07012005

07/01/2005 http://www.shekulli.com.al/

Kongresmenët Lantos dhe Hyde vendosin ta paraqesin përsëri rezolutën e tyre për pavarësinë e Kosovës

Rezoluta për Kosovën, në Kongresin e ri amerikan

E.Kushova

Kongresmenët demokratë amerikanë Tom Lantos, - anëtar i Komitetit për Marrëdhënie ndërkombëtare në Dhomë dhe Henry Hyde, kryetari i këtij komiteti, kanë riparaqitur rezolutën e tyre në Kongres, që i bën thirrje SHBA-ve që të shprehin menjëherë mbështetjen për pavarësinë e Kosovës. Kështu thuhet në një njoftim për shtyp të “Albanian American Civic League” me bazë në SHBA. Në seancën për Kosovën të 7 tetorit 2004 në komitetin për marrëdhënie ndërkombëtare, kongresmeni Hyde premtoi se do ta paraqiste çështjen e statusit final të Kosovës në Kongresin e ri (të 109- të) “në detaje dhe në thellësi”. Ai dhe kongresmeni Lantos e mbajtën premtimin duke paraqitur këtë rezolutë “24” me rekomandime të reja që forcojnë përkushtimin e SHBA-ve për të zgjidhur çështjen e statusit final të Kosovës si një pjesë kryesore për të sjellë paqe dhe stabilitet afatgjatë në Evropën Juglindore. Ndërsa kongresmeni Lantos pohoi në tetor në seancën për Kosovën se “e vetmja mënyrë për të adresuar problemin e destabilitetit politik, ekonomik dhe social që ka pllagosur në Ballkan, dhe për të shmangur rikthimin e dhunës në rajon, është të mbërthejmë fort çështjen e statusit final të Kosovës. Unë kam besim se sa më shpejt ta zgjidhim këtë problem, aq më mirë do të jetë për paqen dhe stabilitetin në rajon… Ne thjesht nuk mund të vazhdojmë me servilizimin dhe nënshtrimin e vazhdueshëm të popullit shqiptar në Ballkan”. Kryetari Hyde ishte i një mendjeje me të, duke pohuar se rezoluta “që përfshin status quo-në e pesë viteve të fundit në Kosovë është e papranueshme dhe se është koha për të gjitha partitë të angazhohen në proceset politike për të sjellë siguri, prosperitet dhe liri për të gjithë kosovarët”. Këshilltarja për çështjet e Ballkanit Shirley Cloyes DioGuardi duartrokiti ripohimin e mbështetjes amerikane për pavarësinë e Kosovës nga liderët e çështjeve të jashtme në Dhomën e Përfaqësuesve të Kongresit amerikan. Ajo përmendi varfërinë në rritje të Kosovës, me rreth 70 % papunësi dhe reduktimin e fondeve nga vendet donatore dhe diaspora, si dhe presionin e Beogradit për të ripushtuar Kosovën e veriut, si arsyet kryesore për zgjidhjen e statusit final menjëherë. “Rreziqet që vijnë nga vonesat e vazhdueshme në rezolutën për statusin final të Kosovës po shfaqen para nesh”, -tha ajo. “Pavarësia është e rëndësishme për të sjellë paqe në Kosovë dhe në Evropën Juglindore. Edhe një herë kongresmenët Lantos dhe Hyde po e vendosin veten e tyre në pararojën e interesave të politikës së jashtme amerikane për shekullin e 21-të, sepse kërkimi i paqes për Kosovën është pjesë e një kërkimi të rëndësishëm për një paqe afatgjatë në Evropë- dhe kjo është thelbësore për interesat e SHBA-ve. Ndërkohë sipas ish -kongresmenit Joe DioGuardi president i ligës shqiptare në SHBA, AACL, “paraqitja sërish e kësaj rezolute për pavarësinë e Kosovës nga kryetari Hyde dhe kongresmeni Lantos është një tjetër moment historik në punën 15 -vjeçare të Ligës Qytetare. “Unë dua të falenderoj të dy ish -kolegët e mi për largpamësinë dhe kurajon që t’i kthehen çështjes së paqes e stabilitetit në Ballkan në kohën kur lufta në Irak, konflikti arabo-izraelit dhe tragjedia e fundit e tsunamit në Azinë Jugore po dominojnë lajmet në gjithë botën dhe unë dua edhe njëherë t’u bëj thirrje gjithë liderëve të Kosovës të bashkojnë forcat për të mbështetur publikisht rezolutën Lantos-Hyde për pavarësinë e Kosovës.

---------------------------------

http://www.shekulli.com.al/

Enver dhe Nexhmije Hoxha

Ministri: Nuk janë respektuar procedurat ligjore. Të interesuarit s’kanë paraqitur dokumentacion

Enveri-veteran, Majko kundër Moisiut

Darina Tanushi

TIRANË – Ministri i Mbrojtjes Pandeli Majko ka vendosur dje të shfuqizojë vendimin për dhënien e statusit të veteranit ish-udhëheqësit komunist Enver Hoxha. Sipas njoftimit për shtyp të Ministrisë së Mbrojtjes Majko e ka shfuqizuar këtë vendim për mosrespektim të kërkesave proceduriale nga ana e Komisionit Qendror të Statusit të Veteranit të Luftës Antifashiste Nacionalçlirimtare. Ky komision, sipas njoftimit në mbledhjen e fundit të para pak ditëve mori vendim që të nisin procedurat për Enver Hoxhën dhe dëshmia përkatëse t’i dorëzohej të interesuarës në momentin që kjo e fundit do të paraqesë kërkesën përkatëse. Në këtë rast e interesuara është bashkëshortja Nexhmie Hoxha, e cila edhe sipas Majkos nuk ka paraqitur asnjë dokumentacion. “Bazuar në ligjin 7874 datë 17.11.1994, i ndryshuar, “Për statusin e veteranit të Luftës Antifashiste Nacionalçlirimtare të popullit shqiptar”, të interesuarit për marrjen e këtij statusi nuk i kanë paraqitur Komisionit Qendror të Statusit të Veteranit të LANÇ, dokumentacionin e nevojshëm sipas kërkesave ligjore. Sapo është njohur me këtë shkelje proceduriale, ministri i Mbrojtjes ka vendosur shfuqizimin e vendimit të Komisionit Qendror të Statusit të Veteranit të LANÇ”,-vijon deklarata e Ministrisë së Mbrojtjes. Sipas së cilës ligji është i barabartë për të gjithë.
Pas sensibilizimit të opinionit publik nga një intervistë e bashkëshortes së Enver Hoxhës në agjencinë e lajmeve “Rojter” dhe pas ndërhyrjes së presidentit Moisiu, Komisionit Qendror i Statusit të Veteranit të Luftës Antifashiste Nacionaçlirimtare, vendosi në mbledhjen e tij të fundit të vitit të kaluar në 24 dhjetor, që të nisnin procedurat për dhënien e statusit të veteranit Enver Hoxhës.
Hoxha qëndroi në krye të shtetit shqiptar për rreth 40 vjet. Pesë vjet pas vdekjes së tij mori fund sistemi totalitar duke i hapur rrugë pluralizmit në Shqipëri dhe komunikimit me botën e jashtme. Pas pluralizmit, Hoxha u cilësua si një ndër diktatorët më të ashpër të sistemit komunist. Para disa kohësh, e veja e Hoxhës iu drejtua presidentit të Republikës për këtë çështje. Ky i fundit ia ka deleguar zgjidhjen pikërisht Komitetit të Veteranëve. Një ditë më parë, shefi i sektorit të veteranit pranë Ministrisë së Mbrojtjes Kujtim Sinani, ka sqaruar për median të gjitha procedurat ligjore të dhënies së statusit duke kaluar më pas dhe në rastin konkret të Hoxhës. Sipas tij, duke ju referuar ligjit që ekziston për statusin e veteranit dhe që është ndryshuar dhe plotësuar tre herë që nga viti 1994 deri në vitin 2000, me vendime të ndryshme qeverie, këtë status mund ta marrin të gjithë personat që kanë një librezë veterani, ku çdo muaj është shënuar 100 lekëshi që ata marrin dhe që është i regjistruar në Institutin e Sigurimeve Shoqërore, çertifikatën personale dhe kërkesën e bërë për të marrë këtë status. Sipas Sinanit, nuk është i vërtetë dhe nuk është i parashikuar në ligj që duhen tre dëshmitarë për të vërtetuar nëse dikush ka qenë në luftë apo jo. Një gjë e tillë, ka thënë ai bëhet vetëm në rastet kur dikush që nuk njihet fare bën kërkesën për marrjen e statusit dhe kontributi i tij është i panjohur. Ndërsa për rastin e Enver Hoxhës, është e pamundur dhe absurde të kërkosh gjëra të tilla, pasi të gjithë e dinë rolin që ai ka patur, ka sqaruar në media shefi i sektorit të veteranëve. Ai ka mohuar që një vendim i tillë të jetë marrë pas kërkesës së institucioneve shtetërore, por ka pohuar se nuk kanë marrë kërkesë nga e veja e ish-diktatorit.

Bashkëshortja e Enver Hoxhës deklaron se nuk do të merret më me këtë çështje

Nexhmija: Majko nuk njeh historinë

N. Perndoj

TIRANE - “A e ka lexuar historinë ministri i Mbrojtjes Pandeli Majko, ose a e ka parë apo jo pavionin e Luftës Antifashiste Nacional Çlirimtare në Muzeun Kombëtar?”. Kjo është pyetja që shtroi dje bashkëshortja e Enver Hoxhës, Nexhmija, teksa u pyet mbrëmë nga gazeta “Shekulli” nëse kishte ndonjë koment rreth vendimit të fundit të ministrit të Mbrojtjes, Pandeli Majko, për t’i hequr statusin e veteranit, ish-udhëheqësit komunist. Sipas njoftimit për shtyp të Ministrisë së Mbrojtjes, Majko e ka shfuqizuar dje vendimin e Komisionit Qendror të Statusit të Veteranëve të Luftës Antifashiste Nacional Çlirimtare, për dhënien e statusit të veteranit, z.Enver Hoxha. Ndërsa Nexhmije Hoxha pohon në deklaratën e saj se ajo nuk kishte dijeni për asnjërën prej vendimeve, që kishte marrë qoftë ministri Majko ashtu edhe Komisioni i Statusit të Veteranëve. “Unë nuk kam njoftim zyrtar si për vendimin, që ka marrë Komisioni i Statusit të Veteranëve të LANÇ-it. Nuk kam as vendim zyrtar për shfuqizimin nga ana e ministrit të Mbrojtjes, Pandeli Majko”,- tha ajo. Ndërsa ministri i Mbrojtjes Pandeli Majko argumenton përmes një njoftimi zyrtar se nuk ka pasur asnjë kërkesë nga ana e familjes së ish-diktatorit lidhur me statusin e veteranit. Por një fakt i tillë është argumentuar qartë dje nga Nexhmije Hoxha. “Mua kjo çështje nuk më intereson dhe nuk kam ndërmend të merrem më. Për këtë gjë jam shprehur në një intervistë, që i kam dhënë ROJTER-it, se nuk ka kuptim, që unë të kërkoj dëshmi, që Enver Hoxha është veteran. Ai ka qenë Komandant i Luftës Antifashiste. Po të duan: Presidenca, qeveria me komisionin e saj të drejtuar nga zv/kryeministri, që hapën dhe inaguruan pavionin e Luftës Antifashiste në Muzeun Kombëtar si dhe komisioni i veteranëve, le të merren vesh në mes tyre. Nuk e kam dëgjuar vetë Majkon dhe nuk kam një njoftim zyrtar nga Ministria e Mbrojtjes për këtë vendim të tij, por nëse është e vërtetë, pastaj vihet në dyshim e ka lexuar apo jo Majko historinë, ose e ka parë apo jo pavionin e Luftës Antifashiste në Muzeun Kombëtar”, - shtoi ajo.

Pas dy letrave të bashkëshortes së Hoxhës për Moisiun kreu i shtetit ka kërkuar zgjidhjen e çështjes

Moisiu i premtoi Nexhmijes statusin për Enverin

A.Rama

TIRANE- Bashkëshortja e ish -diktatorit Enver Hoxha, Nexhmije Hoxha i është drejtuar dy herë presidentit Alfred Moisiu, duke kërkuar ndihmën e tij me qëllim që ish-udhëheqësi komunist të përfitonte statusin e veteranit të luftës. Pas dy letrave të mbërritura në adresën e tij, presidenti Moisiu i ka kthyer përgjigje po me anë të një letre se do t’u kërkojë organeve kompetente t’i japin zgjidhjen e duhur kësaj çështjeje. Letra e parë që Nexhmije Hoxha, dërgoi në Presidencë, është dërguar në maj 2002, ndërsa e dyta në korrik të vitit 2003, nëpërmjet të cilave ajo kërkonte që bashkëshortit të saj të mos i mohohej e drejta e përfitimit të statusit të veteranit të luftës. Sipas burimeve nga Presidenca, kreu i shtetit i ka kthyer përgjigje duke i premtuar se kjo çështje do të merrte një zgjidhje në organet kompetente. Pak kohë më vonë kreu i shtetit ia ka përcjellë letrat e Nexhmije Hoxhës Komisionit Qendror të Statusit të Veteranit të Luftës Antifashiste duke kërkuar që ta marrin në shqyrtim atë. Pikërisht letra e dërguar nga presidenti Moisiu, ka shërbyer si shtysë kryesore që komisioni në fjalë të merrte vendimin në mbledhjen e zhvilluar në fund të muajit dhjetor për t’i njohur statusin e veteranit ish -diktatorit Hoxha. Ndërkohë që sipas procedurave duhet të ishte dorëzuar kërkesa e bashkëshortes Hoxha, çertifikata e saj dhe të gjitha dokumentet e tjera të nevojshme. Zëdhënësi i Ministrisë së Mbrojtjes, Igli Hasani tha dje se, komisioni në fjalë ka shkelur ligjin për statusin e veteranit, pasi, nga bashkëshortja e Hoxhës, Nexhmije Hoxha, nuk është bërë asnjë kërkesë që bashkëshortit të saj t’i njihet statusi dhe ajo të përfitojë pagesën shtesë në pensionin e saj mujor si pensioniste. Sipas Hasanit, komisioni është bazuar vetëm në letrën që Nexhmije Hoxha i kishte dërguar pak kohë më parë presidentit Alfred Moisiu. “Presidenti Mosiu letrën e Nexhmije Hoxhës, ia ka përcjellë Komisionit Qendror të Statusit të Veteranit të Luftës Antifashiste. Vendimi i marrë prej tyre më pas duke u bazuar vetëm tek kjo është antiligjor”, -tha Hasani. Ndërkohë zëvendëministri i Mbrojtjes Sadedin Stankaj, nuk bëri asnjë koment për shfuqizimin që iu bë nga Ministria e Mbrojtjes vendimit të Komisionit Qendror të Statusit të Veteranëve.

-------------------------

Zëdhënësi Paloka denoncoi kryeministrin për pushimet luksoze

PD: Nano ka harxhuar 80 mijë euro në ditë në Dubai

N. Perndoj

TIRANE - Pushimet e kushtueshme të kreut të ekzekutivit, Fatos Nano, nuk kish si të mos denoncoheshin nga partia më e madhe e opozitës. Zëdhënësi i selisë blu, Edi Paloka, deklaroi dje në një konferencë për shtyp, se kryeministri Fatos Nano ka harxhuar shuma marramendëse gjatë pushimeve dimërore, deri në 80 mijë euro në ditë. “Partia Demokratike denoncon edhe një herë qëndrimin e turpshëm të kryeministrit Fatos Nano, i cili vazhdon të tregojë se është njeriu më i papërgjegjshëm i këtij vendi. Për herë të tretë, në momentet kur Shqipëria shpalli zi, kryeministri Nano gjendet duke dëfryer në lokale e kazino jashtë vendit. Nga Dubai, ai vetë shpalli ditë zie për viktimat e tsunamit, por kjo nuk e pengoi që ditën e zisë të harxhonte 80 mijë euro në kazino”, - tha Paloka. Përfaqësuesve të selisë blu nuk u ka shpëtuar gjithashtu edhe “stafi”, që ka shoqëruar kryeministrin Fatos Nano, gjatë pushimeve, që ai zhvilloi në një nga hotelet më luksoze të Dubait. Sipas informacioneve të pak ditëve më parë, kreu i ekzekutivit ishte i shoqëruar edhe nga drejtori i Përgjithshëm i Doganave, Shpëtim Idrizi. “PD denoncon gjithashtu faktin që të gjitha paratë e harxhuara prej Nanos në udhëtimet e tij te qejfit, janë para të taksapaguesve shqiptarë. Prania e Shpëtim Idrizit në delegacionin e qejfit të Nanos dhe pagesat në shifra kolosale, që ai kryen për Nanon nuk janë gjë tjetër veçse treguesi më i mirë se ku përfundojnë paratë që shqiptarët paguajnë për tatime apo dogana”, -tha ai.

-------------------------

07 Janar 2005 http://www.kohajone.com/

BALLISTET: ENVERI VETERAN, NJE TURP PER SHQIPERINE

Markel Bejdo

Partia e Ballit Kombetar Demokrat e ka cilesuar fyerje dhe poshterim te gjakut te mijera te vrareve gjate viteve te diktatures dhenien e statusit te veteranit, ish-diktatorit Enver Hoxha. Kryetari PBKD-se, Hysen Selfo, ne nje prononcim per "KJ" e ka quajtur kete si provokimin e radhes nga ana e qeverise Nano dhe se partia e qe ai drejton do te ankohet ne instancat perkatese por gjithashtu do te sensibilizoje shqiptaret per te protestuar kunder ketij veprimi. "Dhenia e statusit te veteranit Enver Hoxhes eshte nje tjeter qendrim jo korrekt dhe i qellimshem i partise socialkomuniste qe po sundon sot Shqiperine. Me keto qendrime qeveria e Fatos Nanos po rikthen diktaturen ne Shqiperi dhe po fyen rende te gjitha ato viktima te cileve sot ne nuk u dime as eshtrat dhe keto viktima jane pasoje e dores kriminale te ketij krimineli qe nuk ka pare ndonjehere historia boterore, e ketij krimineli qe quhet Enver Hoxha", tha Selfo. Gjithashtu ai ne emer te tij, te Partise se Ballit Kombetar Demokrat dhe te gjithe elektoratit qe kjo parti perfaqeson e ka quajtur kete veprim nje ofendim te rende ndaj ketyre viktimave te diktatures komuniste. "Jo vetem qe Enver Hoxha nuk meriton kete status te nderuar por ai duhet te shpallet kriminel njesoj si Milloshevici, njelloj si Pinoceti, njelloj si te gjithe kriminelet e tjere dhe per krimet qe ka kryer, pavaresisht se ai nuk jeton sot, duhet te ishte para Gjykates se Hages se bashku me ata kriminele te tjere qe zbatuan urdhrat e tij. Urdhrat e ketij njeriu gjakatar, ketij njeriu gjakpires, e ketij njeriu qe nuk ngopej me gjakun e shqiptareve", tha kryetari i PBKD-se. Megjithese qendrimi i partise qe ai drejton eshte kunder dhenies se statusit te veteranit ish-diktatorit Hoxha dhe qendrimit te qeverise, Selfo shprehet se nga kjo qeveri nuk mund te presin gje tjeter vetem se te tilla poshterime, te tilla fyrerje te renda te cilat vazhdojne t'ju behen. "Prandaj ne presim zgjedhjet e qershorit dhe shpresojme qe nga Shqiperia te zhduket njehere e pergjithmone diktatura e eger, diktatura e rende dhe kriminelet. Mbas qershorit te kemi nje qeveri te re domokratike, me nje qeveri qe te respektoje njerezit, te drejtat e njeriut. Keshtu Shqiperia do te kete nje fytyre tjeter dhe kriminelet do te gjejne vendin e tyre. Dhe keto statuse false, keto dekorata te pamerituara qe po jepen sot patjeter do te zhvleftesohen dhe mendoj se qeveria e ardhshme, nje qeveri demokratike, nje qeveri qe vertet do te mbroje popullin shqiptar dhe te drejtat e tij dhe njekohesisht ate shtrese qe u persekutua barbarisht per 50 vjet nga ky kriminel (Enver Hoxha), do te dije t'u jape vendin qe u takon. Ne e quajme poshterim kete qendrim", tha Selfo.

Rrezohet vendimi i Komisionit te Veteraneve, Majko anullon statusin per Enverin

Lajmi i ores 8:15 AM

Enver Hoxha

TIRANE (7 Janar) -Sipas nje njoftimi zyrtar te Ministrise se Mbrojtjes, nje vendim i tille eshte marre per shkak te mungeses se dokumentacionit te nevojshem ne dosjen e ish-diktatorit komunist. Duhen sipas ministrise, edhe disa dokumenta te tjera qe te plotesohet nje dosje e tille dhe me pas te rimerret edhe nje here ne shqyrtim nga komisioni perkates qe percakton statusin e veteranit. Problemet per rastin e veteranit Enver Hoxha kane lindur pasi bashkeshortja e tij, e ka cilesuar si nje ulje kerkesen per te paraqitur tre deshmi veteranesh per pjesemarrjen e Enverit ne lufte, nje procedure qe duhet zbatuar nga te gjithe veteranet. "Nje gjeneral nuk ka nevoje per deshmite e ushtareve", ishte nocioni i shprehur nga e veja e diktatorit, ne nje leter qe i drejtoi Presidenti Moisiu ne mesin e nentorit te kaluar. Pas publikimit te faktit se ne 24 dhjetor, komisioni i veteraneve prane Ministrise se Mbrojtjes kishte pranuar kerkesen per statusin e Enver Hoxhes pas interesimit te presidences, dje ministri Majko ka vendosur te hedhe poshte kete vendim deri ne plotesimin e kriterit te tre deshmive te veteraneve te tjere per pranine e Hoxhes ne luften Nacionalclirimtare. Nexhmije Hoxha ka preferuar t'i shmanget dje interesimit te gazetareve pas vendimit te papritur te ministrit Majko. Por nderkaq, nje reagim shume i ftohte per kete ceshtje vjen edhe nga te afermit e tjere te ish-diktatorit komunist. Ilir Hoxha, djali i Enver Hoxhes, nuk pranon te komentoje gjate kete vendim te ministrit te Mbrojtjes. "Pyesni Majkon pse e ka marre nje vendim te tille. Ne nuk pyesim fare per ate qe Majko ka bere sot, duke shfyqizuar kete vendim. Enveri njihet se kush eshte dhe nuk mund te shtoje asgje tjeter per kete ceshtje", komentoi kete vendim dje per Gazeten, Ilir Hoxha, djali i ish-diktatorit komunist Enver Hoxha. db/db (GazetaShqiptare/BalkanWeb) http://www.balkanweb.com/

"Enver Hoxha, jo veteran i luftes"

E Premte, 07 Janar 2005

Ministri i Mbrojtjes Pandeli Majko, ka shfuqizuar dje vendimin per dhenien e statusit te veteranit te luftes Nacionalclirimtare, per Enver Hoxhen". Motivacioni: Mosrespektim i kerkesave proceduriale nga ana e Komisionit Qendror te Veteraneve. Kerkesa e Nexhmije Hoxhes nepermjet nje letre per Presidentin Moisiu dhe si veproi pas kesaj kreu i shtetit

Duke ndjere permasat jo te kendshme qe mund te merrte per Partine Socialiste ne kete vit elektoral, vendimi i Komisionit Qendror te Statusit te Veteranit te Luftes Antifashiste Nacionalclirimtare, per t'ia njohur kete te drejte edhe diktatorit komunist Enver Hoxha, ministri i Mbrojtjes Pandeli Majko, ka nxituar dje qe ta anulloje ate. Me ane te nje njoftimi per shtyp, dikasteri i tij njoftoi se zoti Majko e ka shfuqizuar kete vendim, per shkak se sic thuhej ne te, "per mosrespektim te kerkesave proceduriale".

Pas kesaj, sqarohet se Komisioni per dhenien e statusit "ne mbledhjen e fundit, mori vendimin qe te nise procedurat per Enver Hoxhen dhe deshmia perkatese t'i dorezohej te interesuares, ne momentin qe kjo e fundit do te paraqiste kerkesen perkatese". Por, sipas Ligjit Nr. 7874 date 17 nentor 1994, i ndryshuar, "Per Statusin e Veteranit te Luftes Antifashiste Nacionalclirimtare te Popullit Shqiptar" te interesuarit per marrjen e ketij statusi, nuk i kane paraqitur Komisionit te ngritur per kete qellim, dokumentacionin e nevojshem sipas kerkesave ligjore.

Ne kete rast, rruga qe eshte ndjekur ka qene ajo e dergimit te nje letre nga ana e bashkeshortes se Enverit, Nexhmije Hoxha ne mes te nentorit 2004, per Presidentin e Republikes Alfred Moisiu, ne prag te 60 vjetorit te clirimit te shqiperise nga pushtuesit nazi-fashiste. Ne te, ajo i kerkon ndihmen e tij, jo vetem si kreu aktual i shtetit, por edhe si djali i Spiro Moisiut, i cili gjate luftes ka qene Komandant i Pergjithshem i Ushtrise Nacionalclirimtare, ndersa Hoxha, Komisari i saj dhe Kryetari i Partise Komuniste Shqiptare.

"I shkrova Presidentit, duke i kujtuar se babai i tij dhe Enver Hoxha kane fjetur nen te njejten batanije mbi debore", kujton Hoxha, ne nje prononcim te dhene per kete rast, agjensise se lajmeve "Reuters". Por, qe kerkesa te jete ne rregull formalisht sipas ligjit, Nexhmije Hoxha, duhet t'i drejtohej personalisht Komisionit Qendror te Statusit te Veteranit te LANC, duke e shoqeruar kete, edhe me tre kerkesa te nenshkruara nga 3 ish partizane, te cilet duhet te vertetojne se bashkeshorti i saj, ka qene pjesemarres ne kete lufte.

Por, e veja e diktatorit komunist, e cila e ka fituar dhe e gezon personalisht statusin e veteranit te luftes, refuzon me krenari ta ndjeke kete procedure. "Kjo eshte absurde, pasi roli i Enver Hoxhes eshte i njohur gjeresisht. Eshte absurde t'u kerkosh ushtareve, qe te vertetojne vepren e Gjeneralit te tyre. Askush nuk mund ta ndryshoje historine",- thote zonja Hoxha. Ndaj ne vend te kesaj rruge ligjore, zonja Hoxha ka preferuar qe t'i drejtohet me nje leter, Presidentit Moisiu.

"Institucioni i kreut te shtetit, nuk kane te drejte ligjore dhe nuk kane miratuar ndonje kerkese per njohjen e statusit te veteranit te luftes, per Enver Hoxhen. Sapo zoti Moisiu eshte njohur me kete leter, sipas rregullave protokollare, ne i'a kemi percjelle ate, Komisionit Qendror per statusin e Veteranit te LANC",- thane burime nga presidenca shqiptare. "Une u kam shkruar te gjitha instancave qeveritare per t'i dhene tim shoqi statusin e veteranit, qe i eshte dhene mijera te tjereve te cilet luftuan nen urdherat e tij", shton 82 vjecarja Hoxha, qe jeton ne lagjen Laprake te Tiranes.

Letra te tilla, pas vitit 1997, kane marre te gjithe kryeministrat socialiste te kesaj kohe, perfshi edhe zotin Majko. Por, dje ne pozicionin e ministrit te Mbrojtjes, pandeli Majko e ka shfuqizuar vendimin per dhenien e statusit te veteranit te Luftes, Enver Hoxhes. Nje vendim qe duket se ishte zyrtarizuar nga Komisioni i ngritur per kete qellim dhe me sa duket, priste te formalizohej vetem nga firma e Majkos.

Por, vendimi i djeshem i ministrit te Mbrojtjes, duket se i ka dhene fund nje diskutimi per kete ceshtje, per aq kohe sa vete Nexhmije Hoxha, refuzon te marre tre vertetime nga 3 "ushtare" qe te vertetojne faktin se "Gjenerali" ka qene partizan, e cila eshte edhe nje kusht i domosdoshem ligjor per njohjen e statusit te veteranit te luftes.

Nexhmije Hoxha, e veja e diktatorit shqiptar, Enver Hoxha, ironizon qeverine aktuale qe i kerkon te provoje se njeriu, i cili luftoi kunder pushtuesve italiane dhe gjermane gjate Luftes se Dyte Boterore, ploteson kushtet per te marre statusin e veteranit te luftes. "Kjo eshte absurde, pasi roli i tij eshte i njohur gjeresisht", i deklaroi dje Nexhmije Hoxha, agjencise britanike te lajmeve, "Reuters". Ajo shton se ka refuzuar te kerkoje tri vertetime nga ish- partizanet per t'i konfirmuar se Enver Hoxha ka qene partizan. E njohur zyrtarisht si veterane lufte, Nexhmija thote se i vjen keq qe i shoqi i saj nuk do ta marre titullin e veteranit, ne prag te festimeve te 60-vjetorit te Clirimit te vendit.

Por, e veja e Hoxhes, stalinizmi i te cilit e shnderrroi vendin ne nje nga shtetet me te izoluara dhe paranojake te botes, nuk do te pranoje fyerjen e kerkimit te vertetimeve. "Eshte absurde t'u kerkosh ushtareve vepren e gjeneralit te tyre. Askush nuk mund ta ndryshoje historine", thote krenare 82-vjecarja Hoxha. "U kam shkruar te gjitha instancave qeveritare per t'i dhene tim shoqi statusin e veteranit, qe iu eshte dhene mijera te tjereve te cilet luftuan nen urdherat e tij", shton ajo. Nderkohe, e veja e drejtuesit te Partise se Punes u shpreh dje per "Korrieri"-n, se u ka shkruar edhe te gjithe Kryeministrave socialiste prej vitit 1997. Letrat e Hoxhes kane perfunduar ne zyren e Nanos, Majkos dhe Metes. Megjithate, edhe Presidenti Alfred Moisiu, babai i te cilit ishte shok armesh me Hoxhen gjate luftes se viteve 1939- 1944 si lideri kryesor ushtarak, nuk i ka kthyer pergjigje. "I shkrova Presidentit, duke i kujtuar se babai i tij dhe Enver Hoxha kane fjetur nen te njejten batanije mbi debore", kujton Hoxha, ne prononcimin e saj per "Reuters". Megjithate, e pyetur mbremjen e djeshme nga "Korrieri", Hoxha refuzoi te jepje detaje te metejshme per letren, qe duket se nuk ka qene e perqendruar vetem ne ceshtjen e dhenies se statusit te veteranit per Enver Hoxhen. "Nuk do te ishte etike nga ana ime", tha e veja e ish-udheheqesit komunist, nepermjet linjes telefonike.

Si ne shume vende te tjera komuniste, - vijon raportimi i "Reuters", - simbolet e regjimit te vjeter totalitar jane shkaterruar. Ne mes te viteve '90 per heqjen e emrit te Hoxhes, shkruar me germa gjigande ne nje faqe kodre, u perdor edhe napalm. Gjate Luftes se Dyte Boterore, Enver Hoxha ishte komisar i Ushtrise Nacional- Clirimtare dhe Komandant i Pergjithshem. Pasi luftoi kunder nazi- fashisteve, ai drejtoi Shqiperine me dore te hekurt nga viti 1944 deri ne vitin 1985. Komunizmi ne Shqiperi u permbys ne vitin 1991 dhe qeveria e pare jokomuniste shqiptare e zhvarrosi Hoxhen nga varrezat e Deshmoreve te Kombit duke e vendosur ne ato publike. Nexhmije Hoxha jeton aktualisht ne periferi te Tiranes.

Presidenti Alfred Moisiu ka dhene ne nentor te vitit 2002, ne nje interviste per gazetarin Blendi Fevziu, opinionin e tij per marredheniet mes Spiro Moisiut dhe Enver Hoxhes. "Per here te pare Enver Hoxhen e kam pare ne '43. Ai njihej me emrin Tarasi", eshte shprehur Kreu i Shtetit ne intervisten per emisionin "Opinion" te Tv "Klan". "Im ate ishte komandant i Shtabit te Pergjithshem, ndersa Enveri ishte komisar i Shtabit te Pergjithshem. Atje ka qene ne ate kohe dhe Miladini. Ai thirrej Aliu", kujton Moisiu, vitet e adoleshences. I pyetur per marredheniet e gjeneral Spiro Moisiut me Enver Hoxhen, Presidenti i ka cilesuar ato si te komplikuara. "Marredhenie shume te komplikuara, per te cilat im ate nuk para fliste me mua. Nisej me shume nga fakti qe isha i ri dhe ai ishte nje njeri me pervoje shume te madhe", eshte shprehur Kreu i Shtetit. Sipas Moisiut, babai i tij, nga fundi i luftes, kishte shprehur rezerva. "Sidomos qe nga vrasja e Mustafa Gjinishit, te cilin e kishte shume shok. Gjinishi ishte gjithashtu nga Shqiperia e Mesme dhe njihej me te nepermjet Myslym Pezes", ka thene Presidenti, ne intervisten e vitit 2002. Me tej, ai ka kujtuar se babai i tij, Spiro Moisiu ishte nxjerre ne pension ne moshen 48 vjecare. "Ka patur shume probleme, - eshte shprehur Presidenti, - por me kryesori ka qene ai i keshilltareve, sepse menjehere ne vitin 1946, ishte problemi per te ngritur shtetin shqiptar". Duke risjelle nje pjese te bisedes, mes Enver Hoxhes dhe Spiro Moisiut, Presidenti eshte shprehur: "Enveri i thote: 'Ti themi marshall Titos te na dergoje disa specialista ushtarake'. Im ate i thote: 'Enver, po oficer jemi ne, oficer jane dhe ata, kacake ne, kacake dhe ata. C'do te na mesojne me shume. Nese do t'i thonim Stalinit, po, sepse ka bere nje lufte frontale, dhe kane ushtri te tille qe mund te na ndihmoje'. 'Por ,- i thote Enveri, - ata jane shume te ngarkuar'. 'Ata me mijera oficere, s'paska ai per te na cuar ne 500 vete apo 1000 veta per ushtrine'". Sipas Kreut te Shtetit ketu ka filluar konflikti i babait te tij me Enver Hoxhen. "Iu vu damka anijugosllav, Spiro Moisiut. Pastaj jam sqaruar me shume ne gjyqin qe iu be Koci Xoxes. Aty doli dosja e tim eti dhe te tjereve, qe ndiqej nga Sigurimi i Shtetit. Keto jane vertetuar nga njerez te asaj kohe, qe kishin edhe funksione partie dhe i kane lene me shkrim ne kujtimet e tyre, si ndiqej Spiro Moisiu, kur ishte ende shef i Shtabit te Pergjithshem", eshte shprehur Presidenti.