21012005

21 Janar 2005 http://www.kohajone.com/

NANO FALENDERON SHIRAK PER RRUGEN "SKENDERBEJ"

Kryeministri Nano gjeti rastin ne takimin e djeshem qe te falenderoje Presidentin Shirak per ndihmen e dhene ne kohen kur ishte kryetar i Bashkise se Parisit, per dhenien e emrit "Skenderbej" nje sheshi ne Paris. Po keshtu, duke theksuar faktin qe ne historine e marredhenieve dypaleshe asnje president francez nuk ka vizituar Shqiperine, kryeministri Nano e ftoi presidentin francez qe te hiqte kete rekord te padeshiruar nga marredheniet dypaleshe. Presidenti francez nga ana e tij theksoi se ne momentin me te afert do te gjente mundesine per te vizituar Shqiperine.

21 Janar 2005

SHIRAK: MBESHTESIM FORT SHQIPERINE

Edlira Prenga

Franca inkurajon procesin e reformave politike dhe ekonomike ne Shqiperi, me qellim krijimin "e nje klime te favorshme per investimet" e huaja ne vendin tone. Keshtu deklaroi Elizeja "Elysee, presidenca franceze) ne perfundim te takimit te djeshem ne mesdite mes presidentit Zhak Shirak dhe kryeministrit shqiptar, Fatos Nano. "E mbeshtesim Shqiperine ne rrugen e reformave politike dhe ekonomike te domosdoshme per krijimin e nje klime te favorshme per investime", deklaroi presidenca franceze. E gjithe kjo deklarate u be ne takimin e djeshem ne pallatin presidencial Elize, qe shenoi dhe momentin kulmor te vizites se kryeministrit shiptar, i cili eshte prej dy ditesh ne France. Kreu i shtetit francez duke i uruar ireseardhjen kryeministrit shqiptar, theksoi si te rendesishem thellimin e dialogut politik ne zhvillimin e marredhenieve dypaleshe, cka shton interesin per nxitjen dhe intensifikimin e tyre, duke vene theksin ne nxitjen e marredhenieve ekonomike. Bashkebiseduesit ne kete takim, i cili ka zgjatur per rreth 45 minuta, analizuan detajet themelore te marredhenieve dypaleshe dhe forcimin e metejshem te partneritetit shqiptaro- francez. Per kreun e ekzekutivit shqiptar, kjo marredhenie shoqeron procesin e hapjes dhe te integrimit te rajonit te Ballkanit, ku Shqiperia luan nje rol te pazevendesueshem, si dhe procesin e europianizimit te Ballkanit Perendimor, ku Franca ka nje rol te dores se pare. "Shqiperia do te kete mbeshtetjen e forte te Frances ne rrugen e saj drejt Bashkimit Europian. Eshte koha te shohim me perparesi marredheniet ekonomike midis dy vendeve, ku Franca eshte e interesuar te jete me e pranishme, te shoqeroje dhe kontribuoje ne zhvillimin e Shqiperise dhe rajonit, pasi perspektiva juaj evropiane eshte tashme e konfirmuar". Keshtu u shpreh presidenti francez Shirak gjate bisedes me Nanon duke deklaruar ne kete menyre se Franca eshte aleatja jone ne mundesimin e vendit per te patur te hapur porten per ne BE. Duke e pare si te rendesishem zhvillimin ekonomik te vendit tone, te dy personalitetet diskutuan per nxitjen e kompanive franceze per te marre pjese ne privatizimin e sektoreve te rendesishem dhe strategjike te ekonomise ne Shqiperi, si energjine, telekomunikacionin, turizmin, etj. Kreu i qeverise shqiptare ne kete kontekst u shpreh se zhvillimi i marredhenieve ekonomike do te shoqerohet edhe me permiresimin e nevojshem te kuadrit ligjor, qe inkurajon bashkepunimin ekonomik, shkembimet tregtare, nxitjen e investimeve, vecanerisht per heqjen e taksimit te dyfishte mes dy vendeve. "Ne deshirojme qe ne aksionet e globalizimit te ekonomise shqiptare, te kete gjithashtu edhe pjesemarrje e pronesi franceze, ne mase te ekuilibruar me aktoret e tjere te rendesishem qe po na shoqerojne", vuri ne dukje ai.

http://www.shekulli.com.al/

Në foto: Kryeministri Nano dhe presidenti i Francës, Zhak Shirak, dje gjatë takimit në Paris

Kryeministri Nano takon presidentin francez Shirak. Premtohet ndihmë për integrimin në Bashkimin Evropian

Shqipëri-Francë, shkrihen akujt

Shirak: “Tani dialogu politik zhvillohet në një klimë të kënaqshme. Do t’ju mbështesim për në BE”

A. Rama

TIRANE- Marrëdhëniet mes Shqipërisë dhe Francës, kanë shënuar së fundi një pikë kthese, pas ftohjes që u vu re në kohën kur vendi ynë u rreshtua në koalicionin antiterrorist duke mbështetur luftën e SHBA-së në Irak. Franca që ka qenë kundër kësaj ndërhyrjeje ushtarake në Irak, kishte një nivel marrëdhëniesh thuajse formal me Tiranën zyrtare. Por vizita e fundit e kryeministrit Fatos Nano në Paris, dhe ashtu siç ai e ka theksuar dje gjatë takimit me presidentin Zhak Shirak, duket se do të sjellë një erë të re në marrëdhëniet dypalëshe. Ndërkohë presidenti Shirak, është shprehur i gatshëm për shtimin e kontakteve me Shqipërinë, duke pohuar se tashmë dialogu politik zhvillohet në një klimë të kënaqshme. Ndërsa kryeministri Nano u shpreh pas takimit për gazetarët se niveli i marrëdhënieve me Francën ishte “asgjë më pak sesa një partner i madh dhe i sigurtë, siç është Franca në procesin e stabilizimit të plotë të Ballkanit dhe të suksesit të integrimit të Shqipërisë dhe vendeve të tjera të rajonit, në BE. Asgjë më pak sesa forcimi i mëtejshëm i angazhimeve për reforma, dhe për partneritet produktiv me institucionet dhe prezencën franceze në institucionet europiane”. Presidenti francez, ka ritheksuar qëndrimin e Francës për të mbështetur Shqipërinë në procesin e integrimit drejt BE-së. “Shqipëria do të ketë mbështetjen e fortë të Francës në rrugën e saj drejt Bashkimit Europian. Eshtë koha të shohim me përparësi marrëdhëniet ekonomike midis dy vendeve, ku Franca është e interesuar të jetë më e pranishme, të shoqërojë dhe kontribuojë në zhvillimin e Shqipërisë dhe rajonit, pasi perspektiva juaj evropiane është tashmë e konfirmuar”, -tha Shirak. Kreu i shtetit francez, ka vlerësuar rolin si faktor paqeje dhe stabiliteti që ka luajtur Shqipëria në rajonin e Ballkanit. Ndërkohë kryeministri Nano, tha se tashmë situata në rajon nuk mund të krahasohet më me të kaluarën, midis vendeve të rajonit ekziston një mentalitet i ri dhe vullnet i përbashkët për të bashkëpunuar dhe bashkëvepruar, si dhe është vendosur një dialog politik intensiv i nevelit të lartë”. Duke u ndalur tek çështja e Kosovës Nano, çështjes së Kosovës,tha se e ardhmja europiane është formula më e përshtatshme për Kosovën. Ai theksoi se nuk duhet humbur kohë në trajtimin e çështjes së statusit përfundimtar, në mënyrë që padurimi në rritje të mos prekë arritjet e padiskutueshme. Nano u shpreh për konsolidimin e marrëdhënieve dypalëshe dhe kërkoi zyrtarisht rihapjen e liceut francez duke shtuar se pala shqiptare ishte e gatshme të nënshkruante memorandumin për seksionet dygjuhëshe në Shqipëri, kërkesë kjo që është pranuar nga Shirak. Nano ftoi presidentin francez për një vizitë zyrtare në Tiranë, pasi deri më sot asnjë president francez nuk ka vizituar Shqipërinë.

E Premte, 21 Janar 2005 http://www.korrieri.com/

Shirak: Mbeshtesim Shqiperine ne BE

Kryeministri shqiptar bisedon per 40 minuta ne Pallatin e Elizese ne Paris me Presidentin francez. Zhak Shirak: “Nuk ka asnje problem politik mes Frances dhe Shqiperise“. Nano fton kompanite franceze ne procesin e privatizimeve strategjike. “Club Med“ ne fushen e turizmit dhe “Sagem“ ne telekomunikacion, shembujt e pare

Nga Parisi,

Elton METAJ

Franca garantoi Shqiperine per mbeshtetjen e saj ne rrugen drejt integrimit ne Bashkimin Europian, ndersa Tirana dhe Parisi rane dakort te shohin me perparesi marredheniet ekonomike. Presidenti francez Zhak Shirak dhe Kryeministri shqiptar Fatos Nano, biseduan dje per 40 minuta ne Pallatin e Elizese, duke konfirmuar se problemet politike mes dy vendeve jane lene pas.

“Tashme nuk ka asnje problem politik mes Frances dhe Shqiperise”, ka thene Shirak, ne biseden me shefin e qeverise shqiptare. Per Presidentin francez, “Shqiperia do te kete mbeshtetjen e forte te Frances drejt integrimit europian”.

Megjithate, Shirak dhe Nano i kane kushtuar nje pjese te rendesishme marredhenieve ekonomike mes dy vendeve, qe jane ne nivele teper te ulta. Aktualisht, kembimet tregtare mes dy vendeve arrijne ne rreth 40 milione euro ne vit, ndersa vetem 20- 25 firma franceze kryejne veprimtari ne vendin tone. “Te shohim me perparesi marredheniet ekonomike”, eshte shprehur Shirak, duke nenvizuar interesin e vendit te tij ne kete drejtim.

Por duke folur ne oborrin e Pallatit Presidencial, Kryeministri shqiptar ka qene me i qarte ne deklarimet e tij. Ai ka folur per iniciativa shteterore qe do te asistojne kompanite e rendesishme ne procesin e privatizimeve te medha ne Shqiperi. “Do te kete iniciativa shteterore per te vene ne kontakt me shume operatore ekonomike te asistuar nga qeverite e te dy vendeve, qe do te shoqerojne procesin e privatizimeve te rendesishme apo te reformave strukturore, qe po krijojne nje treg ne Ballkanin Perendimor me kompanive franceze, duke filluar nga ‘Club Med’ dhe ‘Sagem’”, u shpreh Kryeministri Nano. Sipas tij, ne kete menyre do te synohet qe aksionet e ekonomise shqiptare te kene pjesmarrje e pronesi franceze, ne mase te ekuilibruar me aktoret e tjere te rendesishem, qe shoqerojne

Shqiperine.

Si fillime te rendesishme te pranise ekonomike franceze ne Shqiperi, Nano ka permendur

“Club Med”, kompani qe ne bashkepunim me shoqerine “Riviera” do te nise ndertimin e nje fshati turistik ne Kakome, si dhe “Sagem”, nje nder gjigandet ne fushen e telekomunikacionit ne bote. Gjithashtu, Kryeministri Nano i ka bere nje ftese te qarte biznesit francez per te investuar ne Shqiperi.

Gjate nje takimi ne Ministrine e Ekonomise, Financave dhe Industrise, shefi i qeverise nenvizoi gadishmerine e ekzekutivit qe drejton per te mirepritur kompanite franceze ne procesin e privatizimeve te rendesishme, qe do te kulmojne gjate ketij viti me “Albtelekom” dhe “ARMO”. Nano tha se Shqiperia ofron te gjitha kushtet dhe ka resurse te shumta qe e bejne ate atraktive qe sipermarrjet e huaja te investojne ne Shqiperi.

“Shqiperia nuk duhet pare me me syte e se kaluares, por duhet pare me ate te realitetit ne ndryshim, te dinamikes se zhvillimit dhe ate te perspektives europiane”, tha Kryeministri. Duke dashur te qetesoje investitoret potenciale, Kryeministri i njohu ata me faktin se Shqiperia eshte duke u pergatitur per zgjedhjet e ardhshme parlamentare. Ne kete drejtim, Nano theksoi “se ajo qe me intereson si Kryeminister i vendit dhe per te cilen po punojme, eshte zhvillimi i nje procesi pa probleme dhe sipas standarteve demokratike”.

Ne te njejten kohe, Kryeministri shqiptar, ne viziten e tij te pare zyrtare ne Paris, e vleresoi Francen nje partner te madh dhe te sigurte. Per Nanon, integrimi i Tiranes dhe kryeqyteteve te tjera te Ballkanit Perendimor, tashme do te kete nje mbeshtetje politike

dhe ekonomike nga Parisi.

Raporti: Mafia Shqiptare, e treta ne BE

E Premte, 21 Janar 2005

Raporti i publikuar i plote dje nga Policia e Perbashket Europiane, “Europol” per krimin e organizuar gjate 2004, tregon se grupet shqiptare, renditen pas atyre ruse dhe kineze, per veprimtarine qe zhvillojne ne hapesiren e 25 shteteve te BE. Struktura e organizimit, ku veprojne, me ke bashkepunojne, cfare kontrollojne dhe sa jane fitimet. Konstatimi alarmant: “Shqiperia, Pakistani dhe Afganistani, vendet kryesore per prodhimin e hashashit”. Pjesa e plote e raportit zyrtar per grupet shqiptare

“Grupe te organizuara kriminale qe sa vijne e behen me te shumanshme, duke mos pelqyer te veprojne vetem ne nje lloj krimi por duke u perfshire ne aktivitete te shumta kriminale si trafiku i droges, kontrabanda, trafiku i klandestineve. Grupe kriminale qe sa vijne e bashkepunojne me njeri- tjetrin me shume se sa jane rivale”. Kjo eshte tendeca e re e krimit ne vendet e Bashkimit Europian, sipas raportit te policise se saj, “Europol” per vitin 2004. Sipas ketij raporti, grupet kriminale shqiptare renditen ne krah te grupeve kriminale ruse dhe atyre kineze, si tre grupet kriminale me te perhapura dhe me aktive ne te gjithe hapesiren e BE.

Ne raportin e Policise se Perbashket Europiane, te cilin e prezantoi drejtori Marian Simankas thuhet se “grupet e organizuara kriminale jane fokusuar ne trafikun ilegal te klandestineve dhe ne trafikun e qenieve njerezore, sepse i konsiderojne keto aktivitete si krime me risk me te vogel dhe me perfitime me te larta”.

Simankas tha se “ky raport u publikua ne nje vit kur BE u zgjerua nga 15 ne 25 vende. Nje zgjerim i cili i dha mundesi organizatave kriminale te zgjerojne aktivitetin e tyre kriminale. Kjo do te thote se duhet te bashkepunojme me nje strategji te re ne nivel europian, per te luftuar krimin e organizuar”.

Krimi i organizuar shqiptar gjate 2004

Sipas raportit te “Europol” grupet kriminale shqiptare, te cilet luajne nje rol ndermjetes mes grupeve te tjera kriminale ne trafiqe te ndryshme, aktualisht kane arritur te krijojne nje pozicion, nga ku jane ne gjendje te kontrollojne tregjet e tyre. Ato jane perhapur ne shume vende te Bashkimit Europian dhe vazhdojne te zgjerojne aktivitetin e tyre kriminal. Aktivitet kriminale jane te kontrolluara nga grupe kriminale qe ndodhen ne Shqiperi, Kosove dhe Maqedoni. Nga ndermjetes te grupeve te tjera kriminale, kane arritur te fitojne kontroll te plote ne disa shtete te vecanta per trafikun e droges, trafikun e klandestineve dhe trafikun e prostitutave.

Grupet e organizuara shqiptare karakterizohen nga strukutura hiearkike, disiplina dhe bazohen ne anetaresimin grup. Sipas raportit te “Europol”, roli i grupeve kriminale shqiptare ne te gjithe BE sa vjen e rritet. Italia dhe Greqia i konsideron grupet shqiptare si grupet me te medha kriminale jo vendase ne token e tyre. Organizatat kriminale shqiptare konsiderohen si kercenim ne vazhdim, per vendet anetare te BE.

Ne trafikun e heroines, grupet shqiptare kane lidhje te ngushta me grupet kriminale turke te cilat sipas raportit dominojne tregun e heroines. “Nderkohe qe grupet kriminale shqiptare vazhdojne te rrisin pozicionin e tyre ne kete trafik, si dhe vihet re nje rritje e bashkepunimit te ngushte mes ketyre dy grupeve”,- thuhet ne raport. Grupet shqiptare bashkepunojne dhe me grupet kriminale indiane per trafikun klandestin te shtetasve indiane ne Belgjike, Danimarke, Gjermani, Greqi, Hollande, Slloveni, Spanje dhe Britanine e Madhe.

Aktiviteti ne Greqi

Ne Greqi grupet kriminale shqiptare vijne pas grupeve kriminale greke, te cilat perbejne rreth 40 % te te dyshuarve. Ne krah te grupeve kriminale shqiptare vijne bullgaret, pakistanezet dhe turqit. Sipas ketij raporti “Shqiptaret zakonisht bashkepunojne me shume ne aktivitetin e tyre kriminal, me grupe jo autoktone greke. Por bashkepunojne dhe me grupe kriminale greke, kryesisht per trafikun e kanabisit dhe te heroines nga Shqiperia ne Greqi, per trafikun e klandestineve, per trafikun e qenieve njerezore me qellim abuzimet seksuale, si dhe per vjedhje, grabitje.

Ne Hungari ku trafiku i droges eshte aktiviteti me i madh kriminal, i drejtuar nga grupet kriminale vendase, kryesisht veprojne grupet kriminale kosovare. Mariuhana eshte lloji me i zakonshem i droges qe trafikohet. Kryesisht marihuana prodhohet ne Hungari ndersa pjesa tjeter vjen nga Hollanda dhe vendet e ish Jugosllavise. Pikerisht ne trafikun e drogave sintetike kosovaret (te cilet jane aktive kryesisht ne Ballkan) luajne rolin e koordinatorit. Por ka dhe grupe shqiptare te cilat perdorin Hungarine si vend per magazinimin e heroines, (sic behet dhe ne Bullgari, Rumani) qe vjen nga Turqia.

Ne Itali

Grupet shqiptare veprojne ne krah te grupeve kriminale afirkano veriore, rumune dhe nigeriane. Sipas raportit, grupet kriminale shiqptare vazhdojne te zgjerojne aktivitetin e tyre ne Italine veriore ku ndihet prezenca e forte e mafias vendase, e cila vepron kryesisht ne pastrimin e parave dhe trafikun e droges ne shkalle nderkombetare.

Ne krah te grupeve shqiptare veprojne dhe grupet kriminale kineze, nigeriane si dhe kohet e fundit, ato rumune.

Edhe ne Italine Jugore ku fenomeni i krimit eshte me i perhapur dhe me kompleks dhe ku organizata te tilla mafioze si “N’Drageta” dhe “Kamorra”, kane nje shtrirje te madhe te aktiviteteve te tyre, si kontrabande, trafik droge, prostitucion, veprojne grupe kriminale shqiptare. Madje sipas raportit “grupet kriminale shqiptare, nigeriane dhe kineze kane arritur te fitojne autonomine ne drejtimin e trafikut te droges, prostitucionit dhe te trafikut te klandestineve nga vendet e tyre, pavaresisht se organizata si “Kamorra” nuk lejon shume hapesira per organizatat e huaja kriminale”. Grupet kriminale shqiptare veprojne dhe ne Pulia.Kryesisht ato merren me trafikun e qenieve njerezore dhe te droges.

Nderkohe qe Shqiperia ne kete raport nuk perflitet vetem per grupet e saj kriminale te cilat jane te perhapura ne BE, por dhe si nje nder shtetet kryesore nga vijne vajzat qe trafikohen ne vendet e BE, per qellim prostitucioni. Sipas ketij raporti vendet e Europes Lindore (Ukraina, Bullgaria, Rumania, Shqiperia) si dhe Nigeri, Kina, Tajlanda) vazhdojne te mbeten vendet kryesore nga ku nis tregetia e seksit. Fitimi sipas “Europol” nga trafiku i qenieve njerezore, arrin nga 8. 5 deri ne 12 miliarde euro ne vit.

Sipas ketij raporti Shqiperia, Pakistani dhe Afganistani jane vendet kryesore te prodhimit te hashashit. Nderkohe qe Maroku eshte nje nder burimet kryesore per vendet e BE. Hashashi vazhdon te mbetet nje nder format me te perdorura te droges ne vendet e BE. Po keshtu dhe per marihuanen, Shqiperia eshte kthyer ne nje burim kryesor furnizimin ne menyre te vecante te tregut grek dhe atij italian.

Faqja 4 - POLITIKE

Janar 21, 2005

Kryeministri Nano vizitë në Francë takon Presidentin francez. Diskutohen privatizimet në Shqipëri

Franca premton mbështetje në BE

Shirak - Nano: Përparësi marrdhëniet ekonomike

Nga e dërguara jonë në Paris Anila Jole

Kryeministri Nano takoi presidentin Shirak dje në pallatin presidencial francez Elysée. Marrdhëniet ekonomike dhe politike, mbështetja e Shqipërisë në BE, Kosova si dhe pjesmarrja e ndërmarrjeve franceze në procesin e privatizimit në Shqipëri. Nano përmendi eksperiencën e mirë me kompaninë franceze Club Med në fushën e turizmit dhe me kompaninë Sagem për telekomunikacionet.

LAJMI

Ajo që mund të quhet sukses i kësaj vizite është tejkalimi i kohëve të vështira kur Shqipëria mbante një qëndrim që binte tërësisht ndesh me qëndrimet e diplomacisë franceze dhe europiane në tërësi. Nano ka zhvilluar edhe takime me institucionet financiare të sigurimit të investimeve franceze duke prezantuar mundësitë e Shqipërisë për investime si dhe parametrat ekonomikë të saj. Gjatë vizitës së tij dy ditore në Francë, Nano shoqërohej nga ministri i Jashtëm Kastriot Islami. Dje në mesditë është zhvilluar edhe takimi më i rëndësishëm i kësaj vizite ai mes Kryeministrit Nano dhe Presidentit Zhak Shirak. Që në fillim të bisedës është nënvizuar fakti se kjo vizitë është një pikë kulmore e marrdhënieve mes dy vendeve. Presidenti Shirak pranoi edhe ftesën e bërë nga Kryeministri Nano për një vizitë të tij të afërt në Tiranë si vizita e parë e një presidenti francez në Shqipëri. Ai në këtë takim ka theksuar rëndësinë e thellimit të dialogut politik dhe u shpreh se është i lumtur që konstaton se marrëdhëniet dyaplëshe zhvillohen në një klime të shëndoshë të gjithanshme, çka shton interesin për nxitjen dhe intensifikimin e tyre, duke vënë theksin në nxitjen e marrëdhënieve ekonomike. Në takim është diskutuar gjerësisht për marrdhëniet ekonomike mes dy vendeve. Eshtë përmendur me kënaësi fakti që aktualisht kompani franceze të njohua si Club Med dhe Sagem operojnë në Shqipëri. E para me anë të një investimi të madh në fushën e turizmit. Në këtë drejtim, Kryeministri Nano konfirmoi vullnetin e plotë politik të Qeverisë Shqiptare për zhvillimin e një bashkëpunimi më të ngushtë, më dinamik dhe efektiv dypalësh. "Jam i bindur se kjo vizitë do të hapë një faqe të re në marrëdhëniet midis dy vendeve", tha ai. Shirak tha se "Shqipëria do të ketë mbështetjen e fortë të Francës në rrugën e saj drejt Bashkimit Europian. Eshtë koha të shohim me përparësi marrëdhëniet ekonomike midis dy vendeve dhe Franca inkurajon reformat e nisura ne kete drejtim. Franca eshte e interesuar të jetë më e pranishme, të shoqërojë dhe kontribuojë në zhvillimin e Shqipërise dhe rajonit, pasi perspektiva juaj evropiane është tashmë e konfirmuar". "Ne dëshirojmë që në aksionet e globalizimit të ekonomisë shqiptare, të ketë gjithashtu edhe pjesmarrje e pronësi franceze, në masë të ekuilibruar me aktorët e tjerë të rëndësishëm që po na shoqërojnë", tha Kryeministri Nano.

Nano-Shirak: Kosova do jetë me të ardhme europiane

Kryeministri Nano dhe Presidenti Shirak në takimin e tyre diskutuan edhe çështjen e Kosovës. Në takim Nano u shpreh se "e ardhmja Europiane është formula më e përshtatshme për Kosovën. Ai theksoi se nuk duhet humbur kohë në trajtimin e çështjes së Statusit përfundimtar, në mënyrë që padurimi në rritje të mos prekë arritjet e padiskutueshme. Shirak nga ana e tij ka vlerësuar qëndrimin e qeverisë shqiptare në rajon si faktor paqeje. "Ju inkurajojmë dhe çmojmë rolin tuaj për paqen dhe stabilitetin në rajon", u shpreh Presidenti francez. Ndërsa Nano u shpreh se "tashmë situata në rajon nuk mund të krahasohet më me të kaluarën, midis vendeve të rajonit ekziston një mentalitet i ri dhe vullnet i përbashkët për të bashkëpunuar dhe bashkëvepruar, si dhe është vendosur një dialog politik intensiv i nevelit të lartë".

Faqe 4 - Aktualitet

Komitetit Shtetëror i Pronave bën gati hartën për kompesnimin. Projekti kundërshtohet nga pronarët

Raporti: Toka e lirë, 130 mijë ha

Toro: Duhen verifikuar, pasi disa sipërfaqe janë zënë

Bledar Hoti

Tokat e lira në dispozicion të shtetit pritet të jenë objekt i diskutimit mes anëtarëve të Komitetit Shtetëror të Pronave.

Edhe pse deri tani nuk ndonjë material zyrtar pranë këtij komiteti, sipas të dhënave paraprake të vitit të kaluar, pretendohet se janë 133 mijë ha tokë e lirë. Ndërsa në raportin e paraqitur nga qeveria në Kuvendin e Shqipërisë, në 6 maj të vitit 2004, pretendohet që nga sasia e përgjithshme e tokës së lirë, 110 mijë ha të përdoren për kompensimin fizik të ish-pronarëve. Sipas të dhënave të paraqitura nga ana e Këshillit të Ministrave nga e gjithë kjo shifër 133 mijë ha, vetëm 110 mijë janë tokë bujqësore. Kjo është shifra që qeveria pritet të përdorë për kompensimin fizik të pronarëve të ligjshëm, gjë që do të konkretizohet me zbatimin në praktikë të ligjit të ri “Për kthimin dhe kompensimin e pronës”. Ndërkohë që Komiteti Shtetëror i Pronave është në pritje të të dhënave më të fundit zyrtare nga ana e qeverisë për tokat e lira që ka në dispozicion, të cilat do të përdoren edhe për efekt të zbatimit të metodologjisë. Kreu i Komitetit të Pronave, Sokrat Sina, disa ditë më parë, pati deklaruar se në bazë të tokave të lira që shteti ka në dispozcion do të plotësojë 75% të kërkesave që kanë pronarët për kompensimin fizik. Por një qëndrim i tillë konstant është kundërshtuar nga ana e anëtarit të këtij komiteti, sekretarit të përgjithshëm të shoqatës “Pronësi me Drejtësi”, Agim Toro. Sipas tij, është ende herët të flitet për mundësinë që ka shteti për kompensimin fizik të ish-pronarëve, pasi nuk ka akoma një hartë të tokave të lira në dispozicion. Për vetë Toron, të dhënat e paraqitura nga ana e qeverisë në vitin 2004 nuk mund të jenë të vlefshme për këtë vit, pasi mund të jenë reduktuar sipërfaqet e lira. Gjithsesi, përfaqësuesit e pronarëve presin të njihen më konkretisht në lidhje me tokat e lira që janë në dispozicion, veçanërisht me ato në zonat turistike.

Debati për tokat
Shoqata “Pronësi me Drejtësi” është njohur prej kohësh me një shifër të tillë, të paraqitur vjet në Kuvendin e Shqipërisë nga ana e qeverisë. Paraqitja e këtyre tokave si të lira mund të sjellë shumë debate mes përfaqësuesve të shoqatës së pronarëve, pasi, sipas tyre, një pjesë e kësaj toke, e paraqitur si e lirë, e vlefshme për kompensimin fizik, është e pashfrytëzueshme, ose është përfituar nga shpyllëzimet, në vende ku as fshatarët nuk kanë pranuar ta marrin. Një reagim të tillë ka pasur më parë edhe njëri nga deputetët e LZHK-së, Maksim Begeja, i cili ka bërë të ditur se “…këto toka, të nxjerra nga shpyllëzimet e që paraqiten si të lira, janë vetëm mashtrimet e qeverisë”. “Këto toka nuk janë pranuar as nga banorët e zona të thella malore dhe jo më të merren në konsideratë nga ana e pronarëve të ligjshëm”, deklaroi Begeja. Gjithashtu, sipas përfaqësuesve të pronarëve, edhe në rastet kur toka ndodhet në zonat bregdetare, ajo është e pafrytshme ose e refuzuar për t’u marrë, në bazë të ndarjes së përcaktuar nga ligji 7501. Nga të dhënat që disponojnë pronarët, kryefamiljarët gjatë këtyre viteve kanë refuzuar të marrin rreth 4682 hektarë tokë. Ndërsa kanë mbetur tokë bujqësore në zonat turistike, në dispozicion të ish-pronarëve, 2596 ha tokë, nga ajo çfarë ishte parashikuar për t’u ndarë në vitin 1991. Shoqata e pronarëve kohë më parë ka theksuar se 50 mijë hektarët e pakthyer kanë një vlerë shumë më të lartë se 133 mijë hektarët, që janë deklaruar të lira. Për këtë hapësirë toke janë hedhur dyshime, pasi ndërtimet e paligjshme janë ngritur kryesisht në tokat e shtetit, gjë që e kufizon tokën e lirë shtetërore. Ndërkohë, i gjithë ky lëmsh pritet të zgjidhet brenda muajit shkurt, kur qeveria të paraqesë edhe një herë në mënyrë përfundimtare se sa tokë të lirë ka për kompensimin e fizik të pronarëve.

Sot, konkurrimet për KSHKKP-në

Komiteti i Pronave do të nisë sot testimin e anëtarëve të komiteteve lokale të kthimit të pronave që do të ngrihen në të gjitha rrethet e Shqiëprisë. Gjithashtu, në testim do të merren edhe punonjësit e Komitetit Shtetëror të Kthimit dhe Kompensimit të Pronave. Testimet pritet të bëhen sot në Pallatin e Kongreseve. Pritet që brenda kësaj jave Komiteti Shtetëror për Kthimin dhe Kompensimin e Pronave të japë një raport në lidhje me çmimin e tokave që është vendosur nga takimet e zhvilluara, për tokën bujqësore, turistike dhe trojet. Sipas burimeve pranë këtij komiteti, brenda kësaj jave ky organizëm mund të arrijë drejt një përfundimi për metodologjinë që mund të përdoret në lidhje me kompensimin financiar të tokave të ish-pronarëve. Çmimi i tokës pritet të përllogaritet sa më pranë vlerës reale që ka tregu. Komiteti Shtetëror i Pronave ndërkohë është në pritje të materialit nga ana e qeverisë për tokat e lira që janë në dispozicion.

Sa tokë ka pasur në Shqipëri

Në Shqipëri, sipas të dhënave të paraqitura, deri para Luftës së Dytë Botërore, ka pasur rreth 300 mijë ha tokë. Pjesën më të madhe të sipërfaqes e zotëronin disa familje të mëdha latifondistësh, por me ndërrimin e sistemit kësaj kategorie iu sekuestruan pronat e luajtshme dhe të paluajtshme. Gjithashtu, gjatë sistemit komunist, vetëm nga tharja e kënetave u përfituan jo pak hektarë dhe sipërfaqja e përgjithshme e tokës së punueshme arriti në 699423 ha. Deri tani janë ndarë rreth 563696 ha tokë. Pronarët e ligjshëm pretendojnë për rreth 50 mijë ha.

Tokë bujqësore e pandarë në ish-kooperativat

Berat 6001
Kuçovë 802
Skrapar 3945
Dibër 5522
Bulqizë 4764
Mat 4432
Krujë 1075
Elbasan 4451
Gramsh 3710
Librazhd 5282
Peqin 1174
Fier 2757
Lushnjë 2340
Mallakastër 1323
Gjirokastër 2041
Përmet 5826
Tepelenë 5636
Kukës 3700
Tropojë 2786
Korçë 9850
Kolonjë 3097
Devoll 2796
Pogradec 8980
Lezhë 140
Mirditë 1949
Tiranë 678
Kavajë 1086
Shkodër 2114
M. Madhe 6804
Pukë 2757
Vlorë 3447
Sarandë 319

Gjithsej 110584 ha

Tokë bujqësore sipas qarqeve

Berat 53037 ha
Tokë e ndarë 40953 ha

Dibër 41409 ha
Tokë e ndarë 25107 ha

Durrës 41464 ha
Tokë e ndarë 38892 ha

Elbasan 73544 ha
Tokë e ndarë 56027 ha

Fier 122242 ha
Tokë e ndarë 110848 ha

Gjirokastër 45197 ha
E Ndarë 31498 ha

Kukës 25929 ha
E Ndarë 18640 ha

Korçë 91533 ha
E Ndarë 63755 ha

Lezhë 35205 ha
E ndarë 32794 ha

Tiranë 56579 ha
E ndarë 51463 ha

Shkodër 50637 ha
E ndarë 37150 ha

Vlorë 63284 ha
E ndarë 58547 ha

Paris/Nano takohet me presidentin e Senatit dhe kryediplomatin Barnier
Franca, mbështetje ekonomike për Shqipërinë

Presidenti i Senatit francez, Christian Poncelet, ka vlerësuar vizitën e kryeministrit Nano në Francë, si një nga momentet më të rëndësishme në historinë e marrëdhënieve mes dy vendeve. Poncelet ka pritur dje Nanon në një takim të veçantë në ambientet e senatit. Dy autoritetet kanë folur për marrëdhëniet dypalëshe, për mbështetjen që Franca i ka premtuar Shqipërisë në rrugën e integrimit, si dhe për marrëdhënie të reja bashkëpunimi në fushën ekonomike mes dy vendeve. Në takimin dhe pritjen zyrtare, ku merrnin pjesë edhe senatorë të tjerë, Poncelet rikonfirmoi mbështetjen politike të Francës në rrugën e integrimit evropian të Shqipërisë. Po dje, kryeministri Nano është takuar edhe me ministrin e Jashtëm të Francës, Michel Barnier. Ndër të tjera në këtë takim u fol për forcimin e marrëdhënieve të bashkëpunimit mes dy vendeve në mënyrë të veçantë në fushën e ekonomisë. Nano tha në këtë takim, se Shqipëria është e hapur për të pritur biznesmenët francez. Në takim u fol edhe për situatën në rajon, ku ministri i Jashtëm francez, Barnier, theksoi se roli i Shqipërisë është nevralgjik në rajonin e Ballkanit në forcimin e stabilitetit dhe paqes, ndaj dhe mbështetja e Francës për Shqipërinë do të jetë shumë e rëndësishme në këtë funksion. Për sa i përket çështjes së Kosovës, dy autoritetet, ndanë të njëjtin mendim se e ardhmja e saj është integrimi ne Bashkimin Evropian. Në ditën e parë të vizitës së tij në Francë, Nano ka marrë pjesë në konferencën me temë “Të bëjmë Evropën së bashku me Ballkanin”. Gjatë fjalës së tij në këtë konferencë, Nano është përqendruar te zhvillimet e fundit në rajon dhe sfida e vendeve të Ballkanit për anëtarësimin në BE dhe NATO. Në fjalën e tij, ai është ndalur edhe te çështja e Kosovës. Ai tha se standardet para statusit, është formula që i hap rrugën Kosovës dhe gjithë qytetarëve të atij vendi pa dallim etnik e fetar, drejt terminalit të fundëm, Brukselit. Kryeministri Nano pritet të takohet sot me presidentin francez, Jacques Chirac.

Nano në takimin “Të bëjmë Evropën së bashku me Ballkanin”

“Optimizmi i vullnetit tonë të përbashkët politik e njerëzor, më shtyn të shprehem se 25 vjetori i shembjes së Murit të Berlinit ka për të na gjetur të gjithë tok në Evropën e madhe, kësaj familjeje pjesë e së cilës kemi qenë shpirtërisht e kulturalisht edhe atëherë kur muret na ndanin”, tha Nano dje në Francë, në konferencën “Të bëjmë Evropën së bashku me Ballkanin”.

Shehi: Presim ofertë konkrete nga PD-ja
Berisha: Jam gati të bisedoj me LZHK e PDR

Demokratët do t’i rishqyrtojnë marrëdhëniet me partitë e spektrit të djathtë. Kreu demokrat, Berisha, ka pranuar idenë e bisedimeve për aleanca paraelektorale me partitë e tjera të djathta, por ka shtuar se në këtë drejtim ende nuk mund të flitet me terma konkretë. “Do të ketë një rishqyrtim, pa asnjë lloj ngurrimi”, ka theksuar ai, ndërsa nuk ka përjashtuar në këtë bashkëbisedim as PDR-në e drejtuar nga Genc Pollo dhe as Lëvizjen për Zhvillim Kombëtar të pretendentit të fronit mbretëror, Leka I. “PD-ja është parti e dialogut, e kompromisit dhe e bashkëpunimit. Tani se si do të vendoset, do të jenë negociatat ato që do ta përcaktojnë”, ka pohuar Berisha. Ndërkohë, kreu i demokratëve të rinj, Dashamir Shehi, deputet i grupit parlamentar të LZHK-së, tha dje, se nuk mund të ulesh në tryezë bisedimesh, pa ditur se për çfarë do të bisedosh. Sipas tij, pjesëmarrja e LZHK-së në një tryezë të tillë me PD-në varet tërësisht nga kriteret dhe propozimet e demokratëve. Pa i ditur që më parë këto kritere, duket se LZHK-ja do ta ketë të pamundur të bisedojë me zyrtarët e selisë blu. Ndërkohë, edhe pse nuk është përcaktuar data, mësohet se kreu demokrat shpreson të thërrasë një tryezë të forcave të djathta, për të realizuar një bashkëbisedim mbi mënyrat se si mund të funksionojë e Djathta Liberale. Besohet se ky grupim po kërkon të përfshijë edhe iniciativën e mbretit, për të krijuar një front të përbashkët opozitar.

Negociatat
PR krijon grup me tetë deputetë

Partitë e vogla janë duke kërkuar ndihmën e njëra-tjetrës për krijimin e grupeve parlamentare. Dita e djeshme ka qenë edhe afati i fundit për depozitimin e emrave të deputetëve të Kuvendit, lidhur me atë se në cilin grup parlamentar do të bëjnë pjesë. Deri tani të sigurta janë katër grupe parlamentare, PD, PS, LZHK dhe LSI, të cilat kanë më shumë se shtatë deputetë si parti politike. Reformatorët kanë marrë në gjirin e tyre deputetët e opozitës, kreun e PDK-së, Nikollë Lesi, dhe kreun e PDNJ-së, Ligoraq Karamelon, duke arritur numrin shtatë për formimin e grupit parlamentar. Ndërkohë që PR-ja ka marrë në gjirin e saj deputetin e Ballit, Alfred Cako, si dhe dy deputetët e tjerë të PD-së, London dhe Gjokën. Grupi parlamentar republikan do të përbëhet në këtë sesion parlamentar nga 8 deputetë, ku pesë deputetët e tjerë janë Fatmir Mediu, Neritan Alibali, Aleksandër Garuli, Ndriçim Babasi dhe Luan Malltezi. Pa grup parlamentar mund të ngelen deputetët e PBL-së, Teodor Laço dhe Arian Starova, si dhe dy deputetët Preç Zogaj dhe Arben Imami.

http://www.ballkan.com/

Lajme nga Pozita

Shirak: Do të shtojmë investimet në Shqipëri

Autori i Lajmit: Gjergji Koja
Franca inkurajon procesin e reformave politike dhe ekonomike në Shqipëri me qëllim krijimin e një klime të favorshme për investimet e huaja në këtë vend, deklaroi presidenca franceze në përfundim të një takimi të presidentit Zhak Shirak me kryeministrin shqiptar Fatos Nano. “E mbështesim Shqipërinë në rrugën e reformave politike dhe ekonomike të domosdoshme për krijimin e një klime të favorshme për investime”, deklaroi presidenca franceze. Takimi mes kryeministrit Nano dhe presidentit francez Shirak zgjati për rreth 45 minuta, ndërsa ai u zhvillua në Elysee. Pas këtij takimi kreu i qeverisë u shpreh për mediat se uronte që ndërmarrjet franceze të merrnin pjesë në procesin e privatizimit dhe të reformave. Në këtë kuadër Nano përmendi “Klubin Mediterrane” dhe shoqërine telefonike e informatikes “Sagem”, e cila merr pjesë në një tender për prodhimin e kartave të identitetit. Nano deklaroi, gjithashtu, se uronte rihapjen e liceut francez në Tiranë. “Ne dëshirojmë që në aksionet e globalizimit te ekonomisë shqiptare të ketë gjithashtu edhe pjesëmarrje e pronësi franceze, në masë të ekuilibruar me aktorët e tjerë të rëndësishëm që po na shoqërojnë”, Nano.
Nano-Shirak
Presidenti Shirak gjatë takimit me kryeministrin Nano, i cili zhvilloi një vizitë dyditore në Francë, theksoi rëndësinë e thellimit të dialogut politik, duke shtuar se është i lumtur që konstaton se marrëdhëniet dypalëshe zhvillohen në një klime të shëndoshë të gjithanshme. Sipas kreut të shtetit francez, kjo klimë shton interesin për nxitjen dhe intensifikimin e këtyre marrëdhënieve, si dhe nxit investimet dhe raportet ekonomike. Presidenti Shirak theksoi se Shqipëria do të ketë mbështetjen e fortë të Francës në rrugën e saj drejt Bashkimit Europian. “Është koha të shohim me përparësi marrëdhëniet ekonomike midis dy vendeve, ku Franca është e interesuar të jetë më e pranishme, të shoqërojë dhe kontribuojë në zhvillimin e Shqipërisë dhe rajonit, pasi perspektiva juaj evropiane është tashmë e konfirmuar”, u shpreh Shirak. Duke u ndalur në zhvillimet në rajon, Shirak vlerësoi qëndrimin dhe rolin e qeverisë shqiptare në rajon si faktor paqeje, stabiliteti dhe prosperiteti të Ballkanit. “Ju inkurajojmë dhe çmojmë rolin tuaj për paqen dhe stabilitetin në rajon”, u shpreh presidenti francez. Ndërsa kreu i qeverisë shqiptare Fatos Nano u shpreh se tashmë situata në rajon nuk mund të krahasohet më me të kaluarën, midis vendeve të rajonit ekziston një mentalitet i ri dhe vullnet i përbashkët për të bashkëpunuar dhe bashkëvepruar, si dhe është vendosur një dialog politik intensiv i nevelit të lartë. “Shqipëria do të vazhdojë të jetë e përgjegjshme dhe të punojë në çdo moment për paqen dhe stabilitetin në rajon pasi është bindja jonë dhe investimi ynë pozitiv për të ardhmen e përbashkët”, u shpreh Nano. Për sa i përket çështjes së Kosovës, kreu i qeverisë shqiptare theksoi se e ardhmja europiane është formula më e përshtatshme për Kosovën. Ai theksoi se nuk duhet humbur kohë në trajtimin e çështjes së statusit përfundimtar, në mënyrë që padurimi në rritje të mos prekë arritjet e padiskutueshme. Bashkëbiseduesit në këtë takim analizuan detajet themelore të këtyre marrëdhënieve dypalëshe dhe të forcimit të metejshëm të partneritetit shqiptaro – francez. Sipas Nanos, kjo marrëdhënie shoqëron procesin e hapjes dhe të integrimit të rajonit të Ballkanit, ku Shqipëria luan një rol të pazëvendësueshëm, si dhe procesin e europianizimit të Ballkanit Perëndimor, ku Franca ka një rol të dorës së parë për garantimin e stabilitetit, paqes dhe vazhdimësisë së reformave.
Data e Publikimit: 21/01/2005