20112005

E Diele, 20 Nentor 2005 http://www.kohajone.com/

LZHK: LEGALIZIMET, NE KUNDERSHTIM ME KUSHTETUTEN

Menjehere pas vendimit te qeverise per legalizimin e zonave informale, LZHK ka reaguar duke shprehur mendimin e saj kunder lidhur me kete problem. Sipas kreut ekzekutiv te kesaj force politike, Dashamir Shehi projektligji eshte ne kundershtim ne radhe te pare me interesat e pronareve te ligjshem, si dhe me interesat ekonomike financiare te te gjithe shqiptareve. Nga ana tjeter, ai shprehet se ky projektligj eshte njekohesisht ne kundershtim me Kushtetuten.

http://www.shekulli.com.al/ 20/11/2005

LZHK: Legalizimet, projekti kundër interesave të pronarëve

A.R

TIRANË- Lëvizja për Zhvillim Kombëtar ka kundërshtuar projektligjin e ri të qeverisë për legalizimin e zonave informale. Nëpërmjet kryetarit të saj, Dashanmir Shehi, LZHK-ja është shprehur dje se drafti ishte në kundërshtim të hapur me intersat e pronarëve të ligjshëm. Por Shehi ka theksuar se përveç këtij fakti, ky projektligj bie ndesh edhe me interesat e vet qytetarëve të interesuar për legalizime apo edhe me dokumentin themeltar të shtetit, Kushtetutën. Drafti që po hartohet në qeveri prarashikon fillimin e procesit të legalizimit të ndërtimeve pa leje masive në zonat informale, menëjherë pas miratimit të tij në Parlament. Sipas projektligjit, për parcela ndërtimore me sipërfaqe deri në 300 metër katrorë vetëdeklaruesi duhet të paguajë 100 mijë lekë, deri në 400 metra katrorë vetëdeklaruesi duhet të paguajë 200 mijë lekë, për 500 metra katrorë vetëdeklaruesi duhet të paguajë 400 mijë lekë. Ndërsa për parcelat ndërtimore deri në 1 000 metra katrorë, vetëdeklaruesi duhet të paguajë sipas vlerës së tregut në momentin e kalimit të pronësisë.
Në këtë rast, vlera e parcelës ndërtimore përcaktohet në përputhje me metodologjinë e miratuar me vendimin e Kuvendit “Për miratimin e metodikës për vlerësimin e pronës së paluajtshme që kompensohet dhe asaj që do të shërbejë për kompensim”. Për ndërtimet pa leje subjektet detyrohen që për një periudhë 30-ditore nga hyrja në fuqi i këtij ligji, duhet të bëjnë pranë njësisë së urbanistikës të njësisë se qeverisjes vendore përkatëse, vetëdeklarimin e ndërtimit pa leje dhe të sipërfaqes së zënë, sipas një formulari të përcaktuar

http://www.balkanweb.com/gazeta/gazeta.htm

Faqja 6 - POLITIKE

Nentor 20, 2005

Urbanizimet pas legalizimeve krijon hapësira për spekullime marramendëse

Ligji i pronave, zaptuesit e tokave fituesit e vërtetë

Shehu: Rritet kosto për Shtetin

Rozeta Rapushi

Banorët e zonave informale do të jenë të vetmit që do të përfitojnë nga amendamentet e qeverisë demokratike për procesin e kthimit dhe kompensimin e pronave dhe legalizimeve. Sipas draftit të kabinetit qeveritar, “të paligjshmit”, të cilët kanë zënë tokën e ish-pronarëve, jo vetëm që legalizojnë banesat e tyre me një shifër modeste, por do të përfitojnë shumë nga procesi i urbanizimit të zonës. Në draft thuhet se fillimisht do të bëhet urbanizimi dhe më pas legalizimi. Ky përcaktim u jep të drejtën banorëve që pas përmirësimit të infrastrukturës të legalizojnë shtëpinë me një çmim prej 100-400 mijë lekësh dhe më pas ta shesin atë me çmimet e tregut, i cili kap shifrën nga 50-606 euro për metër katror. Ky fakt u kritikua dje dhe Lëvizja për Zhvillim Kombëtar, e cila deklaroi dje se praktikat që po ndjek qeveria shkatërrojnë bazat e ekonomisë së tregut dhe të shtetit të së drejtës. Pjesa më e diskriminuar në këtë rast mbeten ish-pronarët e tokës, që në varësi të legalizimit do të presin kompensimin.

Kostoja
Përveç ish-pronarëve që dalin të humbur nga ky proces, rëndesën do e ndjejnë edhe taksapaguesit shqiptarë. Në tërë këto procese, është populli ai që do të përgjigjet me taksë pas takse që shteti të përballojë urbanizimin e zonave informale, por edhe legalizimin e më pas kompensimin e ish-pronarëve. “Ne gjykojmë se para se të fillojë procesi i legalizimit duhet të mbyllet ai i urbanizimit të zonës. Nëse legalizimi përshpejtohet, atëherë kosto e urbanizimit të zonës do të rritet”,- tha dje kryetari ekzekutiv i LZHK-së, Dashamir Shehu. Sipas tij, me këtë projekt qeveria demokratike ka treguar se është në mbrojtje të grupeve të vendosura në mënyrë të paligjshme mbi trojet e pronarëve në rrethinat e zonave urbane. Në këtë mënyrë, në kohën kur të paligjshmit në bazë të këtij procesi mund të shesin truallin me vlerën e tregut, pasi ta kenë legalizuar, pronarët do të jenë në pritje të kompensimit që minimalisht parashikohet të jetë 10 vjet.

Sugjerimet
Duke kundërshtuar skemën e qeverisë për legalizimin dhe kompensimin e ish-pronarëve, LZHK-ja sugjeroi dje që fillimisht të bëhet urbanizimi i zonave informale, të përcaktohen sipërfaqet për rrugë, shkolla ambiente publike dhe më pas ndërtuesit e paligjshëm të paguajnë tokën me çmimet e tregut. “Më pas fondi që do të mblidhet të përdoret për kompensimin e ish-pronarëve të tokës që shteti të mos rëndohet dhe të ketë të pamundur kompensimin në para”,- tha Shehu. Sipas LZHK-së banorëve që do të legalizojnë shtëpitë tu jepet mundësia që ta bëjnë atë në një periudhë kohore prej 7-10 vjetësh, në mënyrë që të mos rëndohen. “Në këtë mënyrë nuk do t’u lihen në kurriz taksapaguesve kosto e borxhe të padrejta për të shlyer”,- tha Shehi, duke theksuar se me këtë skemë edhe ish-pronarët përfitojnë vlerën e vërtetë të pronës së tyre.

Propozimi
LZHK-ja i sugjeron shtetit që tu japë përparësi ish-pronarëve dhe jo të paligjshmëve që kërkojnë legalizimin e tokës. Sipas LZHK-së projektligji për legalizimet është në kundërshtim me Kushtetutën e vendit.

Defekti
Urbanizimi i zonave informale e më pas legalizimi i tyre, u jep të drejtën uzurpuesve të tokës të përftojnë. Ata e legalizojnë me 100-400 mijë lekë dhe pas procesit mund ta shesin atë me çmimet e tregut që kapin 606 euro për m2.

Sali Berisha
Kryeministri Sali Berisha deklaroi dy ditë më parë se në dispozicion të ish-pronarëve do të vihen edhe tokat në zonat turistike që janë në pronësi të shtetit.

Dashamir Shehu
Është e rëndësishme që legalizimi të bëhet me çmimet e tregut dhe lekët të shkojnë për ish-pronarët. Ndryshe shteti s’ka se ku t’i gjejë dhe pronarët do të mbeten pa u kompensuar.

Ish-pronarët
Jemi kundër projektit të qeverisë për kthimin e tokës. Nuk na kthen asgjë, por ligjëron të paligjshmit. Ne kërkojmë kthim të plotë të tokës tek i zoti dhe jo kufizime.

Faqe 2/3 - Politikë

ceshtja e pronave

shoqata

Anëtari i kryesisë Gëzim Boçari: Amendimet e reja në ligjin për pronat shtojnë anarkinë

Pronarët kundër ligjit “Berisha”

Boçari: Nuk na e kthejnë pronën pa legalizuar “uzurpatorët”

Bledar Hoti

Ish-pronarët i cilësojnë amendimet e reja të ligjit të Prona-ve, si një thirrje për një anarki të re që pritet të bëjë qeveria e re me kryeministrin Berisha.

Amendimet e ligjit kundërshtohen fuqishëm dhe shihen nga ana e përfaqësuesve të Shoqatës së Pronarëve, si amendime që nuk do të sjellin atë çfarë shihet si e shumëkërkuar prej më shumë se një dekade, kthim dhe kompensim real të pronës. Anëtari i shoqatës “Pronësi me Drejtësi”, njëkohësisht edhe përfaqësues i shoqatës “Bregdeti”, Gëzim Boçari në intervistën e tij dhënë për gazetën “Panorama” konteston amendimet e qeverisë për ligjin e pronave, si dhe për legalizimet. Sipas Boçarit, kryeministri Berisha në hartimin e këtyre amendimeve ka anashkaluar pronarët, si palë e interesuar direkt për ligjin e pronave.

Si i konsideroni amendimet e reja të ligjit për kthimin dhe kompensimin e pronave?
Ligji i pronave 9235, i datës 29.7.2004, “Për kthimin e kompensimin e pronës”, ndonëse u hartua në survejimin dhe kujdesin e OSBE-së, nuk mori në konsideratë sugjerimet e Shoqatës së Pronarëve. Për pasojë, ai vazhdon të shkelë detyrimet kushtetuese. Shoqata “Pronësi me drejtësi” reagon ashpër me ndryshimet e propozuara për faktin se, hartimi i këtij amendimi që sapo është bërë nga qeveria “Berisha”, përsëri është anashkaluar marrja e mendimit të shoqatës si palë e dëmtuar, duke shkelur një nga parimet bazë demokratike. Të mos bisedosh me palët e interesuara, për arsyetimet e këtij amendimi, tregon se qeveria shprehet qartë për shkeljen e detyrimeve kushtetuese.

Konkretisht çfarë kontestoni te ndryshimet e reja?
Veç parimeve ligjore e kushtetuese, duke imponuar me ligj legalizmin e të paligjshmes shteti futet në një anarki institucionale dhe shkel parimet bazë morale, sepse grabitja ligjërohet.Për ne ngërçi që shpjegon se pse ky është ligj është i pazbatueshëm, lidhet me mënyrën të përmbajtjes së amendimeve. Ndryshimet që kërkohen t’i bëhen neneve, për ne përsëri janë të papranueshme, sepse janë shkelje të Kushtetutës dhe të drejtës së pronës. Këto ndryshime synojnë të justifikojnë ndërtimet e paligjshme dhe këto janë absurde dhe të shprehura në mënyrë të koncentruara në nenin 28/a. Në të kërkohet të shtohet pas nenit 28 kjo përmbajtje: “Për pasuritë e paluajtshme mbi të cilat janë ngritur nga të tretët, objektet pa leje, në kundërshtim me ligjin për urbanistikën, kthimi fizik nuk zbatohet pa përfunduar afatet ligjore, të parashikuara për legalizimin e objekteve në zona informale …”. Më tej, qeveria pretendon se “në përfundim të afatit ligjor të parashikuar të procesit të legalizimit zbatohet aty ku është i mundur kthimi fizik i pronës së paluajtshme, ndërsa pjesa tjetër kompensohet…”. Mjafton ky paragraf i amendimit që kërkon të bëjë qeveria “Berisha” dhe kemi dy shkelje flagrante dhe të papranueshme. Pronarët e ligjshëm të shpronësuar me dhunë nga regjimi i diktaturës kanë të drejtë të ankohen përsëri pas 15 vjet pluralizëm, vazhdon dhuna shtetërore mbi pronën private, mungojnë edhe elementët e atij që quhet shtet ligjor. Objektet e ngritura nga të tretët në fund të fundit janë pa leje të paligjshme, kërkon të favorizohet dhe të justifikohet me ligj dhe qeveria thotë se nuk mund të bëjë kthimin fizik, pa bërë me tokë atë që shkel ligjin, pra ai favorizohet. Veç shkeljes së parimit të së drejtës së pronës dhe të detyrimeve kushtetuese, ky nen ka edhe gabimin që sjell një faturë financiare për të gjithë shoqërinë. Sepse, një pronë që nuk kthehet, por pretendohet të kompensohet, automatikisht transformohet në një faturë financiare që e paguan e gjithë shoqëria.

Por, për vendimin e Komitetit Shtetëror të Pronave për kompensimin e pronarëve në Tiranë, ç’qëndrim keni?
Aktualisht po diskutohet mënyra e ndarjes së dy milionë dollarëve. Kjo formë është një manovër që intrigon procesin e kthimit të pronës, sepse realisht kjo shumë po të aplikohet për Tiranën vlen për të kompensuar vetëm 3-4 mijë metra katror, pra ajo do t’i ndahet 30 pronarëve duke i kompensuar në një sipërfaqe shumë të vogël të pronës së tyre dhe për pjesën e tyre, ato do të zvarriten me fjalë. Në vetvete edhe ky proces e thellon anarkinë e pronës, sepse nuk ka asnjë arsye si mund të dallosh pronarin e Durrësit nga ai Tiranës, ose të një rrethi tjetër.

Cila është zgjidhja që ju jepni?
Të gjitha këto probleme për mendimin tim zgjidhen me ndjekjen e disa hallkave. Fillimisht duhet të përfundojë kthimi i tokës fizike ekzistuese, anulimi i veprimeve të paligjshme dhe pastaj të hapet rruga për kompensimin financiar ose dhe me troje. Por, që t’i hapet rrugë kompensimit, shteti duhet të vërë në funksion instrumentet e tij për të ndarë se çfarë është pronë e mirëfilltë e shtetit dhe çfarë është pronë e mirëfilltë e pronarëve të shpronësuar ose të grabitur nga diktatura. Kjo bëhet shumë mirë duke rakorduar të dhënat, dokumentet e arkivit të shtetit, të kadastrave në rrethe e të ZPP, dhe njëkohësisht duke marrë për bazë harta ajrore dhe studimet që janë bërë nga projekti i USAID-it. Të gjitha këto të ballafaqohen me kërkesat e pronarëve dhe në këtë mënyrë filtrohen dhe skartohen pretenduesit e rremë.

Shehu: S’kanë plotësuar kushtet
Zv.ministri i Financave, Shrefedin Shehu, kundërshtoi dje mënyrën sesi Komiteti Shtetëror për Kthimin dhe Kompensimin e pronës do të shpronësonte ish-pronarët në shumën e 2 milionë dollarëve. “Ata thonë se do të kryejnë të gjitha procedurat me short. Unë nuk e di se ç’do të thotë një gjë e tillë. Si shpërndahen paratë me short? Ndarja e parave duhet të bazohet në rregulla e ligje të qarta. Për të bërë një short nuk ka të përcaktuar asgjë”, tha zv,ministri Shehu. Nga ana tjetër ai tha se për të zhbllokuar paratë prej 2 milionë dollarësh të vëna në dispozicion për këtë proces, duhet patjetër të plotësohen kushtet, të cilat deri tani, ende nuk janë plotësuar, sipas tij. Kjo do të thotë se fondi mbetet ende i bllokuar nga Ministria e Financave.
Sinaj: Nuk e dimë pse e ka fjalën
Kryetari i Komitetit Shtetëror të Kthimit dhe Kompensimit të Pronës, Sokrat Sinaj, reagoi menjëherë pas deklaratave të zv.ministrit të Financave, Shehu. “Nuk e di se për çfarë kushtesh e ka fjalën zoti Shehu kur flet për zhbllokimin e fondit prej 2 milionë dollarësh”, u shpreh Sinaj. Ai ka kundërshtuar edhe mendimin e zëvendësministrit Shehu lidhur me shortin e hedhur nga ana e anëtarëve të Komitetit. “Ky është një vendim që është marrë nga të gjithë anëtarët dhe është e drejta e komitetit që të përcaktojë modalitetet për shpërndarjen e këtij fondi”, replikoi Sinaj. Lidhur me buxhetin e vitit të ardhshëm, Sinaj tha se i kishte kërkuar Ministrisë së Financave shumën e 50 milionë eurove për vitin 2006 nga buxheti i shtetit.

2 milione USD
Qeveria i ka dhënë Komitetit Shtetëror për Kthimin dhe Kompensimin e Pronave, 2 milionë dollarë. Kjo shumë do të përdoret nga ky komitet vetëm për të kompensuar financiarisht ish-pronarët e qytetit të Tiranës. Kjo shumë është dhënë që në janar të vitit 2005.

6000 hektare
Kjo është sipërfaqja që Komiteti Shtetëror i Pronave do të japë për ish-pronarët e Tiranës, të cilët i kanë këto prona brenda vijës së verdhë. Kjo përllogaritje është bërë nga shuma që ka përcaktuar ky institucion në kompensimin financiar të kësaj shtrese.

200 hektare
Qeveria e re, në amendimin e paraqitur, ka parashikuar që toka maksimale që do t’u kthehet ish-pronarëve, të jetë 200 hektarë. Në ligjin aktual të pronave kufizimi për tokën bujqësore shkon deri në 60 ha. Për pronarët në ligj nuk duhet të ketë kufizime, pasi një gjë e tillë është antikushtetuese.

50 milione euro
Komiteti Shtetëror i Pronave ka bërë të ditur se për të gjithë procesin nevojiten 50 milionë euro. Një shifër e tillë u bë publike nga anëtarët e këtij komiteti, të cilët theksuan se me anë të një shkrese drejtuar Ministrisë së Financave është kërkuar shuma e mësipërme.

viti 2012
Në ligjin aktual për pronat është parashikuar që procesi i kthimit dhe kompensimit të pronës për ish-pronarët të përfundojë në vitin 2012. Që do të thotë se qeveria ka vetëm 6 vjet kohë për të zgjidhur problemin e pronësisë në vend dhe për të bërë pronarët e ligjshëm me tokë, ose me para

Kryetari i asamblesë parlamentare të Partisë Republikane, Sabri Godo, e pranoi në forumin e lartë

PR tërhiqet nga abrogimi i 7501
Godo: Të gjejmë zgjidhje tjetër, të mos dalim nga programi

Partia Republikane tërhiqet nga kërkesa për shfuqizimin e ligjit 7501, “Për tokën”.

Sabri Godo, si një kundërshtarët më të flaktë të PD e PS për abrogimin e këtij ligji, është dorëzuar dje, duke u bërë thirrje edhe anëtarëve të Partisë Republikane që të mos insistojnë në këtë drejtim, por të gjejnë rrugë të tjera për pronarët. Qëndrimi i plakut Godo, është bërë publik në mbledhjen e asamblesë së PR-së. “Kemi një problem mjaft delikat përpara, problemin e pronës. Nuk duhet të ngulim këmbë si cjapi në çdo gjë, që çdo gjë të bëhet tani, ashtu si e kemi ne në program. Një parti politike duhet të shohë një çikë edhe rrethanat që ndodhet dhe të mund të përfitojë maksimalen e mundshme, ne do donim ta abrogonim ligjin 7501 për tokën, por kemi kundër si PD-në për fat të keq ashtu edhe Partinë Socialiste. D.m.th jemi krejt të vetëm në këtë”, deklaroi Godo.
Sipas tij, kjo ka qenë edhe arsyeja kryesore e të hequrit dorë: qenia vetëm në këtë front luftë, duke pasur kundër dy partitë më të mëdha, duke sjellë kështu edhe tërheqjen përfundimtare të republikanëve, ku PR-ja është personifikuar kryesisht si mbrojtëse e pronarëve.

Zgjidhja
Për “plakun e urtë”, Godo, zgjidhja duhet të jetë një kompromis me qeverinë e Berishës, e cila është duke realizuar amendimin e ligjit “Për kthimin dhe kompensimin e pronës”. “Duke qenë krejt të vetëm, duhet të shikojmë se çfarë duhet të bëjmë, duhet të kërkojmë amendime të atilla, të cilat të mbajnë një lloj ere kompromisi ama, pa u tërhequr neve nga ai pozicion, nga i cili s’mund të tërhiqemi, pasi ka të bëjë me filozofinë tonë dhe me ekzistencën tonë që më në fund prona private do të vejë tek i zoti”, deklaroi Godo në mbledhjen e asamblesë. Ai ka vijuar idenë e tij, duke shtuar se “duhet të gjenden rrugët e tërthorta për të arritur tek kjo zgjidhje në kohën më të shkurtër të mundshme”. “Ky është një moment politik delikat për të cilin duhet ta mendojmë se si duhet ta zhvillojmë më mirë. Të mërkurën ky ligj kalon në qeveri”, theksoi Godo. Republikanët kanë ngritur një grup pune me përfaqësues të shoqatave të pronarëve me të cilët kërkohet amendimi i ligjit aktual të pronave. Në këtë nismë pritet që grupi parlamentar i PR-së të negociojë me grupin e PD-së për të gjetur një kompromis për ndryshimin e ligjit aktual të pronave. Në plan të parë për republikanët është heqja e kufizimit të kthimit të pronës që parashikohet të jetë deri në 200 hektarë. Në ligjin e miratuar vitin e kaluar nga maxhoranca socialiste, ky kufizim ishte 60 hektarë. Një kufizim i tillë cilësohet nga ana e përfaqësuesve të pronarëve si antikushtetues.

LZHK: Partitë politike të mblidhen për të diskutuar legalizimet

Shehi: Kundër ligjit të legalizimeve, skema antikushtetuese
“Së shpejti një tryezë e përbashkët me partitë politike për legalizimin”

Lëvizja për Zhvillim Kombëtar shprehu dje kundërshtinë në lidhje me ligjin për legalizimet, që po deklarohet nga qeveria e PD. Kreu i kësaj lëvizjeje, Dashamir Shehi, e cilësoi skemën e re të qeverisë Berisha për procesin e legalizimit, si një pjesë të vjedhjes së pronave, pronarëve të ligjshëm. “Nuk mund të ketë një legalizim, pa bërë më parë kompensimin e pronarëve të ligjshëm. Ne jemi kundër një skeme të tillë për shkak se me këtë nismë ligjore, synohet të bllokohet procesi i kompensimit të pronave për disa vjet, duke synuar që më parë të bëhet legalizimi”, deklaroi Shehi. LZHK-ja e sheh këtë projektligj në kundërshtim me Kushtetutën, dhe ka propozuar në të njëjtën kohë një platformë të sajën për çështjen e legalizimeve. “Në radhë të parë procesi i legalizimit për ne kërkon tri faza. Fillimisht duhet të bëhet urbanizimi i zonave, si dhe regjistrimi i banesave informale. Hapi i dytë; duhet të fillojë procesi i kompensimit të pronarëve dhe më pas duhet të nisë procesi i legalizimit. Një proces i tillë mund të zgjasë për dhjetë vjet”, deklaroi Shehi. LZHK-ja do të organizojë së shpejti një tryezë me partitë politike për projektligjin e qeverisë për legalizimin e banesave informale.

http://www.kohajone.com/ E Premte, 18 Nentor 2005

MUSTAFAJ: TE RESPEKTOHET STATUSI I KOSOVES

Ministri i Jashtem, Besnik Mustafaj, gjate qendrimit te tij ne Strazburg zhvilloi dje nje takim me ministrin e Jashtem te Unionit Serbi-Mali i Zi, Vuk Drashkovic. Ne qender te ketij takimi ka qene ceshtja e Kosoves dhe statusi i saj final, bisedimet per te cilin pritet te fillojne se shpejti. Sipas njoftimit per mediat nga ana e MPJ-se, behet e ditur se gjate takimit te dy bashkebiseduesit kane diskutuar duke mbrojtur hapur qendrimet e tyre lidhur me ceshtjen e Kosoves. Gjithashtu mesohet se te dy ministrat kane vleresuar marredheniet mes Tiranes dhe Beogradit duke shtuar se hapat e bashkepunimit duhet te zgjerohen dhe intensifikohen ne menyre te pavarur nga pozicionet e ndryshme te secilit vend per te ardhmen e Kosoves.

M.B

http://www.balkanweb.com/gazeta/gazeta.htm

Faqja 6 - POLITIKE

Nentor 18, 2005

Mustafaj- Drashkoviç përplasja për Kosovën

Me anë të një njoftimi të shkurtër ministria e Jashtme njofton një takim të ministrit Mustafaj me homologun e tij të unionit Serbi-Mali i Zi, Vuk Drashkoviç. Të dy ndodhen në Strasburg, në sesionin e 115 të komitetit të ministrave të këshillit të Europës. Në njoftim thuhet se” Ministri i Jashtëm i Shqipërisë Besnik Mustafaj pati një takim të gjatë me Ministrin e Jashtëm të Unionit Serbi Mali i Zi Vuk Drashkoviç. Temë kryesore e bisedës së tyre ishte Kosova. Të dy ministrat mbrojten hapur pikëpamjet e veta për formën e statusit përfundimtar të Kosovës, që do të prodhonte një stabilitet të qëndrueshëm në Kosovë dhe në rajon. Të dy ministrat vlerësuan gjithashtu se marrdhëniet mes Tiranës dhe Beogradit duhet të zgjerohen dhe intesifikohen në mënyrë të pavarur nga pozicionet e ndryshme të secilit vend për të ardhmen e Kosovës. Qëndrimet e të dyja palëve tashmë janë të njohura, Tirana zyrtare shprehet për pavarësinë e Kosovës si shtet më vete dhe Beogradi për mosndarjen e Kosovës nga Serbia. Ndërsa gjatë fjalës së mbajtur në këtë takim, Mustafaj ka bërë një përshkrim të sfidave që kalon Shqipëria, synimeve dhe në momentin e dhënies së qëndrimit për Kosovën, është shprehur: nuk dëshiroj të hyj në polemikë me kolegun tim Drashkoviç lidhur me situatën e përshkruar nga ai në Kosovë. Në Kosovë janë të pranishëm institucione dhe organizma ndërkombëtare, raportet e të cilëve janë neutrale. Gjithashtu, nuk bëhet fjalë për krijimin e dy shteteve shqiptare, sepse nuk është gjuha ajo që përcakton shtetin. Ju siguroj se do te ketë vetëm një shtet shqiptar, Republika e Shqipërisë.

http://www.sot.com.al/ Friday, 18 November 2005

EU integration, not a challenge between states

Yesterday, President of Macedonia Branko Cervenkovski held a visit in the Albanian Assembly. ‘First of all, permit me to share with you my impressions during this two-day official visit in Tirana and the feeling of friendship and closeness with my interlocutors, but especially with the Albanian people and citizens of Albania,”- commenced his speech the President of Macedonia, Cervenkovski.With a great pleasure, we can ascertain the high degree of the friendly and cooperative relations between the two countries, said the Macedonian President. According to him, Macedonia and Albania share the same stands on the integration commitment toward European and Euro-Atlantic structures. Among other things, he stressed the entrance of the Republic of Macedonia in the European Union and NATO is not seen as an isolated process from other countries of the region or as a challenge with competitors. On the contrary, our stability and welfare will progress with stable, secure, democratic neighbours. Our interest is the soonest integration of other countries of the region, including your country,” – Macedonian President underlined. In addition, Cervenkovski estimated our country’s approaches on the commencement of Association-Stabilisation Agreement’s negotiations. The reforms to be priority for the entrance in the European Union are complementary with the criteria for joining NATO. “In these approaches, you will find the Republic of Macedonia a sincere and devoted friend,” – he said. Furthermore, Macedonian President hailed the active participation of our countries in the fight against terrorism, congratulating our soldiers that are lined-up along with anti-terror coalition forces in Iraq, in the efforts to strengthen the peace worldwide. Macedonian President halted also in the situation in the region. He expressed his optimism that the decision on Kosovo final status will respect the will of its citizens and Serb minorities. “We altogether will hail the acceptable decision that will come out from these negotiations and will give our contribution in this regard as well,” – he underlined.

http://www.balkanweb.com/gazeta/gazeta.htm

Faqja 8 - POLITIKE

Nentor 17, 2005

Rishfaqet ‘ndryshku’ i vjetër mes dy politikanëve të PD për formën e pavarësisë së ardhshme

Topalli-Mustafaj, përplasja për Kosovën

“Qëndrimi i ministrit për statusin është personal”

Jozefina Topalli sulmon publikisht për herë të parë ministrin e jashtëm, Besnik Mustafaj lidhur me qëndrimin e deklaruar për statusin e Kosovës. Në intervistën dhënë dje për gazetarin Ilir Babaramo”, kryetarja e Kuvendit Jozefina Topalli ka folur rreth qëndrimit të shefit të diplomacisë për Kosovën dhe statusin përfundimtar që ajo duhet të ketë. “E kam thënë edhe herë tjetër që qëndrimi i Mustafait është personal”, - u shpreh Topalli, duke i dhënë kështu dimension një përplasjeje të heshtur rreth statusit, që ka muaj që intrigon politikën shqiptare.

Kritika
Jozefina Topalli ka nënvizuar në emisionin televiziv të mësipërm, se Kuvendi i Shqipërisë është përcaktuar qartë dhe prerë në domosdoshmërinë e një statusi pavarësie të plotë për Kosovën. Në këtë aspekt, nuk duhet harruar qëndrimi që vetë zonja Topalli mbajti gjatë vizitës së fundit të kryeministrit kosovar në Tiranë, dhe sidomos rezolutën e fundit për Kosovën të miratuar nga Kuvendi i Shqipërisë. Në këtë tekst, i cili erdhi pas shkrirjes së dy projekt rezolutave të hartuara nga dy forcat, PS-ja dhe PD-ja, del qartë se Shqipëria mbështet idenë e pavarësisë së Kosovës. Për këtë draft votuan pro të gjithë deputetët e kuvendit, duke i dhënë zgjidhje më në fund debatit të stërzgjatur për pozicionin shqiptar ndaj statusit final të Kosovës.
Qëndrimi i shefit të diplomacisë nuk duket edhe aq privat, po të marrim parasysh faktin se qëndrimin që Kosova të ketë pavarësi të kushtëzuar, ai e ka deklaruar edhe gjatë vizitës së zhvilluar në OKB, si përfaqësues i vendit tonë, si dhe e ka nënvizuar disa herë më vonë.

Debati
Teza e hedhur në tregun politik për pavarësi të kushtëzuar të Kosovës nga ministri i Jashtëm Besnik Mustafaj, solli debat në arenën politike të vendit. Kështu sekretarja për marrëdhëniet me jashtë në selinë rozë, Arta Dade, por edhe politikanë të tjerë të së majtës përfshirë Metën e LSI, e cilësuan deklaratën e shefit të diplomacisë shqiptare si të pavend dhe kaotike. E majta ka nënvizuar se ideja e një pavarësie të kushtëzuar, nuk ekzistonte si opsion, nisur nga pozitat nga të cilat Kosova po nis diskutimet për këtë çështje. Opozita nuk ngriti vetëm këtë shqetësim lidhur me deklaratën e bërë nga Mustafaj. PS u shpreh se kjo deklaratë e bërë nga Mustafaj, iu bashkua amullisë së qëndrimeve aspak të njëllojta të lëshuara deri në ato moment nga kreu i shtetit si dhe nga kreu i qeverisë. Kryeministri Berisha, ka qëndruar në mes të kësaj amullie deklaratash pa e shprehur qartë qëndrimin e tij, duke u shprehur herë për pavarësinë e kushtëzuar, herë për vetëvendosjen. Kjo përplasje institucionesh tregon natyrën spontane e improvizuese të shtetit shqiptar, e kjo është e pafalshme për një temë kaq delikate si statusi përfundimtar i Kosova.

PLAGE TE VJETRA
Mes kryetares së Kuvendit, Jozefina Topalli, dhe shefit të diplomacisë, Besnik Mustafaj ka pasur një “përplasje” të vjetër. Bëhet fjalë pikërisht për momentin kur kreu aktual i qeverisë, ishte në hapat e parë të krijimit të kabinetit të tij qeverisës. Për postin e ministrit të Jashtëm, Berisha ka zgjedhur mes dy kandidaturave, atë të Jozefina Topallit dhe Besnik Mustafaj.
Mbetet të shihet cili do të jetë reagimi i ministrit, nga momenti që kuvendi e ka shpallur hapur dhe qartë pozicionin e tij.

Moisiu
Presidenti ka mbajtur një qëndrim të qartë pro pavarësisë së Kosovës, në ndryshim nga institucionet e tjera te shtetit që kanë mbrojtur opsione të tjera

Opozita
Sekretarja për marrëdhëniet me jashtë në PS, Arta Dade, e cilësoi deklaratën e ministrit Mustafaj për statusin e Kosovës; pavarësi e kushtëzuar, si absurde dhe e pavend.

Berisha
Kryeministri Berisha, ende nuk ka dhënë një qëndrim të saktë lidhur me statusin e Kosovës. Pas reagimit që pati qëndrimi i Mustafaj, Berisha ka bërë vetëm një interpretim.

http://www.shekulli.com.al/ 17/11/2005

KSHKKP ka vendosur listën e dokumenteve që duhet të dorëzohen për të marrë pjesë në short.

Pronat, 5 ditë afat për dokumentet

Anila Rama

TIRANË- Ish-pronarët e Tiranës që do të përfitojnë kompensimin financiar për trojet deri në 200 metër/2, kanë afat deri në 21 nëntor për të dorëzuar dokumentacionin e nevojshëm pranë Komisionit Vendor të Kthimit dhe Kompensimit të Pronave të kryeqytetit. Vendimi i marrë dy ditë më parë nga Komiteti Shtetëror i Kthimit dhe Kompensimit të Pronave për të ndarë shumën prej 2 milionë dollarësh, ka vendosur si afatin e fundit të dorëzimit të dokumentave të plota, 21 nëntorin. Ndërkohë data e pranimit të dokumenteve në fjalë ka filluar që në 15 nëntor, pra dy ditë më parë. Në bazë të afatit në fjalë, ish-pronarëve të interesuar për të marrë kompensimin financiar për pronat e tyre që ndodhen brenda vijës së verdhë, u kanë vetëm 5 ditë kohë për të mbyllur dokumentacionin e përcaktuar në vendimin e KSHKKP-së. Ndërkaq vendimi i marrë nga KSHKKP-ja dy ditë më parë, ka përcaktuar hedhjen e shortit mes emrave të pronarëve që kërkojnë kompensimin në lekë si mënyrën e vetme, për të ndarë pa debate fondin prej 2 milionë dollarësh të akorduar nga buxheti i shtetit që në fillim të këtij viti. Sipas burimeve nga Komiteti, tashmë vendimi është marrë dhe do të përcaktohet vetëm data e hedhjes së shortit dhe ndarjes së lekëve. Kështu të gjithë emrat e ish- pronarëve që do të dorëzojnë deri në datën 21 nëntor dokumentacionin e plotë pranë KVKKP-së, së Tiranës do t’i nënshtrohen shortit në një mbledhjeje të hapur në Komisionit Vendor të Tiranës. Kjo do të thotë se numri i atyre që do të përfitojnë nga këto para do të jetë shumë i vogël nisur edhe nga fakti që vlera e trojeve që do të kompensohet është e lartë, pasi bëhet fjalë për toka që ndodhen brenda vijës së verdhë të kryeqytetit. E dhënë ndryshe, këto mund të renditen te trojet me vlerë më të lartë në gjithë territorin e vendit, ku vlera e një metri katror shkon mesatarisht 340 euro.
Kriteret
Por në vendimin e Komitetit Shtetëror të Kthimit dhe Kompensimit të Pronave është përcaktuar edhe një tjetër kriter, sipas të cilit nuk do të përfitojnë kompensim në lekë nga ky fond të gjithë ato subjekte që kanë përfituar kthim prone. Pra pavarësisht se një ish- pronari i është kthyer një pjesë e pronës, por ai ende mund të ketë pjesën tjetër pa kompensim, këtë radhë nuk do të mund të përfitojë kompensim financiar. Nga ana tjetër, edhe subjektet e shpronësuara që ende vazhdojnë të kenë konflikte gjyqësore të pazgjidhura, qoftë edhe ankim administrativ, nuk do të jenë pjesë e grupit të ish- pronarëve të kryeqytetit që dë kompensohen financiarisht deri në fund të muajit dhjetor.
Vlerësimi
“Vlerësimi i pronës do të bëhet në bazë të metodikës për vlerësimin e pronës, miratuar nga Kuvendi në prill të këtij viti. Njoftimi për datën vendin dhe orën e zhvillimit të shortit, do të njoftohet nëpërmjet medias. Mangësitë në dokumentacion të përjashtojnë nga e drejta e kompensimit”,- thuhet në vendimin e KSHKKP-së
Pse u zgjodh Tirana
Koha e limituar deri në fund të vitit 2005, që i jep të drejtë KSHKKP-së për të ndarë fondin për kompensimin finaciar, ka detyruar këtë institucion që ta fillojë ndarjen e parave nga kryqyteti. Sipas një raporti të hartuar nga KSHKKP-ja për Parlamentin, është përzgjedhur Tirana vetëm për faktin se vetëm ky qytet kishte një informacion të përpunueshëm, duke lejuar edhe bërjen e analizave. “KSHKKP-ja nëpërmjet këtij projekti të detajuar dhe transparent, do të realizojë kompensimin e pronarëve, me fondin prej 2 milionë dollarë, akorduar nga qeveria. Duke pasur parasysh afatet kohore për realizimin e këtij procesi kompensimi, u vendos që të përzgjidhej qyteti i Tiranës, pasi informacioni i përpunueshëm për këtë qytet ishte i vetmi që lejonte të kryeje një analizë të plotë brenda afateve të përcaktuara”,- thuhet në këtë raport. Tashmë KSHKKP-ja do të deklarojë publikisht vendimin e mësipërm për t’i hapur rrugë zbatimit të tij deri në fund të këtij viti.

Pronarët që përfitojnë nga ndarja e lekëve:

1) Qyteti i Tiranës brenda vijës së verdhë
2) Nuk përfitojnë të gjithë ato subjekte që kanë përfituar kthim prone
3) Maksimumi që do të përfitohet nga subjektet e shpronësuara do të jetë 200 m2
4) Subjekti i shpronësuar nuk duhet të ketë konflikt gjyqësor në proces, ose ankim adminisrativ

Dokumentet që duhet të dorëzohen në KVKKP:
1) Vendimi i KVKKP-së për kompensim në zonë urbane
2) Vendimi gjyqësor për kopmensim
3) Akti i trashëgimisë
4) Prokurë e posaçme, e rinovuar nga të gjithë pjesëtarët ose trashëgimtarët e pronës e firmosur nga të gjithë trashëgimtarët ligjorë
5) Data e pranimit të dokumentacionit në KVKKP-në e Tiranës fillon më 15 nëntor
6) Data e përfundimit të pranimit të dokumentave është data 21 nëntor

Çmimet për disa zona

Toka bujqësore

Lushnjë
3,4 euro për metër katrorë

Toka bujqësore
Berat
3,8 euro m2

Trojet në zonat urbane
Në Tiranë

Varion nga 78 euro m2 në periferi deri në 606 euro m2 në qendër

Toka në zonat turistike

40 euro m2 deri në 210 euro m2

E Merkure, 16 Nentor 2005 http://www.korrieri.com/

LZHK paraqet skemen e re per legalizimet

Levizja per Zhvillim Kombetar paraqet skemen per realizimin e procesit te legalizimit te zonave informale. LZHK-ja ka bere disa propozime per te arritur ne perfundimin e ketij procesi pa pasur probleme sociale mes pronareve te vjeter dhe atyre te rinjve. Sipas tyre, me ligjin e legalizimive shkaterrohen bazat e ekonomise se tregut dhe krijohet nje kategori e re perfituesish qe mund te perdoren per qellime elektorale. Ne skemen e propozuar nga kjo Levizje gjykohet se para se te nis procesi i legalizimeve duhet te mbyllet procesi i urbanizimit te zones, qe do te thote se shteti duhet te paracaktoje akset e rruges, distancat e ndertimeve nga keto akse, sheshet per ndertimet social-kulturore si dhe hapesirat e gjelberta dhe me pas te konturohen zonat, te cilat do te legalizohen. Ne rast se procesi i legalizimit do te behet i pershpejtuar atehere kostoja e urbanizimit do te rritet jashte mase. Nje pike tjeter e rendesishme ne skemen e legalizimeve te LZHK-se eshte edhe zgjidhja e menyres se kthimit dhe te kompensimit te pronareve te ligjshem, te territoreve qe jane objekt legalizimi. Pikerisht per kete arsye eshte propozuar qe siperfaqet e trojeve qe jane objekt i legalizimit, pasi i eshte zbritur siperfaqja per efekt urbanizimi do te paguhen nga ndertuesit e objekteve me cmimin e tregut per nje peridhe kohe nga 7 deri ne 10 vjet. Shumat qe do te perfitohen, pasi te zbriten detyrimet ligjore te kalojne ne nje fond per kompensim financiar te pronave e qe administrohet nga shteti, nga i cili pronaret marrin ne periudha nje vjecare fondet qe u takojne.

Avantazhet e skemes se LZHK-se

Fut ne rruge kushtetuese procesin e legalizimit

Kostot financiare per shtetin shqiptar behen zero dhe njekohesisht perfitohen edhe vlera monetare nga detyrimet e papaguara ne procesin e shitblerjes

Kjo lloj skeme krijon edhe nje harmoni sociale midis paleve

Periudha shumevjecare e shlyerjes se detyrimeve i jep mundesi te mos kene detyrime financiare te menjehershme

Skema eshte avantazhuese per personat qe do te kryejne legalizimin, por edhe per pronaret

Ne kuader te luftes kunder korrupsionit i jep fund abuzimit me pronen

http://www.kohajone.com/ E Merkure, 16 Nentor 2005

PLL: PS-JA, REAGIM BOLSHEVIK

Partia Levizja e Legalitetit ka reaguar dje pas deklaratave te bera nga ana e socialisteve per kthimin e prones pretendentit te fronit mbreteror, Leka Zogu i Pare. Me ane te nje deklarate per mediat, PLL-ja e ka cilesuar si bolshevik reagimin e socialisteve duke theskuar se kthimi i pallatit eshte konform te drejtes se prones. Gjithashtu kjo force politike ka shprehur perkrahjen dhe inkurajon qeverine Berisha per nje sere hapash te ndermarra ne drejtimin e duhur, persa i perket luftes kunder korrupsionit, krimit te organizuar, si dhe per kthim-kompensimin e pronave te ligjshme, perfshire ketu pronat e familjes mbreterore, ne perputhje me ligjin per Statusin e Familjes Mbreterore.

http://www.gazeta55.net/home.jsp

16/11/2005, ora

PLL: përkrahim nismat e qeverisë “Berisha”

Me anë të një deklarate shtypi Partia Lëvizja e Legalitetit shprehu dje përkrahjen e saj për qeverinë e zotit Berisha për hapat e ndërmarra prej saj në lidhje me luftën kundër korrupsionit dhe krimit të organizuar, si dhe për kthimin dhe kompensimin e pronave të ligjshme, përfshirë këtu pronat e Familjes Mbretërore, në përputhje me ligjin për Statusin e Familjes Mbretërore. Kjo parti denoncoi dhe shprehu përbuzjen e saj për mendësinë bolshevike, ende mbizotërues, në mendjet dhe zemrat e një pjese të deputetëve të majtë.

Partia Lëvizja e Legalitetit u shpreh ashpër edhe kundër deklaratës së deputetit Majko për gjoja vendosje të fashizmit në Shqipëri. Në deklaratën e PLL-së kujtohej se opozita e sotmeka dhënë prova kur ishte në pushtet në burgosjen e kryetarëve të partive apo me vrasje politike si ajo e Azem Hajdarit dhe Ahmet Krasniqit. PLL u shpreh në për zhvimin e reformave të domosdoshme në sistemin e drejtësisë në vend për t’i hapur rrugën ndryshimeve të kërkuara prej të gjithë shqiptarëve.

http://www.ballkan.com/

Moisiu liron nga detyra katër ambasadorë
Vendet vakant pritet të zëvendësohen shumë shpejt nga qeveria. Në ndryshim edhe Roma

Autori i Lajmit: Juli Prifti
Presidenti ka liruar nga detyra dje katër ambasadorë të trupit diplomatik shqiptar me kërkesë të kryeministrit Berisha. Kështu, ambasadorët shqiptarë në Bullgari, Austri dhe në Federatën Ruse, si dhe ambasadori i misionit të përhershëm të Shqipërisë në OKB janë shkarkuar nga detyra. Sipas procedurës, propozimi vjen nga ministri i Punëve të Jashtme, miratohet nga kryeministri dhe ky i fundit kërkon dekretimin nga ana e Presidentit të Republikës.
Ndryshimet
Trupi diplomatik shqiptar duket se po i nënshtrohet lëvizjeve të mëdha pas shkarkimit nga detyra të ambasadorëve në Greqi dhe në Zvicër, tashmë edhe katër të tjerë lënë detyrën. Këto lëvizje i kishte paralajmëruar vetë ministri i Jashtëm, Besnik Mustafaj, i cili theksoi se do të lëviznin personat politikë, ndërsa diplomatët e karrierës do të vazhdonin punën e tyre. Në këtë mënyrë, katër lirimet nga detyra do të pasohen edhe me ndryshime të tjera, në Itali, Vatikan dhe në shtete të tjera të Europës, si në Austri, e cila merr edhe presidencën e radhës së BE-së dhe ambasada shqiptare paraqitet e një rëndësie të veçantë. Disa nga diplomatët tanë në trupin diplomatik duket se nuk do të ndryshojnë për shkak të karrierës së gjatë dhe të suksesshme në detyrat që kanë mbajtur për vite me radhë. Ministri Mustafaj ndërkohë ka paraqitur pranë kryeministrit dhe ka marrë miratimin për pesë kandidatët, dy prej të cilëve janë dekretuar nga Presidenti Moisiu, ndërsa tre të tjerë mbeten në pritje. Vili Minarolli tashmë është ambasadori shqiptar në Greqi dhe Mehmet Elezi në Zvicër, ndërsa kandidati i caktuar për në OKB, Ljublin Dilja u tërhoq nga kandidimi. Në pritje është kandidatja për ambasadore në SHBA, Edith Harxhi, dosja e së cilës vazhdon të shqyrtohet nga Presidenti Moisiu, kandidatja për ambasadën e Austrisë Tatjana Kongoli, gjithashtu në pritje të dekretimit nga Presidenti.
Dosjet diplomatike
Kandidatët e Ministrisë së Jashtme për në trupin diplomatik kanë hasur në kundërshtimet e opozitës, e cila paraqiti opsionet e veta edhe pranë Presidentit Moisiu. Por ndërkohë që Presidenti do të shqyrtojë kandidatët për ambasadorë në SHBA dhe në Austri, duket se Ministria e Jashtme është duke propozuar emrat e tjerë për lirimet e djeshme te kreu i qeverisë. Burime nga dikasteri i diplomacisë nuk thanë dje se cilët emra janë programuar për ambasadat e mbetura vakant, por edhe ato do të ndjekin procedurën e kalimit në Komisionin parlamentar të Politikës së Jashtme para se të shkojnë për dekretim te Presidenti.

Ky lajm është publikuar: 16/11/2005

13 Nentor http://gazetametropol.com/