ar.ço.

Vendosjen e dënimit me vdekje për një periudhë 5- vjeçare, për disa krime tepër të rënda; referendum për përcaktimin e sistemit qeverisës; kthimi i pronave sipas tapive të nxjerra gjatë qeverisjes së Ahmet Zogut. Këto janë tri nga pikat kryesore të programit të Lëvizjes për Zhvillim Kombëtar, i cili u miratua vetëm dy ditë më parë nga këshilli ekzekutiv i saj. Në program thuhet se ndryshimi në Kodin Penal ka si qëllim afrimin me dinjitet dhe qetësi në Bashkimin Europian dhe jo për t'u larguart prej tij. Kjo është mënyra që LZHK ka zgjedhur për t'i treguar Europës se shqiptarët janë në gjendje për ta vetëvendosur kontrollin mbi territorin e vet, për të bllokuar trafiqet, krimin e organizuar. Përsa i përket rendit, LZHK parashikon ndërmarrjen e reformave radikale, duke filluar që nga krijimi i xhandarmërisë shqiptare.

Regjimi dhe pronat
Në programin e LZHK-së nënvizohet se sistemi qeverisës i një vendi duhet të zgjidhet nga vetë qytetarët e tij. Për të parë se cila është zgjedhja e qytetarëve, lind nevoja e zhvillimit të një referendumi, "kur kushtet politike dhe dëshira popullore do ta ndiejnë të nevojshme". LZHK-ja premton respektimin e të drejtës së pronës. Në progarimin e saj thuhet se do të abrogohen të gjitha ligjet e miratuara deri më tani për pronën dhe kthimi i saj do të bëhet në bazë të tapive të tokës, të nxjerra gjatë qeverisjes së mbretit Ahmet Zogu.

Programi

- Vendosjen e dënimit me vdekje për një periudhë 5-vjeçare, për disa krime tepër të rënda.
- Referendum për përcaktimin e regjimit qeverisës.
- Kthimi i pronave sipas tapive të nxjerra gjatë qeverisjes së Ahmet Zogut.
- Abrogimi i të gjitha ligjeve për token.
- Dëmshpërblimi i ish-të përndjekurve politikë, brenda 6 vjetësh.
- Krijimi i xhandarmërisë shqiptare.
- Mënjanim të ndikimeve të politikës mbi gjyqësorin.
- Evidentimi i të paaftëve në sistemin gjyqësor.
- Zbatim i rreptë i ligjit për arsimin e detyrueshëm.
- Reforma reale në sistemin e shëndetësisë.
- Reforma në sistemin e mbrojtjes