09092005

Vetem dy dite pas votebesimit te qeverise se tij, Berisha fillon mandatin me pjesemarrjen ne Samitin Boteror te OKB-se, ku do te mblidhen, ne nivelin me te larte, 170 krere shtetesh dhe qeverish, nder te cilet dhe Bush, i cili organizon nje pritje private per te gjithe

Ernest Bunguri

Mandati i Qeverise Berisha pritet te filloje me kembe te mbare, te pakten per kreun e qeverise, i cili votebesohet sot, maksimumi neser, nga Kuvendi shqiptar. Fill pas marrjes se mandatit, Sali Berisha do te largohet jashte atdheut, jo me pushime, por per te marre pjese ne takimin e nivelit me te larte qe zhvillon Organizata e Kombeve te Bashkuara ne Nju Jork. Me 14, deri me 16 shtator, Alfred Moisiu, Sali Berisha dhe Besnik Mustafaj, do te perfaqesojne keshtu Shqiperine ne takimin, qe mbledh per here te pare, plot 170 krere shtetesh dhe qeverish, nder te cilet, sigurisht ato me te rendesishmit, ne seline e OKB-se.

Pas samitit te Sarajeves ne vitin 1999, ku Mejdani, Majko dhe Milo ishin ne nje salle me Klintonin, ky eshte edhe takimi i dyte, jo i te njejtit nivel, ku tre drejtuesit me te rendesishem te diplomacise shqiptare, pritet te jene ne te njejte salle me Bushin. E rendesishme, pervec seriozitetit te pamohueshem te nje takimi te tille, edhe kur dihet se cfare shkakton per shqiptaret, qofte edhe nje foto e lidereve tane me Presidentin Amerikan.

I ftuar prej kohesh nga kjo organizate, kryesuesi i delegacionit, Presidenti i Republikes, deri para disa ditesh, nuk e kishte plotesuar akoma mire listen e anetareve te tjere te perfaqesuesve shqiptare, megjithese ne ftese perfshiheshin edhe Kryeministri dhe Ministri i Jashtem i vendit. Ky i fundit, Besnik Mustafaj, konfirmoi para dy-ditesh pjesemarrjen e tij ne kete samit te rendesishem, i shtyre dhe nga bindja e plote, qe qeveria e re dhe posti i tij, do te konfirmohen dhe votebesohen ne Kuvend, para dates se nisjes per ne Nju Jork. Nderkohe qe, Sali Berisha nuk kishte vendosur ende ne do te merrte pjese apo jo, deri dje, kur pjesemarrja e tij u konfirmua nga zyrtare te larte te Partise Demokratike.

Nga ana e Presidentit, para ketij konfirmimi, rezerva kryesore ishte, fillimisht vonesa dhe zvarritja e procesit zgjedhor, gje qe rrezikonte te linte vendin pa qeveri dhe kryeminister, deri ne kete date. E per te mos i bere qejfin askujt, ne menyre qe askujt te mos i mbetej hatri, fillimisht kishte vendosur te niset, si perfaqesuesi i te vetmit institucion shqiptar. Kjo duke pasur parasysh, qe votebesimi i vonshem i qeverise do te kishte bere qe ligjerisht, te ishte Fatos Nano kryeministri i vendit. Nderkohe qe para 14 shtatorit, kryeminister megjithe kabinet dhe mandate, konfirmohet vetem Berisha. Ky i fundit, se bashku me Mustafaj, gjate samitit shoqerojne Presidentin e Republikes, i cili ne rolin e kreut te delegacinit, eshte i vetmi nga te tre qe do te mbaje fjalen, duke perfaqesuar Shqiperine. Por takime te tilla, per kryeministrin e sapozgjedhur, jane nje shans i vertete per shtrengime duarsh dhe lidhje kontaktesh me krere shtetesh dhe qeverish, te cilet mblidhen se bashku ne sallonet, korridoret, dhe sallat e ndryshme te Selise se OKB-se ne Nju Jork. Sipas zyrtareve te PD-se, Moisiu dhe Berisha do te largohen nga samiti, ne perfundim te dy diteve te takimit te nivelit te larte. Nderkohe qe Besnik Mustafaj, ministri i jashtem i vendit, do te qendroje dhe perfaqesoje Shqiperine ne Asamblene e Pergjithshme, qe zgjat deri me 22 shtator.

ernestbunguri@korrieri.com

Cfare synon samiti i OKB

Samiti Boteror 2005, qe mbahet me 14 deri me 16 shtator ne Seline e Organizates te Kombeve te Bashkuara ne Nju Jork, bashkon kesaj rradhe, ne nje rekord historik, 170 shefa shtetesh dhe qeverish nga i gjithe globi. Nje rast ky per te marre vendime ne fushat e zgjedhura nga Kofi Anan, Sekretari i Pergjithshem i organizates, dhe qe kane te bejne me zhvillimin, sigurine, te drejtat e njeriut, por edhe me reformen e vete Organizates te Kombeve te Bashkuara. "Samiti boteror do t'i ofroje vendeve te Botes, rastin e rralle per t'u bashkuar kunder kercenimeve te renda qe peshojne mbi te gjithe dhe qe kerkojne zgjidhje kolektive dhe energjike", nenvizon Kofi Anan, ne lidhje me kete takim te nivelit te larte. "Ky samit do te ofroje gjithashtu, rastin per ringjalljen e OKB-se, duke qene me nje fjale, rasti per t'u kapur, per te tere njerezine", fton Anan.

Bush, pritje private lidereve

Zyra e informacionit e Presidentit Amerikan, ne nje komunikate per shtyp te shperndare dje, ka konfirmuar, se Presidenti Xhorxh Bush do te marre pjese ne Samitin Boteror te OKB-se per kete vit. Pervec kesaj, nga komunikata mesohet se ky i fundit do te mbaje edhe nje pritje private per lideret e pranishem ne Nju Jork, ne pasditen e 13 shtatorit, nje dita para celjes se samitit. Ne kete te fundit, dhe ne pjesen e fjalimeve te nivelit te larte, Bush do te mbaje fjalen e tij, pikerisht pas hapjes se takimit te Asamblese te Pergjithshme. Njoftohet se Presidenti amerikan do te theksoje angazhimin e SHBA-ve ne nje axhende te zgjeruar nderkombetare, e cila lidhet me lirine, demokracine, tregetine dhe zhvillimin si dhe me sigurine.

Faqja 4 - AKTUALITET

Shtator 10, 2005

Kryeministri: Me Turqinë ridimesionim të marrdhënieve

Berisha: Shpërblim ata që denoncojnë korrupsionin

Paraqitet programi me disa korigjime

Armando Meta

Starton në Kuvend, programi qeverisës i shumicës së re. Kryeministri, Sali Berisha, ka parqitur dje në Kuvend, në vija të përgjithshme, programin politik të Këshillit të Ministrave që ai do të drejtojë për legjislaturën 2005- 2009 dhe përbërjen e tij. Kryeministri ka deklaruar se në përpjekjen madhore të qeverisë për luftën kundër korrupsionit dhe rryshfetit do të shpërblehen të gjitha denoncimet e suksesshme, dhe do të vendosen linja komunikimi falas për denoncimin e tij. "Ne do të inkurajojmë denoncimin e akteve të korrupsionit nga qytetarët dhe përfitimi nga ana e tyre e një përqindjeje të vlerës së dëmit të parandaluar", ka premtuar Berisha. Në fjalën e Berishës ka mjaft elementë të rinj që nuk janë përfshirë në programin e qeverisë, ku më shumë bie në sy deklarata e tij për "ridimensionim të marrëdhënieve me Turqinë mike, në të gjitha fushat". Në kujtesë është ende e freskët bojkotimi që Berisha i bëri fjalës së kryeministrit turk Erdogan, gjatë vizitës së tij zyrtare në Tiranë. Vëzhgues politik e komentuan këtë si një "incident mjaft të rëndë" në aspektin diplomatik.

ZGJEDHJET 2006
Berisha deklaron se axhenda e 100 ditëve të para të qeverisë nis me të gjitha vendimet e domosdoshme që i takojnë asaj për të garantuar votën e lirë dhe për t'i dhënë kështu fund mundësive të manipulimit me lista dhe çertifikata, përjashtimit politik të qytetarëve nga e drejta e votimit. Sipas tij, qytetarët do të pajisen me sisteme më moderne të letërnjoftimeve, pashaportave, adresave, numrit personal. "Zgjedhje të lira dhe të ndershme lokale në vitin 2006 është zotimi ynë solemn para qytetarëve shqiptarë dhe mbarë miqve tanë", deklaron Berisha. Sipas tij, qeveria angazhohet për të zhdukur "Dushkun" dhe në frymën e konsensusit, tashmë të krijuar për reformën zgjedhore, të bëjmë të gjitha ndryshimet ligjore të nevojshme për përsosjen e procesit zgjedhor.

ADMINISTRATA
Kryeministri deklaron se reformat e administratës publike do të kenë si qëllim një administratë të ndershme, të përkushtuar, të aftë dhe profesioniste, të vogël por efiçiente, jashtë konflikteve të interesit, nepotizmit, lokomotivë e reformave të pandërprera të sistemit demokratik, shërbëtore e denjë e misionit të saj fisnik.

RRYSHFETI
Sipas Berishës, është dramatike dhe e patolerueshme fakti që ish- qeveritarëve të administratës aktuale publike, qytetarët dhe biznesmenët shqiptarë i paguajnë ryshfet për shkollimin, punësimin, mjekimin, për vehte dhe fëmijët e tyre, për marrjen e dokumentave zyrtare apo shërbime të tjera jo 300 apo 600 milion dollarë, por 1400 milion dollarë ne vit, pra 466 dollar për frymë, reth 4,6 herë më e lartë se në vendin e dytë pas Shqipërisë. "Është shpirtkazmëri dhe cinizëm ekstrem të gjobitësh me 1,4 miliard dollarë ne vit popullin më të varfër të Europës. Zotohemi që lufta kundër rryshfetit, në kuadrin e luftës kundër korrupsionit, do të shpallet emergjencë kombëtare", deklaron Berisha.

KORRUPSIONI
Sipas Berishës, është vendimtare lufta kundër korrupsionit. Çmontimi i korrupsionit me forcën e hekurt të ligjit dhe me shpejtësi, është shërbimi i parë madhor që mund t'ju bëhet aktualisht shqiptarëve. "Betejën kundër korrupsionit do ta nisim nga kryeministri, ministrat e tij, për të zbritur në të gjitha nivelet dhe për t'u shtrirë në të gjitha pushtetet. Deputetët e mazhorancës heqin dorë kolektivisht nga imuniteti, lidhur me veprat penale të korrupsionit dhe krimit ordiner. Brenda 60 ditëve të para ne do të amendojmë ligjet e prokurimeve publike dhe të koncensioneve. Do të vendosim transparence të plotë në të gjithë prokurimet dhe shpenzimet buxhetore", thekson Berisha.

PARANDALIMI
Për të zbatuar strategjinë e parandalimit dhe luftës kundër korrupsionit, Këshilli i Ministrave, sipas Berishës, do të krijojë një Task Force të kryesuar nga kryeministri dhe mazhoranca, do të inkurajojë intensifikimin e kontrollit parlamentar për të gjitha shpenzimet publike. "Ne do të inkurajojmë denoncimin e akteve të korrupsionit nga qytetarët dhe përfitimi nga ana e tyre e një përqindjeje të vlerës së dëmit të parandaluar, dënimi për veprën penale do të rendohet", premton Berisha.

DHURATAT
Kryeministri premton se lufta kundër rryshfetit do të nisi që nga Kryeministri, ministrat dhe konkretisht me dhuratat, të cilat do të dorëzohen që të gjitha, kur kalojnë shumën e parashikuar me ligj. "Penalitetet per rryshfetin do të rendohen dhe do të shpërblehen të gjitha denoncimet e suksesshme, do te vendosen linja komunikimi falas për denoncimin e tij, edhe anonim, në kryeministri dhe dikastere", deklaron Berisha.

SFIDAT
Berisha ka përcaktuar si sfida madhore legalizimin e banesave dhe administrimi i territorit; luftën kundër kontrabandës dhe evazionit fiskal; zbatimin me rigorozitet dhe në kohë të të gjitha vendimeve të gjykatave, urdhërave dhe vendimeve të institucioneve; ndëshkimi me rreptësi i shkelësve të ligjit, pa asnjë dallim.

LETRAT ME VLERË
Berisha premton privatizim të plotë të sektorëve strategjikë, duke përfshirë edhe përdorimin e letrave me vlerë të qytetarëve shqiptarë.

PËRGJYSMIM I TAKSAVE
Kryeministri premton përgjysmim të taksave të biznesit të vogël, ulje progresive të TVSH, fillimisht në 17 % dhe për disa zëra të vecantë në 6%, ulje më 33 % në tërësi të barrës fiskale krahasuar me nivelin aktual të saj.

UJË- ENERGJI
Berisha premton garantim të furnizimit me energji elektrike brenda vitit 2008 nëpërmjet integrimit në tregun rajonal dhe ndërtimit të burimeve të reja.

7501 NUK NDRYSHON
Zhvillimi i agrobiznesit, sipas Berishës, është një përparësi tjetër madhore e zhvillimit ekonomik të vendit. Për të realizuar këtë objektiv qeveria, sipas tij, do të përfundojë: procesin e garantimit të të drejtës së pranësisë mbi tokën dhe regjistrimin e saj, duke mundësuar kështu tregun e tokës, natyrisht pa ndryshuar Ligjin 7501. Nafta, sipas tij, do te shitet me 40 lek litri për të gjithë përdoruesit bujqësor.

SHTETI SOCIAL E PUNËSIMI
I pari i të parëve, sipas Berishës, do të jetë i papuni, i urituri, fëmija, i sëmurë, i pamunduri, i pastrehë. "Punësimin me shpejtësi të shqiptarëve ne do ta bazojmë në realizimin me shpejtësi të programit ekonomik që paraqitëm në këtë kuvend, kontratë e veçantë me çdo punëdhënës, duke i garantuar lehtësi fiskale dhe akorduar një prim për çdo të punësuar, kredi për biznese të vogla për qytetarët", deklaron Berisha.

RROGAT E PENSIONET
Kryeministri deklaron se qeveria ka vendosur të dyfishojë, gjatë katër viteve, rrogat e ulta dhe pensionet, të ngushtojmë në 1:5 diferencën midis rrogave të ulta dhe rrogave të mesme, por edhe të shpërblejnë sipas meritës.

STREHIMI
Qeveria, sipas Berishës, angazhohet për një politikë aktive strehimi. Për këtë qëllim, sipas tij, ajo do të investojë ngritjen e 4000 apartamenteve që do t'u shpërndahen familjeve më në nevojë.

VOTA E EMIGRANTËVE
Berisha deklaron se një kuadër i tërë ligjor dhe institucional do të ngrihet për të garantuar të drejtën e votes së emigrantëve, përjashtim tre vjet nga taksat për investimet e tyre në biznesin e vogël.

POLITIKA E JASHTME
Politika e jashtme do të zgjerojë dhe konsolidojë bashkëpunimin miqësor të gjithanshëm me vendet e rajonit, vendet anëtare të BE-së, SHBA-në. "Një rëndësi të veçantë dhe dimensione të reja miqësore do të njohin marrëdhëniet me Greqinë dhe Italinë, vende të zhvilluara këto, anëtare të BE-së dhe NATO-s, ku jetojnë rreth një million shqiptarë. Marrëdhëniet me Turqinë, miken tradicionale të vendit tonë, do të ridimensionohen në të gjitha fushat", ka deklaruar Berisha. Marrëdhëniet me të gjitha vendet anëtare të BE-së dhe në veçanti me vendet e mëdha si Gjermaninë, për të cilën Shqipëria është vendi i parë i ndihmës për frymë, Franca, Britania, Italia, si dhe Austria, kjo mike e përhershme e shqiptarëve, janë një përparësi e madhe, ndërsa marrëdhëniet miqësore dhe bashkëpunimi me SHBA-në, aleatin strategjik kryesor, janë një prioritet i madh.

KOSOVA
Berisha deklaron se qeveria e kosndieron përcaktimin e statusit të Kosovës në përputhje me vullnetin e qytetarëve të saj dhe në bashkëpunim të ngushtë të autoriteteve vendore dhe grupit të kontaktit, duke mos ndryshuar kufijtë aktualë ndërkombëtar të Ballkanit, përfshirë këtu kufijtë ndërkombëtar të Kosovës, si përcaktuese për paqen dhe stabilitetin në rajon.

09/09/2005 http://www.ata-al.net/index.aspx?lang=f

M. BERISHA: "LE PRINCIPAL BUT DU NOUVEAU GOUVERNEMENT EST L'ACCROISSEMENT DU BIEN-ETRE DES CITOYENS"

     TIRANA, 9 sept /ATA-Maela Marini/ - Le leader du Parti démocratique (PD), en même temps Premier ministre du pays, Sali Berisha, a déclaré vendredi que "le principal but du nouveau gouvernement est l'accroissement du bien-être des citoyens albanais".
     Dans ce contexte, M. Berisha a mis en évidence que "le nouveau gouvernement ouvrira la voie à la croissance économique durable du pays, à travers la réalisation des réformes dans le domaine du tourisme, de l'agriculture, ainsi qu'à travers l'encouragement des investissements”.
     Selon M. Berisha, la réalisation des réformes sociales stimulera la réduction du taux de chômage dans le pays, le doublement des salaires et des pensions de retraite, ainsi que l'accroissement du bien-être économique des citoyens”.
     M. Berisha a également souligné que le programme du nouveau gouvernement prévoit
"légaliser les habitations d'ici en 2006 et suivre une politique active pour le logement et la question de la compensation des propriétés”.
    "Dans les secteurs de l'enseignement et de la santé seront entreprises des réformes approfondies, visant à remplir les standards de l'Union européenne", a-t-il ajouté.
/eri/er/

9 Shtator 2005 http://www.panorama.com.al/

Faqe 2 - Politikë

Berisha lexon programin e qeverisë: Reformë në administratë dhe rend

PD rikthen letrat me vlerë

Ruli: Do të rishikohen të gjitha koncesionet

Eva Gjura

PD do të rikthejë letrat me vlerë. Kartat, që për 8 vite u mbyllën në shtëpitë e shqiptarëve pritet të përdoren në privatizimet strategjike apo ato jostrategjike.

Pohimin e bëri dje gjatë seancës së Kuvendit, ministri i ardhshëm i Ekonomisë, Genc Ruli. Ruli, duke ju përgjigjur pyetjes të socialistëve, theksoi se do të rishihen edhe një herë të gjitha koncesionet e dhëna nga qeveria. Pyetja e socialistëve kishte si synim një përgjigje për koncesionin e famshëm të hekurudhës Tiranë Durrës, të General Elektrik. Ruli në përgjigje përmendi kritikat e Bankës Botërore dhe FMN për këtë projekt, për të argumentuar rishikimin e të gjitha koncesioneve. Ministri i Ekonomisë konfirmoi dje se do të rishikohet edhe një herë privatizimi i Telekomit, ndërsa përmendi uljen e çmimit të energjisë si rezultat i heqjes së TVSH. “Në vitin 2007 do të ketë drita 24 orë, pavarësisht situatës të rëndë apo të rënduar nga një mosadministrim i mirë, sidomos në këtë 6 mujor të sistemit të energjisë elektrike, mendoj që në vitin 2007 do bëhet një gjë e tillë”.

Programi i Berishës
Për rreth 55 minuta, kryeministri i ri, Berisha, ka lexuar pjesët kryesore të programit të tij qeverisës. Dje në Kuvend, akoma në prezencë të socialistëve, lideri i ri i ekzekutivit ka treguar piketat e qeverisjes së tij. Gati të gjitha fjalitë e programit fillojnë me fjalën “reformë”. Berisha ka paralajmëruar dje zvogëlimin e administratës. “Të gjitha reformat e administratës publike do të kenë si qëllim një administratë të ndershme, të përkushtuar, të aftë dhe profesioniste, të vogël por eficente”, thuhet në programin qeverisës. Në program parashikohet që të rishihet edhe një herë i gjithë procesi zgjedhor. Berisha premtoi se do të pajisë të gjithë shqiptarët me sisteme më moderne të letërnjoftimeve, pasaportave, adresave, numrit personal, duke shmangur në këtë mënyrë përdorimin e certifikatave, kartë e përdorur kjo nga të dy krahët e politikës për të akuzuar njëra-tjetrën si falsifikatore. Berisha premtoi uljen e korrupsionit, duke përmendur shifrën e 1.4 miliard dollarëve në vit që shqiptarët paguanin deri tani si ryshfet. Berisha ka kërkuar edhe bashkëpunimin e së majtës, por menjëherë pas fjalimit të tij, deputetët e PS janë larguar nga salla. Ai ka premtuar zhvillimin dhe konsolidimin e institucioneve të shtetit modern demokratik, që ka në themel garantimin dhe zgjerimin e lirive dhe të drejtave themelore të individit. “Çmontimin e sistemit të korrupsionit, këtij kanceri që ka kapluar tërë qenien e shoqërisë më të lodhur dhe më të varfër në Evropë. Zhvillimin e shpejtë, të balancuar, të qëndrueshëm, ekonomik dhe njerëzor, shkëputjen e shqiptarëve nga mjerimi dhe varfëria”. Integrimin e Shqipërisë në BE dhe NATO. Qeveri e vogël, në dietë dhe eficente ishte një tjetër zotim i Berishës.

Shefer: Në NATO, pas tre vitesh

Anëtarësimi i vendeve të Ballkanit në NATO do të shtyhet për në vitin 2008. Sekretari i përgjithshëm i NATO-s, Jaap de Hoop Scheffer, ka mbështetur një propozim amerikan për të shtyrë zgjerimin e mëtejshëm të organizatës deri në vitin 2008. Këtë javë, zëvendëssekretari amerikan i shtetit për çështjet evropiane, Kurt Vorlker, ka thënë se amerikanët kanë propozuar dy samite të NATO-s, një në vitin 2006 për forcimin dhe transformimin e organizatës, dhe një në vitin 2008 për zgjerimin, për shkak se, sipas propozimit amerikan, vendet aspirante nuk janë ende gati. De Hoop Scheffer tha se propozimi amerikan duhet më parë të aprovohet nga aleatët, por shtoi se ai e mbështet atë fuqishëm. “Nuk mendoj se fakti që NATO-ja mund të ketë tani një samit në vitin 2008 për zgjerimin do të ketë një pasojë automatike për vendet e interesuara që aspirojnë të bëhen anëtare të NATO-s”, ka thënë Scheffer gjatë një konference shtypi në Bruksel.

ministrat

Ilir Rusmajli
Zv/kryeministri Rusmajli ka hapur seancën e pyetjeve, duke i grupuar ato dhe duke iu përgjigjur shkurtimisht me justifikimin se shumë pyetje janë të përsëritura. Pyetjeve të bëra në adresë të strukturimit të administratës dhe institucioneve te veçanta Rusmajli u është përgjigjur që “struktura e administratës publike i përshtatet programit qeverisës dhe nevojave te vendit”.

Ridavn Bode
Ministri i Financave, Bode, u është përgjigjur në mënyrë të përmbledhur 180 pyetjeve të bëra me karakter ekonomik. Gjatë përgjigjeve të pyetjeve të bëra nga deputetë socialistë, Bode ka thënë se qeveria e re do të mbajë premtimet e bëra për uljen e taksave, por nëse kjo gjë vonohet shkaku do të jetë moskonstituimi
në kohë i qeverisë. Në lidhje me pyetjet ku kërkohet kalendari i punësimit me shifra konkrete, Bode thotë se vetë qeveria nuk punëson, por nxit politika punësimi.

Sokol Olldashi
Ministri i Brendshëm, Olldashi, duke iu përgjigjur pyetjeve të bëra nga deputetët e PS-së është shprehur se nuk vjen në krye të kësaj ministrie për të shkarkuar apo larguar njerëz nga puna. "Ky, tha Olldashi, nuk është qëllimi i punës së qeverisë së re”. Gjithashtu ai theksoi se shpërndarja dhe komandimi i forcave të rendit do të bëhet sepse vetë struktura e kriminalitetit në Shqipëri pëson ndryshime të vazhdueshme. Gjithashtu ai ka premtuar luftë ndaj grupeve kriminale, gjë e cila nuk është bërë deri më tani.

Lulzim Basha
Ministri i Transporteve, Basha, ka premtuar se qeveria e re parashikon se segmentet e mëdha rrugore Durrës-Morinë dhe Lushnjë-Vlorë të jenë të mbaruar në fund të mandatit të saj katër vjeçar. Ndërsa për projektin e qeverisë për trenin elektrik Tiranë-Durrës është harmonizimi midis interesave të ndryshme, siç është interesi për investitorët strategjikë si një shenjë e mirë. Boshti qendror i jugut Tiranë-Memaliaj-Tepelenë-Gjirokastër do të jetë prioritet i qeverisë së re për ta mbaruar brenda programit të saj.

Aldo Bumçi
Ministri i Drejtësisë, Bumçi, u është përgjigjur pyetjeve për drejtësinë dhe reformat që do të ndërmarrë qeveria në drejtësi për të kthyer besimin në sistemin gjyqësor. Bumçi premton përmirësim të sistemit të drejtimit të performancës së gjyqtarëve si dhe përgjegjësisë së tyre para ligjit. Përmirësimi i mjedisit, rritja e transparencës dhe e vlerësimit të punës do të ketë një ndikim edhe në vendimmarrjen e gjyqtarëve.

Qeveria e re, socialistët largohen në shenjë proteste për një orë e gjysmë

PS si PD, braktis Kuvendin

Shkaku: S’u lexuan pyetjet. Rikthehen pas 90 minutash