28/03/2004 http://www.korrieri.com/

Legalistet: Tabela ne shqip edhe per shqiptaret ne Greqi

Partia "Levizja e Legalitetit" ka shprehur shqetesim, lidhur me zhvillimet e fundit ne vend ne raport fqinjet. Nenkryetari i PLL Murat Basha, ka deklaruar dje se vizita e Nikolas Gejxh ne Sarande, sulmet e koordinuara te Lobit shovinist grek ne SHBA dhe te Koshtunices ne Beograd, u kurorezuan se fundi me etiketimet dhe fajesimet ne adrese te shqiptareve te Kosoves, dhe me vendosjen e tabelave ne gjuhen greke ne Jug te vendit. "Ne vazhden e synimeve per ta bere Shqiperine shtet shumeetnik, ka gjasa qe tabelat ne gjuhen e minoriteteve qe banojne ne Shqiperi, te kerkohet te vendosen ne te gjitha rruget e vendit. PLL, ne sensin e reciprocitetit ne marredheniet ndershteterore, per faktin se ne Greqi banojne mbi 4 milione arvanitas autoktone shqipfoles dhe 600 mije emigrante ekonomike, si dhe duke llogaritur 400 mije camet qe do te kthehen ne vatrat e tyre amtare ne baze te te drejtave nderkombetare, do te kerkoje me insistim qe ne te gjithe Greqine te vendosen tabelat e qarkullimit rrugor, edhe ne gjuhen shqipe", ka deklaruar Basha. Sipas tij, PLL u kerkon autoriteteve shteterore shqiptare qe, para se te mendojne per te filluar regjistrimin e nxenesve minoritare greke ne Kukes dhe Malesi te Madhe, te fillojne presionin ndaj shtetit grek per hapjen e shkollave ku te mesohet ne shqip per shqiptaret dhe shqipfolesit qe banojne ne Greqi. PLL, sipas tij, konsideron se marredheniet e fqinjesise se mire mund te jetesohen vetem nese ekziston vullnet reciprok per permbushjen e standarteve nderkombetare ne aspektin e trajtimit dhe njohjes te te drejtave te minoriteteve, ne drejtim te te cilave Greqia akoma nuk ka deshmuar kurrfare vullneti politik, dhe per kete flet me se miri ceshtja e pazgjidhur Came.

 

A.M

--------------------------------------------------------------------------------
28 Mars 2004 KOHA JONE http://www.kohajone.com/

PLL: SHQIPERIA TE REAGOJE PER CAMET

Partia Levizja e Legalitetit u kerkon autoriteteve shteterore shqiptare te fillojne presionin ndaj shtetit grek per hapjen e shkollave, ku te mesohet ne shqip per shqiptaret dhe shqipfolesit qe banojne ne Greqi. Ne deklaraten e djeshme te kesaj force politike opozitare shprehu shqetesimin e saj lidhur me zhvillimet e fundit ne raport me fqinjet. "Vizita e Nikolas Gejxhit ne Sarande, sulmet e koordinuara te Lobit shovinist grek ne SHBA dhe Koshtunices ne Beograd, u kurorezuan se fundi me etiketimet dhe fajesimet ne adrese te shqiptareve te Kosoves, dhe me vendosjen e tabelave ne gjuhen greke ne Jug te vendit", u shpreh dje nenkryetari Murat, Basha. PLL, ne sensin e reciprocitetit ne marredheniet ndershteterore, per faktin se ne Greqi banojne mbi 4 milione arvanitas autoktone shqipfoles dhe 600 mije emigrante ekonomike, si dhe duke llogaritur 400 mije camet qe do te kthehen ne vatrat e tyre amtare ne baze te te drejtave nderkombetare, do te kerkoje me insistim qe ne te gjithe Greqine te vendosen tabelat e qarkullimit rrugor edhe ne gjuhen shqipe. Legalistet ne kete menyre u kane kerkuar autoriteteve shteterore shqiptare qe, para se te mendojne per te filluar regjistrimin e nxenesve minoritare greke ne Kukes dhe Malesi te Madhe, te fillojne presionin ndaj shtetit grek per hapjen e shkollave ku te mesohet ne shqip per shqiptaret dhe shqipfolesit qe banojne ne Greqi. Sipas legalisteve marredheniet e fqinjesise se mire mund te jetesohen vetem nese ekziston vullnet reciprok per permbushjen e standardeve nderkombetare ne aspektin e trajtimit dhe njohjes se te drejtave te minoriteteve, "ne drejtim te te cilave Greqia akoma nuk ka deshmuar kurrfare vullneti politik, dhe per kete flet me se miri ceshtja e pazgjidhur came".

TABELAT GREKE, PRESION GREQISE PER CAMET

Ja cfare kerkojne minoritetet ende nga shteti shqiptar:

- Evidentimin e sakte te pranise se minoriteteve ne Shqiperi

pasi sipas tyre deri tani eshte abuzuar me shifrat mbi ta

- Percaktimin e perberjes fetare dhe shperndarjes demografike

sic eshte bere ne Jugosllavi gjate vitit te kaluar

- Hapja e shkollave ku te mesohet ne gjuhen amtare te tyre, jo vetem per minoritetin grek por edhe per romet e vllehet.

- Hartimi nga shteti shqiptar i teksteve ne gjuhen e tyre amtare, me te cilat do te mesojne ne shkolla femijet minoritare

- Zhvillimi i seancave gjyqesore ne gjuhen e minoritetit perkates

ne zonat minoritare dhe per personat minoritare

- Perdorimi i gjuhes amtare ne nivel lokal, behet fjale per komunat dhe bashkite, gje qe nuk eshte realizuar deri tani etj.

Eglantina Nasi

Shqiperia nuk duhet t'i mburret Greqise se vuri tabela ne gjuhen greke ne jug te vendit per te kerkuar prej saj kthimin e pronave te popullsise came. Ky eshte opinioni i deputeteve shqiptare pas miratimit ne Kuvend te ligjit per sinjalistiken rrugore, ne te cilin parashikohet vendosja e tabelave ne gjuhet amtare per krahinat ku jetojne minoritare. Ai vjen menjehere pas reagimit te legalisteve, sipas te cileve zhvillimet e fundit ne lidhje me greket u kurorezuan me vendosjen e tabelave ne gjuhen greke ne jug te vendit. "Ne vazhden e synimeve per ta bere Shqiperine shtet multietnik, ka gjasa qe tabelat ne gjuhen e minoriteteve qe banojne ne Shqiperi, te kerkohet te vendosen ne te gjitha rruget e vendit" pohoi dje nenkryetari i PLL-se Murat Basha. Por kete pohim te tij e ka kundershtuar deputeti i PBDNJ-se Ligoraq Karamelo. Sipas tij, shteti shqiptar duke miratuar kete ligj ka permbushur nje nga kushtet per respektimin e minoriteteve, i cili ben pjese ne Konventen e Gjeneves. "Nuk mund te kete nje paralelizem me kete ceshtje. Ajo qe shqiptaret po aplikojne eshte fakti i zbatimit te rekomandimit te Konventes Kuader te Minoriteteve ne disa nene trajtohen hapur edhe problemet e tabelave te rrugeve ne te dyja gjuhet dhe ne gjuhen e minoriteteve greke dhe maqedonase" tha me tej Karamelo.

Ceshtja came, nuk ka lidhje me tabelat greke

Nga ana tjeter, ne deklaraten e legalisteve thuhet se Greqia nuk po tregon te njejtin vullnet si Shqiperia lidhur me respektimin e minoriteteve. "Kete e tregon ceshtja e pazgjidhur came. Shteti shqiptar duhet te ushtroje presion per te kerkuar hapjen e shkollave shqipe ne Greqi ty ku jetojne shqiptaret" thuhet me tej ne deklaraten e legalisteve. Por ngritjen e nje paralelizimi te tille e kundershtoi dje per "KJ" deputeti Karamelo. "Ne do ta mbeshtesim zgjidhjen e ceshtjes came se kjo eshte nje e drejte e ligjshme. Ata duhet te kompesohen nga qeveria greke. Por ne nuk mund te veme perballe saj se cfare kemi bere ne per minoritetin grek ne Shqiperi, pasi ne fund te fundit kemi respektuar te drejtat e njeriut" pohoi ai. Te njejtin fakt ka pohuar edhe anetari i komisionit parlamentar per te Drejtat e Njeriut, Pjeter Arbnori. "Ligji per sinjalistiken rrugore permbante nje rekomandim per qeverine shqiptare i cili duhej te merrej parasysh lidhur me respektimin e te drejtave te minoriteteve ne vendin tone. Persa i perket problemit te cameve, ai eshte shtruar per zgjidhje dhe ne jemi shprehur dakord. Nje gje e tille mund te zgjidhet vetem me rruge diplomatike" deklaroi deputeti i PD-se Arbnori. Sipas tij, parlamenti shqiptar ne fakt ka zbatuar vetem dicka ligjore e cila permbahet ne konventat nderkombetare. Kjo sipas Arbnorit, nuk ka lidhje me kerkesen per zgjidhjen e ceshtjes came. "Shqiperia gjate gjithe kohes ka bere c'eshte e mundur per te respektuar minoritetet dhe vendosja e tabelave ne gjuhen e tyre nuk duhet te keqperdoret. Qeveria i ka plotesuar keto gjera dhe tani pritet edhe vullneti i pales tjeter per plotesimin e tyre, nuk mund ta kushtezosh ate me cfare ne kemi bere deri tani" deklaroi deputeti Arbnori.

--------------------------------------------------------------------------------

http://www.shekulli.com.al/

PLL: Shkolla shqipe në Greqi

N.Perndoj

TIRANE - Legalistët kërkojnë hapjen e shkollave shqipe në Greqi, në vendet ku banojnë shqiptarët. Nënkryetari i PLL-së, Murat Basha deklaroi dje se qeveria shqiptare duhet t’i bëjë presion qeverisë greke për hapjen e këtyre shkollave. “PLL u kërkon autoriteteve shtetërore shqiptare që, para se të mendojnë për të filluar regjistrimin e nxënësve minoritarë grekë në Kukës dhe Malësi të Madhe, të fillojnë presionin ndaj shtetit grek për hapjen e shkollave ku të mësohet në shqip për shqiptarët dhe shqipfolësit që banojnë në Greqi. PLL konsideron se marrëdhëniet e fqinjësisë së mirë mund të jetësohen vetëm nëse ekziston vullnet reciprok për përmbushjen e standardeve ndërkombëtare në aspektin e trajtimit dhe njohjes të të drejtave të minoriteteve, në drejtim të të cilave Greqia akoma nuk ka dëshmuar kurrfarë vullneti politik, dhe për këtë flet më së miri çështja e pazgjidhur çame”, -tha ai. Legalistët kërkojnë gjithashtu që në Greqi të vendosen edhe tabela të qarkullimit rrugor në gjuhën shqipe. “PLL, në sensin e reciprocitetit në marrëdhëniet ndërshtetërore, për faktin se në Greqi banojnë mbi 4 milionë arvanitas autoktonë shqipfolës dhe 600 mijë emigrantë ekonomikë, si dhe duke llogaritur 400 mijë çamët që do të kthehen në vatrat e tyre amtare në bazë të të drejtave ndërkombëtare - do të kërkojë me insistim që në të gjithë Greqinë të vendosen tabelat e qarkullimit rrugor edhe në gjuhën shqipe”, -tha Basha.

--------------------------------------------------------------------------------

http://www.gazeta55.com/

Policia keqtrajton militantin legalist Qamil Karafili

TIRANE: Pas mitingut madhështor të opozitës, policia shqiptare, me urdher të Igli Toskës, nisi "gjuetinë e shtrigave", për pjesemarrësit më aktivë të kësaj proteste, duke dhunuar shtëpite e tyre. Një nga familjet që pësoi dhunën çnjerëzore të krimineleve me uniformë, ka qenë edhe familja e Qamil Karafilit, njeri prej aktivistëve legalistë, që në fillimin e proceseve demokratike, pas viteve 90. Por, vetëm pse është aktivizuar me të djathtën në Shqiperi, Karafili është dënuar dy herë nga regjimi komunist i Tiranës, i instaluar që nga marrja e pushtetit, nëpërmjet revolucionit te vitit 1997.Qamil Karafili, 48 vjeç nga Vlora, ishte vëzhgues i të djathtës në qendrën e votimit numer 93, gjatë votimeve të qershorit 2001. Por, në përfundim të procesit të votimit, anetarët komunistë të komisionit rrëmbejnë kutinë e votimit dhe "pas kuintave", nisin përpunimin e rezultateve, duke nxjerrë fitues kandidatin socialist. Por rezultatet u manipuluan në atë shkallë, saqë Komisioni Qendror i Zgjedhjeve (KQZ) denoncoi në prokurori votimet në këtë zonë. Dhe prokuroria, në vend që të prangoste aktoret e vërtetë të kësaj katrahure, hetoi dhe akuzoi pikerisht vëzhguesin Qamil Karafili, me akuzën qesharake "moskallëzim krimi". Këtë loje të prokurorisë e miratoi edhe gjykata, duke e dënuar Karafilin me një vit paraburgim. Pa llogaritur keqtrajtimet në qelitë e burgut, kushtet e të cilave i ka dënuar edhe Keshilli i Evropes në një raport të fundit. Denimi i Karafilit është shoqeruar me reagime të forta të Partisë "Levizja e Legalitetit", presioni i të ciles dhe mungesa e provave, ka detyruar autoritetet që të lirojne Karafilin. Me përfundimin e zgjedhjeve lokale të 12 tetorit 2003 dhe me fillimin e lëvizjes të së djathtës, shteti policor shqiptar, nisi sërish arrestimet dhe hetimet për eksponentet e djathtë. Duke rishikuar çështjen "Karafili", me një gjyq të sajuar në mungese dhe, duke mos respektuar të drejtat kushtetuese të mbrojtjes (Karafili është mbrojtur me një avokat të caktuar nga gjykata, me të cilin ai nuk ka komunikuar asnjëherë), 48‑vjeçari është dënuar në fund të tetorit 2003, me 5 vjet heqje lirie. Me këtë vendim gjyqesor në dore dhe me fillimin e lëvizjes qytetare "Nano, ik!", policia ka ushtruar disa herë kontroll në shtëpinë e Qemal Karafilit, për ta arrestuar, duke terrorizuar gruan dhe fëmijet.  

 

Çamëria, objekt i një arbitrazhi ndërkombëtar

Deputetë të opozitës kërkojnë juristë ndërkombëtarë, për të detyruar qeverinë greke që të ulet në bisedime për rregullimin e kësaj çështjeje, kryesisht për kthimin e pronave të grabitura nga qeveria e Athinës Shtyhet për seancën e ardhshme shqyrtimi dhe diskutimi në parlament, i rezolutës të çështjes çame. Ndërsa deputetët opozitarë kanë kërkuar që kjo çështje të shqyrtohet sa më parë nga parlamenti, pasi kanë kaluar 10 ditë qëkur kjo çështje duhet të diskutohej në parlament. Kryetari i Partisë Republikane, Fatmir Mediu, ka theksuar faktin për bashkëpunim me juristë ndërkombëtarë, për të arritur një përqasje sa më të drejtë për zgjidhjen e kësaj çështjeje.Ndërkohë që, çështja ka shkuar sërish për shqyrtim në komisionin parlamentar të Marrëdhënieve me Jashtë. Ndërsa anëtari i kryesisë së shoqërisë "Çamëria", Ahmet Mehmeti, lidhur me rrjedhën e eksodit të çamëve nga Greqia, shprehet se "rezoluta që pritet të miratohet në parlament, do të jetë hapi i parë zyrtar që do të bëjë shteti shqiptar, për të normalizuar marrëdhëniet shqiptaro-greke, sepse dihet, kur Greqia mban formalisht një të luftës, nuk mund të flitet për një zgjidhje të çështjes sonë".  Ndërkohë që presin një zgjidhje nga parlamenti shqiptar, çamët kanë zhvilluar një sërë protestash para godinave të Kuvendit dhe të parlamentit, për të ndërgjegjësuar deputetët për më tepër interes ndaj kësaj çështjeje kaq delikate.Ndërsa deputetët do të intensifikojnë takimet dhe me përfaqësuesit të kësaj shoqërie që, më pas, kjo çështje të kalojë në parlament javën që vjen, pasi të jetë marrë dhe konsulenca e juristëve ndërkombëtarë.

 

 

 

Faqe 5 - Politikë

28Mars 2004

Ekspertët e huaj i këshillojnë qeverisë shqiptare të tregojë të vërtetën e projekteve

Përse nuk aprovohet ligji për pronat

Opozita, amandamente për qiratë e banesave dhe zonat turistike

Elisabeta Ilnica

Këshilltarët e huaj pranë Kuvendit, kanë porositur edhe njëherë mazhorancën që të gjejë kurajon për t’u thënë shqiptarëve të vërtetën mbi çështjen e pronave. Ata kanë sugjeruar që qeveria t’u kërkojë falje shqiptarëve, pasi nuk mund të kthehet 100 për qind e pronës, aq më tepër kur bëhet fjalë në bregdet. Ndërkohë, privimi i së drejtës së pronës për shumë kohë, do të vijojë edhe për shkak se ende nuk është përcaktuar çmimi real i tokës. Po kështu, një numër i pafund i proceseve gjyqësore të zvarritura ndër vite, bëjnë edhe më të vështirë procesin e kthimit të pronës. Ku kanë “ngecur” pronat Aktualisht dhe zyrtarisht, pronat tashmë janë “peng” i Komisionit të Ligjeve. Edhe pse ky komision duhet t’u ishte rikthyer javës që kaloi disa neneve të projektligjit për kthimin dhe kompensimin e pronave, kjo nuk ndodhi duke vonuar kësisoj edhe votimin në parlament. Megjithatë, rikthimi i debatit në Komisionin e Ligjeve, kësaj here ka gjetur të pregatitur opozitën, e cila do të propozojë amendamente të reja. Sipas nënkryetarit të këtij komisioni, Fatos Beja, këto amendamente kanë të bëjnë me kompensimin e pronave turistike në zonat bregdetare dhe banesat e marra me qira nga persona të tretë. Zonat turistike Opozita kundërshton nenin e projektligjit të OSBE-së për zonat turistike, i cili parashikon që ato t’i lihen shtetit me argumentin se ai do t’i shfrytëzojë më mirë. “Unë do të prozoj në komision, që zonat turistike, të lira, t’i jepen të zotit. Ndërsa, nëse në to janë ndërtuar biznese, që kanë lidhur kontratë 25-vjeçare me shtetin, kontrata t’i kalojë pronarit të ligjshëm dhe qiranë që ndërtuesi i paguan shtetit, ta marrë pronari”, tha demokrati Beja. Sipas tij, kjo alternativë do t’iu kthente tokat pronarëve në bregdet. Nënkryetari i Ligjeve thekson faktin se, “janë dhënë leje për ndërtimin e fshatrave turistikë, edhe pse trualli e ka një zot, kështu që përfitimet duhet t’i marrë ai së bashku me kontratën”. Banesat Opozita do të kërkojë në mbledhjen e ardhshme të komisionit, ndryshime në nenin për banesat. Alternativa e tyre është që, “ligji, pasi iu kthen banesat ish-pronarëve, siguron me qira dyvjeçare personat që e kishin zënë atë deri në gjetjen e një shtëpie tjetër. Sipas Bejës, shteti nuk ka pse të paguajë qiranë, nëse personat që kishin zënë banesën, kanë të ardhura të mjaftueshme për të paguar qiranë e banesës tjetër. Por shteti duhet të ndërhyjë vetëm për ato familje, të cilat nuk kanë të ardhura për ta paguar, apo qiraja e shtëpisë është 25% më shumë se të ardhurat e tyre”. Propozimet e reja të PD-së Të ndryshojë neni për zonat turistike Zonat në bregdet të lira t’u rikthehen pronarëve të ligjshëm Ato që janë zënë nga biznese të ndryshme, ata t’ia paguajnë qiranë pronarëve dhe kontrata e dhënies me qira të truallit, të kalojë nga shteti te pronari Shteti të mos paguajë qiranë e banesave për familjet që do të t’ua rikthejnë banesën pronarëve, nëse ato kanë të ardhura të mjaftueshme Nëse prona e pronarit të ligjshëm do të merret për pronë publike nga shteti, në kompensim të mos mbahet tatimi