01022007

04/02/2007 - 08:28 Gazeta Shqiptare http://www.balkanweb.com/gazeta/gazeta.htm

Leka Zogu : Ndahem zyrtarisht nga PLL dhe LZHK

Leka Zogu prend ses distances avec le LZHK et le PLL rappelant que son rôle est d'être au dessus des partis

Pretendenti për fronin mbretëror Leka Zogu, ka deklaruar dje ndarjen përfundimtare me dy subjektet politike: PLL dhe Lëvizjen për Zhvillim Kombëtarë. Ky distancim i tij vjen në momentin kur fushata për zgjedhjet vendore është në një pikë kulminante. Leka Zogu e ka justifikuar ndarjen politike të tij me PLL dhe LZHK me argumentin se pozicioni i tij në krye të fronit mbretëror shqiptarë është mbi partitë. “Që kur u tërhoqa nga LZHK nuk kam pas asnjë lidhje politike me të. Marrëdhëniet me LZHK kanë qenë dhe janë shumë të mira. Por unë jam për politikën kombëtare”, ka deklaruar Leka Zogu, duke i bërë thirrje me këtë rast popullit të marrë pjesë masivisht në zgjedhje. Në historikun familjes mbretërore, është evident fakti se ajo ka qenë e lidhur shumë fort politikisht me PLL, ndonëse në aparencë është përpjekur të mbajë një qëndrim të distancuar me këtë forcë politike. Mbreti Leka, nëpërmjet qëndrimit politik të PLL, arriti të përcaktojë gjatë zgjedhjeve parlamentare të vitit 97 një referendum për formën e qeverisjes: Republik apo Monarki. Në këtë referendum ai humbi, por legalistët dhe monarkistët nuk e njohën rezultatin pasi sipas tyre ai ishte i manipuluar. Gjatë zgjedhjeve parlamentare të 3 korrikut 2005, Mbreti Leka u vu në krye të LZHK, në një përpjekje për të marrë një rol politik. Në këtë Lëvizje u inkuadruan disa forca politike kryesisht të spektrit tradicional. Por edhe kjo nismë e tij dështoi, për shkak të rezultateve të dobëta që arriti kjo Lëvizje në zgjedhje. Tashmë duket se ka qenë momenti që Mbreti Leka të deklarohet zyrtarisht për ndarje me PLL dhe LZHK, duke u kthyer në rolin tradicional të qëndrimit të tij si Mbret që qëndron mbi betejat politike.

Takimi i radhës i kryetarit të Partisë "Lëvizja e Legalitetit" Ekrem Spahiu ishte në Kurbnesh të rrethit të Mirditës, ku ai prezantoi kandidatin e PLL për Komunën e Selitës, z.Nikolin Lleshi.

Zoti Spahiu tha se kandidatura e PLL për komunën e Selitës është mbështetur në mënyrë unanime nga të gjitha partitë e koalicionit "Aleanca e Madhe", sepse ai, duke qenë njohës shumë i mirë i problematikave të zonës dhe duke mishëruar përkushtimin, energjinë dhe përvojën e duhur administrative për të përmbushur detyrën e tij si kryetar i komunës, është kandidatura më përfaqësuese e komunitetit.

Në vijim të fjalës së tij Spahiu tha se Partia "Lëvizja e legalitetit" në rrethin e Mirdidës, në zgjedhjet e kaluara vendore, ka arritur një rezultat të lartë duke u renditur partia e dytë e spektrit të djathtë.

Gjatë mandatit që po përfundon, -theksoi Spahiu, të zgjedhurit vendor që përfaqësojnë PLL janë shquar për qëndrime dhe veprime korrekte e parimore në dobi të komunitetit, duke dëshmuar kështu jo vetëm integritetin e tyre moral, por edhe seriozitetin e forcës politike që ata përfaqësojnë.

Gjithashtu, zoti Spahiu ka zhvilluar edhe një takim entuziast me zgjedhësit e bashkisë Paskuqan në prezantimin kandidatin të përbashkët z.Jashar Hoxha.

Kryetari i PLL Ekrem Spahiu vazhdoi turin elektoral në qytetin e Burrelit, ku në prani të Kryetares së Kuvendit zj.Topalli, deputetëve të Koalicionit qeverisës dhe drejtuesve lokalë të partive aleate, u bë prezantimi i kandidatëve të koalicionit "Aleanca e Madhe".

Kryetari i PLL Spahiu tha se, "faktet dhe përvoja e deritanishme elektorale kanë treguar se sa herë që Partia "Lëvizja e Legalitetit" dhe Partia Demokratike kanë marrë pjesë së bashku në zgjedhje, fitorja e kandidatëve të përbashkët ka qenë e padiskutueshme. Tani, fitorja bëhet më e sigurt edhe për faktin tjetër se, në zgjedhjet e 18 shkurtit, në kampin e djathtë nuk kemi asnjë rrjedhje vote.

Në zgjedhjet e pritshme të 18 shkurtit, PLL do të rikonfirmojë jo vetëm fitoren më njësitë vendore që drejton aktualisht, por sigurisht do të ketë një zgjerim të hartës së njësive vendore të drejtuara prej saj, duke dëshmuar kështu mbështetjen reale që ajo gëzon në elektorat.

Zoti Spahiu tha se opozitës së majtë i mungon morali për të kërkuar votat e shqiptarëve, sepse gjatë gjithë kohës së qeverisjes së tyre, si në nivel qendror ashtu edhe lokal, ajo ka dëshmuar jo vetëm mungesë të madhe përgjegjësie, por edhe vizioni."