LEGALITETI NDAHET NGA BERISHA

"Ne do te perkrahim vetem Levizjen per Zhvillim Kombetar, pra Leka Zogun". Keshtu deklaroi dje kryetari i Partise Levizja e Legalitetit, Eqerem Spahia, i cili shprehu mbeshtetjen e plote te partise se tij per levizjen e Zogut, duke sjelle kontradikta brenda koalicionit opozitar. "Partia Levizja e Legalitetit eshte parti opozitare dhe ka qene ne llogore te perbashketa ne lufte kunder komunizmit me te gjitha partite opozitare, sic ka qene ne llogore te perbashketa per te goditur te gjitha fenomenet negative te qeverisjes aktuale do te vazhdoje te bashkepunoje me keto parti per reformen zgjedhore dhe per te gjitha ato pika qe na bashkojne si parti opozitare", deklaroi dje Eqerem Spahia. Ai shtoi se PLL-ja e ka nenshkruar marreveshjen qe me 24 dhjetor te vitit 1924 me mbretin Zogu i Pare dhe kete marreveshje e ka vazhduar per 80 vjet duke qene mbeshtetesja kryesore e te gjitha levizjeve te mbretit Zogu i Pare dhe Leka i Pare. "Dhe nese dikush pyet qe nese ka nenshkruar PLL-ja marreveshje dhe nese mbeshtet nismat qe merr mbreti, ky eshte nje paradoks. Une gjej rastin qe t'u them atyre individeve qe rrine afer mbretit dhe alternatives se legalisteve ne vitin 2004 qe ne vitet ne vazhdim do te perkrahim kete nisme si e vetmja alternative per te nxjerre Shqiperine nga udhekryqi qe eshte futur", deklaroi Spahia. "Sic e dini para pak kohesh nderroi jete mbreteresha Xheraldine dhe ne funeralin e saj moren pjese me mijera shqiptare, por moren pjese edhe drejtuesit e komuniteteve fetare. Mbreti Leka i Pare ka falenderuar drejtuesit e ketyre komuniteteve fetare ne Tirane dhe ne kete kontekst ka shkuar dhe ne Elbasan per te falenderuar perfaqesuesit e komunitetit fetar", tha Spahia. Sipas tij, vizita e Zogut nuk eshte nisme e fushates por eshte thjesht per te falenderuar drejtuesit e komunitetit fetar.

"PLL-ja deklaron se eshte ne mbeshtetje te koalicionit Levizja per Zhvillim Kombetar e iniciuar dhe dejtuar personalisht nga mbreti Leka i Pare dhe marredheniet me partite e tjera opozitare do te jene te frytshme dhe vitin 2005 mbas zgjedhjeve parlamentare, PLL-ja dhe partite aleate opozitare te jene ne pushtet", deklaroi Spahia.

Levizja

Pretendenti per fronin mbreteror, Leka Zogu, shpalli ne fillim te muajit se ai do te regjistroje partine e re, Levizja per Zhvillim Kombetar, ne zgjedhjet e ardhshme parlamentare. Zogu mblodhi dy jave me pare ne rezidencen e tij nje takim te zgjeruar me specialiste te politikes, ekonomise, medias, finances, arsimit e shendetesise, per te diskutuar rreth vazhdimesise se levizjes patriotike qe ai ka inicuar. "Ne mbledhje u konkludua, qe se shpejti, LZHK, duke u mbeshtetur edhe ne kerkesen e shume subjekteve politike e juridike, personaliteteve publike e shkencore, perfaqesuesve nga te gjitha krahinat e vendit, do te paraqese publikisht platformen dhe programet konkrete politike, ekonomike dhe sociale, si nje Bashkim Kombetar, qe do te regjistrohet per te marre pjese ne zgjedhjet e ardhshme, si Levizja per Zhvillim Kombetar", thuhet ne nje njoftim per shtyp te Oborrit Mbreteror. Ne kete menyre, Leka Zogu vendos te ndjeke shembullin e homologut te tij ne Bullgari, mbretit Simeon, i cili konkurroi ne krye te nje partie politike, i fitoi zgjedhjet dhe u zgjodh kryeminister. Ne mbledhjen qe zhvilloi me perfaqesues te fushave te ndryshme, Leka Zogu kerkoi, qe me fisnikeri dhe me pergjegjesi kombetare te analizohen alternativat konkrete per te gjitha fushat, ku po vuan populli yne. "Ne te gjithe, sebashku duhet t'i hedhim syte perpara, ne kerkim te se ardhmes per te gjithe shqiptaret. Na duhet te gjejme rruget me te mira qe do te ngreme dinjitetin e Atdheut tone te perbashket. Ky eshte thelbi i Levizjes per Zhvillim Kombetar. Me nje besa-bese me te gjithe shqiptaret, me nje kushtrim per ata qe kane pergjegjesi dhe bashkohen qe "Shqiperine ta shpetojme te gjithe sebashku". Keshtu ne do te realizojme qellimin tone: Te garantojme zhvillimin dhe perparimin tone kombetar", deklaroi Zogu.

Gjate mbledhjes u shprehen mendime nga shume pjesemarres, duke theksuar se Levizja per Zhvillim Kombetar nuk eshte aq e re. "LZHK perfaqeson nje ideal historik, ende te parealizuar per shqiptaret, qe jetojne te ndare, edhe me keq - te percare, te varfer, te perbuzur, te neperkembur dhe te pazhvilluar", thane diskutantet.

Ne kete mbledhje u diskutua per te percaktuar problematiken kryesore, qe ka ardhur si nje reagim i popullit per nje politike ndryshe, me moral dhe ideal kombetar. Diskutantet vleresuan se Shqiperia sot nuk perfaqesohet me dinjitet dhe vazhdon te jete nje vend i izoluar edhe pse historikisht e gjeografikisht eshte nje prej korridoreve me me rendesi ne shkembimet ekonomike dhe pozicionet gjeostrategjike.

----------

LEKA ZOGU TAKON KOMUNITETET FETARE NE QYTETIN E ELBASANIT

Leka Zogu vazhdoi dje te promovoje Levizjen Kombetare per Zhvillim ne disa takime ne qytetin e Elbasanit, ku ai u takua me perfaqesues te klerit ne kete qytet. "Leka Zogu i Pare ka zhvilluar dje nje vizite private ne qytetin e Elbasanit, por ka folur edhe per levizjen e tij te re. Leka I u shpreh se Levizja per Zhvillim Kombetar, mori shtyse nga rreziku qe i kanoset shqiptareve nga politika aktuale qeverisese", thuhet ne njoftimin e oborrit mbreteror. Ai tha se ka vizione te qarta per zgjidhjen e probemit cam dhe shtoi se qeveria s'po ben asgje per zgjidhjen e ketij problemi. "Ekonomia jone eshte aq e dobet, sa neser Shqiperia mund te behet prone e Greqise", tha Leka Zogu I. Ai shtoi se duhet bere me shume per arvanitasit, emigrantet e camet ne Greqi. Ai kerkoi qe shqiptarizmi te jete mbi gjithcka dhe shqiptaret te mos bien pre e pseudonacionalisteve. "Jeta e shqiptareve ne Maqedoni eshte ne rrezik, nese nuk nderhyhet ne kohe. Ndersa per shqiptaret e Kosoves rruga drejt zgjidhjes se statusit po gjendet", tha Zogu. Leka Zogu I eshte takuar me simpatizante, perfaqesues te komuniteteve fetare dhe kryebashkiakun Adrian Turku. Ai vizitoi institucionet fetare te qytetit, xhamine dhe kishen e qytetit. Gjate takimit me perfaqesuesit e Myftinise, Leka I shprehu kenaqesine per rolin ne forcimin e bashkejeteses mes feve. Ndersa drejtuesin e kishes ortodokse autoqefale te Elbasanit, At Nikolle Markun, e falenderoi per gjendjen prane ne ditet e veshtira per familjen mbreterore.

Falenderimi

Pretendenti per Fronin Mbreteror, Leka Zogu, falenderoi ne fillim te muajit te gjithe shqiptaret qe i qendruan prane ne momentin e dhimbshem te humbjes se bashkeshortes se tij, Suzanes. Ai beri nje deklarate publike ku shpreh mirenjohjen per nderimin qe i bene figures se Suzanes, personalitete dhe njerez te thjeshte: "Keto dite zije per Familjen Mbreterore Shqiptare, ne, bashke me Princ Leken, kemi ndier prane perfaqesuesit nga te gjitha krahinat e Atdheut tone te dashur, nga gjithe kombi shqiptar. Falenderoj metalurget e Matit, qe ndaluan protesten e tyre te ligjshme, diten e Lamtumires per Mbretereshen Suzane, ata qe ulen flamurin ne gjysme shtize ne qender te Tiranes, si dhe ne shume rrethe te Shqiperise, delegacionet nga Prishtina, Gostivari, Gjirokastra, Gjakova, Peja, Prizreni, Shkodra, Korca, Vlora, nga te gjitha krahinat ku banojne shqiptaret. Falenderoj motrat dhe vellezerit, qe derguan perfaqesuesit e tyre nga shqiptaret e diaspores se vjeter dhe te re nga SHBA, Britania e Madhe, Franca, Italia, Zvicra, Suedia, Belgjika, Gjermania, Turqia, Greqia, etj", u shpreh ne mesazhin e tij, Leka Zogu.

 http://www.shekulli.com.al/

Berisha: Axhenda e politikanëve të tjerë nuk është problem i Partisë Demokratike

Firmat, PLL e Lëvizja e Lëkës së bashku në zgjedhje

N.Perndoj

TIRANE- Partia Levizija e Legalitetit dhe Levizja për Zhvillim Kombetar e Pretendentit për Fronin mbretëror, Leka Zogu i Parë do të dalin bashkë në zgjedhjet e ardhshme parlamentare. Nënkryetari i PLL, Murat Basha konfirmoi dje për “Shekulli”- n se nuk ka asnjë mosmarrëveshje dhe, se përmes një dokumenti të firmosur nga të dyja palet, legalistët dhe lëvizja e pretendentit për fronin mbretëror do të dalin në një koalicion me qëllim përfshirjen edhe të partive të tjera. Legalistët kërkojnë që të përfshijnë në këtë bashkëpunim edhe Partinë Demokratike, gjasat me të cilën duket se janë tepër të vogla. I pyetur rreth mundësisë së bashkëpunimit me LZHK, lideri i opozitës Sali Berisha deklaroi dje se, “çdo qytetar dhe çdo eksponent i politikës është i lirë të ndërmarrë çdo tur që gjykon të dobishëm për veprimtarinë e tij dhe, kjo nuk përbën asnjë lloj problemi për PD. Axhenda e politikanëve të tjerë nuk është problem i Partisë Demokratike”. Ndërkohë kryetari i legalistëve, Eqerem Spahia deklaroi dje se, PLL respekton marrëveshjen e nënshkruar mes legalistëve dhe mbretit Zogu i Parë, që para 80 vitesh. “PLL e ka nënshkruar marrëveshjen që me datën 24 Dhjetor të vitit 1924 me Mbretin Zogu i Parë dhe këtë marrëveshje e kemi vazhduar për 80 vite duke qënë mbështetësit kryesor të gjithë lëvizjeve të mbretit Zogu i Parë dhe Leka i Parë dhe nëse dikush pyet që a ka nënshkruar PLL marrëveshje në çdo nisëm që merr mbreti ky është një paradoks”, tha Spahia. Kryetari i legalistëve kujtoi se PLL e ka mbështetur që në fillim levizjen e mbretit në të gjitha nismat politike. “Në vazhdën e këtyre qëndrimeve konsekuente, PLL, që në fillim deklaroi mbështetjen e plotë për LZHK, lëvizje kjo e iniciuar dhe e drejtuar personalisht nga NMT Leka I-rë - Mbret i Shqiptarëve. Rideklarojmë zyrtarisht, në emër të të gjitha strukturave të PLL, mbështetjen e plotë ndaj Lëvizjes për Zhvillim Kombëtar, të iniciuar dhe drejtuar nga Mbreti Leka I-rë, duke vënë në dispozicion të saj të gjitha strukturat, duke përfshirë edhe Grupin parlamentar të PLL, por, mbi të gjitha, idealizmin tonë”, tha Spahia

---

 

Zogu i rikthehet idesë për bashkim kombëtar

Autori i Lajmit: K.B. ELBASAN - Mbreti Leka I ka ndaluar fillimisht në xhaminë më të vjetër të qytetit dhe më pas në kishën ortodokse autoqefale Shën Maria, brenda në kala, gjatë vizitës së të hënës në Elbasan. I shoqëruar nga përkrahësit e tij, Zogu, pasi ka takuar drejtuesit e duke u ndalur në kishën Shën Maria, e cila do të merrte edhe nderimin që i ka bërë famulltari i kësaj kishe, Atë Nikollë Marku, i cili ka drejtuar meshën për nder të nënës mbretëreshë, duke iu gjendur familjes mbretërore në ditë të vështira. Pasi ka parë kishën shekullore dhe afresket, Leka I ka falenderuar gjithashtu edhe për ardhjen e përfaqësuesve myslimanë si myftiu i Elbasanit, Agim Duka, dhe këshilltari i tij, Behaudin Gashi, duke pagëzuar kështu bashkëjetesën shekullore që ekziston midis dy besimeve. Ligji i pronave, ka theksuar ai, duhet të përfaqësojë interesat e shumicës dhe duhet të kënaqë shqiptarët dhe vetëm atëherë do të ketë investime jo vetëm nga shqiptarët, por edhe nga të huajt. Por në lidhje me shqiptarët jashtë kufijve, Zogu ka theksuar se Kosova tashmë është në rrugë të drejtë për pavarësi, ndërsa Maqedonia është në rrezik dhe vetë shqiptarët atje e ndjejnë këtë pas referendumit, ku situata mund të shpërthejë shumë shpejt. Ndërkohë në lidhje me Greqinë, mbreti Leka u shpreh se emigrantët kanë rekuperuar disa të drejta. Arvanitasit, dhe sidomos çamët, ndodhen në kushte jo të përshtatshme në marrëdhënie me shtetin grek, i cili aderon në Komitentin Evropian, por nuk i respekton standartet mbi etnitë. Qeverisë i intereson ta mbajë vendin në këtë nivel ekonomik, për t’i dhënë rrugë të lirë Evropës dhe sidomos Greqisë, për të shkëputur pjesë nga toka shqiptare, siç ka dhënë shenjë me vendosjen e një kryqi në rrugën nacionale, ka deklaruar Leka gjatë pyetje-përgjigjeve që u ofroi të pranishmëve në takimin e djeshëm. --------------   PLL-ja deklaron besnikërinë ndaj mbretit Autori i Lajmit: K.B. TIRANË - “Pozicioni ynë me mbretin është organik dhe midis nesh nuk ekziston asnjë mosmarrëveshje, përkundrazi, raportet janë të shkëlqyera”, kështu ka deklaruar dje përpara mediave kryetari i PLL-së, Ekrem Spahia. Sipas tij, deklarimet e fundit, të publikara në media në lidhje me marrëdhëniet e partisë me oborrin mbretëror, si kritike, nuk janë gjë veç trillime të publikuara në media. Gjatë deklaratës së tij, Spahia ka deklaruar se “Partia Lëvizja e Legalitetit, si vazhduese e drejtpërdrejtë e zogizmit, që u ka rezistuar me stoicizëm fashizmit, nazizmit dhe diktaturës më të egër komuniste, duke mbajtur gjallë me gjak, vuajtje e sakrifica, idealet mbretërore, - ka mbështetur mbretin Zog dhe mbretin Leka I, në të gjitha nismat politike”. Gjithashtu PLL-ja ka deklaruar në emër të të gjitha strukturave të saj, mbështetjen e plotë ndaj Lëvizjes për Zhvillim Kombëtar, të iniciuar dhe drejtuar nga mbreti Leka I, duke vënë në dispozicion të saj të gjitha strukturat, duke përfshirë edhe grupin parlamentar të PLL-së, por, mbi të gjitha, idealizmin tonë.