E Marte, 27 Korrik 2004  http://www.korrieri.com/

Pronat, deputetet rrezojne verejtjet e Moisiut

Komisioni Parlamentar i Ekonomise ka pranuar te diskutoje per riparime te
metejshme vetem nje nga verejtjet e Presidentit per ligjin e pronave. Ajo ka
te beje me menyren e zgjedhjes se anetareve te Komitetit per Kthimin dhe
Kompensimin e Pronave. Ja ankesat e Presidences qe nuk u moren parasysh nga
parlamentaret

Blerina Hoxha

Vetem nje nga tre verejtjet e Presidentit per projektligjin e pronave eshte
marre parasysh dje nga Komisioni Parlamentar i Ekonomise. Ajo ka te beje me
menyren e perzgjedhjes se antareve te Komitetit Shteteror te Kthimit dhe te
Kompensimit te Pronave. Ankesa e Presidentit ne kete pike qendron ne faktin
se, ne asnje dispozite te ligjit, qofte dhe referuese, nuk percaktohen
rastet dhe menyra e shkarkimit te anetareve te ketij Komiteti. Sipas Kreut
te Shtetit, duhet te vendosen qarte rastet, se cila do te jete procedura dhe
nga cila ane e spektrit politik do te jete zevendesuesi ne rastin eventual
te shkarkimit apo te largimit te nje anetari te Komitetit.

Ceshtja e emerimit te kryetarit dhe antareve te Komitetit te Kthimit dhe te
Kompensimit te Pronave te perfshira ne nenin 15 te ligjit ka qene pika me e
kontestueshme edhe nga ana e opozites. Ne ligjin qe miratoi Parlamenti,
Komiteti perbehet nga 5 antare, te cilet emerohen nga Kuvendi. Nje anetar
propozohet nga Keshilli i Ministrave, dy anetare nga pozita dhe dy anetare
nga opozita parlamentare. Anetari i propozuar nga Keshilli i Ministrave
eshte kryetar i Komitetit. Opozita nuk ka qene dakord qe antari i propozuar
nga qeveria te kryesoje Komitetin, pasi do te cenohej ne menyre te
drejtepdrejte pavaresia e institucionit. Sipas versionit te opozites,
Kryetari i Komisionit te Kthimit dhe Kompensimit te Pronave duhet te
zgjidhet nga Parlamenti. Ne kete pike kane qene edhe kontestimet e
Presidentit te Republikes, te cilat jane pranuar te diskutohen per riparime
te metejshme. Por dy ankimimet e tjetra te Presidences nuk jane pranuar nga
Komisioni i Ekonomise. E para kishte te bente, me perfshirjen e gjykates per
shfuqizimet e vendimeve te Komisioneve Vendore. Ndersa ne ligj kete
kompetence e ka Komiteti Shteteror per Kthimin dhe Kompensimin e Prones, i
cili ka te drejte te shfuqizoje vendime te komisioneve vendore.

Pika tjeter qe nuk u pranua, kishte te bente me dhenien e kompetencave
Avokatit te Shtetit per mbrojtjen e interesave te shtetit, atehere kur,
padrejtesisht, nje prone i eshte kthyer individeve, kur ajo nuk ka qene e
tyre, por e shtetit. Nderkohe qe Komisioni Parlamentar i Ekonomise ka
rrezuar dje edhe dy amadamente te Partise Republikane per Pronat. Njeri
kishte te bente me heqjen e kufizimeve te kompensimit me toke bujqesore dhe
i dyti me perfshirjen e gjykatave per zgjidhjen e konflikteve te pronesise,
kur ato jane dhene ne menyre te padrejte. Ndersa po dje jane diskutuar edhe
dy amandamente te opozites. Komisioni i Ekonomise ka pranuar propozimin e
opozites, qe qiradhenia te mos rregulllohet nga shteti, por nga vete
pronaret, ndersa dhenia me koncesion te kontrollohet nga shteti. Po opozita
ne amandamentin e dyte te saj ka kerkuar qe te kete rregullime te metejshme
te statusit te piramides se Komitetit Shteteror te Kthimit dhe Kompensimit
te Pronave.

 ----------------------------
27 Korrik 2004 http://www.kohajone.com/

PRONAT, PS-JA RREZON PROPOZIMET E MOISIUT

Komisioni Parlamentar i Ekonomise rrezoi dje pretendimet e presidentit
Moisiu lidhur me ligjin per kthimin dhe kompensimin e pronave. Keshtu gjate
mbledhjes se tij te djeshme, ky komision mori ne shqyrtim dekretin e
presidentit si dhe disa propozime te deputeteve demokrate per disa ndryshime
ne kete ligj. Gjate ketij takimi deputete anetare te ketij komisioni rane
dakord qe Komiteti Shteteror i Pronave do te kete te drejte te rishikoje
vendimet e komisioneve vendore aktuale si dhe te komisioneve te meparshme,
kjo ne momentin kur do te paraqiten kerkesa nga subjekte te ndryshme.
Gjithashtu komisioni mori ne shqyrtim dhe verejtjen e trete te ketij
dekreti, sipas se ciles duhen te parashikohen raste kur komisioneret e
pronave shkarkohen nga detyra. Lidhur per kete verejtje, kryetari i ketij
komisioni, Ylli Bufi, vuri ne dukje se "kemi nje propozim nga grupi
parlamentar i PS-se, qe mund ta leme te pergjithshme kete kompetence, por te
saktesojme duke thene ne zbatim te procedurave". Por duke iu referuar kesaj
pike, deputeti Maksim Begeja propozoi qe "anetari qofte ky i komitetit
qendror apo lokal, duhet te shikohet nese ka konflikte interesash apo jo, qe
ne momentin kur ky kandidon per anetar i komitetit apo dhe gjate kohes kur
ai eshte anetar i tij. Po keshtu anetare te komitetit te pronave shkarkohen
kur pranojne dhurata". Ky propozim gjeti konsensus dhe ndermjet anetareve te
tjere te komisionit duke bere ne kete menyre nje shtese ne kete ligj.
Gjithashtu komisioni i Ekonomise mori ne shqyrtim dhe verejtjet e bera nga
PSD-ja dhe PR-ja, te cilat kane te bejne me nene te tjera te ligjit te
pronave. Keshtu deputeti demokrat, Ridvan Bode, duke iu referuar ligjit ne
teresi theksoi se "kundershtite kane te bejne me disa elemente thelbesore te
ligjit dhe pikerisht me nenin 8 pika 4, e cila u jep te drejte disponuesve
te kontratave te qirave, pra plan-piloteve apo cdo forme tjeter te
tjetersimit te prones publike qe ka pasur ish-pronar dhe qe te kthehet ne
pronar". Nderkohe qe dhe deputeti Begeja parashtroi dhe verejtjen e tij, e
cila kishte te bente pikerisht me kufizimin sa i takon kthimit te pronave.
"Konform kushtetutes te gjithe shtetasit jane te barabarte perballe ligjit,
pse pronari i tokes bujqesore kufizohet dhe pronari i pyllit, i livadhit, i
truallit nuk kufizohet". Por ky propozim nuk u pranua nga deputetet
socialiste, duke lene ne fuqi kufizimin prej 60 hektaresh te kthimit per
tokat bujqesore, duke e argumentuar me faktin se me ane te ketij kthimi
krijohet mundesi reale per kthim te tokave bujqesore. Po keshtu ky komision
vendosi qe trualli i marre me koncesion do t'u lihet per shitje
koncesionareve, ndersa trualli i dhene me qira do t'u kthehet pronareve ne
perfundim te kontratave te qirave te nenshkruara nga qeveria. Nderkohe qe
shqyrtimi i ketij dekreti, ne Komisionin Parlamentar te Ligjeve, shkaktoi
nje debat te ashper midis anetareve opozitare dhe atyre te pozites.
Deputetet demokrate kerkuan kthimin e pronave pa kufizim, duke bere keshtuqe
te ndizet nje debat i ashper mes dy paleve, i cili coi dhe ne pezullimin e
dekretit te presidentit per ligjin e pronave. Keshtu Komisioni i Ligjeve, me
propozim te deputeteve socialiste, vendosi qe kjo ceshtje te shyrtohet ne
grupet parlamentare me qellim qe te gjendet konsensus per defekte te
konstatuara ne ligj.

------------------------
 © 2003 Gazeta Panorama  Faqe 10 - Politikë & Ekonomi
27Korrik 2004

pronat

Socialistët kanë pranuar vetëm një nga vërejtjet e presidentit për
parashikimin në ligj të procedurave për shkarkimin e anëtarëve të Komisionit
Shtetëror të Kthimit dhe Kompensimit të Pronave


Debati në komisionin e Ekonomisë: Ja si shkarkohen antarët e komisionit të
pronave

PS mbron një herë Moisiun

Socialistët hedhin poshtë dy nga tre kërkesat


Bledar Hoti

Socialistët dalin pjesërisht kundër sugjerimeve të presidentit Alfred Moisiu
për ligjin e kthyer për rishqyrtim "Për kthimin dhe kompensimin e pronave".

Socialistët kanë pranuar vetëm një nga vërejtjet e presidentit për
parashikimin në ligj të procedurave për shkarkimin e anëtarëve të Komisionit
Shtetëror të Kthimit dhe Kompensimit të Pronave. Në Komisionin Parlamentar
të Ekonomisë deputetët socialistë kanë rrëzuar të gjitha kërkesat e tjera të
presidentit që kanë të bëjnë me pikat e Nenit 16, 1/a, 2 dhe 3. "PS-ja do të
pranojë, nga kërkesat e presidenti, vetëm atë për ndryshimin e Nenit 15,
sepse na rezulton i drejtë; për të tjerat ne jemi kundër", tha dje
kryekomisioneri socialist, Ylli Bufi.

Komisioni i Pronave
Për të vetmen pjesë që pozita dhe opozita kanë rënë dakord, ka qenë
përcaktimi i procedurave për shkarkimin e anëtarëve të Komisionit Shtetëror
të Pronave. Komisioni i Ekonomisë vendosi që në Ligjin e Pronave, në Nenin
15, Pika 5, të saktësohen procedurat se "Anëtarët e Komisionit të Pronave
shkarkohen me vendim të Kuvendit kur : a) Me vendim të gjykatës së formës së
prerë është dënuar me një vepër penale ose i është ndaluar të ushtrojë
profesioin. b) Është në pamundësi fizike dhe mendore, i vërtetuar nga
raportet mjekësore. c) Mungon katër herë radhazi në mbledhje, pa arsye, dhe
kur shkel rëndë nenet e këtij ligji". Ndërkohë është pranuar edhe kërkesa e
republikanit Begeja që anëtarët e komisionit të shkarkohen edhe në rastet
kur ata marrin dhurata, në kundërshtim me ligjin. Janë rrëzuar amendamnetet
e deputetit të PR-së, për heqjen e kufizimit të kthimit të pronave deri në
60 ha, si dhe për krijimin e gjykatave speciale për trajtimin e konflikteve
mbi pronën. "Ne nuk mund të heqim kufizimin e përcaktuar se toka kthehet ose
kompensohet deri 60 ha, pasi shteti nuk ka mundësi financiare dhe toka e
troje, që t'i kompensojë më shumë, siç është përcaktuar në ligj", deklaroi
Bufi. Ndërsa për formulën e përzgjedhjes së anëtarëve të Komisionit
Shtetëror të Pronave, është lënë që të diskutohet mes grupet parlamentare.
Socialistët kanë rënë pjesërisht dakord me vërejtjet e Partisë Demokratike
për të ndryshuar Nenin 8 të Ligjit të Pronave për kthimin e trojeve, që i
janë dhënë nga shteti me qira personave të tretë. Deputeti i PD-së, Ridvan
Bode, në mbledhje kërkoi që të rishikohet ky nen, pasi Pika 4 lë shteg për
abuzime. Socialistët në këtë koimision ranë dakord që hiqen trojet e dhëna
me qira nga shteti dhe të lihen vetëm ato të dhëna me koncension.



Begeja
Për ligjin të vendosë Kushtetuesja

Partia Republikane do t'i drejtohet Gjykatës Kushtetuese për të argumentuar
ligjin "Për kthimin e kompensimin e pronave". Deputeti i PR-së, Maksim
Begeja, deklaroi dje në komisionin parlamentar se "do t'i drejtohet Gjykatës
Kushtetuese për të argumentuar Nenin 6 të Ligjit të Pronave". Sipas Begejës,
Neni 6 i këtij ligji është antikushteues, pasi kufizon të drejtën e marrjes
së pronave nga pronarët deri në 60 ha. "Kushtetuta nuk përmban kufizime për
dhënien apo kthimin e pronave; ligji aktual i pronave është në kundërshtim
me Nenet 18 dhe 41 të Kushtetutës", deklaroi Begeja.



Përplasja politike për pronat

Maxhoranca

Komisioni Shtetëror i Pronave të përbëhet nga 6 anëtarë; kryetari të
zgjidhet nga Kuvendi. Tre anëtarë janë përfaqësues të pozitës dhe tre
anëtarë të tjerë propozohen nga opozita.
Kundër heqjes të së drejtës së Komisionit Shtetëror të Pronave për
rishikimin e vendimit të komisoneve vendore të pronave
Kundër heqjes së tavanit për kthimin e kompensimin e pronave deri në 60 ha,
pasi shteti nuk ka mundësi financiare.
Kundër heqjes së të drejtës së ankimimeve të subjekteve të shpronësuara nga
vendimet e komisioneve vendore në Komisionin Shtetëror të Pronave
Opozita

Komisioni Shtetëror i Pronave të përbëhet nga 7 anëtarë, me skemën 3 anëtarë
të pozitës, 3 anëtarë të opozitës dhe një anëtar emërohet nga presidenti.
Anëtari i emëruar nga presidenti është kryetar i Komisionit Shtetëror të
Pronave.
Pro heqjes së tavanit deri në 60 ha për kthimin e pronësisë dhe kompensimit
financiar të pronës.
Rishikimin e Nenit 8 për trojet e dhëna me qira ose me koncension nga shteti
persona të tretë, që nuk janë pronarë.
Krijimin e një gjykate të pavarur e të specializuar për trajtimin e
konflikteve për pronën.


--------------------------
http://www.balkanweb.com/
PS, e gatshme për konsensus me opozitën për miratimin e ligjit të pronave

Lajmi i ores 6:50 PM


arkiv
 TIRANE (27 Korrik) - "Partia Socialiste është e gatshme për të arritur
konsensusin e përbashkët me opozitën në lidhje me ligjin e pronave, në
mënyrë që ky ligj të miratohet në Kuvend, duke zhbllokuar kështu procesin e
rëndësishëm të kthimit dhe kompesimit të pronave". Kështu deklaroi të Martën
gjatë një konference për shtyp, pas mbledhjes së grupit parlamentar të
PS-së, Sekretari për Marrëdhëniet me Publikun në këtë parti, Bardhyl Agasi.
Sipas tij, "socialistët janë të vendosur ta miratojnë këtë ligj gjatë
seancës plenare të ditës së Enjte (29 Korrik), duke pranuar diskutimet për
ndryshime të mëtejshme". Në këtë mënyrë, deputetët socialistë, të cilët
morën në shqyrtim vërejtjet dhe sugjerimet e Presidentit të Republikës,
Alfred Moisiu për ligjin e pronave, shprehen të hapur për negociata me
drejtues të grupit parlamentar të PD-së. Por, sipas Agasit, socialistët janë
të vendosur që "të mos ketë asnjë lloj ndryshimi në lidhje me ligjin 7501 që
ka të bëjë me tokën bujqësore". bm/bm (BalkanWeb)

----------------------------------------------------------------------------

Faqja 4 - POLITIKE Korrik 27, 2004

"Të gjendet konsensusi PD-PS"

"Pronat" bllokohen në Kuvend

Projektligji i pronave "bllokohet" në komisionet parlamentare në Kuvend,
derisa dy forcat më të mëdha politike, PD e PS të gjejnë konsensusin për
kërkesat e bëra nga presidenti dhe pretendimet e palëve. Dje, projekti nuk
mundi të merrte viston e komisionit të ekonomi-financës në kuvend, por as të
komisionit të ligjeve. Në komisionin e ekonomisë u vendos që grupet
parlamentare të vendosin se kush do të zgjedhë Kryetarin e Komitetit
Shtetëror për Kthimin dhe Kompesimin e Pronave. Komisioni i ekonomisë la në
fuqi kufizimin për kthimin dhe kompensimin e pronave deri në 60 ha. Sipas
kryetarit të këtij komisioni Ylli Bufi, një kufizim i tillë është bërë për
të qenë sa më realë në zbatimin e tij. "Ne nuk kemi as mundësi fizike dhe as
ekonomike për kthimin, apo kompensimin e pronave pa kufizim", tha Bufi.
Sipas tij, kufizimi nuk përbën asnjë shkelje të drejtash, "pasi bazuar edhe
në rekomandimet e Komisionit të Venecias, rekomandohej që prona të kthehet
dhe kompensohet në bazë të mundësive që ka shteti". Ndërkohë, komisioni i
ligjeve e ka pezulluar shqyrtimin e dekretit të presidentit, propozim ky i
bërë nga deputeti socialist Nezir Selimi. "Propozoj që shqyrtimi të
pezullohet deri në arritjen e një konsensusi politik", tha Selimi. Miratimi
i këtij propozimi me 5 vota pro dhe 4 kundër solli mjaft debate midis
anëtarëve të komisionit dhe kryetarit të tij.


----------------------------------------------------------------------------

Faqja 9 - INTERVISTA Korrik 27, 2004

INTERVISTE ME NENKRYETAREN E PD, JOZEFINA TOPALLI

"Prona te pronari krijon kaos social"
"Në 8 vitet e fundit, socialistët u zgjuan pronarë pa pasuri"


Partia Demokratike e "kupton" që mund të jetë shkelje e së drejtës moskthimi
i plotë i pronës, përfshi tokat e zëna, por po ashtu ajo gjykon se ky kthim
është i pamundur për shkak të problemeve 60-vjeçare. Kështu ka thënë për
Gazetën nënkryetarja demokrate Jozefina Topalli, e cila shton se propozimi i
socialistëve është komik... Sipas Topallit, propozimi nuk ka asnjë ndryshim
nga thelbi i asaj që mbrojnë socialistët dhe është thjesht e njejta formulë,
jo me shkronja, por me shifra. Nënkryetarja e PD-së, "shigjeton" si "të
djathtë ekstremistë" ata që kërkojnë kthimin e plotë të pronës...

LAJMI

-Zonja Topalli, si mund të zgjidhet problemi i pronës?
"Duhet të jemi realistë. Nuk është problem i thjeshtë, përkundrazi është
delikat dhe kompleks. Sikur të mos mjaftonte kjo, në 8 vitet e fundit ajo
është trazuar edhe më keq, thua se s'kishte fare ligj dhe se mjaftonte të
ishe në pushtet apo të kishe parà dhe të zgjoheshe pronar mbi troje e pasuri
qe s'i kishe parë as në ëndërr".

-Mirë, po a bie ndesh zgjidhja e ofruar me të drejtën e rikthimit të pronës
ish-pronarëve?
"Zgjidhja e ofruar me përmirësimet e opozitës po të pranoheshin, ishte një
zgjidhje që tentonte të shpëtonte atë që mund e duhej shpëtuar, duke mos
pretenduar se ishte zgjidhja më e lumtur. E them këtë bazuar në një arsyetim
racional dhe të ftohtë. Çdokush tjetër që bën të "djathtin ekstremist" bën
vetëm demagogji dhe nuk tregon situatën reale dhe në rastin më të gjerë nuk
është as ish-pronar".

-Përse thoni se PS pengon tejkalimin e problemeve dhe përse këmbëngulni për
kreun e Komisionit të Kthimit dhe Kompensimit të Pronës?
"Shumë e thjeshtë: Sepse, nuk duan dhe as kanë dashur ndonjëherë as të
njohin dhe as t'ia kthejnë ndonjëherë pronat pronarëve të vërtetë. Nëse
ligji ka hyrë për t'u diskutuar në parlament kjo ka ndodhur vetëm nga
imponimi dhe presioni që i është bërë nga opozita dhe ndërkombëtarët. Sa për
kryetarin e komisionit, ata as nuk mund ta imagjinojnë që të mos e kenë të
tyre. Si mund të mbrojnë ndryshe të paligjshmen e ta shumëfishojnë atë?
Problemi bëhet edhe më komik kur Gramoz Ruçi thotë se po bëjmë një zgjidhje
kompromisi dhe çfarë thotë? Përsërit në një formë tjetër atë që votoi në
parlament dhe për të cilen, ne braktisëm sallën! Pra, të njejtën formulë,
veçse me gërma e jo me numra".

-A është shkelje e të drejtës moskthimi i plotë dhe përse ish-pronarët duhet
të "falin" sërish për hir të atyre që ua kanë zënë dhe që ua kanë marrë edhe
nëpërmjet ligjit 7501?
"Çështja që ju shtroni është morali i vërtetë. Por, realiteti sot është
shumë larg kësaj të fundit. Dhe, në gjithë këtë kaos me pronat, zgjidhjet
tërësore çojnë në erë edhe ato pjesore. Kjo nuk do ishte një mbrojtje e
pronës, aq më pak zgjuarsi dhe vullnet pozitiv".

-Çfarë e pengon opozitën të kthejë të drejtën e pronësisë për herë të parë
që nga viti 1946 dhe përse mendon për lëvizjet demografike që kanë rezultuar
me tjetërsimin e pronës apo dhe me lidhjet e pushtetarëve?
"E pengon pamundësia, e pengon vonesa 60-vjeçare e në fund e "pengon"
përgjegjësia për të mos krijuar probleme të tjera sociale, por për t'i
zgjidhur ato që janë".

Bisedoi:
Denion Ndrenika


--------------------------
Mardi, Juillet 27, 2004 Signalé: 6:09 PM

Le PS se déclare disponible à parvenir à un consensus avec
l'opposition pour l'adoption de la loi sur les propriétés

TIRANA, 27 juil /ATA/ Par Maela Marini/ - "Le Parti
socialiste (PS) se déclare disponible à parvenir à un consensus
avec l'opposition en ce qui concerne la loi sur les propriétés,
de sorte que cette loi soit adoptée par le Parlement, débloquant
ainsi le processus important de la restitution des propriétés et
de la compensation des propriétaires", a déclaré le Secrétaire
pour les Relations publiques au PS, Bardhyl Agasi, lors d'une
conférence de presse donnée mardi après la réunion du groupe
parlementaire du PS.
Selon lui, "les socialistes sont déterminés à adopter cette
loi lors de la séance plénière de jeudi prochain en acceptant les
discussions pour des modifications ultérieures".
De cette sorte, les députés socialistes qui ont examiné les
remarques et les suggestions du président albanais concernant la
loi sur les propriétés, se sont déclarés ouverts à engager des
négociations avec des dirigeants du groupe parlementaire du PD.
Mais, selon M. Agasi, les socialistes sont déterminés" à ne
permettre aucune modification à la loi 7501 concernant la terre
agricole"./xh.c/JDE/



Berisha rencontre le leader de l'Alliance pour l'Avenir de la
Kosove, Haradinaj

TIRANA, 27 juil /ATA/ Par Maela Marini/ - Le leader du
Parti démocratique, Sali Berisha, a rencontré mardi, à Tirana, le
leader de l'Alliance pour l'Avenir de la Kosove, Ramush
Haradinaj. Lors de cette rencontre, M.Berisha a souligné
l'importance du remplissement des standards, afin que le statut
définitif de la Kosove soit déterminé en 2005".
"Je suis convaincu que la détermination du statut de la
Kosove, dont les négociations débuteront en 2005, est un
évènement important vers la réalisation du principe de
l'autodétermination", a déclaré M. Berisha.
Pour sa part, M. Haradinaj a qualifié d'importante la
coopération entre les institutions de la Kosove et les autres
structures politiques de la région./xh.c/JDE