Samedi, Juillet 31, 2004 Signalé: 6:08 PM

 

Le Parti républicain demande à la Cour constitutionnelle de proclamer d'"anticonstitutionnel" l'article 7501 de la loi des propriétés

 

TIRANA, 31 juillet/ATA-Maela Marini/ "Le Parti républicain demandera à la Cour constitutionnelle de proclamer d'anticonstitutionnelle et d'abroger l'article 7501 la loi des
propriétés qui concerne la terre agricole".
C'est ce qu'a déclaré aujourd'hui aux médias le président du Groupe parlementaire républicain, Maksim Begeja, qui a indiqué que "le PR demande de supprimer la limitation jusqu'à 60 ha de la restitution des propriétés et de la compensation des terres
agricoles".
"Ceci est en opposition avec la constitution, qui considère tous les citoyens égaux devant la loi. Avec la loi approuvée, l'ex-propriétaire de la terre agricole n'obtient pas plus de 60
ha, alors que les propriétaires des terrains forestiers, des pâturages et des prairies se voient restituer ou compenser de façon illimitée leurs terres", a-t-il dit.
Egalement, le PR considère comme injuste la décision prise par le KRRTRSH pour donner 70 ha de terres agricoles à une firme privée pour construire un village touristique dans la zone de Kakome./xh.c/tt/

Vendredi, Juillet 30, 2004 Signalé: 10:53 PM

 

La mission de l'OSCE en Albanie exprime son regret pour le manque de consensus pour la loi des propriétés

 

TIRANA, 30 juillet/ATA/ La mission de l'OSCE en Albanie a exprimé aujourd'hui, à travers une déclaration à la presse, son regret pour le manque de consensus entre les partis politiques pour l'approbation à l'Assemblée de la loi des propriétés.
Le bureau de presse de l'OSCE a fait savoir que cette organisme a apprécié le vote d'hier à l'Assemblée, qui a amélioré la loi pour la restitution des propriétés et la compensation des
propriétaires, mais il a également exprimé son regret que le Parti démocratique et d'autres partis de l'opposition ont boycotté l'Assemblée avant le vote".
Le président de la mission de l'OSCE, l'ambassadeur Osmo Lipponen, apprécie, à travers une déclaration, les efforts entrepris ces temps derniers pour regagner le consensus pour
cette loi. "Le renvoi de la loi au Parlement par le Président Moisiu, après des tours de consultations attentives, étaient un signal fort pour que les partis aboutissent au consensus pour cette loi importante", dit-il dans cette déclaration. "Tout de même, la mission de l'OSCE en Albanie attend avec intérêt l'application de la loi et réitère son dévouement à continuer d'offrir son assistance technique et tout autre appui", conclut la déclaration à la presse./m.m/xh.c/tt

OSBE shpreh keqardhje për mungesën e konsensusit për ligjin e pronave

Lajmi i ores 9:05 AM

Osmo Liponnen TIRANE (31 Korrik) - Prezenca e OSBE-se ne Shqiperi ka reaguar per miratimin e ligjit te pronave duke shprehur keqardhjen per konsesusin e munguar mes pozites dhe opozites. Kryetari i prezences se OSBE-se, Osmo Liponnen nepermjet nje deklarate per shtyp u shpreh se veprimi i kthimit te ligjit nga Presidenti Moisiu pas raundeve te konsultimeve nte kujdesshme ishte nje sinjal i forte se partite duhet te gjenin konsensusin. Partite shfaqen deri diku vullnet per ti bere ligjit permiresime- vazhdon deklarata-dhe perparuan drejt arritjes se nje kompromisi ne nivel komisioni. Bojkoti i djeshem nxorri ne pah si deshtimin e opozites dhe ate te pozites. Me tutje ne deklaraten per shtyp te prezences se OSBE thuhet se ajo pret me interesim zbatimin e ligjit dhe perserit perkushtimin për asistencë të mëtejshme teknike dhe çdo lloj mbështetje bm/bm (GazetaShqiptare/BalkanWeb) http://www.balkanweb.com/

 

PR: Kushtetuesja të shpallë antikushtetues nenin 7501 të ligjit për pronat

Lajmi i ores 7:20 PM

TIRANE (31 Korrik) - "Partia Republikane do t'i kërkojë Gjykatës Kushtetuese që të shpallë si antikushtetues dhe të abrogojë nenin 7501 të ligjit të pronave që ka të bëjë me tokën bujqësore". Kjo u bë e ditur sot nga kryetari i grupit parlamentar republikan, Maksim Begeja, i cili u shpreh për mediat se "PR kërkon që të hiqet kufizimi deri në 60 hektarë i kthimit dhe kompesimit të tokës bujqësore". "Kjo është në kundërshtim me kushtetutën, që i konsideron qyetarët të gjithë të barabartë para ligjit. Me ligjin e miratuar ish-pronari i tokës bujqësore nuk merr mbi 60 ha, ndërkohë që pronarët e trojeve të tokave pyjore, livadheve dhe kullotave i kthehet dhe i kompesohet pa kufizim toka", tha ai. Gjithashtu, PR konsideron të padrejtë edhe vendimin e marrë nga KRRTRSH për dhënien e 70 hektarëve tokë bujqësore një firme private për të ndërtuar një Fshat Turistik në zonën e Kakomesë. ro/ro (BalkanWeb) http://www.balkanweb.com/

-----------------------------------------

 

 

Pronat, kompromisi i domosdoshëm!

PS dhe PD kanë dështuar edhe një herë në arritjen e një konsensusi më shumë se sa të rëndësishëm për problemin e pronave. Ideja e rregullimit të një padrejtësie historike dhe mbi të gjitha, e krijimit të një stabiliteti për zhvillimin e ardhshëm, ka mbetur edhe një herë peng i mosmarrëveshjeve meskine politike, i mungesës së vizionit dhe mbi të gjitha i mungesës së tolerancës, kaq të nevojshme në një rast si ky. PS ka ecur përpara, duke shpërfillur një seri faktorësh dhe duke besuar se zgjidhja e saj ka qenë edhe më e mira. PD është larguar nga salla, jo vetëm duke shprehur kështu mosaprovimin e saj, por mbi të gjitha duke lënë të kuptohet apo edhe duke deklaruar, se në një mazhorancë të mundshme të saj në zgjedhjet e ardhshme, do ta ndryshojë ligjin aktual. Thënë ndryshe, problemi i pronave, në vend që të zgjidhej është komplikuar më tepër. I krijuar, jo vetëm në Shqipëri, por edhe në shumë vende të tjera të lindjes, problemi i rikthimit të pronave tek pronarët e tyre legjitimë, që ju qenë marrë forcërisht ose me detyrim në vitin 1944-1950, ka qenë tek ne më i mprehtë se kudo. Shqipëria ishte vendi i vetëm ku më 1990 pothuajse gjithçka ishte shtetërore dhe ku gjetja e zgjidhjes nuk ngjante edhe aq e thjeshtë. Fatkeqësisht, problemi nuk u trajtua në vitin 1991 me seriozitetin e duhur dhe në vitet në vazhdim, mungesa e një filozofie apo e një vizioni më të qartë dhe të plotë vetëm sa e komplikoi problemin. Një seri ligjesh që përjashtonin njëri-tjerin apo i mbivendoseshin njëri-tjetrit, dolën në disa vite rresht; një seri problemesh u zgjidhën, por shumë të tjera u shndërruan në çështje të pazgjidhura dhe në burime konfliktesh midis pronarëve të vjetër dhe atyre të rinj të krijuar në 3-4 vitet e para pas 1990. Kjo seri konfliktesh, që e bën Shqipërinë vendin me gjykime çështjesh civile më të lartin në Europë, veç problemeve midis personave, u shndërrua edhe në një lloj frenimi të plotë të investimeve dhe zhvillimit të vendit. Shumë toka nuk u punuan kurrë, sepse pronësia e tyre mbetet ende e dyshimtë; shumë dyqane dhe ndërmarrje nuk dihet ende të kujt janë, ndërsa shumë vende turistike mbeten ende peng i paqartësisë, mungesës së dokumentacionit, por edhe abuzimeve. Ideja e krijimit të një ligji që mund ta zgjidhte të gjithën këtë, ishte mundësia më e mirë për t'i dhënë fund këtij konflikti dhe për të ecur përpara. Një konflikt që më në fund, me konsensusin e të gjithëve dhe me një lloj shpërndarje sa më realiste, do të quhej i zgjidhur. Siç ka ndodhur ndërkohë në shumë vende të tjera të ish-lindjes komuniste. Por fatkeqësisht, edhe ky ligj është parë si një lloj përballje force mes PS dhe PD, konsensusi ka dështuar dhe vetë ligji është kompromentuar ndërkohë. Të pakënaqurit do të shpresojnë tek një ndryshim i tij në të ardhmen nga PD, ndërsa ata që duan ta mbyllin këtë problem do të jenë edhe pas kësaj të pakënaqur. Fatkeqësisht, ky ligj nuk duhej të ishte i tillë dhe konsensusi, duhej të konsiderohej më i rëndësishëm se sa thjeshtë mazhoranca e votave.

 

-------------------------------------------

 

 

Faqe 7 - Politikë

31Korrik 2004

Prezenca e OSBE-së reagon një ditë pas aprovimit në Kuvend

Liponen: Politika dështoi me Ligjin e Pronave

Juli Prifti

“Bojkoti i Ligjit të Pronave nxori në pah dështimin si të opozitës ashtu edhe të shumicës”. Kështu ka reaguar shefi i Misionit të OSBE-së në Tiranë, Osmo Liponen, duke shprehur keqardhjen e Prezencës së OSBE-së për mungesën e konsensusit për Ligjin e Pronave. Me anë të një njoftimi për shtyp, Prezenca e OSBE-së thekson se ajo ka mirëpritur votimin e së enjtes në Parlament, por në të njëjtën kohë, shpreh keqardhjen që Partia Demokratike dhe parti të tjera të opozitës, bojkotuan Kuvendin para votimit. Sipas Prezencës së OSBE-së, drafti i ri i miratuar në sallën e Kuvendit përmirësoi ligjin për kthimin dhe kompensimin e pronave. Në njoftimin për shtyp thuhet se kreu i Prezencës së OSBE-së, ambasadori Osmo Liponen, ka përgëzuar përpjekjet e ndërmarra gjatë javëve të fundit për rifitimin e konsensusit për këtë ligj. “Veprimi i kthimit të ligjit nga presidenti Moisiu, pas raundeve të konsultimeve të kujdesshme, ishte një sinjal i fortë se partitë duhej të gjenin konsensusin për këtë ligj të rëndësishëm”, referohet njoftimi i ambasadorit Liponen. Sipas tij, kjo u dha atyre një mundësi tjetër për zgjidhjen e çështjeve të rëndësishme, por fatkeqësisht, kjo mundësi nuk u shfrytëzua plotësisht. “Partitë shfaqën deri diku vullnet për t’i bërë ligjit disa përmirësime në përputhje me dekretin e Presidentit dhe përparuan drejt arritjes së një kompromisi në nivel komisioni. Për fat të keq, rezultati nuk ishte një kompromis i plotë”, shton Liponen. Megjithatë, Liponen ka theksuar se Prezenca e OSBE-së në Shqipëri pret me interesim zbatimin e ligjit dhe përsërit përkushtimin e saj për të vazhduar me ofrimin e asistencës së mëtejshme teknike dhe çdo lloj tjetër mbështetjeje. OSBE-ja mbështeti Moisiun Prezenca e OSBE-së në Tiranë dhe ambasadori Liponen mirëpritën publikisht kthimin e Ligjit të Pronave nga presidenti Moisiu për rishqyrtim në sallën e Kuvendit. Presidenti kishte kërkuar arritjen e konsensusit për këtë ligj, duke e konsideruar si një nga draftet më të rëndësishme për funksionimin e gjithë shoqërisë shqiptare dhe që kërkonte miratimin e të gjitha forcave politike në vend. Ndërkohë, reagimi i OSBE-së pro, dhe dekreti i Moisiut për rikthim të pronave në Kuvend, shkaktoi reagim te maxhoranca socialiste, e cila fillimisht mendoi të mos e miratonte dekretin dhe të mos bënte asnjë ndryshim në draftin ekzistues. Mirëpo, pak më vonë, në mbledhjen e Grupit Parlamentar Socialist, kreu i grupit, Ruçi, hodhi idenë e rinisjes së bisedimeve me demokratët për këtë ligj. Sipas tij, PS-ja nuk gjente ndonjë argument ligjor në dekretin e Moisiut, megjithatë e konsideronte që Ligji i Pronave meritonte konsesus.   Sulstarova: Pronat në Kushtetuese Ligji i sapomiratuar në Kuvend “Për kthimin e kompesimin e pronave”, do të apelohet në Gjykatën Kushtetuese. Kryetari i shoqatës “Pronësi me Drejtësi”, Ahmet Sulstarova, bëri të ditur dje se “pronarët do t’i drejtohen Gjykatës Kushtetuese, pasi është komplet antikushtetues”. Kjo mësohet se është edhe arsyeja që shoqata e pronarëve do ta ankimojë ligjin e miratuar, vetëm me votat e maxhorancës, duke paraqitur si argument edhe vërejtjet e bëra nga Komisioni i Venecias, si dhe nisur nga fakti se “Pronat” nuk u miratua me konsensus mes pozitës dhe opozitës. “Parlamenti shqiptar miratoi me 69 vota, më pak se 50 për qind, një ligj komplet antikushtetues. Ky ligj nuk plotëson detyrat që jep Neni 181 dhe 41 i Kushtetutës”, deklaroi për median Sulstarova. Sipas tij, ndryshimet e adoptuara bien ndesh edhe me propozimet e bëra nga eskpertë ndërkombëtarë, siç janë juristët e Komisionit të Venecias, si dhe ata të OSBE-së, të cilët kanë paraqitur një draft të tyre. “Ne kemi një letër të zotit Priebe, i cili në emër të KE-së, kërkonte që Ligji i Pronave të miratohej me një konsensus politik”, theksoi Sulstarova.   Konsensusi: PS-PD betejë me kushte Pas kthimit të Ligjit të Pronave në Parlament nga presidenti Moisiu, socialistët vendosën të kërkojnë konsensus për raundin e dytë të votimit. Ata vunë kushte ndaj PD-së, ndërsa kjo e fundit, gjithashtu, vuri kushtet e veta për të nisur bisedimet. Së fundmi, PS-ja caktoi edhe afatin deri në seancën e së enjtes që PD-ja të binte dakord për kushtet e vëna, gjë që nuk ndodhi.

------------------------------------------

E Shtune, 31 Korrik 2004 http://www.kohajone.com/

LEKA ZOGU FALENDERON SHQIPTARET PER NDERIMIN E SUZANES

Pretendenti per Fronin Mbreteror, Leka Zogu, falenderoi dje te gjithe shqiptaret qe i qendruan prane ne momentin e dhimbshem te humbjes se bashkeshortes se tij, Suzanes. Ai beri dje nje deklarate publike ku shpreh mirenjohjen per nderimin qe i bene figures se Suzanes, personalitete dhe njerez te thjeshte: (Keto dite zije per Familjen Mbreterore Shqiptare, ne, bashke me Princ Leken, kemi ndier prane perfaqesuesit nga te gjitha krahinat e Atdheut tone te dashur, nga gjithe kombi shqiptar. Falenderoj metalurget e Matit, qe ndaluan protesten e tyre te ligjshme, diten e Lamtumires per Mbretereshen Suzane, ata qe ulen flamurin ne gjysme shtize ne qender te Tiranes, si dhe ne shume rrethe te Shqiperise, delegacionet nga Prishtina, Gostivari, Gjirokastra, Gjakova, Peja, Prizreni, Shkodra, Korca, Vlora, nga te gjitha krahinat ku banojne shqiptaret. Falenderoj motrat dhe vellezerit, qe derguan perfaqesuesit e tyre nga shqiptaret e diaspores se vjeter dhe te re nga SHBA, Britania e Madhe, Franca, Italia, Svicra, Suedia, Belgjika, Gjermania, Turqia, Greqia, etj. Falenderoj intelektualet shqiptare, qe nga shkrimtari yne i shquar Ismail Kadare dhe Prof. Mentor Petrela, si dhe perfaqesuesit e tjere nga universitetet e Tiranes, Elbasanit, Prishtines, Tetoves, Shkodres, Korces, Vlores, Gjirokastres.

Ne Ju falenderojme te gjitheve per nderimin qe i keni bere Mbretereshes Suzane. Populli shqiptar ka qene dhe vazhdon te jete populli me i ndershem e me i miri ne bote. Deshiroj qe t'ju falenderoj vellazerisht! Ju faleminderit!

Me nderim falenderoj te gjithe perfaqesuesit e besimeve fetare shqiptare, katolike, ortodokse, myslimane, bektashinj, qe bashke me perfaqesuesin e Kishes Anglikane percollen sipas riteve fetare Mbretereshen Suzane. Bashkesite fetare shqiptare treguan se zakonet tona na bashkojne te gjitheve, qe feja e vertete e te gjithe shqiptareve eshte shqiptaria. I falenderoj publikisht, nepermjet medias shqiptare. Me kete rast dua te falenderoj Kuvendin e Shqiperise, qe mbajti nje minute zi per Mbretereshen Suzane, Kryetarin e Parlamentit, Shkelqesine e Tij, Servet Pellumbi, qe percolli me perfaqesuesit e tij zyrtare kuroren e nderimit per Mbretereshen Suzane. Ne falenderojme posacerisht Kryetarin e Shtetit, Shkeqesine e Tij, Gjeneral Alfred Moisiun per ngushellimet e paraqitura personalisht, si dhe nepermjet perfaqesuesve te tij zyrtare ne ceremonine e lamtumires. Vellazerisht i falenderoj deputetet dhe lideret e partive parlamentare shqiptare, te partive dhe te shoqatave atdhetare e kulturore, si dhe ministrat, Shtabin e Pergjithshem te Ushtrise qe percollen nderimin e tyre, duke shprehur personalisht ngushellimet dhe nderimet per Mbretereshen Suzane Mbi te gjitha falenderoj edhe nje here popullin shqiptar, qe me dha force per te vazhduar vepren e nisur sebashku me Nenen Mbretereshe Geraldine dhe Mbretereshen Suzane, qe pushojne pergjithmone ne token shqiptare, per te cilen punuan dhe dhane dashurine e tyre te perjetshme. Zoti i bekofte.

-----------------------------

http://www.ballkan.com/

Çamëria, revolta dhe fatkeqësia greke

Autori i Lajmit: Ali Podrimja Shpesh mbyllem në bibliotekën time. Aty në një kënd të errët kujtoj një kishë atje në Majnc dhe qiriun, që e kisha ndezur pas një udhëtimi të gjatë për t’u takuar me Shën Albanin nga Iliria, i cili, që në shekullin e tretë(286), në hapësirën gjermane kishte përhapur kristianizmin e që Kisha Gjermane e kishte shpallur për të shenjtë, duke ia ngritur edhe tempullin si shenjë nderimi. Atë ditë kur kisha shkelur në Majnc, një grua e panjohur kishte rënë në gjunj e m’i kishte fshirë lotët. Apo një verë të largët, në njërën nga bibliotekat e shumta të Vatikanit, shfletoja me kujdes Biblën,(Vulgatën) përkthimin e së cilës e kishte bërë Shën Jeronimi ilir nga dalmatët, që në shekullin e katërt. Dhe, kur dilja nga biblioteka, korridoreve të pafunda më bëhej se dëgjoja zërin e Papës shqiptar, Klimetin XI. Nuk e di, Evropa a mund ta harrojë edhe Nënën Terezë nga kohët moderne, simbol i mirësisë njerëzore si dhe shumë fytyra madhore të kulturës e të historisë shqiptare, që qytetërimi evropian i pranoi edhe si vlera të veta të pakontestueshme. I përmenda ca emra për të provokuar në më ka lënë kujtesa dhe për të dëshmuar se kur ne shqiptarët ndanim gëzimin dhe pikëllimin me Evropën, fiset sllave, pra, edhe serbët, zbritnin nga Karpatet, ose gjendeshin diku në brigjet veriore të Danubit. Këtë nëse nuk duan ta pranojnë serbët, atëherë turpi është i tyre. Është rast i rrallë që heronjtë e një populli të jenë heronj kombëtarë edhe të një populli tjetër. Edhe pse kjo është çështje e ndjeshme. Shumë prijës, luftëtarë, njerëz të kulturës e të historisë shqiptare me origjinë nga Epiri, nderohen e çmohen edhe sot nga populli e shkenca greke. Viti 1821 ishte vendimtar për krijimin e shtetit grek. Shkencëtari grek K.Biri, në mes të tjerash, theksonte: “Të kujtojmë se fara e tyre (shqiptare, A.P) dhe figura më të shquara në Kryengritjen Greke.....Një Xhavellë, një Bubulinë....një Ali Pashë ....Përsa i takon trimërisë, kryelartësisë, karakterit...Këto janë cilësi të njohura për shqiptarët, të njohura edhe nga ata, të cilët nuk ushqenin simpati për ta”. Ndërkaq, studiuesi tjetër, Panjot Kupitari forcon edhe më mendimin e lartpërmendur: Greqia kishte mbrojtës, madje edhe minstra, të cilët mezi e flisnin greqishten”. Shembuj të tillë vetëm mund t’i afrojnë popujt dhe të vjen keq kur këto vitryte të larta njerëzore zënë e shemben nga mendjet e errëta. Mllefi është i madh kur sheh se Komuniteti Evropian nuk mundi të ndikojë asgjë në Greqinë e sotme, regjimi i së cilës nuk dallon fare nga regjimet totalitare; për të nuk ekziston asnjë normë ndërkombëtare, kur është çështja për jogrekët. Jo vetëm për Çamërinë, arvanitët, për ata heronj të “Çarl Haroldit” të Bajronit e tragjedinë e tyre, për ndjekjet e vrasjet e çamëve gjatë viteve 1924-44, për asimilimin e hershëm e të vonë të shqiptarëve ortodoksë, që shtrihen edhe sot nga Epiri deri thellë në Atikë me “tiparet dhe karakteristikat shqiptare”, si e shënon edhe shkenca greke, por edhe për genocidin ndaj pakicave turke e maqedone. Nëse Greqia tolerohet për shkak të famës së dikurshme helene, unë mbaj anën e njerëzve të revoltuar. Asgjë nuk ka mbetur nga e kaluara helene, dhe kjo është, para së gjithash, fatkeqësi greke. Data e Publikimit: 31/07/2004