E Marte, 19 Korrik 2005

PERCAHET LZHK-JA, IKIN LEGALISTET

Partia Levizja e Legalitetit u largua dje nga koalicioni LZHK dhe vendosi te vazhdoje veprimtarine politike nen siglen e vet, PLL. Ne seline e kesaj partie u zhvillua nje mbledhje e zgjeruar e Komitetit Drejtues te PLL-se, me pjesemarrjen edhe te kryetareve te degeve te saj ne rrethe. Ne kete takim erdhi dhe pershendeti edhe Leka Zogu. Teme kryesore e diskutimeve ishte analizimi i veprimtarise politike e zgjedhore te PLL dhe LZHK, para dhe gjate fushates zgjedhore te 3 Korrikut, si dhe detyrat qe i dalin PLL ne te ardhmen, ne permbushje te detyrimeve te saj, programore dhe statutore. Emerues i perbashket i te gjitha diskutimeve, ishte analizimi me sy kritik i veprimtarise dhe rezultateve te LZHK-se, pavaresisht kontributeve dhe arritjeve, ku me vendosmeri u theksua domosdoshmeria e ruajtjes dhe thellimit te identitetit politik te PLL-se si force politike e djathte. Si ne pershendetjen e Leka Zogut, ashtu edhe ne fjalen e hapjes se kryetarit te PLL-se, Spahiu, u theksua urimi i sinqerte per fitoren e opozites se drejtuar nga PD-ja dhe kryetarit Sali Berisha. Ne pershendetjen e tij, Mbreti Leka theksoi se "... ne urojme fituesit e shpallur nga KQZ-ja, qe rrezuan qeverisjen e korruptuar. Ne e vleresojme kete situate te veshtire dhe kerkojme qe te punohet me pergjegjesi per te ruajtur stabilitetin qeverises te Shqiperise...". Gjate takimit te djeshem u be i njohur vendimi i strukturave drejtuese te PLL-se per te vazhduar veprimtarine si subjekt i vetem, me siglen e PLL.

Gjate takimit te djeshem, Zogu theksoi: "Ne gjithmone e kemi vleresuar veprimtarine e Legalitetit per karakterin kombetar dhe vendosmerine per realizimin e objektivave te Statutit dhe Programit te PLL-se. Kjo vlen edhe per ditet e sotme dhe ne ju perkrahim ne vendimin qe keni marre. Ne kemi ideuar nje Levizje per Zhvillim Kombetar, e cila mori pjese ne zgjedhjet e 3 korrikut, duke e drejtuar fushaten elektorale me kryetaret e partive pjesemarrese. Ne besojme se shume prej figurave qe u angazhuan, do te vijne per te vazhduar veprimtarine ne PLL dhe ne partite e tjera, ku ata e shohin veten e tyre. Ne jemi duke diskutuar menyrat dhe format se si do te vazhdojne idete dhe fryma e LZHK-se, sepse e kemi kete detyrim ndaj Kombit Shqiptar", u shpreh Zogu. Ai shtoi se Kodi Zgjedhor krijoi mundesite per "Mega-Dushkun", u stimuluan manipulimet dhe trafiku i votave ne proporcional, duke godtur me shume forcat perfaqesuese kombetare. "Megjithate, ne urojme fituesit e shpallur nga KQZ, qe rrezuan qeverisjen e korruptuar.

Ne e vleresojme kete situate te veshtire dhe kerkojme qe te punohet me pergjegjesi per te ruajtur stabilitetin qeverises te Shqiperise. Ky eshte nje perkushtim shteteror, qe duhet te vleresohet me pergjegjesi kombetare. Ne po e analizojme situaten dhe do te marrim vendimet e duhura, pas shpalljes se rezultateve zyrtare nga KQZ. Ne jemi te vendosur te vazhdojme angazhimin tone ne politiken kombetare shqiptare, me moton "Atdhe mbi te Gjitha!", deklaroi Zogu ne fjalen e tij.

EQEREM SPAHIA: JEMI GATI TE BASHKEQEVERISIM ME BERISHEN

Kryetari i PLL-se, Eqerem Spahia deklaroi dje se partia e tij eshte e gatshme te bashkepunoje dhe te bashkeqeverise me Partine Demokratike. "Fatkeqesisht, PLL-ja nga parti parlamentare dhe me grupin e saj parlamentar, tani eshte jashte Parlamentit dhe per rrjedhoje politikes do t'i mungoje kontributi dhe bashkepunimi yne parlamentar. Por ne do te dime te menaxhojme me kujdes suportin tone politik qe buron nga mbeshtetja e mbi 50 mije votuesve te djathte, suport qe mund te vihet ne mbeshtetje te qeverise se re, te drejtuar nga z.Berisha dhe reformave qe ajo do te ndermarre, nese do te kerkohet bashkepunimi yne per qeverisjen e vendit", deklaroi Spahia. Ai shtoi se ashtu sic ka ndodhur gjithmone gjate rruges se perbashket, ne caste te mira apo te veshtira, legalistet dhe Mbreti Leka jane sebashku dhe te vendosur me shume se kurre per te realizuar ate mision te rendesishem ne dobi te kombit dhe atdheut, mision qe eshte i misheruar me se miri edhe ne programin e Partise "Levizja e Legalitetit". "U bene dy jave qe jane zhvilluar zgjedhjet parlamentare te 3 korrikur 2005 dhe KQZ-ja ka bere konfirmimin e vendimeve te Komisioneve Zgjedhore Zonale ku, sipas tyre, Levizja per Zhvillim Kombetar ka marre vetem 3,6 % te votave te elektoratit. Per nje subjekt politik te pergjegjshem, akti politik qe duhet te pasoje nje proces zgjedhor, eshte analizimi i zgjedhjeve dhe i rezultatit te tyre", u shpreh Spahia.

Tashme PLL-ja e ka filluar kete proces. "Analiza ka nisur ne Kryesine e saj, dhe kete po e vazhdojme edhe sot ne Komitetin Drejtues, me pranine e te gjithe kryetareve te Degeve, sikurse do ta vazhdojme edhe ne strukturat e tjera te PLL, per te zbritur ne baze, javet e ardhshme. Eshte bindje e pergjithshme dhe fakt qe, heret a vone, do te vertetohet se rezultati qe i kane lene LZHK-se nuk perputhet me voten e elektoratit shqiptar", deklaroi kryetari i PLL-se. Ai shtoi se shqiptaret dhe nderkombetaret jane te bindur se LZHK-ja ishte pikesepari viktime e Kodit Zgjedhor dhe se u godit rende nga aplikimi i hapur i skemes se Dushkut, qe u be ne shkelje te Kushtetutes dhe cdo norme demokratike, politike e morale.

http://www.shekulli.com.al/ 19/07/2005
PLL shkëputet nga LZHK

N.P

Partia Lëvizja e Legalitetit u shkëput dje nga Lëvizja për Zhvillim Kombëtar e drejtuar nga Leka Zogu. Njoftimi për ndarjen erdhi gjatë një konference për shtyp e kreut legalist Ekrem Spahia i cili e cilësoi një ndarje normale të zhvillimeve politike, pa hequr dorë nga idetë monarkiste të kësaj partie. Largimi i legalistëve është mbështetur nga Leka Zogu, I i cili tha se menjëherë pas kësaj do të nisë edhe analiza paszgjedhore e forumit të partisë. “Ne kemi ideuar një Lëvizje për Zhvillim Kombëtar, e cila mori pjesë në zgjedhjet e 3 korrikut, duke e drejtuar fushatën elektorale me kryetarët e partive pjesëmarrëse. Ne besojmë se shumë prej figurave që u angazhuan, do të vijnë për të vazhduar veprimtarinë në P.L.L. dhe në partitë e tjera, ku ata e shohin veten e tyre. Ne jemi duke diskutuar mënyrat dhe format se si do të vazhdojnë idetë dhe fryma e LZHK-së, sepse e kemi këtë detyrim ndaj Kombit Shqiptar”,- tha ai. Ndërkaq Spahia është treguar i gatshëm të bashkëpunojnë me qeverisjen e re. “Fatkeqësisht, PLL nga parti parlamentare dhe me grupin e saj parlamentar, tani është jashtë Parlamentit dhe për rrjedhojë politikës do t’i mungojë kontributi dhe bashkëpunimi ynë parlamentar. Por ne do të dimë të menaxhojmë me kujdes suportin tonë politik që buron nga mbështetja e mbi 50 mijë votuesve të djathtë, suport që mund të vihet në mbështetje të qeverisë së re, të drejtuar nga z.Berisha dhe reformave që ajo do të ndërmarrë, nëse do të kërkohet bashkëpunimi ynë për qeverisjen e vendit”, - tha ai

http://www.balkanweb.com/gazeta/gazeta.htm 

Korrik 19, 2005

http://www.panorama.com.al/

Leka Zogu: Na dogji mega-Dushku

PLL deklaron divorcin me LZHK
Spahia: Jemi të hapur për bashkëpunim me PD

Legalistët kanë vendosur dje shkëputjen nga LZHK-ja, e drejtuar nga Mbreti Leka Zogu I, për të vazhduar veprimtarinë e tyre më vete. Këtë e ka bërë të ditur dje kreu i PLL-së, Ekrem Spahia, gjatë mbledhjes së Komitetit Drejtues, ku mori pjesë dhe Lega Zogu. Temë kryesore e diskutimeve ishte analizimi me sy kritik i veprimtarisë dhe rezultateve të LZHK-së. Në fjalën e tij, duke iu drejtuar kryetarëve të degëve të PLL-së, drejtuesi LZHK-së tha se “të gjithë e dini se Kodi Zgjedhor krijoi mundësitë për “mega–Dushkun”. U stimuluan manipulimet dhe trafiku i votave në proporcional, duke goditur më shumë forcat përfaqësuese kombëtare. Megjithatë, ne urojmë fituesit e shpallur nga KQZ, që rrëzuan qeverisjen e korruptuar”. Duke e vlerësuar situatën paszgjedhore si shumë të vështirë, Leka Zogu I kërkoi që të punohet me përgjegjësi, për të ruajtur stabilitetin qeverisës të Shqipërisë. “Ne kemi ideuar një LZHK, e cila mori pjesë në zgjedhjet e 3 korrikut, duke e drejtuar fushatën elektorale me kryetarët e partive pjesëmarrëse. Ne besojmë se shumë prej figurave që u angazhuan do të vijnë për të vazhduar veprimtarinë në PLL dhe në partitë e tjera, ku ata e shohin veten e tyre. Ne jemi duke diskutuar mënyrat dhe format se si do të vazhdojnë idetë dhe fryma e LZHK-së, sepse e kemi këtë detyrim ndaj kombit shqiptar”, tha më pas ai. Kreu i PLL-së tha se partia e tij do të dijë të menaxhojë sportin e saj politik dhe pse jashtë Parlamentit, suport, që sipas tij, mund të vihet në mbështetje të qeverisë së re, të drejtuar nga Berisha dhe reformave që ajo do të ndërmarrë, në rast se do të kërkohet bashkëpunimi i PLL-së për qeverisjen e vendit. Edhe kreu i PLL-së, Ekrem Spahia ka theksuar dje se ka qenë Kodi Zgjedhor ai që ka krijuar mundësitë për manipulime dhe për vjedhjen e votave, sidomos në sistemin proporcional. Madje ai thekoi se pikësëpari LZHK-ja ishte viktimë e Kodit Zgjedhor, pasi sipas tij, ajo u godit rëndë nga aplikimi i skemës së dushkut.

 

Faqe 6 - Politikë

zgjedhjet parlamentare

ankimimet

Me 7 vota pro dhe asnjë kundër bien pretendimet e kandidatëve socialistë

KQZ rrëzon 9 ankimimet e PS

Shpallen deputetët që dolën fitues nga vendimet e KZZ

Blerina Sinani

Komisioni Qendror i Zgjedhjeve ka rrëzuar, me shtatë vota pro dhe asnjë kundër, të gjitha ankimimet e paraqitura dje nga 10 kandidatët për deputetë. Kërkesat për përsëritje të votimit ishin bërë dje nga 9 kandidatët e Partisë Socialiste dhe një i Partisë Demokratike. KQZ-ja e ka nisur menjëherë punën me ballafaqimin e fakteve mes kandidatëve për deputetë dhe anëtarëve të Komisioneve të Zonave Zgjedhore për zonat me numër 13, 49, 86, 23, 81, 5 dhe 12. Pretendimet e kandidatëve socialistë kanë qenë të bazuara në përdorimin e disa certifikatave false, si dhe të ushtrimit të presioneve nga ana e shtabeve elektorale të demokratëve. Gjithashtu, kandidatët për deputetë dhe përfaqësuesit e tyre ligjorë në mbledhjen e djeshme kanë shprehur se, ka pasur edhe mbushje të kutive të votimit me fletët, të cilat janë më shumë se numri i votuesve. Në lidhje me këto dëshmi, të bëra publike nga ana e anëtarëve të KZZ-ve, ka pasur vlerësime të ndryshme. Komisionerët socialistë i kanë cilësuar ato si të drejta, ndërsa demokratët i kanë hedhur poshtë. Të gjitha këto pretendime janë hedhur poshtë nga ana e anëtarëve të KQZ-së me arsyen se, nuk ka pasur ndonjë shënim në procesverbalet apo dhe në librin e protokolleve nga ana e KZZ-ve. Gjithashtu, një nga arsyet që u hodhën poshtë 7 ankimimet e socialistëve është pasi të gjitha parregullsitë e vogla që mund të kenë ndodhur në to nuk kanë ndikuar në procesin zgjedhor dhe në nxjerrjen e rezultateve përfundimtare. Diferencat ndërmjet kandidatëve të PS-së, Preçi, Lame, Hoxhallari, Derveni, Hasanaj, Dogjani dhe atyre fitues të PD-së kanë qenë të mëdha, ku minimumi është me mbi 1 000 vota. Ky ka qenë një nga pretendimet e paraqitura nga ana e përfaqësuesit të PD-së pranë KQZ-së, Ferdinand Pone, i cili i cilësoi qëndrimet e socialistëve si të bazuara ligjërisht. KQZ-ja ka hedhur poshtë dje pasdite edhe tri zonat e tjera të paraqitura për ankimim, njëra prej të cilave i përket kandidatit të PD-së, Luftim Ahmetaj. Zona nr. 32 u ankimua nga ana e socialistit Luan Rama, i cili pretendonte për parregullsi. Pas këtyre shqyrtimeve, KQZ-ja i ka lënë në fuqi vendimet e KZZ-ve duke shpallur si deputetë Aldo Bumçin të PD-së për zonën 12, Luan Skuqin të PD-së për zonën 49, Ridvan Boden të PD-së për zonën 81, Besnkik Jaçellin të PD-së për zonën 86, Fatos Hoxhën të PD-së për zonën 12, Besnik Mustafajn të PD-së për zonën 32, Arenca Trashani të PD-së për zonën 5 dhe Durim Lamajn të PS-së për zonën 46 në Tiranë.   Dhjete vendimet e para te rrezuara dhe fituesit Zona 13 fitues Bumçi PD Zona 49 fitues Skuqi PD Zona 86 fitues Jaçeli PD Zona 23 fitues Ziri PD Zona 81 fitues Bode, PD Zona 5 fitues Trashani PD Zona 12 fitues Hoxha PD Zona 87 fitues Hoxha PD Zona 32 fitues Mustafaj PD Zona 46 fitues Lamaj PS   Kolegji rrëzon kërkesat për rinumërim në proporcional Kolegji Zgjedhor i Gjykatës së Apelit ka vendosur dje të rrëzojë kërkesat e bëra nga dy kandidatët Eduart Përjaku dhe Sadik Berisha të Lëvizjes për Zhvillim Kombëtar, të cilët kanë kërkuar rinumërim të votave në proporcional në zonat 27 dhe 14 ku kandidonin për deputet. Kolegji Zgjedhor i Gjykatës së Apelit, pasi mori në shqyrtim kërkesën e bërë nga kandidatët e LZHK-së dhe dëgjoi pretendimet e përfaqësuesit të KQZ-së, vendosi të rrëzojë pretendimet e tyre duke lënë në fuqi vendimin e dhënë nga KQZ-ja për mospranim të kërkesës. Po dje Kolegji Zgjedhor i Gjykatës së Apelit vendosi edhe pushimin e gjykimit për dy ankesat e bëra nga LZHK-ja dhe PSD-ja, pasi ishin depozituar jashtë afatit në sekretarine e Kolegjit.