28052005

LZHK cel fushaten ne sheshin "Skenderbej"

"Do te zbatojme denimin me vdekje per rend e qetesi"

Levizja per Zhvillim Kombetar Leka I Zog, ka startuar dje ne mbremje ne sheshin "Skenderbej" te Tiranes, fushaten e saj elektorale per zgjedhjet parlamentare te 3 korrikut. Ne kete tubim, i cili eshte i pari qe LZHK organizon qe nga krijimi, ku merrnin pjese drejtuesit me te larte te kesaj Levizje, eshte bere edhe paraqitja e te 100 kandidateve per deputet te LZHK Leka I Zog.

Lajtomotivi i fushates elektorale te LZHK Leka I Zog, do te jete "Ne bejme shtet". Mitingu eshte hapur nga metonjesi per fronin mbreteror Leka Zogu, i cili ka ftuar qytetaret e Tiranes dhe te mbare Shqiperise qe te votojne per kandidatet e LZHK, pasi kjo Levizje, sipas tij, "synon te shpetoje Shqiperine nga korrupsioni, monopolet dhe gjendja e mjeruar ne te cilen e ka katandisur qeverisja aktuale". Sipas tij, shqiptaret jane te zhgenjyer nga politikanet qeverises, te cilet vetem sa pasurohen ne kurriz te qytetareve dhe zhysin vendin ne varferi. "Ju ftoj qe te mos u besoni premtimeve te tyre", ka nenvizuar Leka. Sipas tij, LZHK Leka I Zog, eshte per te bere shtet ashtu si vazhdim, i shtetit qe 80 vjet me pare beri Mbreti Ahmet Zogu.

Leka ka premtuar administrate te pakorruptuar, rend e qetesi per te gjithe qytetaret. "Zhvillimin do ta bazojme mbi pronen private. Do te sigurojme pune e mirqenie, si dhe kushte per te levizur lirisht kudo neper bote, me pashaporte shqiptare", ka deklaruar Leka.

Ne kete tubim ka folur edhe Kryetari Ekzekutiv i LZHK Leka I Zog, Dashamir Shehi. Sipas tij, shqiptaret duhet te votojne per LZHK per t'i thene nje here e mire mjaft nje politike, te cilen ata nuk e meritojne. Shehi ka nenvizuar se shqiptaret nuk e meritojne kete realitet qe ka prodhuar politika 15 vjecare. "Kemi nevoje per shtet. Ne duhet te largojme korrupsionin ne te cilen e ka zhytur vendin Fatos Nano, si dhe klanet te cilat ne menyre korruptive po shtine ne dore pasurite e shqiptareve. LZHK do t'u ktheje qytetareve pushtetin, te cilin u'a kane marre qeveritaret aktual", ka nenvizuar Shehi. Sipas tij, LZHK do te siguroje rend e qetesi, ne menyre qe vendi te njohe ritme te vrullshme te zhvillimit ekonomik, dhe per te vendosur rend e qetesi eshte e gatshme te zbatoje edhe denimin me vdekje. Shehi ka theksuar se LZHK Leka I Zog deklaron besnikerine ndaj aleances euroatlantike, si dhe do te pershpejtoje reformat per integrimin ne BE. "Ne nuk premtojme parajsen, por shtetin e qytetareve shqiptare", ka nenvizuar Shehi.

Ndersa Kryetari i PLL, Eqerem Spahiu, ka theksuar ne fjalen e tij se, vota per LZHK dhe Mbretin eshte vote per dinjitetin e Shqiperise, vote per lufte kunder korrupsionit, per vende te reja pune, per rend e qetesi, per forcim te shtetit ligjor, si dhe vote per anetaresimin e shpejte te Shqiperis ne familjen europiane. Kandidatet e LZHK kane nje perfaqesim te gjere, duke filluar qe nga ish- te perndjekurit politik, ish- deputete te PD, monarkiste me bindje, republikan, si dhe mjaft figura te njohura nder vite te jetes politike te vendit.

A.META

BERISHA: ASNJE VOTE PER LZHK-NE

Kryetari demokrat paralajmeron elektoratin per zgjedhjet e 3 korrikut. "Ne i ftuam ata te bashkepunojme dhe te bashkeqeverisim, por ata po i sherbejne Nanos. LZHK-ja eshte shnderruar ne paterice te Nanos"

SHKODER - Nen siglen "Koha per Ndryshim" Partia Demokratike dhe forcat e tjera te opozites kane hapur ne pasditen e te premtes fushaten elektorale ne qytetin e Shkodres. Me thirrjet entuziaste te demokrateve shkodrane dhe tingujt e muzikes eshte hapur fushata per PD-ne dhe forcat e tjera te djathta qe mbeshtesin Berishen ne kete tur elektoral. Mijera perkrahes te PD-se ne Shkoder, kane mbushur sallen ne nje tubim qe eshte cilesuar nder me entuziastet e viteve te fundit, i organizuar ne pallatin e sportit "Qazim Dervishi". Lideri demokrat Sali Berisha ka prezantuar kandidatet per deputete ne zonat elektorale te Shkodres. Krahas Berishes ne miting kane qene edhe te tjere drejtues te partive te djathta, Arjan Starova, Genc Pollo, Nard Ndoka, Fatmir Mehdiu e Nikolle Lesi. Oratoret qe kane marre fjalen kane kerkuar mbeshtetjen dhe votat e shkodraneve ne zgjedhjet e 3 korrikut. Mitingun e ka hapur kryetari i deges te PD-se se Shkodres, Astrit Bushati. "Me 3 korrik shkodranet dhe te gjithe shqiptaret do te shohin te realizuar endrren e tyre per demokraci", ka thene Bushati. Me pas mitingun e demokrateve e kane pershendetur edhe drejtuesit e partive te djathta politke. Arjan Starova eshte shprehur se "Kesaj radhe fitorja eshte e padiskutueshme per ne. Une jam shume i sigurte se te gjithe demokratet, te gjithe qytetaret e vertete shkodrane do te votjne per te drejten dhe per demokracine", ka thene Starova. Genc Pollo, kryetari i PDR-se, ka ftuar shkodranet te jene te vemendshem ndaj dy ideve. "Se pari, dua te terheq vemendjen tuaj ne te qenit pjese e listave te votuesve. Kontrolloni listat. Shikoni nese ju dhe familjet tuaja jeni te perfshire ne lista. Se dyti, kerkoj qe ju te shpenzoni nje ore per te ardhmen tuaj. Mund te jete vape, te jeni ne plazh a diku tjeter. Kushtojani nje ore votes dhe se bashku do te realizojme ndryshimin", eshte shprehur Pollo.

Ftesa drejtuar LZHK-se

Kryetari i PD-se, Berisha paralajmeroi dje te gjithe shqiptaret qe te mos votojne per Levizjen per Zhvillim Kombetar. "Asnje vote nuk duhet te shkoje drejt LZHK-se, paterices se Nanos. Ajo eshte vene ne sherbim te kryeministrit, nuk perfaqeson te djathten", deklaroi Berisha. Ai u shpreh se e kishte ftuar levizjen e drejtuar nga Leka Zogu qe t'i bashkohej koalicionit te madh te opozites, por kjo ftese ishte refuzuar. "Ne i kemi ftuar ata te bashkepunojme ne zgjedhje, jemi shprehur te gatshem t'i leme zona te lira dhe te bashkeqeverisim me ta, por LZHK-ja ka vendosur te bashkepunoje me Nanon. Asnje vote per ta me 3 korrik", tha kryetari demokrat. Pas pershendetjee te rastit, ai ka shprehur mirenjohjen e tij per te gjithe qytetaret e Shkodres. "Perulem me respekt para jush te nderuar qytetare te Shkodres. Se bashku e kemi nisur kete rruge dhe se bashku do te vazhdojme duke pasur gjithnje mbeshtetjen tuaj qe per mua eshte shume. Bashke ne firmosem bashkimin, firmosem te ardhmen. Une shpreh mirenjohjen time per mbeshtetjne qe me keni dhene gjithnje. U jam borxhli per mbeshtetjen tuaj te gjithmonshme. Kam vleresuar pune tuaj me shume se punen time. Qendresen tuaj me shume se qendresen time. Sot me shume se kurre duhet te bashkohemi ne emer te se ardhmes pa korrupsion", ka thene Berisha duke dhene vleresimet e veta per Shkodren dhe qytetaret e saj si mbeshtetesit kryesore te demokrateve ne 13 vite demokraci. Berisha eshte shprehur se shpreson se edhe kesaj radhe mbeshtetja eshte e padikutueshme. Ai ka bere te qarta disa nga pikat e programit elektoral te partise te tij. Investimet ne infrastrukture, zhvillimi i turizmit, shfrytezimi i resurseve qe Shkodra ka, i Bunes, Liqenit dhe Velipojes, por edhe ndryshimet ne kulture, shkolla dhe ne shume drejtime do te jene sipas Berishes pakt mbi bazen e te ciles qeveria e ardhshme demokratike do te veproje ne Shkoder. "Do te krijojme vende te reja te punes, ulim taksat dyfishojme rrogat e uleta deri ne ulje te diferences me pagat e larta, inkurajimi i biznesit te vogel permes nxitjes se politikave ekonomike por edhe ane te tjera jane kryesore ne punen tone te ardhshme. Ne do te bejme shume per Shkodren, qytetin tuaj, per te cilin kemi shume respekt e mirenjohje. Infrastruktura, drita, uji, zhvillimi i shkollave dhe te tjera pika do te jene ne themel te punes sone. Investime ne turizem, ne Velipoje, ne Bune dhe ne Liqenin e mrekullueshem qe ka Shkodra" ka thene Berisha. Ai ka vleresuar si te persosur punen e KOP-it duke dhene vleresimet maksimale per kete organizme te krijuar dhe ideruar prej tij. "Eshte stafi me i mire me te cilen kam punaur, eshte ekipi me i mire qe ka pasur ndonjehere politika shqiptare. Duke iu referuar rivalit te tij ne politike Fatos Nanos, Berisha nuk ka kursyer edhe batuta ndaj kryesocialistit Nano. "Njeriu qe katandisi Shqiperine dhe Shkodren si mos me keq. Personi qe nuk ka se cfare te kerkoje tek shkodranet". Me pas, Berisha ka ftuar shkodranet te votojne per kandidatet demokrate, Pjeter Arbnori, Jozefina Topalli, Astrit Bushati, Gilman Bakalli, Arensa Troshani, Nard Ndoka, dhe Ramiz Coba. Ndersa kreu i PDK-se, Nikolle Lesi, ka entuziazmuar pallatin e sportit. "Kam nje lajm te mire nga Tirana per ju. Dalengadale jemi duke rrezuar helikat e mbreterise se Nanos. Une dua te them se kryeministri Berisha i pas 3 korrikut, do te jete kryeminister i te gjithe shqiptareve. Do te desha te them sot, qe ju jo vetem te jepni votat per Berishen dhe partine e tij, por edhe t'i jepni garancite mbeshtetese Berishes dhe te votoni per PDR-ne, PDK-ne, PR-ne dhe partite e tjera aleate", deklaroi Lesi.

Rudina Llazari

http://www.shekulli.com.al/ 28/05/2005

Edhe LZHK miting në sheshin “Skenderbej”. Premtime për pronën, lëvizjen e lirë dhe çështjen çame

Sheshi "Skënderbej", LZHK: Do rikthejmë dënimin me vdekje

Leka: Ne bëjmë një shtet si vazhdimësi e shtetit që ka bërë baba im. Shqiptarët do të lëvizin lirisht

N.Perndoj

TIRANË- “Ne bëjmë shtet”. Ky ka qenë slogani i Lëvizjes për Zhvillim Kombëtar, që shoqëroi për një orë e gjysmë prezantimin e djeshëm të 100 kandidatëve të kësaj lëvizje në sheshin “Skënderbej”. Nën tingujt e muzikës shqiptare, të 100 kandidatët e LZHK-së janë afruar dje në podiumin e sheshit “Skënderbej” në pritje të pretendentit për Fronin Mbretëror, Leka I Zogu, i cili ka mbërritur në shesh vetëm pas 20 minutash nga ora e caktuar . Ai është pritur dhe përshëndetur nga 100 kandidatët dhe më pas iu është drejtuar të gjithë pjesëmarrësve në tubim. Pretendenti për Fronin Mbretëror ka folur pak, për të përmbledhur shkurt synimin kryesor të lëvizjes që ai kryeson. Ai është shprehur se e vetmja forcë që bën shtet është pikërisht LZHK, pasi qytetarët tashmë janë zhgënjyer nga politikanët. “LZHK është ndryshimi. Ne bëjmë një shtet si vazhdimësi e shtetit që ka bërë baba im. Një shtet modern ku çdo shqiptar mund të thotë se jam i tillë dhe se nuk ka nevojë të bëjë ndonjë ikje të dinjitetit”,- tha dje Leka Zogu. Ai premtoi se LZHK në rast fitoreje do të vendosë rendin dhe qetësinë. LZHK, sipas tij, ka një program madhor për mbështetur pronësinë private. “Ne kemi detyrimin shtetëror për t’ju siguruar punë dhe mirëqenie dhe kushte për të lëvizur lirisht me pasaportën shqiptare ngado”,- tha ai. Fjala e pretendentit për Fronin Mbretëror Leka I Zogu është pritur me ovacione nga të pranishmit në tubim duke thirrur: “Fitore”, “Fitore”….. Më pas ka qenë shefi ekzekutiv i LZHK-së, Dashamir Shehi, që ka mbështetur fort fjalën e pretendetit për Fronin Mbretëror. “Ne dimë të bëjmë shtet dhe jemi një forcë që bashkon shqiptarët”, - u shpreh ai. Ai theksoi se Shqipëria ka nevojë për shtetin e shqiptarëve dhe se LZHK do të jetë forca e pronarëve, e biznesmenëve dhe po aq e fshatarëve. “Ne do të krijojmë hapësira për shqiptarët që të lëvizin lirisht me pasaportat e tyre. LZHK është këtu për t’i kthyer pushtetin vetëm qytetarëve të Shqipërisë dhe jo klaneve partiake",- tha ai. Shehi theksoi gjithashtu se në rast fitoreje LZHK do të vendosë edhe dënimin me vdekje. “Ne do të bashkojmë shqiponjën në yjet e Europës. Do të ngremë lart çështjen çame deri në zgjidhjen përfundimtare të saj. Në iu qëndrojmë gjithashtu besnike aleancave euroatlantike”,- tha ai. Më pas ka folur kryetari i PLL-së, Eqerem Spahia i cili bëri thirrje që të votonin për Leka Zogun. Nën tingujt e muzikës së lehtë janë prezantuar më pas edhe disa nga kandidatët e kësaj force. Nuk kanë munguar në fjalën e tyre përshëndetëse dhe mbështetëse njëkohësisht edhe përfaqësues të biznesit dhe shoqatës të ish- të përndjekurve politikë.

http://www.balkanweb.com/gazeta/gazeta.htm

Faqja 6 - POLITIKE

Maj 28, 2005

Mitingu i "LZHK Leka Zogu I" në sheshin Skënderbej, prezantohen 100 kandidatët

"Do bëjmë shtet siç bëri Ahmet Zogu"

Leka Zogu: Pronat dhe rendit janë prioritet

Artemida Çollaku

Ne bëjmë shtet" është motoja që Lëvizja për Zhvillim Kombëtar Leka I Zog, do të përdorë gjatë fushatës së saj elektorale. Pasditen e djeshme në sheshin "Skënderbej" drejtuesi i LZHK, Leka I Zog, ka bërë prezantimin e 100 kandidaturave që do të konkurrojnë nën siglën e LZHK-së. Gjatë mitingut i është bërë thirrje deputetit demokrat Azgan Haklaj që t'i bashkohet kësaj lëvizjeje së bashku me deputetët e tjetër.

LAJMI

Lëvizja për Zhvillimin Kombëtar Leka I Zog, është për të bërë shtet, ashtu si vazhdim i shtetit që bëri 80 vjet më parë mbreti Ahmet Zogu". Kjo ishte mënyra e zgjedhur nga drejtuesi i LZHK-së Leka I Zog, për të kërkuar votat e qytetarëve shqiptarë gjatë çeljes së fushatës elektorale për zgjedhjet parlamentare të 3 korrikut në sheshin "Skënderbej". Motoja e fushatës elektorale të LZHK Leka I Zog do të jetë "Ne bëjmë shtet". Leka ka premtuar administratë të pakorruptuar, duke nënvizuar nivelin aktual të lartë të këtij fenomeni. Ai u shpreh se në programin e kësaj lëvizjeje "rendi dhe qetësia do të jenë një nga prioritetet e qeverisë së drejtuar nga LZHK Leka I Zog". "Zhvillimin do ta bazojmë mbi pronën private. Do të sigurojmë punë e mirëqenie, si dhe kushte për të lëvizur lirisht kudo nëpër botë me pasaportë shqiptare", ka premtuar Leka Zogu. Ai ka ftuar qytetarët e Tiranës dhe të mbarë Shqipërisë që të votojnë për kandidatët e LZHK, pasi kjo Lëvizje, sipas tij, synon ta shpëtojë Shqipërinë nga korrupsioni, monopolet dhe gjendja e mjeruar në të cilën e ka katandisur qeverisja aktuale. Sipas Mbretit, shqiptarët janë të zhgënjyer nga politikanët qeverisës, të cilët vetëm sa pasurohen në kurriz të qytetarëve dhe zhysin vendin në varfëri. "Ju ftoj që të mos u besoni premtimeve të tyre", u shpreh ai.

Ftesa
Kryetari i shoqatës së ish-të Përndjekurve Politikë, Besim Ndërgjonaj, i cili i është bashkuar LZHK Leka I Zog, i ka bërë thirrje në emër të Lëvizjes deputetit Azgan Haklaj, që së bashku me deputetë të tjerë të Partisë Demokratike t'i bashkohen kësaj lëvizjeje. Ndërkohë që ende nuk dihet përgjigjja e Haklajt, i cili pas vendimit për të mos e rikandiduar në Tropojë ka mbetur përfundimisht pa një zonë elektorale. Pritet që Haklaj të japë një përgjigje në ditët në vazhdim, megjithëse një kërkesë e tillë i është bërë edhe herë të tjera. Ndërkohë që drejtuesi ekzekutiv i LZHK Leka I Zog, Dashamir Shehi, deklaroi se shqiptarët me votën e tyre do t'i thonë Mjaft njëherë e mirë politikës, "të cilën nuk e meritojmë". Duke nënvizuar nevojën për ekzistencën e një shteti ligjor dhe të fortë, Shehi deklaroi se një gjë e tillë është e realizueshme vetëm duke zhdukur fenomenin e korrupsionit. "Kemi nevojë për shtet. Ne duhet ta largojmë korrupsionin në të cilin e ka zhytur vendin Fatos Nano, si dhe klanet, të cilat në mënyrë korruptive po marrin në dorë pasuritë e shqiptarëve", tha Shehi. Ai premtoi se LZHK Leka I Zog do t'u kthejë qytetarëve pushtetin, "të cilin ua kanë marrë qeveritarët aktualë". "LZHK-ja do të sigurojë rend e qetësi, në mënyrë që vendi të njohë ritme të vrullshme të zhvillimit ekonomik, dhe për të vendosur rendin e qetësinë është e gatshme të zbatojë edhe dënimin me vdekje", tha Shehi.

Leka Zogu paraqet 100 kandidatët për deputetë
LZHK në sheshin “Skënderbej”: Ne dimë të bëjmë shtet

Lëvizja për Zhvillim Kombëtar shpalli dje në një miting para sheshit “Skënderbej” 100 kandidaturat e saj për zgjedhjet parlamentare të 3 korrikut. Mitingu është hapur nga vetë drejtuesi i LZHK-së, pretendenti i fronit mbretëror, Leka Zogu I me sloganin zgjedhor të lëvizjes së tij “Ne bëjmë shtet”. Në fjalën e tij të mbajtur para pjesëmarrësve në miting Zogu i ftoi të gjithë shqiptarët të votojnë për LZHK-në, pasi, sipas tij, do të jetë kjo forcë që do t’i sigurojë vendit rendin dhe shtetin ligjor. Gjithashtu Leka Zogu theksoi se LZHK-ja është forca politike që mbështet pronën private, që në programin e saj i kushton një rëndësi të veçantë arsimit dhe punësimit, lëvizjes së lirë të qytetarëve shqiptarë nëpër botë me pasaportën e tyre, ndaj dhe ftoi zgjedhësit shqiptarë të votojnë për të në zgjedhjet që po afrojnë. “Jemi bashkë me LZHK-në që të shpëtojmë Shqipërinë nga papunësia, varfëria dhe korrupsioni.
Ju jeni të zhgënjyer nga politikanët që pasurohen në kurriz të popullit”, tha Zogu, ndërsa theksoi se qeverisja e LZHK-së do të ketë një administratë të pastër dhe të pakorruptuar. Ashtu si Partia Demokratike edhe Lëvizja për Zhvillim Kombëtar ha hapur dje zyrtarisht fushatën e saj elektorale për zgjedhjet e korrikut, duke dalë me 100 kandidatura në të 100 zonat zgjedhore.
Duke iu referuar pikërisht kandidatëve të lëvizjes që ai drejton, Leka Zogu, u shpreh se janë zgjedhur më të mirët, të cilët, sipas tij, do t’i japin fitoren në zgjedhjet e përgjithshme. Nga ana tjetër, Zogu theksoi se në programin qeverisës të lëvizjes që ai drejton do të ketë prioritet mirëqenia e gjithë popullit shqiptar dhe e vendit në përgjithësi. Pjesëmarrësit në mitingun e djeshëm dhe kandidatët i përshëndeti dje edhe kryetari i PLL, Ekrem Spahiu, i cili theksoi se zgjedhjet e tre korrikut janë vendimtare për fatin e vendit, ndaj dhe i bëri thirrje që shqiptarët të votojnë për Lëvizjen për Zhvillim Kombëtar. Sipas tij, do të jetë kjo lëvizje që do t’i sjellë ndryshimin e vërtetë situatës në të cilën ndodhet vendi ynë sot. Spahiu është një nga kandidatët e LZHK-së në Kukës.

Premtimet
Në mitingun e djeshëm të LZHK-së ka përshëndetur dhe drejtuesi i saj, Dashamir Shehi, i cili ka falënderuar të pranishmit për pjesëmarrjen dhe u ka premtuar atyre se vetëm LZHK-ja është ajo forcë politike që lufton korrupsionin, kontrabandën dhe vendos shtetin ligjor në Shqipëri. Gjithashtu Shehi ka premtuar punësim, arsimim dhe kthim të pronës tek i zoti.

Autobusët
Në mitingun e çeljes së fushatës elektorale të LZHK-së dje në sheshin “Skënderbej” janë parë mjaft autobusë, të cilët vinin nga rrethe të ndryshme të Shqipërisë, duke sjellë simpatizantët e kësaj lëvizjeje. Autobusë nga Durrësi, Elbasani, Shkodra, Mati, por dhe nga Kosova kanë ardhur me simpatizantë për të mbështetur LZHK-në në hapjen e saj të fushatës elektorale.