06122005

PLL: DY VENDE NE KLD PER DHOMEN E AVOKATISE

Partia Levizja e Legalitetit duke mbeshtetur nismen e qeverise per shmangien e konfliktit te interesit ne Keshillin e Larte te Drejtesise kerkon qe dy vendet bosh te vihen ne dispozicion te Dhomes se Avokatise. Me ane te nje deklarate per mediat, PLL-ja ben te ditur se pasi ka ndjekur me vemendje zhvillimet parlamentare ku deshtoi seanca e nje jave me pare per miratimin e amendimeve te KLD-se e konsideron kete akt politik ne parlament, jo thjesht si nje prishje e ekuilibrave te brishte brenda maxhorances, apo mosdhenie e "natyrshme" e miratimit nga trupa legjislative per nje projektligj kaq te nevojshem per t'u shnderruar ne ligj, por ajo e vlereson ate si kundervenie e hapur e segmenteve te inkriminuar te politikes, qe kane inkriminuar dhe manipulojne edhe pushtetin gjyqesor, ku nderthuren interesa te krimit me politiken dhe pushtetet. Sipas legalisteve, ky reagim i trupes zgjedhore eshte vertetim indirekt i konfliktit te interesave dhe i synimit kriminal per ta penguar drejtesine ne luften kunder korrupsionit ne Shqiperi. "Legalistet i kerkojne z.Moisiu, si kryetar i KLD-se dhe znj. Topalli, si kryetare e Kuvendit, qe, ne bashkepunim nderinstitucional, pas largimit te gjyqtareve te KLD-se me motivacionin "konflikt interesash", t'i rikthejne Dhomes se Avokatise dy postet e dikurshme, te lena vakant nga z. Perparim Sanxhaku e Dashamir Kore, vende te cilat maxhoranca socialiste i plotesoi padrejtesisht me kontigjente te klienteles se saj politike ne drejtesi, me ane te dhunes se kartonave", thuhet ne njoftimin per mediat te PLL-se.

M.B

http://www.gazeta55.net/home.jsp Data: 06/12/2005, ora

PLL kërkon reformim të thellë të sistemit të drejtësisë

Si parti legjitimiste, për të cilën ligji ka rëndësi vendimtare për ecurinë e demokracisë dhe fatet e vendit, PLL e konsideron të domosdoshëm reformimin e thellë të sistemit të drejtësisë dhe, në këtë kuadër, veçanërisht të ligjit organik për funksionimin e KLD, si aksion i drejtpërdrejtë politiko-ligjor për luftë pa kompromis me konfliktin e interesave dhe korrupsionin e ngritur në sistem në pushtetin tonë gjyqësor. PLL e përcolli me shqetësim të thellë dështimin për miratimin e draftit qeveritar për KLD-në, javën e shkuar dhe shmagien e konfliktit të interesave në këtë institucion me rëndësi vendimtare në luftën kundër korrupsionit në drejtësi. PLL e konsideron këtë akt politik në parlament, jo thjesht si një prishje e ekuilibreve të brishtë brenda mazhorancës, apo mosdhënie e natyrshme e miratimit nga trupa legjislative për një projektligj kaq të nevojshëm për t’u shndërruar në ligj, por ajo e vlerëson atë si kundërvënie e hapur e segmenteve të inkriminuar të politikës, që kanë inkriminuar dhe manipulojnë edhe pushtetin gjyqësor, ku ndërthuren interesa të krimit me politikën dhe pushtetet. Ky reagim i trupës zgjedhore, është vërtetim indirekt i konfliktit të interesave dhe i synimit kriminal për ta penguar drejtësinë në luftën kundër korrupsionit në Shqipëri. Fakti që afro 40 % e proceseve gjyqësore në Shkallën e Parë, rikthehen për rishqyrtim dhe rigjykim nga Gjykata e Apelit për shkelje proceduriale; për motivime të pasakta dhe antiligjore në arsyetimin e vendimeve; për favorizime të hapura dhe dënime të zbutura për krime të rënda dhe kriminelë recidivistë; për vendime të pambështetura në ligj, apo të padrejta në çështjet civile..., etj. , është dëshmia më e qartë e korrupsionit, pandershmërisë në gjykim, papërgjegjshmërisë dhe paaftësisë së gjyqtarëve dhe eprorëve të tyre. Legalistët u kërkojnë z.Moisiu, si kryetar i KLD dhe znj.Topalli, si kryetare e Kuvendit, që, në bashkëpunim ndërinstitucional, pas largimit të gjyqtarëve të KLD me motivacionin konflikt interesash , t’i rikthejnë Dhomës së Avokatisë dy postet e dikurshme, të lëna vakant nga Përparim Sanxhaku e Dashamir Kore, të cilat mazhoranca socialiste i plotësoi padrejtësisht me kontigjente të klientelës së saj politike në drejtësi, me anë të dhunës së kartonëve. PLL është e bindur se korrupsioni dhe politizimi I një pjese të konsiderueshme të gjyqtarëve, është pjesë e skemës së ndërtimit të një shteti kriminal pseudoligjor, ku krimi politik e korrupsioni mbeten të pandëshkuar dhe diktatura e oligarkisë politiko-financiare mund të mbulohet me retorikë dhe standarde për demokraci dhe shtet ligjor .

http://www.balkanweb.com/gazeta/gazeta.htm

Faqja 5 - POLITIKE

Dhjetor 4, 2005

Ndryshimi i miratuar nga qeveria do votohet në Kuvend vetëm në shkurt

“Ligji i pronave” shtyhet në 2006

Shkak edhe pakënaqësitë e PR me projektin

Rozeta Rapushi

Amendamentet për ligjin e “Kthimit dhe Kompensimin e Pronave”, do të diskutohen në Kuvend vetëm në fillim të muajit shkurt të vitit të ardhshëm. Me gjithë shpejtësinë e madhe të qeverisë demokratike për të mbyllur brenda 100 ditëshit të parë të qeverisë të paktën çështjen e pronës, amendamentet e reja do të jenë objekt debati i sesionin të ardhshëm të Kuvendit. Shkaku i zvarritjes së projektligjit të kabinetit të kryeministrit Berisha për pronën, është dorëzimi në Kuvend i projektbuxhetit të qeverisë i cili do të zërë të gjithë kohën e komisioneve. Por nga ana tjetër, shkas për shtyrje ka qenë dhe acarimi i marrëdhënieve mes Partisë Demokratike dhe një prej aleatëve të saj kryesor, Partisë Republikane e cila u shpreh kundër projektligjit të qeverisë për pronën. Ky pushim do të shërbejë për reflektim dhe pse jo, për qetësim të marrëdhënieve mes aleatëve. Për republikanët, projekti i qeverisë, nuk është në favor të ish-pronarëve dhe nuk kthen 100 për qind tokën tek i zoti. Qeveria është në përpjekje të gjetjes së konsensusit në mënyrë që të mos ndodhin surpriza gjatë votimit në Kuvend.

Shtyrja
Kalendari i punimeve për këtë muaj, nuk parashikon në asnjë pikë të tij diskutimet në komisione për projektligjin e qeverisë për kthimin e pronës. E gjithë axhenda, është e zënë me shqyrtimin e projektbuxhetit i cili ka ardhur me shumë vonesë e duhet diskutuar me ngut. Për rrjedhojë, amendamentet e qeverisë do të flenë për thuajse dy muaj në sirtarët e kryeministrisë, deri në hapjen e sesionit të parë parlamentar të vitit të ardhshëm.

Strategjia
Zvarritja e diskutimit dhe votimit të amendamenteve të pronës, nuk është aq e paqëllimtë sa duket. Koha e gjatë në dispozicion deri në shkurt të vitit të ardhshëm, do t’i japë kohë qeverisë të përmirësojë marrëdhëniet me një nga aleatët e saj kryesorë, republikanët, të cilët janë kategorikisht kundër amendamenteve të miratuara. Gjatë kësaj periudhe qetësie, Partia Demokratike do të ketë të gjithë kohën e nevojshme për të zbutur situatën me republikanët, 11 votat e të cilëve i nevojiten për të kaluar dhe një nga projektligjet më të rëndësishme në Kuvend; buxhetin e shtetit, i cilësuar si një nga projektligjet që teston maxhorancën parlamentare.

Debati
Vetëm pak javë më parë, koalicioni i djathtë për qeveri pësoi një krisje. Projektligji i hartuar nga kabineti Berisha i cili thoshte se tokat bujqësore kthehen deri në 100 hektarë, hasi kundërshtimin e menjëhershëm të aleatëve republikanë që në statutin e tyre, kanë të nënvizuar kthimin maksimal të tokës tek i zoti. Menjëherë pas publikimit të amendamenteve, kryetari i PR-së, Fatmir Mediu deklaroi se krahas tyre, republikanët do të çojnë një projektligj të tyre, që flet për kthim të plotë të tokës. Mediu nuk kurseu dhe votën kundër ndaj projektligjit të qeverisë në të cilën dhe ai bën pjesë, nëse nuk do të merren në konsideratë kërkesat e PR-së për pronat.

Premtimi
Me shtyrjen e projektligjit për pronën, qeveria shkel një nga premtimet e saj të nënvizuara në programin e 100 ditëve të para të qeverisjes. Në dokumentin e qeverisë së prezantuar publikisht në Kuvend, thuhet se qeveria e re merr përsipër t’i japë zgjidhje çështjes së tokës brenda vitit 2005. Por jo vetëm kaq. Në program thuhet se kabineti merr përsipër që të bëjë një përllogaritje të saktë të kostos financiare dhe programit të kompensimit. Por në realitet projektligji i qeverisë nuk ka një faturë financiare. “Fillimi i zbatimit të procesit të kthimit dhe kompensimit të pronave do të bëhet brenda vitit 2005”, thuhet në programin e shkelur.

Projektligji i PD
Sipërfaqja
Kthimi i sipërfaqes së tokës bujqësore do të bëhet deri në 100 hektarë, nga 60 që është parashikuar në ligjin aktual për “Kthimin dhe Kompensimin e Pronave”.

Kthimi
Do të njihen dhe kompensohen të gjitha pasuritë e paluajtshme të krijuara para luftës, viti 1939. Nuk kthehen pronat e luajtshme si ari i konfiskuar

Legalizimi
Kthimi fizik nuk zbatohet pa përfunduar procesi i legalizimit të objekteve në zona informale. Në përfundim të legalizimit, zbatohet, aty ku është e mundur, kthimi fizik i pronës ose kompensimi.

Banesat
Për të marrë banesën e tyre, ish-pronarët duhet t’u gjejnë shtëpi me qira atyre që ua kanë zënë. Mundësisht brenda të njëjtës zonë dhe me të njëjtën sipërfaqe.

Zvarritja
Amendamentet e qeverisë për ndryshimin e ligjit për “Kthimin dhe Kompensimin e Pronave”, do të diskutohen në muajin shkurt në sesionin e ardhshëm të Kuvendit.

E Shtune, 03 Dhjetor 2005 http://www.korrieri.com/

Mustafaj çon në Kuvend kandidaturat për ambasadorë

Anila Rama

TIRANË- Amdasadat shqiptare të mbetura pa drejtues, por edhe disa të tjera ku do të ketë lëvizje të ambasadorëve, pritet që javën që vjen të mësojnë kandidaturat për ambasadorë që do të propozojë ministri i Jashtëm, Besnik Mustafaj. Burimet nga Ministria e Punëve të Jashtme konfirmuan dje se disa nga emrat që janë diskutuar për një kohë të gjatë dhe të përzgjedhur pas konsultimeve të vazhdueshme me kryeministrin Sali Berisha, do të përcillen këto ditë drejt Komisionit parlamentar të Politikës së Jashtme, ku do të zhvillohet seanca dëgjimore, siç është parashikuar në ligjin “Për shërbimin e jashtëm”. Në krye të listës do të jenë emrat e amdasadorëve dhe misioneve të mbetura pa drejtues, për shkak të vetëlargimit të ndonjë ambasadori për arsye të ndryshme. Një kandidaturë për shef misioni do të jetë për misionin tone në Organizatën e Kombeve të Bashkuara, pasi ambasadori Agim Nezho ka një kohë tej limiteve të parashikuara që qëndron në atë detyrë, përkatësisht gati 7 vjet. Por ndërkohë ai që prej 6 muajsh po vazhdon të kryejë edhe detyrën e ambasadorit tonë në Uashington, pas shkarkimit nga kjo detyrë e ish- ambasadorit Fatos Tarifa. Për kreun e misionit shqiptar në OKB, ministri Mustafaj propozoi gati dy muaj më parë kandidaturën e Ljublin Diljes. Por Dijla kërkoi dorëheqjen e parevokueshme nga kandidimi, për shkak të publikimit në media të një incidenti që atij i kishte ndodhur në vitin 2004. Po kështu, edhe misioni ynë diplomatik në Danimarkë ka mbetur pa drejtues, për shkak të dorëheqjes së të ngarkuarit me punë, Bardhyl Agasi, i cili ishte i emëruar politik në këtë detyrë. Edhe për këtë mision pritet të ketë një kandidaturë në listën që kryediplomati Mustafaj do të përcjellë në Kuvend. Ashtu siç është thënë, mund të ketë lëvizje edhe në disa ambasada të tjera të rëndësishme, ku gjithashtu ka të emëruar politikë apo misioni diplomatik i ambasadorëve ka përfunduar me kohë. Ndërkohë pjesa tjetër e emërimeve të reja për admasadorët e selive tona diplomatike do të realizohet gjatë muajve të parë të vitit, kur thuajse i gjithë trupi diplomatik do të jetë ripërtërirë. Kjo konsiderohet si koha më e përshtatshme për lëvizjen e ambasadorëve, nisur edhe nga fakti që aktualisht një pjesë e tyre kanë fëmijët në shkollë. Lista e re me emërimet e ambasadorëve pritet të shkojë në Kuvend në një kohë kur presidenti bëhet gati të mos dekretojë kandidaten për ambasadore në SHBA, Edit Harxhi. Burimet nga Ministria e Jashtme pohuan se presidenti duhet të motivojë mosdekretimin e tij për kandidaten Harxhi.

http://www.kohajone.com/ E Shtune, 03 Dhjetor 2005

MUSTAFAJ: JO KOMPROMIS I IMPONUAR PER STATUSIN E KOSOVES

Markel Bejdo

"Ne mbeshtesim cdo kompromis qe do te jete i pranueshem nga faktori negociator shqiptar i Kosoves. Asnje kompromis i imponuar nuk mund te prodhoje stabilitet ne Kosove dhe ne rajon". Kjo ishte deklarata e bere nga ministri i Puneve te Jashtme, Besnik Mustafaj, ne takimin qe kishte me homologet e tij ne Oher. Ministri i Puneve te Jashtme, Besnik Mustafaj, mori pjese ne takimin informal te Ministrave te Jashtem te vendeve te Ballkanit Perendimor, te perfshira ne Procesin e Stabilizimit dhe Asocimit me ministren e Puneve te Jashtme te Austrise, Ursula Plasnik, qe u zhvillua ne Oher te Maqedonise. Takimi i inicuar nga ministrja e Jashtme maqedonase, Mitreva, kishte si qellim thellimin e bashkepunimit rajonal per ceshtje me interes te perbashket, vecanerisht per procesin e integrimit evropian te vendeve te rajonit, ne kuadrin e marrjes se presidences se BE-se nga Austria ne janar te vitit te ardhshem. Ne fjalen e tij, ministri Mustafaj pershendeti progresin e secilit nga vendet e rajonit, te shprehur edhe ne vleresimet dhe rekomandimet e Komisionit Evropian ne Raportin e Progresit te vitit 2005, duke shprehur kenaqesine qe ne kete takim ishin te pese ministrat e Jashtem te vendeve te Ballkanit Perendimor. Ministri i Jashtem shqiptar gjithashtu shprehu besimin se Presidenca austriake e BE-se, ne 6-mujorin e ardhshem, do te rifokusoje edhe njehere ne menyre thelbesore vemendjen e BE-se ndaj rajonit, nderkohe qe ka kerkuar mbeshtetje nga ana e Bashkimit Evropian per zgjidhjen e problemit te energjise ne rajon dhe ne menyre te vecante ne Shqiperi. Ministri theksoi ne takim se puna nen presion e ben problemin e energjise njeproblem politik, qe rrezikon stabilitetin politik te vendit dhe mbart problemin e korrupsionit. Nje ceshtje e trajtuar nga ana e ministrit te Jashtem, Mustafaj, ishte dhe ajo e Kosoves ku pasi mbeshteti kerkesen per nje zgjidhje kompromisi te shtruar edhe nga ministri i Jashtem i Serbise dhe Malit te Zi, Vuk Drashkovic, theksoi se ky kompromis nuk mund t'i kerkohet as komunitetit nderkombetar dhe as Shqiperise. "Ne mbeshtesim cdo kompromis qe do te jete i pranueshem nga faktori negociator shqiptar i Kosoves. Asnje kompromis i imponuar nuk mund te prodhoje stabilitet ne Kosove dhe ne rajon", u shpreh Mustafaj. Gjithashtu ministri Mustafaj siguroi te pranishmit dhe Bashkimin Evropian nepermjet ministres se Austrise, si vendi qe do te kete Presidencen e Unionit, se qeveria shqiptare do te luaje nje rol konstruktiv ne rajon, duke nxitur edhe shqiptaret ne Maqedoni te jene aktive per realizimin e te drejtave te tyre ne kuadrin e zbatimit te Marreveshjes se Ohrit. Ne perfundim te takimit, ministrat e Jashtem miratuan nje deklarate te perbashket, ku u shpreh nder te tjera vendosmeria e vendeve te rajonit per te plotesuar kushtet per liberalizimin e regjimit te vizave nga BE-ja, duke theksuar se me gjithe rregullat rigoroze te sistemit te Shengenit, ekzistojne rruge per te lehtesuar udhetimin e qytetareve te vendeve tona ne BE. Ne deklarate u shpreh gjithashtu deshira qe ne asistencen e BE-se per vendet e rajonit, ne kuadrin e Perspektives Financiare 2007-2013 te BE-se, vendet e rajonit te perfshihen ne objektivat e kohezionit ekonomik dhe social te BE-se.

M.Bejdo

03/12/2005 http://www.shekulli.com.al/
Presidenti pritet që të mos dekretojë kandidaturën e propozuar nga qeveria. Mustafaj: Nuk kam kandidaturë tjetër

Ambasada, Moisiu rrëzon Harxhin

N.Perndoj

TIRANË- Kandidatura e Edit Harxhit për postin e ambasadores në Shtetet e Bashkuara të Amerikës, drejt refuzimit nga ana e Presidentit Moisiu. Burime diplomatike treguan dje se presidenti e ka vendosur tashmë, që të mos firmosë mbi dekretin që e çon Harxhin ambasadore në SHBA, dhe shpallja e këtij vendimi është vetëm çështje ditësh. Në fakt me shumë rezerva kjo është pranuar edhe nga Ministri i Punëve të Jashtme, Besnik Mustafaj, në një intervistë të dhënë pak ditë më parë, në një të përditshme. Ministri i Jashtëm është shprehur se Moisiu ka shprehur rezervat për moshën e re të Harxhit dhe për mungesën e përvojës së saj në diplomaci. Ndërkohë, Mustafaj në një prononcim televiziv që dha dje, u shpreh se Ministria e Punëve të Jashtme, nuk ka asnjë kandidaturë zëvendësuese sepse është ajo e znj.Harxhi. “Nuk kam asnjë kandidaturë zëvendësuese, sepse kandidatura e zonjës Harxhi i plotëson të gjitha kushtet”,- tha Mustafaj. Kreu i diplomacisë shqiptare shtoi se ai po pret nga Presidenti Moisiu që ta dekretojë, edhe pse vetë Moisiu në dy takime që ka zhvilluar, i ka paraqitur atij vërejtjet e mësipërme. Ndërkohë, burime nga Presidenca kanë pranuar vetëm faktin se ata i kanë shprehur rezervat e tyre Ministrit të Jashtëm, lidhur me kandidaturën në fjalë. Në intervistën e dhënë, Ministri i Punëve te Jashtme, Bensik Mustafaj, ka deklaruar se presidenti Moisiu ka pasur pretendime të ndryshme rreth personit të propozuar si titullar diplomatik në SHBA. “ Në disa takime që kam pasur deri tani me z.Moisiu, ai nuk më ka dhënë argument tjetër përveçse është shumë e re dhe është e denjë për të qenë diku tjetër, por jo në Shtetet e Bashkuara të Amerikës”,- është shprehur Mustafaj. Sipas deklarimit të ministrit të Jashtëm, ka pasur dhe ka një debat konkret rreth listës së ambasadorëve që ka dërguar për dekretim kryeministri Berisha, e ky debat prek para së gjithash emrin e Edit Harxhit. Prej disa kohësh, Presidenca nuk ka pranuar të prononcohet publikisht se cilat janë motivet e mosnxjerrjes së dekreteve të mbetura nga lista e ambasadorëve. E njëjta gjë mund të thuhet edhe për kandidaturën tjetër, Tatjana Kongoli, për të cilën Presidenti Moisiu nuk ka vendosur ende nëse do ta dekretojë ose jo në postin e ambasadores së Shqipërisë në Vjenë. Deri me tani, kreu i shtetit ka dekretuar vetëm dy emra ambasadorësh, atë të Greqisë, Minarollin dhe Zvicrës, Mehmet Elezin. Emrat e Edit Harxhit dhe Tatjana Kongolit, pasi kanë marrë miratimin e maxhorancës në komisionin e poltikës së jashtme, kanë më shumë se një muaj që janë depozituar në Presidencë për t’u dekretuar. Mbajtja për një kohë kaq të gjatë, e këtyre propozimeve kur dy kandidaturat e tjera, ato të Vili Minarollit dhe Mehmet Elezit u dekretuan në kohë normale, nga zëra të ndryshëm është lidhur me një lëvizje të Presidentit, ku ai synonte që në shkëmbim të dekretimit të dy kandidaturave për ambasadorë, maxhoranca e PD-së t’i miratonte atij në Kuvend katër propozimet për anëtarë të Gjykatës së Lartë. Por duket se kjo lëvizje nuk ka rezultuar e suksesshme, pasi gjërat nuk kanë ndryshuar si për emërimet e dy ambsadoreve dhe për kalimin në Kuvend të anëtarëve të Gjykatës së Lartë.

Kongoli, kandidatura e harruar
TIRANË- Në një kohë kur po rihapet një debat i ashpër për kandidaturën e Harxhit, kandidatura tjetër e depozituar në Presidencë, ajo e Tatjana Kongolit, është pothuasje e harruar. Nga Ministria e Punëve të Jashtme, nuk kanë informuar asgjë rreth kandidaturës në fjalë, pra nëse Presidenti Moisiu i ka dhënë ndonjë përgjigje Mustafajt për Kongolin. Ndërkohë që as nga Presidenca nuk bëjnë të ditur asgjë rreth kandidaturës në fjalë, duke shtuar dyshimet se Presidenti do të hedhë firmën që ajo të bëhet ambasadorja e re e Shqipërisë në Austri. Edhe për kandidaturën në fjalë, Moisiu ka pasur hezitim në fillim, nisur nga fakti që Kongoli ka qënë Drejtore e Përgjithshme e Doganave dhe është shkarkuar nga ky post nga ish-Kryeministri Fatos Nano. Me pas Kongoli iu bashkua politikave të Partisë Demokratike, duke qenë anëtarja e re e KOP-it. Pas përfshirjes së saj në këtë komitet, Kongoli është në pritje tashmë të emërimit të saj për një post diplomatik.

http://www.panorama.com.al/

Kreu i shtetit, i pavendosur për 2 emrat e paraqitur
Ambasadorët, presidenti pret takimin me kryeministrin

Presidenti i Republikës, Alfred Moisiu nuk do të firmosë emrat për ambasadorë të paraqitur nga ana e kryeministrit Berisha. Sipas burimeve pranë presidencës, shtyrja në kohë të gjatë të emrave të paraqitura nga qeveria për ambasadorët, lidhet me një refuzim për kandidaturat e paraqitura. Kreu i shtetit Moisiu ka lënë prej mëse një muaji pezull emrat: Edit Harxhi, e paraqitur si kandidate për ambasadore në SHBA dhe Tatjana Kongoli, e propozuar si kandidate për ambasadore për në Austri. Në lidhje me këtë vonesë, ditët e fundit ka pasur edhe një reagim publik nga ana e ministrit të Jashtëm, Besnik Mustafaj. Kryediplomati shqiptar Mustafaj ka shprehur rezervat e tij në lidhje me vonesat për emërimin e ambasadorëve të rinj, në SHBA dhe në Austri, të Harxhit dhe Kongolit. Debatet për emërimin e ambasadorëve, sipas burimeve, presidenti i cilëson kandidaturat të propozuara nga ana e kryeministrit, e pret që kjo çështje mund të zgjidhet në mënyrë institucionale. Kjo për shkak se, emërimi për ambasador ndjek pikërisht këtë procedurë. Propozimet kryhen nga ana e kryeministrit dhe firmosen nga ana e presidentit. Presidenti Moisiu ka "bllokuar" edhe vendimet të tjera për lirim ambasadorësh, ku një gjë e tillë mund të jetë kërkuar edhe nga ana qeverisë. Kreu i shtetit, sipas burimeve, kërkon që qeveria t'i jepte zgjidhje vendeve vakante që kanë mbetur pezull. Për këtë çështje ai kërkon që në të gjitha këto propozime të reja duhet të merret në konsideratë kriteri ligjor, që kandidaturat të kenë një eksperiencë në shërbimin diplomatik shqiptar. Vendimi i fundit i kreut të shtetit për emërim ambasadorësh i përket datës 7 nëntor. Në këtë vendim Moisiu ka dhënë viston për të emëruar si ambasadorë Mehmet Elezin në Zvicër, Vili Minarollin në Greqi. Kreu i shtetit, ndërkohë më datën 15 nëntor ka liruar nga detyra ambasadorët e tjerë në Austri, Rusi, në OKB dhe në Bullgari. Vendi i ambasadorëve ka mbetur bosh dhe pritet që kjo çështje të marrë zgjidhje. Emrat e firmosur nga ana e kryeministrit për ambasadorë ishin pesë: Harxhi, Minarolli, Kongoli, Dilja dhe ELezi. Këto emra u paraqitën për diskutim në komisionin e Politikës së Jashtme.

http://www.ballkan.com/
Mustafaj: Pafajësia për Limajn rrit besimin te shqiptarët

Autori i Lajmit: Red.
Shefi i diplomacisë shqiëptare, Besnik Mustafaj, ka përshëndetur në emër të qeverisë vrendimin e Gjykatës së Hagës për dhënien e pafajësisë ndaj ish-komandantit të UÇK-së, Fatmir Limaj. Në deklaratën e dhënë për mediat, Mustafaj deklaroi: “Dua të përshëndes vendimin e djeshëm të Gjykatës së Hagës lidhur me Fatmir Limajn dhe të tjerët. Konsideroj se është një akt shumë i rëndësishëm, që do të rrisë besimin e të gjithë shqiptarëve tek Gjykata e Hagës, sepse kjo do të shtojë bashkëpunimin e të gjitha institucioneve në Kosovë, dhe të gjithë shoqërisë në Kosovë me Gjykatën e Hagës. Nga ana tjetër e përshëndes dhe uroj zotin Limaj dhe shpreh dëshirën time dhe besimin tim se do të rikthehet në politikë, për të luajtur rolin që i takon në këtë periudhë decizive dhe vendimtare për të ardhmen e Kosovës dhe me një rëndësi shumë të madhe për paqen dhe stabilitetin në rajon. Në lidhje me Haradinajt, çështjet janë të shkëputura nga njëra-tjetra. Unë kam përshëndetur vendimin e mëparshëm për lejimin e zotit Haradinaj për të hyrë në politikë, shpresoj se vendimi i ardhshëm do të jetë në të njëjtën linjë me vendimin e mëparshëm. Kosova po jeton një periudhë intensive politike dhe historike, ka nevojë që protagonistët e kësaj historie të jenë prezent me filozofinë e tyre paqësore, të bashkëpunimit me Komunitetin Ndërkombëtar, me realizmin e tyre se duhet negociuar ngushtë dhe sinqerisht edhe me Beogradin”.
Ky lajm është publikuar: 02/12/2005

http://pages.albaniaonline.net/rd/

Ministri i Jashtëm përshëndet lirimin e komandantëve të UÇK-së

Besnik Mustafaj: Vendimi rrit besimin tek Gjykata e Hagës

Ministri i Jashtëm, Besnik Mustafaj, përshëndeti dje vendimin e Gjykatës Ndërkombëtare të Hagës për lirimin e Fatmir Limajt dhe shqiptarëve të tjerë. Ai e cilësoi këtë si një akt të rëndësishëm që do të rrisë besimin e shqiptarëve tek kjo gjykatë dhe do të shtojë bashkëpunimin e institucioneve dhe shoqërisë kosovare me të. "Dëshiroj të përshëndes vendimin e djeshëm të Gjykatës së Hagës lidhur me lirimin e Fatmir Limajt dhe të tjerëve. Konsideroj se është një akt shumë i rëndësishëm që do të rrisë besimin e të gjithë shqiptarëve tek Gjykata e Hagës, do të shtojë bashkëpunimin e institucioneve në Kosovë dhe të gjithë shoqërisë së Kosovës me Gjykatën e Hagës", deklaroi Mustafaj. Ai përshëndeti Fatmir Limajn dhe shprehu dëshirën e tij që ai t`i rikthehet jetës politike, për të luajtur rolin që i takon në këtë periudhë të rëndësishme për Kosovën. "Nga ana tjetër, e përshëndes dhe e uroj zotin Limaj, shpreh dëshirën dhe besimin tim se do të rikthet në politikë për të luajtur rolin që i takon në këtë periudhë vendimtare për të ardhmen e Kosovës, dhe me rëndësi jashtëzakonisht të madhe për gjithë paqen dhe stabilitetin në rajon", vijoi më tej ministri i Jashtëm. Ndërsa duke u ndalur në çështjen e ish-kryeministrit të Kosovës, Ramush Haradinaj, ministri i Jashtëm shqiptar tha se çështjet janë të shkëputura nga njëra tjetra, por shprehu besimin se vendimi i Gjykatës së Hagës në të ardhmen do të jetë në të njëjtën linjë me vendimin e mëparshëm. "Çështjet janë të shkëputura nga njëra-tjetra, unë kam përshëndetur vendimin e mëparshëm për lejimin e zotit Haradinaj për t'u rikthyer në politikë. Shpresoj që vendimi i ardhshëm do të jetë në të njëjtën linjë me vendimin e mëparshëm". Sipas Mustafajt, Kosova po përjeton një periudhë intensive politike dhe historike, dhe ka nevojë që protagonistët e kësaj historie të jenë prezentë me filozofinë e tyre paqësore, bashkëpunuese me komunitetin ndërkombëtar, me realizimin e tyre. Ai nënvizoi se duhet negociuar edhe me Beogradin, dhe duhet ndikuar në mënyrë vendimtare që gjithçka të zhvillohet brenda institucioneve, në përputhje me standartet, pa të cilat nuk mund të ketë Kosovë të pavarur.

Ylber Drazhi

http://www.kohajone.com/ E Enjte, 01 Dhjetor 2005

LEGALISTET KERKOJNE VERTETESI NE TEKSTE

Partia Levizja e Legalitetit duke mbeshtetur nismat e nderrmara nga ana e Ministrise se Arsimit kerkon ndryshimin e teksteve shkollore qe kane shtremberim te historise. Lidhur me kete ceshtje, nepermjet nje deklarate per mediat kryetari i PLL-se, Eqerem Spahia, kerkon ngritjen e grupeve te specializuara per kontrollin e teksteve dhe programeve ekzistuese shkollore, me qellim pastrimin e tyre nga indoktrinimi komunist, nga pasaktesite dhe interpretimet ideologjike e antikombetare, qe hedhin ne ere edukimin atdhetar qe synojme te rrenjosim nepermjet respektimit te simboleve kombetare. Gjithshtu ne kerkesen e saj theksohet se duhet ndaluar dhe hequr nga tekstet rrymat dhe pseudo-shkollat qe thjesht perfaqesojne tendenca modash dhe shijesh te deformuara dhe jo shkolla qe rrenjosin dije te domosdoshme per kualifikimin e nxenesve dhe studenteve. Sipas PLL-se, tekstet dhe programet shkollore duhet te synojne kultivimin e dijeve mbi bazen e arsyetimit logjik dhe informacionit te sistemuar dhe jo te pseudo-njohurive me perfundime te gatshme, te imponuara, apo te shoqeruara me informacione, teza e hipoteza te paverifikuara shkencerisht, te huazuara nga disiplina gjoja moderne.

http://www.panorama.com.al/

Spahia komenton buxhetin
“Të shtohen fondet për të përndjekurit”

Buxheti i vitit 2006 duhet të ketë më shumë fonde për kompensimin e ish-pronarëve dhe dëmshpërblimin e ish të burgosurve dhe të përndjekurve politikë. Kjo është deklarata e bërë nga kreu i Lëvizjes së Legalitetit, Spahia, gjatë një konference të djeshme për shtyp. Odiseja për të përndjekurit politikë do të vazhdojë edhe këtë vit me dhënien e fondeve për ta, aq më tepër që Kuvendi ka miratuar një ligj, edhe pse pa konsensusin e opozitës së dikurshme, Partisë Demokratike, dhe të përndjekurve. Edhe grupet e punës të ngritura nga qeveria për të nxjerrë numrin e saktë të të përndjekurve, rezultuan të dështuara sepse të përndjekurit nuk ranë dakord për numrin e tyre. Partia Lëvizja e Legalitetit shprehu dje këtë qëndrim të saj ndaj projektbuxhetit të vitit të ardhshëm, nëpërmjet kryetarit të saj, Eqerem Spahiu. Kreu i PLL-së, që tashmë funksionon si një parti e ndarë nga Lëvizja për Zhvillim Kombëtar doli dje me një deklaratë, ku përveç vërejtjeve dhe sugjerimeve për buxhetin shprehu edhe mbështetjen për disa nisma të Ministrisë së Arsimit. Kështu, Spahiu përshëndeti vendimin për ngritjen e flamurit dhe këndimin e himnit nëpër shkolla dhe ndalimin e përdorimit të pijeve alkoolike në to.

L'Albanie n'enverra pas de nouvelles troupes en Irak (président)


	2005-11-30 15:45:20