31012005

LZHK, shfaqen problemet për caktimin e 100 kandidaturave për në zgjedhjet parlamentare 2005

Legalistët ndihen të kërcënuar nga hapja e Lëvizjes për Zhvillim Kombëtar ndaj mbështetjes së forcave të tjera politike dhe përfshirjes në lëvizje të njerëzve të rinj.

Kështu, incidenti i ndodhur në degën e LZHK-së së Durrësit, duket se do të përhapet edhe në qytete të tjera të vendit, ku pritet të konstituohen degët e reja të lëvizjes. Deri tani, LZHK-ja ka vepruar si një koalicion shumëpartiak, duke u shkrirë në një ide të përfaqësuar nga iniciuesi i saj, Leka I. Njerëzit e përfshirë në lëvizje së bashku me partitë përkatëse që drejtojnë ose në të cilat janë në stafet drejtuese, janë amalgamuar për të krijuar idenë e një lëvizjeje të përbashkët. Por, pikërisht ky rotacion duket se i ka vënë në siklet legalistët, të cilët kanë menduar se kthimi i mbretit dhe përfshirja e tij në politikë ishin një ekskluzivitet i Partisë Lëvizja e Legalitetit. Ka qenë kjo e fundit që e ka përfaqësuar monarkinë në Shqipëri për gjithë këta vjet të pluralizimit, dhe ideja e ndarjes së përgjegjësisë me njerëz, që nuk kanë shumë lidhje me idetë monarkiste, tingëllon e çuditshme për ta. Gjithsesi, përplasjet në këtë drejtim sapo kanë nisur, pasi degët e LZHK-së do të shtrihen në të gjithë vendin, para nisjes së fushatës elektorale. Për këtë arsye, edhe krerët e këtyre degëve, që mund të mos jenë legalistë, pritet të shkaktojnë sërish probleme.

Lëvizja
Lëvizja për Zhvillim Kombëtar do të funksionojë në zgjedhjet parlamentare si një koalicion shumëpartiak, me pjesëmarrjen e disa partive të veçanta, mes të cilave dhe PLL-ja. Por, aktualisht, ajo përbën një lëvizje, e cila nuk ka në bazë programin dhe idetë e një partie të veçantë, si PLL-ja, pasi nuk hyn në zgjedhje për monarkinë, por për ripërtëritjen kombëtare dhe për të sjellë një alternativë të re kombëtare. Në këtë kuptim, LZHK-ja nuk është e njësuar me lëvizjen e Legalitetit, edhe pse mund të jetë më afër saj në pamje të parë.

PLL
Legalistët vazhdojnë të jenë një parti më vete, edhe pse shumë njerëz menduan se qëllimi i tyre ishte ezauruar pas kthimit përfundimtar të pretendentit të fronit mbretëror në Shqipëri, Leka I. Kthimi i familjes mbretërore dhe vendosja e monarkisë si forma e regjimit përbën boshtin e PLL-së, mbi bazën e të cilit ajo merrte votat e monarkistëve shqiptarë. Me mbërritjen e Lekës dhe përfshirjen e tij në iniciativën e LZHK-së, PLL-ja nuk u shkri në lëvizje, por vazhdoi të qëndronte si parti më vete, duke u përfaqësuar më vete edhe në aktivitete të ndryshme të politikës së ditës. Përplasja e parë LZHK - PLL u duk që në fillim, kur në krye të grupit parlamentar të LZHK-së, formuar mbi bazën e grupit legalist, u vu një ish-republikan, i përfshirë në LZHK, Maksim Begeja.

Lëvizja për Zhvillim Kombëtar u përfshi pak ditë më parë në një debat për mënyrën sesi do të funksiononin marrëdhëniet e saj me pjesën tjetër të opozitës, Partinë Demokratike dhe aleatët e saj. Ajo refuzoi kategorikisht idenë e një koalicioni paraelektoral me PD-në, ndërsa kjo e fundit i sulmoi disa nga njerëzit e iniciativës së Lekës I, si eksponentë të lidhur me politikën e majtë. PD-ja akuzoi personalisht drejtues të LZHK-së për “flirte” me Partinë Socialiste, madje e konsideroi këtë lëvizje me një forcë të papërfillshme elektorale. Aleati i demokratëve, Fatmir Mediu shkoi më tej, kur deklaroi se LZHK-ja ishte një lëvizje e ideuar keq, që nuk do të përbënte asnjë humbje për opozitën. Pas kësaj, pretendenti i fronit mbretëror, Leka I akuzoi PD-në se vetëm elektoratin e kishte të djathtë, duke deklaruar se LZHK-ja do të dilte e vetme në zgjedhjet parlamentare. Problemi kryesor qëndron në faktin nëse LZHK-ja do të ketë marrëveshje bashkëpunimi edhe me të majtët, nëse paraqitet kjo mundësi pas zgjedhjeve.

Problemet në degën e Durrësit
Dervishi: PLL s’po shkëputet nga aleancat e vjetra

I emëruar nga Leka Zogu I, pretendenti i fronit mbretëror, në krye të degës së LZHK-së në Durrës, Met Dervishi është konsideruar i papërshtatshëm për legalistët në mbledhjen e konstituimit të degës. Këtë pretendim të PLL-së, vetë Dervishi e shpjegon për “Panoramën” si një keqkuptim i PLL-së për pozicionin që duhet të ketë në Lëvizjen për Zhvillim Kombëtar. “Unë besoj se PLL-ja nuk po e kupton pozicionin e vet në këtë lëvizje”, thotë Dervishi, sipas të cilit reagimi në mbledhjen e para dy ditëve pritej, pasi ishte përpunuar prej kohësh. Reagimi i legalistëve, sipas tij, nuk mund të merret edhe aq i pafajshëm, pasi disa prej tyre mbeten me një këmbë te LZHK-ja e me tjetrën te Berisha. Dervishi ka shpjeguar se mbledhja pati presione të natyrës se PLL-ja do të dalë e vetme në zgjedhje, por për të, këto mbeten vetëm të tilla. “Gjithçka vjen nga fakti që PLL-ja nuk po shkrihet në lëvizjen e mbretit, pasi LZHK-ja presupozon që të gjitha partitë të kishin një qëndrim të përbashkët dhe të përfaqësonin lëvizjen”, thotë Dervishi. Ai konstaton se PLL-ja vazhdon të ketë qëndrime si parti më vete, edhe pse e përfshirë në LZHK.

Nënkryetarja e PD-së, Topalli, konfirmon lidhjen e kontratës
Berisha, fushatë me agjencinë që rimandatoi presidentin Bush

Stafi i agjencisë “Grifit & Rogers” që i ridha mandatin e dytë, presidentit Bush, do të zhvillojë fushatën elektorale të Partisë Demokratike. Ky staf pritet të vijë në Shqipëri në fund të muajit shkurt ose në fillim të muajit mars. Pas nënshkrimit të kontratës për bashkëpunim me forcën më të madhe opozitare në vendin tonë, ekspertë të kësaj agjencie do të vijnë të shikojnë nga afër situatën politike dhe elektorale në Shqipëri. Sipas nënkryetares së PD-së, Jozefina Topalli, “Kjo agjenci merr përsipër të bëjë fushata elektorale me palën që është më pranë pushtetit. Ata kanë nuhatje për të kuptuar se kush ka më shumë shanse për të fituar në zgjedhje, ndaj kanë marrë përsipër fushatën e PD-së”. Gjithashtu, thekson Topalli, “këta ekspertë do të ndikojnë në mënyrën e zhvillimit të fushatës, pasi në vendin tonë nuk ekziston ndonjë praktikë e tillë elektorale”. Ndërkohë, mësohet se bashkëpunimi mes PD-së dhe agjencisë “Grifit & Rogers”, është bërë e mundur nga lobi i shqiptarëve të Amerikës. Ky bashkëpunim është zyrtarizuar pas vizitës së liderit demokrat, Sali Berisha, në SHBA, disa ditë më parë. Agjencia e cila ka zhvilluar fushatën fituese të vitit që shkoi për presidentin e SHBA-së, Xhorxh # Bush, do të fillojë punën përgatitore për zgjedhjet e përgjithshme të kësaj vere në vendin tonë. Kështu, demokratët pritet t’i nënshtrohen një drejtimi “ndryshe” në përgatitjet për fushatën elektorale të këtij viti, duke u gjendur përballë stafit më të suksesshëm të momentit. Ende nuk bëhet e ditur se cilat janë kushtet e nënshkrimit të marrëveshjes, po duket se çdo gjë do të qartësohet me mbërritjen e specialistëve. Pas hapjes së dyerve për anëtarët e Komitetit të Orientimit të Politikave, kontrata me “Grifit & Rogers” përbën hapin e dytë të madh të ndryshimit të madh, si e ka quajtur vetë Berisha strategjinë elektorale të PD-së. I pyetur për kontratën me agjencinë amerikane, Berisha nuk shtoi asgjë më tepër sesa fakti që specialistët e fushatës së Bushit do të bënin fushatën e PD-së për zgjedhjet parlamentare të këtij viti.

Veprimi i demokratëve, duke sjellë një agjenci amerikane për të zhvilluar një fushatë elektorale, për nga lloji është unike në vendin tonë, por për Ballkanin do të ishte rasti i dytë. Agjencia “Grifit & Rogers” ka ideuar dhe realizuar fushatën që ngjiti në detyrë ish-presidentin maqedonas, Boris Trajkovski.

CAHET LZHK NE DURRES

Durres- Pretendenti i fronit mbreteror Leka Zogu I emeron kryetarin e deges se Levizjes per Zhvillim Kombetar ne Durres. Ky emerim ka shkaktuar percarjen e Levizjes ne kete qytet. Partia e Legalitetit ka deklaruar daljen nga LZHK. Publicisti dhe shkrimtari Met Dervishi eshte personi i emeruar nga Leka Zogu, por ai nuk ka qene i pershtatshem per PLL-ne. Perfaqesuesit e saj jane larguar ne menyre demonstrative nga salla ku u zhvillua mbledhja dhe deklaruan se "PLL-ja ne Durres do te dale me vete me kandidatet e saj per zgjedhjet kuvendore te ketij viti". Nje takim i tille, i mbajtur para dy javesh, deshtoi pikerisht pasi PLL-ja nuk e pranoi Dervishin ne krye te deges se Durresit. Murat Basha, kryetari i deges se PLL-se ne Durres, tha se "nuk pranoj qe ne LZHK te futen nga dera njerez qe partite e tjera i kane nxjerre nga dritarja". Dervishi ka qene nje nga drejtuesit e larte te Partise Demokratike ne Durres. Dje gjate takimit te zhvilluar ne Durres me mbeshtetes dhe perkrahes te LZHK-se, perfaqesuesi i Leka Zogut I lexoi vendimin qe mandatonte Met Dervishin ne krye te deges se LZHK-se dhe e ngarkonte ate me detyren e krijimit te strukturave te kesaj dege qe do te jene te emeruara deri ne organizmin e zgjedhjeve te para te brendshme te LZHK-se. Sapo eshte lexuar mandatimi, perfaqesuesit e PLL-se kane reaguar ashper, ndersa Met Dervishi tha se "LZHK-ja paraqet nje ideal rreth te cilit jane bashkuar njerezit dhe partite politike dhe jo nje force politike ku luftohet per poste". Ai e ka quajtur "ngjarje historike ne politiken shqiptare shtrirjen e LZHK-se dhe organizmin e saj neper rrethe pasi perben fundin e monopolit qe PS dhe PD kane ne vend". Sipas kryetarit legalist te deges se Durresit Murat Basha, PLL-ja eshte e vetmja force politike qe mbron dhe ka votuar per monarkine dhe si e tille pozicioni i saj duhet vleresuar. "Ne nuk pranojme qe njerezit e perzene nga forcat e tjera politike te vijne papritur ne LZHK", cilesoi ai.

V.Qyrfyci

Leka Zogu I, pretendenti i fronit mbreteror, ka emeruar Met Dervishin ne krye te deges se Levizjes per Zhvillim Kombetar (LZHK) ne Durres. Por, personi i emeruar nuk ka qene i pershtatshem per Partine "Levizja e Legalitetit" (PLL), duke bere qe perfaqesuesit e saj te largohen ne menyre demonstrative nga salla ku u zhvillua mbledhja dhe te deklarojne se "PLL-ja ne Durres do te dale me vete me kandidatet e saj per zgjedhjet kuvendore te ketij viti". Nje takim i tille, i mbajtur para dy javesh, deshtoi pikerisht per faktin se PLL-ja nuk pranonte Met Dervishin ne krye te deges se LZHK-se se Durresit. Met Dervishi, deri para dy muajsh, ishte nje nder drejtuesit me te larte te deges se Partise Demokratike (PD) ne Durres. Murat Basha, kryetari i deges se PLL-se ne Durres, tha se "nuk pranoj qe ne LZHK-se te futen nga dera njerez qe partite e tjera i kane nxjerre nga dritarja".

Perfaqesues te forcave politike dhe shoqerise civile, qe mbeshtesin idealet e LZHK-se, ishin mbledhur dje ne Durres, ndersa nje perfaqesues i Leka Zogut, lexoi vendimin qe mandatonte Met Dervishin ne krye te deges se LZHK-se ne Durres. Vendimi e ngarkonte ate me detyren e krijimit te strukturave te kesaj dege, qe do te jene te emeruara deri ne organizmin e zgjedhjeve te para te brendshme te LZHK-se. Por, sapo eshte lexuar mandatimi i Met Dervishit, perfaqesuesit e PLL-se kane reaguar ashper. Vete, Met Dervishi e ka quajtur "ngjarje historike ne politiken shqiptare shtrirjen e LZHK-se dhe organizimin e saj neper rrethe, pasi perben fundin e monopolit qe Partia Socialiste dhe Partia Demokratike kane ne vend". Lidhur me reagimin e PLL-se, Met Dervishi tha se "LZHK-ja paraqet nje ideal rreth te cilit jane bashkuar njerezit dhe partite politike dhe jo nje force politike ku luftohet per poste".

V.Mehmeti

Shefit te grupit te eksperteve te OSBE per zgjedhjet, Nikolai Vulcanov vjel qendrimet e PS, PD, LSI dhe LZHK per reformen zgjedhore dhe ndarjen e zonave. Socialistet dhe demokratet kritikojne njeri-tjetrin, ndersa Levizjet e Metes dhe Leka Zogu bejne fajtore dy partite e medha. Prononcimet

Ergys GJENCAJ

Perfaqesues te forcave te ndryshme parlamentare kane paraqitur perpara shefit te grupit te eksperteve te OSBE per zgjedhjet, Nikolai Vulcanov, punen e kryer deri me tani mbi reformen zgjedhore, si dhe pretendimet perkatese. Pikat kryesore, rreth te ciles u fokusuan dje diskutimet, kishin te benin me ndarjen e zonave zgjedhore, listat e zgjedhesve dhe Kodin e ri Zgjedhor. Ne takim u nenvizua fakti, se zgjedhjet e veres perbejne nje test jetik per fatin e integrimit te vendit ne Bashkimin Europian.

Perfaqesuesit e Partise Socialiste dhe asaj Demokratike, mesohet se gjate konsultimeve te djeshme, kane debatuar rreth problemit te ndarjes se zonave zgjedhore. Pas bisedimeve, zyrtari socialist Elmaz Sherifi, konfirmoi se ne qender te interesimit eshte ndarja e zonave zgjedhore dhe listat e zgjedhesve. Ai eshte shprehur pas takimit ne zyren e OSBE, se per ndarjen e zonave zgjedhore, jane marre ekspertet e Keshillit te Europes, si dhe ata te misionit te OSBE/ODIHR. Sipas tij, jane pikerisht keta eksperte, ata qe kane theksuar nevojen e levizjes se dy zonave, nje nga Vlora e tjetra nga Berati, drejt Dibres dhe Tiranes. Sherifi deklaroi se PD nuk ka te drejte ligjore, ne baze te Kodit te ri, te kerkoje shtimin e nje zone ne Shkoder.

Por, nga ana e tij, demokrati Jemin Gjana, theksoi se partia e tij ka leshuar deri tani pe, por duke u shprehur optimist per arritjen e konsensusit. Gjithashtu, Gjana eshte shprehur se procesi i hartimit te listave te zgjedhesve perben nje problem, pasi "informacioni per faktoret politike nuk eshte ne shkallen e duhur".

Nderkohe qe me kritike ndaj reformes elektorale ne teresi, jane shfaqur perfaqesuesit e Levizjes Socialiste per Integrim dhe asaj per Zhvillim Kombetar. Ata kane paraqitur pakenaqesite mbi mosaktivizimin e tyre ne procesin zgjedhor, c'ka perben per ta nje shkelje te te drejtes se tyre dhe mundesi per manipulime te votes se zgjedhesve. Nenkryetari i LSI, Sabit Brokaj, deklaroi se partia e tij, nje nder me te medhate ne Kuvendin shqiptar, eshte realisht jashte procesit zgjedhor. Ndersa, kryetari i grupit parlamentar te LZHK, Maksim Begeja, ka deklaruar se po perballemi me nje realitet politik tjeter ne vend. Sipas tij, megjithe reformen shume te manget, e cila le jashte kontrollit te zgjedhjeve LZHK dhe LSI, keto dy forca do te arrijne te arrin nje perqindje te konsiderueshme votash. Gje qe, sipas tij, do t'i beje keto parti vendimtare per qeverisjen e paszgjedhjeve. Por, per Begene, ne rast manipulimi, keto dy forca nuk do te njohin rezultatin perfundimtar dhe do te jete e veshtire me pas, qe te mund te arrihet ne nje konsensus per formimin e qeverise. "Mosqofsha profet ne kete rast, kjo do te sjelle pasoja te renda, sepse mund te coje ne zgjedhje te parakoheshme, perseri pas zgjdhjeve te ardheshme", ka theksuar Begeja.

THANE

ELMAZ SHERIFI, Perfaqesues i PS:

"U fol se cfare problemesh ka, cfare pretendojme ne, cfare pretendon PD. Vete problemet me te cilat merremi, jane politike. Jane marre per ndarjen e zonave zgjedhore ekspertet e Keshillit te Europes, misioni i OSBE/ODIHR dhe jo ne. Ekspertet e KE kane dhene nje raport me shkrim dhe kane percaktuar qe te heqim dy zona, nje zone nga Vlora dhe nje zone nga Berati dhe te vije nje ne Tirane dhe nje ne Diber. Te zbatojme raportet e eksperteve. Pjese e marreveshjes ka qene edhe ajo qe, cdo parti te coje ndarjen e zonave zgjedhore. Ne kerkojme te zbatohet raporti i eksperteve te Keshillit te Europes, i cili thote se nje zone te hiqet nga Berati dhe te shkoje ne Diber dhe tjetra nga Vlora e te vije ne Tirane".

JEMIN GJANA, Perfaqesues i PD:

"Propozimi per te levizur jo tre zona nga qarqet e Beratit dhe Vlores, por dy zona, nuk eshte propozimi i dale nga PD, por eshte nje propozim i dale nga grupi i eksperteve, nga prezenca e OSBE-se. Problem eshte procesi te hartimit te listave te zgjedhesve, ku informacioni per faktoret politike nuk eshte ne shkallen e duhur. Ne informuam ata lidhur me disa prej qendrimeve dhe deklarimeve te institucioneve qe jane drejtperdrejt te angazhuara me zgjedhjet. Theksuam deklaraten e papranueshme te kryetarit te KQZ-se lidhur me pamundesine e zbatimit te Kodit te ri Elektoral".

SABIT BROKAJ, Perfaqesues i LSI:

"Shpjeguam pretendimet tona per Kodin Zgjedhor, mosmiratimin tone per ate Kod, pasi dihet se ne nuk e kemi votuar dhe ai (Vulcanov) u angazhua se OSBE do ta ndjeke me korrektese procesin. Thame se ne nuk e njohim ende projektin e eksperteve. Kur te vije koha, do te kemi mendim. Ai tha qe do ta ndjekim procesin. Ishte nje diskutim ku ne paraqitem pretendimet tona. Efektivisht, LSI dhe LZHK, si parti te medha parlamantare, por edhe te tjere, jane realisht jashte procesit ne kuptimin e ndjekjes se procesit".

MAKSIM BEGEJA, Perfaqesues i LZHK:

"Zoti Vulcanov ishte i interesuar te dinte lidhur me Kodit Zgjedhor dhe mendimin tone per keto ndryshime qe u bene ne Kod. Shpreha keqardhjen lidhur me keto ndryshime te miratuara vetem nga dy forcat e medha politike, duke e konsidetuar kete Kod, si te bere per interesat e tyre dhe thjesht per rotacion pushteti midis dy forcave dhe jo nje Kod per t'i dhene Shqieprise dhe garantuar zgjedhje te lira, jo nje Kod qe te garantoje perfshirjen e te gjitha forcave politike shqiptare. Sot nuk jane me dy forcat e medha qe mund te bejne ligjin, por realiteti politik ka ndryshuar. Krijimi i LZHK dhe LSI do te beje qe ne zgjedhjet e ardheshme, ky realitet te jete i ndryshem dhe nuk do te arrihet qe njera prej ketyre dy forcave te medha te krijoje qeverine e ardheshme, perkundrazi do te kete nevoje te domosdoshme te hyje ne koalicion".