Leka I^er : Mon projet pour l'Albanie

Lors de la conférence de presse, organisée le 29 mai 2004, SM le roi Leka I^er a annoncé la création du Rassemblement pour le Redressement de l'Albanie.

Devant la situation critique du pays, Leka Ier a indiqué que le temps était venu pour qu'il s'engage personnellement en faveur des vrais aspirations du peuple albanais. 

Dénonçant devant l'opinion publique, l'incapacité des gouvernements, depuis plus de dix années, de mettre fin à la corruption, aux querelles entres partis politiques, au chômage, aux injustices sociales et à l'exode de la jeunesse, le roi Leka lance un appel à tous les hommes de bonne volonté de rejoindre son mouvement pour oeuvrer en faveur de la vraie démocratie et assurer de meilleures perspectives à ses concitoyens.

Il a aussi laissé entendre qu'il est disposé à participer aux élections de 2005 pour faire changer les choses et, à ce titre, il s'est adressé en particulier à tous ceux qui, lors des consultations électorales successives, se sont abstenus de voter.

Les principaux points de son projet concernent les éléments suivants :

1 )Redonner la confiance au peuple concernant les affaires politiques,

2) Recréer les liens de l'Albanie entre l'Europe et le Moyen-Orient, en complément du corridor trans-Adriatique,

3) Recréer les conditions de l'Etat de droit et de la sécurité des personnes, et assurer la stabilité démocratique du gouvernement,

4) Garantir des lois de justice, d'économie de marché et de restitution des biens,

5) Réformer l'appareil de justice et assurer son indépendance, et réformer les services de renseignements de l'Etat,

6) Obtenir des investissements pour améliorer les conditions de l'enseignement, de la culture et le statut du citoyen en conformité avec les normes européennes,

7) Réformer le code électoral pour permettre la tenue de consultations libres, démocratiques et justes, respectant le verdict du peuple,

8) Oeuvrer en faveur de l'Albanie ethnique en appuyant, en premier lieu, l'indépendance du Kosovo,

9) Mettre en œuvre une nouvelle politique qui répondra aux normes européennes pour faciliter l'entrée de l'Albanie dans l'Europe.

Pika te platformes te "Levizjes per Zhvillim Kombetar":

1 - Ringjallja e besimit te humbur te popullit tek politika.

2 - Kthimi i Shqiperise ne nje ure lidhese midis Europes dhe Mesdheut, pergjate Korridorit Trans- Adriatik

3 - Autoriteti shteteror, zhvillimi i administrates lidhen, ne radhe te pare, me vendosjen dhe ruajtjen e rendit. Vetem nga forca dhe stabiliteti demokratik i qeverisjes, do te garantohet zhvillimi i pa nderprere i Shqiperise.
4 - Ndertimi i shtetit ligjor te se drejtes, demokracia si proces, siguria kombetare dhe ekonomia e zhvilluar mbi bazen e prones private.

5 - Do te reformohet thelle pushteti gjyqesor dhe sigurohet pavaresia e tij. Do reformohen institucionet kryesore te Sigurise Kombetare.

6 - Do te investohet me perparesi per diturine, per arsimin, i nderthurur me kulturen dhe qyteterimin perendimor.

7 - Sigurimi i kushteve per te levizur lirisht kudo ne bote, me pasaporte shqiptare.

8 -  Nëse Kosova do të fitojë pavarësinë, lëvizja do të kërkojë bashkimin e saj

me Shqipërinë, nëse këtë do ta dëshirojnë shqiptarët në të dyja anët e kufirit.
9 - Ndertimi i infrastruktures zgjedhore demokratike per te siguruar zhvillimin e zgjedhjeve te lira, te drejta dhe te ndershme, qe populli te jape verdiktin e tij.

Mesazh i NMT Leka I, drejtuar Kombit Shqiptar, me rastin e shpalljes së Lëvizjes për Zhvillim Kombëtar

Një front të vetëm për ndryshim

Me fjalën time përshëndetëse, në përvjetorin e Kongresit Historik të Lushnjës, të Deklaratës për Shtyp, disa muaj më parë dhe të disa intervistave të mija në mediat kombëtare, i kam përcjellë popullit shqiptar lajmin për fillimin e Lëvizjes për Zhvillimin Kombëtar.

Idetë e kësaj Lëvizjeje burojnë nga shqetësimi i madh për fatet e vendit dhe të Kombit Shqiptar. Por edhe nga vizioni i shqiptarëve patriotë për ta parë Atdheun mes kombeve të zhvilluara. Ne kemi analizuar këtë gjëndje dhe kemi përgatitur projekte konkrete për të tashmen dhe të ardhmen e Shqipërisë. Jemi konsultuar gjerësisht me njerëz të ndryshëm nga të gjitha krahinat shqiptare, me intelektualë e politikanë, që e duan me zemër Shqipërinë dhe Kombin Shqiptar. Prandaj kjo Lëvizje synon që të bashkojë çdo lëvizje që është për Zhvillim Kombëtar dhe Shoqëror.

Shqipëria ka bërë disa ndryshime pozitive, por akoma institucionet e saj janë larg kuptimit të shtetit ligjor dhe të demokracisë. Ajo sot është e ligështuar nga agresiviteti dhe konflikti politik, nga korrupsioni e krimi i organizuar, nga papunësia dhe varfëria, nga hakmarrja dhe gjakmarrja. Po personalizohet politika dhe pushteti, duke ndërhyrë mbi legjislativin dhe ekzekutivin, mbi drejtësinë dhe shtypin e lirë.

Ne kemi venë re se, në këtë kohë, politika e konfliktit, intriga, lufta për pushtet, i kanë çuar shqiptarët në mëri, në dhunë në pasivitet, duke e lënë vendin të mjeruar. Kjo situatë tregon se, klasa politike nuk e ka kuptuar ende misionin e politikës, se si duhet drejtuar shteti, se si duhet qeverisur. Politikanët janë përqendruar në një luftë të ashpër e pa moral për pushtet. Ata diskutojnë dhe veprojnë se si të mashtrojnë dhe të mposhtin njëri - tjetrin. Këto kanë bërë që shqiptarët të humbin besimin e tyre për të sotmen dhe të ardhmen. Ata e shohin se janë shmangur njerëzit patriotë, intelektualët me përgjegjësi kombëtare. Kjo gjendje rrezikon të vrasë patriotizmin, dashurinë për atdheun, idealet kombëtare.

Lëvizja për Zhvillim Kombëtar do të ringjallë besimin e humbur të popullit tek politika. Ne të gjithë, duhet të flasim me popullin, të bashkëpunojmë me njeri - tjetrin dhe të zbatojmë projekte konkrete për zhvillim. Unë i drejtohem inteligjencës së vërtetë shqiptare, e cila duhet të zgjohet e të organizohet. Ne duhet të bashkohemi për të realizuar ndryshimet që kërkon populli shqiptar. Për këtë, duhet të krijojmë rrugë të reja të mendimit intelektual dhe të veprimit politik. Ky është një rast historik për kombin shqiptar, për t'u zhvilluar si popull dhe për t'u stabilizuar si komb.

Ne shqiptarët, dëshirojmë të futemi në BE, synojmë integrimin euroatlantik. Kjo na takon se ne jemi një nga kombet më të vjetër të Europës. Por ne kërkojmë që të futemi me dinjitet kombëtar dhe ta kthejmë Shqipërinë në një urë lidhëse midis Europës dhe Mesdheut, përgjatë Koridorit Trans- Adriatik. Kjo bashkon aspiratat e shqiptarëve me interesat e SHBA dhe BE për këtë pjesë të Europës dhe do të tregojë forcën stabilizuese të faktorit Shqiptar në Ballkan. Për këtë kërkohet një mirëkuptim politik sa më i gjërë i të gjitha forcave politike shqiptare.

Jam i bindur se, kombi shqiptar ka energji dhe patriotizëm. Ne i kemi potencialet dhe inteligjencën, për të filluar këtë lëvizje të re që do të sjellë ndryshimet e dëshiruara nga të gjithë shqiptarët. Lëvizja do të përfshijë të gjithë krahët e politikës dhe të shoqërisë mbarëkombëtare, me një Ideal - Interesat Kombëtare. Kjo do të sjellë klimën e pajtimit e të mirëkuptimit në kombin shqiptar. Ne kemi nevojë për t'i besuar njëri - tjetrit. Ne duhet të largohemi nga grindjet dhe përçarjet. Ne duhet t'ja lemë kohës që të shërojë plagët tona të së kaluarës, le ta pastrojë ajo të vërtetën. Ne duhet të punojmë për të ardhmen.

Lëvizja për Zhvillim Kombëtar do të jetë shumë shpejt e pranishme në çdo qytet të vendit, në të gjithë hapsirën mbarëshqiptare. Ne kërkojmë angazhimin e intelektualëve dhe politikanëve të guximshëm e me vizion, me aftësi organizative dhe të ditur. Atdheu ka nevojë për njerëz me ndershmëri zyrtare, me forcë karakteri dhe integritet të pastër moral. Ne u bëjmë apel specialistëve, ekspertëve dhe të gjithë qytetarëve, që me vullnet e dëshirë, të mbështetin dhe të bashkohen me Lëvizjen për Zhvillim Kombëtar.

Përvoja e botërore dhe shqiptare na ka mësuar se autoriteti shtetëror, zhvillimi i administratës lidhen, në radhë të parë, me vendosjen dhe ruajtjen e rendit. Vetëm nga forca dhe stabiliteti demokratik i qeverisjes, do të garantohet zhvillimi i pa ndërprerë i Shqipërisë.

Duke vlerësuar gjendjen, qëndroj në mendimin se ndërtimi i shtetit ligjor të së drejtës, demokracia si proçes, siguria kombëtare dhe ekonomia e zhvilluar mbi bazën e pronës private, do të mbeten thelbi dhe përmbajtja e Lëvizjes sonë për Zhvillim Kombëtar. Ato na çojnë në rrugët paqësore të integrimit në Europë dhe janë objektivat tona themelore strategjike. Këto kërkojnë reformimin e thellë të pushtetit gjyqësor dhe sigurimin e pavarësisë së tij, reformimin e institucioneve kryesore të Sigurisë Kombëtare që janë përparësitë kryesore.

Për të përgatitur gjeneratën e re të kombit shqiptar, ne do të investojmë me përparësi për diturinë, për arsimin shqiptar i ndërthurur me kulturën dhe qytetërimin perëndimor. Kështu do të sigurohet arsimimi dhe punësimi i rinisë shqiptare, por do të ruhen dhe do të zhvillohen traditat dhe zakonet tona të mrekullueshme. Patriotizmi shqiptar ka treguar se mban lart Flamurin Kombëtar, di të bashkëjetojë me pakicat e tjera etnike dhe asnjëherë nuk ka realizuar agresione ndaj fqinjëve natyrorë.

Sot, një propogandë antikombëtare, e cilëson Shqipërinë si vendin më të varfër në Europë. Përkundrazi, Shqipëria është shumë e pasur dhe i ka të gjitha resurset dhe potencialet për zhvillim. Ne duhet t'i kthejmë asaj dinjitetin që meriton, duke ndalur emigrimin e trurit dhe të rinisë, si forcat më aktive të kombit shqiptar. Është detyrim shtetëror për t'u siguruar punë dhe mirëqënie këtu në Atdhe. Kët ne do ta bëjmë, bashkë me sigurimin e kushteve për të lëvizur lirisht kudo në botë, me Pasaportë Shqiptare.

Ne kemi specialistët dhe ekspertët të niveleve shumë të larta. Ne i ftojmë ata që t'i thonë mendimet e tyre për të gjitha fushat e zhvillimit të vendit dhe, ndryshe nga deri tani, ata do të gjejnë mbështetje për të zhvilluar ekonominë tonë kombëtare.

Për të arritur objektivat Lëvizja jonë vlerëson veçanërisht parakushtin themelor, ndërtimin e infrastrukturës zgjedhore demokratike për të siguruar zhvillimin e zgjedhjeve të lira, të drejta dhe të ndershme, që populli të japë verdiktin e tij.

Faktorët e ringritjes janë gjallë. Populli, falë urtësisë së tij, nuk e pranon regresin. Ai kërkon një politikë dhe zhvillim ekonomik të mbështetur në Idealin Kombëtar. Për këtë kontributi i inteligjencës dhe rinisë është i pazevendësueshëm.

Ne dëshirojmë një shtet - komb të qëndrueshëm, me interesa të përbashkëta për të gjithë shtetasit në prespektivën europiane. Ky është koncepti modern i shtetit të së drejtës. Ai mbështetet në Zhvillimin Kombëtar dhe në zgjidhjen e Çështjes Kombëtare. Kjo nuk mund të veçojë njerëzit e ditur të Shqipërisë kudo që ndodhen. Edhe çështjet madhore të kombit, jashtë kufijeve të shtetit amë, kërkojnë vëmendje dhe zgjidhje sipas një Platforme Kombëtare, me veprime institucionalisht të kordinuara nga shteti dhe diplomacia shqiptare, nga media dhe mbarë shoqëria.

Lëvizja për Zhvillim Kombëtar u bën apel intelektualëve, atdhetarëve, politikanëve të përgjegjshëm, tërë shqiptarëve, që të bashkohen në një front të vetëm për ndryshim. Askush nuk mund të luajë me fatet e kombit shqiptar, me jetën tonë, me kulturën tonë, me historinë tonë, me popullin shqiptar. Kur nuk duan ta kuptojnë këtë, atëhere e gjithë inteligjenca dhe kombi shqiptar shpallin misionin e tyre, me zgjidhje të reja për zhvillimin kombëtar.

Jam i bindur se shqiptarët kanë mundësi të jashtëzakonëshme për ta bërë Shqipërinë një shtet modern me dinjitet kombëtar.

RROFTE SHQIPËRIA!

RROFTE KOMBI SHQIPTAR!

Vëllazërisht

NMT Leka I

Tiranë, 29 maj 2004