04032005

Deklarata kontradiktore te kryetarit te grupit parlamentar, Maksim Begeja, dhe nenkryetarit te Partise "Levizja e Legalitetit", Murat Basha

Kryetari i Grupit Parlamentar i Levizjes per Zhvillim Kombetar, Maksim Begeja hodhi poshte zerat, e pak diteve me pare, se Pretendenti per Fronin Mbreteror, Leka Zogu I e ka shkarkuar nga detyra. Sipas Begese, asgje nuk eshte e vertete ne lidhje me ndonje doreheqje apo largim te mundshem te tij nga Kryesia e Grupit Parlamentar te LZHK-se.

Kjo ceshtje e perhapur rreth tre dite me pare, nuk eshte komentuar as nga Oborri Mbreteror, te cilet jane te vetmit qe mund te konfirmojne te verteten e asaj qe ka ndodhur. "Te gjitha keto jane me teper, insinuata te bera nga nje e-mail klandestin, pirat, por qe sigurisht ka nje prapavije te disa forcave te tjera politike, jashte LZHK-se, te cilat kerkojne ne nje menyre apo ne nje tjeter te denigrojne kete levizje, te cilen e shohin si nje levizje qe do t'i konkuroje denjesisht ne zgjedhjet e ardhshme parlamentare", eshte shprehur dje, deputeti Begeja.

Nderkaq, informacioni se Kryetari i Grupit Parlamentar i LZHK-se, Maksim Begeja eshte shkarkuar nga detyra e tij, u shpernda disa dite me pare ne emer te LZHK-se, me ane te postes elektronike (e-mail) ne te gjitha redaksite e lajmeve. Ne njoftimin e shperndare thuhej gjithashtu se, Grupi parlamentar i LZHK-se do te vazhdoje aktivitetin e tij me te njejten perberje, ndersa kryetari i ri i ketij grupi do te emerohet ne ditet e ardhshme.

Gjithsesi, mesohet se vete Begeja ka patur nje konflikt me Kryetarin e Partise Levizja e Legalitetit, Ekrem Spahiu, ne mbledhjen e rradhes se Grupit Parlamentar te LZHK-se. Nderkohe, Nenkryetari i PLL-se dhe nje nga perfaqesuesit e LZHK-se, Murat Basha, pranon se lajmet e publikuara ne shtypin shqiptar, edhe mund te jene te verteta. "Nuk kam asistuar ne ate mbledhje. Une di ate cka dini ju nepermjet shtypit dhe kam pershtypjen se ajo qe thote shtypi eshte e vertete", deklaroi dje, Basha.

R. K

Të VEGJLIT KUNDëR NDARJES ZGJEDHORE

LZHK-së iu shtuan edhe votat e dy deputetëve socialistë, Mezan Malaj dhe Hasan Hoxha. Ndërsa deputetët e LSI-së nuk morën pjesë në këtë votim. Të gjithë deputetët që folën e kishin hallin te zona e tyre të cilave mund t"u ishte hequr ndonjë komunë apo ndonjë fshat. Argumenti që ofronin kundër këtij projekti të sjellë në Kuvend ishte mosrespektimi i numrit mesatar të votuesve në zonat e tyre. Kryetari i Partisë Argrare, Lufter Xhuveli, e cilësoi hartën zgjedhore rezultat të një pazari dylapësh të bërë nga Partia Socialiste dhe Partia Demokratike. "Ky projekt që ju na keni sjellë nuk është gjë tjetër veçse një pështjellim dhe aspak një përmirësim", tha Xhuveli. Ai nënvizoi se ky përshtjellim u bë pas një vonese gjashtëmujore, periudhë në të cilën dy palët shkëmbyen komuna e zona elektorale për t"i ardhur në ndihmë njëra-tjetrës duke mos menduar aspak për interesin kombëtar. Deputeti socialist Hasan Hoxha kundërshtoi kalimin që u është bërë dy komunave të Tiranës, Baldushk dhe Pezë, për në qarkun e Rrogozhinës. "Kjo është e papranueshme. Si mundet që këto dy komuna të Tiranës të kalojnë në zonat zgjedhore të Rrogozhinës. Unë si deputet i dalë nga këto dy komuna nuk e pranoj një gjë të tillë pasi është absurde", tha Hoxha. Por nuk ishte i vetmi deputeti Hoxha që nuk e pëlqeu ndarjen e re të zonave elektorale. Kreu i legalistëve, Ekrem Spahia, u shpreh se me ndarjen e re të bërë nga PS-ja dhe PD-ja nuk është bërë gjë tjetër veçse një copëzim i zonave ku fitorja ka qenë gjithnjë e kësaj partie. "Ju keni frikë nga fitorja e LZHK-së dhe për të penguar një gjë të tillë keni bërë një ndarje që nuk është aspak konform kritereve që ne kemi miratuar në këtë parlament", tha Spahia. Megjithë kundërshtimet e disa deputetëve, votat e socialistëve dhe të demokratëve bënë të mundur kalimin e projektit. Ndërkohë kreu i parlamentit, Servet Pëllumbi, bëri të ditur se Presidenti i Republikës kishte dhënë pëlqimin për futjen në fuqi të këtij projektligji menjëherë pas miratimit të tij.

Kontestimi i LSI-së

Pas shpalljes së vendimit të grupit të LSI-së kundër ndarjes së re elektorale, deputetët e kësaj force politike nuk morën pjesë në procesin e votimit. Kreu i grupit, Brokaj, u shpreh se "kjo ndarje ka krijuar vetëm një zonë për zotin Nano".

Zona zgjedhore me numër 99 që i përket qarkut të Sarandës nuk ka mbetur pa rënë në syrin e deputetëve të cilët e kundërshtuan ndarjen e re zgjedhore. Aq më tepër kur bëhet fjalë për zonën në të cilën ka shpallur kandidaturën për deputet kryetari i qeverisë dhe njëkohësisht i Partisë Socialiste, Fatos Nano. Kreu i deputetëve të LSI-së, Sabit Brokaj, u shpreh se ndarja e re elektorale ka bërë të mundur vetëm krijimin e një zone elektorale në të cilën mund të fitojë Fatos Nano. Ndërsa kreu i legalistëve, Ekrem Spahia, u shpreh se zona me numër 99 kishte 9555 zgjedhës më pak se sa zonat që janë krijuar në zonën e Burrelit. Sipas tij, në krijimn e kësaj zone nuk është zbatuar asnjë kriter nga ato që ishin miratuar më parë nga Kuvendi. Gjithsesi, një problem i tillë nuk u ngrit nga opozitarët e tjerë të PD-së, të cilët e cilësuan këtë hartë si një nga më të mirat që janë miratuar deri më tani.

THANË NË PARLAMENT

Hasan Hoxha, PS

Harta zgjedhore është e papranueshme sepse ka zhvendosje të tilla nga mesatarja deri në shifrat e 20 për qindëve, në një kohë që kodi e përcakton qartë se kjo zhvendosje duhet të jetë vetëm 10 për qind. Gjithashtu zonat janë krijuar në atë mënyrë sa kalojnë nga një rreth në një rreth tjetër, duke mos marrë parasysh të shkuarën dhe kulturën e një zone. Nuk mund ta pranoj që zonat e komunave Pezë dhe Baldushk, ta kenë qëndrën e zonës në Rogozhinë.

Lufter Xhuveli, PAA

Në ndarjen e zonave është arritur një marrëveshje që nuk ka shtjellim dhe që është e papranueshme. Janë bërë bashkime komunash nga Bubullima e Lushnjes me komunën e Pojanit të Fierit që është në kufi me Mallakastrën. Elektorati duhet të vërë mend dhe të shohë se si manipulohet nga maxhoranca PS-PD.

Maksim Begeja, LZHK

Marrëveshja për ndarje zonale e votuar nga maxhoranca nuk respekton kriteret e përcaktuara nga Kodi Zgjedhor, për rrjedhojë, ne nuk mund ta pranojmë atë. Në këtë mënyrë si është hartuar ajo jep një shkas më shumë për të patur zgjedhje të kontestueshme. Qëllimi i saj është që të ndajë në tavolinë copat e tortës së zgjedhjeve midis dy partive të mëdha.

Sabit Brokaj, LSI

Edhe kjo marrëveshje, ashtu si gjithë marrëveshjet e tjera PS-PD, do të shoqërohet me efekte negative. Kjo marrëveshje ka qenë nën merakun e kryeministrit Nano, i cili duke avancuar për në Jug ka mundësi që ndonjë ditë të kalojë përtej kufirit, çka do të ishte një favor i madh për politikën shqiptare.

Në mbledhjen e Grupit Parlamentar të LZHK i kërkohet dorëheqja kreut të Grupit

Leka Zogu shkarkon Begenë

Spahia apo Shehi mund të zëvendësojën republikanin

Eva Gjura

Përshtjellime në kampin e deputetëve që përfaqësojnë Lëvizjen e drejtuar nga Leka Zogu.

Maksim Begesë, ish-republikanit të zgjedhur në krye të grupit parlamentar në fillim të sesionit të ri parlamentar,i është kërkuar dorëheqja nga drejtimi. Megjithëse asgjë nuk duket zyrtare, burime brenda oborrit mbretëror kanë deklaruar për “Panoramën” se, në mbledhjen e djeshme të grupit parlamentar të LZHK-së, ku ka marrë pjesë dhe kreu i saj Leka Zogu, ky i fundit i ka kërkuar dorëheqjen Maksim Begesë nga posti i kryetarit të grupit parlamentarë të LZHK-së. Vetë Begeja e ka pranuar si të pa vërtetë,duke u shprehur se këto janë vëtëm spekullime, sepse askush nuk i ka kërkuar atij dorëheqjen nga posti i kryetarit të grupit parlamentarë të LZHK. Maksim Begeja është zgjedhur në këtë post që në fillim, kur u krijua grupi parlamentar LZHK, grup i cili mblodhi pranë vetes së tij një grup deputetësh që ikën nga parti të ndryshme, për t’u bashkuar me mbretin, megjithëse programet e partive që ata përfaqësonin nuk kishin asnjë lidhje me monarkinë. Begeja u largua nga posti i nënkryetarit të PR-s, për t’u bërë anëtar dhe kryetar i grupit parlamentar të LZHK-së. Mësohet gjithashtu nga oborri mbretëror se grupi parlamentar i LZHK-së do të vazhdojë aktivitetin e tij me të njejtën përbërje, ndërsa kryetari i ri i këtij grupi do të emërohet në ditët e ardhshme. Dy janë emrat të cilët pretendojnë të marrin drejtimin e grupit parlamentar të LZHK-ë, demokrati i reformuar Dashamir Shehi,i cili është bërë kohët e funit anëtar i kësaj lëvizjeje dhe kryetari aktual i PLL-së, Ekrem Spahia. Pretendenti kryesor për të drejtuar grupin parlamentar të LZHK-së ëhtë kryetari i PLL-së, Ekrem Spahiu. Nga njoftimi zyrtar që del nga oborri mbretëror mësohet se në mbledhjen e djeshme të grupit parlamentar të LZHK-së, kryetarit aktual Begeja i është kërkuar të vazhdojë veprimtrinë për të demaskuar marrveshjet, që mund të çojnë në manipulimin e zgjedhjeve dhe të promovojë programin e LZHK-së në Kuvendin e Shqipërisë. Në këtë mënyrë, elektoratit shqiptar do t’i paraqitet alternativa e LZHK-së, si një alternativë në dobi të popullit shqiptar. Gjithashtu kryetari i LZHK-së, Leka Zogu i I ka zhvilluar takime të rëndësishëm edhe me përfaqësuesit e BSPSH-së, të kryesuar nga Gëzim Kalaja. Kalaja ka paraqitur edhe një kërkesë zyrtare për të marrë pjesë në Lëvizjen Elektorale të LZHK.Takime kryetari i LZHK-së ka zhvilluar dje edhe me kryetarin e komisionit elektoral të LZHK-së, Dashmir Shehi, ku është bërë e njohur veprimtaria e disa prej Këshillave të LZHK në zonat elektorale, të cilat kanë organizuar takime me elektoratin, por edhe kanë përcaktuar problemet konkrete në këto zona.

Begeja: S’më kanë hequr nga kryetar i grupit

Nuk është e vërtetë se më kanë kërkur dorëheqjen nga posti i kryetarit të grupit parlamentar të LZHK-së. Kështu është shprehur dje për “Panoramën” Maksim Begeja. “Deklaratat e bëra në lidhje me shkarkimin tim nuk kanë asnjë bazë vërtetesie” ka theksuar Begeja, duke sqarur më tej se ai vërtet ka patur një takim dje me kryetarin e LZHK-së Leka Zogu, por ky i fundit nuk i ka kërkuar shkarkimin e tij nga posti që mban në LZHK. Përkundrazi është shprehur Begeja, në takimin që pata me Leka Zogun më është kërkuar që të vazhdoj të drejtoj grupin prlamentar të LZHK-së dhe veprimtarinë politike të këtij grupi për të demaskuar marrveshjet që mund të çojnë në manipulimin e zgjedhjeve dhe të promovoj programin e LZHK-së në kuvend. Lajmin për shkarkimin e Begësë nga posti i kryetarit të grupit prlamentar të LZHK-së nuk e ka pranuar as zëdhënësi i oborrit mbretëror Gërmenji, duke u shprehur se nuk është e vërtetë se Mbreti Leka i ka kërkuar shkarkimin nga drejtimi i grupit parlamentar, deputetit Begeja. As kryetari i PLL-së, Spahia i kontaktuar nga “Panorama” nuk ka dhënë asnjë detaj lidhur me shkarkimin, ose jo të Begesë, nga posti i kryetarit të grupit parlamentar të LZHK-së, duke u shprehur se “nuk është detyrë e imja të konfirmoj një lajm të tillë, por oborri mbretëror mund të jap detaje të mëtejshme”. Duke lënë të kuptohet se shkarkimi i Begesë është kërkuar nga kryetari i LZHK-së, Leka Zogu, megjithëse deputetë të kësaj lëvizjeje nuk duan ta konfirmojnë zyrtarisht.

Grupi parlamentar
Shehi synon drejtimin e LZHK-së

Gjërat nuk kanë shkuar dhe aq mirë në LZHK me vajtjen e demokratit të reformuar Dashamir Shehi. Mësohet se deputeti Shehi ka shfaqur pretendimet e tij për të qenë në postet drejtuese të kësaj lëvizjeje dhe konkretisht për të drejtuar grupin parlamentar të LZHK-s. Me ikjen e Maksim Begese nga kryetar i grupit parlamentar të LZHK-së. Emri i Shehit është më i mundshmi për ta zëvendësuar.

Opozita reagon pas sqarimit të qeverisë për abuzimet
Spaho: Administrata e Nanos rrit shpenzimet çdo ditë

Qeveria Nano është qeveria me koston administrative më të lartë ndaj taksapaguesve shqiptarë. Vetëm një ditë pasi zëdhënësi i qeverisë ka kundërshtuar deklaratat e opozitës për shpenzimet e kabinetit “Nano”, Sekretari i Çështjeve Ekonomike në PD, Edmon Spaho, ka rishfaqur sërish të njëjtat akuza. “Administrata e qeverisë së Nano-s gjatë vitit 2005 i kushton buxhetit të shtetit 1095 milionë lekë, ajo e Ministrisë së Financave 1027 milion lekë, ose sa gjithë fondi vjetor i pagesës për të papunët, ajo e Ministrisë së Ekonomisë 606 milion lekë, e Ministrisë së Drejtësisë 676 milion lekë, e Ministrisë së Punëve Publike 465 milion lekë, Shërbimi Informativ 1105 milion lekë, e kështu me radhë” ka theksuar Spaho, duke sqaruar më tej se të gjitha këto shpenzime janë bërë dhe po bëhen për rikonstruksione dhe mobilime zyrash , blerje makinash dhe udhëtime jashtë shtetit. Megjithëse Drejtoria e Tatimeve shpenzon 1790 milion lekë dhe ajo e Doganave 1430 milion lekë, Shqipëria është vendi me evazion fiskal më të lartë në Europë. Sipas Spahos, Shqipëria e krahasur me vendet e rajonit mbledh rreth 3 herë më pak tatim mbi të ardhurat personale,2 herë më pak tatim mbi fitimin,3 herë më pak të ardhura nga sigurimet shoqërore, e 2 here më pak të ardhura nga akcizat në raport me PBB. Sekretari i çështjeve ekonomike në PD ka dhënë edhe shifra të tjera, duke tregur se qeveria e drejtuar nga kryeministri Nano rrit çdo vit koston e adminitratës së saj nga 19 miliardë lekë në vitin 2003, në 21 miliardë lekë në vitin 2005. Lidhur me shpenzimet e qeverisjes së ardhshme të PD-së,Spaho është shprehur se “PD-ja ka shpallur si thelbin e reformës së saj zvogëlimin e qeverisjes dhe shkurtimin e shpenzimeve administrative”.

Dalipi: Shifrat e publikuar nga PD nuk janë të vërteta

Zëdhënësi i qeverisë, Aldrin Dalipi, i ka hedhur poshtë deklarimet e kryetarit të PD-së, Berisha, se shpenzimet e qeverisë Nano janë mbi 1 miliardë lekë. Sipas Dalipit, buxheti i veprimtarisë së Këshillit të Ministrave, është në shifrën rreth 463 milionë lekë. Ai ka deklaruar se në buxhetin e Këshillit të Ministrave përfshihet gjithashtu një projekt i financuar nga BB, i cili kap shifrën 530 milionë lekë, financimi i huaj për reformën në administratën publike. Ndërkohë, ai ka sqaruar se janë rritur shpenzimet, pasi është shtuar numri i institucioneve, në zbatim të Kushtetutës.

Në Athinë
Nano: Emigrantët do lëvizin lirisht për zgjedhje

Kryeministri Nano premton lëvizjen e lirë të emigrantëve shqiptarë në Greqi, në kohën e zgjedhjeve të 3 korrikut në Shqipëri. Në ditën e parë të vizitës së tij në Athinë, Nano është takuar me një grup emigrantësh, që jetojnë në Greqi ku kanë qenë të pranishëm edhe drejtues të Bashkisë së Athinës. “Pavarësisht kohës së miratimit dhe zbatimit të ligjit të ri grek për emigracionin, ne kemi marrë që tani premtimin se në kohën e zgjedhjeve parlamentare në Shqipëri, lëvizja për të gjithë ata që duan të kontribuojnë për konsolidimin e demokracisë në atdhe, lëvizja do të jetë e lirë dhe e garantuar”, ka deklaruar Nano. Kryeministri Nano ka zhvilluar një bashkëbisedim me emigrantët për çështjet, që kanë të bëjnë me jetën e përditshme dhe problemet e tyre, integrimin e metejshëm në jetën shoqërore dhe sociale greke, për hapat ligjorë që po ndërmerren nga të dy vendet, për të lehtësuar jetën e tyre në Greqi. Emigrantët e pranishëm në këtë takim, kanë falenderuar kryeministrin Nano për vëmendjen e treguar në nxitjen e integrimit të tyre në shoqërinë, ekonominë dhe institucionet e Greqisë. Ata janë shprehur gjithashtu, se jeta e tyre në Greqi nuk është si më parë, është shumë më ndryshe, më me dinjitet dhe e koordinuar, duke sjellë në vëmendje faktin se shumë shqiptarë janë integruar dhe japin kontributin e tyre në fushat e artit, kulturës, sportit, mjekësisë, ekonomisë, si dhe në shumë fusha të tjera zhvillimi në Greqi. Ndërsa Nano është shprehur se ka progres të madh në trajtimin e emigrantëve nga qeveria greke. “Pa asnjë dyshim hallet tuaja sa vijnë e zbuten. Ato nuk janë hallet që kishit para dhjetë vjetësh, kur sapo kishit shkelur në këtë vend. Për këtë arsye, edhe pse e di që ende përballeni me halle të përditshme, kam kënaqësinë të vë re, progresin e jashtëzakonshëm që keni kryer në integrimin tuaj në shoqërinë ku jetoni, në ekonominë dhe institucionet e Greqisë mike. Dhe kjo nuk ka qënë e lehtë, pasi integrimi në jetën e Greqisë, në analizë të fundit është integrim në jetën e një vendi antar të Komunitetit Europian. Në këtë këndvështrim ju jeni pararoja e integrimit të Shqipërisë në këtë Komunitet”, është shprehur Nano.

SINDIKATAT SHQIPTARE, MBESHTETJE PER LEKA ZOGUN

Ne zyrat e Partise Levizja e Legalitetit u nenshkrua dje zyrtarisht anetaresimi i Bashkimit te Sindikatave Profesinale te Shqiperise ne Levizjen per Zhvillim Kombetar. "Ky nenshkrim eshte zhvilluar ne seline e LZHK-se ne Tirane pas bisedimeve ndermjet kryetarit te LZHK-se, Leka Zogu I dhe kryesindikalistit Gezim Kalaja. Ne marreveshje eshte parashikuar qe sindikata e pavarur te kontribuoje maksimalisht ne fushate ne krah te LZHK-se dhe te kete ne listen e deputeteve nje numer te caktuar kandidatesh qe do te perzgjidhen ne keshillin ekzekutiv te LZHK-se", thuhet ne njoftimin per mediat te LZHK-se. Po keshtu, gjate dites se djeshme, kryetari i LZHK-se ka zhvilluar nje takim me deputetet e grupit te LZHK-se ku ka kerkuar me shume impenjim ne realizimin e politikave e programit elektoral te levizjes. "Deputetet kane rene dakord me kete kerkese te kreut te LZHK-se, Leka Zogu I", sqaron njoftimi i LZHK-se.

Maksim Begeja duket se eshte larguar nga drejtimi i grupit parlamentar te Levizjes per Zhvillim Kombetar. Ne mbledhjen e djeshme te grupit parlamentar te LZHK-se, qe u zhvillua nen drejtimin e Kryetarit te Levizjes per Zhvillim Kombetar, Leka Zogu, ky i fundit i komunikoi, z. Maksim Begeja, deri me sot kryetar i Grupit Parlamentar te LZHK, shkarkimin nga ky post. Grupi parlamentar i LZHK-se, sipas nje njoftimi per shtyp te zedhenesit te Levizjes, do te vazhdoje aktivitetin e tij me te njejten perberje, ndersa kryetari i ri i ketij grupi do te emerohet ne ditet e ardhshme. Por burime nga Oborri Mbreteror nuk konfirmuan nje vendim te tille te pretendentit te fronit, duke shtuar paqartesise rreth zhvillimeve politike ne rradhet e LZHK-se.

Maksim Begeja braktisi rradhet e Partise Republikane per te marre drejtimin e grupit parlamentar te Levizjes per Zhvillim Kombetar ne muajin shtator. Megjithate, marredheniet e tij me Partine "Levizja e Legalitetit" nuk ishin te mira. Gjate kesaj kohe ka patur debate te ndryshme mes deputeteve qe perbejne grupin parlamentar te LZHK-se.

Sipas një njoftimi për shtyp të LZHK, Begeja është shkarkuar dje nga posti i kryetarit të grupit parlamentar

N.Perndoj

TIRANE- Maksim Begeja nuk do të jetë më kryetari i grupit parlamentar i LZHK-së. Sipas njoftimit për shtyp të LZHK-së, Begeja është shkarkuar dje në mbledhjen e grupit parlamentar, që u zhvillua nën drejtimin e kryetarit të Lëvizjes për Zhvillim Kombëtar Leka Zogu. Ky i fundit i komunikoi deputetit Maksim Begeja, shkarkimin nga posti i kryetarit të grupit. Grupi parlamentar i LZHK-së do të vazhdojë aktivitetin e tij me të njëjtën përbërje, ndërsa kryetari i ri i këtij grupi do të emërohet ditët e ardhshme. Në fakt burimet e rezervuara kanë deklaruar dje për “Shekullin” se gjatë mbledhjes janë zhvilluar debate të ashpra mes Begesë dhe Leka Zogut. Maksim Begeja, nuk e ka pranuar këtë shkarkim duke paralajmëruar se ai mund ta braktiste lëvizjen. Këtij “paralajmërimi”, sipas burimeve, Leka i është përgjigjur me një shprehje që e thotë në rastet e rralla të nervozizmit “aq më bën!”
Në mbledhje është diskutuar fillimisht rreth një letre të disa prej deputetëve të LZHK drejtuar kreut të kësaj lëvizje Leka Zogu, ku kërkohej që Begeja të rrinte në krye të grupit. Kjo letër është përpiluar si reagim ndaj një kërkese të mëhershme të PLL e cila kërkon shkarkimin urgjent të Begesë, përndryshe PLL do të radikalizojë qëndrimin e saj. Burimet saktësuan se letrës së deputetëve Leka Zogu i është përgjigjur shkurt dhe prerë se “kjo kërkesë e juaja nuk pranohet”. Më pas, gjithnjë duke iu referuar burimeve, Leka Zogu ka vazhduar në çështjen tjetër, që është përcaktimi i zonave për deputetë aktualë duke i pyetur secilin në emër. Sadedin Balla ka kërkuar të kandidojë në Krujë. Et’hem Fezollari në Pogradec. Maksim Begeja dhe Dashamir Shehu kanë kërkuar të kandidojnë të dy në të njëjtën zonë minibashkinë nr.8, ose Tiranën e vjetër. Shpëtim Roqi ka kërkuar zonën e “Varrit të Bomit”, ndërsa Uran Metko zonën e Kodrës së Priftit në Tiranë.
Pakti
Pavarësisht se ky ishte një njoftim i shpërndarë nga burime brenda LZHK-së, deputetët e ketij grupi e kanë mohuar shkarkimin e Begesë, ndërsa me vetë ish-republikanin ka qënë i pamundur kontaktimi. Sekretari i Marrëdhënieve me Publikun, Shpëtim Rroqi, ka mohuar dje mundësinë e shkarkimit të Begesë. “Në mbledhjen e grupit parlamentar të LZHK-së u rikonfirmua Maksim Begeja në postin e kryetarit, Sadedin Balla si nënkryetar ndërsa unë sekretar i grupit, ndaj dhe asgjë nuk është e vërtetë“,- tha Rroqi. Ndërsa shumë prej deputetëve e kanë mohuar një fakt të tillë, burime të rezervuara kanë theksuar për “Shekullin“ se Maksim Begeja është shkarkuar, por gjithçka është porositur që të jetë e fshehtë për t‘u bërë publike vetëm ditët në vijim.