Rritja e re e pensioneve për ushtarakët e Forcave të Armatosura parashikohet të bëhet mbi bazën e statusit e tyre, të miratuar nga Parlamenti shqiptar.

Vendimet e fundit të qeverisë për rritjet e pensioneve të ushtarakëve dhe përfitimet që rrjedhin prej tyre, bënë që shumë ushtarakë të dalë në pension, të kishin paqartësi për lidhjet mes statusit të ushtarakut dhe rritjes më të fundit të pensioneve. Gazeta pas kërkesave të shumta nga ana e ushtarakëve në pension, publikon statusin e plotë të ushtarakut miratuar nga Parlamentin. Rritja e pensioneve do të zbatohet edhe për shtesat mbi pension. Konkretisht, për shtesa mujore që përfitojnë nga ligji “Për statusin e invalidit të luftës” shtesa është 8 për qind, për pensionet e caktuara me dekretin e presidentit “Për një mbrojtje të veçantë të ushtarakut”, gjithashtu, rritja është në masën 8 për qind. Edhe pas kësaj rritjeje pensionistët krahas të ardhurave nga pensioni do të vazhdojnë të marrin të ardhurat e tjera që jepen me vendime të veçanta të Këshillit të Ministrave, si kompensimi për diferencën e çmimit të bukës, kompensimi për energjinë elektrike dhe kompensimi për pjestarët e familjes që janë në varësi ekonomike.

Statusi i Ushtarakut te Forcave te Armatosura te Republikes se Shqiperise

Në mbështetje të nenit 78, 81, pika 1 dhe 83, pika 1 të Kushtetutës, me propozimin e Këshillit të Ministrave,
Kuvendi i Republikës së Shqipërisë

Vendosi:

Kreu I
Dispozita të Përgjithshme

Neni 1
Qëllimi
Ky ligj përcakton pozitën juridike, ekonomiko-financiare dhe shoqërore, kërkesat e përgjithshme të pranimit, të drejtat, detyrimet dhe kufizimet e ushtarakëve të Forcave të Armatosura në Republikën e Shqipërisë, për arsye të karakterit të veçantë të detyrës dhe të shërbimit ushtarak, si dhe garancitë ligjore për zbatimin e tyre.

Neni 2
Përkufizime
Në kuptim të këtij ligji termat e mëposhtme kanë këto kuptime:
“Ushtarak i Forcave të Armatosura” është shtetasi që shërben në Forcat e Armatosura, bën betimin dhe mban uniformën me shenjat përkatëse, të miratuara sipas legjislacionit në fuqi.
“Ushtarak i shërbimit aktiv të përhershëm” është shtetasi që shërben në Forcat e Armatosura, si ushtarak (oficer, nënoficer, ushtar me pagesë/ profesionist dhe fiton statusin e karrierës, të përcaktuar në ligjin, “Për gradat dhe karrierën ushtarake të Forcave të Armatosura të Republikës së Shqipërisë”.
“Ushtarak i shërbimit aktiv të përkohshëm” është shtetasi që pranon të shërbejë në Forcat e Armatosura, si ushtarak (oficer, nënoficer dhe ushtar profesionist), për një periudhë kohe të caktuar.
“Ushtarak i shërbimit aktiv të detyrueshëm” është shtetasi që kryen shërbimin e detyrueshëm ushtarak, sipas ligjit.
“Ushtarak në rezervë” është shtetasi që ka shërbyer në Forcat e Armatosura, si ushtarak aktiv, oficer, nënoficer, ushtar profesionist dhe pasi ndërpret karrierën ushtarake, sipas ligjit “Për gradat dhe karrierën ushtarake” në Forcat e Armatosura, si oficer, nënoficer dhe ushtar.
“Ushtarak në lirim” është shtetasi, që ndërpret karrierën ushtarake në Forcat e Armatosura, sipas ligjit “ Për gradat dhe karrierën ushtarake në Forcat e Armatosura të Republikës së Shqipërisë”.
“Ushtarak në pension ështe shtetasi që ka shërbyer në Forcat e Armatosura si ushtarak aktiv dhe rezervë dhe del në pension, kur mbush moshën e pensionit të pleqërisë.

Neni 3
Shërbimi ushtarak si veprimtari e veçantë
Shërbimi ushtarak është veprimtari e veçantë, shoqërish e domosdoshme për shtetin, që kryhet në bazë të dëshirës, vullnetit dhe detyrimit për t’i shërbyer atdheut dhe interesave të kombit, përgjegjësisë për zbatimin e legjislacionit, paanësisë politike, bindjes, profesionalizmit dhe vazhdimësisë së karrierës.

Neni 4
Fitimi i Statusit të ushtarakut
Shtetasi shqiptar nga dita që fillon të shërbejë në Forcat e Armatosura, si ushtarak fiton Statusin e ushtarakut dhe gëzon të drejtat dhe përmbush detyrimet e përcaktuar në këtë ligj dhe në aktet e tjera ligjore dhe nënligjore.
Këtë status e fitojnë:
a. Ushtarakët e shërbimit aktiv të përhershëm;
b. Ushtarakët e shërbimit aktiv të përkohshëm;
c. Ushtarakët e shërbimit aktiv të detyrueshëm, të thirrurit në stërvitje ushtarake, për kohën e stërvitjes.
ç. Ushtarakët në rezervë, lirim ose pension sipas përcaktimeve të bëra në këtë ligj dhe në akte të tjera ligjore e nënligjore.

Neni 5
Ruajtja e statusit kur kapet rob
Nëse gjatë kohës së veprimeve luftarake, ushtaraku aktiv mund të kapet rob, në territorin e Republikës së Shqipërisë apo në territorin e një shteti tjetër, ruan të drejtat që i njeh Statusi i ushtarakut dhe aktet e tjera, ligjore e nënligjore.

Neni 6
Humbja e Statusit të ushtarakut
Ushtaraku aktiv i Forcave të Armatosura e humbet statusin kur:
a. dënohet me burgim nga gjykata me vendim të formës së prerë për krime të kryera me dashje.
b. Përfundon stërvitjen ushtarake ose shërbimin ushtarak aktiv të detyrueshëm.
c. Përfundon kontratën, pa shkaqe ligjore.
ç vdes
Kur ushtaraku aktiv vdes, familja e tij ruan disa nga të drejtat e përcaktuara në këtë ligj.

Neni 7
Vjetërsia në punë dhe në shërbim
1. Njihet si vjetërsi në punë e ushtarakut të Forcave të Armatosura, për efekt pensioni, periudha nga dita e hyrjes në shërbim të Forcave të Armatosura, si ushtar me pagesë (profesionist), kursant (nënoficer) dhe student në shkollat e larta ushtarake, brenda dhe jashtë vendit. Kontributet për sigurimet shoqërore, për këtë periudhë, përballohen nga buxheti i shtetit.
2. Vjetërsia e shërbimit si ushtarak aktiv, për efekt të pagës dhe përfitimit të pensionit të parakohshëm për vjetërsi shërbimi, llogaritet nga dita e titullimit oficer, nënoficer, ushtar me pagesë, ushtar profesionist në Forcat e Armatosura të Republikës së Shqipërisë.
3. Koha e kryerjes së studimeve, pas përfundimit të shkollës së lartë ushtarake, brenda dhe jashtë vendit, llogaritet si vjetërsi në punë dhe vjetërsi shërbimi si ushtarak aktiv, dhe gradës.

Neni 8
Pranimi në Forcat e Armatosura
Në Forcat e Armatosura pranohet, si ushtarak aktiv, shtetasi që plotëson këto kërkesa të përgjithshme:
1. Të jenë shtetas shqiptarë.
2. Të kenë zotësi të plotë për të vepruar.
3. Të përmbushë kërkesat ligjore për nivelin arsimor dhe të zotërojë aftësitë e nevojshme, shëndetësore e fizike, për vendin e shërbimit.
4. Të mos jetë dënuar me burgim me vendim të formës së prerë të gjykatës për kryerje të një krimi.
5. Të mos jetë larguar nga puna për shkelje të disiplinës.
6. Të jetë i moshës 19-30 vjeç.
Kriteret e tjera, përveç sa parashikohen në këtë nen, që duhet të plotësojë shtetasi, i cili shpreh dëshirën për t’u pranuar dhe për të shërbyer në Forcat e Armatosura përcaktohen në ligjin “Për gradat dhe karrierën ushtarake në Forcat e Armatosura të Republikës së Shqipërisë”, dhe në akte të tjera, ligjore e nënligjore.

Neni 9
Gradimi dhe karriera ushtarake
1. Shtetasi shqiptar, me pranimin në shërbimin ushtarak aktiv si ushtar, nënoficer dhe oficer, gëzon të drejtën e gradimit dhe të karrierës ushtarake.
2. Kriteret për përparimin në gradë dhe karrierë dhe ato të ndërprerjes së karrierës ushtarake përcaktohen në ligjin, “Për gradat dhe karrierën ushtarake në Forcat e Armatosura të Republikës së Shqipërisë”, dhe në akte të tjera, ligjore e nënligjore.

Neni 10
Pajisja me dokumentin e identifikimit
1. Ushtaraku aktiv, përveç letërnjoftimit/pasaportës, pajiset dhe mban kurdoherë me vete dokumentin përkatës të identifikimit ushtarak.
2. Dokumenti i identifikimit ushtarak lëshohet për oficerët nga ministri i Mbrojtjes, ndërsa për nënoficerët dhe ushtarët profesionistë nga komandanti i forcës, komandanti i Komandës Mbështetëse, komandanti i njësisë në varësi të Shtabit të Përgjithshëm dhe drejtori i Personel-Organizimit në Shtabin e Përgjithshëm.
3. Forma dhe përmbajtja e dokumentit të identifikimit përcaktohen me urdhër të ministrit të Mbrojtjes, me propozimin e shefit të Shtabit të Përgjithshëm.

Kreu II
Të drejtat dhe detyrat e Ushtarakut

Neni 11
Detyra themelore
Eshtë detyrim i çdo ushtaraku t’i shërbejë Republikës së Shqipërisë me besnikëri dhe ndershmëri, për të mbrojtur, të drejtat dhe lirinë e popullit. Eshtë detyrim i çdo ushtaraku të respektojë rendin kushtetues.

Neni 12
Betimi i oficerit dhe nënoficerit
Ushtaraku aktiv, ditën e titullimit oficer a nënoficer aktiv i Forcave të Armatosura të Republikës së Shqipërisë, bën betimin.
Formula e betimit është:
“Betohem, përpara Flamurit Kombëtar, në nderin dhe bindjen time, se do t’i shërbej Kushtetutës së Republikës së Shqipërisë, popullit dhe Atdheut tim, dhe për mbrojtjen e tyre, nuk do të kursejë as jetën time! Betohem.”

Neni 13
Hierarkia e urdhrit
1. Ushtaraku i bindet eprorit. Ai zbaton të gjitha urdhrat që jepen për qëllime shërbimi.
2. Urdhri i ligjshëm është i detyrueshëm për zbatim edhe në rast se paraqet rrezik për jetën e ushtarakut.
3. Kur urdhri bie në kundërshtim me ligjin, ushtaraku duhet t’ia bëjë të ditur eprorit dhe të kërkojë dhënien me shkrim të urdhrit.
4. Ushtaraku nuk zbaton urdhrat, të cilat bien në kundërshtim flagrant me ligjin, dhe njofton urdhërdhënësin dhe eprorin e vet.
5. Të drejtat e eprorit për dhënien e urdhrit, mënyrat e dhënies së tij dhe procedurat përcaktohen në akte të tjera ligjore.

Neni 14
E drejta për mbajtjen dhe përdorimin e armës
1. Ushtaraku aktiv, gjatë kryerjes së shërbimit dhe jashtë tij, ka të drejtë të mbajë dhe të përdorë armën vetjake, në përputhje me ligjet “Për armët” dhe “Për përdorimin e armëve të zjarrit”.
2. Kur ushtaraku aktiv, për shkaqe të ndryshme, ndërpret karrierën ushtarake, dorëzon armën vetjake.
3. Ushtaraku aktiv me gradë madhore, kur del në rezervë, lirim apo pension pleqërie, ka të drejtën e mbajtjes së armës vetjake (pistoletë), por pasi të jetë pajisur më parë me autorizimin përkatës nga eprori i vet më i lartë. Arma vetjake i jepet pasi të regjistrohet në organet e rendit publik.
4. Kur ushtaraku vdes, familjarët janë të detyruar ta dorëzojnë armën vetjake në komandën përkatëse, brenda 30 ditëve, duke njoftuar organet e rendit për ç’rregjistrimin e saj.

Neni 15
E drejta për propozime dhe ankesa
1. Ushtarakët aktivë kanë të drejtë, në mënyrë individuale apo në grup, të bëjnë, sipas rastit, propozime, kërkesa apo ankesa për veprime të paligjshme të eprorëve, kur ju preken të drejtat e tyre.
2. Propozimet, kërkesat apo ankesat u drejtohen autoriteteve dhe organeve kompetente me shkrim, sipas legjislacionit në fuqi.
3. Ushtaraku nuk i nënshtrohet asnjë mase, ndëshkuese apo disiplinore, për shkak të ankesës apo kërkesës së bërë prej tij.

Neni 16
Të drejta të tjera
Ushtaraku aktiv gëzon edhe këto të drejta :
1. Pune të garantuar në Forcat e Armatosura të Republikës së Shqipërisë, në përputhje me legjislacionin ne fuqi.
2. Përparon në gradë e në rendin e përgjegjësive (karriere), sipas akteve ligjore e nënligjore.
3. Mbrohet nga shteti në kryerjen e detyrave të ngarkuara.
4. Të trajnohet, kualifikohet dhe ndjekë studimet në institucionet arsimore, ushtarake apo civile, brenda dhe jashtë vendit, vetëm kur i jepet leje, sipas legjislacionit në fuqi dhe në përputhje me profesionin.
5. Të ushtrojë të drejtën e besimit dhe veprimtarisë fetare, jashtë territorit të repartit ose institucionit ushtarak dhe pa uniformë ushtarake.
6. Të shërbejë brenda dhe jashtë territorit të Republikës së Shqiperisë, në operacione të ndryshme ndërkombëtare, me leje të autoritetit përkatës.
7. Të përdorë veshje civile jashtë kohës së punës e të shërbimit, kur e kërkon natyra e shërbimit. “
8. Të organizohen në shoqata, të cilat nuk kanë karakter politik apo sindikalist.

Neni 17
Detyrat dhe përgjegjësitë
Ushtaraku aktiv i Forcave të Armatosura të Republikës së Shqipërisë ka këto detyra dhe përgjegjesi kryesore:
1. Të njohë, të respektojë, të zbatojë dhe të veprojë në përputhje me Kushtetutën dhe legjislacionin ne fuqi.
2. Të ruajë kurdoherë nderin e dinjitetin e ushtarakut.
3. Të shërbejë ku ta kërkojnë interesat e Forcave të Armatosura.
4. Të përgatitet ushtarakisht, të jetë i gatshëm dhe i disiplinuar, për të çdo sakrificë, gjer në dhënien e jetës për mbrojtjen e Atdheut.
5. Të sigurojë për publikun e gjerë, palët e interesuara dhe institucionet publike, informacionin e kërkuar, me përjashtim të rasteve kur informacioni është i klasifikuar, në përputhje me legjislacionin në fuqi.
6. Të respektoje orarin e punës dhe ta shfrytezojë vetëm per kryerjen e detyrave.
Koha (orari) e punës dhe i shërbimit, me urdhër të eprorit mund te zgjatet për interesa të rëndësishme të shërbimit e të detyrës.
7. Të rrisë aftësitë profesionale dhe të marre.pjesë në veprimtari trajnuese për këtë qëllim.
8. Të mos kërkojë apo pranoje asnjë përfitim material, për kryerjen e detyrave, me përjashtim të pagës dhe të përfitimeve të tjera, të përcaktuara me ligj e akte të tjera nënligjore.
9. Të mbajë përgjegjësi të plotë për ligjshmërinë e veprimeve të veta, gjatë kryerjes së detyrës.
10. Të zbatojë rregullat e etikës.
Ushtaraku, përveç detyrave të përcaktuara në këtë ligj, kryen dhe përgjigjet edhe për detyra te caktuara me akte të tjera, ligjore, nënligjore, rregullore apo manuale organike, të specifikuara sipas funksionit.

Neni 18
Përgjegjësia e ushtarakut para ligjit
1. Ushtarakut aktiv, pavarësisht nga grada dhe detyra janë të barabartë para ligjit.
2. Për shkelje të akteve ligjore dhe nën]igjore, kërkesave të disiplinës ushtarake, mosushtrimit të përgjegjesive e të detyrave dhe për dëme materiale, të shkaktuara ndaj pronës pubike dhe private, ushtaraku mban përgjegjësi penale, civile, administrative dhe disiplinore, në përputhje me legjislacionin në fuqi.

Neni 19
Ndalimet për shkak të detyrës apo të shërbimit
Ushtarakut aktiv, për shkak të detyrës apo shërbimit, i ndalohet:
1. Të jetë anëtar i partive politike, i organizatave a shoqatave me karakter politik, si dhe të marrë pjesë në veprimtaritë politike që organizohen prej tyre.
2. Të bëjë grevë.
3. Të përdorë pronën shtetërore për përfitime vetjake.
4. Të bëjë pushime apo të shkojë për vizita tek të afërmit e tij jashtë vendit pa marrë leje me shkrim.
Ministri i Mbrojtjes, në zbatim të pikës 4 të këtij neni, nxjerr urdhër, ku të percaktohen procedurat dhe autoritetet përgjegjëse për dhënien e lejeve.

Kreu III
Paga, shtesat mbi pagë dhe kompensimet

Neni 20
Paga dhe shtesat mbi pagë
1. Paga e personelit ushtarak aktiv, që shërben në Forcat e Arrnatosura, caktohet në bazë të pagës bazë për gradën ushtarake përkatëse.
2. Paga mujore e personelit ushtarak aktiv (përfshirë ushtarët e shërbimit të detyrueshëm, ushtarët profesionistë, nënoficerët, oficerët, kursantët dhe studentët e shkollave të larta) përbëhet nga paga bazë dhe shtesat mbi page për kushte të veçanta pune e shërbimi.
a. Paga bazë është paga për gradën ushtarake përkatëse, sipas viteve të shërbimit në Forcat e Armatosura.
b. Shtesa mbi pagë, për kushte të veçanta pune dhe sherbimi, jepet në një masë fikse.
Masa e pagës bazë për gradë, përcaktuar në pikën 1, të këtij neni, kriteret dhe masa e përfitimit të shtesave mbi pagë përcaktohen me vendim te Këshillit të Ministrave.

Neni 21
Kompensimet
Personelit ushtarak aktiv (oficer, nënoficer, ushtar me pagesë, ushtar profesionist) i jepet kompensim per:
a. qera banesë, kur ushtaraku i shërbimit aktiv nuk mund të strehohet me banese nga Ministria e Mbrojtjes. Masa e kompensimit është jo më shumë se 80 për qind e vlerës së qerasë.
b. ushqim.
Masa e kompensimit, përcaktohet me vendim të Këshillit të Ministrave, me propozim të ministrit të Mbrojtjes.

Neni 22
Paga e kursantit dhe e studentit ushtarak
Paga mujore e kursantit, që fillon studimet në akademitë ushtarake, pas diplomimit në universitete apo shkolla të larta, brenda dhe jashtë vendit, është e njejtë me pagën bazë të gradës “nëntoger”.

Neni 23
Paga për usbtarakët e sherbimit në rezervë
Personeli ushtarak rezervist (oficer, nenoficer e ushtar rezervist), per kohen që thirret në shërbim apo stërvitje ushtarake në strukturat e Forcave te Armatosura, përfiton pagë dhe kompensim për ushqim për ditë shërbimi apo stërvitjeje të njejtë me atë të ushtarakut aktiv te së njëjtës gradë apo funksion.
Paga u jepet ne repartet ku ato kryejne shërbimin apo stërvitjen.

Neni 24
Pagesa për aktivizimin e personelit ushtarak ne rezervë në trajtim me pagesë kalimtare, në pension të parakobsbëm apo pension pleqerie
1. Për nevojat e Forcave te Armatosura dhe për zgjidhjen e problemeve që kërkojnë specialiste me kualifikim te veçante, ministri i Mbrojtjes mund të aktivizojë ushtarakë të dalë në rezervë, lirim apo pension.
2. Ushtaraku, kur aktivizohet, sipas pikës 1 te ketij neni, vesh uniformën ushtarake dhe përfiton pagë mujore të njëjte me atë te ushtarakut aktiv, të të njëjtit funksion (gradë), si dhe u nënshtrohet të gjitha detyrimeve si paga e ushtarakut aktiv.
3. Ushtaraku i aktivizuar nuk mund të marre në të njejtën kohë pagën që i takon në zbatim të pikës 2, të këtij neni dhe pagesën kalimtare, pensionin e parakohshëm per vjetërsi sherbimi apo pensionin e pleqerisë.
4. Ushtarakut të aktivizuar i ndërpritet pagesa kalimtare, pensioni i parakohshëm për vjetërsi sherbimi apo pensioni i pleqërisë në ditën e aktivizimit.
5. Pagesa e percaktuar ne pikën 2 te këtij neni përfundon ditën që ushtaraku i aktivizuar ndërpret aktivizimin dhe kthehet në statusin e tij të mëparshëm, dhe rimerr pagesë kalimtare, pensionin e parakohshëm për vjetërsi shërbimi apo pensionin e pleqërisë.
6. Ministri i Mbrojtjes, ministri i Financave dhe ministri i Punës dhe i çeshtjeve Sociale të nxjerrin udhëzimin e përbashkët, për zbatimin e këtij neni.

Neni 25
Kompensimi në rast emërimi apo komandimi në detyrë jashtë vendbanimit
1.Ushtarakut te Forcave te Armatosura, qe për nevoja sherbimi emërohet në një detyrë jashtë vendbanimit te perhershëm e në të njejten kohe, transferon dhe familjen, i jepet kompensim per shpenzimet për udhetim e transport te materialeve të shtëpise. Shpenzimet përballohen nga buxheti i Ministrise së Mbrojtjes.
2.Kur ushtaraku i Forcave të Armatosura komandohet në një detyre tjetër, jashtë vendbanimit te tij të perhershëm, Ministria e Mbrojtjes i siguron fjetjen dhe transportin.
Ne rastet kur fjetja dhe transporti nuk i sigurohen nga Ministria e Mbrojtjes, ai përfiton dieta, sipas legjislacionit ne fuqi.
Kriteret dhe masa e kompensimit, te percaktuara ne pikat 1 dhe 2, te këtij neni, përcaktohen nga Këshil1i i Ministrave.

Neni 26
Trajtimi në rast trajnimi , kualifikimi apo arsimimi
1. Ushtaraku aktiv (oficer, nënoficer, ushtar me pagese, ushtar protesionist), për periudhen e trajnimit , kualifikimit apo arsimimi në kurse, shko11a të larta ushtarake (akademi) apo universitete, brenda dhe jashtë vendit, përfiton page dhe kompensime si me poshte :
a. per periudha trajnimi dhe kualifikimi ne kurse dhe shko11a te larta ushtarake (akademi) apo universitete brënda vendit pagën e plotë mujore, së bashku me të gjitha kompensimet;
b. për periudha trajnimi dhe kualifikimi në kurse dhe shkolla të larta ushtarake apo universitetet jashtë vendit pagën bazë për gradë.
2. Ministria e Mbrojtjes përballon shpenzimet për transportin, akomodimin, ushqimin dhe shpenzimet për përkujdesjen shëndetesore për ushtarakun aktiv, qe arsimohet, kualifikohet apo trajnohet në një vend te huaj, kur këto shpenzime nuk mbulohen nga vendi i huaj .
3. Ushtaraku aktiv (oficer, nënoficer, ushtar me pagesë, ushtar profesionist), gjatë periudhës së trajnimit, kualifikimit apo arsimimit, përfiton të gjitha rritjet në pagë, si gjithë ushtarakët e tjerë, në detyrë.

Neni 27
Trajtimi me uniformë
1. Ushtarakut aktiv (oficer, nënoficer,.ushtar me pagesë, ushtar profesionist, ushtar i sherbimit të detyrueshëm) të Forcave të Armatosura, i jepet falas uniforma ushtarake përkatëse.
2. Studentët dhe kursantët ushtarake të shkollave të larta ushtarake, brënda dhe jashtë vendit, kursantët e Akademise së Nenoficerëve dhe ushtarët e sherbimit te detyrueshëm, pajisen me uniformë ushtarake, me grada dhe simbole te tjera, që mbahen me uniforme, falas.
Uniforma falas, ne zbatim të pikave 1 dhe 2 te këtij neni jepet sipas kritereve dhe normave te percaktuara me vendim te Këshi11it të Ministrave.

Neni 28
Trajtimi i familjarëve të ushtarakut, kur ushtaraku humbet jetën në detyre apo për shkak të detyrës
1. Familja e ushtarakut aktiv i Forcave te Armatosura (oficer, nenoficer, ushtar me pagesë, ushtar profesionist, studentë ne akademitë ushtarake brenda dhe jashtë vendit), që humbet jetën ne detyre apo per shkak të detyrës, përfiton pension familjar në masën 100 per qind të pagës mujore të muajit të fundit, pavarësisht nga periudha e sigurimit të të ndjerit.
2. Kur ushtaraku (oficer, nënoficer, ushtar me pagesë, ushtar profesionist, ushtar i sherbimit te detyrueshem, studente në akademitë ushtarake brenda dhe jashtë vendit), humbet jetën gjatë kryerjes së detyrës, në operacione ndërkombetare apo operacione ne ndihmë të popullsisë brenda vendit, farnilja e tij perfiton kompensim te vecantë, masa e të cilit përcaktohet me vendim të Këshillit të Ministrave.
Fëmijeve të ushtarakut që ka humbur jetën ne detyre apo për shkak të detyrës, kur fitojnë të drejtën e ndjekjes së arsimit të lartë, shteti u jep bursë te plotë.

Neni 29
Trajtimi në rastet e ndërprejes së karrieres për shkak gjymtimi.
1. Kur ushtaraku aktiv (oficer, nënoficer, ushtar me pagesë, ushtar profesionist) i Forcave te Armatosura, lirohet nga sherbimi, si rezultat i një gjymtimi fizik apo mendor, në detyrë apo për shkak të detyrës duke humbur plotësisht aftësinë për pune, përfiton pension në masën 100 për qind të pagës mujore të ushtarakut në detyrë.
2. Kur ushtaraku aktiv (oficer, nënoficer, ushtar me pagesë, ushtar profesionist, studentë në akademitë ushtarake brënda dhe jashtë vendit) i Forcave te Armatosura, lirohet nga sherbimi në Forcat e Armatosura, për arsye shëndetsore, përfiton trajtim financiar deri në punësimin e tij ose deri në daljen në pension pleqërie, në masën dhe sipas kritereve të percaktuara me vendim te Këshillit te Ministrave.
Personat, të cilët plotësojne kushtet e përcaktuara në ligjin për sigurimin shoqëror suplementar të ushtarakëve, për pension te parakohshëm për vjetërsi sherbimi, kanë të drejtën e zgjedhjes ndërmjet këtij trajtimi financiar dhe pensionit te parakohshëm për vjetërsi shërbimi.
3. Ushtaraku ka të drejten e zgjedhjes së përfitimit të pensionit, sipas pikës 1 te këtij neni ose sipas nenit 14, të ligjit, nr 8087, date 13.3.1996, “Për sigurimin shoqëror suplementar të ushtarakëve të Forcave të Annatosura të Republikës së Shqipërise,të ushtarakëve te Ministrisë së Rendit Publik dhe Sherbimit Informativ Kombetar”.