http://www.kohajone.com/ E Merkure, 01 Qershor 2005

LZHK: NUK BEJME KOALICIONE

Perfaqesuesi politik i Levizjes per Zhvillim Kombetar, Dashamir Shehi, ka hedhur poshte akuzat se LZHK eshte ne nje koalicion parazgjedhor me subjektet e tjera politike. Ai ka theksuar se Levizja per Zhvillim Kombetar do te paraqese 100 deputete dhe do te hyje e vetme ne zgjedhjet e 3 korrikut. Shehi theksoi se dy partite e medha kane filluar qe tani manipulimet per procesin zgjedhor. Drejtuesit e LZHK-se perseriten kundershtimet e tyre per Mega Dushkun, due akuzuar dy partite e medha si nismetare te kesaj formule.

 

---

http://www.panorama.com.al/ © 2003 Gazeta Panorama

Dashamir Shehi: Të ndërhyjë edhe Gjykata Kushtetuese
LZHK, apel Moisiut: Ndalo “Dushkun” e ri

Lëvizja për Zhvillim Kombëtar, Leka I Zogu, i ka bërë thirrje dje presidentit Moisiu, që të ndërhyjë për të parandaluar fenomenin e përsëritjes së “Dushkut”. Sipas përfaqësuesit politik të Lëvizjes për Zhvillim Kombëtar, Dashamir Shehi, kryetari i shtetit dhe kryetari i Gjykatës Kushtetuese, duhet të marrin vendimin e duhur në zbatim të neneve kushtetuese që garantojnë përfaqësimin e përafërt të numrit të deputetëve në Parlament, sipas përqindjeve përkatëse që kanë marrë forcat politike. LZHK, Leka I Zogu u ka bërë apel institucioneve ndërkombëtare si dhe organizatave të specializuara në monitorimin e zgjedhësve për të ndaluar fenomenin e “Dushkut”, që, sipas Shehit, nën presionin e liderëve politikë po shpërndahet mbi gjithë procesin zgjedhor. “U bëjmë thirrje Komunitetit Evropian, OSBE-së, ODHIR-it dhe ambasadës së SHBA-së në Tiranë të mos rrinë indiferente përpara një fenomeni të paturpshëm, i cili do të deformojë votën e shqiptarëve dhe mund të ketë pasoja të rrezikshme për demokracinë në Shqipëri”, është shprehur Dashamir Shehi gjatë prononcimit të tij për shtyp. Po, sipas drejtuesit të LZHK-së, nuk mjaftojnë deklarimet morale, por duhet ndërhyrje energjike për të bllokuar këtë proces destruktiv, i cili po shkatërron në mënyrë përfundimtare institucionin e votës së lirë në favor të aventurierëve politikë. Gjithashtu Shehi ka bërë të ditur se Lëvizja për Zhvillim Kombëtar, Leka I Zogu, është regjistruar më datë 30.05.2005 pranë KQZ-së nën siglën e LZHK, Leka I Zogu. “Ky koalicion nuk ka asnjë aleancë politike me forcat e tjera të regjistruara pranë këtij komisioni. Çdo informacion tjetër është thjesht spekulim mediatik. LZHK, Leka I Zogu i ka regjistruar 100 kandidatët e saj të 100 zonave zgjedhore”, tha Shehi.
Përfaqësuesi i LZHK-së ka akuzuar komisionerët zonalë që, sipas tij, në disa raste krijojnë vonesa shpesh herë nga mosnjohja e ligjit dhe për arsye politike.

---

 http://gazetametropol.com/

LZHK ankohet te Moisiu për Dushkun

1 Qershor  Lëvizja për Zhvillim Kombëtar Leka I Zogu i ka kërkuar Presidentit të Republikës, Alfred Moisiu dhe Organizmave Ndërkombëtare të ndalin fenomenin e "Dushkut", i cili, sipas tyre, po përhapet në të gjithë procesin zgjedhor. Kryetari i shtabit elektoral të LZHK, Dashamir Shehi, u shpreh se nuk mjaftojnë vetëm deklaratat morale, por duhet dhe ndërhyrje energjike për të bllokuar këtë proces, që ai quajti destruktiv. “Ky proces po shkatërron në mënyrë përfundimtare institucionin e votës së lirë, në favor të aventurierëve politikë", tha Shehi. LZHK bën thirrje kryetarit të shtetit dhe kryetarit të Gjykatës Kushtetuese që të marrin vendimet e duhura në zbatim të neneve kushtetuese që garantojnë përfaqësim të përafërt të numrit të deputetëve në parlament, sipas përqindjeve përkatëse që kanë marrë forcat politike”, tha Shehu. Sipas tij, procesi i "Dushkut" rrezikon që mos pasqyrojë realisht përqindjet elektorale të partive parlamentare aleate të dy forcave më të mëdha politike.