ZOGU: DO TE KRIJOJME XHANDARMERINE

KANDIDATWT E LZHK-se NW VLORE

Mallengjim Skenderaj per zonen elektorale 93

Kajtaz Aliko per zonen elektorale 94

Afrim Ipi per zonen elektorale 95

Sulejman Abazi per zonen elektorale 96

Shkelqim Levendi per zonen elektorale 97

Kacup Noka per zonen elektorale 98

Qani Sejdini per zonen elektorale 99

Shkelqim Selmani per zonen elektorale 100

Kryetari i Levizjes per Zhvillim Kombetar, Leka Zogu I, premton rivendosjen e shtetit ligjor

"LZHK-ja, kandidatet per deputete nuk i ka pasur te imponuar nga qendra por te emeruar nga baza"

Kryetari i LZHK-se, Leka i Pare, erdhi ne Vlore me mendimin se rrenjet e kesaj levizjeje jane te shtrira ne kete qytet. Sipas tij, cdo shqiptar dhe simomos cdo vlonjat eshte i zhgenjyer nga qeverisja e sotme qe e ka cuar vendin ne nje katastrofe te vertete, ku kjo qeverisje ka qene e udhehequr nga armiqte e ketij kombi dhe se LZHK-ja do t'i jape fund pergjithmone korrupsionit duke thyer monopolin e forcave politike qe jane derivate te njera-tjetres. Pra nga njera ane, komunistet e kenaqur me pushtet dhe nga ana tjeter komunistet e pakenaqur per pushtet. "Politika e jashtme e kesaj levizjeje,- thote ai,- do te mbeshtetet ne radhe te pare ne mbrojtjen e interesave te kombit dhe me mbas dy akset e kesaj levizjeje ngelen NATO dhe Europa. Gjithashtu nje rendesi e vecante do t'i jepet edhe mbrojtjes se interesave te Kosoves, Camerise dhe te gjithe shqipetareve te tjere ne Maqedoni dhe diaspore".

Motoja e Mbretit eshte: Me shqiptaret dhe per shqiptaret.

Cili eshte qellimi qe mbreti Leka Zogu I respektoi elektoratin e vet te Vlores me viziten e tij ne kete qytet?

Qellimi i vizites sime ne qytetin e Vlores eshte se u kam premtuar kandidateve ne kete qytet se do t'i perkrah, dhe ardhja ime sot shpreh qe une jame prane tyre.



A jeni te kenaqur me elektoratin tuaj ne Vlore?

Ka hapesira per t'u permiresuar dhe mendoj se do te permiresohet.

Ciles shtrese i perket elektorati juaj ne qytetin e Vlores?

Une shpresoj se u perket te gjitha shtresave.

Cilat jane premtimet tuaja per elektoratin e Vlores dhe per vete qytetin?

Premtimet e mia nuk ndryshojne per ata qe quhen fanatike te Levizjes per Zhvillim me te gjithe shqiptaret e tjere, sepse une i quaj te gjithe shqiptaret ushtaret e mi.

Sa mendoni qe kete vit zgjedhjet elektorale mund te vidhen?

Po le ta provojne, por do te kete shume here me teper vezhgim se ne zgjedhjet e kaluara.

Cfare ndikimi do te kene te huajt ne zgjedhjet elektorale te 2005-s?

Kete vit mendohet qe ndikimi do te jete teper i madh sepse ne qofte se zgjedhjet nuk do te jene te pastra, atehere do te jete kjo me pasoja teper te renda per Shqiperine.

N.q.s do te flasim per nje renditje te partive per nga proporcionali, ku mendoni se gjendet sot LZHK-ja?

Nuk jam magjistar te di se ku do te qellojme, por atje ku do te qellojme dhe do te qellojme.

Sa patriot eshte Mbreti Leka i Pare dhe ku e shpreh me qarte ai kete?

Eshte patriot dhe nuk e di nese do te kete edhe patriote me te medhenj, por e kam treguar duke vene Lartmadhnine e tij mbrapa LZHK-se. Ceshtja e kombit vihet perballe cdo gjeje. N.q.s do te kemi permiresuar ceshtjen e kombit, atehere do te kerkojme referendumin per miratim, por kombi vihet perpara cdo gjeje.

Perse mendoni qe politika shqiptare e ka cuar Shqiperine ne nje katastrofe te vertete?

Po te mos e shihni vete (ketu qesh) do te di se cfare t'ju them.

Ndryshe nga partite e tjera, LZHK-ja, kandidatet per deputete nuk i ka pasur te imponuar nga qendra, por te emeruar nga baza.

Eshte kerkuar nga cdo zone qe vete zona te dergoje kandidatet. Duke praktikuar kete menyre jam i mendimit se kandidatet e zgjedhur nga baza do te kene nje figure me te paster dhe do t'i pergjigjen zones se vet dhe me mire.

Kushtetuta juaj eshte krijuar ne vitin 1928. A mendoni se ka vend per ndryshim?

Jam i mendimit se Kushtetuta jone eshte me e mire nga ajo e sotmja.

Dhe nuk mendoni se ka vend per ndryshim?

Po, ka vend per ndryshim por kur t'i vije koha.

Cilat jane disa nga premtimet elektorale te LZHK-se nese vjen ne pushtet?

Ne do te ngreme xhandarmerine dhe do te veme dhe ligjin me vdekje per ate kategori njerezish qe do te cenojne pastertine e pjeses derrmuese te shoqerise dhe per disa krime teper te renda.

Intervistoi: Veronika Miho

Shekulli 16/05/2005 http://www.shekulli.com.al/

Vlorë, LZHK-ja shpall kandidatët

VLORË – Lëvizja për Zhvillim Kombëtar ka shpallur dje në Vlorë emrat e kandidatëve për deputetë, duke mbyllur ciklin përzgjedhës të kësaj lëvizjeje në qytet. Leka Zogu u shpreh se LZHK-ja është jashtë strukturave partiake dhe ka si qëllim mbështetjen e vendit në ecjen përpara dhe jo si synim partitë. Duhet që të kemi një synim të qartë të perspektivës sonë, atë të zhvilimit kombëtar, pasi kështu arrijmë prosperitetin e vendit në të gjitha trojet e tij etnike. Edhe deputeti Dashamir Shehi ka pohuar se në platformën e LZHK-së është parë qartë ideja kombëtare e patriotizmës e nacionalizmës, pasi vetë vlonjatët mbajnë ende gjallë pasaportën e shtetit të parë shqiptar të dalë nga perandoria otomane, dinjitetin e tregtarëve me komshinjtë në ato vite e dinjitetin e intelektualit vlonjat, ku realisht Shqipëria u bë pjesë integrale e BE-së. Vetëm në këtë lëvizja, qytetarët vlonjatë do të realizojnë aspiratat e tyre evropiane për zhvillim, ashtu siç thoshte edhe Zogu se patriot i mirë është ai që zgjidh varfërinë e popullit të tij. Edhe në fjalën e vet Ekrem Spahia ka pohuar se LZHK-ja do të ketë një synim, atë të zhvillimit total të trojeve shqiptare e të shqiptarëve kudo që janë. Më pas Leka Zogu ka prezantuar kandidaturat për deputetë në Qarkun e Vlorës.

Zgjedhjet, rikthimi i denimit me vdekje ne Shqiperi, pike kryesore e programit te LZHK

Lajmi i ores 8:00 AM

Leka Zogu i I   ELBASAN (16 Maj) -Rikthimi i denimit me vdekje ne Shqiperi, eshte nje nga pikat kryesore te programit te LZHK me te cilin paraqitet ne zgjedhjet e sivjetshme. "Me ardhjen ne pushtet- tha Dashamir Shehi,- LZHK do te shkoje deri ne ekstrem per sigurine e rendit publik ,duke bere nje reformim total te policise. Sistemi i taksave, perkrahja e fermereve, ceshtja e prones private ishin disa nga pikat e platformes se LZHK-se prezantuar diten e shtune ne Elbasan ku Leka Zogu prezantoi kandidatet ne qytetin e Elbasanit, Velip Gori, Alfons Ballici, Hamdi Gorica, Selman Cili, Jusuf Mehmeti, Ilir Murati, Limon Menolla. db/db (GazetaShqiptare/BalkanWeb) http://www.balkanweb.com/

http://www.panorama.com.al/  

viti IV, Nr:946

E Hënë 16 Maj 2005

Qemal Biraku / Vlorë

Pretendenti për fronin mbretëror Leka I ka prezantuar dje në Vlorë pesë kandidatët për deputet të LZHK-së në këtë qytet. Megjithëse ka theksuar se do të qëndronte larg synimeve partiake, Leka I ka deklaruar dje në Vlorë se çështja kombëtare dhe garantimi i prosperitetit në të gjitha trojet etnike shqiptare, do të qëndrojë në thelbin e grupimit politik të LZHK-së. “Lëvizja për Zhvillim Kombëtar është jashtë strukturave partiake dhe ka si qëllim mbështetjen e vendit në ecjen përpara. Ky nuk shihet vetëm si synim partiak. Duhet të kemi një synim të qartë të perspektivës sonë: Atë të zhvillimit kombëtar, pasi kështu arrijmë prosperitetin e vendit në gjithë trojet e tij etnike”, tha dje Leka Zogu. Edhe kryetari i këshillit kombëtar të LZHK-së Dashamir Shehi ka zgjedhur Vlorën për të pohuar se në platformën e LZHK-së është theksuar qartë ideja kombëtare e patriotizmit dhe nacionalizmit. “Në platformën e LZHK-së është theksuar qartë ideja e patriotizmit dhe nacionalizmit, pasi vetë vlonjatët mbajnë ende gjallë pasaportën e shtetit të parë Shqiptar të dalë nga perandoria Otomane, dinjitetin e tregtarëve me komshinjtë në ato vite, e dinjitetin e intelektualit vlonjat. Kohë kur Shqipëria realisht u bë pjesë integrale e BE-së. Vetëm në këtë lëvizje qytetarët vlonjatë do të realizojnë aspiratat e tyre evropiane për zhvillim, ashtu sicc thoshte edhe Zogu se “patriot i mirë është ai që zgjidh varfërinë e popullit të tij”, tha dje Shehi. Premtimet Duke folur përpara elektoratit të LZHK-së në Vlorë, Shehi ka sulmuar PD-në dhe premtimet e saj, duke theksuar se ulja e taksave nuk mund të jetë drastike, pasi mbledhja e saj rrit buxhetin e shtetit dhe rrjedhimisht rrit nivelin ekonomik të vendit. Shehi ka premtuar ulje të taksave në nivelin 16%. “Ne nuk premtojmë uljen drastike të TVSH-së, por një zbutje deri në masën 16 %. Kjo bëhet në mënyrë që të kemi para në xhepin e shtetit, që të kemi një resurs më të madh ekonomik”, tha Shehi. Duke folur për nivelin ekonomik në Vlorë, deputeti Shehi ka deklaruar se vetëm 12 familje kontrollojnë jetën politiko –ekonomike në qytet dhe sipas tij kjo është arsyeja që ka sjellë varfëri për këtë trevë mjaft të pasur. Më tej Shehi është shprehur i bindur për fitoren e LZHK-së në Vlorë. Kandidatët Mallëngjim Skënderaj, Sulejman Abazi, Shkëlqim Lepnecka, Afrim Ypi dhe Gajtaz Aliko janë prezantuar dje si kandidatë të LZHK-së në Vlorë nga pretendenti për fronin mbretëror, Leka Zogu. Kandidatët janë përzgjedhur nga strukturat e bazës, nga 22 kandidaturat më të mundshme për deputet në qarkun e Vlorës. Procesi i përzgjedhjes nga strukturat e legalitetit e LZHK-së në qarkun e Vlorës ka zgjatur 2 muaj. Kreu i Këshillit Kombëtar të LZHK-së, Dashamir Shehi është shprehur i bindur për fitoren e kësaj force politike në Vlorë. “Edhe pse në këtë sallë ka pak qytetarë vlonjatë unë jam i bindur se me lëvizjen tonë qytetarët vlonjatë do të vijnë duke u shtuar”, tha Shehi. Në takimin e djeshëm në Vlorë ka përshëndetur edhe kryetari i PLL-së, Ekrem Spahia.