj partie, lidhur
me zgjidhjen e çështjes së pronave. Edhe pse amendimet e tyre janë pranuar
në komisionet parlamentare, projektligji do të votohet nen për nen dhe
kështu ekziston rreziku i rrëzimit të tyre nga vota e shumicës.

----------------
PLL: Ligj për Xhandarmërinë

 Autori i Lajmit: G.Bushati
TIRANË - Legalistët shumë shpejt do të paraqesin në Kuvend një projektligj
për krijimi i Xhandarmërisë së Shtetit. Sipas tyre, ky projektligj është
propozuar edhe më parë, por tashmë ai do të kalojë i përmirësuar në
komisionet parlamentare. Zëdhënësi i kësaj partie kërkoi nga partitë
politike dhe opinioni publik që ky projektligj të miratohet me shpejtësi,
pasi kështu do të institucionalizojë rikrijimin e një arme me traditë në
Shqipëri dhe do të japë ndihmesë të madhe në uljen e kriminalitetit si dhe
do të rikthejë besimin e qytetarëve te shteti i tyre. Në analizën e tyre,
legalistët u shprehën të shqetësuar për situatën e rendit në vend, e cila
vazhdon të rëndohet, duke u nisur edhe nga ngjarjet e fundit në ndodhura në
Tiranë. Sipas tyre, largimi nga puna i drejtuesve e i specialistëve
kryesorë, pa motivacione të qenësishme dhe pa penalizime për akuzat e rënda,
e ka shthurur policinë.