28092005

Faqja 5 - POLITIKE

Ministri i Jashtëm: Mund të mbyllen disa ambasada

Mustafaj: Ambasadorët politikë do të hiqen

Mesazh qetësues diplomatëve të karrierës

Ministri i Punëve të Jashtme Besnik Mustafaj në një intervistë dhënë për NEWS 24 ka deklaruar se ambasadorët politikë, të emëruar në këto poste dhe pa patur ndonjë karrierë do të largohen nga detyra. Ndërsa diplomatët e karrierës, atashetë, sekretarët e ambasadave dhe të tjerët do të vazhdojnë të qëndrojnë në shërbimin e jashtëm. Ndërkohë Mustafaj flet edhe për qëndrimin e Shqipërisë në lidhje me votimin në OKB për reformimin e Këshillit të Sigurimit. Sipas tij Shqipëria nuk do të detyrohet të zgjedhë mes qëndrimit të Italisë dhe Gjermanisë por do të zgjedhë një rrugë kompromisi në të ardhmen.

Reforma
Ndërsa ka folur për legjislacionin në shërbimin diplomatic Mustafaj tha për NEWS 24 se "mund të them se ligji do të zbatohet plotësisht në këtë pikë (ligjet), nuk ka asnjë dyshim. Të gjitjhë diplomatët e karrierës janë të garantuar se do të mbeten brenda shërbimit në përputhej me ligjin në fuqi". Sipas Mustafait ligji parashikon që 20 përqind e korupusit të ambasadorëve janë politikë. Ai ka marrë shkas nga largimi i tij nga postin i ambasadorit në vitin 1997 "isha ambasador politik edhe pse kisha ndjekur një karrierë", tha vetë Mustafaj. "Të gjithë ata që kanë ardhur nga poste politike dhe me të kaluar politike ata mendoj se janë në fund të mandatit të tyre", është shprehur qartë ministry i Jashtëm. Sipas tij në këtë pikë gjithçka është brenda ligjit. Ai ka shtuar edhe në momentin kur PD të mos jetë më në pushtet atëherë edhe ambasadorët politikë që emërohen do të largohen nga detyra për t'i lëshuar vendin të tjerëve. "Pjesa tjetër e ambasadave ata që janë atashe, sekretarë, këshilltarë ata do të vazhdojnë të shërbejnë në shërbimin e jashtëm në përputhje me gradat e tyre", tha Mustafaj.

Ambasadat
Ministri i Jashtëm është shprehur se në programin e qeverisë është edhe fuqizimi i misioneve Shqiptare në disa nga vendet kryesore. "Në ato vende që janë politikëbërëse", thotë Mustafaj. Ambasadat në këto vende do të fuqizohen akoma edhe më shumë, duke bërë edhe rritjen e buxhetit të shtetit për shërbimin e diplomacisë. Mustafaj tha se aktualisht buxheti i shtetit për diplomacinë jep 3 herë më pak në përqindje se sa jep Moldavia për diplomacinë apo 2.5 herë më pak se sa jep Maqedonia. Sipas tij qeveria do të gjejë mundësinë për të rritur sado pak buxhetin për shërbimin diplomatik. "Ne do të përpiqemi ta shtojmë (buxhetin) në mënyrë që reforma të jetë një reformë e vërtetë strukturore dhe jo ndërime njerëzisht", thotë ai. Mustafaj paralajmëron edhe mbyllje të ndonjë misioni duke thënë se do të rishikohet shtrirja e misioneve në Europë edhe më gjërë duke mbyllur ndonjë mission jotentabël për të hapur të reja. Sipas ministrit të Jashtëm vendi do ketë një përfaqësim për dialog në të gjitha zonat e botës. Diplomaci me dimesione ekonomike. Kjo është reforma më kryesore që do të bëhet në diplomacinë shqiptare. Mustafaj shpjegon atë që tashmë është thënë edhe në programin e qeverisë së re të mazhorancës së djathtë. Diplomacia ekonomike do t'i përgjigjet nevojave të reja të vendit për zhvillim ekonomik.

Votimi në OKB
Qeveria shqiptare do të mbajë një qëndrim konsensusi në lidhje me votimin në OKB për Këshillin e Sigurimit. Ky qëndrim është prezantuar nga ministri i Jashtëm edhe në OKB ashtu si edhe nga Presidenti i Republikës i cili ka mbajtur edhe një fjalim në OKB gjatë vizitës së para pak ditëve atje. Ndërkohë dje ministri i Jashtëm Mustafaj është shprehur se Shqipëria nuk do të detyrohet që të zgjedhë mes Italisë dhe Gjermanisë por do të gjejë një rrugë konsensusi. Të dyja vendet europiane kanë paraqitur nga një variant për mënyrën e reformimit të Këshillit të Sigurimit.

Faqe 2 - Politikë

deklarimi i pasurise

ministrat

Shtatë nga anëtarët e kabinetit kanë dorëzuar deklarimet e pasurisë

Qeveria “Berisha” me ministrat më të varfër

Eva Gjura

Vetëm 7 ministra nga 14 kanë deklaruar pasuritë e tyre pranë Inspektoratit të Lartë të Deklarimit dhe Kontrollit të Pasurive.

Në bazë të deklarimit të pasurisë së tyre konstatohet se, ministrat e kabinetit të ri qeverisës janë më të varfrit dhe një pjesë e mirë e tyre nuk kanë as shtëpi, por figurojnë të regjistruar pranë Entit Kombëtar të Banesave si të pastrehë.

Gjana në borxhe
E ka shumë të vështirë Jemin Gjana jetesën e tij për momentin kur duhet t’i paguajë ish-deputetit demokrat Muslym Murrizi shumën e borxhit të marrë për të shlyer një shtesë në bodrumin e pallatit. Deri në fund të vitit të kaluar kishte shlyer vetëm dymijë dollarë nga 10 mijë që ka marrë borxh. Në fakt, vetë inspektorët kanë qeshur me ministrin e Bujqësisë, i cili në vend të shkruajë fjalën “borxh” ka shkruar atë “borgj” në deklaratën e pasurisë. “Pallati ku gjendet bodrumi, justifikon Gjana, ka filluar që në vitin 2002, por objekti është ende me kontratë sipërmarrëse. Sepse pallati i ndërtuar ka probleme me pronësinë e tokës me shtesa të paligjshme etj, dhe për pasojë akoma nuk po hipotekohet”. E megjithatë Gjana thotë se për këtë bodrum, nga vlera 25 mijë dollarë ka paguar vetëm 20 mijë të tillë.

Pollo, fatlum
Ministri i Arsimit, Genc Pollo ka raportuar se ka një pronë në komunën Dajt rreth 200 metra katrorë, por e ka blerë atë vetëm për 830 USD. Pollo ka treguar rrogën e tij dhe të së shoqes, e cila punon në UNHCR, por edhe dy llogaritë e vajzave të tij të vogla, të cilat hapen vetëm kur ato mbushin moshën 18-vjeçare.

Xhuveli, i pasur
Më i pasuri i gjithë kabinetit qeveritar është ish-ministri socialist Lufter Xhuveli. Ka raportuar se ka kursyer gjithsej 81 milionë lekë të vjetra në bankën Credins dhe kjo nuk është një shumë e vogël. Dhe siç e kanë akuzuar, në qeverinë “Berisha” Xhuveli rezulton të jetë më i pasuri.

Mediu, pa shtëpi
E ç’të thuash për Mediun. Eshtë pa shtëpi, ose të paktën në deklaratë i ka vënë vizë gjithë atij kapitulli që ka të bëjë me pasuritë e paluajtshme. As ai, as bashkëshortja nuk e kanë një hyrje, pavarësisht se ka raportuar se ka marrë një kredi prej 5 milionë lekësh nga shteti, të cilën nuk e ka shlyer shumë mirë deri tani. Ka derdhur në bankë vetëm 300 mijë lekë.

Olldashi, fukara
Në fakt, ajo që mbetet më e habitshmja është se ministri i Brendshëm, njeriu më i fuqishëm sot në qeveri, nuk ka as shtëpi, as llogari në bankë, as prona të paluajtshme. Asgjë. Jeton vetëm me rrogën e tij dhe të bashkëshortes. Nuk i ka shkuar në mendje të mbledhë para për të ardhmen e tij. Nuk e ka sqaruar se në ç’vend jeton. Edhe rrogën si ish-gazetar, më shumë e ka lënë rrugëve.

Bode, i pastrehë
Dhe ish-ministri i dikurshëm i Financave, aktualisht sërish ministër Financash, nuk ka marrë një kredi në bankë që të menaxhojë jetën familjare të tij. Në deklarimin e pasurisë, Bode rezulton me statusin e të pastrehut. Dhe për këtë arsye, është trajtuar nga Enti Kombëtar i Banesave, ku në fakt ka marrë si kredi të butë nga ky ent vetëm 1.2 milionë lekë të vjetra. Të paktën, kaq ka raportuar për Inspektoratin dhe popullin.

pasurite e ministrave

Ridvan Bode (Ministër i Financave)
Kursime nga të ardhurat vjetore 400.000 lekë
Kredi sipas statusit të të pastrehëve
126.000 lekë
Të ardhurat vjetore 1323.096 lekë
Të bashkëshortes 791.921 lekë

Jemin Gjana (Ministër i Bujqësisë)
Llogari Bankare te Banka Credins 5000 dollarë
Bodrum 51 m2 vlera e blerjes 25000 $
Kredi bankare 5 milionë lekë
Borxh Myslym Murrizit 10 mijë USD

Genc Pollo (Ministër i Arsimit)
Një truall në komunën e Dajtit prej 200 m2 në vlerën 830 USD
Depozita për të bijën Ema te Banka Amerikane 149.000 lekë
Depozita për të bijën Stefani te Banka Amerikane 30.000 lekë
Shpërblim mujor në PDR 720.000 lekë
Pagesa mujore e deputetit pas përfundimit të mandatit 469.000 lekë
Pagesa mujore e bashkëshortes 184.68 USD nga UNHCR

Fatmir Mediu (Ministër i Mbrojtjes)
5 milionë lekë kredi për shtëpi te Banka e Kursimeve
Të ardhura vjetore 1349,108 lekë
Të ardhurat vjetore të bashkëshortes 584.852 lekë

Lufter Xhuveli (Ministër i Ambjentit)
Depozitë bankare familjare 8.1 milionë lekë
Gjendja lekë në cash 0.6 milion lekë
Paga e tij vjetore 1.509.983 milionë lekë
Bashkëshortja 0.12 milion lekë
E bija 0.535 milion lekë
Interesat nga depozitat 0.5 milion lekë

Maksim Cikuli (Ministër i Shëndetësisë)
Paga vjetore fakulteti i Mjekësisë 800.000 lekë
Shpërblimi vjetor nga QSUT 500.000 lekë
Paga kalimtare e ish-deputetit 1.200.000 lekë
Depozite në Bankën Amerikane 100 mijë lekë
Depozitë në Alfa Kredit Bank 15 mijë USD
Depozitë në Raiffaizen Bank 15 mijë USD
Depozitë në Bankën Amerikane 200 USD
Depozitë Banka Credins 40 mijë lekë

Sokol Olldashi (Ministër i Brendshëm)
Paga vjetore 1.319.975 lekë
Paga vjetore e bashkëshortes 686.131 lekë

Ministri i Jashtëm deklaron se nuk ka konflikt interesi
Mustafaj: I kam shitur aksionet e shtëpisë botuese

Ministri i Jashtëm, Besnik Mustafaj, nuk e ka deklaruar ende pasurinë e tij pranë Inspektoratit të Lartë të Deklarimit dhe Kontrollit të Pasurive. Por gjatë një prononcimi për shtyp ministri i Jashtëm ka deklaruar se nuk ka konflikt interesash. Ndërsa për shtëpinë botuese “ORA”, e cila njihet si pronë e tij Mustafaj ka theksuar që aksionet që zotëronte në të i ka shitur që në muajin gusht, duke u parapritë të gjitha zhvillimeve që mund të vinin më pas. Gjithashtu Mustafaj ka pranuar se zotëron një shtëpi, e cila është në ndërtim e sipër në Priskë të Madhe në Dajt, truallin e së cilës ka disa vite që e ka blerë.
Për ministrin e jashtëm shqiptar Mustafaj çdo gjë është bërë me vullnetin e tij të lirë. Ndër të tjera ai deklaroi se gjithçka që mund të jetë përfolur për pasurinë e tij është marrë nga deklarimet taksore që ai ka bërë pranë organeve të tatimeve për të gjitha muajt e mëparshëm kur ai ka qenë aksioner në këtë shtëpi botimi. Vetë Mustafaj deklaroi për televizionin Klan se ai i ka dorëzuar në rregull të gjitha taksat dhe nuk mund t’i tërheqë mbrapsh tani. Mustafaj tha se shitja e aksioneve që ai ka pasur në shtëpinë botuese Ora është bërë në gusht të këtij viti, kur ishte marrë vesh fitorja e Partisë Demokratike, kohë në të cilën edhe vetë Berisha kishte deklaruar se qeveria e tij nuk do të kishte asnjë ministër në konflikt interesi.

http://www.shekulli.com.al/ 27-09-2005

Mustafaj: Kam shitur aksionet që kisha te shtëpia butuese “Ora”

N.Perndoj

TIRANË - Ministri i Punëve të Jashtme, Besnik Mustafaj, është drejtuesi i dytë në krye të një dikasteri që ka shitur aksionet e tij, në funksion të asaj që Berisha e ka paralajmëruar prej kohësh se qeveria e re nuk do të ketë asnjë konflikt interesi. Në një intervistë televizive, Mustafaj ka sqaruar se nuk ka asnjë konflikt interesi me detyrën që ai ushtron, pasi një muaj më parë ai ka shitur aksionet që kishte te shtëpia botuese ”Ora”. ”Unë nuk jam në konflikt interesi, sepse, së pari, shtëpia botuese “Ora” është e deklaruar në deklarimin tim të pasurive që në vitin 2003-2004 dhe në vitin 2005. Së dyti, unë në përputhje me angazhimet që kishim marrë ne si grup parlamentar që në gusht, kam bërë veprimet noteriale dhe kam hequr pjesën e aksioneve që unë kisha në këtë shtëpi botuese. Spekulimi qëndron në faktin se, duke qenë një person fizik, unë kam paguar të gjitha taksat në fillim të vitit dhe unë nuk kam shkuar që të marr gjysmën e taksave që i kisha paguar tashmë. Unë kam pasur shpjegimet e nevojshme me Komisionin e Verifikimit të Pasurive. Nuk ka asnjë keqkuptim”, - tha dje Mustafaj. Në këtë mënyrë, ministri i Punëve të Jashtme, Bensik Mustafaj, ka sqaruar njëherë e mirë përfoljen e tij në disa media të shkruara si një prej ministrave që ka konflikt interesi. Ankesa ndaj tij ka mbërritur nga përfaqësues të opozitës në dyert e Komisionit të Verifikimit dhe Deklarimit të Pasurive. Kryetarja e këtij komisioni, Fatmira Laskaj, u shpreh pak ditë më parë se inspektorët do të verifikonin çdo dyshim apo ankesë që kishte ardhur në adresë të disa ministrave. Këta të fundit kanë afat deri ne datën 10 tetor që të dorëzojnë formularin e deklarimit të pasurisë.

http://www.balkanweb.com/gazeta/gazeta.htm

Faqja 21 - BOTE

Shtator 27, 2005

Pas Tiranës zyrtare reagojnë edhe shqiptarët e Maqedonisë

Ali Ahmeti mbështet pavarësinë e Kosovës

SHKUP

Ali Ahmeti mbështet pavarësinë e Kosovës si një zgjidhje për statusin përfundimtar të saj. Pas deklaratës së Tiranës zyrtare pro pavarësisë, edhe shqiptarët e Maqedonisë nuk ngurruan të qartësojnë qëndrimin e tyre për çështjen më problematike të rajonit. Vetë lideri i partisë së shqiptarëve të Maqedonisë, Bashkimi Demokratik për Integrim, pohoi dje në Prishtinë se është pro pavarësimit të Kosovës, si mënyra e vetme për të zgjidhur çështjen dhe për të mos destabilizuar rajonin, njoftoi Radiotelevizioni i Kosovës. Ahmeti e bëri këtë deklaratë të papritur gjatë një takimi me kryetarin e Lidhjes Popullore të Kosovës, Emrush Xhemajli. Lideri i LPK-së, Xhemajli tha se në këtë takim është biseduar për situatën aktuale politike në kohën kur po flitet për bisedimet për statusin e Kosovës. Ndërsa, Ahmeti pasi ka ritheksuar qëndrimin e partisë së tij në mbështetje të pavarësisë së Kosovës, ka thënë se edhe partitë opozitare maqedonase dhe ato shqiptare janë të bindura se pavarësia e Kosovës prodhon stabilitet, siguri dhe paqe për Maqedoninë dhe për rajonin. Ahmeti e Xhemalji, bashkëpunëtorë të ngushtë që prej dhjetë vitesh, kanë qenë pjesë e të njëjtës organizatë, që ka ndikuar në zhvillimet e fundit në rajon dhe ndryshimin e pozitës së shqiptarëve. Deklarata e liderit të BDI-së vjen në një moment delikat për Kosovën dhe konsiderohet shumë e rëndësishme pasi rikthekson qëndrimin e shqiptarëve të rajonit lidhur me statusin përfundimtar të provincës. Javën e kaluar, Ministri i Jashtëm shqiptar, Besnik Mustafaj, deklaroi në asamblenë e përgjithshme të OKB-së në Nju Jork se Shqipëria kërkon pavarësi të kushtëzuar për Kosovën. Deklarata, e bërë pak kohë para nisjes së bisedimeve për statusin e Kosovës, shkaktoi shumë reagime në Beograd, ku zyrtarët theksuan se pavarësisht qëndrimit të tyre, janë për një zgjidhje kompromisi. Dje, edhe përfaqësuesi i lartë i Bashkimit Evropian për politikë të jashtme dhe siguri, Javier Solana u shpreh se në bazë të raportit të ambasadorit Kai Eide pritet deri në fund të këtij viti nisja e negociatave për statusin e Kosovës. Solana theksoi se Kosova do të kthejë tërë rajonin e Ballkanit në qendër të fokusit ndërkombëtar.

27/09/2005 http://www.ata-al.net/index.aspx?lang=f

LE MINSITRE ALBANAIS DES AFFAIRES ETRANGERES A RECU LES REPRESENTANTS DU CORPS DIPLOMATIQUE ACCREDITE EN ALBANIE

     TIRANA, 27 septembre /ATA/ Le ministre albanais des Affaires etrangères, Besnik Mustafaj, a eu des rencontres aujourd'hui avec les représentants du corps diplomatique, accrédité à Tirana, a annoncé le servic de presse de ce ministère.
     Il a mis en évidence à l'ambassadeur d'Irlande en Albanie, Mme.Margaret Hennessy la promesse du gouvernement albanais de faire de l'Albanie un pays attrayant pour les investissements étrangers et a invité les investisseurs irlandais en Albanie.
     Durant sa rencontre avec l'ambassadeur de Danemark, M.Fin Theilgaard, le chef de la diplomatie albanaise a affirmé que "le nouveau gouvernement albanais continuerait son orientation euro-atlantique à l'instar des gouvernements précédents et intensifera encore plus la coopération et les contacts dans ce sens".
     Recevant l'ambasadeur de Zambie en Albanie (résident à Moscou) Peter Lusaka Chintala, le ministre albanais des Affaires étrangères a opté pour l'intensification des rapports entre les deux pays. /mm/klod/LP/

27/09/2005 LE MINISTRE DES AFFAIRES ETRANGERES, MUSTAFAJ, DEMANDE L'AIDE DES INTERNATIONAUX POUR LA REALISATION DES STANDARDS D'INTEGRATION

     TIRANE, 27 septembre /ATA/.- Le ministre des Affaires Etrangères , Besnik Mustafaj, lors d'un entretien qu'il a eu aujourd'hui (mardi) avec l'ambassadrice de France accréditée à Tirana, Mme. Françoise Bourolleau, a demandé l'aide de la Communauté Internationale pour la réalisation des standards d'intégration.
      Selon le bureau de presse auprès de ce ministère, lors de l'entretien le ministre Mustafaj a expliqué que "l'Albanie ne pourra pas marquer une croissance économique et ne pourra pas réaliser le processus de l'intégration aux structures euro atlantiques avec le haut niveau de la corruption".
     Quant aux questions régionales, M. Mustafaj a déclaré que la formule proposée par la partie albanaise et les organismes internationaux est l'indépendance conditionnée de la Kosove . /m.m/klod/LS/

26/09/2005 LA PRESIDENTE DU PARLEMENT, MMe. TOPALLI, RENCONTRE DES DEPUTES KOSOVARS

     TIRANE, 26 septembre /ATA/.- La présidente du Parlement, Mme. Jozefina Topalli, a rencontré aujourd'hui un groupe de députés du Parlement de Kosove, a fait état le bureau de presse auprès du Parlement.
      Les députés kosovars, après avoir félicité Mme. Topalli de son élection dans les nouvelles fonctions, ont exprimé la conviction "qu'elle soutiendra puissamment le processus de la signature du document final de l'indépendance de la Kosove".
      Mme. Topalli a rassuré les députés du Parlement de la Kosove que la questionde la Kosove et de son indépendance constitue une priorité du parlement albanais . /nila/klod/LS/