30092005

LZHK: Ceshtja e liberalizimit te universiteteve u shnderrua ne nje farse politike elektorale

Lajmi i ores 4:25 PM

arkiv

TIRANE (1 Tetor )- Partia Levizja e Zhvillimit Kombetar terheq vemendjen per situaten e krijuar pas perfundimit te procesit te pranimit te studenteve ne shkollat e larta. Sipas LZHK-se, kjo ceshtje u shnderrua ne nje farse politike elektorale dhe insitucionale nderkohe qe per opinionin shkaktoi nje shqetesim te madh.

Sipas kesaj partie " ky eshte nje turp i madh politik. Ne mendojme se si qeveria e vjeter ashtu dhe ajo e re nuk po tregojne vullnet politik te mjaftueshem per te realizuar liberalizimin e universiteteve"Kjo parti kerkon qe ky problem sa social, aq edhe psikologjik te marre nje zgjidhje perfundimtare.

"Ka ardhur koha qe studentet pa kufizim te hyjne ne bankat e shkollave. Ka ardhur koha te pranohet parimi nderkombetar: ne shkolle hyhet me lehtesi, por dilet me veshtiresi" u shpreh zedhenesi i kesaj partie gjate nje konference per shtyp.em/em (NEWS24/BalkanWeb)

Mustafaj pershendet grupin negociues kosovar

E Premte, 30 Shtator 2005

Ministri i Puneve te Jashtme, Besnik Mustafaj, pershendeti dje, Parlamentin e Kosoves per miratimin e perberjes se grupit, me te cilin ky vend do te perfaqesohet ne negociatat per statusin final te tij. Kryediplomati shqiptar vleresoi rolin e Presidentit Ibrahim Rugova si propozues te ketij grupi, duke theksuar se ai eshte plotesisht ne krye te detyres se tij kushtetuese. Sipas ministrit Mustafaj, me miratimin e nje grupi te tille, permes debatesh te nxehta e konstruktive, Parlamenti i Kosoves deshmoi pjekuri te larte shtet-formues dhe pergjegjshmeri te plote politike. "Gjykoj se kjo eshte rruga me e mire qe klasa politike e Kosoves te marre e bashkuar pergjegjesine e pazakonshme qe i takon perpara popullit per te ardhmen e vendit te vet. Ne emer te qeverise shqiptare, e pergezoj Presidentin Rugova, anetaret e ketij grupi dhe forcat politike, dhe shpreh bindjen se te bashkuar, keto personalitete do te shkojne ne negociata, plotesisht te gatshem per te bashkepunuar ngushte me komunitetin nderkombetar", ka vijuar me tej ai.

Nderkaq, Mustafaj u beri thirrje edhe perfaqesuesve te komunitetit serb, qe ta vleresojne drejt fazen serioze ne te cilen po hyn historia e Kosoves. Sipas tij, rruga me e sigurte per te garantuar te drejtat e tyre, eshte pjesemarrja ne keto negociata.

R. K

Mustafaj: Pavarësi e kushtëzuar për Kosovën

A.Rama

TIRANË - Ministri i Punëve të Jashtme, Besnik Mustafaj, ka ripërsëritur qëndrimin e mëparshëm të mbajtur në Asamblenë e OKB-së, se Kosova duhet të përfitojë pas negociatave pavarësinë e kushtëzuar. Mustafaj është shprehur dje për mediat se ai do ta mbështeste deri në fund një variant të tillë, pasi Kosovës në këtë periudhë i nevojitej një periudhë pjekurie. Shefi i diplomacisë vlerësoi se tashmë që ka filluar një debat ndërkombëtar për këtë çështe, ku edhe po diskutohen versionet e mundshme, Shqipëria duhet të përfshihet në këtë debat. “E rëndësishme është që komunteti ndërkombëtar të mbështesë një variant që prodhon stabilitet afatgjatë për vendin, paqe jo vetëm në Kosovë, por edhe në rajon. Në analizën tonë na konkludon se varianti më i mirë që mund të prodhojë stabilitet dhe paqe në Kosovë dhe më gjerë është pavarësia e kushtëzuar, që presupozon pavarësi të padiskutueshme, presupozon një kohë pjekurie për këtë pavarësi dhe monitorimin e ngushtë të komunitetit ndërkombëtar për të garantuar të drejtat e pakicës serbe dhe të pakicave të tjera, në bazë të standardeve ndërkombëtare, për të garantuar ndërtimin e një shteti të shëndetshëm ligjor. Unë do ta mbështes deri në fund një version të tillë”, - tha ministri Mustafaj. Ndërkaq ai u shpreh se kohëzgjatja e bisedimeve për të arritur te varianti përfundimtar i statusit të Kosovës, është një çështje që u takon negociatorëve dhe nuk jepen formula të gatshme. Sipas tij, e rëndësishme ishte që Kosova dhe komuniteti ndërkombëtar të ecnin me parimin se pavarësia meritohet. “Në negociata shkohet me shumë opsione, rëndësi ka që Kosova, që përfaqësuesit e institucioneve të Kosovës, të shkojnë të përgatitur, të shkojnë me kthjelltësinë e nevojshme lidhur me mënyrën sesi do të zhvillohen këto negociata dhe të shkojnë për të bashkëpunuar ngushtë me komunitetin ndërkombëtar dhe për të dialoguar pareshtur për shumë çështje drejtpërdrejt me Beogradin”, - vijoi shefi i diplomacisë. Ai vlerësoi grupin negociator të miratuar dy ditë më parë nga Parlamenti i Kosovës, duke theksuar se ishte një grup historik i kryesuar nga presidenti Ibrahim Rugova dhe që paraqiste konceptin gjithpërfshirës, me të cilin përfaqësuesit shqiptarë do të prezantohen në këto negociata. Sipas tij, miratimi i këtij grupi dëshmoi pjekuri dhe përgjegjshmëri shtetformuese. Mustafaj është shprehur ndër të tjera se qeveria shqiptare dhe politika e jashtme kanë të gjithë vullnetin për rritjen e volumit të shkëmbimeve mes Tiranës zyrtare dhe Beogradit.

E Premte, 30 Shtator 2005

MUSTAFAJ: STATUSI I KOSOVES, DREJT FINALIZIMIT

Ministri i Jashtem Besnik Mustafaj pershendeti dje formimin e grupit te perfaqesimit ne negociatat e aferme per statusin final te Kosoves. Sipas Ministrit te Jashtem perberja e grupit negociator pasqyron konceptin gjithe perfshires me te cilin faktoret shqiptare do te paraqiten ne keto negociata, duke theksuar se kjo eshte rruga me e mire e klasa politike e Kosoves te marre e bashkuar pergjegjesine e pazakonshme qe i takon perpara popullit per te ardhmen e vendit. "Ne emer te qeverise shqiptare e pergezoj Presidentin Rugova, te gjithe anetaret e ketij grupi dhe forcat politike qe ata drejtojne, dhe shpreh bindjen e thelle se ashtu te bashkuar, keto personalitete te larta politike do te shkojne ne negociata plotesisht te gatshem per te bashkepunuar ngushte me komunitetin nderkombetar dhe per te dialoguar me vullnet te mire me palen serbe per te gjitha ceshtjet e trasheguara nga historia", u shpreh Mustafaj per mediat. Gjithashtu, ai shtoi se me miratimin e nje grupi te tille permes debatesh te nxehta e konstruktive, Parlamenti i Kosoves deshmoi pjekuri te larte shtetformues dhe pergjegjshmeri te plote politike. "Une besoj tashme se po keshtu, me pjekuri e pergjegjshmeri te larte, ky Parlament do ta shoqeroje deri ne fund procesin e negociatave, duke u bere mbeshtetje e forte e punes se negociatoreve, qofshin ata te pales shqiptare, qofshin perfaqesues te komunitetit nderkombetar", tha Mustafaj. Nderkohe ai u beri thirrje perfaqesuesve te komunitetit serb te vleresojne drejt fazen serioze ne te cilen po hyn historia e Kosoves, qe eshte edhe vendi i tyre i pamohushem sic eshte dhe vendi i pamohueshem i pakicave te tjera kombetare e kulturore qe kane ndertuar atje jeten e tyre krahas shumices shqiptare.

M.Bejdo

Faqja 22 - KULTURE

Shtator 30, 2005

Pavijoni i etnografisë në MHK-së hapet pas 15 vjetësh

Objekte të rralla etnografike! Mund ti shohim te Muzeu

Koburja, jeleku dhe llulla e Isa Boletinit

Oliverta Lila

Rreth 2300 objekte janë ekspozuar në pavijonin etnografik, që u hap mbrëmë në Muzeun Historik Kombëtar. Veshjet popullore, shpatat, bizhuteritë, ikonat dhe fotografitë janë dëshmi e pasurisë etnokulturore shqiptare. Kjo ekspozitë vjen pas një mungese 15 vjeçare. Pas mbylljes së Pavijonit të Kulturës Popullore, pranë ish-Ekspozitës "Shqipëria sot" në 1991, nuk ka pasur më një ekspozitë të tillë.

Pavijoni
Objektet e ekspozuara datojnë që nga shek i XII-të para Krishtit, deri në shek e XX-të, dhe janë pjesë e fondit të MHK-së. Në një sipërfaqe prej 800 metra katrorë, janë vendosur përballë njëra- tjetrës një shumëllojshmëri objektesh. "Etnografia përbën një nga thelbet e kulturës kombëtare, dhe reflekton në rrafsh ndërkombëtar. Deri tani ekspozitat e kulturës popullore, kanë qenë me veshje popullore, vegla në dru e argjendari. Ne e zgjeruam konceptin në dy pika të rëndësishme. E para është elementi arkeologjik, ku me anë të statujave arkeologjike vërtetojmë veshjen etnike ilire. Një pjesë të rëndësishme zë edhe ikonografia. Figurat e disa shenjtorëve shqiptarë shfaqen me veshje popullore. Kjo është një gjë e rrallë, por që dëshmon për elemente etnografikë"- u shpreh dje pas hapjes së ekspozitës, drejtori i MHK-së, Moikom Zeqo. Sipas tij dëshmi të tilla janë "Barinjtë" e Onufrit të shek të XVI-të, pas Krishtit. Ata mbajnë një kapele që shkrimtari i madh francez Fransua Rable, e quan chapeau albanese (kapele shqiptare). Përveç figurave të disa shenjtorëve që mbajnë rroba kombëtare, në një rresht me ta, qëndron edhe figura e "farë mbjellësit", e David Selenicës që mban vulën e shek të XVIII-të.

Personalitete me veshje kombëtare
Por kulturë popullore, nuk janë vetëm objektet që mund të preken. Fototeka "Marubi," është një dokumentim i jashtëzakonshëm i kostumeve popullore. Nëpërmjet saj, na vijnë në këtë ekspozitë personalitete të njohura shqiptare me veshje kombëtare. Faik Konica , Naim Frashëri, Abdyl Frashëri, këtë radhë na vijnë me fustanellën shqiptare. Nënë Tereza dhe deri te familja e mbretit Zog vijnë me veshje popullore shqiptare. Por nuk ka vetëm shqiptarë. Aty gjejmë edhe vepra të piktorëve të njohur evropianë që kanë motive shqiptare. I tillë është portreti i Lord Bajronit.

Objekte të rralla
Në këtë pavijon janë ekspozuar 14 modele të plota të veshjes popullore shqiptare, dhe 30 lloje të veshjeve popullore të Kalabrisë dhe Sicilisë. Një ndër to është xhubleta. Kjo veshje gjendet në Vermosh, dhe është një kostum shumë i vjetër në rang evropian. Arkeologu anglez Artur Evans, gjatë zbulimeve që bëri në Kreto- Mikenë, gjeti disa figurina që kanë të ravijëzuar këtë lloj fustani të valëzuar, dhe që sot gjendet vetëm në Shqipëri. Dëshmitë e veshjeve shqiptare na vijnë edhe nga zbulimet e disa mozaikëve. Një veshje e tillë është Dalmatika. Ajo ishte pjesë përbërëse e veshjes së priftërinjve të kishës perëndimore të Romës. Në mozaikun e Arapajve të shek të VI-të pas Krishtit, barinjtë janë të veshur me Dalmatikë. Me Dalmatikë shfaqet i veshur edhe Shën Stefani, në mozaikun e shek të VI-të pas Krishtit. Ky mozaik gjendet në kapelën bizantine të Amfiteatrit të Durrësit. Diku në mes qëndron vitrina e armëve, midis të cilave është dhe një thikë e zbukuruar e Aqif Pashë Elbasanit. Për të vazhduar me një vitrinë tjetër, ku qëndron jeleku i Isa Boletinit, i shpuar nga plumbat, koburja dhe llulla e tij. Për hapjen e këtij pavijoni, nga Ministria e Kulturës u akorduan 3 milion lekë të reja që më pas u bllokuan. Ende nuk dihet se cila do të jetë shuma që Ministria e Turizmit, Rinisë dhe Sporteve do të japë për pavijonin e hapur.

Historia
Pavijoni i Etnografisë të MHK-së, hapet pas një mungese 15 vjeçare. Pavijoni i Kulturës Popullore në ish-Ekspozitën "Shqipëria Sot", u mbyll në 1991. Një pjesë e këtij fondi i kaloi Institutit të Kulturës Popullore, i cili edhe sot qëndron pa u ekspozuar. Vazhdimisht është kërkuar hapja e një muzeu etnografik për të ekspozuar këtë fond. Në Pavijonin e Etnografisë të MHK-së, janë ekspozuar vetëm objektet që gjenden në fondin e tij.

Dalmatika
Dalmatika është një veshje e priftërinjve të kishës perëndimore të Romës. Gjendet e dokumentuar në mozaikun e Arapajve të shek të VI-të p.e.s. Me Dalmatikë, shfaqet edhe Shën Stefani, në mozaikun e kapelës bizantine të Amfiteatrit të Durrësit.

Personalitete
Në Pavijonin Etnografik janë ekspozuar edhe fotografi të personaliteteve shqiptare të veshur me kostume kombëtare, si: Faik Konica, Naim Frashëri, Abdyl Frashëri, Nënë Tereza, deri te familja e mbretit Zog.

Veglat muzikore
Në bazilikën e quajtur "Bazilika C" në qytetin e Bylysit, janë gjetur disa vegla muzikore. Studiuesit i kanë cilësuar këto vegla si unikale. Ato janë përdorur në kishën e këtij qyteti në shekullin e VI-të dhe të VIII-të, pas Krishtit.

Xhubleta
Xhubleta është kostumi popullor që gjendet në Vermosh. Është një kostum shumë i vjetër në rang evropian. Arkeologu anglez Artur Evans, gjatë zbulimeve që bëri në Kreto- Mikenë gjeti disa figurina që kanë të ravijëzuar këtë lloj fustani të valëzuar dhe që sot gjendet vetëm në Shqipëri.