http://www.korrieri.com/ E Enjte, 29 Korrik 2004

PLL: Moisiu, tryeze per zgjedhjet

Partia "Levizja e Legalitetit" ka shprehur dje, shqetesimin e saj per
shtyrjen qe po i behet reformes zgjedhore, duke paralajmeruar keshtu,
rrezikun qe po i shkaktohet zhvillimit te procesit zgjedhor te ardhshem ne
vitin 2005. Sipas Kryetarit te PLL-se, Eqerem Spahia, partite politike duhet
te shprehin sa me shpejt qendrimet e tyre ne lidhje me ndryshimin e sistemit
zgjedhor si dhe ngritjen e zonave zgjedhore. Ai u shpreh se ndryshimi i
sistemit zgjedhor eshte sugjeruar edhe nga faktoret nderkombetare, per te
shmangur manipulimet gjate zgjedhjeve. "PLL u propozon partive parlamentare
qe, gjate muajit gusht, te nismohet nje tryeze bisedimesh nen drejtimin e
Kreut te Shtetit, z. Moisiu, per te shprehur dhe unifikuar vullnetet
politike per te ndryshuar sistemin zgjedhor aktual ne ate proporcional te
paster ose rajonal", ka theksuar dje, kreu i legalisteve.

-------------------

29 Korrik 2004 http://www.kohajone.com/

SPAHIA: MOISIU, TRYEZE PER KODIN ZGJEDHOR

Kryetari i Partise Levizja e Legalitetit, Eqerem Spahia, u propozoi dje
partive parlamentare mbledhjen e nje tryeze bisedimesh per sistemin
zgjedhor. Gjate nje konference per shtyp, Spahia sqaroi se "PLL propozon qe
tryeza te mblidhet ne muajin gusht, nen drejtimin e Presidentit te
Republikes, Alfred Moisiu". Sipas tij, tryeza do t'i sherbeje unifikimit te
vullnetit politik per ndryshimin e sistemit zgjedhor aktual, ne ate
proporcional te paster ose rajonal. "Ndryshimi i sistemit zgjedhor ne
proporcional do te shmange manipulimet e mundshme dhe rezultati nuk do te
kontestohet", perfundoi Spahia.

---------------------

http://www.balkanweb.com/
Partia Demokrate e Re kërkon përmirësimin e projektligjit të pronave

Lajmi i ores 7:00 PM

TIRANE (28 Korrik) - Kryetari i Partisë Demokrate të Re, Genc Pollo, kërkoi
të Enjten gjatë një konference shtypi, përmirësimin e projektligjit të
kthimit dhe kompesimit të pronave. Sipas tij, nëse ky projektligj nuk
përmirësohet duke marrë parasysh vërejtjet e presidentit, duhet rrëzuar në
parlament "pasi do të shkaktojë një kosto të madhe ekonomike dhe sociale për
vendin". "Nuk mund të ketë një zgjidhje të drejtë dhe përfundimtare të
çështjes së pronave nëse nuk ka një amendim të pjesshëm të ligjit 7501 dhe
ligjve të tjera që kanë të bëjnë me zonën turistike bregdetare, zonat
maloro-kodrinore dhe për territoret përreth qyeteve", tha Pollo. Gjithashtu,
sipas tij "nuk mund të pranohet kufizimi i pronës që duhet kthyer, qoftë kjo
tokë bujqësore apo tokë truall, si dhe duhet njohur nga ligji prona në të
dyja format e saj bazë e luajtshme dhe e paluajtshme"..bm/bm (BalkanWeb)


Lajmi i ores 6:40 PM
Kuvendi miraton ndryshimet në ligjin për kthimin e pronave


Kuvendi Shqiptar

 TIRANE (28 Korrik) - Parlamenti shqiptar në seancën e tij parlamentare të
pasdites së sotme miratoi ndryshimet në projekligjin për kthimin dhe
kompensimin e pronave. Sipas Neës24, 69 votat e deputetëve i kanë dhënë ok
këtij projektligji mjaft të diskutuar. Vetëm 6 vota kanë qenë kundër
ndryshimeve, por gjithsesi ndryshimet për të cilat ky projektligj u rikthye
për herë te dytë në votim, u miratuan me shumicë votash. Opozita nuk mori
pjesë në votim, por e braktisi seancën. Projektligji për kthimin dhe
kompensimin e pronave u rikthye në parlament me kërkesë të presidentit
Moisiu dhe u përkrah nga shumica e deputetëve. Kjo përkrahje u vlerësua dhe
nga prezenca e OSBE-së në Tiranë, e cila duke e cilësuar këtë projekligj si
"mjaft të rëndësishëm" vlerësoi gjithashtu dhe përkrahjen që iu bë
presidentit, duke e rivotuar dhe njëherë këtë projektligj. bm/bm (BalkanWeb)

-----------------
29Korrik 2004 © 2003 Gazeta Panorama http://www.panorama.com.al/

Faqe 5 - Politikë


Socialistët shprehen të gatshëm për kompromis gjatë votimit të sotëm në
Kuvend të Ligjit për Pronat

PS pret ende konsensusin e PD

Agasi: Shpresojmë të gjejmë gjuhën e përbashkët me demokratët


Bledar Hoti

Partia Socialiste do të tentojë sot të realizojë konsensusin me Partinë
Demokratike për çështjen e pronave përpara votimit në Kuvend të ligjit "Për
kthimin dhe kompensimin e pronave".

Pas thirrjes publike, të bërë nga drejtuesit e PS-së për kompromis për
çështjen e pronave, socialistët nuk kanë zhvilluar asnjë konktakt zyrtar me
përfaqësues të PD-së për realizimin e saj. Por, sipas burimeve, socialistët
janë në pritje të kontakteve me demokratët për të zgjidhur çështjen e
përbërjes së Komisionit Shtetëror të Pronave. Kështu, socialistët janë
tërhequr nga qëndrimi i tyre, duke pranuar kërkesën e presidentit për të
gjetur një konsensus politik përpara votimit të ndryshimeve të kërkuara nga
Moisiu. Ndërkohë sekretari për Marrëdhëniet me Publikun në PS, Bardhyl
Agasi, deklaroi dje për "Panoramën" se "socialistët shpresojnë të arrijnë
këtë konsensus politik me PD-në në seancën e sotme parlamentare, përpara
votimit të Ligjit të Pronave". Sipas tij, PS-ja do të presë deri në minutën
e fundit për të gjetur konsensusin e kërkuar nga Moisiu, në mënyrë që të mos
ketë kontestime për ligjin e miratuar. "Pjesa më e madhe e neneve është
miratuar me konsensus mes pozitës dhe opozitës; përplasja më e madhe mes
PD-në ka ndodhur vetëm për Nenin 15, shpresojmë që të gjejmë një zgjidhje
për Komisionin Shtetëror të Pronave", theksoi Agasi.

Përplasja për komisionin
PS-ja ka propozuar që Komisioni Shtetëror i Kthimit të Pronave të përbëhet
nga gjashtë anëtarë, duke rrëzuar formulën e parashikuar në Ligjin aktual të
Pronave. Nga ky propozim, 6 anëtarët propozohen sipas skemës 3 nga pozita
dhe 3 nga opozita, ndërsa kryetarin e Komisionit Shtetëror të Pronave ta
zgjedhë Kuvendi i Shqipërisë. Kjo formulë e propozuar nga PS-ja ka hasur
kundërshtinë e demokratëve, të cilët kanë theksuar se kërkojnë që të
zbatohet varianti i OSBE-së për skemën e përbërjes së Komisionit Shtetëror
të Pronave. Formula e propozuar nga OSBE-ja është që "Komisioni Shtetëror i
Pronave përbëhet nga shtatë anëtarë, 3 propozohen nga pozita parlamentare
dhe tre të tjerë propozohen nga opozita. Anëtari shtatë propozohet nga
presidenti i Republikës, i cili është automatikisht edhe kryetar i këtij
Komisioni". Por ky propozim u hodh poshtë nga PS-ja në Kuvend, që u shoqërua
edhe me braktisjen e sallës nga demokratët, për rrëzimin e këtij varianti,
duke sjellë edhe prishjen e konsensusit politik për Ligjin e Pronave.



Rivera: Ndërtimi ynë kryhet në tokën e shtetit

Përfaqësuesit e shoqatës "Rivieria" sh.p.k. kanë reaguar dje pas mbledhjes
së zhvilluar në Komisionin e Industrisë, duke theksuar se "leja e dhënë nga
KRRTRSH-ja për ndërtimit e fshatit turistik nuk cënon pronarët e zonës së
Kakomesë". "Në mbledhjen e fundit KRRTRSH-së u la detyrë investitorëve të
kontaktojnë me pronarët e tokës. Gjatë kontakteve të kryera na rezulton se
toka e dhënë për ndërtim nuk i është kthyer apo kompensuar asnjë personi si
ish-pronar nga Komisioni i Kthimit të Pronave të ish-Këshillit të Rrethit
apo atij të Qarkut Vlorë", thekson deklarata e përfaqësuesit të firmës
 "Leka". Sipas avokatit të kësaj firme, "kjo sipërfaqe toke është pronë
shtetërore e regjistruar në zërin kadastral kullotë, çka rezulton edhe prej
shkresës së Administrimit dhe Mbrojtjes së Tokës pranë Qarkut Vlorë dhe nuk
i është dhënë në përdorim apo në pronësi si tokë bujqësore në bazë të Ligjit
7501 "Për tokën", punonjësve të ish-ndërmarrjes bujqësore "Përparimi", ku
përfshihet edhe fshati Nivicë", thekson deklarata e shoqërisë Riviera.



Çështja e Kakomesë, debat në Kuvend

Komisioni Parlamentar i Industrisë, Energjetikës dhe Turizmit do t'i kërkojë
kryeministrit Nano, si kryetar i KRRTRSH-së, pezullimin e projektit për
fshatin turistik deri në verifikimin e kërkesave të banorëve të Kakomesë, të
cilët pretendojnë se janë pronarë të truallit ku do të zhvillohet ndërtimi.
Një vendim i tillë që u mor pasi u bë ballafaqimi me përfaqësuesit e
Kakomesë, të cilët pretenduan se janë pronarë të vërtetë, edhe pse nuk janë
të regjistruar në zyrat e Pasurive të Paluajtshme.



Shoqata e Pronarëve: Ligji antikushtetues

Shoqata Kombëtare e Pronarëve Legjitimë "Shqiptarët", me anë të një
deklarate për shtyp ka dalë kundër Ligjit të Pronave, i cili pritet të
miratohet sot në Kuvend. "Me aprovimin e këtij ligji, Parlamenti zyrtarisht
shkel Kushtetutën, duke humbur kështu legjitimitetin, dhe pronarët legjitimë
të Shqipërisë nuk e njohin këtë Parlament, sepse precedenti i shkeljes së
Kushtetutës nga institucioni më i lartë është tragjik për një popull. I
bëjmë thirrje të gjithë intelektualëve dhe opinionit publik, që e duan
Shqipërinë dhe shqiptarët, qetësinë dhe zhvillimin, të reagojnë duke
abandonuar politikën kriminale zyrtare shqiptare", thekson deklarata.