06112005

http://www.balkanweb.com/gazeta/gazeta.htm

Faqja 10 - POLITIKE

Nentor 6, 2005

Trashëgimtari i fronit shpëton nga qeraja, kthehet prona e parë

Familja Mbretërore rimerr Pallatin e Princeshave

Avokati: Pritet formalisht vendimi

Blerina Gjoka

Pas 60 vjetësh, fati ka dashur që trashëgimtari i mbretit Ahmet Zogu, Leka Zogu i Parë, të rikthehet në rezidencën e parë mbretërore të të atit, në Pallatin e Vjetër. Instituti i Monumenteve të Kulturës ka liruar vend dje për pronarin e vërtetë të godinës, trashëgimtarin e fronit mbretëror dhe familjen e tij. Rikthimi i pallatit është bërë me miratimin e kryeministrit Sali Berisha, pas kërkesës së bërë nga familja mbre-tërore, e cila që prej disa vjetësh po jeton me qira në një rezidencë jashtë Tiranës.
Ky pallat ka një histori të vjetër, ai ka qenë pronë e Esat Pashë Toptanit, daja i Ahmet Zogut. Esat Pashë Toptani ia dhuroi këtë pallat motrës së tij, Nënës Mbretëreshë dhe që prej asaj kohe godina u bë rezidenca e parë e Zogut pas kurorëzimit të tij si mbret i shqiptarëve. Pas shpërnguljes së Zogut në pallatin e ri mbretëror (sot Pallati i Brigadave), ky pallat u quajt Pallati i Princeshave, pasi në të jetonin motrat e Mbretit Zogu I-ë.
Që nga dita e djeshme, në ambientet e kësaj ndërtesë do të jetojnë pasardhësit e mbretit. Avokati i Familjes Mbretërore Shefqet Dizdari, tregon për Gazetën Shqiptare kontaktet me stafin e kryeministrit Berisha për të marrë këtë pronë. Ai pranon se nga ana ligjore ky pallat vazhdon të jetë në proçedurat e kthimit, ndërsa konkretisht ai i është kthyer familjes me mirëkuptim të kryeministrit, për të mos lejuar që familja mbretërore të vazhdonte të jetonte me qira.
Zoti Dizdari si arriti Familja mbretërore të merrte një nga pronat më të rëndësishme të saj?
Aty familja mbretërore shqiptare ka patur një nga pallatet e saja, siç quhet pallati i vjetër mbretëror në qendër të Tiranës. Për shkak se familja mbretërore po jeton me qira, u kërkua një zgjidhje nga qeveria dhe nën nismën e kryeministrit dhe stafit të tij, u gjet mirëkuptimi dhe u realizua sistemimi përfundimtar i trashëgimtarëve të familjes mbretërore shqiptare. Ky sistemim u bë në një nga pronat e tyre. Kjo që ndodhi ishte një akt i domosdoshëm dhe një akt i madh moral nga ana e kryeministrit Sali Berisha. Ishte gjithashtu një veprim i duhur ligjor që kjo familje me dinjitet të sistemohet në një nga pronat e veta.
Sa kohë keni që kontaktoni me kryeministrin Berisha për këtë çështje dhe a u ka premtuar ai kthimin e pronave të tjera?
Ne kemi kontaktuar me stafin e kryeministrit Berisha prej më pak se një muaj. Normalisht kryeministri nuk mund të kthejë pronat, pasi këtë e bën Komisioni i njohjes së pronave. Qeveria “de facto” e sistemoi këtë familje në një nga ish- pronat e tyre. Ndërsa kthimi i saj “de jure” është në proçedurat ligjore në komision, së bashku me të tjerat. Domethënë “de jure” do të vendosë komisioni dhe pritet të jetë një vendim shumë i afërt.
Avokat Dizdari na flisni pak për përmasat e kësaj prone, pasi mendohet se në sipërfaqen e Pallatit të Vjetër ku është sot Instituti i Monumenteve, futet dhe Kisha Katolike?
Objekti ka një sipërfaqe 32 mijë metra katrorë, ku janë të përfshira trualli mbi të cilin është ngritur Hotel Dajti, Kisha Katolike, kinema Milenium 2 dhe godina e pallatit. Ne kemi bërë aplikimin pranë komisionit dhe presim të merret vendimi.
Cili është pretendimi i Familjes Mbretërore për Kishën, ose përse “Hotel Dajti”-n?
Ne sot morëm vetëm godinën e pallatit, kur të jepet verdikti final, do gjendet rrugëzgjidhja me Kishën. Ose shteti do të kompesojë familjen mbretërore për këtë truall, ose do të zgjidhet me kishën. Ndërkaq ambientet e kinemasë do të lirohen pasi ajo ka qenë godinë e përdorur nga princeshat. Ndërsa për “Hotel Dajti”-n familja mbretërore është pronare e truallit dhe si e tillë ka të drejtën e parablerjes. Kjo do të thotë, se në qoftë se shteti vendos që hotelin t’ia nënshtrojë procesit të privatizimit, na ofrohet ne të parëve për ta blerë. Pronari i truallit nuk merr çmimin e ankandit, por e blen me vlerën që caktojnë ekspertët.
Cila është prona që pritet të marrë Familja Mbretërore pas Pallatit të Vjetër?
Mendojmë se do të jetë vila në Durrës dhe prona të tjera që do të jenë të lira. Siç është ish-plazhi i familjes mbretërore në Durrës, aty ku janë sot trupat e NATO-s, poshtë Kampit të Pionerëve.

Pronat në qendër
Familja mbretërore ka qenë pronare e sipërfaqes prej 32 mijë metra katrorë, ku janë të përfshira trualli mbi të cilin është ngritur Hotel Dajti, Kisha Katolike, kinema Milenium 2 dhe godina e pallatit (të princeshave).

Millenium II
Avokati i familjes mbretërore thotë që pritet të lirohen edhe ambjentet e Kinema Millenium II në Tiranë sepse ato ishin ambjentet që përdoreshin nga princeshat

Hotel Dajti
Familja mbretërore është pronare e truallit ku është ndërtuar “Hotel Dajti” dhe si e tillë ka të drejtën e parablerjes. Kjo do të thotë, se në qoftë se shteti vendos që hotelin t’ia nënshtrojë procesit të privatizimit, na ofrohet ne të parëve për ta blerë

Katedralia Katolike
Dizdari, avokati i familjes mbretërore thotë se shteti duhet të kompesojë për truallin ku është ndërtuar kisha katolike në rast të kundërt kjo çështje do të zgjidhet me kishën.

Faqja 11 - POLITIKE

Familja Mbretërore, kërkesë në Tiranë e Durrës për rikthim të pronave

Lista e pronave të Ahmet Zogut në të gjithë vendin

Vilat, pallatet dhe tokat e trojet

Blerina Gjoka

Trashëgimtarit të fronit mbretëror Leka Zogu, nuk do t’i duhet të paguajë 5 mijë dollarë në muaj për të jetuar në vendin e tij, por odiseja e marrjes së pronave nuk mbaron këtu. De fakto Familja mbretërore është një nga pronarët më të mëdhenj në vend dhe pse shumë prej pronave të tyre të ligjshme vazhdojnë të qëndrojnë në mëshirë të fatit, të papërdorura as nga shteti. Për të shënuar emrat e pronave që disponon me dokumentacion familja e Zogut, duhet një listë e gjatë duke filluar që nga Pallati i Brigadave dhe duke mbaruar në Sarandë. Për kthimin dhe kompensimin e tyre do të përdoret e njëjta rrugë si për kthimin dhe kompensimin e pronave të ish-pronarëve. Me marrjen e Pallatit të Princeshave u hap drita jeshile për kthimin e objekteve të tjera. Shteti shqiptar duket se po i lan pak nga pak “mëkatet” e regjimit komunist ndaj kësaj familjeje, e cila nuk u lejua të kthehej në vendin e saj. Pas statusit të veçantë si Familje Mbretërore e mbrojtur me imunitet dhe e pajisur me pasaporta diplomatike, shteti ka nisur të japë miratimin për kthimin e pronave.

Kërkesat
Me anë të avokatëve të saj ligjorë, Familja Mbretërore ka bërë aplikimin në Komisionin e Kthimit të Pronave në Tiranë dhe Durrës, dy qytete ku kjo familje ka më shumë prona. Në Tiranë është kërkuar dhe Pallati i Brigadave, sepse është një nga pronat me dokumentacion më të plotë dhe të pastër. Sigurisht avokatët e familjes nuk pretendojnë që objektet të cilat përdoren nga shteti ose trojet që janë të zëna me objekte publike, të kthehen në formën e tyre të parë. Në këto raste kjo familje pretendon një kompensim monetar nga ana e shtetit, siç është rasti i Pallati të Brigadave që dikur ishte Pallati Mbretëror. Gjithashtu për truallin i Kishës Katolike pranë Unazës dhe vendi ku është ndërtuar “Hotel Dajti”, kërkohet kompensim. Familja Mbretërore kërkon rikthim në natyrë të zonës së plazhit në Durrës, të Vilës në Kodër në Durrës dhe shumë objekteve të tjera që nuk janë në përdorim nga shteti.

Pronat
Në Tiranë kjo familje ka aplikuar për rikthim të pronës që quhet “Varri i Nënës Mbretëreshë”. Kjo pronë ka një sipërfaqe rreth 6 mijë metra katrorë dhe ndodhet në kodrat e liqenit artificial, ku sot është ndërtuar restoranti “Nëna Mbretëreshë”. Kjo tokë do të përdoret për varret e familjes mbretërore. Po në Tiranë kërkohet Pallati i Mbretit, ose siç e njohim sot “Pallati i Brigadave”, i cili përdoret si rezidencë presidenciale dhe për shërbime qeveritare si dhe Pallati i Vjetër që iu kthye në pronësi dje Familjes Mbretërore. Por Pallati i Vjetër nuk është vetëm godina që u lirua dje. Ky objekt ka sipërfaqe 32 mijë metra katrorë ku përfshihen: Kinema Milenium II, godina e Akademisë së Shkencave, Hotel Dajti dhe Kisha Katolike në Unazë. Po në Tiranë pretendohet dhe pronësia e dy shtëpive në bllokun midis komunitetit mysliman dhe Urës së Tabakëve dhe një vilë pranë ish-selisë së Vefës.
Në qytetin e Durrësit, përveç vilës së famshme në kodër me sipërfaqe 3 mijë metra katrorë, kjo familje pretendon të marrë së shpejti plazhin e familjes mbretërore, që ndodhet në zonën e shkëmbit të Kavajës midis “Bllokut” dhe “Kavalishencës”. Gjithashtu është aplikuar për një sipërfaqe toke 2 milionë metër katrorë që nis nga dalja e Durrësit deri në Porto Romano, zona e Spitallës. Familja Mbretërore ka në pronat e saj dhe shumë toka në vendlindjen e Mbretit Zogu I-rë në Burrel, Burgajet, kampin Qafë-Shtamë. Kjo familje ka prona në Divjakë, Leskovik, në Përmet dhe Sarandë.

Aplikimi
Avokatët e familjes nuk pretendojnë që objektet që përdoren nga shteti ose trojet që janë të zëna me objekte publike, të kthehen në formën e tyre të parë. Në këto raste kjo familje pretendon një kompensim monetar nga ana e shtetit, siç është rasti i Pallati të Brigadave që dikur ishte Pallati Mbretëror.

Pronat e Familjes
Mbretërore

Tiranë
Varri i Nënës Mbretëreshë me një sipërfaqe rreth 6 mijë metra katrorë, ndodhet në kodrat e Liqenit Artificial
Pallati i Mbretit, ose siç e njohim sot “Pallati i Brigadave”, i cili përdoret si rezidencë presidenciale dhe për shërbime qeveritare
Pallati i Vjetër që iu kthye në pronësi dje Familjes Mbretërore
Ky objekt ka sipërfaqe 32 mijë metra katrorë ku përfshihen:
Kinema Milenium II, Hotel Dajti, Kisha Katolike në unazë
Dy shtëpi në bllokun midis komunitetit mysliman dhe Urës së Tabakëve
Vila pranë ish-selisë së Vefës.

Durrës
Vila në Kodër në Durrës me 20 dhoma dhe 4 sallone, sipërfaqe 3 mijë metra katrorë
Plazhi i familjes mbretërore, zona e shkëmbit të Kavajës midis “Bllokut” dhe “Kavalishencës”
Tokë që nga dalja e Durrësit deri në Porto Romano, zona e Spitallës, 2 milionë metër katrorë

Prona të tjera
Prona në Burrel, Burgajet, kampi Qafë-Shtamë, Divjakë, Leskovik dhe në Përmet
Vila Mbretërore në qendër të Sarandës

Kthimi në Shqipëri
Trashëgimtari i fronit mbretëror Leka Zogu I-rë dhe familja e tij, mbërritën në Tiranë nga Afrika në 28 qershor të vitit 2002. Pas ardhjes së tyre vdiq mbretëresha Geraldinë dhe më pas bashkëshortja e trashëgimtarit, Suzana

Qiraja 5 mijë USD
Në një vilë private në periferi të Tiranës, në Petrelë, familja mbretërore prej shumë kohësh paguante një qira shumë të lartë, 5 mijë dollarë në muaj. Burime pranë oborrit mbretëror bëjnë të ditur për Gazetën qiranë që paguante familja

Ligji për statusin
Parlamenti Shqiptar miratoi në maj të viti 2003 ligjin për “Statusin e Trashëgimtarëve të Familjes Mbretërore”. Nëpërmjet këtij ligji të propozuar nga disa deputetë legalistë dhe socialistë, familjes i njihen disa atribute të veçanta

Pasaporta diplomatike
Një tjetër vendim i Parlamentit për t’i dhënë Familjes mbretërore atribute të veçanta, ishte pajisja me pasaporta diplomatike e gjithë pjesëtarëve të familjes. Sipas statusit, familja trajtohet me imunitetin e deputetit

Koleksioni i armëve
Të gjitha armët që iu sekuestruan pretendentit të Fronit Mbretëror Leka I gjatë hyrjes në Shqipëri, iu rikthyen përsëri. Këto armë pretendohen nga Leka Zogu se janë armë të babait të tij, ish-mbretit të Shqiptarëve Zogu I

http://www.panorama.com.al/

Qeveria: Leka I të marrë Institutin e Monumenteve të Kulturës. Të tjerat t’i shohë Komiteti

Leka Zogu merr Pallatin e Pionerëve
“E kemi dhënë në përdorim derisa të vendosë edhe komiteti”

Pretendenti për Fronin Mbretëror, Princi Trashëgimtar i kurorës, Leka I, do të lërë shtëpinë ku qëndron aktualisht në Petrelë për t’u kthyer në ish-Pallatin Mbretëror tek Instituti i Monumenteve të Kulturës.

Vendimi është marrë nga qeveria Berisha për t’i kthyer Lekës I një nga pronat, të paktën sa për të banuar. Por nga ana tjetër, organi përkatës, Komiteti i Pronave, nuk di gjë për një vendim të tillë duke mos marrë asnjë masë kthimi dhe kompensimi të pronës. “Ky është një vendim vetëm për këtë objekt. I është dhënë në përdorim, derisa të shprehet komiteti i kthimit dhe kompensimit të pronës. Sa i përket pretendimeve të tjera me to do të merret komiteti shtetëror për kthimin dhe kompensimin e pronës” tha dje për “Panorama” një zyrtar pranë kabinetit të kryeministrit Sali Berisha. Në fakt sipas të njëjtit burim të gjitha kërkesat e tjera të Lekës së I janë bërë në komitetin shtetëror të kthimit dhe kompensimin të pronës. Edhe për këtë pronë të kthyer nga qeveria për familjen mbretërore është marrë më parë edhe miratimi i këtij komiteti. “Nuk kemi asnjë dijeni për këtë vendim” tha në linjë telefonike për “Panorama” kreu i Komitetit Shtetëror për Kthimin dhe Kompensimin e pronës Sokrat Sinaj. Në kohën kur në Kuvend u miratua ligji për kthimin dhe kompensimin e pronës u miratua në parlament, në të nuk u përfshinë ish-pronat e familjes mbretërore me idenë se do të hartohej për këto prona një ligj i veçantë. “Ajo është një pronë e tyre dhe do të merrej prej tyre” thotë i njëjti zyrtar, pavarësisht se mund të ndodhte që për interes publik, pretendenti për fronin edhe mund të shpronësohej. Ndërkaq, sipas të njëjtit vendim qeverie, Instituti i Monumenteve të Kulturës do të kalojë në një tjetër institucion që cilësohet i përshtatshëm.

Kundërshtimi
Ekspertë të fushës thonë se “pronat e familjes mbretërore nuk mund të kthehen thjesht dhe vetëm një nga një. Disa t’i japë qeveria, apo disa të tjera t’i japë komiteti shtetëror për kthimin dhe kompensimin e pronës. Ajo që duhet të bëhet e qartë është fakti: duhet të shikohet se cilat janë prona të Zogut, dhe cilat janë prona të kurorës mbretërore. Kjo gjë nuk është e qartë. Nesër Leka I mund të kërkojë edhe Pallatin e Brigadave, por ajo më duket se është pronë e Kurorës, dhe jo pronë e Zogut” tha një prej ekspertëve të fushës.

Privilegjet
Pronat e ish-mbretit Zog shpeshherë janë bërë objekt i politikës aktuale të 15 viteve tranzicion. Kohë më parë Nano me një vendim qeverie vendosi të “shpërblejë” pozicionin e Pretendentit për fronin mbretëror, duke i dhënë atij një status protokollar por gjithashtu duke i dhënë edhe pasaportë diplomatike. Pak kohë më vonë me një vendim qeverie Lekës I iu kthyen edhe të gjitha armët që ai i kishte koleksion dhe që menjëherë sapo zbriti në Shqipëri iu morën nga policia e shtetit. Kështu pak nga pak, Leka I po përfiton pasuritë e veta.

http://gazetametropol.com/

E Diele, 06 Nentor 2005

Kthehen pronat e familjes mbretërore

BRAHIM SHIMA

6 Nentor Janë 3900 ndërtesa të pakthyera

Vendimi për kthimin e vilës së familjes Zogu, e cila është në qendër të Tiranës, duket se është fillimi i angazhimit të qeverisë së re për kthimin e pronave. Sipas programit të punës së qeverisë, në 100 ditët e para të punës do të ndërmerret hapi për amendimin e ligjit dhe më pas do të punohet për kthimin e tokave të lira. Megjithatë, sipas të dhënave të shoqatës së pronarëve, janë 3900 ndërtesa, që ende nuk u janë kthyer ish-pronarëve. Madje, prej 14 vitesh në to jetojnë familje të treta, që paguajnë një qira me vlerë tepër të ulët. Ligji përcakton se brenda vitit 1996 duhet të rishikohet qiraja për ta afruar me çmimet e tregut. Ndërsa pas korrikut të vitit 1997, ndërtesa duhet t’i kthehet të zotit, ose qiramarrësi do të nënshkruajë një kontratë me pronarin e shtëpisë.

Nuk dihet nëse vendimin do e marrë komiteti i pronave apo qeveria, do diskutohet data e konfiskimit

Instituti i Monumenteve është urdhëruar që të zbrazë godinën ku do vendoset Zogu

Qeveria ka urdhëruar Administratën e Institutit të Monumenteve të zbrazin zyrat ku janë aktualisht për t’u vendosur në ndërtesën e Drejtorisë së Ujërave. Shkak për urdhrin është rikthimi i ish-Pallatit të Pionerëve, familjes Mbretërore. Burimet zyrtare bën të ditur se tashmë po shihen të gjitha procedurat për kthimin e pronave të ish-pronarëve, ku përfshihet dhe familja mbretërore. Deri më tani nuk është marrë një vendim qeverie, por Kryeministri, pas diskutimeve me grupin e punës, ka vendosur që të rikthejë ndërtesat e familjes mbretërore, kjo duke nisur nga pallati që gjatë viteve 1944-1991, u quajt Pallati i Pionerëve dhe ku më pas u vendos Instituti i Monumenteve. Mësohet se grupi i punës është duke diskutuar dhe për rikthimin e pronave të tjera të familjes mbretërore. Faktikisht një përpjekje e tillë u bë para zgjedhjeve vendore dhe nga Kryeministri Fatos Nano, kur u kërkua nisja e punës për kthimin e vilës në Durrës. Gjithsesi, mësohet se për kthimin me dokumente të pronave të ish-mbretit Zog do të ketë një debat edhe më të gjatë. Shkak është fakti se pronat janë sekuestruar para vitit 1944.

Konflikti

Në ligjin për kthimin dhe kompensimin e pronave, sanksionohet se Komiteti dhe Komisionet vendore kanë detyrim të shqyrtojnë kërkesat për kthimin e pronave të sekuestruara pas vitit 1944. Pra, në këtë rast, pronarët bëjnë kërkesë dhe më pas janë komisionet përkatëse që bëjnë verifikimet dhe marrin vendimin. Në këtë mënyrë duhet të veprojë dhe familja mbretërore, pavarësisht nga vendimi i qeverisë. Kështu, pretendenti i fronit duhet të paraqesë dosjen përkatëse në Komisionin e Tiranës, ku dhe do të nisë shqyrtimi i çështjes. Por, për të ndjekur këtë procedurë, duhet vërtetuar se pronat janë konfiskuar pas vitit 1944 dhe jo para këtij viti. Ndërkohë që kanë lindur diskutime për kohën e konfiskimit të pronave mbretërore. Burimet thanë se pronat janë konfiskuar në vitin 1939, pas pushtimit të vendir. Ndërsa ku vendim u mbajt në fuqi dhe pas vitit 1944. Ndaj dhe lind një konflikt me ligjin, që nuk parashikon që komiteti i pronave të marrë vendimin për këtë çështje.

Zgjidhja

Nëse ekspertët do të vendosin që çështja e pronave të ish-mbretit Zog nuk janë kompetencë e Komitetit të Pronave, do të jetë qeveria që do të vendosë rrugën që do të ndiqet. Burimet thanë se veprimi më i thjeshtë mund të jetë një vendim qeverie për rikthimin e pronave dhe urdhërimin e hipotekave për regjistrimin e tyre në emër të pretendentit të fronit. Tashmë është hedhur hapi i parë për kthimin e pronave të familjes mbretërore, e cila prej disa vitesh jeton në një vilë në Tiranë, në dalje të kryeqytetit Tiranë.

http://www.sot.com.al/ Sunday, 06 November 2005

Institute of Monuments should be given back to the Royal Family

The Albanian government will give the properties back to the Royal Family. The solicitor of Leka Zogu I, Shefqet Dizdari informed yesterday that the government has approved the restitution to the Royal Family of the Institute of Monument’s building, which used to be the palace of King Ahment Zogu’s sisters around a century ago.The government decided to transfer the Institute of Monuments to the Directory of Waters. Yesterday the settings of the Institute of Culture Monuments in Tirana were freed to be given back to the owners. The accommodation of the Royal Family’s heirs in this building was carried out under the care of Prime Minster Sali Berisha and his staff. In 2003 the parliament approved the law on the status of the Royal Family and its heirs, giving them the right to take over the properties and other belongings as every citizen of the country as well as approving the right of this family to possess the weapons’ collection that was sequestrated. For the last mentioned, the court decided to give the collection back to owners, abrogating the decision of the prosecution office on the sequestration. In the meantime the Royal Family is carrying on the procedures through local commissions of the restitution and compensation of properties for the recognition of full restitution and compensation of all properties. We are referring to objects like the Vila in Durres, the Palace of Brigades in Tirana and some other objects. Since his return from South Africa, the heir of the Albanian Royal Family Leka Zogu I along with his family is living in a house in Petrela, around 25 km outside Tirana.

Faqe 7 - Politikë

Kreu i LZHK, Shehi u takua dje me presidentin për reformën zgjedhore e pronarët e ligjshëm

Moisiu: Do influencoj për legalizimet

Shehi: Na premtoi se do të ndërhyjë në Kuvend për ligjin

Luljeta Progni

Lëvizja për Zhvillim Kombëtar e përfaqësuar nga Dashamir Shehu ankohet tek presidenti Moisiu për ligjin për legalizimin e ndërtimeve pa leje në vend.

Pasi kanë dalë publikisht dhe fjala e tyre nuk është dëgjuar, ata kanë zbritur drejt e në zyrën e kreut të shtetit. Pika e dytë e diskutimeve, sipas burimeve, kishte të bënte me reformën zgjedhore.
Kreu i LZHK-së, Dashamir Shehi paraqiti para presidentit Moisiu platformën e LZHK-së për ligjin për legalizimin si dhe platformën e kësaj force politike për reformën zgjedhore. Presidenti u premtoi drejtuesve të kësaj force politike që do të bëjë përpjekjet brenda të drejtave që i jep Kushtetuta, në pozicionin e tij, për t’i bërë prezente këto çështje në Parlament. Kreu i shtetit dëgjoi shqetësimet e drejtuesve të LZHK-së në lidhje me reformën zgjedhore, duke theksuar se do të sensibilizojë politikën për të nisur hapa konkretë për reformën zgjedhore.
Sipas vetë deklarimit të Dashamir Shehit, ky i fundit paraqiti idenë e forcës politike që përfaqëson, duke theksuar se një sistem zgjedhor proporcional do të shmangte fenomenin e Dushkut në zgjedhjet e ardhshme në Shqipëri. Shehi theksoi edhe një herë se në zgjedhjet e 3 korrikut LZHK-ja humbi shumë vota për shkak të përdorimit të skemës së Dushkut. Të njëjtat pretendime, paraqitën pak ditë më parë para presidenti edhe krerët e LSI-së.

Legalizimet
Në platformën e LZHK-së për ligjin për legalizimet, kundërshtohet projektligji i qeverisë në pikën e tij për çmimin e tokës së pronarëve. LZHK pretendon që pronarët e tokave të kompensohen me çmimin e vlerës së tregut. Kreu i LZHK-së, Dashamir Shehi tha dje se platforma e forcës politike që ai përfaqëson është në mbrojtje të pronarëve dhe se do të bëhen të gjitha përpjekjet që pronarët të kompensohen me çmimin e vlerës së tregut. “Kërkuam këtë takim me presidentin për të paraqitur shqetësimet tona në lidhje me ligjin për legalizimet si dhe për reformën zgjedhore. Ne paraqitëm te presidenti platformën tonë për ligjin për legalizimet në thelbin e së cilës është kompensimi i pronarëve të tokave me çmimin e vlerës së tregut. Ne morëm premtimin e presidentit se do të angazhohej për zgjidhjen e kësaj çështjeje, duke e bërë atë prezent në Parlament. Moisiu na premtoi se me të gjitha kompetencat që i jep Kushtetuta, në pozicionin e kreut të shtetit, do të sensibilizojë politikën shqiptare për zgjidhjen e këtyre çështjeve kaq të rëndësishme”, tha dje kreu i LZHK-së, Dashamir Shehi. LZHK-ja paraqiti pak ditë më parë platformën për legalizimet pranë të gjitha partive politike parlamentare, si dhe pranë të gjitha ambasadave të vendeve perëndimore në Tiranë.

takimet
Presidenti Moisiu pritet të zhvillojë takime me parti të tjera opozitare për të diskutuar për mundësinë e një tryeze për reformën zgjedhore. Burime pranë Presidencës thanë dje se javën e ardhshme pritet të vijnë në Presidencë me kërkesën e tyre përfaqësues të PSD-së, PAD-së për çështjen e reformës zgjedhore.
LSI
Disa javë më parë, presidenti Moisiu ka pritur në një takim drejtuesit e LSI-së për të diskutuar për reformën zgjedhore. Gjatë këtij takimi, Moisiu ka shprehur gatishmërinë për të sensibilizuar forcat politike për të nisur reformën zgjedhore, e kërkuar nga drejtuesit e LSI. Në takim, Moisiu e ka vlerësuar pozitivisht platformën e LSI-së për reformën zgjedhore.
socialistet
Disa ditë më parë, presidenti Moisiu priti në një takim drejtuesit e ri të PS, kryetarin e kësaj partie, Edi Rama, dhe sekretarët e rinj të saj të zgjedhur nga kongresi. Gjatë këtij takimi socialistët kanë paraqitur shqetësimet e tyre, ku përfshihej edhe çështja e reformës së re zgjedhore.

RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 9, No. 207, Part II, 3 November 2005

SERBS AND MONTENEGRINS AGREE ON APPROACH TO KOSOVA TALKS... Leaders
of Serbia, Montenegro, and their joint state agreed in Belgrade on 2
November that "there must be a compromise without any imposed
solutions" in the upcoming talks on Kosova's final status, RFE/RL's
South Slavic and Albanian Languages Service reported (see "RFE/RL
Newsline," 1 and 2 November 2005, and "RFE/RL Balkan Report," 20 May
2005). Serbia and Montenegro's President Svetozar Marovic, Serbian
President Boris Tadic, Montenegrin President Filip Vujanovic, Serbian
Prime Minister Vojislav Kostunica, and Montenegrin Prime Minister
Milo Djukanovic endorsed the principles that Kostunica recently
outlined in a presentation for the UN Security Council on Kosova. PM

..AS HARD-LINERS DIG IN. Aleksandar Vucic of the hard-line Serbian
Radical Party (SRS) said on 2 November that Belgrade should not
accept independence for Kosova if the Western powers try to impose
it, Reuters reported. He argued that if Serbia declared Kosova
"unlawfully occupied," it would create unspecified problems for any
country recognizing the new state. Vucic added that such a
declaration would enable Serbia to "preserve the chances of having
the status of Kosovo discussed in five, 20, or 30 years, in different
and more favorable circumstances" for Serbia. SRS leader Tomislav
Nikolic said recently that there will be "mayhem" in Serbia if Kosova
is declared independent, adding that he will personally lead street
protests. PM