24052005

http://www.balkanweb.com/gazeta/gazeta.htm

Faqja 6 - POLITIKE

Maj 25, 2005

"LZHK Leka Zogu 1" publikon listët e emrave që do të votohen në 100 zonat elektorale më 3 korrik

LZHK, 10 kandidatët nga radhët e PD

Ja ish-demokratët që i janë afruar Leka Zogut

Artemida Çollaku

Lëvizja për Zhvillim Kombëtar ka përfshirë në listën e saj të 100 kandidaturave rreth 10 ish-demokratë mes tyre dy kanë shkuar në këtë lëvizje nga PR, parti aleate e PD. Ndërkohë që pritet që kësaj lëvizjeje t'i afrohen edhe emra të tjerë, pasi lista e kandidaturave të LZHK-së ka ende edhe katër zona pa kandidatura. Ndër emrat më të njohur demokratë të përfshirë në listën e LZHK-së është ish-deputeti Pëllumb Berisha, ish-deputetja Afërdita Numani, si dhe një nga kandidaturat e shpallura nga PD-ja, ajo e Koçi Petritit. Ndërkohë që në këtë listë figurojnë edhe emrat e ish-demokratëve si Eduart Ypi, Astrit Kola, Veip Guri, Sokol Sina, Gëzim Velia, Maksi Ceci, Yllson Ibrahimllari. Por nuk janë vetëm demokratët ata që e kanë "tradhtuar" partinë e tyre, pasi në këtë listë figurojnë edhe ish-republikanë, si Maksim Begeja e Shkëlqim Barusha. Ndoshta kjo është edhe një prej arsyeve për të cilat drejtuesit e kësaj lëvizjeje deklarojnë të bindur se aleancat e tyre paszgjedhore do të realizohen vetëm me parti të spektrit të djathtë dhe jo atij të majtë. Gjithsesi, lista e kandidatëve, të cilët aktualisht janë 96, do të shpallet nga vetë drejtuesi i LZHK-së Leka Zogu I gjatë një mitingu që do të zhvillohet në sheshin "Skënderbej" ditën e premte. Ndërsa listën shumemërore LZHK-ja, ndryshe nga disa parti të tjera, do ta hartojë në bazë të përqindjeve të votave që do të marrë secili prej kandidatëve që konkurrojnë për sistemin mazhoritar nën siglën e LZHK-së.

Aleancat
Drejtuesi ekzekutiv i fushatës zgjedhore të Lëvizjes për Zhvillim Kombëtar Dashamir Shehi i ka hedhur poshtë përfundimisht të gjitha mundësitë e bashkëpunimit të kësaj force me Partinë Socialiste. "Lëvizja për Zhvillim Kombëtar do të krijojë koalicion paszgjedhor me të gjitha forcat të cilat janë të natyrës progresiste opozitare, duke përjashtuar totalisht partinë që drejtohet nga Fatos Nano", u shpreh Shehi. Për herë të parë Shehi deklaron se koalicioni paszgjedhor i LZHK-së do të jetë me Partinë Demokratike. "Ne mendojmë se brenda Partisë Demokratike ka mijëra e mijëra djem e vajza të cilët kanë kontribuar prej 15 vitesh për rindërtimin e një shteti ligjor dhe për progresin e Shqipërisë, që fatkeqësisht nuk ka qenë në nivelin e duhur", shprehet Shehi. Ndërkohë edhe kreu i PLL-së Ekrem Spahia u shpreh dje se lëvizja mbretërore përjashton çdo mundësi bashkëpunimi me Partinë Socialiste. Sipas tij, pretendimet se LZHK-ja do të nënshkruajë koalicione me Partinë Socialiste janë përhapur nga persona dashakeqë ndaj Lëvizjes së Leka Zogut.

Të ardhurit në LZHK

TE ARDHUR NGA PD
ZONA 24 Fushë-Krujë Eduart Ypi
ZONA 28 Durrës Pëllumb Berisha
ZONA 43 Tiranë Kamza Astrit Kola
ZONA 52 Elbasan Veip Guri
ZONA 62 Lushnjë Sokol Sina
ZONA 67 Fier Gëzim Velia
ZONA 74 Berat Afërdita Numani
ZONA 81 Korça Maksi Ceci
ZONA 83 Korçë Yllson Ibrahimllari
ZONA 84 Korçë Koçi Petriti

TE ARDHUR NGA PR
ZONA 46 Petrelë Shkëlqim Barusha
ZONA 21 Peshkopi Maksim Begeja

Grunet: Pas dy javësh raporti për zgjedhjet

Shefi i misionit të ODIRH-it për zgjedhjet në Shqipëri, Jorgen Grunet, ka bërë të ditur dje se pas dy javësh do të ketë një raport për përgatitjet e zgjedhjeve. Ai tha dje për mediat se "në raport ka kritika, pasi listat e zgjedhësve dhe KZZ-të nuk kanë qenë në nivelet e kërkuara". Gjithsesi, Grunet kërkon që çdo kritikë e këtij raporti paraprak duhet të merret si këshillë nga ana e partive politike. Ai shprehet më tej se "unë do të pres të shoh zgjedhjet dhe pastaj do të them si qenë ato. Nuk mund të thuhet as e bardhë ose e zesë". Raporti do të bëhet në bazë të vëzhgimit të përgatitjeve zgjedhore të partive politike, mënyrës sesi ato po zhvillojnë fushatën dhe zbatimit të Kodit Zgjedhor.

http://www.korrieri.com/ E Merkure, 25 Maj 2005

LZHK Leka I Zogu percakton 100 kandidatet per deputet

LZHK Leka I Zogu perzgjedh 100 kandidatet per deputet. Kryetari i Levizjes per Zhvillim Konbetar, Leka I Zogu paraqiti dje publikisht listen e kandidateve per 100 zonat zgjedhore. LZHK Leka I Zogu do te konkurroje me liste te hapur shumemerore. LZHK Leka Zogu beri te ditur se nuk ka aleanca parazgjedhore dhe gjithashtu rikonfimojme edhe nje here se nuk do te kete aleance paszgjedhore me partine e Fatos Nanos. Ky deklarim duket se behet per te sqaruar ne menyre perfundimtare votuesit, si dhe per t'i prere rrugen rrugen deklaratve te drejtuesve me te larte te koalicionit opozitar, Berisha e Mediu, qe akuzojne LZHK Leka I Zogu se po ben lojen e Nanos. Diten e premte me 27 maj 2005, ne oren 19:00, ne sheshin "Skenderbej", udheheqesi i LZHK-se, pretendenti per fronin mbreteror do te prezantoje 100 kandidatet e Levizjes per Zhvillim Kombetar, sipas zonave zgjedhore. Ndersa Dashamir Shehi beri te qarte se "Levizja per Zhvillim Kombetar Leka I Zogu, do te konkurroje me 100 kandidate ne zone dhe me liste te hapur shumemerore."

A.M

http://www.kohajone.com/

Merkure, 25 Maj 2005

LZHK: NUK DO TE QEVERISIM ME PARTINE SOCIALISTE

Levizja per Zhvillim Kombetar hedh poshte cdo mundesi bashkepunimi paszgjedhor me Partine Socialiste. Pas akuzave te selise blu ne adrese te saj sa i perket nje aleance te fshehte me PS-ne, ky grupim polik ka perjashtuar kategorikisht cdo lloj marreveshje me ate qe e cilesuan si "parti te Fatos Nanos". Nepermjet nje deklarate per shtyp mbreteroret thane se e bejne kete saktesim perfundimtar per te shuar "abuzimet e personave dhe te partive dashakeqe ndaj levizjes se Leka Zogut". Ky qendrim u be i njohur dje nga vete kryetari i Partise Levizja e Legalitetit, Ekrem Spahia. Nderkohe drejtuesi i fushates se LZHK-se, Dashamir Shehi ka konfirmuar se "kjo levizje do te kandidoje ne te 100 zonat zgjedhore me kandidatet e saj per deputete dhe me nje liste te hapur shumemerore". Ne kete kuader, ai beri te njohur se kandidaturat do te shpallen nga Leka Zogu I ne tubimin qe LZHK-ja do te zhvilloje te premten pasdite ne sheshin "Skenderbej". Qendrimi qe mbajten dje dy nga figurat kryesore te ketij grupimi politik ishte i njejte me ate te mbajtur prej tyre ne harkun kohor te pak javeve. Keshtu vetem disa dite me pare, gjate nje konference per shtyp, Shehi iu drejtua me nje thirrje publike kreut demokrat per te ndalur urgjentisht ate qe e cilesoi si fushaten denigruese ndaj LZHK-se. "I bejme thirrje Partise Demokratike dhe lidershipit te saj te ndalojne fushaten denigruese ndaj forces me te djathte dhe me opozitare qe ka ne sot Shqiperi. Gjykojme se shpifjet jane te pavend dhe te pavlere dhe mund t'i bllokojne rrugen procesit te bashkepunimit paszgjedhor", vuri ne dukje drejtuesi i fushates se kesaj partie. Nderkohe demokratet deri me tani nuk kane preferuar ta shohin si nje aleat te mundshem Leka Zogun. Vete lideri i tyre Berisha ka deklaruar se "nuk mund t'i shohe si aleate ata qe i sherbejne Fatos Nanos". Per momentin te gjitha variantet e bashkepunimit mes ketyre dy grupimeve opozitare mbeten te hapura perderisa LZHK-ja ka perjashtuar zyrtarisht aleancen me te majten. Mbetet vec te presim deri ne diten kur selia blu te beje te njohur qendrimin e ri karshi kursit politik qe Leka Zogu u angazhua publikisht se do te mbaje.

Tedi Blushi

http://www.panorama.com.al/

LZHK, të premten në sheshin “Skënderbej”

Dashamir Shehu ka deklaruar dje se Lëvizja për Zhvillim Kombëtar do të çelë fushatën elektorale ditën e premte në një miting në sheshin “Skënderbej”, ku drejtuesi i kësaj lëvizje Leka Zogu do të shpallë edhe listën e 100 kandidatëve për deputet nëpër zonat elektorale. Sipas Shehit, Lëvizja për Zhvillim Kombëtar, Leka I do të konkurrojë me listë të hapur shumemërore. Gjithashtu drejtuesit e Lëvizjes për Zhvillim Kombëtar gjatë një konference shtypi i kanë bërë të ditur opinionit politik “se nuk ka aleanca parazgjedhore, duke rikonfirmua se nuk do të ketë aleancë paszgjedhore me partinë e Fatos Nanos”. Sipas Ekrem Spahisë kjo deklaratë bëhet për të sqaruar në mënyrë përfundimtare të gjithë shqiptarët e ndershëm dhe patriotë dhe për t’u prerë rrugën abuzimeve të personave dhe partive dashakeqëse ndaj Lëvizjes për Zhvillim Kombëtar Leka I Zogu.

http://www.gazeta55.net/home.jsp

Data: 25/05/2005, ora

Edhe LZHK do të bëjë miting në sheshin "Skënderbej"

Lëvizja për Zhvillim Kombëtar Leka I Zogu, ka bërë të ditur dje, se ditën e premte, në orën 19:00, do të organziojë një miting në sheshin "Skënderbej", që do të shënojë edhe çeljen e fushatës zgjedhore. Dje, në sallën e konferencave të shtypit të “LZHK ‑ Leka I Zogu”, drejtuesit kryesorë të kësaj lëvizjeje dhanë një konferencë për mediat, ku Ekrem Spahiu mbajti deklaratën e mëposhtme, në emër të lëvizjes, ndërsa z.Dashamir Shehi paraqiti listën e 100 kandidatëve të lëvizjes, sipas zonave zgjedhore.

Spahiu theksoi në deklaratën e vet se “rikonfimojmë edhe një herë se nuk do të ketë aleancë paszgjedhore me partinë e Fatos Nanos.” Ndërsa z.Shehi bëri të qartë gjithashtu, se “Lëvizja për Zhvillim Kombëtar Leka I Zogu do të konkurrojë me 100 kandidatë në zona dhe me listë të hapur shumemërore.” Drejtuesit e “LZHK – Leka I Zogu” konfirmuan se ditën e premte, dt.27 maj, ora 19:00, në sheshin “Skënderbej” do të mbahet një miting i madh, që do të zyrtarizojë çeljen e fushatës elektorale, ku drejtuesi i Lëvizjes, Mbreti Leka I, do të shpallë listën e 100 kandidatëve nëpër zona.

http://www.balkanweb.com/gazeta/gazeta.htm

Data: 25/05/2005, ora Edhe LZHK do të bëjë miting në sheshin "Skënderbej"



Lëvizja për Zhvillim Kombëtar Leka I Zogu, ka bërë të ditur dje, se ditën e premte, në orën 19:00, do të organziojë një miting në sheshin "Skënderbej", që do të shënojë edhe çeljen e fushatës zgjedhore. Dje, në sallën e konferencave të shtypit të “LZHK ‑ Leka I Zogu”, drejtuesit kryesorë të kësaj lëvizjeje dhanë një konferencë për mediat, ku Ekrem Spahiu mbajti deklaratën e mëposhtme, në emër të lëvizjes, ndërsa z.Dashamir Shehi paraqiti listën e 100 kandidatëve të lëvizjes, sipas zonave zgjedhore. Spahiu theksoi në deklaratën e vet se “rikonfimojmë edhe një herë se nuk do të ketë aleancë paszgjedhore me partinë e Fatos Nanos.” Ndërsa z.Shehi bëri të qartë gjithashtu, se “Lëvizja për Zhvillim Kombëtar Leka I Zogu do të konkurrojë me 100 kandidatë në zona dhe me listë të hapur shumemërore.” Drejtuesit e “LZHK – Leka I Zogu” konfirmuan se ditën e premte, dt.27 maj, ora 19:00, në sheshin “Skënderbej” do të mbahet një miting i madh, që do të zyrtarizojë çeljen e fushatës elektorale, ku drejtuesi i Lëvizjes, Mbreti Leka I, do të shpallë listën e 100 kandidatëve nëpër zona.