"Kandidatë të LZHK edhe nga rradhët e PD"
Lëvizja për Zhvillim Kombëtar nxjerr listën e plotë të kandidaturave që do të konkurrojnë në zgjedhjet e 3 korrikut brenda dy ditëve. Këtë e bëri të ditur anëtari i komisionit për përzgjedhjen e kandidaturave Ekrem Spahia. Ai u shpreh se në radhët e kandidaturave për deputetët që do të konkurrojnë nën siglën e LZHK-së, do të ketë edhe të ardhur nga radhët e prishura të PD-së. "Përveç kandidaturës së Pëllumb Berishës, ne do të kemi edhe disa të tjera kandidatura, të cilat ju do t'i merrni vesh shumë shpejt", tha Spahia. Ndërkohë që kandidaturat të cilave u është komunikuar kandidimi i tyre, kanë nisur nga procesi parapërgatitor për zgjedhjet e 3 korrikut.