LZHK NE FUSHATE: JEMI PRO DENIMIT ME VDEKJE

Levizja Per Zhvillim Kombetar e pretendentit per fronin mbreteror Leka I ka zhvilluar nje sere takimesh me elektoratin ne qytetet e Kavajes, Lushnjes dhe Beratit. Ne qender te ketyre takimeve, ku kane qene te pranishem vete Leka dhe drejtues te partive qe i jane bashkuar kesaj levizjeje, ka qene platforma e LZHK-se si dhe shpallja e kandidateve per deputete ne keto zona. Ne qytetin e Kavajes gjate takimit me simpatizante, kreu i LZHK-se, Leka I, shpalli dy kandidaturat per kete qytet, Aqif Haveriku dhe Bahri Kollcaku. Kandidati per deputet Haveriku do te perballet ne garen elektorale te 3 korrikut me kreun e PD-se, Sali Berisha, si dhe me tenorin Agim Hushi, i cili kandidon per PS-ne.

Nderkohe gjate takimit ne Berat, drejtuesi i fushates elektorale te LZHK-se, Dashamir Shehi, prezantoi kandidaturat Aferdita Numani, Ndricim Lakrori, Ilirian Peco, Halit Bushi.

Ne fjalen e rastit, prentendenti per fronin mbreteror Leka I theksoi se inicimi i Levizjes per Zhvillim Kombetar ka si qellim qe t'u ktheje dinjitetin shqiptareve, duke vendosur zbatimin e ligjit, ekonomine e tregut mbi bazen e prones private dhe te iniciatives se lire.

"LZHK eshte ne koalicion me te gjithe ata qe duan Shqiperine. Ne mendojme se nuk mund te vazhdoje te qeveriset me mentalitet komunist. LZHK do te vendose nje qeveri te drejte, nje qeveri te forte. Nje qeveri shqiptare per te gjithe shqiptaret.

LZHK do t'u jape mbeshtetje per te zhvilluar ekonomine qe nga fshati qe po shkaterrohet dhe deri te rinia qe po merr rruget e kurbetit", tha Leka I. Ai e ka cil`suar si detyrim shteteror sigurimin e vendeve te punes, rritjen e mireqenies duke premtuar se te gjitha keto do te realizohen nese LZHK-ja vjen ne pushtet. Nderkohe ne fjalen e tij, Dashamir Shehi theksoi vecanerisht domosdoshmerine e forcimit te ligjit dhe denimit te krimit duke mbeshtetur edhe nje here propozimin e LZHK-se per rikthimin e ligjit te denimit me vdekje per nje afat pesevjecar te zbatueshem ne raste te vecanta. Gjithashtu ai u ka shpjeguar te pranishmeve dhe platformen elektorale ku perfshihet dhe ndermarrja e nje reforme ne sistemin e taksave. "TVSh-ja, tha Shehi, do ulet ne masen 16% dhe LZHK merr persiper qe do te ndertoje nje qeverisje ku te gjithe te paguajne njesoj taksat per te forcuar me tej shtetin".

Markel Bejdo

Faqja 6 - POLITIKE

Prill 30, 2005

Fushata elektorale në Berat e Lushnje. Princi Leka: Mos votoni PD e PS

Një biznesmen kundër Berishës

LZHK shpall rivalin e kreut të PD në Kavajë

ar. ço LZHK ka zgjedhur një biznesmen për tu përballur me Berishën në zonën e tij elektorale në Kavajë. Aqif Havriku, pronari i fabrikës së gozhdë-bullonave në Kavajë do të sfidojë Berishën. Ai ka qenë edhe kandidat për kryetar bashkie në zgjedhjet e fundit në këtë qytet por nuk mundi të fitojë. Prezantimi i tij është bërë në qytetin e Kavajës nga pretendenti për fronin mbretëror Leka Zogu, i shoqëruar nga djali i tij, Princi Leka I, drejtuesi i LZHK Dashamir Shehi. LZHK ka nisur zhvillimin e takimeve për prezantimin e kandidatëve. LAJMI Kryetari i Lëvizjes për Zhvillim Kombëtar, Leka Zogu, ka prezantuar kandidaturën e kësaj force që do të konkurrojë përballë kreut të Partisë Demokratike, Sali Berisha, në zonën 48 në Kavajë, Aqif Haveriku. I pranishëm në këtë aktivitet princi Leka është shprehur se çdo votë kundër Nanos dhe Berishës është votë për atdheun. Kreu i LZHK-së, Leka Zogu, nënvizoi se qëllimi i Lëvizjes për Zhvillim Kombëtar është kthimi i dinjitetit të shqiptarëve, duke vendosur zbatimin e ligjit, ekonominë e tregut, mbi bazën e pronës private dhe të iniciativës së lirë. Pretendenti për fronin mbretëror Leka Zogu është shprehur gjatë fjalës së tij se forca që ai drejton është në koalicion me të gjithë ata që e duan Shqipërinë. "Ne mendojmë se nuk mund të vazhdojë të qeveriset me mentalitet komunist", u shpreh Zogu. Ai u ka premtuar qytetarëve të Kavajës se ardhja e LZHK-së në pushtet do të bëjë të mundur vendosjen e një qeverie të drejtë, "një qeveri shqiptare për të gjithë shqiptarët". "LZHK do t'u japë mbështetje për të zhvilluar ekonominë, që nga fshati që po shkatërrohet dhe deri te rinia që po merr rrugët e kurbetit. Është detyrim shtetëror për t'u siguruar të gjithë shqiptarëve punë dhe mirëqenie këtu në atdhe", tha kreu i LZHK-së në Kavajë. Në këtë takim pretendenti për fronin mbretëror, Leka I, ka qenë i shoqëruar edhe nga princi Leka, Dashamir Shehi, shefi ekzekutiv i LZHK-së. Programi Ndërkohë, drejtuesi i fushatës elektorale për LZHK-në, Dashamir Shehi, ka shpjeguar pikat kryesore të platformës së kësaj lëvizjeje lidhur me reformat në sistemin e taksave. "TVSh-ja do ulet në masën 16% dhe LZHK merr përsipër që do të ndërtojë një qeverisje ku të gjithë të paguajnë njësoj taksat, për të forcuar më tej shtetin", tha Shehi. Një nga pikat që është nënvizuar si më e rëndësishmja e këtij programi ishte ajo e forcimit të ligjit dhe dënimit të krimit, duke mbështetur edhe një herë propozimin e LZHK-së për rikthimin e ligjit të dënimit me vdekje, për një afat pesëvjeçar të zbatueshëm në raste të veçanta. LZHK-ja ka prezantuar edhe kandidaturat e qytetit të Beratit: Afërdita Numani, Ndriçim Lakrori, Ilirian Peço, Halit Bushi.