Metonjesi per fronin mbreteror, Leka Zogu, me ane te nje mesazhi ka uruar shqiptaret per festen e Flamurit. "Perkujtojme me krenari Festen tone Kombetare - Diten e Pavaresise se Shqiperise, 28 nentorin e vitit 1912, kur Ismail Qemali ngriti Flamurin Kombetar ne Vloren Historike", thuhet ne mesazh. Kjo dite e shenuar, vijon mesazhi, eshte sot mes nesh me ngritjen e themeleve te Shtetit te ri Shqiptar, me besa - besen e lidhur mes atdhetareve dhe luftetareve per zhvillimin e Shqiperise. "Ju urojme gezime dhe suksese te gjithe shqiptareve, kudo qe jetojne, per te miren e familjeve te tyre, per zhvillimin dhe begatine e Atdheut tone te dashur. Dita e Flamurit na kujton gjithmone se ne - te gjithe Shqiptaret - duhet te vazhdojme besen historike per ta bere Shqiperine nje Komb te zhvilluar, te integruar ne Europe, si nje ure lidhese mes Europes dhe Mesdheut", nenvizon Leka Zogu ne mesazhin e tij. Metonjesi per fronin mbreteror ben te ditur se ka marre persiper Levizjen per Zhvillim Kombetar, si nje domosdoshmeri per ta qeverisur me pergjegjesi kombetare shtetin shqiptar, per t'i kthyer dinjitetin dhe mireqenien e merituar. "Levizja per Zhvillim Kombetar tashme ka ne gjirin e saj intelektuale atdhetare, politikane te pergjegjshem dhe u ka bere thirrje te gjithe shqiptareve, qe te bashkohen ne nje front te vetem per ndryshimin qe na kerkon kombi shqiptar. Ne deklarojme se askush nuk mund te luaje me fatet e popullit shqiptar, me ekonomine tone, me historine tone, prandaj kemi shpallur misionin e ri, me zgjidhje te reja per Zhvillim Kombetar", perfundon mesazhi i Leka Zogut.

A.META

 

28 Nentor 2004 http://www.kohajone.com/

LEKA ZOGU URON SHQIPTARET NE DITEN E PAVARESISE

Levizja per Zhvillim Kombetar, nepermjet nje deklarate per shtyp uron te gjithe shqiptaret per festen e kombetare. Sipas kesaj deklrate, LZHK-ja njeh si feste kombetare Diten e Pavaresise se Shqiperise, 28 nentorin e vitit 1912, kur Ismail Qemali ngriti Flamurin Kombetar ne Vloren Historike. Per kete arsye LZHK-ja, fton te gjithe shqiptaret qe ne kete feste kombetare, te vazhdojme besen historike per ta bere Shqiperine nje komb te zhvilluar, te integruar ne Europe, si nje ure lidhese mes Europes dhe Mesdheut.

LZHK: JO ALEANCA ME CDO KRAH PARTIAK

Levizja per Zhvillim Kombetar, duke i cilesuar si spekullim te mediave, lidhur me intervisten e dhene nga kryetari i LZHK-se NMT Leka I-re Zogu, saktesoi se "NMT Leka I-re nuk eshte prononcuar per aleanca me partite politike te cfaredo krahu qofshin ato". Madje siaps saj, ne kete interviste kryetari i LZHK-se, cilesoi se kjo partie eshte e hapur per te gjithe ata persona qe me deshire te plote punojne per interesat e Shqiperise dhe interesat kombetare.

 

Ngjela: LZHK-ja nuk rreshtohet në opozitë

Ish-sekretari për marrëdhëniet me publikun në PD, Spartak Ngjela, është shprehur se LZHK-ja nuk është forcë opozitare, gjatë komentit të tij bërë deklaratës së drejtuesit të LZHK-së, Leka Zogut. Pretendenti për Fronin Mbretëror Leka Zogu u shpreh se lëvizja që ai drejton, do të bëjë koalicion me atë forcë politike që do të jetë më atdhetare, pas zgjedhjeve. Por, sipas Ngjelës, kjo lëvizje nuk mund të rreshtohet në opozitë, pasi "nuk hyri dot në betejë normalisht". "Këto janë zgjedhje të secilës palë dhe nuk ka asnjë gjë të re për këtë lëvizje, si majtas, si djathtas, për kompromise apo koalicione", tha Ngjela. Sipas tij, të bësh opozitë do të thotë të bësh betejë dhe "betejën nuk mund ta bëjë gjithkush". Ai nënvizoi se vitet e fundit kanë treguar se opozita reale në politikën shqiptare është vetëm Partia Demokratike, duke lënë në hije aleatët e saj të vegjël.

Data e Publikimit: 27/11/2004  http://www.ballkan.com/   Leka Zogu: Do të bashkëpunojmë edhe me socialistët Autori i Lajmit: Agim Haxhiu Tiranë - Leka Zogu deklaroi dje se Lëvizja për Zhvillim Kombëtar do të jetë e hapur për bashkëpunim me të gjitha partitë politike, përfshi edhe Partinë Socialiste, qoftë edhe për zgjedhjet e ardhshme. “Mbi të gjitha, ne kemi interesat kombëtare dhe për këtë jemi të hapur për të gjithë”, u shpreh ai. Deklarata e tij duket pak e kundërt me partitë politike të përfshira në këtë lëvizje. Po ashtu Leka Zogu është shprehur se do të kërkojë sërish referendum për regjimin në Shqipëri, por kjo nëse do të mbështetet nga shumica e qytetarëve. Bashkëpunimi Pretendenti për fronin mbretëror Leka Zogu deklaroi dje se LZHK është një forcë politike që do të jetë e hapur për bashkëpunim me të gjitha forcat politike, përfshi këtu edhe Partinë Demokratike, por edhe atë Socialiste. “Ne nuk jemi as të djathtë dhe as të majtë, kemi qenë të hapur për të gjithë ata persona që me dëshirë të plotë punojnë për interesat e Shqipërisë dhe interesat kombëtare”. Pasi ka pranuar faktin se lëvizja që ai drejton do të jetë forcë kryesore pas zgjedhjeve të ardhshme parlamentare, ai ka konfirmuar se edhe qeverisja e ardhshme do të ngrihet pikërisht nga bashkëpunimi me të gjitha partitë politike. Por deklarata e Leka Zogut duket e kundërt me drejtuesit e partive politike që kanë pranuar t’i bashkëngjiten kësaj levizjeje, si Lëvizja e Legalitetit drejtuar nga Ekerem Spahia apo edhe Partia Demokratike e Rinovuar e Dashamir Shehit. Këta janë shprehur se nuk mund të ketë bashkëpunim me Partinë Socialiste për faktin se ata i përkasin spektrit të djathtë, sikurse edhe për faktin tjetër se PS nuk mbron interesat e qytetarëve apo problemet që kanë të bëjnë me çështjen kombëtare. Krahas kërtyre partive edhe deputetët që përfaqësojnë LZHK-në në Kuvend si Shpëtim Roqi apo Maks Begeja shprehen se bashkëpunimi duhet të jetë brenda spektrit të djathtë. Pretendenti për fronin mbretëror është ndalur edhe në çështjen e referendumit. Referendumi “Nëse në zgjedhjet e ardhshme Lëvizja për Zhvillim Kombëtar do të fitojë të kërkojë edhe referendum për mënyrën e regjimit në Shqipëri, monarki apo republikë”, u shpreh Leka Zogu. Por, sipas tij, kjo kërkesë do të bëhet vetëm nëse do të gëzojë mbështetjen e qytetarëve. “Do ta kërkoj në të ardhmen, por kjo do të jetë në varësi të qytetarëve shqiptarë. Pra, kërkesa jonë nuk do të ketë të bëjë me faktin se ne jemi një forcë monarkiste dhe kërkojmë me çdo kusht rikthimin e këtij regjimi, por me pëlqimin e qytetarëve”, u shpreh ai. Kërkesa për referendum do të jetë e dyta pas asaj që u zhvillua në vitin 1997, kur rezultati i zgjedhjeve foli kundër monarkistëve. Kjo solli edhe revolta të drejtuara nga Leka Zogu, i cili më pas edhe u largua nga Shqipëria për t’u rikthyer më 2002.

 

28/11/2004 "Shekulli" http://www.shekulli.com.al/

Presidenti i vendit Alfred Moisiu flet për gazetën e shqiptarëve të SHBA “Iliria”

Moisiu: PD e ka keqkuptuar zgjedhjen time me konsensus

TIRANE - Në një intervistë për gazetën “Iliria”, presidenti i vendit shprehet se kritikat e opozitës ndaj tij kanë ardhur ngaqë demokratët e kanë keqkutuar zgjedhjen e tij me konsensus. Moisiu është i mendimit se të zgjidhesh me konsensus apo dhe të propozohesh nga një forcë politike nuk do të thotë që të mbash krahun e asaj force apo të bazohesh në vendime tek dëshirat e partive. Sipas tij, kushtetuta është busulla që duhet ndjekur.

Pyetje: Një pyetje paska më të veçantë. Si do ta festoni ju si president 28 Nëntorin, Ditën e Shpalljes së Pavarësisë?

Ditën e Shpalljes së Pavarësisë do ta festoj si presidenti i vendit, në përputhje me traditën dhe me detyrat e mia kushtetuese. Ky është një rast i mirë për t’u drejtuar një mesazh të gjithë shqiptarëve, t’u apeloj atyre për më shumë përgjegjësi ndaj vendit të tyre, ndaj shtetit të tyre, ndaj kombit të tyre. Ne jemi një vend me resurse të kufizuara natyrore e njerëzore, ndaj ne duhet t’i përdorim ato me efektivitet dhe në maksimumin e tyre në dobi të zhvillimit e përparimit të vendit. Gjatë këtyre viteve të tranzicionit kemi humbur shumë kohë me debate politike, sjellje të papërgjegjshme ndaj shtetit, harxhim energjish në boshllëk dhe shfrytëzim të posteve shtetërore për interesa personale e partiake. Kjo është një praktikë që duhet të marrë fund. Ne duhet të mendojmë për kombin dhe vendin përpara se të mendojmë për vete; duhet të mendojmë për brezat e ardhshëm përpara se të mendojmë për interesat e ditës. Shumë prej konflikteve dhe debateve politike e sociale në Shqipëri ndodhin ngaqë dialogu dhe bashkëpunimi midis institucioneve është ende i dobët, ato nuk janë kthyer ende në normë për politikën dhe qytetarët. Në jetën e përditshme fatkeqësisht shohim se ndonëse ka një fushatë kundër korrupsionit dhe krimit, ende rezultatet janë të pandjeshme për qytetarët; ndonëse ka shumë strategji zhvillimi ende ka nivel të lartë varfërie, diferencë zhvillimi midis zonave të ndryshme, abuzime flagrante me pushtetin, mungesë transparence para qytetarëve dhe çfarë është më e keqja, ka mungesë vullneti për bashkëpunim në zgjidhjen afatgjatë të këtyre problemeve. Shqipëria dhe Kosova kanë sfida të mëdha përpara vitin që vjen. Në Shqipëri mbahen zgjedhjet e reja parlamentare, të cilat kanë një rëndësi historike për procesin e demokracisë në vend, për progresin e institucioneve dhe të ekonomisë, për mbylljen me sukses të procesit të negociatave për nënshkrimin e Marrëveshjes së Asociim-Stabilizimit. Nga këto zgjedhje varet procesi i integrimit të vendit në strukturat euroatlantike. Unë shpreh kënaqësinë që është bërë progres me reformën zgjedhore dhe shpresoj që zgjedhjet e ardhshme do të bëhen me një ligj të mirë dhe vetë zgjedhjet do të jenë transparente, të ndershme dhe do të shprehin realisht vullnetin politik të qytetarëve të Shqipërisë. Partitë politike kanë dhënë garanci politike se do të punojnë për zgjedhje të lira dhe të pranueshme nga palët, duke e vlerësuar cilësinë e zgjedhjeve më shumë se rezultatin që do të dalë prej tyre. Me këtë rast u bëj edhe njëherë thirrje politikanëve dhe partive politike që të mos humbin kohë me procedura teknike, të heqin dorë nga interesat e ngushta partiake, të punojnë ndershmërisht dhe bashkarisht për një proces zgjedhor të lirë dhe të ndershëm, dhe mbi të gjitha të tregojnë vullnet të qartë politik. Vetëm kështu do të jenë të fituara të gjitha palët, do të jetë e fituar Shqipëria. Në demokraci nuk ka as humbës dhe as fitimtarë të përjetshëm. Dhe këtë duhet ta ketë të qartë klasa jonë politike, e cila ka krijuar probleme serioze sidomos gjatë proceseve zgjedhore.
Pyetje: Z. president, jemi futur në zonën e nxehtë të politikës. Ju jeni president i zgjedhur me konsensusin e forcave politike kryesore në vend. Ndërkaq opozita ju ka kritikuar ashpër aq sa në disa raste ka shprehur pendimin e saj që votoi për ju. Nga e kanë origjinën mendoni ju, këto qëndrime të opozitës shqiptare?
Presidenti Moisiu: Po, e vërteta është se unë jam propozuar me konsensusin e plotë të maxhorancës dhe të opozitës dhe jam zgjedhur Ppresident në rrugë kushtetuese me votim të fshehtë të Parlamentit. Kur jam zgjedhur kam premtuar se do të jem president mbi partitë dhe në momentin që unë jam zgjedhur president i vendit, jam bërë president i të gjithë qytetarëve shqiptarë. Një anësi politike, do të ishte jo vetëm e dëmshme, por edhe e pandershme. Këtu më duket se një pjesë e opozitës krijoi një keqkuptim; ajo më propozoi, por detyra e presidentit është të qëndrojë mbi palët. Nga ky keqkuptim kanë ardhur disa qëndrime të pakuptueshme, që unë jam përpjekur t’i trajtoj me gjakftohtësi dhe në asnjë rast nuk jam shmangur nga detyrimet e mia kushtetuese për shkak të këtyre kritikave. Gjatë mandatit tim të deritanishëm kam zbatuar vetëm kushtetutën e vendit dhe kam marrë ato vendime që rrjedhin prej detyrimeve të mia kushtetuese. Eshtë normale që partitë të përpiqen të përfitojnë sa më shumë nga institucioni i Presidentit, por duhet të jetë institucioni i Presidentit ai që garanton barazinë, paanshmërinë, transparencën dhe mbi të gjitha respektimin e kushtetutës. Nuk është përgjegjësi politike e presidentit fakti që në disa raste partitë nuk u përmbahen marrëveshjeve që nënshkruajnë vetë. Të zgjidhesh me konsensus nuk do të thotë që për çdo vendim dhe veprim tëndin të bazohesh në dëshirat e partive. Detyrimi im është një dhe vetëm një: të bindem ndaj ligjit dhe kushtetutës. Kur kërkesat dhe dëshirat e partive nuk përputhen me kërkesat e ligjit dhe kushtetutës, nuk është presidenti që ka prishur frymën konsensuale, por janë politikanë e politika të caktuara që fatkeqësisht ende operojnë me mentalitetet e partisë - shtet. Në veprimtarinë time kushtetuese ka ndodhur shpesh që vendimet apo mendimet e mia të ndeshin në kritika të maxhorancës ose të opozitës. Më ka ndodhur të kthej ligje të maxhorancës apo të refuzoj kërkesa të paarsyeshme të forcave të tjera politike, por në asnjë rast kjo nuk ka qenë një zgjedhje emociale e personale, por një bindje që bazohet në ligj dhe në kushtetutë. Kjo është demokracia. Si president kam nxitur frymën e bashkëpunimit dhe ligjit, kam luftuar e vazhdoj të luftoj për një moral të ri në politikë, për forcimin e institucioneve kushtetuese dhe të unitetit kombëtar. Dera ime ka qenë e mbetet e hapur për këdo që do të bashkëpunojë me presidentin, por që të bashkëpunohet duhet që të dy palët të zotërojnë kulturën e dialogut dhe respektit ndaj kushtetutës.
Lufta dhe përpjekjet e mia synojnë ndërtimin e forcimin e shtetit ligjor, gjë që do i shërbente forcimit të demokracisë dhe sidomos integrimit tonë euroatlantik.

Unë jam optimist për të ardhmen e shtetit shqiptar e të shqiptarëve. Shenjë inkurajuese është edhe fakti se me kontributin e të gjithë forcave politike, përfshirë edhe të opozitës, Shqipëria ka bërë hapa seriozë përpara. Eshtë bërë progres në forcimin e disa institucioneve kryesore demokratike, si sistemi gjyqësor, me reformën në Gjykatën Kushtetuese dhe krijimin e Gjykatës së Krimeve të Rënda apo forcimi i KLSH-së, të cilat bashkë me institucione të tjera ndihmojnë në forcimin e luftës kundër trafiqeve, korrupsionit dhe krimit të organizuar, ku fatkeqësisht ende ka boshllëqe serioze. Pjesë e arritjeve janë edhe përpjekjet për nxitjen e dialogut politik midis aktorëve kryesorë si dhe rritja e konsensusit për çështjet e integrimit, çka na jep garanci për një të ardhme më të mirë për vendin.

Pyetje: Z. president, cilat janë marrëdhëniet e Shqipërisë me fqinjët e saj?

Presidenti Moisiu: Mendoj se asnjëherë në histori nuk kanë qenë kaq të mira, kaq miqësore. Ne kemi marrëdhënie të shkëlqyera me Italinë, fqinjen tonë perëndimore. Por gjithashtu ne kemi marrëdhënie shumë të mira e miqësore me fqinjët tanë, Greqinë, Maqedoninë, Malin e Zi si dhe vendet e tjera të rajonit. Mund t’ju them se në një simpozium ndërkombëtar që do të organizojmë në Tiranë më 9-10 dhjetor, për herë të parë do të marrin pjesë shumica e presidentëve të Ballkanit, fakt që flet shumë për frymën e re të bashkëpunimit dhe për rolin e veçantë të Shqipërisë në këtë proces.
Popujt e Ballkanit nuk kanë të ardhme tjetër veçse atë të bashkëpunimit, të fqinjësisë së mirë, të miqësisë, të tejkalimit të barrierave të krijuara nga momentet e vështirë historikë. Ne duam dhe punojmë për një Ballkan të hapur, të integruar, të stabilizuar, të europianizuar. Në asnjë raste politika dhe diplomacia jonë nuk ka devijuar nga këto parime të shenjta mbi të cilat është ndërtuar dhe po funksionon Bashkimi Europian. Sigurisht që ne jemi të vetëdijshëm se ende ka shumë vështirësi, shumë sfida për t’u përballuar, shumë probleme ende të pazgjidhura. Nuk është e lehtë të largohen mentalitetet e vjetra të konfliktit, por kam bindje se rajoni ynë nuk ka kthim prapa dhe shqiptarët kanë një meritë të madhe në këtë arritje historike.
Nga ana tjetër kushtetuta jonë më ngarkon me përgjegjësinë për mbrojtjen e të drejtave të shqiptarëve kudo që ndodhen. Hapat tonë politikë e diplomatikë janë e do të jenë të tilla që bashkëkombasit tanë kudo që janë ta ndiejnë veten të barabartë. Ne e kemi përkrahur nënshkrimin e Marrëveshjes së Ohrit dhe besojmë se zbatimi i saj i plotë dhe i shpejtë rrit stabilitetin e Maqedonisë, gjë që është në interes të dy vendeve dhe të rajonit.

Pyetje: Z. president, si i vlerësoni marrëdhëniet midis Shqipërisë dhe Kosovës dhe në veçanti cilat janë marrëdhëniet tuaja me presidentin Rugova?

Presidenti Moisiu: Kosova është nën administrimin e UNMIK-ut, është e hapur me Shqipërinë dhe ka një bashkëpunim të shumanshëm. Ne dëshirojmë që edhe Serbia të kuptojë dhe pranojë realitetin e ri politik dhe të ketë marrëdhënie. Ajo kaloi me sukses periudhën e provës elektorale dhe po ndërton për herë të dytë institucionet demokratike. Kjo është një meritë e veçantë e qytetarëve të Kosovës dhe një tregues se rruga e tyre drejt statusit përfundimtar dhe integrimit demokratik është e pakthyeshme. Ne presim që viti 2005 të përcaktojë statusin final të Kosovës, status që përputhet me dëshirën e vetë qytetarëve të Kosovës. Ky do të ishte një hap i madh për paqen dhe stabilitetin në rajon si dhe është një leksion i mirë për atë kategori të politikës dhe të politikanëve, tashmë në minorancë, që jetojnë ende me mitet e vjetra ballkanike.
Në kuadër dypalësh ne kemi një bashkëpunim të shkëlqyer dhe të gjithanshëm me Kosovën dhe institucionet e saj. Me presidentin Rugova kam marrëdhënie jashtëzakonisht të mira, miqësore dhe mirëkuptim të plotë. Vitin e kaluar e vizitova Kosovën me ftesë të administratorit Holker dhe pashë ndryshime të mëdha. Kam patur rast të pres në Tiranë administratorin Petersen dhe presidentin Rugova dhe jam optimist për të ardhmen e Kosovës. Ne kemi një sërë projektesh dypalëshe që duhet të çohen më tej, ku vend të rëndësishëm zë ndërtimi i rrugës Durrës-Kukës-Morinë, rrugë që do të lehtësojë lëvizjen e njerëzve, mallrave, do të rrisë ndjeshëm shkëmbimin e gjithanshëm midis dy vendeve.

Pyetje: Z. president, Shqipëria është e përfshirë në aleancën e madhe të luftës kundër terrorizmit të udhëhequr nga SHBA-të dhe presidenti Bush. A do të vazhdojë Shqipëria të marrë pjesë në këtë koalicion?

Presidenti Moisiu: Në jemi krenarë që marrim pjesë në aleancën e madhe antiterror të udhëhequr nga SHBA-të dhe presidenti Bush. Kjo luftë, është luftë e të mirës me të keqen, e njerëzores me demonët, e vlerave të qytetërimit, me armiqtë e tij. Ne jemi një vend me tre fe dhe jemi një shembull në histori për harmoninë, mirëkuptimin, respektimin, dashurinë e ndërsjelltë. Terrorizmi është kërcënimi më serioz për qytetërimin e sotëm dhe ne të gjithë, pa dallim, duhet të jemi të vendosur në këtë luftë dhe ta fitojmë atë. Ne zgjodhëm angazhimin sepse ne jemi të bindur se ky është opsion shumë më i mirë sesa pritja që secili nga vendet tona të goditet nga terroristët. Këtë vit isha në Mosul, në Bosnje dhe në Kabul për të takuar ushtarët tanë. Si president jam krenar me punën dhe misionin e tyre; të gjithë shqiptarët duhet të jenë krenarë me ta.

E Diele, 28 Nentor 2004 http://www.korrieri.com/