25092005

http://www.balkanweb.com/gazeta/gazeta.htm

Faqja 10 - POLITIKE

Shtator 25, 2005

Ajnshtajni në SHBA, me pasaportë të Mbretit Zog

Në një intervistë me një gazetar të huaj, Nëna Mbretëreshë shpjegon për herë të parë se si Albert Ajnshtajni u kthye në një qytetar shqiptar, për tre ditë të jetës së tij. Ajo thotë: "Kur u mor vesh për herë të parë për Anschlus-in e Hitlerit në Austri, iu luta tim shoqi, Mbretit, të ndihmonte intelektualët izraelitë të ngujuar atje. Shumë prej këtyre njerëzve madje ishin të njohur të familjarëve të mi hungarezë në Budapest. Burri im menjëherë urdhëroi Ambasadën Shqiptare në Vjenë që të merrej seriozisht dhe të mund të rregullonte pasaporta si qytetarë shqiptarë, për të gjithë çifutët që do të kërkonin ndihmë.
Unë njoh rreth 350 familje izraelite që u larguan nga Austria nëpërmjet Shqipërisë. Ajnshtajni udhëtoi nga Vjena në Shqipëri për në portin e Durrësit, ku u takua për shumë pak kohë me burrin tim, para se të rifillonte udhëtimin e tij që do të përfundonte në Shtetet e Bashkuara të Amerikës. Kjo ishte një ndër detyrat e fundit zyrtare të Mbretit",- shpjegon Nëna Mbretëreshë Geraldina për revistën "Style".

Faqja 10 - POLITIKE

Mbretërorët përsërisin dëshirën për të kthyer në Shqipëri trupin e Ahmet Zogut, varrosur në Francë

Ktheni në atdhe eshtrat e Mbretit

Kërkesa në tryezën e Moisiut dhe Berishës, pritet përgjigja

Armando Meta

Legalistët dhe mbretërorët janë vënë në krye të nismës për të kthyer eshtrat e Mbretit Zog në atdhe. Drejtues të lartë të PLL- së, i kanë kërkuar Presidentit të Republikës Alfred Moisiu dhe Kryeministrit Sali Berisha, të ndërmarrin e të kurorëzojnë nismën për kthimin në atdhe të eshtrave të kryetarit të Shtetit të Parë Shqiptar të periudhës moderne.
"Nisur nga fakti se eshtrat e Mbretit Zog I prehen akoma jashtë atdheut, në emër të mbarë legalistëve dhe mbretërorëve, si dhe në respekt të së kaluarës sonë dhe kontributeve shtetformuese, për të cilat janë të interesuar të gjithë shqiptarët, eshtrat e Mbretit Zog duhet të kthehen në atdhe",- deklaron nënkryetari i PLL- së, Murat Basha. Sipas legalistëve, rivlerësimi i kontributeve atdhetare të figurave të ndritura të historisë dhe shtetit shqiptar, është prioritet madhor, madje emergjent. Sipas tyre, tashmë shkalla e lartë e emancipimit të politikës dhe ndërgjegjësimit të mbarë shoqërisë për sa u tha më sipër, është shndërruar në garanci për çdo sipërmarrje në këtë drejtim. "Pikërisht për këtë arsye, mbështetur edhe në opinionet dhe botimet historiografike e shkencore, vlerësimi i kontributeve të Mbretit Zog I dhe vendosja e Tij në panteonin e shqiptarizmës, do të ishte veprimi më i arsyeshëm i qeverisë dhe shtetit shqiptar",- komentojnë drejtuesit e lartë të PLL- së. Këta të fundit shprehen se kanë besim tek serioziteti i kryeministrit, i cili sipas tyre, para disa vitesh në Parlament deklaroi solemnisht se ndjente veneracion dhe detyrim të thellë ndaj figurës së Mbretit Zog I, pavarësisht nga bindjet republikane dhe se në këtë kontekst, në rast të rikthimit në pushtet, në respekt të veprës së Tij do të ndërtonte një përmendore në qendër të Tiranës... "PLL- ja është e bindur se ka ardhur koha, madje jemi të vonuar në nismën e kthimit në atdhe dhe vendosjes në vendin e duhur, të përcaktuar dikur si Varreza Mbretërore, të eshtrave të kryerilindasit shqiptar, Mbretit Zog I, të cilit legalistët më datë 8 tetor do t'i kremtojnë jubileun e 110 vjetorit të lindjes",- shprehen krerët e PLL- së.

Faqja 10 - POLITIKE

Udhëtimi i familjes Mbretërore, që nga nata e 7 Prillit 1939

Italia fashiste pushtoi Shqipërinë. Familja Mbretërore, mbretëresha Geraldinë dhe princi Leka ende pa i mbushur dy ditë jetë, marrin rrugën e gjatë të mërgimit. Ishte ora 4 e mëngjesit të 7 prillit 1939 kur makinat e Oborrit Mbretëror do t`i drejtoheshin kufirit me Greqinë.

GREQI- TURQI
Pas kalimit në territorin grek, Mbretit Zog dhe familjes Mbretërore ju bë e qartë nga Mbreti Jorgo i Greqisë, se nuk mund të strehoheshin në Mbretërinë Greke. Mbreti Zog bashkë me familjen Mbretërore dhe suitën shoqëruese, pas 4 javësh u detyrua të largohej për në drejtim të Turqisë. Gjatë gjithë kohës së qëndrimit 2 mujor në Turqi, Mbreti Zog dhe familja Mbretërore u pritën dhe u trajtuan me nderimet më të mëdha.

Rumani
Më 2 korrik 1939, mbreti dhe familja Mbretërore mbërritën në Bukuresht të Rumanisë, ku çiftin mbretëror e priti Mbreti Karol dhe mbretëresha.

POLONI- REPUBLIKAT BALLTIKE
Pas një jave, familja Mbretërore pasi kaloi kufirin e Lvovit, arriti në Varshavë të Polonisë. Pas qëndrimit dy ditor, në një kohë që Polonia kërcënohej nga pushtimi nazist, familja Mbretërore u detyrua të largohej për në Republikat balltike të Estonisë, Letonisë e Lituanisë.

SUEDI- NORVEGJI- FRANCË
Në Suedi, familjen Mbretërore shqiptare e priti sipas protokollit, çambelani i Mbretit, kurse në Norvegji, gjatë kalimit tranzit, familja Mbretërore ndonëse qëndroi shumë pak, u prit sipas protokollit mbretëror dhe qeveritar. Që aty, familja Mbretërore me anije u nis drejt portit belg të Anversës dhe prej këtej kaloi në Francë, ku qëndroi deri në mars të vitit 1940.

BRITANI
Pas ftesës së Mbretit Xhorxh VI të Britanisë së Madhe, familja Mbretërore u imbarkua për në portin anglez të Liverpulit dhe prej andej u vendos në hotelin "Ritz" të Londrës.

EGJIPT
Pas qëndrimit 7- vjeçar në Angli, në janar të vitit 1946 familja Mbretërore u nis drejt Egjiptit. Pas mbërritjes në Port-Said, familja Mbretërore u vendos në Mena Hauz Hotel të Kajros, qytet në të cilin familjen Mbretërore e priti çifti mbretëror egjiptian, Mbreti Faruk dhe Mbretëresha Farida, si dhe i gjithë kabineti qeveritar. Pas ardhjes në fuqi të Gamal Abdel Naserit prosovjetik më 28 korrik 1952 dhe përmbysjes e dëbimit me dhunë të Mbretit Faruk, familjes Mbretërore shqiptare iu vështirësua qëndrimi i mëtejshëm në Egjipt, çka e detyroi atë të mërgonte përfundimisht në Francë pas 3 vjetësh, në gusht të vitit 1955.

RIKTHIMI NË FRANCË, FUNDI I JETËS
Fillimisht familja Mbretërore u vendos në Kanë dhe pas 6 vjetësh u vendos në Paris, për shkak të keqësimit të shëndetit të Mbretit Zog në janar të vitit 1961. Në fillim të prillit, gjendja shëndetësore e Mbretit Zog keqësohet dhe më 5 prill ai bie në gjendje komatoze. Katër ditë më vonë, pasditen e 9 prillit, Mbreti Zog ndërroi jetë në spitalin "Fosh" të Parisit.

BETIMI I MBRETIT LEKA ZOG
Më 15 prill 1961, në ceremoninë e kurorëzimit të zhvilluar në hotelin Bristol të Parisit, në prani të të gjithë ish-deputetëve dhe të 70 delegatëve nga e gjithë mërgata shqiptare, si dhe Komisionit të Kurorës Mbretërore, Princ Leka betohet si Mbret i Shqiptarëve.

http://www.kohajone.com/

E Diele, 25 Shtator 2005

SHEHI: PROPORCIONALI, PARIMI KRYESOR I YNI

U mblodh dje asambleja e LZHK-se ku jane diskutuar zgjedhjet e 3 korrikut dhe objektivat e zgjedhjeve lokale. Kreu ekzekutiv i kesaj partie, Dashamir Shehi, u shpreh se partia e tij do te luftoje per ndryshimin e kodit zgjedhor dhe futjen e proporcionalit si parimi baze i demokracise. "Ne jemi per kthimin e proporcionalit dhe ne kete do ta bejme luften tone pergjate gjithe ketij viti" u shpreh Shehi. Ne lidhje me ndryshimin e kodit zgjedhor u shpreh para disa ditesh edhe kryetari socialist i komanduar i Partise Socialiste, Gramoz Ruci, sipas te cilit reforma zgjedhore duhet te kryhet sa me shpejt dhe para zgjedhjeve. Sipas tij, qe te arrihet realizimi i kesaj reforme nevojitet nje marreveshje per ceshtje te cilat do te jene objekt i reformes. Keto reagime te shume partive politike, midis tyre edhe partise ne pushtet, Partise Demokratike vijne pas pesimit nga e ashtuquajtura "skema e Dushkut" ne zgjedhjet e 3 korrikut nga ku u konfirmua si force fituese e djathta shqiptare.

http://www.shekulli.com.al/ 25/09/2005

LZHK: Zgjedhjet, të vendoset proporcionali

A. Rama

TIRANË - Lëvizja për Zhvillim Kombëtar do të kërkojë që nëpërmjet ndryshimeve të Kodit Zgjedhor, të vendoset proporcionali si parimi bazë i demokracisë. Kreu ekzekutiv i LZHK-së, Dashamir Shehi, është shprehur dje në mbledhjen e asamblesë, ku u diskutua për zgjedhjet e 3 korrikut, se do të bëhet luftë për kthimin e proporcionalit. “Ne jemi për kthimin e proporcionalit dhe ne këtë do ta bëjmë luftën tonë përgjatë gjithë këtij viti”, - u shpreh Shehi. Koalicioni zgjedhor i LZHK-së nuk arriti të kalonte pragun elektoral prej 4% gjatë zgjedhjeve parlamentare të verës, duke mbetur në këtë mënyrë e papërfaqësuar në Kuvend. Drejtuesit e kësaj lëvizjeje e kanë konsideruar të manipuluar rezultatin zgjedhor të proporcionalit, gjë që, sipas tyre, ka ardhur nga fakti që ky subjekt zgjedhor nuk kishte komisionerë në komisionet zgjedhore. Ndërkaq, në lidhje me ndryshimin e Kodit Zgjedhor, u shpreh para disa ditësh edhe sekretari i përgjithshëm i Partisë Socialiste, Gramoz Ruçi, sipas të cilit reforma zgjedhore duhet të kryhet sa më shpejt dhe para zgjedhjeve. Sipas Ruçit, që të arrihet realizimi i kësaj reforme nevojitet një marrëveshje për çështje të cilat do të jenë objekt i reformës. Dy partitë kryesore në vend, por edhe disa parti të tjera parlamentare, i kanë cilësuar zgjedhjet me legjitimitet të cunguar, për shkak të aplikimit të skemës së Dushkut, gjë që i ka kushtuar ndonjë prej tyre jo pak kosto politike dhe elektorale.

http://www.panorama.com.al/

LZHK: Të ndryshojë Kodi Zgjedhor

LZHK-ja kërkon ndryshimin Kodit Zgjedhor dhe ristrukturimin e sistemit të votimit në Shqipëri. Dashamir Shehi deklaroi se partia e tij do të luftojë për futjen proporcionalit në skemën zgjedhore si parim bazë i demokracisë. Deklarata tij u bë dje gjatë mbledhjes së radhës së asamblesë të LZHK. Veç të tjerave gjatë kësaj mbledhjeje u diskutua për zgjedhjet e 3 korrikut si dhe objektivat që kjo parti ka si synim në zgjedhjet lokale të ardhshme. Kërkesa e LZHK është e njëjtë me atë të bërë para disa ditësh nga Gramoz Ruçi, sekretar i përgjithshëm i PS, i cili kërkoi ndryshimin e Kodit Zgjedhor para zgjedhjeve të ardhshme. Megjithatë edhe PD është dakord në parim me këtë kërkesë po të kujtosh deklaratat e bëra kundër “skemës së Dushkut”.

http://www.sot.com.al/ Sunday, 25 September 2005

Dade: Mustafaj do të japë llogari në komision

Opozita shpreh mendimin, se shteti shqiptar duhet të përkrahë një pavarësi të plotë për Kosovën. Ish-ministrja e Jashtme socialiste dhe deputetja Arta Dade, ka deklaruar dje se "pavarësia e kushtëzuar", për të cilën është deklaruar kryediplomati shqiptar Besnik Mustafaj, duhet përjashtuar si opsion, si zgjidhje për statusin e Kosovës. Sipas Dades, pas kthimit nga Shtetet e Bashkuara të Amerikës, ministri i Jashtëm Besnik Mustafaj do të thirret nga socialistët në Komisionin e Jashtëm të Kuvendit, për të dhënë shpjegime rreth këtij qëndrimi. Kujtojmë, se ministri i Punëve të Jashtme, Besnik Mustafaj ka deklaruar në Asamblenë e Përgjithshme në Nju Jork, se statusi final i Kosovës duhet të mbështetet në vullnetin e lirë të popullit të Kosovës, e shprehur në mënyra demokratike, siç është ajo e garantimit të të drejtave për pakicat etnike.“Në këtë kontekst, një pavarësi e kushtëzuar e Kosovës, do të lejojë komunitetin ndërkombëtar për të vëzhguar për një periudhë të caktuar zhvillimin e institucioneve të Kosovës dhe shoqërisë së saj, që shërben si garanci për serbët dhe minoritetet e tjera”, - është shprehur Mustafaj. Duke përdorur të drejtën e replikës në Asamblenë e Përgjithshme të OKB-së, Serbia tha se ishte e habitur, që Shqipëria kishte ndryshuar politikën e saj në mbrojtje të pavarësisë së Kosovës. “Kjo kërkesë paragjykon statusin e Kosovës para fillimit të bisedimeve. Kjo nuk i kontribuon bashkëpunimit aq të nevojshëm ndërmjet Beogradit dhe Tiranës dhe as stabilitetit në rajon”, - është shprehur ministri i Jashtëm serb, Miomir Udovicki. “Ne do të donim të kujtonim, që Kosova është pjesë e Serbisë dhe bisedimet për statusin përfundimtar të saj do të bëhen mes Beogradit, Prishtinës dhe komunitetit ndërkombëtar”, - ka përfunduar ai. Por, qëndrimi i Mustafaj për një status të kushtëzuar të Kosovës, ka sjellë menjëherë reagimin e opozitës dhe pikërisht të ish-ministres së Jashtme, Arta Dade.

http://www.kohajone.com/

24 Shtator 2005

PLL: ESHTRAT E MBRETIT ZOG TE VIJNE NE SHQIPERI

Partia Levizja e Legalitetit, ne kushtet e reja politike e sociale, mendon se rivleresimi i kontributeve atdhetare te figurave te ndritura te historise dhe shtetit shqiptar, eshte prioritet madhor, madje emergjent. Ky ishte komunikimi i dhene dje nga kjo parti.

Pikerisht per kete arsye, mbeshtetur edhe ne opinionet dhe botimet historiografike e shkencore, vleresimi i kontributeve te Mbretit Zog I dhe vendosja e tij ne panteonin e shqiptarizmes, do te ishte veprimi me i arsyeshem e qeverise dhe shtetit shqiptar.

Nisur nga fakti se eshtrat e Mbretit Zog I prehen akoma jashte atdheut, ne emer te mbare legalisteve dhe mbreteroreve, si dhe ne respekt te se kaluares dhe kontributeve shtetformuese, per te cilat jane te interesuar te gjithe shqiptaret, PLL i kerkon presidentit Alfred Moisiu dhe kryeministrit Berisha, te ndermarrin e te kurorezojne nismen per kthimin ne atdhe te eshtrave te kryetarit te shtetit te pare shqiptar te periudhes moderne.

http://www.balkanweb.com/

Shehi: LZHK do te luftoje per ndryshimin e kodit zgjedhor

Lajmi i ores 6:20 PM

TIRANE (24 Shtator)- Eshte mbedhur sot asambleja e LZHK ku jane diskutuar zgjedhjet e 3 korrikut dhe objektivat e zgjedhjeve lokale. Kreu ekzekutiv i keasj partie, Dashamir Shehi u shpreh se partia e tij do te luftoje per ndryshimin e kodit zgjedhor dhe futjen e proporcionalit si parimi baze i demokracise. "Ne jemi per kthimin e proporcinalit dhe ne kete do ta bejme luften tone pergjate gjithe ketij viti" u shpreh Shehi.

Nderkaq ne lidhje me ndryshimin e kodit zgjedhor u shpreh para disa ditesh edhe Sekretari i Pergjithshem i Partise Socialiste, Gramoz Ruci sipas te cilit reforma zgjedhore duhet te kryhet sa me shpejt dhe para zgjedhjeve. Sipas Rucit qe te arrihet realizimi i kesaj reforme nevojitet nje marreveshje per ceshtje te cilat do te jene objekt i reformes. Keto reagime te shume partive politike, midis tyre dhe partise ne pushtet, Partise Demokratike vjen pas pesimit nga e ashtuquajtura "skema e Dushkut" ne zgjedhjet e 3 korrikut ashtu dhe ne ato paraardhese. em/em(NEWS24+VOA/BalkanWeb)

Faqja 6 - POLITIKE

Shtator 24, 2005

Deklarata e ministrit të Jashtëm Mustafaj në OKB, priten reagime në Prishtinë

"Pavarësi të kushtëzuar Kosovës"

Shqipëria pro variantit gjerman për statusin

Pavarësi të kushtëzuar për Kosovën, ky është pozicioni më i ri i diplomacisë shqiptare i prezantuar disa ditë më parë në OKB. Besnik Mustafaj, ministër i Jashtëm në fjalimin e mbajtur në OKB në emër të Shqipërisë ka deklaruar "Statusi përfundimtar i Kosovës duhet të bazohet në vullnetin e lirë të popullit të Kosovës, të shprehur nëpërmjet metodave demokratike". Më tej ai ka shtuar "pavarësia e kushtëzuar për Kosovën do t'i mundësonte bashkësisë ndërkombëtare që për një periudhë të caktuar kohore, të vëzhgojë zhvillimin e plotë të institucioneve të Kosovës dhe shoqërisë së saj si garanci për serbët dhe pakicat e tjera". Ky është një ndryshim i madh i qëndrimit të politikës së jashtme shqiptare në lidhje me këtë çështje. Qeveritë e mëparshme socialiste deklaronin vetëvendosje. Ajo që Mustafaj deklaroi në OKB duket shumë afër qëndrimit të paraqitur nga Gjermania, më saktësisht të dhënë nga ministri i Jashtëm gjerman Joshka Fisher disa muaj në një takim të ministrave të jashtëm zhvilluar në Durrës. Fisher përmendi "pavarësinë e kushtëzuar". Ide të ngjashme ka paraqitur edhe grupi ndërkombëtar për krizat i cili propozon dhëniën e pavarësisë së kushtëzuar dhe dhënia e pavarësisë në momentin që shikohet se garantohen të drejtat e minoritetit serb në Kosovë dhe minoriteteve të tjera. Kjo linjë e re që po ndjek diplomacia shqiptare në lidhje me këtë çështje pritet që sjellë edhe reagimet e politikës së Prishtinë. Të gjitha partitë kosovare, qeveria dhe presidenti e kanë bërë të qartë tashmë se kërkojnë pavarësinë e plotë, dhe kjo për ta është e panegociueshme. Mustafaj gjatë qëndrimit të tij në OKB në Nju Jork ka patur edhe një diskutim me ministrin e Jashtëm të Serbi-Mali i Zi, Vuk Drashkoviç. Mustafaj në një intervistë dhënë për VOA dhe më pas për mediat në Tiranë deklaroi se qëndrimi i tij ishte se statusi i Kosovës nuk vendoset as nga Shqipëria dhe as nga Serbia.

Programi
Qeveria e re e të djathtës në Shqipëri është shprehur për pavarësi të Kosovës. Kjo është përcaktuar në programin e qeverisë të paraqitur nga kryeministri Sali Berisha në Kuvend ditën e votëbesimit. Ai u shpreh qartë për pavarësinë e Kosovës sipas të drejtës së vetvendosjes dhe garantim të të drejtave dhe lirive të të gjithë minoriteteve në këtë vend. Gjithashtu Berisha vetëm dy ditë më parë, gjatë një vizite në qytetin e Vlorës ku ka ndjekur nga afër një stërvitje të përbashkët ushtarake është deklaruar për stabilitet në rajonin e Ballkanit dhe mosndryshim të kufijëve. Një nga variantet që diskutohet nga faktorë të ndryshëm është edhe pavarësia e kushtëzuar e Kosovës që parashikon të pengimin për të mos u bashkuar me Shqipërinë apo për të mos zhvilluar asnjë referendum në lidhje me këtë çështje. Po dje ka ardhur edhe një tjetër qëndrim që shprehet për pavarësinë e Kosobës si e vetmja zgjidhje. Ai është prezantuar nga një anëtar i Dhomës së Përfaqësuesve të Kongresit amerikan, Dana Rohrabacher. Senatori republikan nga shteti i Kalifornisë, deklaroi dje se "pavarësia e Kosovës është e vetmja zgjidhje e drejtë për statusin e saj përfundimtar". Sipas zërit të Amerikës, Rohrabacher thekson se "10 përqind e popullatës së Kosovës, që përbëhet nga serbët, nuk duhet të presë që t'i diktojë politikën e vet 90 përqind të popullatës, me përjashtim të kërkesave për respektimin e të drejtave të tyre". "E vetmja zgjidhje që dëshirohet nga popullata në Kosovë është pavarësia. Zgjidhja nuk mund t'u detyrohet atyre nga larg, nga kompromiset që bëhen mes qeverive", tha senatori.

http://www.panorama.com.al/

Faqe 19 - Opinion

Formula “Mustafaj” për Kosovën

Arben Çejku

Misioni i parë diploma tik i ministrit të Punëve të Jashtme, Besnik Mustafaj, shkundi nga plogështia, jo vetëm qendrat diplomatike rajonale, posaçërisht ato në Beograd, por edhe opinionin e brendshëm në Shqipëri. Deklarata e tij në selinë e OKB-së se Tirana mbështet “pavarësinë e kushtëzuar për Kosovën”, shkaktoi një reaksion të dyfishtë, të pazakontë. Në njërën anë zgjoi retorikën serbe për “djepin serb të Kosovës” dhe nga ana tjetër, inkurajoi faktorët në Kosovë dhe jashtë saj për t’iu afruar pa komplekse formulës së statusit të ri të Kosovës. Për një pjesë të opinionit të brendshëm shqiptar, kjo deklaratë u perceptua si “herezi” dhe madje në ekstremin e paragjykimeve, si një gafë diplomatike.
Në sfondin e gjithë paragjykimeve dhe reagimeve, u duk qartë se zoti Mustafaj ka ndërmend të rikthejë diplomacinë shqiptare në pozitën e merituar rajonale e më gjerë. Larg komplekseve fals të neonacionalizmit, Mustafaj riformuloi të koncentruar të gjitha qëndrimet e deritanishme të shumicës së faktorëve rajonal e ndërkombëtar për çështjen e Kosovës. Jo thjesht për protagonizëm, por në emër të realdiplomacisë dhe nevojës për të ofruar kontribut në stabilitetin dhe integrimin e rajonit, kryediplomati shqiptar zyrtarisht përkrahu një nga opsionet që muaj më parë kishte sugjeruar Grupi Ndërkombëtar i Krizave apo institucione të tjera të rëndësishme ndërkombëtare.
A është maksimalist qëndrimi i zotit Mustafaj?
Mendoj se është një qëndrim realist, nëse rikthejmë në vëmendje koleksionin e disa prej qëndrimeve të mëparshme të qeverive dhe institucioneve të huaja, pa përfshirë këtu qëndrimin unanim të vetë Kosovës. Madje, që në fillim, rikujtojmë se Beogradi zyrtar, nën presionin ndërkombëtar ka prodhuar një opsion për Kosovën, sipas të cilit asaj (Kosovës) duhet t’i jepet “më shumë se autonomi, më pak se pavarësi”. Në thelb, vetë Serbia, pra, e pranon indirekt se Kosova po shkon drejt pavarësisë.
Nga ana tjetër, deklarata e zotit Mustafaj u parapri në Kosovë pak kohë më parë nga kryediplomatja e Zvicrës, Michelin Calmy Rey. Rey tha në Prishtinë, se “Kosova duhet të jetë e pavarur dhe me një monitorim të ngushtë ndërkombëtar”.
Në arenën ndërkombëtare duket se ka një frymë konsensuale lidhur me opsionin e pavarësisë për Kosovën. Në këtë pikë janë bashkuar përveç Zvicrës dhe SHBA, Britania e Madhe, Franca, Austria etj.
Shefi i Zyrës franceze në Prishtinë, Tieri Rejnar, tha se Franca ka qëndrim të njëjtë me SHBA-të dhe Britaninë e Madhe. Ministri britanik për Evropën, Dagllas Aleksander u shpreh pro pavarësisë së Kosovës si një nga opsionet. “Po, ne jemi në të njëjtën linjë. Ky është një opsion. Mirëpo, kjo së pari do të varet nga raporti i Aid”. Vendet e Grupit të Kontaktit si Franca, SHBA, Britania, Gjermania, Italia dhe Rusia janë pothuajse në një linjë për opsionin e pavarësisë së Kosovës. Edhe Greqia, nëpërmjet përfaqësuesit të saj në Prishtinë është shprehur se do të përkrahë qëndrimin amerikan ndaj Kosovës. Vetë Presidenti i Shqipërisë, Moisiu, deklaroi në Nju Jork javën e kaluar se “ka ardhur koha të nxjerrim përfundimin që një Kosovë e pavarur është zgjidhja më e mirë. Një Kosovë e pavarur do të krijojë më tepër siguri dhe stabilitet në rajon dhe më tej”.
Nga ana tjetër, faktorët politik dhe shoqëror në Kosovë kërkojnë një pavarësi pa kushte, një pavarësi klasike. Nekibe Kelmendi, një zë domethënës në opinionin vendas, ka deklaruar se “pavarësia e kushtëzuar është një mosbesim në institucionet tona se do t’u garantojnë respektimin e të drejtave, sidomos të minoritetit serb. Nuk ka baza që të dyshohet se ne do t’i shkelim ato të drejta, pasi ne do t’i garantojmë ato të drejta me aktin tonë më të lartë juridik, me Kushtetutën e Kosovës”.
Në fakt, vitin e kaluar, një grup ekspertësh amerikanë i dorëzuan Rugovës një projektkushtetutë të Kosovës së pavarur, duke paralajmëruar kështu orientimin e debatit ndërkombëtar drejt pavarësisë si zgjidhje për statusin e ri të Kosovës.
Pro pavarësisë së Kosovës si zgjidhje janë shprehur edhe Maqedonia apo Mali i Zi, me kusht që statusi i ri të mos ndikojë në ndryshimin e kufijve.
Në një këndvështrim më të gjerë, qëndrimi i zotit Mustafaj në OKB pro pavarësisë së Kosovës, pavarësisht reminishencave nacionaliste serbe apo retorikës diplomatike të përfaqësuesve të Koshtunicës, është realist dhe brenda kuadrit të interesave kombëtare shqiptare. Gjithashtu ai është një qëndrim në përputhje me interesat ndërkombëtare për paqe e stabilitet në rajon. Diplomacia shqiptare, nuk ka pse të kompleksohet dhe të konturojë vetveten si struci me kokën në rërë, vetëm e vetëm se në tregun e ideve ballkanike kërkojnë të shiten edhe teza anakronike si ato për gjoja “Kosovën e Madhe” apo “Shqipërinë e Madhe”. Për statusin e Kosovës, asnjë vend rajonal nuk e ka fuqinë të vendosë kushte, pos të ofrojë kontribut për zgjidhjen që do të ofrojë faktori perëndimor në përputhje me vullnetin politik të shqiptarëve të Kosovës.

http://www.ballkan.com/

Mustafaj, replika me Drashkoviçin për Kosovën

Autori i Lajmit: Red.
“Një pavarësi e kushtëzuar e Kosovës do të lejojë komunitetin ndërkombëtar për të vëzhguar për një periudhë të caktuar zhvillimin e institucioneve të Kosovës dhe shoqërisë së saj që shërben si garanci për serbët dhe minoritetet e tjera”. Kjo është thirrja e drejtuar nga Ministria shqiptare i Punëve të Jashtme, Besnik Mustafaj, gjatë mbledhjes së Asamblesë së Përgjithshme të OKB-së në Nju-Jork. Agjencia e lajmeve “Reuters”, duke iu referuar fjalës së ministrit shqiptar, thekson se Shqipëria e ka shprehur hapur qëndrimin e saj për pavarësi të Kosovës nga Unioni Serbi-Mali i Zi. Sipas të njëjtës agjenci, Mustafaj ka shtuar se statusi final i Kosovës duhet të mbështetet në vullnetin e lirë të popullit të Kosovës, e shprehur në mënyra demokratike, siç është ajo e garantimit të të drejtave për pakicat etnike. Duke përdorur të drejtën e replikës në Asamblenë e Përgjithshme të OKB-së, Serbia tha se ishte e habitur që Shqipëria kishte ndryshuar politikën e saj në mbrojtje të pavarësisë së Kosovës. “Kjo kërkesë paragjykon statusin e Kosovës, para fillimit të bisedimeve. Kjo nuk i kontribuon bashkëpunimit aq të nevojshëm ndërmjet Beogradit dhe Tiranës, dhe as stabilitetit në rajon”, tha ministri i Jashtëm serb, Miomir Udovicki. “Ne do të donim të kujtonim që Kosova është pjesë e Serbisë dhe bisedimet për statusin përfundimtar të saj do të bëhen mes Beogradit, Prishtinës dhe komunitetit ndëkombëtar”, përfundon deklaratën e tij, Udovicki. Vetë Mustafaj ka vënë në dukje se Shqipëria nuk e ka ndryshuar frymën e përgjithshme që ka ushqyer politika shqiptare në vitet e fundit. “Qeveria e mëparshme ka qenë e paqartë, por ka qenë konstruktive, sepse nuk ka ushqyer qëndrime negative ose radikale, por ajo nuk është shfaqur asnjëherë me një koncept të qartë se si e shohim ne të ardhmen e Kosovës”, tha ai në një intervistë televizive.

Data e Publikimit: 24/09/2005

http://www.panorama.com.al/

viti IV, Nr:1076

E Premte 23 Shtator 2005

Faqe 8 - Rajon

Debati në OKB/ Diplomacia serbe reagon ashpër kundër Shqipërisë

Mustafaj: Duam pavarësi të kushtëzuar për Kosovën

Qëndrimi i ri i diplomacisë shqiptare përballë formës së statusit final të Kosovës, ka nxitur menjëherë reagime të ashpra të Beogradit, i cili sipas medias ka shprehur “habi” për qëndrimin e ri të Shqipërisë. “Statusi përfundimtar i Kosovës duhet të bazohet në vullnetin e lirë të popullit të Kosovës, të shprehur nëpërmjet metodave demokratike”, tha Mustafaj, i cituar edhe nga “Rojter”. Shefi i diplomacisë shqiptare tha në Asamblenë e Përgjithshme të OKB-së se pavarësia e kushtëzuar për Kosovën do t’i mundësonte bashkësisë ndërkombëtare që për një periudhë të caktuar kohore, të vëzhgojë zhvillimin e plotë të institucioneve të Kosovës dhe shoqërisë së saj si garanci për serbët dhe pakicat e tjera. Duke shfrytëzuar të drejtën për replikë, përfaqësuesi i Serbisë tha se ishte i befasuar që Shqipëria ka ndryshuar politikën e saj dhe angazhohet për pavarësinë e Kosovës. Sipas tij, Kosova është pjesë e Serbisë dhe se bisedimet për të ardhmen e saj duhet të zhvillohen ndërmjet Beogradit, Prishtinës dhe bashkësisë ndërkombëtare. Ndihmësministri serb, Miomir Udoviçki, tha se deklarata e Mustafajt nuk i kontribuon bashkëpunimit aq të nevojshëm ndërmjet Beogradit dhe Tiranës, por as stabilitetit në rajon.
Ndërkohë, agjencia “Reuters” nga Nju Jorku, njofton se diplomatët kanë thënë se Shtetet e Bashkuara, Bashkimi Evropian dhe OKB, po e shqyrtojnë një formë të pavarësisë së kushtëzuar të Kosovës nën mbikëqyrjen e BE-së në negociatat e ndërmjetësuara nga Kombet e Bashkuara, që do të fillojnë këtë vit. “Reuters” ka njoftuar se i dërguari special për Kosovën, Kai Aide, do ta shtyjë përfundimin e raportit për disa javë. “Reuters”, transmetoi një diplomat perëndimor,i cili ka thënë se shtyrja e raportit bëhet me qëllim. Nga ana tjetër, Presidenti i Serbisë, Boris Tadiq, i ka thënë agjencisë “Associated Press” se, “Serbia nuk ka ambicie që përsëri t’i sundojë shqiptarët në Kosovë, por nuk mund të heqë dorë nga territori i saj historik, në të cilin ende jetojnë rreth 100 mijë serbë. Serbia aspak nuk dëshiron të rregullojë marrëdhëniet politike ndërmjet shqiptarëve, por ne duhet të kujdesemi për serbët në Kosovë”, ka shtuar Tadiq.
Vetë ministri i Jashtëm i Unionit, Serbi-Mali i Zi, ka thënë se “bisedimet për statusin e ardhshëm të Kosovës me siguri do të fillojnë nga fundi i këtij viti”. Vuk Drashkoviq ka deklaruar për agjencinë e lajmeve “Beta” se sekretari i përgjithshëm i OKB-së, Kofi Annan, në tetor do të caktojë të dërguarin special për bisedimet, selia e të cilit do të jetë në Vjenë, sepse vitin e ardhshëm, Austria kryeson Bashkimin Evropian. Opinioni politik në Serbi është i paqartë për formulën zyrtare të Beogradit për Kosonës, “më shumë autonomi, më pak pavarësi”. Sekretari i përgjithshëm i Partisë Radikale Serbe (SRS), Aleksandar Vuçiq ka deklaruar se formula për Kosovën “më shumë nga autonomia, e më pak nga pavarësia”, që e ka paraqitur kryetarja e Qendrës Bashkërenduese për Kosovën, Sanda Rashkvoiq Iviq “nuk ka kurrfarë domethënie”. “Ose keni autonomi territoriale ose keni pavarësi. Gjithçka që është midis kësaj mund të jetë vetëm formë kalimtare”, u ka thënë Vuçiq gazetarëve në Beogra. Ai ka thënë se nuk beson se shqiptarët e Kosovës do të pajtoheshin me atë që Serbia ta ketë tërësinë e garantuar territoriale e që ata t’i fitojnë të gjitha tjerat, duke theksuar se kjo është në harmoni me zgjidhjet nga Kushtetuta e vitit 1974.
Kurt Volker, zëvendësndihmës i Sekretarit të Shtetit të SHBA-së tha se, “shpresojmë që zgjidhja të jetë një konsensus që të arrihet në një rezultat që të jetë i pranueshëm nga gjithkush në rajon. Mendoj se komuniteti ndërkombëtar, Shtetet e Bashkuara, kanë detyrimin që të hedhin ide, të lehtësojnë dialogun dhe të arrijnë të realizojnë zgjidhjet më realiste dhe afatgjatë që të jetë e mundur”.