12112005

Zyrat e Institutit të Monumenteve të Kulturës kanë kaluar pranë DPRR-së. Për mungesë ambientesh, arkivat dhe makazina ka mbetur në godinën, që iu rikthye pasardhësve të Mbretit Zog

A. Mile

Mund ta kuptosh që është Instituti i Monumenteve të Kulturës vetëm nga një tavolinë e drunjtë “mitike” në një kënd të korridorit dhe të gjithë ata që dinë për shpërnguljen, nga kutitë e objektet, që ende nuk kanë zënë vend nëpër zyra. Në të kundërt, fare natyrshëm mund të ishin zyrat e Drejtorisë së Përgjithshme të Rrugëve, që ndodhet një kat më sipër. Banesa ku për vite me radhë është strehuar Instituti i Monumenteve të Kulturës, tashmë i është kthyer të zotit. Edhe pse ndërtuar për dikë tjetër, pra për Mbretin Zog si shtëpi pritjeje, ato mure të lartë, hyrjet me mozaikë e dysheme të drunjta, të bënin të ndiheshe tërësisht në një institucion ku flitet për monumente, aq më tepër kur ndërtesa ishte pranë mureve të Kalasë së Tiranës. Pas një vendimi për kthimin e ndërtesës ish-pronarëve, punonjësit dhe një pjesë e materialeve të Institutit kanë kaluar në një kohë rekord në zyrat e reja që ndodhen pranë gjimnazit “Petro Nini Luarasi”, në godinën e DPRR-së, ku ambientet janë maksimalisht të kufizuara. Mësohet se për shpërnguljen nga godina e mëparshme drejtuesit e IMK-së nuk kanë marrë ndonjë urdhër, apo vendim qeverie, por ka qenë ministri i Turizmit dhe Kulturës, që ua ka kërkuar një gjë të tillë. Madje thuhet se kalimi i ish-pallatit të Pionierëve në pronësi të Leka Zogut, është vetëm një vendim i dhënë si vullnet i kryeministrit, por ende nuk ka marrë rrugë ligjore, sepse ende nuk është marrë asnjë vendim nga ana e Këshillit të Ministrave.
Drejtoresha e IMK-së, Edlira Çaushi, thotë se janë detyruar të lëshojnë me shpejtësi ambientet e mëparshme dhe se megjithëqë kanë ardhur në ambientet e reja, arkivat dhe makazina e Institutit ka mbetur ende në shtëpinë e vjetër. “Këtu nuk ka hapësira të mjaftueshme dhe është e pamundur që të vendosim arkivat, ndaj do çojmë një kërkesë pranë Ministrisë së Turizmit, Kulturës, Rinisë dhe Sporteve, si dhe Kryeministrisë, që të na krijojnë të tjera hapësira, në këtë ndërtesë”, - thotë Çaushi, duke shprehur shqetësimin për arkivat, të cilat janë restauruar vetëm pak kohë më parë e që kërkojnë një hapësirë të bollshme. Vetëm disa muaj më parë, me një fond prej 1,7 milionë lekësh të reja, akorduar nga MKRS, janë restauruar dhe rikonceptuar ambientet e arkivave të IMK-së. Në këtë arkivë ruhen rreth 200 projekte, genplane e harta zonash monumentale e arkeologjike, 40 mijë negativë, 250 mijë fotografi të përmasave të ndryshme, rreth 20 mijë diapozitivë, si dhe një sasi e konsiderueshme materialesh bibliografike, kartela regjistrash, materiale filmike, etj. Pra një trashëgimi e tërë kulturore monumentale, ku veç të tjerash, janë ruajtur dhe të gjitha ndërhyrjet që janë bërë në to, historiku, etj. Për ruajtjen e kësaj pasurie u ndërtua një impiant i ri për arkivin, i cili edhe pse jo i automatizuar, është më komod se raftet dhe sirtarët e dikurshëm. Gjithashtu u përmirësua klimatizimi i ambienteve, që tashmë nuk mund të hyjnë më në punë për ruajtjen e arkivave, por për orenditë e pasardhësve të mbretit. Ndërkohë, të tjera materiale që i shërbenin punës së Institutit dhe restauratorëve ndodhen në makazinën e dikurshme. Sadoqë të pasistemuar në zyrat e reja, drejtoresha Çaushi thotë se projektet e nisura kanë vazhduar dhe pritet përurimi i disa monumenteve të restauruara.

Ambasadoret, Moisiu bllokon Berishen

E Marte, 08 Nentor 2005 http://www.korrieri.com/

Presidenti dekreton vetem emerimin e dy ambasadoreve te rinj, duke pezulluar emrat e Edith Harxhit, Lublin Diles dhe Tatjana Kongolit, me te kritikuarit edhe nga opozita. Bashkim Zeneli dhe Leontiev Cuci largohen nga Greqia e Zvicra

Dekretet me nr. 4686 dhe 4688 kane dale dje nga zyra e Presidentit te Republikes, me nenshkrimin e Alfred Moisiut. Nga pese propozime te mberritura ne Presidence per emerim ambasadoresh, Kreu i Shtetit ka firmosur vetem dy prej tyre. Duke lene ende pa firme, tre emrat me te rendesishem dhe me te diskutuar: Edith Harxhin, e cila propozohet te shkoje ne Uashington, Lublin Diljen te destinuar per ne Nju-Jork dhe Tatjana Kongolin per ne Vjene. Por pak minuta pas shpalljes se dekreteve, Dilja ka publikuar doreheqjen nga kandidatura, duke lene ne dore te Moisiut vetem dy femrat qe synojne te ndermarrin nje karriere te rendesishme diplomatike.

Me propozim te Kryeministrit Berisha, Presidenti Moisiu ka liruar nga detyra e ambasadorit te Shqiperise ne Republiken e Greqise, Bashkim Zenelin, duke emeruar ne vend te tij, Vili Minarollin. Ne te njejten kohe, ish-zyrtari demokrat do te akreditohet edhe si kryediplomat i Shqiperise ne Qipro dhe Tunizi. Gjithashtu, Moisiu ka urdheruar Leontiev Cucin, te lere detyren e ambasadorit te Shqiperise ne Zvicer. Duke derguar ne Konfederate, Mehmet Elezin, bashke me akreditimin si ambasador jorezident ne Principaten e Lihtenshteinit.

Dekretimi i Minarollit dhe Elezit nuk ishte vene per asnje cast ne diskutim. Gjithcka ka qene e fokusuar ne emrin e Edith Harxhit, propozuar si ambasadore ne Shtetet e Bashkuara, dhe Lublin Diles qe kerkonte te kalonte ne krye te Misionit shqiptar ne OKB. Per me teper, edhe emri i Tatjana Kongolit, ish-drejtoreshe e doganave ne qeverine "Nano", ka ngecur ne siten e Presidentit.

Edith Harxhi eshte kritikuar nga opozita dhe media per opinionet e saj ne shkrimin me titull "Komploti greko-komunist ndaj demokracise shqiptare", nje studim i ngjarjeve te vitit 1997, me bashkeautor Mal Berishen. Ne kete shkrim flitet per rolin percares te Greqise ne trazirat e vitit 1997. Ndersa Lublin Dilja, sipas informacioneve diplomatike, eshte perfshire nje vit me pare, ne nje incident seksual ne Nju-Jork. Ne kritikat e mberritura ne Presidence per emrat e propozuar nga Berisha, mesohet te jete permendur edhe Tatjana Kongoli. Gjate kohes qe ajo ka drejtuar sistemin doganor, mesohet te jene kryer nje numer i madh transferimesh te personelit te doganes. Te dhena keto, sipas burimeve nga Presidenca, jane perfshire edhe ne nje raport te Bashkimit Europian.

Megjithate, Moisiu ende nuk ka shprehur nje gjykim per dy emrat e propozuar per ambasadore. Ligji nuk percakton nje afat kohor per te dekretuar perfaqesuesit diplomatike, ndersa Shpetim Cuckes iu desh te priste tre muaj per emerimin ne Zagreb e Sarajeve, perpara se te jepte doreheqjen. Sidoqofte, Moisiut do t'i duhet te vendose nese do te hedhe firmen ne dekretet qe emerojne Harxhin ne Uashington dhe Kongolin ne Vjene. Dhe nese Presidenti do te firmose, dy zonjat do te kerkojne agrimentin ne vendet ku deshirojne te perfaqesojne Shqiperine. Por per Harxhin, kjo faze nuk duket te jete thjesht nje procedure.

M.E

Perzgjedhja e Presidentit te Republikes

U dekretuan:

Ambasador ne Athine, Greqi

ISHTE VJEN

Bashkim Zeneli Vili Minarolli

Ambasador ne Berne, Zvicer

ISHTE VJEN

Leontiev Cuci Mehmet Elezi

Ne pritje:

Ambasadore ne Vjene, Austri

ISHTE PRITET

Shpresa Kureta Tatjana Kongoli

Ambasador ne Uashington, SHBA

ISHTE PRITET

Fatos Tarifa Edit Harxhi

Ambasador ne OKB, Nju Jork

ISHTE DOREHIQET

Agim Nesho Lublin Dilja

http://www.balkanweb.com/gazeta/gazeta.htm

Faqja 7 - POLITIKE

Nentor 9, 2005

PS dhe PD konsuensus për qëndrimin ndaj të ardhmes së Kosovës

Kosova, PD “djeg” platformën e Mustafajt

Rezoluta, jo pavarësi të kushtëzuar

Rozeta Rapushi

Partia Demokratike dhe Partia Socialiste, gjetën konsensusin për të dorëzuar në Kuvend një rezolutë të vetme për Kosovën. Pas rreth një muaji debatesh, Komisioni i Politikës së Jashtme, arriti të dalë me një rezolutë të vetme ku u përjashtua termi i ministrit të Jashtëm, Besnik Mustafaj, për një “pavarësi të kushtëzuar”. Grupi Parlamentar i PD e ka djegur kështu qëndrimin e ministrit Mustafaj në lidhje me pavarësinë e kushtëzuar. Kështu në bllok, komisioni do të dorëzojë në seancë plenare një draft i cili flet për një Kosovë të pavarur, demokratike, në paqe dhe në harmoni ndëretnike. Në projekt nuk flitet për “kushtet” e përmendura vetëm nga ministri Mustafaj, që të interpretuara do të thoshin një pavarësi që kushtëzohet nga respektimi i minoritetit serb, zbutja dhe mos ndryshimi i kufijve, dhe një pavarësi që përcillet nga një prani e ndërkombëtarëve.

Debati
Për një orë, anëtarët e Komisionit të Politikës së Jashtme, debatuan ashpër për përmbajtjen që do të kishte rezoluta. Që në fillim të mbledhjes që u drejtua nga Arta Dade, socialistët thanë prerë se nuk do të pranojnë shkrirjen e dy projekteve të paraqitura, përderisa në atë të Partisë Demokratike do të kishte terma që cungonin pavarësinë e Kosovës. “Nuk do të votoj fare nëse në rezolutë do të futen kushtet e ministrit”, - tha Namik Dokle, i mbështetur dhe nga anëtarët e tjerë socialistë. Përballë këtij presioni, deputetët e mazhorancës u detyruan të heqin nga përmbajtja një paragraf të projektit të tyre, që fliste se pavarësia e Kosovës duhet të jetë e kushtëzuar. Në këtë paragraf ishte transmetuar mesazhi i ministrit të Jashtëm Mustafaj, që ishte i vetmi që përmendte pavarësinë e kushtëzuar për Kosovën.

Projekti
Fryma e projektrezolutës të Komisionit të Jashtëm, është që Kuvendi shqiptar mbështet fillimin e bisedimeve për statusin e Kosovës, uron që ato të përfundojnë sa më parë, dhe mbi të gjitha vë theksin në një Kosovë të pavarur dhe demokratike. Pas “luftës” mes forcave politike, demokratët u bindën të heqin pjesën e interpretimit të deklaratës së Mustafajit, duke lënë ashtu siç thotë edhe qeveria, presidenti apo kryetarja e Kuvendit, paragrafin për një Kosovë të pavarur. “Është një rezolutë që shpreh të gjitha qëndrimet e shtetit shqiptar, të qeverive të njëpasnjëshme dhe të angazhimit të tyre lidhur me çështjen e Kosovës”, - tha pas mbylljes së diskutimeve, Arta Dade. Edhe Paskal Milo pas arritjes së konsensusit mes palëve, u shpreh se projektrezoluta është e arrirë dhe do të marrë bekimin e të gjitha grupeve parlamentare. Ajo do të rishikohet edhe një herë ditën e enjte, dhe në fund të javës do u shpërndahet të gjitha grupeve.

Projektrezoluta
Projektrezoluta për Kosovën do të paraqitet në Kuvend ditën e hënë. Ajo flet për një Kosovë të pavarur, demokratike, dhe në paqe ndëretnike pa kushte.

http://www.panorama.com.al/

viti IV, Nr:11022

E Mërkurë 9 Nëntor 2005

Faqe 7 - Politikë

Komisioni i Jashtëm do të paraqesë një projekt të vetëm për statusin e ardhshëm

Kosova, rikthehet paqja mes PD-PS

Dy anëtarët, Dade dhe Milo: Ramë dakord për një pavarësi të plotë

Bledar Hoti

Pozita dhe opozita bien dakord për paraqitjen e një projektrezolute të përbashkët për statusin e Kosovës, duke kërkuar e u shprehur për pavarësi.

Pas shumë diskutimesh për pavarësi të kushtëzuar apo për pavarësi të plotë mes komisionerëve socialistë dhe demokratë, komisioni i politikës së Jashtme ka arritur një definicion të përbashkët. Dy ish-ministrat e Jashtëm, anëtarë të këtij komisioni, Arta Dade dhe Paskal Milo kanë bërë prezent gjetjen e gjuhës së përbashkët në mes pozitës dhe opozitës, ku për draftin e projektrezolutës për Kosovën do të kërkohet pavarësi e plotë, në respektimin e të drejtave të njeriut, ku përfshihen pakicat dhe minoritetet serbe. Sipas burimeve, në mes anëtarëve të komisionit të politikës së Jashtme, është rënë dakord që të ketë vetëm një projektrezolutë, duke synuar që më pas të arrihet në një konsensus politik, për këtë çështje madhore. Dade ka kërkuar në komision arritjen e një konsensusi, pasi edhe vetë drejtuesit e lartë të PD-së janë shprehur për pavarësinë e Kosovës, si kryeministri Berisha apo dhe kryeparlamentarja Topalli, dhe jo për një “pavarësi të kushtëzuar”. Një deklaratë e tillë duket se ka bindur anëtarët demokratë të komisionit, të cilët janë tërhequr nga qëndrimi i tyre për mënyrën e përcaktimit të statusit të ardhshëm të Kosovës.
“Nga procesi i bisedimeve shpresojmë të dalim në një konkluzion të përbashkët, çka është në deklarimin për pavarësi të plotë të Kosovës, sipas standardeve evropiane”, deklaroi pas mbledhjes deputeti i PDS-së, Paskal Milo. Arritjen e kompromisit e konfirmoi edhe deputetja PS-së, Arta Dade. Sipas saj, tani pritet hartimi i një rezolute të përbashkët, e cila do të bëjë të mundur daljen me një qëndrim unik të Kuvendit të Shqipërisë. Milo u shpreh se “projektrezoluta e PS-së është me e përgjithshme, ndërsa ajo e PD-së është më e plotë dhe i përgjigjet zhvillimeve më të fundit në Kosovë”. Socialistët kanë pasur pretendime për draftin e paraqitur nga ana e PD-së, për shkak se paraqitja në komisionin parlamentar të Jashtëm, nuk iu është nënshtruar procedurave parlamentare, ku fillimisht duhej të ishte diskutuar në konferencën e kryetarëve të grupeve parlamentare. Por mes anëtarëve të komisionit parlamentar është rënë në konsensus për përfshirjen në diskutime edhe të draftit të paraqitur nga ana e maxhorancës parlamentare.

Debatet për Kosovën
Komisioni i politikës Jashtme thirri në një seancë të veçantë parlamentare ministrin, Bensik Mustafaj, për qëndrimet e tij në lidhje me statusin përfundimtar të Kosovës. Ministri i Jashtëm, Mustafaj ishte shprehur në takimet e zhvilluara, si në OKB apo në BE, se “Shqipëria është për një pavarësi të kushtëzuar të Kosovës, e cila lidhet me respektimin e të drejtave të popullatës serbe dhe të pakicave të tjera në këtë krahinë”. Qëndrimi i kryediplomatit shqiptar solli edhe reagimin e opozitës, ku socialistët u shprehën kundër deklaratës së Mustafajt, duke e cilësuar si të pamatur. Madje ish-ministrja, Arta Dade, i kërkoi kryeministrit Berisha rishikimin e pozicionit të Mustafajt në qeverinë e tij. Nga ana e tij, kryediplomati, në raportimin e tij në komisionin e politikës së Jashtme, mbrojti tezën e tij, duke theksuar se pavarësia e Kosovës është e vetmja rrugë për zgjidhjen e këtij statusi. Ai ka kërkuar nga ana e opozitës që të jetë më e qartë në qëndrimet e saj dhe më profesionale. Në të njëjtën kohë edhe kryekomisioneri i Politikës së Jashtme në Kuvend, Preç Zogaj ka shprehur qëndrimin e maxhorancës, e cila është për një pavarësi, duke bërë të ditur se të gjitha partitë politike bien në një qëndrim unik.

http://gazetametropol.com/

Rezoluta që mbështet pavarësinë do të miratohet në Kuvend

9 Nentor Gjendet konsensusi mes PD e PS për statusin e Kosovës

Socialistët dhe demokratët kanë gjetur më në fund konsensusin për hartimin e rezolutës për çështjen e Kosovës. Një grup pune, i përbërë nga nënkryetarja socialiste e komisionit të politikës së jashtme, Arta Dade, Paskal Milo, Arjan Starova dhe Astrit Patozi kanë përfshirë në një dokument të vetëm të dyja rezolutat e hartuara më parë nga PS dhe PD, duke hequr termin "pavarësi e kushtëzuar". Rezoluta pritet të miratohet të premten në seancë plenare. Gjatë mbledhjes së zhvilluar dje, mes anëtarëve të komisionit ka patur mjaft debate për elementët që duhet të futeshin në rezolutën përfundimtare e që do t'i propozohet Kuvendit. Deputetët socialistë Arta Dade dhe Namik Dokle kanë debatuar ashpër me përfaqësuesit e mazhorancës për të pranuar si rezolutë atë të propozuar nga PS-ja, por që të pranohen edhe elementë të rezolutës së PD-së. Në fund të mbledhjes Dade tha se, "shpresoj që të gjej mirëkuptimin në këtë rezolutë që në këndvështrimin tim është një rezolutë që shpreh të gjitha qëndrimet e shtetit shqiptar, të qeverive të njëpasnjëshme dhe të angazhimit të tyre lidhur me çështjen e Kosovës që nga fillimi dhe menaxhimi i krizës, roli që shteti shqiptar luajti dhe pa dyshim dhe çfarë i kërkohet nga ana e parlamentit dhe qeverisë aktuale, lidhur edhe me nisma edhe projekte që do të ndikonin në zhvillimin ekonomik, kulturor dhe njerëzor të Kosovës". Kuvendi i Shqipërisë shpreson që nga procesi i bisedimeve do të dalë një rezultat i qendrueshëm, i

cili reflekton aspiratat dhe vullnetin e lirë të qytetarëve të Kosovës për një shtet të pavarur, demokratik dhe evropian, tha pas mbledhjes anëtari tjetër i komisionit, Paskal Milo. Sipas tij, kjo projektrezolutë nuk kishte ndonjë përplasje thelbësore me atë të ministrit të Jashtëm, por kishte vetëm një veçori në stilin e të shkruarit.

D. Tanushi

RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 9, No. 211, Part II, 9 November 2005

KOSOVARS PREPARE FOR STATUS TALKS... Kosovar President Ibrahim Rugova
said in a statement on 8 November that the negotiating team that will
represent the ethnic Albanian majority in the upcoming status talks
will accept nothing less than independence, and called on the Serb
minority to support them, dpa reported (see "RFE/RL Newsline," 14
September and 2 November 2005, and "RFE/RL Balkan Report," 20 May
2005). The statement noted that the committee "was authorized to
start work immediately...[on] a political platform for an independent
and sovereign Kosova." Rugova stressed that the "platform for the
talks is independence and, as such, is not negotiable." The work of
the negotiating team, which includes leaders from the four main
political parties, has been held up by public feuding between some of
the individuals involved. The talks are expected to begin soon under
the mediation of former Finnish President Martti Ahtisaari, who is a
veteran negotiator in Kosova and several other international trouble
spots. PM

..AND REJECT HALF MEASURES... Kosovar Prime Minister Bajram Kosumi
told RFE/RL's South Slavic and Albanian Languages Service in
Prishtina on 8 November that Kosova must become fully independent as
is the case with other countries in the region. He added that the
upcoming talks will center on three crucial issues: the right of
Kosova's citizens to have their own state, the functioning of the new
state and its institutions, and the establishment of peace in the
region. Several proposals, notably from within the EU, have called
for "conditional independence" for Kosova, which would not enjoy full
sovereignty until it joined the Brussels-based bloc and had adopted
its rules and restrictions (see "RFE/RL Newsline," 24 October 2005).
PM

..AS U.S. DIPLOMATS MAKE SOME POINTS. U.S. Undersecretary of State
Nicholas Burns told the Senate Foreign Relations Committee on 8
November that "the Kosovo Albanians...have to prove to...the
international community...that they can govern democratically, that
they can govern effectively, and that they can design a future Kosovo
that will protect the rights of the minority population," RFE/RL
reported (see "RFE/RL Newsline," 20 October 2005, and "RFE/RL Balkan
Report," 7 October 2005). He said that NATO is prepared to use force
to prevent any attempt to influence the status question through
violence and warned Belgrade against urging the province's Serbian
minority to boycott the talks. Former U.S. Balkan envoy Richard
Holbrooke told the same hearing that the Kosovar Albanians must give
the Serbs "iron-clad guarantees" regarding the protection of their
rights and cultural sites. Holbrooke stressed that it is important
for the United States to remain active in Kosova, saying that "we
must finish the job. And if we don't, the subsequent costs will be
even higher. War could resume, and what was done so far will have
been wasted." PM

MONTENEGRIN LEADER OUTLINES REFERENDUM QUESTIONS. Montenegrin Prime
Minister Milo Djukanovic said in Vienna on 8 November that the
planned referendum on independence will consist of two questions:
"Are you in favor of Montenegro becoming an independent and
internationally recognized state?" and "Do you agree that Montenegro
remains in a joint state with Serbia?" RFE/RL's South Slavic and
Albanian Languages Service reported (see "RFE/RL Newsline," 8
November 2005). He stressed that these formulations will enable the
voters to express their will clearly. PM