23022006

E Enjte, 23 Shkurt 2006

AMBASADORET, LIGJ KUNDER MOISIUT

Markel Bejdo

Procedurat e emerimeve te diplomateve shqiptare do te kene nje ndryshim ne radhen e tyre. Keshilli i Ministrave ka miratuar dje nje vendim ky agreement-i apo pranimi i kandidatures se propozuar nga ministri i Jashtem dhe te pranuar ne Kryeministri, per postin e ambasadorit do te behet para se emri i ketij te fundit te dekretohet nga Presidenti i Republikes. Nje vendim i tille ul rolin e kreut te shtetit ne percaktimin e diplomateve shqiptare ne bote si dhe e pengon ate te vere "veton" per arsye joobjektive, kur shteti prites e ka pranuar kandidaturen e diplomatit shqiptar. Me propozim te ministrit te Jashtem, Mustafaj, Keshilli i Ministrave ka shqyrtuar dje draftin duke e miratuar ate. Shtesa e miratuar dje nga Keshilli i Ministrave, ne vendimin e "Per ceremonialin zyrtar te Republikes se Shqiperise", eshte e bazuar ne nenin 100 te Kushtetutes, te pikes 2, te nenit 21, te ligjit nr.9095, "Per sherbimin e jashtem te Republikes se Shqiperise", dhe te nenit 4, te "Konventes se Vjenes per marredheniet diplomatike". Ndryshimi ne fjale eshte bere pikerisht ne kapitullin e dyte, per Ceremonialin Diplomatik, pika 1. Keshilli i Ministrave vendosi dje qe te ndryshoje kete pike duke bere keshtu qe vendi ku do te emerohet ambasadori i Shqiperise te jape pelqimin e tij lidhur me kandidaturen para se kjo e fundit te kete marre firmen e Presidentit te Republikes. "Pasi shteti prites a organizata nderkombetare ku do te akreditohet ambasadori, vlereson kandidaturen per ambasador dhe miraton agreement-in, Presidenti i Republikes emeron ambasadorin, ne perputhje me parashikimet e Kushtetutes se Republikes se Shqiperise", thuhet ne shtesen e bere ne kapitullin II te Ceremonialit Diplomatik, pika 1/1.4. Ky vendim i qeverise pritet te hape debate lidhur me ndryshimin ne fjale. dryshimet e bera edhe pse jo drejtperdrejt ndrydhin kompetencat e Presidentit, pasi ky i fundit nuk mund te perdore me veton e tij ne emerimet e ambasadoreve ne rast se vete shteti perkates e ka pranuar diplomatin shqiptar. Vendimi ne fjale pritet t(u hape rruge dhe bllokimeve me te fundit te kandidaturave te ambasadoreve, te cilet nuk kane marre firmen e Presidentit te Republikes. Rasti me flagrant i perplasjes se qeverise dhe Presidentit Moisiu ishte ai i kandidatures se Edit Harxhit si ambasadore ne Shtetet e Bashkuara te Amerikes.

http://www.panorama.com.al/

E Enjte 23 Shkurt 2006

Faqe 7 - Politikë

vendimi i qeverise

kompetencat

Këshilli i Ministrave ndryshoi dje procedurën për emërimin dhe dekretimin e përfaqësuesve të Shqipërisë në botë

Berisha i heq ambasadorët Moisiut

I miraton kryeministri, marrin agrementin nga shteti e dekretohen

Kryeministri Sali Berisha i heq të drejtën Presidentit të Republikës të shprehë pëlqimin e tij për kandidaturat paraprakisht.

Kështu, qeveria ka bërë një shtesë në vendimin “Për ceremonialin zyrtar të Republikës së Shqipërisë”, në çështjen e përfshirë në ceremonialin diplomatik.
Sipas vendimit të ndërmarrë nga qeveria “Berisha”, ministri i Jashtëm i propozon kryeministrit emërimet për ambasadorë. Pas dhënies së vistos nga kryeministri, kandidaturat do të kalojnë për të marrë agrementin në shtetin, ku do të shkojnë dhe në organizatën ndërkombëtare. Dhe pasi ky shtet të ketë dhënë viston e tij për pëlqimin e kandidaturës, atëherë kjo i jepet për dekretim Presidentit të Republikës.
“Ministria e Punëve të Jashtme i paraqet kryeministrit propozimet për emërimin e ambasadorëve: kur kryeministri miraton kandidatët, ministri i Punëve të Jashtme kërkon akreditimin e ambasadorëve në shtetin pritës apo organizatën ndërkombëtare, ku ai do të akreditohet: pasi shteti pritës a organizata ndërkombëtare, ku do të akreditohet ambasadori, vlerëson kandidaturën për ambasador dhe miraton agrementin, Presidenti i Republikës emëron ambasadorin, në përputhje me parashikimet e Kushtetutës së Republikës së Shqipërisë”, thuhet në vendimin që ka marrë dje qeveria.
Në këtë mënyrë ndryshoi për herë të parë procedura e përzgjedhjes së kandidatëve për ambasadorë dhe votimit të tyre në Parlament. Deri dje, propozimin për emërimet e ambasadorëve e bënte ministri i Jashtëm, menjëherë pas kësaj merrte kandidati miratimin nga kryeministri, i cili ia përcillte këtë menjëherë presidentit prej nga pritej dekretimi. Nëse presidenti nuk i jepte dekretin kandidaturës, atëherë kandidati për ambasador nuk e merrte emërimin. Ndryshimi në vendimin e qeverisë u bë menjëherë pas refuzimit që i bëri Presidenti i Republikës kandidaturës së Edit Harxhit për postin e ambasadorit të Republikës së Shqipërisë në SHBA dhe Tatjana Kongolit në Vjenë.
Sipas argumentit të dhënë në vendimin e qeverisë, është marrë në konsideratë Konventa e Vjenës për marrëdhëniet diplomatike. Sipas kësaj konvente paragrafi i parë thotë: “Shteti dërgues duhet të sigurohet, që agrementi i shtetit pritës të jetë dhënë për personin, që ai propozon të akreditojë si shef të misionit pranë këtij shteti”.

Ndryshon procedura e emërimit të ambasdorëve

23 Shkurt Para se diplomatët të kalojnë në kuvend do i kërkohet mendim shtetit pritës

Rikthehen përplasjet për miratimin e përfaqësuesve të Shqipërisë në botë

Darina Tanushi

Qeveria ka ndryshuar dje rrugën e emërimit të ambasadorëve. Duket se përplasja mes dy institucioneve qendrore të shtetit, Këshillit të Ministrave dhe Presidencës, vazhdon ende për emërimin e ambasadorëve tanë. Qeveria ka bërë dje një shtesë në vendimin “Për ceremonialin zyrtar të Republikës së Shqipërisë”. Në ceremonialin zyrtar të Republikës së Shqipërisë, në kapitullin II, “Ceremoniali Diplomatik” është shtuar një pikë e re, për mënyrën e akreditimit të shefit të Misionit Diplomatik të Republikës së Shqipërisë. Në përputhje me Kushtetutën e Republikës së Shqipërisë, me ligjin për shërbimin e jashtëm të Republikës së Shqipërisë dhe me “Konventën e Vjenës për marrëdhëniet diplomatike” (neni 4, paragrafi i parë: “Shteti dërgues duhet të sigurohet që agrementi i shtetit pritës të jetë dhënë për personin që ai propozon të akreditojë si shef të misionit, pranë këtij shteti), akreditimi i ambasadorëve të Republikës së Shqipërisë, si proces kalon në disa shkallë, gjatë të cilës kërkohet plotësimi i formaliteteve të paracaktuara. Sipas kësaj rruge emërimi, Ministria e Punëve të Jashtme i paraqet Kryeministrit propozimet për emërimin e ambasadorëve. Më tej, kur Kryeministri miraton kandidatët, ministri i Punëve të Jashtme kërkon akreditimin e ambasadorëve në shtetin pritës apo organizatën ndërkombëtare, ku ai do të akreditohet. Pasi shteti pritës a organizata ndërkombëtare, ku do të akreditohet ambasadori, vlerëson kandidaturën dhe miraton agrementin, Presidenti i Republikës emëron ambasadorin, në përputhje me parashikimet e Kushtetutës së Republikës së Shqipërisë”. Vendimi do të hyjë në fuqi menjëherë pas botimit në “Fletoren zyrtare”.

Si ka qenë procedura

Ndërkohë, procedura e vjetër e emërimit të ambasadorëve ka qenë e tillë, që pas kalimit të propozimeve nga ministri i Jashtëm te Kryeministri e më tej në Komisionin e Politikës së Jashtme të Parlamentit, ai merrte emërimin nga Presidenti i Republikës, e më tej pritej edhe miratimi nga vendi pritës. Sipas nenit 21 të ligjit të shërbimit të jashtëm, ambasadorët emërohen dhe lirohen nga Presidenti i Republikës me propozimin e Kryeministrit. Ministri i Punëve të Jashtme i paraqet Kryeministrit propozimet përkatëse për emërimin dhe lirimin e ambasadorëve. Përpara emërimit të ambasadorit nga Presidenti i Republikës, Komisioni i Kuvendit që mbulon politikën e jashtme, organizon seancë dëgjimore me kandidatin për t’u emëruar ambasador. Emërimi i ambasadorëve të vendit tonë pranë shteteve të huaja ka hasur në polemika të vazhdueshme mes qeverisë dhe Presidentit të Republikës. Presidenti Moisiu refuzoi propozimet që atij i erdhën për ambasadoren e Shqipërisë në SHBA, Edith Harxhi si dhe atë të Austrisë, Tatjana Kongoli, me argumentin se figurat nuk ishin të përshtatshme për të përfaqësuar vendin tonë në këto dy shtete, marrëdhëniet me të cilat janë tepër të rëndësishme.

Faqe 2/3 - Politikë

votimi ne parlament

mocioni

Topalli kalon me 70 vota. Rusmajli godet në korridor Ben Blushin

Maxhorancës i “shkasin” katër vota kundër

Aristir Lumezi

Në votimin e mocionit të socialistëve për shkarkimin e kryetares së Kuvendit, Jozefina Topalli, morën pjesë 132 deputetë dhe ka munguar vetëm një deputet demokrat, i cili është pezulluar për dy javë.

Ndërkaq, në rezultatin përfundimtar të votimit, i kontestuar nga PS, kundër mocionit të socialistëve kanë votuar 70 deputetë, 8 kanë votuar pro shkarkimit dhe 56 deputetë nuk morën pjesë në votim.
Në analizën e votave pro mocionit, tetë prej tyre, duke marrë të mirëqenë faktin se katër vota janë socialistë, mes të cilëve Harasani, Idrizi, Braçe e Dade, katër vota të tjera që kanë votuar pro shkarkimit të kryetares së Kuvendit, i përkasin rradhëve të koalicionit të djathtë. Një nga votat e bëra publike në tabelë, por që në fakt nuk ka qenë fare në sallë, ka qenë ajo e Vangjel Dules. Sipas deklaratës së Nikollë Lesit në Parlament, ky i fundit organizonte dje pasdite festën e partisë dhe ishte në sallën e madhe të Hotel Tiranës, por dy deputetët e tij, Solis e Peçi kanë qenë në sallë dhe kanë marrë pjesë në votim. Gjithsesi, katër votat që kanë rrëshkitur nga e djathta kundër Topallit janë të sigurta, sepse në votim nuk kanë marrë pjesë as deputetët e LSI, të PS, të PSD, PAD-së e PDS-së. Para se të fillonte votimi, socialistët kanë kërkuar që mëryra e votimit të ishte e fshehtë me kuti. Pikërisht për këtë fakt, ata kanë shkaktuar rrëmujë në sallë. E pavarësisht nga kjo, nënkryetari i Kuvendit Beja ka hapur procedurën e votimit duke shkaktuar edhe irritimin e socialistëve.

Votat
Sipas asaj që u bë publike nga tabela elektronike, Spartak Ngjela e Sali Berisha nuk kanë marrë pjesë fare në votim. Ndërsa emri i Vangjel Dules, që nuk ishte fare prezent në sallë rezulton se ka votuar. Pikërisht, parregullsia me Dulen ka detyruar socialistët të mos e quajnë të vlefshëm këtë votim. “Vangjel Dule nuk ka qenë fare në sallë në kohën e votimit”, deklaroi kryetari i grupit parlamentar të PS, Pandeli Majko, menjëherë pas seancës. Burime zyrtare nga Parlamenti pohojnë se do të hetohet nëse Dule ishte prezent në sallë në momentin e votimit. “Sot ne duhet të diskutojmë faktin që qeveria aktuale nuk gëzon shumicën parlamentare. Ne kemi një qeveri teknike që drejtohet nga zoti Berisha dhe mbi të gjitha maxhoranca e sotme humbi të drejtën morale për t’u konsideruar shumicë”, tha Majko pas votimit.

Incidenti
Votimi i djeshëm në Parlament nuk ka kaluar pa incidente. Në dalje nga salla e Parlamentit, zv.kryeministri i vendit, Ilir Rusmajli, sipas deputetëve prezentë, ka goditur me grusht deputetin socialist, Ben Blushi, pas një keqkuptimi mes tyre. Këtë gjë e konfirmoi dhe kryetari i grupit socialist, kur tha se ishte një incident i radhës. “Pati një incident në vazhdën e incidenteve që ndodhin në Parlamentin shqiptar”, u shpreh Majko. Por para këtij incidenti, brenda në sallë menjëherë pas votimit për pak Mediu dhe Fino sa nuk u “kacafytën” me njëri-tjetrin, duke u mjaftuar vetëm me batuta.

pasqyra e votimit te djeshem

votuan

Bamir Topi PD
Jozefina Topalli PD
Ilir Bano PD
Lulzim Basha PD
Ferdinand Xhaferri PD
Arenca Trashani PD
Rexhep Uka PD
Genc Ruli PD
Ilir Rusmali PD
Fatos Beja PD
Edmond Spaho PD
Preç Zogaj PD
Flori Bajramaj PD
Gilman Bakalli PD
Aleksandër Biberaj PD
Besnik Mustafaj PD
Ridvan Bode PD
Majlinda Bregu PD
Aldo Bumçi PD
Astrit Bushati PD
Aurel Bylykbashi PD
Mehmet Xheka PD
Engjëll Cara PD
Blerim Çela PD
Ramiz Çobaj PD
Baki Shehi PD
Sali Shehi PD
Pal Dajçi PD
Leonard Demi PD
Fatmir Mediu PR
Arian Madhi PR
Albert Faruku PR
Besnik Bisha PR
Genc Sharku PR
Aleksandër Gega PR
Parid Teferiçi PR
Hajrulla Paturri PR
Artur Hasanbelliu PR
Lajla Përnaska PR
Galip Ramadhi PR
Jemin Gjana PD
Sami Gjergji PD
Fatos Hoxha PD
Mehmet Hoxha PD
Luan Skuqi PD
Gjovalin Prenga PD
Genc Juka PD
Rahman Kaleci PD
Gëzim Karapici PD
Ardian Kollozi PD
Astrit Patozi PD
Bujar Nishani PD
Bujar Leskaj PD
Gazmend Oketa PD
Gjok Vuksani PD
Sokol Olldashi PD
Ylli Pango PD
Dashnor Sula PD
Safet Sulaj PD
Mevlan Xhindoli PD
Idriz Xhomara PD
Shkëlqim Ziri PD
Nikollë Lesi PDK
Ndue Shpani PDK
Genc Pollo PDR
Nard Ndoka PDR
Jan Ndokaj PDR
Frrok Gjini PDR
Lufter Xhuveli PAA
Nikolla Neranxi PAA
Ymer Tola PAA
Petrit Gjoni PAA
Arian Starova PBL
Arta Dade PS
Andis Harasani PS
Erion Braçe PS
Shpëtim Idrizi PS
Vangjel Dule PBDNJ

Nuk votuan, por ishin prezent

Sali Berisha PD
Spartak Ngjela PD
Besnik Jaçelli PD
Tritan Shehu PDR
Pandeli Majko PS
Gramoz Ruçi PS
Fatmir Xhafaj PS
Bashkim Fino PS
Rajmonda Stefa PS
Paulin Stërkaj PS
Valentina Leskaj PS
Flamur Hoxha PS
Elmaz Sherifi PS
Ermelinda Meksi PS
Namik Dokle PS
Durim Hushi PS
Bukurosh Stafa PS
Ndriçim Hysa PS
Musa Ulqini PS
Arben Isaraj PS
Luan Memushi PS
Tom Doshi PS
Besnik Dervishi PS
Taulant Dedja PS
Alfred Dalipi PS
Stefan Çipa PS
Fatmir Xhindi PS
Vangjel Tavo PS
Durim Lamaj PS
Neritan Ceka PAD
Pirro Lutaj PAD
Pashko Ujka PAD
Albert Çaçi PS
Ylli Bufi PS
Blendi Klosi PS
Petro Koçi PS
Rrapush Tola PS
Ben Blushi PS
Sadri Abazi PS
Taulant Balla PS
Marko Bello PS
Hamit Kosta PS
Skënder Gjinushi PSD
Pilo Keri PSD
Agustina Kola PSD
Engjëll Bejtja PSD
Albert Divjaka PSD
Gëzim Musabelliu PSD
Ilir Meta LSI
Ndre Legisi LSI
Pëllumb Xhufi LSI
Paskal Milo PDS
Spiro Peçi PBDNJ
Leonard Solis PBDNJ

Munguan ne seance

Ndriçim Babasi PD
Qemal Minxhozi PS
Fatos Nano PS
Dritan Prifti LSI
Sabit Brokaj LSI
Diana Çuli PSD
Kastriot Islami PS
Arben Malaj PS

berisha-ngjela
Sali Berisha dhe avokat Ngjela ishin surpriza e votimit të djeshëm. Dhe pse kishin debatuar shumë me njëri-tjetrin në grupin parlamentar të PD për mënyrën e votimit, ku Ngjela kërkoi votim të fshehtë me kuti, ata nuk morën pjesë në votimin e fshehtë me elektronikë. Së bashku me Tritan Shehun ata ishin tre të djathtë që nuk votuan.
mungesa e dules
Në kompjuterin e Kuvendit, Dule figuron se ka votuar. Kryetari i PBDNJ-së, Vangjel Dule, edhe pse ishte i pranishëm gjatë prezencës së deputetëve në fillim të seancës, është larguar nga salla pak para votimit, për shkak të përvjetorit të krijimit të partisë së tij. Për këtë fakt socialistët e konsiderojnë të manipuluar votimin.
djali i topallit
Në momentin që në sallën e Parlamentit do të votohej mocioni i socialistëve për kryeparlamentaren, djali i kësaj të fundit ka qenë në lozhë për të ndjekur votimin për mamanë e tij. Ky fakt ka rënë në sy të të gjithëve dhe kjo është hera e parë që djali i kryeparlamentares ndjek këto procedura legjislative

Meta: Berisha kërkoi votim të fshehtë për Nanon. Kryeministri: Votim nominal. Zogaj: Të mos votojmë

Topalli: S’do kaloj kandidaturat e drogës
“Nuk ka ndodhur ndonjëherë që të bëhet një mocion i tillë”

Kryetarja e Kuvendit, Jozefina Topalli, hodhi poshtë dje të gjitha pretendimet e socialistëve për mocionin kundër saj.

Ajo tha se asnjëherë nuk do të tërhiqet nga parimet e veta, edhe nëse socialistët do të bëjnë ndaj saj 100 mocione.
Në fjalën e vet, kryeparlamentarja përmendi se është hera e parë që në Parlament bëhet një mocion ndaj kryetarit të Kuvendit. “Një mocion i tillë nuk është bërë as kur është përgjakur Kuvendi” tha Topalli. Lidhur me paligjshmërinë e aktit normativ për “Urbanistikën” Topalli tha se nuk do ta quante në asnjë rast shkelje të Kushtetutës shtyrjen për disa ditë të punimeve të Kuvendit për shkak të zisë për vdekjen e ish-presidentit të Kosovës, Ibrahim Rugova. “Këto ditë do të respektoheshin dhe unë një gjë të tillë do ta ribëja sërish”, tha Topalli. Lidhur me hetimin e kandidaturave që vijnë mbi tryezën e saj të punës për t’u futur në axhendën e punimeve të Kuvendit, Topalli garantoi se gjithmonë do t’i kalojë ato në skaner. “Nëse dikujt nuk i pëlqen që unë për këtë filozofi nuk bëj kompromise, kjo nuk më impresionon. Mos shpresoni ndonjëherë se kur në tavolinë të më vijnë letra, shkresa e raporte, e kërkesa nga institucione të ndryshme, drejtoritë e luftës kundër drogës, nga inspektorët e kontrollit, nga SHIK-u, ministritë, që më tregojnë se sa drogë noton rreth emrave të kandidatëve që do të votohen unë nuk do hezitoj t`i verifikoj. Jo pse më pëlqen ta bëj, jo aspak. Por është detyra që ju më keni dhënë dhe Kushtetuta më detyron”, tha Topalli duke iu referuar kandidaturës së Gjinovefa Gabës, që ishte një tjetër pretendim i socialistëve.
Sa për deklaratën për kryeprokurorin, i ngritur si pretendim nga socialistët, Topalli, tha se nuk do të tërhiqet. “Qenia ime si kryetare nuk mund të më ndryshonte në qëndrimet e mia ndaj disa fenomeneve, apo punës së disa institucioneve. Asgjë nuk ka ndryshuar te Jozefina Topalli nga dita kur tre vjet më parë votoi kundër prokurorit të Përgjithshëm. Por unë edhe në këtë moment vazhdoj të mendoj se Prokuroria duhet reformuar dhe se kryeprokurori nuk e bën detyrën. E për këtë as ju nuk keni ndonjë dilemë. Pse s’e bën? Nuk mundet? Nuk di? Nuk do? S’dua të ndalem sot këtu. Më thoni Kushtetuta? Pa më thoni, ju lutem, cili nen i saj i ndalon Jozefinës të mendojë, të flasë, të shprehet e të votojë?!”, deklaroi kryeparlamentarja.

sali berisha
Ne pranuam procedurën që ju mençurisht zgjodhët për mocion, se njëri thotë mocion, kërkesë për dorëheqje. Një gjë është këtu, mocioni ka një rregull, për të cilin ne do të bëjmë votim nominal. Ju lamë në marrëzinë tuaj, sepse ju me këtë tregoni paaftësinë ekstreme, pafuqinë ekstreme. Unë përveçse lëshim pas lëshimi nuk kam çfarë t’ju bëj tjetër.
ilir meta
Më shumë se sa një votim për kryetaren e Parlamentit është një votim për demokracinë parlamentare dhe njëkohësisht edhe një provë për konsistencën e parimeve demokratike të zotit Berisha, i cili këtu në Parlament ka kërkuar edhe më parë votim të fshehtë me kuti për kryeministrin e asaj kohë, zotin Fatos Nano. Ndërsa sot kërkon të ofrojë një procedurë tjetër.
pandeli majko
E mora fjalën për të folur në emër të firmëtarëve duke iu drejtuar zonjës Topalli. E dëgjova diskutimin e saj dhe për një gjë dua ta siguroj: asnjëherë opozita nuk do të flasë me gjuhën e gjakut në emër të gjakut, në emër të drogës, në emër të përçarjes. Zonjë, ke një problem shumë të madh, pavarësisht nga makijazhi i sotëm, karrierën kërkon ta ngresh mbi përçarjen. Dhe Rugovën mos e përmend këtu, as Azem Hajdarin, boll keni bërë karrierën mbi gjakun e tjerëve, ecni me këmbët tuaja.
preÇ zogaj
Ky është një impichment. Kërkesa hidhet kot, nuk ka asnjë bazë, ky është provokacion që bëhet Kuvendit. Jam për të mos votuar fare. Këtu është problemi i precedentit që krijoni ju si PS me institucionet e shtetit të kësaj kohe dhe për kohën që do të vijë. Unë mendoj se ne nuk duhet të votojmë kërkesën e PS-së për shkarkimin e kryetares së Kuvendit, por duhet të votojmë mbi raportin e Këshillit të Legjislacionit, për kërkesën e PS-së për për ta pranuar ose jo.

Grupi parlamentar i PS dhe PSD bëjnë mbledhje pas seancës
PS: Asnjë seancë parlamentare pa u ribërë edhe një herë votimi

Do të kërkojmë bërjen e votimit nga e para, ndryshe nuk do lejojmë të zhvillohet asnjë seancë parlamentare. Ky ka qenë vendimi i socialistëve dhe socialdemokratëve në mbledhjen e përbashkët që kanë bërë të dy grupet e tyre parlamentare në selinë rozë. “Incidenti më i rëndë është dhunimi i procedurës parlamentare për të votuar zonjën Topalli, një votim i manipuluar që e rrëzoi parlamentarizmin në Shqipëri”, u shpreh nënkryetari i grupit parlamentar socialist, Petro Koçi. Në seancën e sotme socialistët do të kërkojnë të zbardhet vota e Vangjel Dules, i cili figuron në kompjuterin e Kuvendit si votues, ndërkohë ishte larguar nga salla e Parlamentit për shkak të festës së përvjetorit të PBDNJ-së. Në mbledhjen e përbashkët, socialistët dhe socialdemokratët kanë vendosur që para seancës së sotme të kontaktohet me përfaqësuesit e të gjitha partive opozitare, për të qenë unikë në kërkesën e tyre për çështjen Topalli. Socialistët kanë cilësuar si shumë pozitive qëndrimin e LSI, PAD dhe PDS, të cilët nuk e kishin vlerësuar shumë të drejtë kërkesën e mocionit ndaj Topallit, edhe pse ata kishin rezervat e tyre për mënyrën e drejtimit të Parlamentit prej saj. Socialistët shprehen moralisht të fituar, për shkak se kryetarja e Kuvendit në ditën e zgjedhjes së saj kishte marrë 84 vota, ndërsa dje vetëm 70. “Ju e dini që në fillim zonja Topalli është zgjedhur me 84 vota, ndërsa sot me votim të manipuluar mori vetëm 70 vota”, u shpreh Koçi. Socialistët shprehen se ky manipulim rrezikon dhe zgjedhjet e ardhshme. “Ky është nj ogur shumë i keq për zgjedhjet e ardhshme. Më këtë model se si kryhen votimet e fshehta në Parlament, me këtë model tentohet të bëhen edhe votimet e ardhshme për zgjedhjet vendore”.

RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 10, No. 32, Part II, 21 February 2006

FIRST ROUND OF KOSOVA TALKS BEGINS IN VIENNA. UN-backed talks on
Kosova's final status began on 20 February in Vienna, international
news agencies reported. The first round of negotiations, focusing on
decentralization of power to local communities, are scheduled to wrap
up on 21 February. Overall, the talks are expected to last until late
2006. "It went well," Reuters quoted an official close to the talks
as saying. "There were disagreements, but they were to be expected.
Everyone was very frank, but constructive." Citing Kosovar media,
Hina reported on 20 February that Serbian negotiators are proposing a
decentralization scheme similar to the Dayton agreement that ended
Bosnia-Herzegovina's 1992-95 war and divided the country into two
ethnic-based entities. Kosovar negotiators, according to the reports,
are proposing a scheme similar to the 2001 Ohrid peace plan that
ended Macedonia's ethnic conflict. BW

“Ligji, konfiskim dhe shtetëzim i pronave, për të cilat tjetërkush ka titull pronësie”

A.R

TIRANE - Ish-pronarët do të dërgojnë në Gjykatën Kushtetuese ligjin “Për legalizimin, urbanizimin dhe integrimin e ndërtimeve pa leje”, i miratuar të enjten që shkoi në Parlament. Ndonëse nuk kanë dalë asnjëherë të fituar në ankesat që ata kanë bërë herë pas here në Kushtetuese për çështje të ndryshme që lidhen me të drejtën e pronës së tyre, pronarët e ligjshëm sërish nuk heqin dorë nga ndjekja e rrugëve ligjore. Sipas anëtarit të kryesisë së shoqatës “Pronësi me drejtësi”, Reshit Vorpsi, ligji i miratuar në Kuvend, në mënyrë arbitrare realizonte kalimin e pronësisë së tokave të zëna nga ndërtimet pa leje te shteti e më pas pronësia u kalonte banorëve të shtëpive pa leje. Ai sqaron se për të gjitha tokat ku janë ngritur ndërtimet pa leje, pjesa më e madhe e tyre u është njohur si titull pronësie pronarëve legjitimë. “Ajo që përcaktohet në nenin 15 të ligjit, për kalimin e tokës në pronësi të shtetit, nuk është gjë tjetër veçse konfiskim dhe shtetëzim i pronave për të cilat tjetërkush ka titull pronësie. Nuk mundet shteti, por askush, që me ligj të heqë titullin e pronësisë, pasi kjo bëhet në gjykatë. Nëse do të zbatohet në praktikë ajo që parashikon ligji shteti duhet të paguajë dy fatura, pra duhen kryer dy shpronësime një për ne si pronarë të tokës, e një shpronësim për ata shtetas që e kanë përfituar të njëjtën tokë nga ligji 7 501”, - tha Vorpsi. Madje, edhe në rast se Gjykata Kushtetuese do të rrëzojë kërkesën e tyre, ish-pronarët nuk do të ngurojnë të shkojnë as në Gjykatën e Strasburgut. Duke sulmuar ligjin e miratuar së fundi nga Parlamenti, anëtari i kryesisë së shoqatës, thekson se PD me këtë ligj kishte mohuar veten. Për këtë ai i referohet një udhëzimi të nxjerrë në vitin 1993 nga qeveria e asaj kohe, që më pas në vitin 1995 u kthye në ligj, ku përcaktohet se “ndërtimet e ngritura nga ndërtimet pa leje, shemben dhe tokat e zëna u kthehen ish pronarëve”. Ky ligj sipas tij ka qenë në fuqi edhe në kohën kur në pushtet ishin socialistët. Madje në ligjin “Për urbanizimin dhe legalizimin e zonave informate” të miratuar nga maxhoranca e djathtë ishte përcaktuar që kur sipërfaqja ndërtimore është nën 150 të vlerës së truallit ku ajo është vendosur, ndërtimi shembet dhe toka u kthehet ish pronarëve. Ai e konsideron mashtrim edhe shifrën e deklaruar nga qeveria për ndërtimet pa leje dhe sipërfaqet e zëna nga ato. “Zyrtarisht deklarohet se janë 700 hektarë tokë të zëna nga ndërtimet pa leje dhe se në këtë sipërfaqe janë vendosur gati 220 mijë familje. Nga këto shifra del se një familje jeton në një sipërfaqe prej jo më shumë se 35 metrave katrorë, gjë që nuk ndodh kurrë. Vetëm në Tiranë sipërfaqet e zëna nga ndërtimet pa leje arrijnë në gati 3 000 hektarë, ndërsa në të gjithë vendin kjo shifër arrin në 4 000 hektarë. Por ashtu, si i gjithë ligji, edhe këto shifra janë mashtrime e demagogji”, - përfundon Vorpsi.

“Ligj për shkeljet gjatë zbatimit të 7 501-shit”

TIRANE - Hartimi dhe miratimi i një neni për të kthyer të gjitha shkeljet e realizuara gjatë zbatimit të ligjit 7 501 “Për tokën...”, dhe ligjit që ndau tokat e ndërmarrjeve bujqësore, do të jetë nisma tjetër që ish-pronarët do të ndërmarrin së shpejti në Kuvend. Madje, kjo gjë mund të kërkohet këto ditë gjatë diskutimit në komisionet parlamentare të amendamenteve të qeverisë mbi ligjin “Për kthimin dhe kompensimin e pronave ish-pronarëve”. Të njëjtin nen ka kërkuar ta përfshijë në ligj, kur është diskutuar dhe miratuar ligji në fjalë nga Parlamenti, ish-deputeti i PR-së, Maksim Begeja. Sipas shifrave që disponon shoqata “Pronësi me drejtësi”, janë të paktën 480 mijë familje pjesëtare të ish-
kooperativave bujqësore, që kanë përfituar nga ndarja e tokës me ligjin 7 501. Mesatarisht, çdo familje ka marrë të paktën nga 1,2 hektarë tokë, që së bashku me tokat e ndara nga ndërmarrjet bujqësore ose fermat shtetërore, janë të vendosura në 2,2 milionë parcela. Kjo, pasi ndarja e tokës për një familje nuk është bërë në të njëjtin vend, por në sipërfaqe të ndryshme tokash. Një nga shkeljet më të mëdha, sipas shoqatës, është bërë me ndarjen e tokave të NB-ve, të cilat në vitin 1992 dispononin gati 160 000 hektarë tokë bujqësore, prej të cilave duhet të ndaheshin vetëm 40 000 hektarë. Por në realitet e gjithë toka prej 160 000 ha është ndarë që në atë kohë, dhe vetëm me këtë ligj shkelja e bërë ka qenë me 120 000 hektarë. Nga statistikat zyrtare që disponon shoqata e pronarëve, në vitin 1991 shteti zotëronte 750 mijë hektarë tokë, pjesa më e madhe e së cilës ishte krijuar gjatë viteve të komunizmit nga hapja e tokave të reja. Ndërkohë, që në vitin 1939, të dhënat e saj kohe tregojnë se kishte vetëm 327 mijë hektarë tokë, e cila kryesisht ka qenë me pronarë. Pra, është pak a shumë prona që kërkojnë prej vitesh t’u kthehet një pjesë e ish-pronarëve.

Berisha voton kundër Topallit