16012005

E Diele, 16 Janar 2005 http://www.korrieri.com/

Leka Zogu: LZHK, nje levizje elektorale

Levizja per Zhvillim Kombetar zhvillon ne Tirane nje nder aktivitetet e saj me te medha. Deputeti Dashamir Shehi: "Interesat ekonomike te vendit jane vene ne ankand nga cdo shtetar i rradhes"

Armando META

Levizja per Zhvillim Kombetar shpall slloganin e saj elektoral per zgjedhjet parlamentare te 2005: "Shqiperine ta shpetojme te gjithe se bashku". Kjo devize eshte bere publike dje nga vete metonjesi per Fronin Mbreteror, Leka Zogu, ne nje takim te zhvilluar me intelektuale dhe qytetare te Tiranes. Aktiviteti, i zhvilluar ne Teatrin e Operas dhe Baletit, ne te cilin merrnin pjese perfaqesues te Trupit Diplomatik, te bashkesive fetare, intelektuale dhe deputete te grupit parlamentar te LZHK, eshte edhe i pari aktivitet i permasave te medha te organizuar nga LZHK ne Kryeqytet.

Kryetari i LZHK, Leka Zogu, ka deklaruar qartazi se LZHK eshte nje levizje elektorale, dhe ka synime qe nepermjet qeverisjes se saj te ndershme, te ndryshoje rrenjesisht jeten e te gjithe shqiptareve. "Me LZHK ne i jemi drejtuar ndergjegjes se cdo shqiptari, qe kerkon drejtesi dhe zhvillim, dinjitet dhe perparim. LZHK eshte nje Levizje Elektorale, qe i kerkon popullit shqiptar te marre pjese per ta ndryshuar Shqiperine", ka nenvizuar pretendenti i fronit. Sipas tij, te gjithe sebashku, duhet t'i hedhim syte perpara, ne kerkim te se ardhmes per te gjithe shqiptaret.

Kreu i LZHK ka nenvizuar se misioni i Levizjes eshte qe se bashku me popullin te shpetoje Shqiperine dhe t'i ktheje asaj qeverisjen per Zhvillim Kombetar. "Ne duhet te gjejme rruget me te mira, qe do te ngrene dinjitetin e atdheut tone te perbashket. Ky eshte thelbi i LZHK. Me pergjegjesi kombetare te gjithe shqiptaret duhet te bashkohen qe: "Shqiperine ta shpetojme te gjithe se bashku", me nje Qeveri te forte e te drejte", ka nenvizuar Leka.

Ne kete aktivitet ka folur edhe deputeti i grupit parlamentar te LZHK, Dashamir Shehi, i cili ka bere nje zberthim te programit politik te LZHK. Sipas tij, interesat ekonomike te vendit jane vene ne ankand nga cdo shtetar i rradhes dhe se ekonomia gjendet ne nje krize te plote, e cila do te thellohet ne muajt e ardhshem me afrimin e fushates elektorale. "Ne do te fillojme punen per te ndrequr shtepine tone te perbashket, Shqiperine. Vendi ka nevoje per ndryshim, pasi ekonomia shqiptare, vete Shqiperia eshte kthyer ne nje piramide te madhe. Per ta shpetuar ne duhet te sigurojme pune per te gjithe shqiptaret", ka nenvizuar Shehi. Sipas tij, LZHK do te ringjalle shpresat e shqiptareve, besimin e humbur tek e ardhmja dhe se Levizja do te vendose shtetin e se drejtes, zbatimin e ligjit, pronen private, rendin dhe sigurine e secilit, pavaresine dhe reformimin e pushtetit gjyqesor, forcimin rrenjesor te sigurise kombetare. Shehi ka nenvizuar se Shqiperia duhet te shpetoje nga ata qe e kane mbajtur peng zhvillimin kombetar.

Drejtuesit me te larte te LZHK kane deklaruar ne kete tubim se ne zgjedhjet parlamentare te 2005, nuk do te lejojne kompromiset dhe manipulimet, pavaresisht ndryshimeve ne Kodin Zgjedhor dhe marreveshjes PS- PD.

Faqja 6 - POLITIKE

Janar 16, 2005

Leka Zogu: Ja planet e LZHK kur të vijë në pushtet

Drejtuesi i Lëvizjes për Zhvillim Kombëtar, Leka Zogu, paraqiti dje në takimin me intelektualët e Tiranës planin e veprimeve të kësaj lëvizjeje, jo vetëm për të ardhur në pushtet, por mbi të gjitha të qeverisjes që do të bëjë. "Ne duhet të jemi të gjithë së bashku dhe t'i hedhim sytë përpara. Në këto ditë të hapjes ne duhet ta shpëtojmë Shqipërinë nën qeverisjen e Zhvillimit Kombëtar", tha Zogu. Sipas tij, me ardhjen e LZHK-së në pushtet do të bëhet e mundur dhe ngritja e dinjitetit të nëpërkëmbur të shqiptarëve. "Thelbi i LZHK-së është të ngrejmë dinjitetin e atdheut. Shqipëria sot nuk përfaqësohet me dinjitet", tha Zogu. Duke u shprehur se ekonomia në Shqipëri është informale, ai nënvizoi se kthimi i saj në rrugën e duhur do të bëhet me ardhjen e LZHK-së në pushtet. "Ne duhet ta ndryshojmë ekonominë e vendit, sepse kjo ekonomi është kthyer në një piramidë të madhe. Ne do të sigurojmë punë për të gjithë shqiptarët", tha Zogu. Sipas tij, çdo ditë e më shumë kriza ekonomike në vendin tonë rritet, "dhe do të thellohet edhe më shumë me afrimin e fushatës elektorale".

Faqe 6 - Politikë

LZHK-ja takon intelektualët. Deputeti Shehi, tani ideolog i lëvizjes

Leka I: Shqiptarët duhet të votojnë një qeveri kombëtare

Agim Baçi

Nevojitet një qeveri me përgjegjësi kombëtare. Trashëgimtari për fronin mbretëror, Leka I, u ka kërkuar dje shqiptarëve që të marrin pjesë në zgjedhjet e kësaj vere, me qëllimin për t’i dhënë Shqipërisë një qeveri që të ketë në plan të parë çështjet kombëtare.

“LZHK-ja është një lëvizje elektorale që i kërkon popullit shqiptar të marrë pjesë për të ndryshuar Shqipërinë. Ne të gjithë së bashku duhet t’i hedhim sytë përpara, në kërkim të së ardhmes për shqiptarët. Ne duhet ta shpëtojmë Shqipërinë, t’i kthejmë qeverisjen për zhvillim kombëtar”, tha dje gjatë një takimi me intelektualët në Tiranë, Leka I. Ai deklaroi dje se LZHK-ja ka në qendër të projekteve të saj politike gjetjen e dinjitetit. “Ky është thelbi i Lëvizjes për Zhvillim Kombëtar”, tha trashëgimtari i fronit, duke kërkuar nga votuesit që në këto zgjedhje të votojnë në favor të një qeverie të fortë. “Të gjithë shqiptarët duhet të bashkohen që Shqipërinë ta shpëtojmë të gjithë se bashku me një qeveri të fortë dhe të drejtë”, tha Leka I, duke premtuar që, në rast të një fitoreje apo pranie në qeveri të LZHK-së, do të shihen me prioritet problemet e të gjithë shqiptarëve, qofshin këto në Çamëri, Prishtinë apo kudo gjetkë, ku jetojnë shqiptarët.

Qëndrimi për kodin
Drejtuesi i LZHK-së, trashëgimtari për fronin mbretëror, Leka I, akuzoi dje marrëveshjen mes PS-së e PD-së për Kodin Elektoral. “Është një kod i padrejtë dhe i realizuar në bazë të marrëveshjes së dy partive të mëdha, vetëm në interes të tyre. Një gjë e tillë nuk mund të pranohet”, tha Leka I, duke deklaruar se LZHK-ja nuk do të bëjë pazare politike, si dy partitë e mëdha. Sipas tij, të tilla marrëveshje të bëjnë të besosh se klasa politike është e lidhur me mafian dhe se korrupsioni mbështetet nga shteti.

Qëndrimi i Shehit
Në takimin e djeshëm me intelektualët e ka marrë fjalën edhe anëtari më i ri i LZHK-ë, Dashamir Shehi, i cili pritet të jetë edhe ideologu i fushatës së ardhshme të kësaj lëvizjeje. “LZHK-ja lindi dhe u formua si një domosdoshëmri për të gjithë shqiptarët që të dinë të gjykojnë dhe të kenë një strehë për të ardhmen e vendit dhe të fëmijëve të tyre. LZHK-ja ka në themel të saj filozofinë rindërtimit të shtetit shqiptar, bashkimin e shqiptarëve të ndarë nga 50 vjet diktaturë e vjetër dhe tranzicioni i vështirë, ndërtimin e ekonomisë së vendit të humbur dhe të copëtuar”, tha Shehi, duke deklaruar se në qendër të vëmendjes së kësaj lëvizjeje do të jetë shmangia e grupeve monopoliste, si dhe ngritja e identitetit komëbtar të nëpërkëmbur nga ideologjitë e vjetra apo nga servilët e rinj. “LZHK-ja është mjeti dhe forca e vetme me të cilën miliona shqiptarë, kudo që janë, në Shqipëri dhe jashtë saj, mund t’i thyejnë monopolet e partive. Është e kuptueshme që ne jetojmë në një kohë kontradiktash të mëdha, ku partitë që quhen të majta i sheh dhe shpesh herë të djathta, duke ndërtuar një kapitalizëm të egër dhe antipopullor në shërbimm të një grushti njerëzish, zakonisht ish- komunistë që kanë monopolizuar 90 për qind të ekonomisë kombëtare. Ndërsa partitë opozitare nuk janë të zonjat ta luajnë rolin e tyre historik për arsyen e thjeshtë se më shumë se rikthimi i opozitës në pushtet u intereson klani i vet përsonal, i cili i ka çuar drejt asfiksisë politike”, tha Shehi.

Shehi tha gjithashtu se LZHK-ja do të kërkojë partneritet tjetër edhe me ndërkombëtarët. “Ne jemi të gatshëm të ndërtojmë marrëdhënie si partnerë e jo si servilë me institucionet ndërkombëtare. Ne duhet të diskutojmë me BB-në, FMN-në ose OBT-në jo për të mbajtur me rroga disa zyrtarë të huaj, por të hyjmë në diskutime për të mirën e ekonomisë shqiptare”, tha Shehi.

Grupi Parlamentar i LZHK-së

Dashamir Shehi
Maksim Begeja
Eqrem Spahiu
Shpëtim Rroqi
Ethem Fejzollari
Bahri Kollçaku
Sadedin Balla
Uran Metko

Rregulli për në zgjedhjet e vitit 2005: Deputet ai që merr më shumë vota

LZHK-ja, strategji për arsimin e shëndetësinë

Anëtari më i ri i LZHK-së, Dashamir Shehi, tha se në Shqipëri është e nevojshme ndryshimi i strategjisë së arsimit. Ai tha se me ardhjen e LZHK-së në pushtet, kostoja e arsimimit për qytetarët do të ulet ndjeshëm, ndërsa do të rriten pagat e mësuesve. Sipas tij, edhe për shëndetësinë, në strategjinë e LZHK-së, parashikohet futja e skemës së sigurimeve shoqërore në të gjithë procesin e kurimit të sëmundjeve.

KREU I PLL-SE, TAKIM ME AMBASADOREN FRANCEZE

Ambasadorja e re e Frances ne Shqiperi, Francoise Bourolleau, ftoi dje ne nje takim kryetarin e PLL-se, Ekrem Spahiu. Gjate ketij takimi, ambasadorja Bourolleau shprehu konsideratat e saj per PLL-ne, si dhe deshiren e saj per nje komunikim me te drejtperdrejte midis dy paleve. Kreu legalist Spahi, nga ana e tij, e njohu perfaqesuesen e larte te shtetit francez mbi historikun e PLL-se dhe pikat kryesore te programit te saj politik. Nderkohe qe tem` e kesaj bisede ishte dhe reforma zgjedhore, si dhe zgjedhjet e ardhshme parlamentare, te cilat u vleresuan reciprokisht si te nje rendesie te vecante per shqiptaret. Te dy bashkebiseduesit ndane pikepamje te njejta per ceshtjet ne diskutim, duke lene te hapura bashkebisedimet edhe per takime te tjera.