15052005

Faqe 6 - Politikë

Kreu i LZHK-së paraqet platformën elektorale dhe kandidatët në Elbasan

“Do rikthejmë dënimin me vdekje”

Zogu: Taksat do të mblidhen nga kompani të huaja

Eva Gjura

“Do të krijojmë xhandarmërinë dhe do të kthejmë dënimin me vdekje”. Kjo është një nga platformat e LZHK-së për vendosjen e rendit dhe qetësisë publike, prezantuar dje nga drejtuesi kryesor i Lëvizjes për Zhvillim Kombëtar, Leka Zogu gjatë prezantimit të kandidaturave për Qarkun e Elbasanit.

Në vijim Leka Zogu ka premtuar reformim total të policisë në vend për të bërë më efikas luftën kundër krimit dhe trafiqeve të shumta, të cilat po dominojnë në shoqërinë shqiptare. Gjatë fjalës së tij, pretendenti i fronit mbretëror dhe djetuesi i LZHK-së tha se, nëse shqiptarët ia besojnë votat kësaj lëvizjeje në zgjedhjet e 3 korrikut, taksat e tyre do të mblidhen nga kompani të huaja për të bërë të mundur shmangien e vjedhjeve dhe të abuzimeve të shumta. Zogu ka premtuar sistem financiar për biznesin bujqësor të tipit kooperativa, por jo të modelit komunist. Sipas drejtuesve të LZHK-së, kjo lëvizje është 8 deri 10 vite më parë në të gjitha aspektet politike dhe shoqërore, në krahasim me partitë e tjera politike. Gjatë takimit me banorët e Elbasanit, Leka Zogu ka premtuar një sistem drejtësie të pakorruptueshëm, sipas të cilit do të vendosen para ligjit të gjithë ata juristë që abuzojnë me detyrën e tyre. LZHK-ja ftoi të gjithë elbasanasit, por edhe të gjithë zgjedhësit shqiptarë të marrin pjesë në votime dhe të mbështesin me votën e tyre alternativën më të mirë që, sipas Leka Zogut, është LZHK-ja.

Prezantimi
LZHK-ja ka prezantuar kandidatët për deputetë në Durrës dhe Elbasan, sipas drejtuesve të kësaj lëvizje këto janë figurat më të spikatura të secilës zonë ndaj dhe zgjedhësit e Durrësit dhe Elbasanit duhet t’i mbështesin. Në Durrës në zonën 25 është prezantuar Hysen Musketa, në zonën 26 Ardian Haxhi, në zonën 27 Sadik Berisha, në zonën 28 Pëllumb Berisha. Pëllumb Berisha është larguar nga PD-ja, pasi nuk e kandiduan më për deputet dhe tani kandidon nën siglën e LZHK-së. Në zonën 29 Ethem Gryka, dhe në zonën 30 Selim Pumi. Ndërsa në Elbasan LZHK-ja ka prezantuar këto kandidatura; në zonën 52 Veip Gori, në zonën 53 Alfons Balliçi, në zonën 54 Hamdi Gorlica, në zonën 55 Selman Çili, në zonën 56 Jusuf Mehmeti, në zonën 57 Ismail Çala, në zonën 60 Ilir Murati dhe në zonën 61 Liman Menalla. Për Qarkun e Elbasanit LZHK-ja do të prezantojë edhe tri kandidatura të tjera. Sipas drejtuesve të LZHK-së, kjo forcë politike do të vazhdojë prezantimin e kandidaturave të saj për deputetë edhe në zona të tjera të vendit.

Ekrem Spahia
Dushku, model modern për vjedhje

“Skema e Dushkut që do të përdoret nga dy partitë e mëdha, PS-ja dhe PD-ja është një nga modelet moderne të vjedhjes së votave dhe mandateve të deputetit, duke deformuar zgjedhjet dhe shkelur hapur Kushtetutën”. Kështu është shprehur dje gjatë një konference për shtyp kryetari i PLL-së, Ekrem Spahia. “Vjedhja e votave me modelin e Dushkut, -tha Spahia, - nuk është një nga fenomenet që e kam denoncuar vetëm unë, por dhe OSBE-ja, ODIHR-i dhe Institutit Demokratik Amerikan, duke u bashkuar me këtë shqetësim dy ditë më parë edhe presidenti Moisiu”. “Kjo skemë e pamoralshme rrezikon integritetin e zgjedhjeve dhe besimin e tyre. Kjo u heq mundësinë forcave të ndershme politike të marrin aq mandate sa u ka dhënë populli me votën e tij. Kjo është një bombë që mund të shpërthejë nga kushdo në çdo kohë, madje edhe nga ajo parti e madhe që do të humbë zgjedhjet, dhe do të sjellë pasoja të mëdha negative për vendin”, theksoi kryetari i PLL, Spahia gjatë deklaratës së tij. Gjithashtu kreu i PLL tha se: “I bëjmë thirrje kryetarit të shtetit, Alfred Moisiu dhe komunitetit ndërkombëtar, që kanë bekuar marrëveshjet PS–PD të ushtrojnë të gjitha fuqitë e tyre për të ndaluar shkatërrimin e zgjedhjeve”.

Kandidatët

Elbasan

Zona 52 Veip Gori
Zona 53 Alfons Balliçi
Zona 54 Hamdi Gorlica
Zona 55 Selman Çili
Zona 56 Jusuf Mehmeti
Zona 57 Ismail Çala
Zona 60 Ilir Murati
Zona 61 Liman Menalla

Durrës

Zona 25 Hysen Musketa
Zona 26 Ardian Haxhi
Zona 27 Sadik Berisha
Zona 28 Pëllumb Berisha
Zona 29 Ethem Gryka
Zona 30 Selim Pumi

Injorimi i cuditshem i LZHK-se

Nga Skender SHKUPI

Temperatura e fushates elektorale ditet e fundit ka pesuar nje rritje te ndjeshme. Ne median vizive ka nisur nje ballafaqim i dendur personash, idesh e programesh te cilat synojne te bejne per vete sa me shume shqiptare, sidomos nga partia e madhe e indiferenteve. Zgjedhjet po afrojne dhe tashme te gjithe po perpiqen te shfaqen sa me terheqes e sa me joshes ndaj atij elektorati shqiptar tejet befasues qe persa i perket sondazheve paraprake eshte me i paprituri e me i paparashikuari ne bote. I mesuar per gati 50 vjet me nje dyfytyresi te thelle te detyruar, ende sot, shqiptari mesatar nuk e ka per gje qe tjeter te thote e tjeter te beje. Nderkohe qe pervoja e pak viteve me pare ka treguar se "bindjen" e forte te votuesit per nje parti, program apo vije politike, ne castin e fundit e ka ndryshuar nje... thes me miell.

Rrethanat specifike te Shqiperise jane te tilla, qe tashme edhe drejtuesit e dy partive te medha, PD e PS, qe kane zevendesuar njera-tjetren gjate 15 viteve te tranzicionit te sterzgjatur shqiptar nuk jane te sigurta per dominimin e pjeseve perkatese te spektrit politik, dikur te llogaritura si prone ekskluzive e tyre, pra te krahut te djathte e atij te majte. Gabimet e renda dhe lajthitjet e socialisteve e te demokrateve kane rritur pasigurine e rezultatit te pritshem te llogaritur nga sonduesit e seciles pale. Prandaj lufta per vota do te behet e ashper edhe per kontingjente te vogla votuesish, edhe per zona dikur te shperfillura zgjedhjesh, madje edhe per cdo individ.

Shtate- tete muaj me pare lindi nje grupim politik ne hapesiren e djathte te spektrit politik shqiptar- Levizja per Zhvillim Kombetar ose LZHK. Frymezues per lindjen e kesaj rryme ishte pretendenti per fronin mbreteror Leka I. Lindja e LZHK-se nuk lidhet aspak me ambicjet klasike te shqiptareve te politikes per protagonizem. Ajo qe nje nevoje historike per t'i kthyer normalitetin nje spektri elektoral te gjymtuar te cilit i mungonte krahu i djathte. PD mbeti nje e djathte e qendres e kthyer pergjysme me fytyre nga e majta dhe me njerin sup te kurrizit nga e djathta. Argumenti me elokuent per sa me siper eshte qendrimi refraktar i saj ndaj cdo ndryshimi te ligjit famekeq 7501 qe sanksionoi frymen shume te njohur te dikurshme te bolshevikeve tane te vitit 1946 qe realizuan ate qe u quajt "reforma agrare". Grabitja e prones dhe mohimi i te drejtes se shenjte te pronarit te mirefillte te tokes e te pasurive te tjera te trasheguara u konsiderua si nje e drejte normale, madje e ligjshme. Nuk ka jurist ne bote qe nje qendrim te tille ta klasifikoje si te djathte. Pra PD mbetet nje force politike e qendres se djathte e shartuar me ide, programe e mentalitet te se majtes.

Ne mbrojtje te prones se grabitur u afishua per nje kohe te gjate PR. Duhet theksuar se kundershtimi i saj ndaj nje qendrimi majtist te PD-se per ceshtjen e prones ka qene shpresedhenes per shume shqiptare qe aspironin djathtas. Mirepo, me sa duket, edhe per republikanet, deshira per protagonizem dhe pozicionime komode ne institucione shteterore, legjislative apo ekzekutive, ishte me e madhe sesa qellimi fisnik i realizimit te nje ideali te botes se lire, e qe shprehet nga togfjaleshi shenjteria e prones. PR cedoi dhe ne aleancen e fundit me PD-ne provoi edhe shkakun e vertete se pse gjate 15 vjeteve qe nga themelimi i saj mbeti nje parti e vogel.

Keto ishin rrethanat percaktuese qe nxiten Mbretin Leka per kthimin e spektrit politik shqiptar ne normalitet. Krijimi i LZHK-se risolli ne Shqiperi zerin e nje te djathte te mirefillte qe i permbahet fort parimeve baze te botes se lire e te ekonomise se tregut qe perjashtojne grabitjen e dhunshme te prones se tjetrit. LZHK u kthye ne nje pike referimi te fuqishme e te paneglizhueshme te mendimit politik. Tanime spektri politik shqiptar permban kater grupime politike te medha te dallueshme e me ndikim te madh ne elektorat: PS, LSI, PD dhe LZHK.

Dalja e dy grupimeve rivale ndaj dy partive te medha te vjetra, PS-se e PD-se, u ka sjelle nje shqetesim teper te madh pasuesve te zoterinjve Nano e Berisha pasi cdo llogari paraprake per nje fitore te paster ne zgjedhjet e ardhshme tashme nuk eshte me e besueshme. Veprimi i pare i menjehershem ishte perpjekja per minimizimin e ndikimit te LSI-se e te LZHK-se ne mjediset e votuesve shqiptare. Me sa duket kjo perpjekje nuk dha rezultatet qe priteshin. Atehere u mendua te kalohej ne modelin e PPSH-se qe ndiqte parimin se kush kritikonte Enver Hoxhen ishte spiun dhe i lidhur me armikun. Keshtu nga tribuna e Kongresit zulmemadh te PS-se z. Nano e karakterizoi LSI-ne si nje organizem politik ne sherbim te Berishes nderkohe qe nga ekrani i "TVN" ne emisionin FAKT te para dy javeve, z. Godo ne pozicionin e nje aleati te PD-se, pohoi se LZHK qenka e gatshme te bashkepunoje me Fatos Nanon menjehere pas zgjedhjeve te 3 korrikut (?!). Ky eshte nje pohim ne kontrast flagrant me deklarimin e qarte, te prere e pa ekuivoke te kryetarit te Keshillit Ekzekutiv te LZHK-se, z.Dashamir Shehi qe grupimi politik qe ai drejton nuk do te beje kurrfare aleance paszgjedhore me te majten. Me sa duket ketu kemi te bejme me nje ngaterrese, ndofta jo krejt te rastit, qe kerkon te keqinterpretoje ndonje deklarate te Mbretit Leka I, lidhur me qendrimin e tij ndaj forcave politike te vendit.

Ne pozicionin ku ndodhet si pretendent i fronit, vete Leka Zogu nuk mund ta perfytyroje veten si Mbret te ardhshem vetem i te djathteve. Ai, nese monarkia do te fitoje ne nje referendum te ardhshem te mundshem, do te jete Mbreti i te gjithe shqiptareve, te majte e te djathte, te bardhe e te kuq, konservatore e progresiste dhe, si rrjedhoje, nuk ka pse te pozicionohet prere kunder zgjedhesve te ndonje ngjyre te caktuar. Nderkohe nisma e tij per krijimin e LZHK-se dhe mbeshtetja e plote qe i jep ai ketij organizmi politik lidhet me nevojen e domosdoshme per plotesimin e spektrit te derisotem shqiptar me pjesen qe mungon- te djathten e mirefillte. Sepse ne rrugen e nisur te zhvillimit te pluralizmit ne Shqiperi kishte rrezik qe te arrinim ne nje ballafaqim absurd bipolar ndermjet te majtes konservatore dhe asaj te moderuar duke lene jashte orbite me shume se gjysmen e popullsise se vendit qe sot nuk aspiron me majtas.

Nje faktor tjeter qe kushtezon perkrahjen e Mbretit per LZHK-ne eshte edhe shija e keqe qe u ka mbetur shqiptareve pas 60 vjetesh sundim pothuajse te panderprere te se majtes ne Shqiperi, e majte e cila i solli aq fatkeqesi kombit tone. Nje ndryshim apo rotacion ne qeverisje tashme nuk eshte thjesht nje nevoje por nje domosdoshmeri per te ardhmen europiane te shqiptareve.

Kembengulja e partive te medha per te injoruar levizjet e reja politike e sidomos LZHK-ne, megjithate ka dhene njefare rezultati ne bindjen qe kane disa perfaqesues te medias vizive per ta paraqitur tablone e ekuilibrit te forcave ne Shqiperi si nje karrike me tri kembe. Keshtu, per shembull, ne emisionin mjaft te ndjekur te Rudina Xhunges- SHQIP- ne Top Channel, ne nje ballafaqim idesh, programesh apo dhe premtimesh paraelektorale qene thirrur vetem perfaqesuesit e PS, PD e LSI. Mungesa e perfaqesuesve te LZHK-se apo perfshirja e tyre vetem ne debatet ndermjet partive te vogla eshte refleks i nje vullneti te imponuar nga partite e medha, vullnet i cili dalengadale mund te gjeneroje edhe bindje te gazetare apo politologe te ndryshem qe LZHK-ja eshte nje levizje minore. Pa dashje, gazetare te tille do te keqinformojne auditorin e tyre duke i sjelle nje sherbim te keq vendit.

Shqiperia, per t'u ringjallur, ka nevoje per nje te djathte te mirefillte e cila do te jete ne gjendje t'i jape fund korrupsionit, varferise se skajshme dhe diletantizmit politik. Por ne kete rruge premtuese roli i medias duhet te ishte krejt tjeter nga ai qe ajo, me dashje apo pa dashje, luan sot. Nese gazetaret tane, pergjithesisht te rinj, nuk e ndiejne veten te afert shpirterisht me te djathten e mirefillte, e vetmja kerkese per ta do te ishte qe te mbeteshin objektive dhe asnjanes. Per fat te keq, debatet e organizuara ne shumicen e kanaleve televizive kryesore jane perqendruar ne tri forcat politike, PD, PS dhe LSI. Duket sikur LZHK-ja nuk ekziston. Lind pershtypja qe jo rastesisht i gjithe spektri i djathte i faturohet PD-se. Nderkohe qe e djathta autentike dhe e mirefillte shqiptare perfaqesohet pikerisht nga grupimi politik LZHK-se, i vetmi ze konsistent qe kerkon rilindjen e shtetit te se drejtes, abrogimin e ligjit 7501 dhe kthimin e pronave pronareve te ligjshem.

Ne gjendjen ku ka arritur Shqiperia ne ditet tona eshte e pafalshme veprimtaria e nje Media-je sabotuese dhe armiqesore ndaj se djathtes shqiptare. Pa te djathte nuk ka spekter normal, pa spekter politik normal nuk ka Shqiperi normale, nderkohe qe pa Shqiperi normale nuk ka e nuk mund te kete aderim apo integrim ne BE. E nese integrimi ne BE nenkupton te ardhmen prospere te vendit atehere bindshem mund te themi qe pa te djathten politike ne do te mbetemi gjithmone jashte Europes dhe pré e grabitjes dhe e varferimit te metejshem te te gjithe popullit nga baronet e trafiqeve ilegale, te droges e te mashtrimit.