10032005

E Premte, 11 Mars 2005 http://www.kohajone.com/

MUSTAFAJ: NANO PO NA ARMIQESON ME ALEATET TANE

Sekretari per Marredheniet me Jashte ne PD, Besnik Mustafaj, ka fajesuar politikat e jashtme qe ndjek kryeministri Nano per rastin e ftohjeve te marredhenieve me Italine. (Kane krijuar nje devijacion marredheniet me Italine, nje largim te Shqiperise nga Italia duke braktisur ne nje fare menyre deklarimin e marredhenieve me Italine si strategjike. Ne marredheniet nderkombetare ka dy kushte qe duhet t(i zbatoje edhe Nano qe te kete vertet marredhenie te mira, transparenca dhe respektimi i marredhenieve te miqesise(, tha Mustafaj. Deputeti i PD-se i beri keto komente vetem nje dite pasi ambasadori italian perseriti kerkesen per mbeshtetjen e Shqiperise per formulen italiane te reformimit te OKB-se. Sipas sekretarit demokrat, kjo perben nje shqetesim duke pare dhe rolin e fqinjit matane detit pasi dihet se mbeshtetja e Italise nuk ka munguar asnjehere ne raste krizash si dhe ne investime ne sektore kryesore. (Te dyja keto parime themelore, Nano i ka tradhtuar ne marredheniet me Italine, i ka shkelur, i ka dhunuar dhe kjo eshte arsyeja pse italianet sic merret vesh nga burimet diplomatike, zyrtare apo gjysme zyrtare prej shume muajsh, ne te vertete temperaturen e marredhenieve me Shqiperine e kane ne piken zero. Une jam i shqetesuar sepse Italia eshte donatori kryesor i Shqiperise, ne periudhen e tranzicionit Italia eshte asistuesja kryesore qofte financiarisht, qofte edhe me eksperte. Italia eshte brenda Shqiperise per te hyre ne Europe(, tha Mustafaj. (Nese nje porte mbyllet, duhet pare se pse u mbyll. Pra pergjegjesia eshte totalisht ne anen shqiptare sepse ana e qeverise italiane, qofte me pare kur ne pushtet kane qene te majtet, qofte tani qe jane te djathtet, nuk ka munguar asnjehere ndjenja e miqesise ndaj Shqiperise(, tha Mustafaj. Ndersa, socialistja Arta Dade tha se (eshte e drejta e nje vendi si Shqiperia qe te kete te percaktuara qendrimet e veta te cilat pa dyshim duhet te jne ne favor te vete Shqiperise dhe ne favor te ruajtjes se partnereve strategjike dhe afatgjate qe ne kemi(.

M.Bejdo

http://www.lajmet.com/index.php

Diaspora shqiptare në Amerikë mbështetën kandidatin e pavarur(e përpunuar)

Diaspora Shqiptare vendosi të përkrahë ato kandidatë të pavarur që janë dëshmuar për aktivitetet e tyre kombëtare, që kanë sakrifikuar për çështjen kombëtare dhe që nuk kanë qenë të involvuar në korrupcion. Por ajo nuk mbështetën kandidatët e propozuar nga ana e institucioneve partiake për shkak se mendon se ata përfaqësojnë interesat e ngushta partiake dhe janë zhytur në korrupcion.

Diaspora shqiptare në Amerikë ka qenë në vazhdimësi katalizator i zhvillimeve politike në trojet shqiptare në Ballkan. Duke nisur që nga koha e Fan S. Nolit ajo ka pasur ndikim të madh në avancimin e demokracisë në Ballkan. Kjo ndjenjë e lartë atdhetare dhe humanitare e shqiptarëve të Amerikës e mbajti gjallë presionin politik para dyerve të OKB-së dhe Shtëpisë së Bardhë gjatë tërë periudhës së robërisë të Kosovës dhe trojeve tjera shqiptare. Ajo nuk pushoi me aktivetet e veta derisa e aktualizoi çështjen shqiptare në përmasa botërore dhe arriti të inkuadrojë edhe politikanët e mirënjohur amerikanë në zgjidhjen e kësaj çështje.
Diaspora shqiptare në Amerikë mbështeti të dy luftërat shqiptare në të gjitha format e mundëshme dhe falë luftëtarëve të UÇK-së dhe miqve tanë amerikan të dyjat u kryen pa humbje.

Sot shqiptarët në trojet shqiptare në Ballkan ballafaqohen me një problem tjetër që është për t'u brengosur. Vlerat kombëtare dhe ato humanitare janë duke u shkelur dhe keqpërdorur nga individët që me ndihmën e diasporës erdhën në pozita udhëheqëse partiake dhe shtetërore. Këto individë pa fije turpi kanë krijuar pasuri të madhe pikërisht pasi u inkuadruan në pozitat partiake, duke shkelur kështu mbi gjakun dhe nderin e kombit. Shqiptarët në Amerikë të indinjuar thellë nga këto rrjedhat dekadente dënojnë publikisht keqpërdorimet e tilla dhe shprehin gadishmëri të angazhohen në identifikimin e këtyre individëve dhe nëse duhet të inkuadrojnë edhe miqtë që t'u jipet fund korrupcionit dhe keqpërdoruesve të vlerave kombëtare me qëllime profituese. Diaspora dënon të gjithë ata të cilët thiren në trimërinë e heronjve tanë kombëtar si Adem Jashari, ndërsa në anën tjetër krijojnë pasuri me gjakun e popullit.
Në pragun e zgjedhjeve lokale në Maqedoni diaspora shqiptare edhe njëhere deklarohet bindshëm se nuk mbështetën kandidatët e propozuar nga ana e institucioneve partiake për shkak se mendon se ata përfaqësojnë interesat e ngushta partiake të zhytura në korrupcion. Ndërsa kandidatët e partive qeveritare nuk i përkrahën për shkak të marrëveshjeve joprincipiele që ata kanë me partitë në koalicion. Këto marrëveshje mbrojnë interesat e definuara paraprakisht nga të dyja partitë në koalicion dhe që nuk përfaqëson interesin dhe dëshirën e popullit.
Prandaj diaspora shqiptare vendosi të mbështes ato kandidatë të pavarur që janë dëshmuar për aktivitetet e tyre kombëtare, që kanë sakrifikuar për çështjen kombëtare dhe që nuk kanë qenë të involvuar në korrupcion.
Diaspora shqiptare në Amerikë mbështet kandidaturën e Z. Shpëtim Polozhani si kandidat të pavarur për prefekt të qytetit të Strugës. Ky vendim i diasporës shqiptare bazohet në veprimtarinë atdhetare, në principielitetin dhe aftësitë që mbizotnon Z. Shpëtim Polozhani. Ish i burgosur politik, organizator i shumë manifestimeve kulturore në trevat e Iliridës, gjithmonë aktiv kur është fjala për të drejtat e shqiptarëve dhe i përpiktë në realizimin e projekteve. Z. Shpëtim Polozhani do të punojë për qytetarët Strugës dhe jo për interesat partiake apo të koalicionit. Z. Shpëtim Polozhani ka vlerësuar në kontinuitet merritat e diasporës në realizimin e aspiratave kombëtare dhe do të krijojë kushte për investime të diasporës shqiptare në qytetin e Strugës.
Sa i përket përkrahjes së kandidatëve në qytetet tjera të Iliridës diaspora shqiptare do të deklarohet në kohën e duhur.

Ja lista e kandidatëve të pavarur që mbështetën diaspora:

1. Shpëtim Polozhani, Strugë
2. Naser Pajaziti, Haraçinë
3. Shazim Memeti, Gostivar
4. Zeqirja Jusufi, Dolneni
5. Sheval Memishi, Zhelinë
6. Destan Abdiu, Kërçovë
7. Semi Hebibi, Tetovë/ 10 03 2005/F.F.

CIA fillon hetimet për Kishën Ortodokse

Autori i Lajmit: Silvana Dervishi & Enkelejda Zajmi
ATHINE – “Apostolos Vavilis ka qenë agjent i huaj, por dokumentat sekrete, që kanë qenë në arkivin e shtetit janë zhdukur në rrethana misterioze pesë vjet më parë”. Kështu ka deklaruar dje Ministria e brendshme greke, lidhur me çështjen e shumë të kërkuarit nga Interpoli, i njohur tashmë edhe në Shqipëri. Ndërkohë, CIA ka vendosur të hetojë për këtë person, pas marrjes në konsideratë të faktit se është i kërkuar në disa vende, jo vetëm në Europë, por edhe në kontinente të tjera. Deri tani është zbuluar se dokumentet që i përkasin viteve 1996 janë djegur në 13 mars të vitit 2000, duke shuar çdo gjurmë që mund të ndihmonte hetimin. Megjithatë, sipas kontrolleve të bëra, rezulton se nuk janë ndjekur procedura dhe se autoritetet e CIA-s amerikane po merren me hetime, pasi rezulton se Vavilis ka qenë me precedentë penalë edhe në Amerikën e largët. Ndërkohë, peshkopët e Leros, Kalymnos dhe Astypalaia lëshuan dje një deklaratë, ku mohojnë se peshkopi Nektarios ka dhënë dorëheqjen për shkak të akuzave të ngritura kundër tij për lidhjet me Vavilis. Ndërsa, Kalinikos, Peshkopi i Pireut, i tha dje kishës greke se mohonte akuzat e ngritura kundër tij, sipas të cilave ka ngacmuar seksualisht një prift 13 vjet më parë. Zëdhënësi i qeverisë greke, Vangelis Antonaros theksoi se dokumentet për çështjen Vavilis janë shkatërruar në 13 mars në rrethana misterioze, por u shmang të kritikonte qeverinë e mëparshme. Në një konferencë për shtyp me gazetarë, ai u sugjeroi atyre të kontrollonin vetë datat dhe të arrinin konkluzionet e tyre, madje pse jo edhe të investigojnë për këtë çështje. Antonaros theksoi se tashmë çështja ndodhet për shqyrtim në tryezën e Prokurorisë së Athinës dhe se pritet të fillojë shumë shpejt hetimi. Kundër Apostolos Vavilis është lëshuar para disa ditëve edhe një padi, sipas të cilës akuzohet se ka përdorur një pasaportë me emrin Apostolos Fokas. Kjo është dhe padia e parë e ngritur kundër tij, ku theksohet se pasaporta rezulton ligjore, por çertifikatat që janë lëshuar janë false. Menjëherë pas këtij lajmi, kanë filluar hetimet për të zbardhur se kush fshihet pas falsifikimit të emrit të tij. Apostolos Vavilis deri tani ka përdorur edhe tre karta të tjera identiteti dhe tre pasaporta me emra të ndryshëm. Për të janë lëshuar tre urdhër arrresti.
Vavilis në Jeruzalem
Roli i Apostol Vavilis, për të cilin shtypi grek ka vënë epitetin “njeriu me njëmijë fytyra” vazhdon të trondisë Hierarkinë e Kishës Ortodokse Greke dhe të skandalizojë opinionin publik grek. Sipas provave të reja që zbardhen cdo ditë, thuhet se lidhja e tij me Patriarkun Erineos të Jeruzalemit dhe përfshirja e tij në çështjet e Kishës po verifikohet me të gjitha format. Sipas Ministrisë së Brendshme greke, Vavilis ka furnizuar me drogë shumë kompani. Sipas kësaj ministrie Vavilis shërbeu si përfaqësues i Patriarkut të Jeruzalemit në takimet në Azi dhe Itali të organizuara nga Vatikani. Thuhet se kryepeshkopi Kristodulos e dërgoi në Jerusalem në 2001 për të vëzhguar zgjedhjen e kryepeshkopit aty. Në Jeruzalem ai përdori emrin Rafael Anagnostakis. Patriarku Erineos me anë të një letre zyrtare drejtuar përfaqësuesve ligjorë, ka mohuar se ka patur lidhje me Vavilis.
Avokatët
Avokatët e shumë të kërkuarit nga Interpoli, Apostolos Vavilis kanë deklaruar se klienti i tyre do të përballet një ditë me drejtësinë e vendit të tij dhe nuk do të kërkojë status mbrojtës, ndërkohë që hetimet vazhdojnë të intensifikohen për të gjetur gjurmët e familjes së tij. Policia e hedh poshtë deklarimin e bërë nga gruaja e tij, sipas të cilës ata nuk janë takuar që me ndarjen e tyre në vitin 2001, ndërkohë që sipas policisë gjurmët e gishtërinjve të saj janë gjetur në apartamentin e Vavilis në Holargos, aty ku ai jetoi për disa kohë i maskuar. Mamaja e Vavilis, e cila jeton në Volos, do të kërkohet të dëshmojë ndërkohë që vëllai i tij, Dionisin e ka dhënë tashmë një deklaratë për policinë ku ka vërtetuar faktin se motorçikleta e përdorur nga Apostolos Vavilis ka qenë në emrin e tij. Në deklaratën që ka dhënë për Policinë, ai është shprehur se nuk e ka parë vëllain e tij që nga periudha e Krishlindjeve të vitti 2004. Deputetja e partisë socialiste PASOK dhe këshilltarja e ish-kryeministrit grek Kostas Simitis, Soula Merentiti ka theksuar se Vavilis është kushëriri i saj, por nuk janë takuar prej shumë kohësh.
Lidhjet me jashtë
Një zyrtar i Ministrisë së Brendshme ka theksuar se lidhjet e çuditshme që Vavilis ka me shumë njerëz si brenda në Greqi, ashtu dhe jashtë saj e informojnë atë dhe e mbrojnë nga Policia. Megjithatë, sipas tij po bëhet e pamundura që ai shumë shpejt të vihet në prangat e policisë. Ky zyrtar duke iu referuar aktiviteteve të Vavilis theksoi se është shumë e çuditshme fakti se megjithëse janë lëshuar urdhër arresti për Vavilis që në vitin 1997, ka vonesë në procedurat që duhet të përfundojnë që ai të shpallet si i kërkuar në listën e policisë. Si rezultat, “ai mundet të lëvizë lirisht, të lëshojë pasaporta dhe të ketë lidhje me Ministrinë e Brendshme” – përfundoi pohimin e tij zyrtari i Policisë.