http://www.korrieri.com/  E Diele, 01 Maj 2005
 
LZHK, Ekrem Spahia kandidon ne Kukes
Ekrem Spahia, kreu i Partise "Levizja e Legalitetit" dhe nje nder drejtuesit kryesor te LZHK-se, do te jete kandidat per deputet ne qytetin e Kukesin e rrethinat e tij perballe Fatos Hoxhes se PD-se dhe Asllan Dogjanit te PS-se, tashme te shpallura zyrtarisht dhe ne baze nga PD e PS. Per te prezantuar kryelegalistin, por dhe kandidatet e tjere ne kete qark, Miftar Kastratin ne Kukes e nje pjese te Hasit dhe Skender Hoxhen ne Tropoje, Kukesin e ka vizituar kreu i Levizjes dhe pretendenti per fronin mbreteror, Leka Zogu, se bashku me djalin i tij Princi Leka. Leka Zogu ne nje fjalim te shkurter te diktuar dhe nga lodhja e rruges, ka deklaruar se "Kukesi eshte krenaria shqiptare dhe simbol i beses ne luften e Kosoves". "Kemi program per zhvillimin kombetar te te gjithe rajoneve e ne vecanti te Kukesit. Ne do sjellim qeveri shqiptare per te gjithe shqiptaret dhe eshte krenari qe te kesh kandidat per deputet Ekrem Spahine", tha Leka Zogu.

Zberthimin e platformes elektorale e ka bere me pas Dashamir Shehi, i cili u ka kujtuar te pranishmeve te shumte, se nese LZHK fiton, atehere Shqiperia nuk do te jete ne duart e 100 monopolisteve te pasur, por ne dore te vete shqiptareve. Edhe LZHK e ka shpallur prioritet rrugen Durres Kukes-Morine.
 
 

E Diele, 01 Maj 2005  http://www.kohajone.com/

LEKA ZOGU, PREZANTON KANDIDATET E LZHK-SE NE KUKES

Kukes- LZHK-ja nis fushaten ne Kukes. Dje rreth ores 12 pretendenti per fronin mbreteror, Leka Zogu se bashku me princin i shoqeruar nga Shehi, Spahia dhe qindra anetare e simpatizante te kesaj force politike kane zhvilluar nje takim ne nje nga sallat kryesore te Pallatit te Kultures, "Hasan Prishtina" te qytetit te Kukesit. Mes entuziazmit te banoreve pjesemarres ku nuk munguan tingujt e curles e daulles si instrumente te tradites kuksiane, LZHK-ja nepermjet Dashamir Shehit ka shpalosur platformen elektorale te kesaj force politike e cila ne Kukes do te kandidoje vete kreun e PLL-se, Eqrem Spahia. Disa nga pikat kryesore te kesaj platforme ishin reformimi i arsimit, permiresimi i ekonomise, integrimi i Kukesit me Kosoven dhe gjithe Shqiperine ne kuadrin e integrimit te mbare Shqiperise ne familjen Evropiane. Nderkohe disa nga specifikat qe u premtuan ishin se Kukesi dhe mbare rajonet e varfera te vendit do te permiresojne gjendjen e tyre ekonomike duke zhvilluar bujqesine, turizmin malor dhe ujore, duke u dhene ne perdorim siperfaqe te konsiderueshme te pyjeve vete banoreve. Gjithashtu Shehi nenvizoi se "do te rikthejme industrine ne Kukes qe dikur shquhej per industrine nxjerrese te mineraleve te bakrit dhe kromit, si dhe orjentimin e popullsise drejt qyteteve duke zvogeluar popullsine e fshatit per vete kushtet e veshtira te terrenit te thyer e malore qe ka verilindja e vendit te cilat bejne te veshtire mundesine per te investuar". Edhe ne Kukes LZHK-ja ka konfirmuar domosdoshmerine e rikthimit te ligjit me vdekje me qellim forcimin e luftes kunder krimit e sidomos atij te organizuar, si dhe forcimin e institucioneve. Ne fund te takimit jane shpallur kandidatet qe do te kandidojne nen siglen e LZHK per Kukesin, Hasin e Tropojes te cilet jane perkatesisht, Eqrem Spahia, Miftar Kastrati dhe Skender Hoxha.

M.Halili

 

Levizja per Zhvillim Kombetar prezantoi kandidatet per deputete ne qarkun e Kukesit
Lajmi i ores 8:50 PM

Leka Zogu
KUKES (30 Prill)- Levizja per Zhvillim Kombetar celi sot permes nje mitingu ne qytetin e Kukesit, fushaten elektorale te saj, duke i bere thirrje elektoratit te zones Verilindore te votoje per kandidatet e saj si "e vetmja shprese per ndryshimin e gjendjes pa alternative ndryshimi, ku eshte zhytur kjo zone nga dy forcat me te medha politike, qe kane alternuar njera-tjetren ne pushtet". "LZHK-ja eshte shpresa per te shkuar ne Evrope se atje nuk shkohet me cizme te vjetra, por me kepuce te reja" u shpreh pretendenti i fronit mbreteror Leka Zoku. Ai beri te ditur se LZHK-ja ka nje mesazh ne kete fushate elektorale "shpetimin e Shqiperise". Prentendenti i fronit mbreteror theksoi se "Kukesi nuk duhet te harroje se ai eshte simboli i beses dhe i mikpritjes shqiptare, e shqiptaret kane nevoje per keto tradita. Kosova shume shpejt do te fitoje pavaresine dhe kjo do te sjelle edhe zhvillimin e kesaj zone, deri tani te braktisur. Ne programin tone kemi te qarta fushat e zhvillimit te kesaj zone si ne bujqesi, blegtori, turizem dhe infrastrukture". Me pas, ai prezantoi edhe kanditatet per deputete ne 3 zonat e Qarkut te Kukesit, te cilet jane Ekrem Spahia, kryetar i partise "Levizja e Legalitetit", Myftar Kastrati ne zonen e Hasit dhe Skender Hoxha ne zonen e Tropojes. em/em(/BalkanWeb)
 

LZHK shpall rivalin e kreut te PD ne Kavaje, nje biznesmen kunder Berishes
Lajmi i ores 10:15 AM
TIRANE (30 Prill)- LZHK ka zgjedhur nje biznesmen per tu perballur me Berishen ne zonen e tij elektorale ne Kavaje. Aqif Havriku, pronari i fabrikes se gozhde-bullonave ne Kavaje do te sfidoje Berishen. Ai ka qene edhe kandidat per kryetar bashkie ne zgjedhjet e fundit ne kete qytet por nuk mundi te fitoje. Prezantimi i tij eshte bere ne qytetin e Kavajes nga pretendenti per fronin mbreteror Leka Zogu, i shoqeruar nga djali i tij, Princi Leka I, drejtuesi i LZHK Dashamir Shehi. LZHK ka nisur zhvillimin e takimeve per prezantimin e kandidateve. Kryetari i Levizjes per Zhvillim Kombetar, Leka Zogu, ka prezantuar kandidaturen e kesaj force qe do te konkurroje perballe kreut te Partise Demokratike, Sali Berisha, ne zonen 48 ne Kavaje, Aqif Haveriku. I pranishem ne kete aktivitet princi Leka eshte shprehur se cdo vote kunder Nanos dhe Berishes eshte vote per atdheun. Kreu i LZHK-se, Leka Zogu, nenvizoi se qellimi i Levizjes per Zhvillim Kombetar eshte kthimi i dinjitetit te shqiptareve, duke vendosur zbatimin e ligjit, ekonomine e tregut, mbi bazen e prones private dhe te iniciatives se lire. Pretendenti per fronin mbreteror Leka Zogu eshte shprehur gjate fjales se tij se forca qe ai drejton eshte ne koalicion me te gjithe ata qe e duan Shqiperine. db/db(GazetaShqiptare/BalkanWeb)