LZHK-ja do të hyjë në koalicion me atë parti e cila do të ketë në thelbin e saj shërbimin ndaj interesave të kombit, duke lënë kështu të hapur mundësinë e bashkëpunimit me të dyja ekstremet politike, PS dhe PD. Sipas drejtuesit të LZHK-së njëkohësisht edhe pretendent për Fronin Mbretëror Leka Zogu, kjo vjen si rezultat i faktit që LZHK-ja nuk është e përqëndruar as majtas as djathtas në politikë.

LAJMI

Lëvizja për Zhvillim Kombëtar do të bëjë koalicion paszgjedhor më të gjitha forcat politike që në thelb të tyre i shërbejnë interesave të kombit, duke mos përjashtuar kështu mundësinë e bashkëpunimit me PD-në, e cila e ka konsideruar atë si një krijesë të PS-së. Këtë lajm e bëri dje të ditur pretendenti i Fronit Mbretëror Leka Zogu gjatë një interviste të dhënë në TV Klan. Drejtuesi i LZHK-së Leka Zogu nënvizoi se nuk do të ketë preferenca linjash politike në krijimin e aleancave apo koalicioneve zgjedhore. "Ne kemi një qendrim të hapur për të gjithë ata njerëz që me votëbesimin e tyre të përfaqësojmë vendin tonë, dhe të punojmë për të", u kreu i LZHK-së Leka Zogu. Sipas tij lëvizja që ai drejton nuk ka një qendrim të majtë apo të djathtë "për ne është e rëndësishme që të punohet vetëm për atdheun". "Lëvizja që unë përfaqësoj është e gatshme për bashkëpunim me çdo parti politike që do të jetë fituese e zgjedhjeve të 2005-ës, pavarësisht se shumica e partive të bashkuara me LZHK-në paraqiten me program të djathtë", tha Leka. Sipas tij "LZHK është lëvizje gjithëpërfshirëse dhe nuk shohim as majtas e as djathtas". Gjithsesi, dje pretendenti i Fronit nuk përjashtoi as bashkëpunimin me socialistët.

Referendumi
Projektete e LZHK-së për ardhjen në pushtet duket se janë të mëdha. Pavarësisht nga aleancat e mundshme me të majtët, monarkistët duket se i qëndrojnë strikt idesë së tyre për zhvillimin e një referundimi, i cili do të vendosë mbi mënyrën e qeverisjes. Drejtuesi i LZHK-së përsëriti edhe njëherë idenë e tij se familja mbretërore, do të kërkojë sërish zhvillimin e referundimit, ku populli do të zgjedhë nëse kërkon republikë parlamentare apo monarkike. "Ne nuk kemi hequr dorë nga kërkesa jonë për zhvillimin e një referendumi dhe do ta ripërsërisim kërkesën tonë, më pas janë shqiptarët ata që vendosin", tha pretendenti i fronit, Leka Zogu.

Situata
Drejtuesi i LZHK-së Leka Zogu nënvizoi se aktualisht kjo lëvizje është duke bërë jo vetëm indetifikimin e problemeve aktuale që ka shoqëria shqiptare por mbi të gjitha është duke u gjetur zgjidhja për secilën prej tyre. "Ndërmjet zgjidhjeve ne kërkojmë të gjejmë zgjidhjen më të mirë të mundëshme, pasi të gjithë jemi koshientë se mundësitë e Shqipërisë altualisht janë disi të kufizuara", tha Zogu. Ai u shpreh se në zgjedhjet parlamentare të vitit 2005 kjo lëvizje do të kjetë si program të saj elektoral paraqitjen e zgjidhjeve të problemeve. Përsa i përket integrimit të vendit Zogu nënvizoi se ai mund të arrihet vetëm në sajë të eleminimit të të gjitha problemeve që hasen në shoqërinë shqiptare. "Ne nuk themi se me ne do të arrihet të integrohemi në BE brenda vitit, por kjo gjë do të arrihet vit pas viti", përfundoi pretendenti i Fronit Mbretëror dhe Drejtuesi i LZHK-së Leka Zogu.

Garuli: Ja si rritet numri i votuesve

Partia Republikane propozi dje tre mënyrat që duhet të përdoren nga Qeveria Shqiptare për të rritur numrin e votuesve emigrantë në proceset zgjehdore. Sipas sekretarit të përgjithshëm të PR-së Aleksandër Garuli qeveria duhet të nxjerrë akte nënligjore në zbatim të ligjit për emigrimin e shtetasve shqiptarë. "Ky ligj e detyron qeverinë që të krijojë lehtësira për ardhjen e emigrantëve për të votuar", tha Garuli. Po kështu republikanët e shohin si të domosdoshme që qeveria të parashikojë në buxhetin e saj një fond të posaçëm për të përballuar plotësisht apo edhe pjesërisht udhëtimin e emigrantëve për të votuar. Sipas Garulit qeveria mund të shfrytëzojë edhe konventat ndërkombëtare dhe kontaktet me vendet pritëse për të mundësuar lëvizjen e lirë të emograntëve për të ardhur në atdhe ditën e votimit.

Beja: KQZ-ja dhe PS-ja shkelin Kodin Zgjedhor

Anëtari komisionit të posaçëm për ndarjen e zonave elektorale përfaqësues i Partisë Demokratike, Fatos Beja deklaroi dje se Komisioni Qendror i Zgjedhjeve, ka bllokuar miratimin e raportit përfundimtar KQZ-ja. Sipas tij pengesë për një gjë të tillë është bërë qëndrimi i Partisë Socialiste ndaj ndryshimeve të bëra në këtë raport për ndarjen e re të zonave elektorale. Beja ka bërë thirrje që KQZ-ja të mirarojë këtë raport sa më shpejt për të krijuar mundëisnë e miratrimit të tij në seancë parlamenatre para mbylljes së këtij sesionin. "Nëse në zgjedhjet e vitit 2005 do të shkohet me këto zona zgjedhore atëherë kjo do të thoptë se KQZ-ja dhe PS-ja vazhdojnë të shkelin nenet e Kodit Zgjedhor", tha Beja.Ndërkohë KQZ-ja ka vendosur që në datë 1 dhjetor të bëjë shqyrtimin e raportit përfundimtar të hartuar nga Komisioni i posaçëm për krijimin hartës elektorale, dhe që më pas do ti kalohet për miratim Kuvendit. Ai nënvizoi se në rekomandimet e bëra nga përfaqësueist e Bashkimit Europian një nga rekomandimet dhe kritikat më të mprehta ka qenë zbatimi i ligjeve të miratuara. "Ne duhet të shpejtojmë pasi afatii i fundit për ndryshimin e zonave elektorale mund të bëhet jo më vonë se gjatë muaj para zhvillimit të procesit zgjedhor dhe vonesa të tilla i interesojnë vetëm PS-së", tha Beja.