E Premte, 25 Mars 2005 http://www.korrieri.com/
Spahiu: Qeveria, qendrim prej sherbetori
Deputeti i Partise "Levizja e Legalitetit", Ekrem Spahiu, ka shprehur dje, shqetesimin e tij per marredheniet mes Shqiperise dhe Greqise, duke akuzuar qeverine se po mban nje qendrim prej sherbetori dhe lakeu ndaj politikes greke. Reagimi i kreut te PLL-se, Spahiu ka ardhur pas vrasjes me te fundit i nje emigranti shqiptar ne Greqi dhe nga moslejimi i sportdashesve shqiptare te ndjekin ndeshjen e futbollit Greqi-Shqiperi, javen e ardhshme. Sipas Spahiut, keto dy fakte sjellin edhe njehere ne skene problematiken e marredhenieve te Shqiperise me Greqine, "te cilat nuk jane aq roze sa c'kane qejf te thone pjese te ndryshme te politikes shqiptare". "Nese do te vazhdohet si deri me sot, ku shteti shqiptar perballe shtetit grek ka statusin e kolonise ose me thjesht ate te cirakut perballe padronit, atehere une them me bindje qe e ardhmja e shqiptareve eshte e kompromentuar rende e ne menyre te pariparueshme. Nuk ka asnje kuptim te vazhdohet me tej ne keto raporte ku praktikisht shteti shqiptar po kthehet ne nje apendiks te shtetit grek", nenvizoi dje, kreu i PLL-se. Gjithashtu, ai theksoi se qeveria shqiptare po ben nje rol prej sherbetori ndaj qeverise greke dhe se nuk mund te ecet me nje status marredheniesh si sot, ku Greqia imponon menyrat sesi te drejtohet apo orientohet ekonomia shqiptare. Spahia sugjeron se duhet bere ndertimi i nje politike produktive per shqiptaret perballe shtetit grek, e cila te bazohet thelbesisht thelbesisht ne parimin e reciprocitetit.

R. K