27072005

E Merkure, 27 Korrik 2005

LSI dhe LZHK tërhiqet nga kandidimi në zonën 64 dhe 2

ARMAND MAHO

27 Korrik Lëvizja Socialiste për Integrim nuk do të marrë pjesë në përsëritjen e zgjedhjeve që do të bëhen në zonën elektorale numër 2 dhe 64. Kështu do të veprojë dhe Lëvizja për Zhvillim Kombëtar. Pas vendimit të KQZ-së për përsëritje të zgjedhjeve, përfaqësues të LSI-së kanë konfirmuar për "Metropol“ tërheqjen e kandidatëve të tyre nga gara elektorale. Ndërkohë që dje, KQZ-ja ka vendosur që në zonën elektorale numër 64 do të zhvillojë sërish votime, për të nxjerrë se kush do të jetë deputeti që do ta përfaqësojë në Kuvendin e ardhshëm. KQZ-ja, pas ankimimit të dy kandidatëve për deputetë në këtë zonë, atij të PD-së, Ilir Bano dhe të PS-së, Et’hem Ruka, për pavlefshmëri të procesit, ka vendosur me 5 vota pro dhe 2 kundër përsëritje të zgjedhjeve. Kundër përsëritjes së zgjedhjeve janë shprehur anëtarët e KQZ-së, Pandeli Varfi dhe Tomor Malaj. KQZ-ja ende nuk ka konfirmuar datën se kur do të mbahen zgjedhjet në këtë zonë, por ka miratuar se do të votohet vetëm në mazhoritar. Gjatë shqyrtimit në mbledhjen e djeshme të ankimimeve, KQZ-ja ka kontrolluar 6 kuti votimi të zonës 64, ku ka konstatuar parregullsi të shumta në mënyrën se si është zhvilluar procesi zgjedhor. Ndërkohë që në një qendër votimi procesi i 3 korrikut nuk është zhvilluar fare. Sipas kreut të KQZ-së, Ilirian Celibashi, “nga dokumentacioni që KQZ-ja administron, ka thyerje të ligji,t që çojnë në pavlefshmëri”. Ndërsa edhe pse ka kontestuar procesin zgjedhor në zonën 64, kandidati socialist, Ruka, ka shprehur rezervat e tij për vendimin e KQZ-së. Sipas tij, “situata e zgjedhjeve në zonën 64 ka kaluar me presion ndaj anëtarëve, komisionerëve dhe fëmijëve të tyre, KQZ-ja bën mirë që e kalon zonën në rizgjedhje, por pa kaluar këto defekte atje nuk do të bëhen zgjedhje të lira dhe rezultati është i paragjykuar“. Në këtë mënyrë, KQZ-ja ka vendosur aktualisht përsëritjen e zgjedhjeve në dy zona elektorale, asaj numër 2, në Qarkun e Shkodrës dhe 64 në Qarkun e Fierit. Po dje, KQZ-ja ka rrëzuar kërkesën për pavlefshmëri të zgjedhjeve në zonën 90, ku kandidion Makbule Çeço dhe Genc Ruli, duke nxjerë fitues këtë të fundit. Votimi 4 pro dhe 3 kundër të Zgurit, Gjatës dhe Prengës nuk ka siguruar kuorumin e nevojshëm për t'i cilësuar zgjedhjet të pavlefshme

27/07/2005 http://www.ata-al.net/index.aspx?lang=f

DONNES AU SUJET DE LA PROCEDURE ELECTORALE DU 3 JUILLET DANS LES CIRCONSCRIPTIONS ELECTORALES 2, 64 ET 73

TIRANA, 27 juil (ATA-M.Marini-M.Duro).-A la conclusion du processus des plaintes pour invalidité des législatives du 3 juillet 2005 dans certaines circonscriptions, la Commission centrale électorale (KQZ) a décidé la répétition des élections dans les circonscriptions électorales 2 et 64. Entre-temps, on attend le dépouillement des bulletins de vote dans deux urnes de la circonscription 73.

- A la circonscription 2 de la préfecture de Shkodra sont en lice:
Pal Lera du Parti Socialiste (PS)
Astrit Bushati du Parti démocratique (PD)
Ridvan Hebaj du Mouvement socialiste pour l'Intégration (LSI)

     La KQZ a décidé la répétition des élections au majoritaire parce que dans 19 bureaux de vote le processus électoral ne s'est pas déroulé.
Le LSI a déclaré qu'elle retirera son candidat du douxième tour des élections
     - A la circonscription 64 , de la préfecture de Fieri, sont notamment en lice:
Et'hem Ruka du Parti socialiste
Ilir Bano du Parti démocratique
Maksim Meço du Mouvement socialiste pour l'Intégration
     La KQZ a décidé la répétition des élections dans cette la circonscription puisque dans un bureau de vote le processus électoral a été suspendu pendant plus de 7 heures.
     Le LSI a déclaré hier que son candidat se retirera durant la répétitition des élections dans cette la circonscription .

     - A la circonscription 73, à la préfecture de Fieri sont en lice:
Kastriot Islami (PS)
Artur Shehu (PD)
Fatos Klosi (LSI), etc.

     Pour cette circonscription on s'attend au redépouillement des bulletins de vote de deux urnes.

     Aux élections législatives de 2001, à la circonscription 2, ont été en lice Lekë Çukaj (PS), qui a été déclaré gagnant avec 50,7 % des votes, Mark Kroqi (PD +Union pour la Victoire), qui avait obtenu 42,3 % des votes. La participation au vote a été au niveau de 62,1 % .

     Tandis qu' à la circonscription 64 ont été en lice Petro Koçi (PS), qui a été déclaré gagnant avant avec 61,7 % des votes, Agron Xoxa (PD+Union pour la Victoire, qui a obtenu 29,7 % des votes. La participation au vote était 47,9 %.

A la circonscription 73 ont été en lice Mustafa Muçi (PS), déclaré gagnant avec 57,2 % des votes, Neim Durdia (PD+Union pour la Victoire), qui a obtenu 32, 7 % des votes , tandis que la participation au vote a été au niveau de 48,33 %.
/klod/rimi/tt/

http://www.balkanweb.com/gazeta/gazeta.htm

Faqja 24 - OPINION

Korrik 26, 2005

Misioni i pamundur i LZHK

Nga Rezear XHAXHIU

Për Leka Zogun përralla zgjati fare pak dhe pati një përfundim të trishtë. Ajo mbeti larg rrëfimeve me mbretër dhe funde të lumtura. Me rezultatin modest të 3.6%. Lëvizja për Zhvillim Kombëtar mbeti përfundimisht jashtë oborrit të politikës duke zhgënjyer ideatorët dhe mbështetësit e saj. Kur një vit më parë pretendenti për fron inicioi Lëvizjen që "do të kthente shtetin e vërtetë" shumë kush u entuziazmua nga risia e platformës politike si dhe nga idetë e ekuilibruara që buronin nga "shqetësimi i madh për fatet e vendit tonë". Por ëndrra për 10% të votave u shkërmoq në një natë vere ditën e zgjedhjeve kur LZHK-ja edhe u vodh edhe nuk u votua, herë u abstenua e herë u tradhëtua. Edhe pse rreshtohem përkrah zotit Dashamir Shehi dhe analistëve të tjerë të Obrorrit për atë që ata e cilësojnë si kasaphanë të votave në dëm të LZHK-së mendoj se arësye të tjera edhe më substanciale çuan në disfatën politike të Lëvizjes për Zhvillim Kombëtar.
E krijuar një vit më parë me ambicien për ta transformuar politikën shqiptare, LZHK-ja dhe ideatorët e saj nuk arritën të konsolidonin pjesë të tëra të projektit politik të Leka Zogut, i cili për hir të së vërtetës në një vend tjetër normal do të intrigonte dhe do të çonte drejt kutive të votimit të paktën 40 përqind të votuesve. Nga ana tjetër LZHK në më shumë se një vit ekzistencë nuk mundi të ristrukturohej sikundër e bëri këtë në më pak kohë Lëvizja Socialiste për Integrim. Projekti politik i përpunuar nga Leka Zogu dhe ideologë të tjerë të Oborrit u hodh në tregun elektoral përmes një ushtrie kandidatësh që në pjesën dërrmuese nuk i besonin as vetë ato që mbronin. Duke përjashtuar përfaqësimin ekselent gjatë fushatës të Dashamir Shehit si dhe zbërthimin brilant që ai i bëri përmbajtjes së projektit të LZHK-së moria tjetër e kandidatëve ripërsërisnin hutueshëm nëpër mitingje e studio televizive frazën bajate "ne dimë të bëjmë shtet" pa patur ndoshta edhe vetë minimumin e njohurive mbi atë që quhet shtet i së drejtës. Brenda kësaj çoroditje elektorale edhe vetë lidershipi i LZHK-së u shfaq i fragmentizuar dhe i përfaqësuar pothuajse vetëm me figurën e zotit Shehi, i cili nuk mund të mbante gjithsesi peshën dhe gafat e herpashershme të të tijëve. Vetë Leka i Parë erdhe pse në ato pak dalje të tij në publik e media rezatoi fisnikëri e maturitet politik nuk arriti të përcjellë forcë e besim tek ajo pjesë e elektoratit të djathtë të mësuar me superadrenalinën e Doktor Berishës.
I dobët fizikisht, i lodhur dhe pa nerv, Zogu i Parë edhe pse hodhi mbi tapetin politik idetë e platformës së lëvizjes nuk mundi ta amplifikojë atë me strategjinë elektorale duke e specifikuar sipas preferencave te elektoratit. Ç'ka më pas gjithçka mbeti brenda sallave të mbyllura duke mos prekur sensibilitetet e zgjedhësve të djathtë apo të abstenuesve permanentë. Po ta shikojmë më hollë disa koncepte politike mbi idealin e vetëm, dinjitetin e rrëzuar të shqiptarit dhe ndryshimin real të imazhit të vendit duke bërë shtet etj etj.,ishin puthuajse të njëjtat karta që katër vjet më parë e bënë fitues mbretin Simeon të Bullgarisë. Por Shqipëria duket se nuk është Bullgari. Parashikimi i obortarëve të Lekës ,mbi "etjen e pritshme popullore për një politikë tjetër" rezultoi një përrallë me mbret. Edhe pse në fillim u duk se tregu elektoral shqiptar do të ofronte një mundësi pozitive për të realizuar projektin politik të LZHK-së skemat u përmbysën rrugës. Të gjitha të dhënat e mëpasme treguan se Lëvizja si një krijesë e eksperimentuar në epruvetë dështoi duke thyer vetë qelqin dhe duke mbetur një kopje e keqe e asaj çka Simeoni implementoi në skakierën politike të vendit ballkanik. Por këtu tek ne nuk ka skakiera, por arena politike pa rregulla loje, madje me rregulla primitive, të cilat nxjerrin jashtë çdo lloj lëvizje që tenton të sjellë një dimension ndryshe në një pseudodemokraci pluraliste të kryqëzuar nga dy forcat politike që nuk po duan të mbartin ndryshimin e vërtetë, atë që cilësohet si politika ndryshe e progresit dhe e rregullave bazë. Ja përse fluturimi i Zogut u ndërpre më 3 korrik duke rënë mbi pellgun e politikës shqiptare të ujit të ndenjur.

25/07/2005

   LA KQZ - ENCORE SEPT PLAINTES ELECTORALES A EXAMINER

     TIRANA, 25 juillet /ATA/ Par A.Struga/ - La commission électorale centrale doit examiner encore sept plaintes électorales portant sur l'invalidité des législatives du 3 juillet, a indiqué aujourd'hui le porte-parole de cette commission, Erton Sinani.
      "Les décisions concernant ces plaintes doivent être prises dans cette semaine, pour commencer ensuite les préparatifs en vue du scrutin dans la circonscription 2 à Malesi e Madhe. Le résultat définitif des législatifs sera annoncé à l'issue du scrutin dans cette circonscription ou dans une autre où il a eu des problèmes", a dit M.Sinani.
/lola/bv/

25/07/2002

LA KQZ DECIDE DE LA REPETITION DU SCRUTIN DANS LA CIRCONSCRIPTION NO.2, MAIS, ELLE N'A PAS ENCORE FIXE LA DATE

     TIRANA, 25 juillet (ATA) - La Commission centrale électorale (KQZ) a décidé lundi de la répétition du scrutin dans la cirsconscription No.2, à la préfecture de Shkodra, mais, elle n'a pas encore fixe la date.
     Cette décision a été prise, car, le 3 juillet, le vote n'a pas eu lieu dans 19 bureaux de vote de cette circonscription, par conséquent, aucun matériel électoral n'a été remis à la KQZ. La KQZ fixera la date du scrutin lors de sa prochaine réunion.
    Quelques jours auparavant, la KQZ a limogé et a déféré à la justice les membres de la Commission zonale électorale (KZZ) de la circonscription No.2 où ont posé les candidatures Pal Leraj pour le Parti socialiste et Astrit Bushati pour le Parti démocratique./m.d/klod/rimi/JDE/

http://www.balkanweb.com/

Shkrimtari i njohur Ismail Kadare flet për zgjedhjet e tre Korrikut. Mesazhet e tij për qeverinë dhe opozitën e re

Kadare: Mesazhi im për Qeverinë

“Me një korrupsioin të tillë Shqiperia nuk mund të quhet as vend i lirë e as vend sovran”

Robert Rakipllari

Pyetje: Ju sapo keni botuar një letërkëmbim të njohur për lexuesin me ish-Presidentin Alia në vitin ’90. Përse ky libër botohet pikërisht tani?
Përgjigje: Pse pikerisht tani? E kuptoj fare mirë pyetjen tuaj. Ka kohë që në Shqipëri shumë gjëra, duke përfshirë edhe kohën e botimit të një libri, zgjojnë dyshime. Po të ndodhë një botim përpara zgjedhjeve do të dyshohet, përse përpara? Po të jetë pas, do të thuhet përse pas? Po të qëlloje në një kohë pa ngjarje do të thuhet se kërkon të bëhet ngjarje, e po të jetë paralelisht me një ngjarje tjetër, do të thonë se kërkon të tërheqë vëmendjen prej saj, e kështu me radhë, po të ndodhë në dimër, në verë, në zheg apo në acar. Ju siguroj se nuk fshihet asnjë qëllim në kohën e botimit. Ka qëlluar thjesht në muajin korrik, fjalë që në shqip vjen nga korrja e grurit, e në shumë gjuhë nga emri i Jul Qezarit...Dhe prapë ju siguroj se nuk ka ndonjë aludim për "korrje të fitores" apo "të disfatës", e aq me pak me ndonjë Jul Qezar të hamendësuar vendas.
Pyetje: Zgjedhjet e tre Korrikut ishin vënë kusht nga Evropa për integrimin, mendoni se Shqipëria e kaloi këtë sfidë?
Përgjigje: Me keto zgjedhje Shqipëria u vu përpara një prove tepër delikate. Kushti për zgjedhje normale, për hapjen e rrugës për në Europë ishte i drejtë në thelb. Ishte një trysni që bëhej për të mirën e vendit. Por nga ana tjetër, ishte jo pa rrezik. Shqipëria, ashtu si një qenie që zbulon pikën e dobët, apo si një ngrehinë , që i gjendet pika ku mund të rrëzohet, u gjend e zbuluar përpara atyre forcave që nuk do ta donin, për arsye të ndryshme, hyrjen e saj në familjen evropiane. Populli shqiptar, shoqëria shqiptare e pranon trysninë ndaj klasës së tij politike. Në këtë pikë ai bashkohet me komunitetin euro-atlantik. Por, ndonëse ka përgjegjësi për politikanët e vet, nuk është e drejtë që ky popull të ndëshkohet për shkak të tyre. Ndaj një qasje tjetër më gjakftohtë dhe realiste mund të gjendet.
Pyetje: Ka dy mendime të kundërta që pak a shumë u shfaqën për keto zgjedhje: njëri më negativ e tjetri më pozitiv.
Përgjigje: Mendoj se pavarësisht nga gjithë mungesat, bezditë, shëmtitë etj.,etj. , për të cilat ne jemi të ndërgjegjshëm, diçka e mirë, një hap i drojtur por i qartë përpara ndodhi, megjithatë. E para, rrotacioni u krye. Jo aq i fismë sa ç'do ta kishim dashur, por sidoqofte, u krye. Dhe s'duhet harruar që është hera e parë në historinë e vendit. E dyta, korrupsioni u denua njëzeri dhe shqiptarët u bënë të ndergjegjshëm se me një korrupsion të tillë Shqipëria nuk mund të quhet as vend i lirë e as vend sovran. Në këtë kah vota e tyre, më shumë se politike ishte, ndoshta, morale.
Natyrisht, Shqipëria nuk mund të kënaqet me kaq. E megjithatë, duhet ta pranojmë se, me sa duket, shpina e një vendi që ka përjetuar me të egrën diktaturë staliniste në Evropë, nuk mbante tani për tani me tepër.
Shqipëria, sado që të mundohet, nuk bëhet dot model. (Një herë që kujtoi se u bë model i socializmit, në të vërtetë u bë gazi i botes!).
Veç kesaj, e gjitha kjo kërkon një gjykim gjakftohtë brenda kuadrit ballkanik. Serbisë p.sh. po i vihet një kusht shume më i lehte: kapja e një krimineli. Me që ra fjala, nuk besoj se problemi i kulturës së krimit ndëretnik, që u bë zotëruese në Serbi mbi dhjetë vjet, zgjidhet me arrestimin e një krimineli.
Pyetje: A mund të na thoni diçka për amulline që u krijua pas zgjedhjeve, ku PD shpalli fitoren, ndërsa PS vazhdon të mos e njohë humbjen?
Përgjigje: Amullia që u krijua pas zgjedhjeve krijoi përshtypjen se disa nga partite politike shqiptare u penduan për atmosferën e parë të qete dhe shpejtuan të kthehen në zakonet e vjetra. Dhe zakonet e vjetra të tyre dihen: acarim, militantizem, mospranim të rezultateve të një pjese të kandidatëve, dëshirë për prishje. Njerëzit kanë të drejtë të mendojnë se disa forca politike në Shqipëri nuk kanë dashur zgjedhje normale, por tjetër gjë. Kështu normalitetin e kanë perjetuar si një fare torture, një fare "kemishe të forces". Dhe mezi ç'kane pritur rastin ta flakin ate kemishe shtrenguese dhe të kthehen në gjendjen e meparshme. E keqja është se ndersa kjo gjendje që është normale për ta, është anormale për vendin.
Pyetje: Ç'mesazh do t'ju jepnit ju forcave politike të sotme?
Përgjigje: Nuk besoj se mesazhi im ndryshon nga ai i shumices se qytetarëve shqiptarë: të mos e prishim ate ç’ka u arrit. (Aq sa u arrit). Kanë shansin e fundit të bëjne një gjest qytetar, republikan, demokratik, njerëzor. Akti thelbësor i rendit demokratik, që është kalimi (rrotacioni) i pushtetit me votim, nuk mund të kuptohet pa humbjen e njerit dhe fitoren e tjetrit. Humbja dhe fitorja prodhojnë kështu bashkërisht demokracine. Demokracia shqiptare që mëton të kthehet në demokraci europiane, nuk mund të zhvillohet ndryshe.
Focat kryesore politike shqiptare janë ende larg emancipimit. Doza e lartë e militantizmit, (lexo: sejmenizmit, trashëgim i kohës otomaniste kur sejmeni nuk njihte as komb, as shoqëri, as atdhe, por njihte veç shefin e vet të klanit) , është një ndër pengesat e shumta. që këndej rrjedh himnizimi i dalldisur i partisë, (trashëgimi kjo nga komunizmi shqiptar me tipare feudale) , e nga "partishmeri" e keqe, rrjedh mosrespekti ndaj vlerave demokratike e republikane, ndaj institucioneve e ligjeve. Si shembull mund të shërbejnë raportet e partive kryesore me presidentin. Ishte një akt emancipues zgjedhja e presidentit konsensual, zotit Alfred Moisiu. Por sjellja e partive me të ishte, në shumë raste, meskine. Here njëra palë e herë tjetra, varnin turinjtë e zemëroheshin e përpiqeshin ta fyenin sa herë që iu dukej se presidenti u behej pengesë. (Ç'ka dëshmonte në të vertete paanësinë e tij).
Pyetje: A do të donit ta uronit qeverinë e re që, me sa duket, do të jete e se djathtës demokratike? Ç'dëshirë tuajën do të donit t'i transmetonit?
Përgjigje: Natyrisht që me gjithë zemer do t'i uroja punë të mbarë qeverisë së re të djathtë shqiptare. Do ta bëja këtë për çdo qeveri të votuar nga populli shqiptar. Do të shtoja këtu se një dëshirë të ngjashme do t'ia shprehja edhe opozites në gjuhën tonë, ashtu si është në shumicën e gjuhëve, urimi "punë e mbarë" gjendet vetëm në kahun pozitiv dhe jo në të kundërten, ta zemë "sherr të mbarë!" ose "shkopinj të mbarë në rrota!". Për fat të keq, kronika shqiptare është e mbushur me sjellje të tilla të opozitave.
Çfare do të doja t'i transmetoja qeverise se re? Në radhe të parë, një program dhe psikologji ndërtuese, pozitive. Ajo do të ishte shëndoshëse jo vetem lëndërisht, por edhe shpirtërisht për vendin. Së dyti, një qeverisje nëpërmjet një ekipi të aftë e të qytetëruar, ku të perjashtohej diçka tradicionalisht e dëmshme tek ne, prirja tribale. Kjo prirje është e vendeve të prapambetura e totalitare, ku shefi emëron në poste kyçe ministra "të besuar" nga klani apo krahina e vet. Do të ishte afishimi i parë i keq i qeverisë shqiptare përpara komunitetit ndërkombëtar, i cili me aq vëmendje ndjek zhvillimet e fundit në Shqipëri.
Pyetje: Jashtë problemit të zgjedhjeve si e shikoni gjendjen e pergjithshme të Shqipërise e të popullit shqiptar?
Përgjigje: Parë në një vizion të përgjithshëm, mendoj se Shqipëria ndodhet në fazën e fundit të një procesi që ka nisur mbi një shekull e gjysmë më parë. Në atë kohe, ende nën pushtimin otoman, u shpall programi i rilindasve shqiptarë për lirinë dhe demokracinë shqiptare. Thelbi i këtij programi, themeli dhe kurora e tij ishte: liria e Shqipërisë, kthimi i saj në familjen europiane. Siç e shihni, pas pengesash monstruoze, populli shqiptar gjendet më në fund, në prag të kësaj ëndrre. Rrugëtimi i tij ka qenë i vështirë, por aspak fatkeq. Disa nga sëmundjet e mëdha të kontinentit ai i kaloi në formën e tyre më të rëndë, siç ishte komunizmi i tipit stalinist, por pati të tjera nga të cilat, për fat të mir, nuk u prek, siç ishte antisemitizmi. Të tjera drama, si ajo e fesë, u përjetuan nga shqiptarët në trajtë kundërthënëse: nga një anë ndalimi i fesë, si një pervojë e errët turpëruese, nga ana tjeter, harmonia midis besimeve, si diçka e lakmuar. Kështu ecin popujt.
Mendoj se s'ka arsye për ligështim. Mendoj se energjia pozitive e shqiptarëve e ka kohën e vet përpara.