http://www.panorama.com.al/

 

qeveria e re

Kryeministër Sali Berisha
Zv.kryeministër Ilir Rusmali
Ministër i Jashtëm A.Bumçi, B.Mustafaj
Ministër i Brendshëm Sokol Olldashi
Ministër i Financave Ritvan Bode
Ministër i Ekonomisë Genc Ruli
Ministër i Mbrojtjes Fatmir Mediu
Ministër i Arsimit Genc Pollo
Ministër i Bujqësisë J.Gjana, G. Juka
Ministër i Transporteve L.Basha, B. Aliaj
Ministër i Drejtësisë Arenca Trashani
Ministër i Mjedisit Lufter Xhuveli
Ministër i Integrimit Aldo Bumçi
Ministër i Shëndetësisë ` Maksim Cikuli
Ministër i Punës Thoma Miça
Ministër i Turizmit e Kulturës Bujar Leskaj
Kryetare Parlamenti Jozefina Topalli
Kryetar i Grupit Parlamentar Bamir Topi

 

---

 http://www.panorama.com.al/

Faqe 6/7 - Politikë

zgjedhjet e 3 korrikut

kqz

Pas rreth dy muajsh gjashtë anëtarët e KQZ votojnë pro rezultatit të 3 korrikut

Celibashi shpall emrat: Zgjedhjet e lira, por jo të ndershme

Bledar Hoti

Pas rreth dy muajsh nga zhvillimi i zgjedhjeve, Komisioni Qendror i Zgjedhjeve shpall rezultatet përfundimtare të 3 korrikut, duke publikuar të 140 emrat e deputetëve të Kuvendit të ri të Shqipërisë. “Epopeja” e gjatë e shpalljes së fituesve të zgjedhjeve parlamentare të 3 korrikut ka marrë fund dje vetëm pas 58 ditësh, ku kreu i KQZ-së, Ilirian Celibashi, bëri publike të 40 emrat e proporcionalit dhe 100 emrat e maxhoritarit. Komisioni Qendror i Zgjedhjeve ka votuar me gjashtë vota pro shpalljen e tyre, duke vulosur njëkohësisht edhe mbylljen e të gjithë këtij procesi. Celibashi, Zguri, Varfi, Gjata, Subashi dhe Prenga kanë votuar pro, ndërsa Tomorr Malaj nuk ka qenë i pranishëm në mbledhjen e djeshme. Deklarata për zgjedhjet Kreu i KQZ-së, Celibashi, e ka cilësuar procesin zgjedhor të 3 korrikut të këtij viti si më të rregullt dhe të lirë, duke vlerësuar njëkohësisht edhe mbështetjen e marrë nga organizmat ndërkombëtarë. “KQZ vlerëson maksimalisht të gjitha organizatat vendase dhe institucionet ndërkombëtare të përfshira në zgjedhjet për Kuvendin e Shqipërisë 2005, në veçanti misionin e vëzhgimit të zgjedhjeve të OSBE / ODIHR, për kontributin mjaft të rëndësishëm në synimin e përhershëm të Komisionit Qendror të Zgjedhjeve në përmbushjen dhe arritjen e standardeve ndërkombëtare të zgjedhjeve. Nuk mund të themi se zgjedhjet e 3 korrikut kanë qenë të ndershme, sepse mendoj se në asnjë vend në botë nuk mund të flitet për zgjedhje të ndershme”, theksoi Celibashi. Berisha dhe Brokaj, “senatorët” e përjetshëm Kreu i PD-së, Sali Berisha, dhe Sabit Brokaj i LSI-së mund të cilësohen si senatorët e Kuvendit të Shqipërisë. Që të dy janë deputetët që janë përfaqësuar në Kuvend që nga viti 1991, në legjislaturën XII parlamentare. Më pas nga viti 1992, e mbrapa vijnë Namik Dokle, Ermelinda Meksi, Ndre Legisi, Ilir Meta, Pandeli Majko, Kastriot Islami. Ndërsa kreu i PS-së, Fatos Nano, është zgjedhur deputet që në vitin 1991. Por mandati i tij u ndërpre në vitin 1994, pasi u arrestua për t’u rizgjedhur më pas në zgjedhjet e vitit 1997. Në legjislaturën e re parlamentare të 2005-2009, deputeti më i vjetër në moshë i Kuvendit është kreu i PAA-së, 64 vjeç, Lufter Xhuveli, ndërsa më i riu, 28 vjeç, Taulant Balla i PS-së. Në bazë të rezultateve të nxjerra nga ana e KQZ-së, PD-ja do të ketë të vetët 56 deputetë, ndërsa PS-ja do të ketë 42 deputetë. Ndërsa pesë deputetë do të ketë Lëvizja Socialiste për Integrim dhe me shtatë deputetë do të përfaqësohet Partia Socialdemokrate. Partia Republikane do të ketë 11 deputetë në Kuvend, ku përveç kreut të saj, Fatmir Mediu, të gjithë tjerët do të ulen për herë të parë në karrigen e deputetit. Së bashku me aleatët e saj, PD ka një maxhorancë parlamentare që shkon në 81 deputetë. KQZ-ja ka hedhur poshtë pretendimet e Ferdinand Ibrahimit dhe të Pajtim Bellos për listën e proporcionalit. Të 81 deputetët e Kuvendit janë larguar nga “skena politike” dhe 59 deputetë janë rizgjedhur në zgjedhjet parlamentare. Vetëm Servet Pëllumbi dhe Teodor Laço nuk kanë rikandiduar në zgjedhjet e 3 korrikut, ndërsa Genc Ruli dhe Spartak Ngjela i rikthehen Kuvendit si deputetë.   Deputetët më të vjetër Sali Berisha që nga ‘91 Sabit Brokaj që nga ‘91 Neritan Ceka që nga ‘91 Kastriot Islami që nga ‘91 Namik Dokle që nga ‘92 Pandeli Majko që nga ‘92 Ilir Meta që nga ‘92 Musa Ulqini që nga ‘92 Ermelinda Meksi që nga ‘92 Skënder Gjinushi që nga ‘92 Ndre Legisi që nga ‘92   Fullani: Fushata në qershor nxori paratë nga bankat Votat janë “blerë” me para në dorë. Gjatë muajit qershor, muaji i fushatës elektorale, sasi e parave jashtë bankave është ritur ndjeshëm. Ky efekt negativ i zbuluar nga banka e shqipërisë në raportin e saj të fundit, mendohet të ketë ndikuar edhe në uljen e parave gjendje në bankat e nivelit të dytë. Për herë të parë këtë vit, Banka e Shqipërisë ka shkelur edhe objektivat e veta. “Në muajin qershor rritja vjetore e parasë jashtë bankave arriti në 14.9 për qind nga 11.6 për qind në muajin maj, kryesisht nën ndikimin e faktorëve të përkohshëm. Kjo rritje ka shtuar nevojat për likuiditet të sistemit bankar, të cilat janë përballuar nëpërmjet uljes së nivelit të likuiditeteve të tepërta të bankave. Si pasojë në muajin qershor është tejkaluar objektivi për mjetet e brendshme neto të Bankës së Shqipërisë.” Por duket se premtimet që kanë rritur sasinë e prave jashtë bnkave kanë të gjithë origjinë qeveritare. Banka vëren se rritj e ofertës monetar u përshpejtua gjatë qershorit edhe i rezultat i rritje së kërkesës për para nga qeveria. Efektet e hedhje së parave në rrugë gjatë kohës së fushatës pritet të ndihen në kohët në vazhdim. Nga ana tjetër ulja e parave jashtë bankav ka qenë një kusht i fortë i FMN dhe Bankës Botërore. Por fekti më negativ i fushtës së qeverië në qershor është munges e prave në buxhet. Shpenzimet e tepërta gjatë muajit qerhjor kanë bërë që rka e shtetit të mos ketë më balncat e parashikuara. Në kushte të tilla qeveri është detyrur të thithë më shumë pre nga bonot e thesari. Si rezultat i rritjesë së kërkeë për bono është rritur edhe interesi i tyre. “Në muajin korrik, në tregun ndërbankar dhe në atë primar të letrave me vlerë të qeverisë, normat e interesit kanë shfaqur rritje të lehtë.”. Ky është konstatimi i Bankës së Shqipërisë e cila nuk tregon qartë efektet e rritje së normës së interesit.   140 DEPUTET PD ASTRIT BUSHATI RAMIZ ÇOBAJ GILMAN BAKALLI ARENCA TRASHANI JOZEFINA TOPALLI TOM DOSHI REXHEP UKA ALEKSANDER BIBERAJ JEMIN GJANA FATOS HOXHA ALDO BUMÇI PREÇ ZOGAJ GJOVALIN PRENGA GJOKE VUKSANI PAL DAJCI IDRIZ XHOMARA SALI SHEHU RAHIM KALECI SHKELQIM ZIRI NDRIÇIM BABASI SAMI GJERGJI SOKOL OLLDASHI FLORI BAJRAMAJ GAZMEND OKETA GENC JUKA BAMIR TOPI BESNIK MUSTAFAJ LULZIM BASHA BUJAR NISHANI YLLI PANGO MAJLINDA BREGU GEZIM KARAPICI SPARTAK NGJELA SAFET SULAJ ASTRIT PATOZI LEONARD DEMI BAKI SHEHI SALI BERISHA ENGJELL CARA LUAN SKUQI DASHNOR SULA AUREL BYLYKBASHI BLERIM ÇELA MEVLAN XHINDOLI ILIR BANO MEHMET XHEKA RIDVAN BODE ILIR RUSMAJLI EDMOND SPAHO BESNIK JAÇELLI MEHMET HOXHA GENC RULI BUJAR LESKAJ ARDIAN KOLLOZI PS PAULIN STERKAJ QEMAL MINXHOZI SADRI ABAZI ERMELINDA MEKSI ANDIS HARASANI SHPETIM IDRIZI MUSA ULQINI DURIM LAMAJ DURIM HUSHI TAULANT DEDJA BUKUROSH STAFA VALENTINA LESKAJ NAMIK DOKLE NDRIÇIM HYSA ELMAZ SHERIFI TAULANT BALLA RRAPUSH TOLA ARTA DADE ALBERT ÇAÇI PETRO KOÇI FATMIR XHINDI YLLI BUFI BLENDI KLOSI FATOS BEJA RAJMONDA STEFA KASTRIOT ISLAMI ERION BRAÇE MARKO BELLO LUAN MEMUSHI BASHKIM FINO BEN BLUSHI PANDELI MAJKO FATMIR XHAFAJ ALFRED DALIPI FLAMUR HOXHA GRAMOZ RUÇI VANGJEL TAVO ARBEN MALAJ ARBEN ISARAJ BESNIK DERVISHI FATOS NANO STEFAN ÇIPA PR FATMIR MEDIU ALBERT FARUKU HAJRULLA PARURI ARTUR HASANBELLIU LEJLA PERNASKA ARJAN MADHI ALFRED GEGA BESNIK BISHA GENC SHARKU PARID TEFERCI GALIP RAMADHI PSD SKENDER GJINUSHI ENGJELL BEJTAJ ALBERT DIVJAKA GEZIM MUSABELLIU DIANA ÇULI ANGJELINA KOLA PILO KERI LSI ILIR META PELLUMB XHUFI SABIT BROKAJ NDRE LEGISI DRITAN PRIFTI PDR GENC POLLO TRITAN SHEHU FRROK GJINI JAK NOKAJ NARD NDOKA FERDINAND XHAFERRI PAA LUFTER XHUVELI PETRIT GJONI NIKOLLAQ NERANXI YMER TOLA PAD NERITAN CEKA PASHKO UJKA PIRO LUTAJ PBDNJ VANGJEL DULE LEONARD SOLIS SPIRO PEÇI,(PAVARUR) PDS PASKAL MILO HAMIT KOSTA PDK NIKOLLE LESI NDUE SHPANI PBLD ARIAN STAROVA   Kreu i OSBE, Rupel: Vlerësojmë rolin e presidentit në të gjithë procesin Moisiu: Sot, Kuvendi i ri Pas takimit me Celibashin firmos dekretin Kreu i shtetit, Alfred Moisiu, nuk ka pritur as më pak e as më shumë se pesë orë nga shpallja e rezultatit përfundimtar të zgjedhjeve nga KQZ-ja për të urdhëruar mbledhjen e Kuvendit të ri, për sot në orën 18:00. Presidenti i vendit, Moisiu, ka ndërmarrë këtë veprim menjëherë pasi kreu i KQZ-së, Ilirjan Celibashi i ka depozituar në zyrën e tij vendimin për shpalljen e 140 emrave të deputetëve të Kuvendit të ri. Ai nuk ka pritur as ndonjë ankim të mundshëm nga ana e partive politike në rrugë legale të vendimit përfundimtar të KQZ-së në Kolegj apo në Gjykatën Kushtetuese, nisur nga fakti se rezultati zyrtar u depozitua nga kreu i KQZ-së në zyrën e tij. Kreu i shtetit, duket se e ka hedhur një hap të tillë edhe pasi ka dëgjuar dy liderët e forcat kryesore të partive politike, Sali Berishës së PD-së dhe Fatos Nanos së PS-së, të cilët mbajtën qëndrim zyrtar dhe publik menjëherë pas shpalljes zyrtare të rezultatit nga ana e KQZ-së. Mbledhja e Kuvendit më datën 2 shtator u paralajmërua dy ditë më parë nga gazeta “Panorama”. Kreu i shtetit, nisur nga fakti se 3 shtatori si afati i fundit i mbledhjes së Kuvendit të ri i binte ditë e shtunë, ka urdhëruar menjëherë mbledhjen e legjislativit më datën 2 shtator. Duke shmangur kështu edhe ndonjë shkelje kushtetuese apo dhe ligjore. Ndërkohë që zëdhënësja e presidentit, Afërdita Sokoli, shpjegoi dje për median arsyet se pse Moisiu ndërmori këtë veprim. “Presidenti i Republikës i bindur në domosdoshmërinë e funksionimit të plotë dhe normal të institucioneve kushtetuese, në respektimin e vullnetit të qytetarëve të shprehur me votë të lirë e demokratike, në funksionimin e debatit politik në rrugë institucionale, në mëse një rast ka shprehur publikisht vullnetin e tij politik, që menjëherë pas shpalljes së rezultatit përfundimtar të zgjedhjeve nga KQZ, të shkurtojë në maksimum afatin 20 ditor të përcaktuar në Kushtetutë”, deklaroi Sokoli. Sipas saj, një veprim i tillë bazohet në shpalljen tashmë nga KQZ të rezultatit përfundimtar të zgjedhjeve të përgjithshme dhe në mbështetje të nenit 67 të Kushtetutës së Shqipërisë, pika 1. Vendimi i menjëhershëm i presidentit është mirëpritur dje nga ana e kreut të radhës së OSBE-së, ministrit të Jashtëm të Sllovenisë, Dimitri Rupel. “Unë vlerësoj rolin e presidentit Moisiu në të gjithë procesin dhe uroj Kuvendin e ri. Shpresoj në bashkëpunimin me qeverinë e re qe do të drejtohet nga fituesi i zgjedhjeve dhe shpresoj se do të jetë i aftë të marrë së shpejti detyrën e tij”, tha kreu i OSBE. Rupel, i cili ka ndjekur procesin zgjedhor me shumë vëmendje theksoi se “pas dy muajsh pune të madhe të institucioneve zgjedhore shqiptare, kompozimi i Kuvendit të ri është i njohur tashmë dhe i gatshëm për t’u mbledhur”. Gjithashtu parashikohet edhe krijimi i sekretarisë që përbëhet nga tre deputetë të rinj në moshë, si dhe ngritja e komisionit të përkohshëm të mandateve, strukturë e cila duhet të verifikojë brenda dy ditëve mandatet e dhëna nga KQZ-ja për 140 deputetët e legjislaturës XVII. Pas këtij procesi, deputetët duhet të betohen. Në këtë seancë, pritet të zgjidhen edhe drejtuesit e rinj që janë kryetari dhe dy nënkryetarët e Kuvendit që do të drejtojnë këtë institucion për katër vitet e ardhshme. Drejtuesit e rinj priten të zgjidhen në seancën e dytë ose të tretë, ndërsa sipas burimeve, Moisiu mund të mbajë së shpejti një mesazh përpara Parlamentit të ri.   Kreu i Komisionit Qendror të Zgjedhjeve, Ilirjan Celibashi, shpall rezultatin përfundimtar të zgjedhjeve pas vendimit të marrë me gjashtë vota pro të anëtarëve. Kreu i PS-së, Fatos Nano, pas shpalljes së rezultatit përfundimtar të zgjedhjeve bëri publike dorëheqjen e tij si kryetar i partisë, duke ia lënë kompetencat Ruçit. Kreu i PD-së në konferencën për shtyp deklaron se me fitoren e zgjedhjeve realizoi misionin e tij për këto zgjedhje, që ishte nxjerrja në pension politik të kundërshtarit 13-vjeçar, Nanos. Pas një takimi me kreun e KQZ-së, presidenti i vendit, Moisiu firmos dekretin për mbledhjen e Parlamentit të ri më datën 2 shtator, duke mos pritur afatin 20 ditor që ia jep Kushtetuta.

http://www.shekulli.com.al/ 1 Shtator 2005

 

Qeveria

Kryeministër Sali Berisha
Zv.kryeministër Ilir Rusmali
Ministër i Jashtëm Aldo Bumçi, Besnik Mjustafaj
Ministër i Brendshëm Sokol Olldashi
Ministër i Financave Ritvan Bode
Ministër i Ekonomisë Genc Ruli
Ministër Mbrojtjes Fatmir Mediu
Ministër i Arsimit Genc Pollo
Ministër Bujqësisë Genc Juka Jemin Gjana
Ministër i Transporteve Lulzim Basha
Ministër i Drejtësisë Arenca Troshani
Ministër i Mjedisit Lufter Xhuveli
Ministër i Integrimit Besnik Mustafaj Aldo Bumçi
Ministër i Shëndetësisë Maksim Cikuli

 

 

Përcaktohen postet që do të kenë dy nënkryetarët aktualë të PD-së. Bumçi e Mustafaj për diplomacinë

Topalli kryetare Kuvendi,Topi mbetet nënkryetar i PD-së

 

A.R

TIRANE - Dy nënkryetarët e PD-së, Jozefina Topalli dhe Bamir Topi, nuk do të kenë portofole ministrore. Zhvillimet e fundit në PD pak ditë para se emrat e kabinetit qeveritar “Berisha” t’i përcillen kreut të shtetit, kanë zhvendosur Topallin dhe Topin në detyra të tjera. Sipas burimeve nga seliba blu, Topalli pritet që të jetë kryetarja e Kuvendit të ri, duke qenë e para grua drejtuese e legjislativit shqiptar. Ndërkohë emri i saj ishte përfolur disa herë si kandidate e mundshme për postin e ministres së Punëve të Jashtme apo edhe si zv.kryeministre. Nga ana tjetër edhe Bamir Topi pritet të mbajë të njëtat detyra si edhe në legjislaturën e shkuar, kryetar grupi parlamentar dhe nënkryetar i PD-së. Për Topin gjatë kësaj kohë paszgjedhore ishte diskutuar se do të merrte drejtimin e Ministrisë së Bujqësisë. Por me sa duket, tashmë do të vendoset që ai të mbetet drejtuesi i grupit parlamentar. Por me sa duket, Topi, një nga njerëzit më të vlerësuar në PD dhe në opinionin publik, do të jetë njeriu më i rëndësishëm në PD, pas kalimit të Berishës në godinën e Kryeministrisë. Këto pozicione duket se janë përfundimtare për Topin dhe Topallin, pasi u shqyrtua gjatë për vendet e tyre në qeverisjen e ardhshme.

Qeveria
Ndërkohë, për shkak të sqarimit të pozicioneve të të dy nënkryetarëve të PD-së dhe njerëzve më të rëndësishëm në PD, pas Berishës, duket se po vjen duke u konturuar edhe përbërja e kabinetit të ri qeveritar.Posti i zv.kryeministrit duket tashmë i vendosur dhe do të drejtohet nga Ilir Rusmali, Sekretar për Çështjet Ligjore në PD. Kështu postet e ministrit të Jashtëm dhe atij të Integrimit duket se do t’i ndajnë Besnik Mustaj dhe Aldo Bumçi, një emër i ri ky nga shoqëria civile që iu bashkangjit PD-së me KOP-in. Ende nuk është e qartë pozicioni i saktë i secilit prej tyre. Emër të papërcaktuar ka ende Ministria e Drejtësisë, ku kandidatura e përfolur së fundmi është ajo e Arenca Troshanit, deputete e PD-së në Shkodër. Për postin e ministrit të Brendshëm vazhdon të mbetet e palëkundur kandidatura e Sokol Olldashit. Po ashtu të sigurt mbeten Ritvan Bode si ministër i Financave dhe Genc Ruli si ministër i Ekonomisë dhe Energjetikës. Për postin e ministrit të Rregullimit të Territorit dhe Transporteve kandidatura më e përfolur është ajo e Lulzim Bashës, ndërsa për postin e ministrit të Turizmit dhe Kulturës ajo e Preç Zogaj dhe deputetit nga Vlora Bujar Leskaj. Ndërsa për postin e ministrit të Bujqësisë lakohen emrat e Genc Jukës dhe një prej politikanëve më të vjetër në PD, Jemin Gjanës. Në postin e ministrit të Shëndetësisë, emri më i mundshëm është ai i Maksim Cikulit.
Nga ana tjerër, ashtu siç dihet Ministria e Arsimit do të mbahet nga reformatorët, sipas marrëveshjes dypalëshe mes PD-së dhe PDR-së. Ajo do të drejtohet pikërisht nga kryetari Genc Pollo. Ministria e Mbrojtjes do të drejtohet nga Fatmir Mediu, Ministria e Punës dhe Çështjeve Sociale, nga Thoma Miço i PBDNJ, ajo e Mjedisit nga kreu i PAA-së, Lufter Xhuveli. Kabineti i ri qeveritar që do të dekretohet së shpejti nga presidenti Moisiu, do të ketë 4 ministri më pak se qeveria aktuale.

---

 

http://www.sot.com.al/ 

Moisiu negociata me PD-në për datën 5 shtator

Parlamenti i ri duket sa ka të gjitha mundësitë të mblidhet me 5 shtator. Këto janë të gjitha shanset e deritanishme të diskutuara pasditet e djeshme. Burime pranë PD-së, bëjnë të ditur se, pasditen e djeshme ka patur takime mes kryetarit të shtetit dhe eksponentëve të rëndësishëm të kësaj partie në mundësinë e mbledhjes së Kuvendit ditën e hënë me 5 shtator. Demokratët janë shprehur se, do të mbledhin vetë Kuvendin më 3 shtator, por bisedimet e djeshme mësohet të kenë qenë rezultative. Koalicioni i djathtë duket se do të heqë dorë nga ideja për të mbledhur Kuvendin në fund të kësaj jave por duke pritur dekretin presidencial, i cili do të thërrasë Kuvendin e ri më 5, pra ditën e hënë.Kryetari i KQZ-së shpall listën në mazhoritar dhe proporcional ditën e sotme dhe pas kësaj do të jetë Moisiu, ai që do të vendosë për ditën, se kur do të thërrasë deputetët e zgjedhur nga vullneti i sovranit më 3 korrik të këtij viti. Në fillim të kësaj jave, ishte një grup i koalicionit të djathtë, që kërkoi takim me kreun e shtetit për ta njoftuar për vendimin e tyre. Por, kryetari i shtetit iu përgjigj atyre me qetësi, duke u shprehur se në çdo rast do të respektojë ligjin themeltar, Kushtetutën dhe do të jetë garant i tij dhe ka kërkuar njëkohësisht nga mazhoranca e ardhshme të përgjigjet në këtë mënyrë, pra të respektojë Kushtetutën. “Në bazë të Kushtetutës dhe ligjit, do të bëjë të gjitha përpjekjet për të gjetur rrugët dhe mundësitë për zgjidhjen sa më parë të çështjes së thirrjes së Kuvendit të ri të dalë nga zgjedhjet e 3 korrikut”, - qe shprehur Moisiu. Ndërkohë, pjesëmarrësit në takim qenë shprehur se, afati i fundit i mbledhjes së kuvendit është 3 shtatori, duke iu referuar gjithnjë Kushtetutës dhe nuk ka asnjë arsye që të shtyhen më tej afatet e mbledhjes së tij. Për këtë ata u shprehën se, kanë vënë në dijeni kreun e shtetit për nismën e deputetëve për mbledhjen e Kuvendit dhe se kreu i shtetit ka mirëpritur sugjerimin e tyre, duke u shprehur se në çdo rast do të respektojë ligjin me të gjitha alternativat e mundshme, që afron ai. Demokratët më 3 shtator do të mblidhnin Kuvendin Nënkryetarja e PD-së, Jozefina Topalli vuri në dukje pas takimit të së hënës se, duke iu referuar ligjit nga data 3 ora 17.00, vendi është vetëm me presidentin e Republikës, nuk ka qeveri nuk ka as parlament. “Nuk ka ndodhur ndonjëherë, që vendi në 25 vitet e fundit të qëndrojë me president dhe pa parlament, që është institucioni i vërtetë, që mban sovranitetin dhe pa qeveri”, - u shpreh Topalli, ku sipas saj, neni 65 pika 1 dhe pika 3 e bëjnë ultimative thirrjen e parlamentit, i cili duhet të mblidhet në bazë të këtij ultimatumi kushtetues, që e jep gërma dhe neni 65 pika 1 dhe pika 3 pikërisht në datën 3 ora 17.00. “Çdo orë e shtyrë është antikushtetuese dhe do të jemi në një situatë, jo vetëm jokushtetuese, sepse në një situatë jokushtetuese, jemi prej gati një muaji, por jemi në një situatë, kur vendi është vetëm me një president të zgjedhur nga parlamenti i kaluar, pa qeveri dhe pa atë, që është mbartësi i sovranitetit, i përfaqësimit dhe i besimit të shqiptarëve”, - vlerësoi ajo. Por, që nga ajo ditë, demokratët duket se janë tërhequr nga ideja e tyre, për të lënë kreun e shtetit të zbatojë detyrimin e tij kushtetues. Duket se e djathta ka vendosur të mos bëjë një nisje të dobët me ardhjen e saj në pushtet. Edhe pse vendi është republikë parlamentare, presidenti ka të drejtën Kushtetuese, të thërrasë Kuvendin e ri. Kjo ka bërë që, me sa duket demokratët të reflektojnë në zbatim të këtij detyrimi për të mos e shkelur atë me vetëm dy ditë, e duke shënuar kështu një nisje të “vogël” të pushtetit të tyre. Lista e deputetëve Tashmë është përvijuar në mënyrë përfundimtare lista e 140 deputetëve dhe sot do të shpallet nga Komisioni Qendror i Zgjedhjeve. Burime nga ky institucion bëjnë me dije se, kreu i shtetit e ka patur që mbrëmë në tryezën e tij këtë listë, në pritje të shpalljes së sotme të vendimit të komisionit dhe më pas vetëm firmosjes së dekretit. E gjitha kjo odise e gjatë e zgjedhjeve të këtij viti, duket se do të marrë fund sot me shpalljen e rezultateve dhe firmosjen e dekretit presidencial për mbledhjen e Kuvendit me 5 shtator.

---

 http://www.sot.com.al/

 

Berisha nuk di të jetë kryeministër

{mosimage]Kryetari Ekzekutiv i LZHK, Dashamir Shehi, është shprehur dje se, Kushtetuta po dhunohet në mënyrë flagrante me zgjatjen e pafund të procesit zgjedhor në Shqipëri. Në një prononcim televiziv, Shehi ka qartësuar se, zgjatja prej dy muajsh e procesit dhe mosthirrja e presidentit përbën problem për vendin. Një prononcim të tillë, ai e konfimoi dhe për gazetën tone, duke qartësuar dhe idetë e tij për datën e zgjedhjeve, si dhe duke dhënë disa shpjegime, për mënyrën se si mund të qeverisë kryeministri i ardhshëm. “Të dy palët janë bashkëfajtorë për këtë situatë. Nëse Presidenti vendos ta mbledhë Kuvendin me datë 5, nuk besoj se kjo është një hata e madhe.Nuk ka asnjë ndryshim nga 3 tek 5. Dikush mund të thotë se, këtu janë shkelur limitet e kushtetuetshmërisë. Këtu në fakt është shkelur e gjithë Kushtetuta, sepse 2 partitë e mëdha kanë nga 9% dhe kontrollojnë të gjithë Kuvendin. Gjatë këtyre zgjedhjeve, Kushtetuta ka humbur shumë, për shkak të shkeljeve brutale, që i janë bërë asaj nga dy forcat kryesore politike”, - u shpreh Shehi duke qartësuar se zgjedhjet e fundit nxorën në pah një Kushtetutë të dhunuar në shumë raste. Sipas tij, ultimatumet e PD-së për thirrje të Kuvendit me anë të një grupi deputetësh të saj, janë qartazi ushtrim presioni dhe një lloj karshillëku, që shumica e sotme po përpiqet t’i bëjë Presidentit. Shehi komenton se, nëse PD do të donte të fitonte kohë, mund ta kishte bërë një muaj përpara këtë, që po bën sot, përpara se “të arnonte këtë lloj shumice majtas, djathtas dhe qendre, që ka krijuar”. “Për 24 orë, nuk bëhet ndonjë punë e madhe, edhe në parlamentin më të mirë të botës”, - ka nënvizuar Shehi. Shehi që ka qenë dhe pjesë e kabineteve qeverisëse, nënvizon dhe faktin se, çfarë do të sjellë Berisha në pushtet. “Berisha nuk ka punuar kryeministër. Ai ka bërë një punë më komode, sepse urdhëronte, por nuk firmoste. Nga kjo pikëpamje, puna e tij si kryeministër, do të bëjë që ai të ketë përgjegjësi më të madhe. Shoh si difekt disa personazhe në qeverinë “Berisha”, pasi në përbërje ka dhe forca politike groteske”, - vlerëson Shehi, duke e parë me skepticizëm qeverinë e drejtuar nga Berisha.