Bashkëshortja e Hoxhës tha se ministri i Mbrojtjes thjesht firmos statusin, ai nuk të drejtë të shfuqizojë vendimin

Enveri me statusin e veteranit, pa firmën e Majkos

Darina Tanushi

TIRANË – Bashkëshortja e Enver Hoxhës, Nexhmije Hoxha deklaroi dje, për “Shekullin” se ministri i Mbrojtjes Pandeli Majko ka refuzuar të hedhë firmën e tij mbi dëshminë që i jep statusin e veteranit ish-udhëheqësit komunist. Sipas saj, komisioni e ka marrë vendimin dhe ministri Majko nuk ka të drejtë që të shfuqizojë vendimin për dhënien e statusit. “Statusi është i miratuar dhe thjesht ministri i Mbrojtjes vë një firmë”, -është shprehur bashkëshortja e Enver Hoxhës. Nexhmije Hoxha ka deklaruar dje, për “TV Klan” se të gjithë e dinë pozicionin dhe kontributin që ka dhënë Enver Hoxha në luftë dhe nuk ka nevojë që ajo ta dëshmojë atë me dokumente. “Unë nuk marr dëshmi për të vërtetuar që Enver Hoxha është veteran. Këtë e kam refuzuar”, -është shprehur zonja Hoxha. Ajo tha se, “nuk është çështje familjare është veteran apo jo Enver Hoxha. Unë nuk shkoj nëpër dyer të marr dëshmi që Enver Hoxha është veteran. Eshtë turp, është absurde”. Ajo kërkon që edhe ai të ketë një dokument siç kanë të gjithë veteranët e tjerë. “Ai ka qenë udhëheqësi i ushtrisë kombëtare. Unë nuk zbatoj rregullat, sepse Enver Hoxha nuk është si gjithë të tjerët”, -është shprehur Nexhmije Hoxha. Ndërsa një ditë më parë ajo, e pyetur nga “Shekulli” u shpreh se, “A e ka lexuar historinë ministri i Mbrojtjes Pandeli Majko, ose a e ka parë apo jo pavijonin e Luftës Antifashiste Nacional Çlirimtare në Muzeun Kombëtar?”.
Takimi Majko-Moisiu
Mesditën e djeshme Ministri i Mbrojtjes Pandeli Majko ka zhvilluar një takim kokë më kokë me Presidentin Moisiu, me të cilin kanë biseduar përveçse për një nisje të mundëshme të disa prej ushtarëve tanë në ndihmë të viktimave të tërmetit në Azi edhe për çështjen e statusit të veteranit të Enver Hoxhës. Mësohet se Moisiu ka sqaruar edhe një herë me ministrin se ai nuk ka kërkuar pas letrës së Nexhmijes dhënien e statusit, por ka përcjellë letrën në mënyrë që çështja të shihet sipas rregullave dhe ligjeve në fuqi. Nga ana e tij edhe ministri Majko ka konfirmuar dje, të njëjtën gjë, që Presidenti vetëm ka përcjellë letrën dhe shqetësimin e bashkëshortes së Enver Hoxhës, por nuk ka ndikuar në nisjen e procedurave për dhënien e statusit të veteranit. Sipas njoftimit për shtyp të Ministrisë së Mbrojtjes, Majko e ka shfuqizuar të enjten vendimin e Komisionit Qendror të Statusit të Veteranëve të Luftës Antifashiste Nacional Çlirimtare, për dhënien e statusit të veteranit Enver Hoxhës. Ndërsa Nexhmije Hoxha tha se ajo nuk kishte dijeni për asnjërin prej vendimeve, që kishte marrë qoftë ministri Majko ashtu edhe Komisioni i Statusit të Veteranëve. Ministri i Mbrojtjes Pandeli Majko sqaroi përmes zyrës së tij të shtypit se nuk ka pasur asnjë kërkesë nga ana e familjes së ish-diktatorit lidhur me statusin e veteranit. Para pak kohësh bashkëshortja e Enver Hoxhës, Nexhmija është shprehur në një intervistë për agjencinë ROJTER, se nuk ka kuptim që të kërkojë dëshmi që Enver Hoxha është veteran.

Nexhmije Hoxha
Unë nuk shkoj nëpër dyer të marr dëshmi që Enver Hoxha është veteran. Eshtë turp, është absurde
A e ka lexuar historinë ministri i Mbrojtjes Pandeli Majko, ose a e ka parë apo jo pavijonin e Luftës Antifashiste Nacional Çlirimtare në Muzeun Kombëtar?

Majko
Enver Hoxha është si gjithë të tjerët, një nga aq njerëzit që ka kontribuar apo ka kontributin e vet në Luftën Antifashiste Nacional Çlirimtare dhe duhet të plotësojë të gjitha procedurat ligjore. Përveç kësaj ka edhe momente të tjera që unë mendoj se duhet të diskutohen më gjerë

Adnan Qatipi, kreu i veteranëve
Enver Hoxha njihet si komandanti i përgjithshëm i Forcave të Armatosura dhe dihet kontributi i tij në luftë. Enver Hoxha i përket kategorisë A, pasi ai jo vetëm që ka marrë pjesë në luftë, por pjesëmarrja e tij ka qenë para vitit 1943

BERISHA: QEVERIA DHE MOISIU BENE NJE PROVOKACION TE ULET

Partia Demokratike ka reaguar dje kunder dhenies se statusit te veteranit per ish-diktatorin Enver Hoxha. Kryetari i kesaj partie, Sali Berisha, ne nje konference per mediat e ka quajtur veprimin e qeverise dhe te presidentit si nje provokacion dhe nje perpjekje per te rehabilituar ish-diktatorin. "Enver Hoxha eshte ne historine e Shqiperise krimineli me i eger e me mizor qe shqiptaret kane patur ne te gjithe shekujt. Josif Stalin - njeriu qe udhehoqi Bashkimin Sovjetik ne Luften e Dyte Boterore, lufte ne te cilen popujt e ketij vendi bene sakrificat me te jashtezakonshme njerezore eshte dhe mbetet ne analet e historise si krimineli numer nje i shekullit te XX. Hoxha eshte Stalini i shqiptareve, akti i Alfred Moisiut dhe Fatos Nanos eshte nje provokacion i ulet, nga me te ultit qe mund t'u behen dhjetera dhe qindra mije shqiptareve te cilet pas luftes u ekzekutuan, u burgosen, u internuan per bindjet e tyre", tha Berisha. Gjithashtu lideri demokrat ka shtuar se ky eshte nje akt i papergjegjeshem i njerezve te cilet nuk kane ndergjegje, por ai u ka kujtuar dhe nje here pushtetareve te sotem 20 shkurtin e vitit 1991 ku u rrezuan bustet e ish-diktatorit ne te gjithe Shqiperine.

"Duhet te kesh ndergjegjen e klikes ne pushtet qe te perpiqesh te shpallesh diktatorin me te eger te Europes pas luftes veteran. Dua t'i them kesaj klike se me 20 shkurt ne nuk rrezuam bustin, ne rrezuam bustet e gjalla dhe t'i siguroj se loja e tyre mund te kete pasoje qe edhe ata te pesojne te njejtin fat te busteve te gjalla te vitit 1991", tha kreu i selise blu. Dhenia e statusit te veteranit Enver Hoxhes u quajt nga demokratet si nje provokacion i hapur dhe si nje perpjekje e deshperuar per te rehabilituar figuren e diktatures komuniste ne Shqiperi. "Te mos provokojne shqiptaret, ky eshte nje akt i shemtuar, ky eshte nje akt i atyre qe nuk kane ndergjegje shoqerore. Kjo eshte nje perpjekje monstruoze per te rehabilituar monstren e historise tone kombetare", tha Berisha.

Markel Bejdo

http://www.balkanweb.com/gazeta/gazeta.htm

 

Janar 8, 2005

Faqja 2 - FAQE E PARE Janar 8, 2005   Presidenca: Përcollëm letrën e Nexhmijes në Ministrinë e Mbrojtjes   Moisiu kokë më kokë me Majkon për Enver Hoxhën b.gj. TIRANE Statusi i veteranit për Enver Hoxhën kthehet në një çështje shteti. Presidenti Alfred Moisiu ka thirrur dje në zyrë ministrin e Mbrojtjes, Pandeli Majko, për të biseduar rreth debatit për dhënien e këtij statusi. Majko ka hyrë në dyert e Presidencës rreth orës 11.00 dhe ka qëndruar në zyrën e Moisiut në një takim kokë më kokë më shumë se 30 minuta. Takimi Ky takim u bë vetëm një ditë pasi Majko shfuqizoi vendimin e Komisionit të posaçëm për dhënien e statusit të veteranit ish-diktatorit Enver Hoxha. Gjatë kohës që Moisiu dhe Majko po sqaronin pozicionet e dy palëve në këtë çështje, zëdhënësja për shtyp e presidentit Moisiu jepte një konferencë shtypi, për të sqaruar pozicionin e Presidentit në këtë debat. Burime pranë takimit kanë sqaruar për Gazetën se biseda mes dy personaliteteve kishte të bënte me keqkuptimet që janë ngjallur në media. Sipas burimeve pranë Moisiut, Presidenti nuk i ka rekomanduar Komisionit dhënien e statusit për Enver Hoxhën, por vetëm sa i ka deleguar letrën e Nexhimjes drejtuar atij. Ndërkaq, Majko ka sqaruar kreun e shtetit për vendimin që ka marrë, duke i dhënë dhe argumentet ligjore, sipas të cilave nuk mund t'i jepej statusi. Moisiu ka qenë një nga të rinjtë që ka luftuar në Luftën e Dytë Botërore, ndërkohë që i ati, Spiro Moisiu, ka qenë një nga udhëheqësit e kësaj lufte. Dy muaj më parë Nexhija Hoxha, në një letër të gjatë drejtuar atij, i kujtonte faktin që i ati i tij dhe Enveri janë mbuluar në një batanije gjatë luftës. Por, mesa duket, ky kujtim nuk e ka prekur zemrën e kreut të shtetit, i cili është munduar të qëndrojë neutral në këtë çështje. Reagimi Ndërkohë, një sqarim më të qartë për pozicionin e Moisiut ka dhënë zyra për shtyp pranë tij. Kjo zyrë ka reaguar dje pas lakimit të emrit të Moisiut në media, si mbrojtës i tezës për dhënien e statusit të veteranit Enver Hoxhës. "Presidenti i Republikës nuk ka dekretuar, nuk ka urdhëruar dhe as nuk ka propozuar dhënien e statusit të veteranit Enver Hoxhës", deklaroi dje zëdhënësja e kreut të shtetit, Afërdita Sokoli. Sipas saj, është ndjekur rruga zyrtare, si për çdo letër drejtuar kryetarit të shtetit. Letra e Nexhmije Hoxhës ishte një nga 3700 letrat adresuar Presidentit vitin e kaluar dhe për të cilën u ndoq praktika normale, duke ia kaluar për kompetencë ministrit përkatës, sqaroi më tutje zëdhënësja. Moisiu me këtë rast ka tentuar të tërheqë vëmendjen e opinionit publik që të mos merret me këtë çështje, në një kohë kur ka të tjera më të rëndësishme dhe me jetike për vendin. Sipas tij, opinioni publik shoqëror ka nevojë të dëgjojë si po përgatitemi për zgjedhjet, të cilat janë vendimtare për këtë vit. "Ai do të dijë çfarë po bëhet për të ulur papunësinë dhe si gjykojnë forcat politike për të; do të dijë si do të luftohet më mirë korrupsioni, varfëria, kriminaliteti, dhe si do të plotësojmë më shpejt kushtet për lëvizjen e lirë etj", tha zëdhënësja Sokoli, duke folur në emër të presidentit Moisiu. Flet gjenerali, kreu i organizatës së veteranëve Parrllaku: Të gjykohet Enveri "Moralisht atij nuk i takon statusi" TIRANE - Njëri prej bashkëluftëtarëve të afërt të Enver Hoxhës, që ende jeton, gjeneral leitnanti 85-vjeçar Rrahman Parrllaku, është i bindur se moralisht ish-komandanti i ushtrisë Nacionaçlirimtare nuk e meriton statusin e veteranit. "Vendimi i ministrit Majko, që ka anuluar dhënien e statusit, ka qenë i drejtë. Fillimisht duhet kryer një gjykim i drejtë i figurës se Hoxhës dhe vetëm më pas mund të gjykohet për atributet që i duhen dhënë", shpjegon Parrllaku, që është njëherësh edhe kryetar i Organizatës së Bashkuar të Veteranëve të Luftës. Të njëjtin qëndrim rreth kësaj çështjeje pritet që të mbajë edhe organizata e veteranëve, e drejtuar prej tij. Çfarë qëndrimi do të mbajë organizata juaj në lidhje me debatin për statusin e veteranit për Enver Hoxhën? Ne diskutuam sot për këtë çëshje dhe do të dalim me një qëndrim zyrtar në fillimin e javës së ardhshme. Pak a shumë, qëndrimi ynë është se duhet të kryhet një vlerësim i plotë i figurës së Enver Hoxhës dhe më pas të vendoset për këtë status. Që në vitin '90 duhej të hapej një proces dhe ai të gjykohej për akuzën e genocidit ndaj popullit të tij. Sepse pas Pol Potit, Enveri ishte i vetmi që ushtroi genocid ndaj popullit të tij. As Hitleri nuk e ka bërë një gjë të tillë, sepse ka bërë genocid ndaj popujve të tjerë. Pas këtij gjykimi, Enverit mund t'i ndalohen apo lejohen atributet që i takojnë. Në të kundërt, atij i takon ligjërisht që të jetë veteran, sepse ka luftuar. Tani për tani, pengesa e vetme është ajo morale. Si e gjykoni veprimin e ministri Majko? Deri në momentin që nuk janë plotësuar dokumentet me dëshmitë e veteranëve, që është një procedurë që duhet ndjekur nga të gjithë, ministri Majko ka vepruar drejtë. Por, edhe po të plotësohen këto dëshmi, përsëri moralisht, Enveri nuk e meriton atë status. Ju keni qenë një ndër bashkëluftëtarët e Hoxhës. Do të ishin i gatshëm të siguronit dëshmitë që nevojiten për statusin e veteranit për komandantin tuaj? Unë nuk jam i vetmi që kam luftuar. Ka shumë komunistë që i kanë qëndruar pranë Enverit edhe më vonë, dhe mund t'i japin dëshmitë. Le t'ia japë Ramiz Alia, Spiro Koleka apo edhe Hysni Milloshi. er.ta. Berisha: Do të rrëzojmë bustet e gjalla Kryetari i Partisë Demokratike, Sali Berisha, ka paralajmëruar revolta popullore në rast se do të vazhdohet me historinë e dhënies së statusit të veteranit ish-diktatorit Enver Hoxha. "Ne do të ndjekim, do të ketë çështje në rast se do të ndërmerren hapa të mëtejshme, të jeni të sigurt që 20 shkurti nuk do të kujtohet më nga shqiptarët, pas fatit që mund të pësojnë bustet e gjalla të atyre që qeverisin", tha Berisha. Kreu i demokratëve nënvizoi se dhënia e statusit të veteranit, është akti më i ulët që u bëhet shqiptarëve. "Akti i Alfred Moisiut dhe i Fatos Nanos është një nga provokacionet më të ulëta që mund t'u bëhen dhjetëra dhe qindramijëra shqiptarëve, që u ekzekutuan, u burgosën dhe u internuan për bindjet e tyre", tha Berisha.   Faqja 3 - FAQE E PARE INTERVISTE / Flet shkrimtari: Nuk mund të mohohet historia

Agolli: Enveri e meriton statusin e veteranit të luftës

Blerina Gjoka

Shkrimtari Dritëro Agolli kërkon që shteti të shohë me ftohtësi dhe realitet çështjen e statusit të veteranit për ish-diktatorin komunist Enver Hoxha. Sipas tij, atë që ia jep historia nuk mund t'ia heqë dot askush. Enveri ka luftuar me pushkë në krahë për të çliruar vendin dhe kjo nuk mund t'i mohohet për shkak të faktit se më pas u bë një diktator. Shkrimtari Dritëro Agolli tenton t'u ofrojë njerëzve një version të qartë dhe të pranueshëm të historisë. Sipas tij, duhet të pranojmë atë që është e dukshme dhe e drejtë, fakti që Enver Hoxha ka luftuar në Luftën Nacionalçlirimtare nuk mund të mohohet në mënyrë arbitrare. Urtësia e shkrimtarit me flokë të bardhë tenton që t'u tregojë, dhe atyre njerëzve që kanë vuajtur nën regjimin diktatorial të Hoxhës, se historia duhet parë në sy dhe jo të mohohet. Dritëro Agolli thekson se statusi i veteranit nuk është një medalje meritash për kohën e regjimit, por është thjesht një akt formal që pranon një aspekt të historisë.

Zoti Agolli, ditët e fundit opinioni është përfshirë në debatin nëse duhet t'i jepet statusi i veteranit Enver Hoxhës. Sa e drejtë është, sipas jush, dhënia e këtij statusi ish-diktatorit?
Të gjithë ata që kanë marrë pjesë në Luftën Nacionalçlirimtare dhe kanë luftuar pushtuesin fashist, nazizmin dhe tradhtarët e vendit, e kanë statusin e veteranit. Pavarësisht çfarë mund të themi sot, se si shihet emri i Enver Hoxhës, është marrëzi që të mos i japësh statusin e veteranit atij që ka luftuar. Kjo çështje duhet parë me ftohtësi dhe në kuadrin historik të luftës.

Por kërkesa e familjes së Hoxhës për dhënien e statusit është hedhur poshtë nga ministri i Mbrojtjes, Pandeli Majko...
Duhet të sqarojmë një gjë. A ka qenë Enver Hoxha me pushkë në krah në luftë? A ka qenë Enver Hoxha komandant i përgjithshëm i Luftës Nacionalçlirimtare? Ai e ka futur Shqipërinë në Lidhjen e Kombeve të Bashkuara dhe ka formëzuar shtetin. Të gjitha këto nuk mund t'ia mohojë njeri.

Dhënia e këtij statusi mund të sjellë reagim tek populli. Si mendoni?
Unë nuk them që sot atij t'i jepet "Shqiponja e Artë", një dekoratë e lartë. Por populli duhet të mësohet me historinë .
Ata që janë fanatikë, apo ata që kanë pësuar ndonjë fatkeqësi, duhet ta shohin historinë siç është. Ne s'mund të themi që ai ka qenë përkrah fashistëve. Historia është ajo që është.

Çako: Status ballistëve nëse i jepet Enverit

Deputeti i Ballit, Alfred Çako, u shpreh se Enver Hoxhës do t'i jepej statusi i veteranit vetëm në rast se ky status do t'u jepej edhe ballistëve të rënë në luftën e zhvilluar në vitin 1943. Një gjë e tillë është paraqitur edhe në projektligjin e hartuar prej tij. "Në projektligjin që ne kemi hartuar është kërkuar që të ndryshojë statusi i veteranit. Ose të shkojë në zero, të mos ketë asnjë status të tillë", tha Çako. Një tjetër variant i tij është edhe njohja si luftë civile ajo e vitit 1943, "dhe të dyja palët të jenë njësoj në status".

Nexhmije Hoxha: Enveri s'është si të tjerët

"Nuk do të ndjek procedurat ligjore për të fituar statusin e veteranit për Enverin, pasi ai njihet botërisht se ishte Komandanti i Ushtrisë Antifashiste NacionalÇlirimtare". Ky është reagimi i bashkëshortes së ish-diktatorit Enver Hoxha, Nexhmije Hoxha, dhënë dje për mediat. Reagimi vjen menjëherë pas sqarimit të dhënë nga Ministria e Mbrojtjes për vendimin e marrë, në të cilin thuhej se dosja që nevojitet për dhënien e këtij statusi Enver Hoxhës është e paplotë dhe se duhen edhe disa dokumente. "Unë për të fituar statusin e veteranit kam ndjekur të gjitha procedurat ligjore, por nuk mund ta bëj një gjë të tillë për atë që njihet se ishte komandant", tha Nexhmije Hoxha. Ajo shpjegoi se arsyeja e vetme e letrës së dërguar prej saj te Presidenti i Republikës ishte vetëm dhënia e statusit të veteranit Enver Hoxhës dhe jo për të përfituar pension nga ky status.

SKËNDER GJINUSHI
Që t'i jepet statusi i veteranit Enver Hoxhës, duhen parë kriteret që duhen plotësuar. Nëse i takon sipas kritereve, le t'i jepet. Por, mesa dimë, veterani duhet të ketë qenë në luftë. Enveri ka qenë komandant dhe komandanti merr pjesë në luftë. Kjo s'ka lidhje me atë çfarë ka bërë më pas ai. Është njësoj si t'i mohosh Salës pjesëmarrjen në lëvizjen e dhjetorit.

NERITAN CEKA
Një veprim i tillë është abusrd dhe me përmbajtje politike. Shpallja e Enver Hoxhës veteran lufte është jashtë çështjeve historike, por një cilësim thjesht politik. Është një përpjekje për të rikthyer figurën e Enver Hoxhës, gjë që është e pamundur. Ky debat është i padobishëm, pasi i duhet lënë historianëve që të bëjnë vlerësimin e tyre.

PASKAL MILO
Enver Hoxhës nuk mund t'ia japësh statusin, kur ai e ka. Është absurde të diskutosh për një gjë të tillë, pavarësisht nga komentet dhe reagimet që ngjall figura e Enver Hoxhës. Është një e vërtetë që s'mund ta fshijë askush, se ai ka qenë komanndant i luftës dhe e ka drejtuar atë. Vetë debati për dhënien e statusit është absurd.

URAN METKO
Historia bëhet nga ata që fitojnë. Ne na është ofruar historia që është bërë nga vetë Enveri. Historianët së fundmi kanë nxjerrë fakte që vërtetojnë që Enveri nuk ka qenë fare partizan, por një emisar i sllavokomunizmit në Shqipëri. Mendoj që, përderisa historia ende nuk është vënë në linjën reale, do të ishte mirë të mos merrej një veprim i tillë për t'i dhënë statusin e veteranit Hoxhës.

DASHAMIR SHEHI
Absolutisht që nuk i takon Enver Hoxhës që të marrë statusin e veteranit, pasi ai ishte diktatori më i egër i vendit tonë dhe i Europës. Fakti që ka bërë luftë nuk do të thotë se atij duhet t'i takojë ky status, pasi edhe Hitleri ka bërë luftë, por kjo nuk do të thotë që t'i varim dekoratat e medaljet për masakrat që ka bërë.

SHPËTIM ROQI
Kryekriminelit nuk mund t'i jepet një vend nderi. Ky është restaurimi i komunizmit dhe i kriminelëve, pas restaurimit ekonomik që ata i kanë bërë vetes. Ata janë në gjendje të prodhojnë ngjarje më të dhunshme se ato të 1990-s. Ky është absurdi i politikanëve shqiptarë, që kanë lënë pa strehë ish-të përndjekurit politikë dhe kërkojnë t'i japin statusin e veteranit kryekriminelit.

Faqja 5 - POLITIKE

Janar 8, 2005

Gjykata Kushtetuese i jep të drejtë kërkesës së PSD për ndarjen e zonave

Bllokohet harta elektorale

Berisha: Vendimi, nën diktatin e Nanos

Blerina Gjoka

Faqe 5 - Aktualitet

zonat zgjedhore

vendimi

Institucioni i drejtuar nga Gjergj Sauli voton kërkesën e socialdemokratëve të Gjinushit

Kushtetuesja rrëzon 100 zonat zgjedhore

Vendimi nuk e cënon marrëveshjen e 30 dhjetorit mes PS e PD

Bledar Hoti

Gjykata Kushtetuese shpall si antikushtetues paragrafin e nenit 77 të Kodit Zgjedhor, i cili përcakton se ndarja e re e 100 zonave zgjedhore duhet të bëhet mbi bazën e numrit mesatar të atyre shtetasve që kanë votuar. Me shumicë votash, kjo gjykatë i ka cilësuar si antikushtetues këtë kriter, duke kërkuar shfuqizimin e menjëhershëm të paragrafit të këtij neni të Kodit Zgjedhor. “Gjykata Kushtetuese frazën në nenin 73 të Kodit: “që kanë marrë pjesë në votime”, e cilëson si antikushtetuese dhe kërkon heqjen e saj. Ajo nuk është e pajtueshme me Kushtetutën. Ky vendim është i formës së prerë dhe hyn në fuqi në ditën e publikimit në fletoren zyrtare të tij”, tha dje gjyqtari Sokol Sadushi. Sipas shpjegimit të trupit të gjyqtarëve nuk mund të realizosh një ndarje të zonave zgjedhore, mbi bazën e numrit të personave që kanë votuar, por duhet mbi bazën e numrit të përgjithshëm të zgjedhësve. Gjithashtu, një sanksionim i tillë mund të lërë jashtë ata zgjedhës që kanë fituar të drejtën për të votuar, 18-vjeçarët. Gjykata me këtë vendim ka pranuar kërkesën e bërë nga Partia Socialdemokrate, e cila kërkoi shpalljen si antikushtetuese të këtij sanksionimi të ligjit zgjedhor. Për ndarjen e re të zonave zgjedhore do të merren në konsideratë jo ky kriter, pasi drafti i ri i paraqitur në Kuvend që në muajin dhjetor të vitit të kaluar, është antikushtetues. Neni 73 Në Kodin Zgjedhor, në nenin 73, parashikohet krijimi i zonave zgjedhore mbi bazën e disa kritereve. “Ndarja e zonave zgjedhore bëhet sipas kritereve të mëposhtme: Numrit të zgjedhësve që kanë marrë pjesë në votime, në çdo njësi zgjedhore në zgjedhjet e fundit që i paraprijnë mbledhjes së Komisionit. Asnjë zonë zgjedhore nuk lejohet të ketë devijim më të madh ose më të ulët se 5 për qind nga numri mesatar i zgjedhësve në shkallë Republike, përveç rasteve që detyron zbatimi i pikës 7 të këtij neni. Numri mesatar përcaktohet nga pjesëtimi i numrit të përgjithshëm të zgjedhësve që kanë marrë pjesë në votime me numrin 100 të zonave të zgjedhjeve. Vazhdueshmërisë së zonës zgjedhore. Asnjë zonë zgjedhore nuk lejohet të ketë ndërprerje ose ndërfutje me zona të tjera zgjedhore”, thuhet në nenin 73 të Kodit. Pikërisht shprehjen “Numri mesatar përcaktohet nga pjesëtimi i numrit të përgjithshëm të zgjedhësve që kanë marrë pjesë në votime me numrin 100 të zonave të zgjedhjeve”, kjo gjykatë e ka shfuqizuar. Marrëveshja PS-PD Edhe pse Kushtetuesja dha një vendim të tillë, ai mund të jetë pa vlerë, pasi dy partitë më të mëdha politike, PS-PD, më 30 dhjetor nënshkruan një marrëveshje, e cila rrëzoi kriterin që zonat e reja zgjedhore të ndërtohen mbi bazën e numrit mesatar të votuesve dhe jo të zgjedhësve. Marrëveshja e re e firmosur nga Topi për PD-në dhe Ruçi për PS-në, ka si dëshmitar ambasadorin e ri të OSBE-së, Pavel Vaçek. Pas firmosjes së saj është vendosur që brenda muajit shkurt të realizohet ndarja e re e 100 zonave zgjedhore.   Krahasimi Sherifi: Më shumë deputetë fshati se qyteti PS është një ka forcat kryesore politike ka qenë kundër kriterit që u përdor për ndarjen e re të zoanve zgjedhore, duke mos marrë numrin e përgjithshëm të votuesve, por të atyre shtetasve që kanë votuar në zgjedhjet e fundit. Elmaz Sherifi, kryetar i komisionit të Ligjeve e ka cilësuar të drejtë vendimin e Gjykatës Kushtetuese, pasi kriteri përcaktuar në nenin 73 të Kodit Zgjedhor ishte antikushtetues. “Një përcaktim i tillë mohon të drejtën e tyre shtetave që kanë mbushur 18 vjeç për të votuar. gjithashtu nk mund të merren në konsideratë listat e përdorura në zgjedhjet e vitit 2003, pasi vetë partitë politike kanë patur objeksionet e tyre, si dhe ka patur një përqindje të vogël votuesish. Gjithashtu edhe me këtë ndarje do të kishim më shumë deputetë në zonat rurale se në ato urbanë,, kur realiteti dmeokgrafik flet ndryshe”, thekson Sherifi. Berisha: I besojmë marrëveshjes me OSBE ”Ne kemi një marrëveshje me OSBE-në dhe besojmë në të”, ka komentuar dje kreu demokrat, Sali Berisha, rrëzimin e ligjit për ndarjen e zonave zgjedhore nga Gjykata Kushtetuese. Ai i ka cilësuar anëtarët e kësaj gjykate si mercenarë që mund të marrin çdo lloj vendimi, por kjo nuk e hedh poshtë marrëveshjen. Madje, për të theksuar rëndësinë e saj, Berisha ka argumentuar se për të arritur deri tek nënshkrimi, është ndërmjetësur edhe nga përfaqësues të Komisionit Evropian në Tiranë. Berisha tha se, Gjykata Kushtetuese u mblodh parakohe për të marrë vendimin në favor të kërkesës së Partisë Socialdemokrate, pasi ishte për t’u mbledhur më datën 10 janar. Pikërisht në këtë datë, Kuvendi pritet të mblidhet në një seancë të jashtëzakonshme për të miratuar draftin e reformës elektorale.   Bie amendamenti për emigrantët Komisioni i Ligjeve “rrëzon” LSI dhe LZHK Komisioni Parlamentar i Ligjeve nuk mori dje në konsideratë amendamentet e paraqitura nga dy forcat politike, LSI dhe LZHK, që të kenë të drejtën e anëtarëve në komisionet e Zonave Zgjedhore dhe në komisionet e Qendrave të Votimit. Gjatë diskutimit në komision, deputetët e Lëvizjes Socialiste për Integrim, Mustafa Muçi, dhe të LZHK-së, Eqerem Spahia, paraqitën amendamente, me anë të të cilave kërkuan përfshirjen e tyre në komisionet e votimit, por këto propozime nuk u morën parasysh. Muçi tha dje se, me këto nene të Kodit Zgjedhor numërimi i votave në një furgon sjell manipulimin e votave nga të dy partitë e mëdha, duke akuzuar Partinë Socialiste dhe Partinë Demokratike për përpjekje në manipulimin e zgjedhjeve të ardhshme. Gjithashtu, komisioni ka hedhur poshtë edhe një amendament të deputetit Muçi që në këto zgjedhje të votojnë edhe emigrantët. “Ne kërkojmë transparencë për mënyrën e votimit, ndërsa ju i vendosni ato në furgon, kush na garanton ne transparencën për fletët e votimit, të cilat nuk kanë as kundërbiletën”, theksoi Muçi. Të njëjtin qëndrim ka mbajtur edhe Spahia i LZHK-së, i cili kërkoi që të dy partitë të kenë anëtarët e tyre në KZZ dhe në KQV. Por kryekomisioneri i Ligjeve, socialisti Sherifi, kundërshtoi qëndrimin e deputetëve të LSI-së dhe të LZHK-së, duke u shprehur se “votat nuk do të vidhen dhe se procesi i numërimit të votave është transparent dhe i hapur për të gjitha partitë politike, si dhe për median”. Edhe deputeti i PR-së, Mediu, theksoi se “nuk ka sesi dy forca PS dhe PD të vjedhin votat, pasi kështu nuk do të kishte fitues, por unë jam kundër hyrjes së dy partive të tjera”. Komisioni i Ligjeve vendosi që LSI-ja dhe LZHK-ja të jenë vetëm me statusin e vëzhguesit në këto zgjedhje parlamentare.

(©AFP / 08 janvier 2005 16h04)

Un soldat tue un jeune homme d'ethnie albanaise dans le sud de la Serbie

BELGRADE - Un garde-frontière de l'armée de Serbie-Monténégro a tué un jeune homme d'ethnie albanaise dans la région troublée de la vallée de Presevo (sud de la Serbie), a indiqué samedi le ministre de la Défense, selon l'agence Beta.

"Selon les premiers résultats de l'enquête, Dashnim Hajrullahu a été tué alors qu'il franchissait illégalement la frontière, un garde-frontière ayant réagi en accord avec les règles de service", a dit le ministre Prvoslav Davinic, cité par Beta.

Le ministre s'est rendu rapidement sur place et a rencontré des responsables de la communauté albanaise afin de tenter de réduire la tension provoquée par cet incident.

Dashnim Hajrullahu, 16 ans, a été tué vendredi alors qu'il tentait de franchir illégalement la frontière entre la Macédoine et la Serbie pour retourner dans son village de Miratovac, situé à 500 m de la frontière.

Après sa mort, quelque 200 personnes d'ethnie albanaise, conduits par leurs leaders politiques, se sont rassemblés pour protester, accusant l'armée de Serbie-Monténégro du meurtre.

Au nom du gouvernement et de l'armée, M. Davinic a présenté ses condoléances à la famille promettant "une enquête approfondie et des sanctions" en cas de faute de la part d'un soldat.

"Un soldat à la frontière a tiré sur ce jeune homme", a indiqué à l'AFP Ivan Bulatovic, un responsable de la justice de Nis (sud), précisant avoir ouvert une enquête.

A Miratovac, un parent du jeune homme a indiqué à l'AFP que c'était la première fois que Dashnim Hajrullahu tentait de franchir illégalement la frontière après une visite à sa mère en Macédoine.

Limitrophe du Kosovo, la vallée de Presevo où vit une importante communauté albanaise, a été le théâtre de 2000 à 2001 d'affrontements entre forces serbes et guérilleros séparatistes albanais qui avaient constitué une "Armée de libération de Presevo, Mevedja et Bujanovac (ALPMB)".

Fin novembre dernier, l'armée de Serbie-Monténégro a décidé d'y renforcer sa présence avec deux bataillons supplémentaires.

Selon Belgrade, d'anciens guérilleros de l'ALPMB ont crée un nouveau groupe "l'Armée nationale albanaise" (ANA) qui affirme combattre pour une "Grande Albanie" comprenant le Kosovo (majoritairement peuplé d'Albanais) une partie de la Macédoine et le sud de la Serbie.

Considéré par la mission de l'Onu au Kosovo comme "une organisation terroriste", l'ANA a revendiqué l'année dernière plusieurs attaques contre des objectifs de l'armée et de la police serbes.