Gusht 28, 2004 http://www.balkanweb.com/gazeta/gazeta.htm

Faqja 4 – POLITIKE

 LEVIZJA PER ZHVILLIM KOMBETAR HARTON STRATEGJINE

"Nuk ka bashkëpunim me PD"

"PD është kthyer në parti që i shërben vetëm NJE-shit"

Artemida Çollaku

Lëvizja për Zhvillimin Kombëtar nuk ka asnjë shpresë për të bashkëpunuar me Partinë Demokratike, nisur nga qëndrimi që kjo parti ka mbajtur ndaj kësaj lëvizjeje. Ndërkohë pritet që në fillim të muajit shtator të zhvillohet mbledhja tjetër e Këshillit Kombëtar, për të kristalizuar një sërë detyrash.

LAJMI

Lëvizja për Zhvillimin Kombëtar e sheh të pamundur bashkëpunimin me partinë më të madhe të opozitës, Partinë Demo-kratike. Në një prononcim për Gazetën, anëtari i Këshillit Kombëtar të kësaj lëvizjeje, Hysen Sinani, u shpreh se një gjë e tillë është shumë e vështirë për t'u realizuar. "Do të ishte ideale sikur të gjendej mundësia për të bashkëpunuar me opozitën dhe për të dalë në një front të përbashkët në zgjedhjet e ardhshme parlamentare. Por unë e shoh të pamundur një gjë të tillë", tha Sinani. Sipas tij, pengesa për ta bërë të mundur një gjë të tillë është te PD-ja. "E them këtë sepse te PD-ja shoh më shumë 'kriptokomunistë' që do të thotë komunistë të fshehur, sesa te Partia Socialiste", tha Sinani. Ai u shpreh se kjo parti është kthyer në një parti "sekt", "sa edhe kur tenton në mënyrë demagogjike t'ua hapë dyert intelektualëve apo shoqërisë civile, e bën në një mënyrë shumë butaforike, duke i nxjerrë një ditë në tribunë dhe ditën e dytë nuk i shikon më". Sipas tij, duket se opozita shqiptare është personalizuar "për të realizuar qëllimet e numër Një-shit të saj, doktor Berishës. Ndërkohë ai e ka vlerësuar moralisht lëvizjen që lindi në radhët e socialistëve, LSI. "Ajo është një alternativë e forcave të majta që vërtet duan zhvillim", tha Sinani.

Synimet e Lëvizjes
Lëvizja për zhvillim kombëtar ndodhet në fazën e përpunimit të programit të saj. Janë përcaktuar komisionet, duke filluar që nga komisioni politik dhe deri tek ai kulturor. "Të gjitha këto komisione kanë përfunduar tashmë pjesët përkatëse të programit të kësaj lëvizjeje dhe tani po bëhet një unifikim i tij", tha Sinani. Në mbledhjen e ardhshme të Këshillit Kombëtar të LZHK-së, që pritet të mblidhet në fillim të muajit shtator, do të vendoset dhe për strukturat e tjera që do të ngrihen.

Objektivat
Tashmë janë përcaktuar edhe çështjet që do të jenë temë diskutimesh në mbledhjen e ardhshme të LZHK-së. Kështu, një prej tyre është miratimi i programit përfundimtar të LZHK-së. Po kështu, një nga temat më të diskutueshme do të jetë edhe përcaktimi i kandidaturave për deputetë në zgjedhjet e ardhshme parlamentare. Sinani u shpreh se do të jetë vetë pretendenti për fronin mbretëror Leka I, ai që do të bëjë prezantimin e të gjitha kandidaturave për deputet në të 100 zonat zgjedhore të vendit.

-----------------------------------------------

E Shtune, 28 Gusht 2004 http://www.korrieri.com/

PLL, nuk firmos dokumentin elektoral te Mbretit Leka

 Drejtuesit e larte te PLL, nuk firmosin nje marreveshje politike me karater elektoral, te ofruar nga Leka Zogu dhe zyrtare te larte te Oborrit Mbreteror. Dokumenti u kerkon partive nenshkruese qe te bien dakort per te dale ne zgjedhjet e ardhshme parlamentare nen siglen e LZHK dhe, drejtues i fushates te jete Mbreti

Armando META

Drejtuesit e larte te PLL, nuk firmosin nje marreveshje politike me karater elektoral, te ofruar nga Mbreti Leka Zog dhe zyrtare te larte te Oborrit Mbreteror. Lajmi ne fjale eshte bere i ditur posacerisht per gazeten "Korrieri", nga drejtues te larte te dy subjekteve politike, si Partise Konservatore dhe ajo Fshatare, te cilat kane pranuar te hedhin firmen ne marreveshjen ne fjale. Marreveshja, sipas firmetareve, eshte nje dokument mjaft i shkurter, ne te cilin, ne vija te pergjithshme, theksohet se, duke marre parasysh nenin 16 te Ligjit per Zgjedhjet, partite nenshkruese te kesaj marreveshje bien dakort qe te dalin ne zgjedhjet e ardhshme parlamentare, nen siglen e Levizjes per Zhvillim Kombetar (LZHK) dhe drejtues i fushates elektorale te Levizjes te jete Mbreti Leka Zog. Kryetari i PKons. Armando Ruco beri te ditur se kjo marreveshje ploteson, ne mase te konsiderueshme, qellimet e perfaqesimit elektoral te LZHK. Po sipas tij, tre emrat e subjekteve politike, te cilat ishin ftuar te firmosnin marreveshjen ne fjale, ishin PLL, Pkons. dhe Partia Fshatare. "Ne firmosen marreveshjen e ofruar nga Mbreti Leka, por drejtuesit e larte te PLL, parti e cila eshte edhe e para ne kete liste, nuk firmosen. Nuk mund te aresyetoj se perse kreu i PLL nuk e hodhi firmen ne marreveshje, pasi gjykoj se kjo eshte ceshtje e raporteve politike midis Oborrit Mbreteror dhe PLL. Ajo qe dua te theksoj eshte fakti se jane nje numer mjaft i madh subjektesh te tjera politike, te cilat jane duke e firmosur kete marreveshje", nenvizoi Ruco. Mos hedhja e firmes nga ana e drejtuesve te larte te PLL, ne dokumentin elektoral te ofruar nga Mbreti Leka, sic bwn tw ditur Ruci, ben te qarte se ndryshe nga cishte menduar ne fillim, LZHK nuk do ta kete te lehte te operoj politikisht ne skenen politike shqiptare, aq me shume ne formesimin e nje koalicioni te gjere me parti shume me te rendesishme ne spektrin politik se sa dy partit te cilat kane pranuar deri me tani ta firmosin kete dokument, nen emblemen e LZHK. Aresyet e mosfirmosjes se dokumentit nga ana e krereve te larte legalisteve ende nuk jane bere publike, me gjith kembenguljen e gazetes "Korrieri", qe ata te jepnin argumentat e tyre per kete qendrim. Drejtues te larte te PLL nuk pranuan te deklaroheshin per lajmin ne fjale. Ajo qe duket se e komplikon pak situaten politike ne raportet mes PLL dhe LZHK eshte fakti se PLL, duket ose kwrkon njw marrwveshje mw tw plotw ose sepse ende nuk ka marre nje vendim ne forumet drejtuese te kesaj partie se cfare do te bej me koalicionin "Bashkimi per Fitore", te drejtuar nga PD, ne te cilin legalistet bejne pjese per afro 4 vitesh. Llogjika politike kerkon qe Keshilli Kombetar i PLL te mblidhet per te marre nje vendim se cdo te bej me koalicionin "BF", si dhe per te vendosur nese do te firmose dokumentin elektoral te ofruar nga Mbreti Leka. Kurse nga ana tjeter edhe marreveshja me tre rreshta e ofruar nga Mbreti Leka per aderim te PLL ne LZHK, duket qarte se nuk ngroh askend. Ngrica behet me e madhe po te kihet parasysh se kesaj Levizje i mungon qartazi, deri me tani, programi i saj politik per Zhvillimin e Kombit. Tabloja e paraqitur deri me tani nga LZHK, si dokumenti me tre rreshta per te bere koalicion, si dhe mungesa e programit, ka pak gjasa te frymezoje subjekte serioze politike per tu rreshtuar pas emblemes se LZHK.

Ligji per Zgjedhjet

Neni 16



Koalicionet zgjedhore

1. Dy ose me shume parti politike te regjistruara ne KQZ, sipas nenit 15 te ketij Kodi, mund te regjistrohen ne KQZ si koalicion zgjedhor, duke paraqitur 35 dite perpara dates se zgjedhjeve, marreveshjen perkatese te koalicionit. Marreveshja duhet te percaktoje nese partite perberese te koalicionit do te paraqiten ne votimin proporcional vecmas, ose koalicioni do te paraqitet si subjekt i vetem.

2. Brenda afatit te parashikuar ne nenin 78 te ketij Kodi, koalicionet e regjistruara depozitojne ne KQZ listat shumemerore, ne perputhje me nenet 84 dhe 85 te ketij Kodi.

3. Marreveshjet e koalicionit zbatohen drejtperdrejt nga KQZ-ja kur ato permbajne:

a) daten e krijimit, te dhenat mbi perberjen dhe emertimin e koalicionit;

b) listen shumemerore te perbere kur partite e koalicionit paraqiten vecmas ne fleten e votimit, ose listen shumemerore te perbashket kur koalicioni paraqitet si subjekt i vetem;

c) formulen e shperndarjes se votave midis partive anetare te koalicionit, ne rastet kur koalicioni paraqitet ne fleten e votimit si subjekt i vetem zgjedhor. Formula e shperndarjes se votave nuk eshte e vlefshme per perllogaritjen e mandateve plotesuese te koalicionit.

4. Partite politike nuk mund te marrin pjese ne me shume se nje koalicion.