http://www.shekulli.com.al/ Surpriza, Topi merr 50 vota, Ceka 32 Anila Rama 15-07-2007

TIRANË- Gara për zgjedhjen e Presidentit të ri të vendit, merr rrjedhë të papritur në votimin e tretë. Përfshirja në garë e kandidaturës së kreut të PAD-së Neritan Ceka, ka ndarë thuajse më dysh votat e maxhorancës. Ndërkohë votat në mbështetje të kandidatit të maxhorancxës Bamir Topi, kanë pësuar tkurrje të ndjeshme. Nga 85 deputetët e pranishëm në sallën e seancave plenare Ceka arrititë merrte 32 vota, Bamir Topi vetëm 50 vota, 24 vota më pak se në raundin e dytë, ndërsa kandidati tjetër, ish -kryeministri Fatos Nano mori vetëm 3 vota. Pra Topi në votimin e djeshëm nuk ka arritur të marrë as votat e plota të grupit parlamentar të PD-së që janë 55, duke pasur rrjedhje të votave edhe nga vetë demokratët. Ajo që dihet tashmë me siguri është se pas këtij votimi Nano është përfundimisht jashtë garës presidenciale. Me sa duket ka funksionuar më së miri dje taktika e luajtur nga maxhoranca duke mbështetur një kandidurë që vjen nga radhët e opozitës, emri i të cilit ishte përshirë edhe në listën me 8 kandidatë që të majtët i propozuan shumicës gjatë negociatave të zhvilluara disa javë më parë. Kjo taktikë e kuptueshme ka nxjerrë jashtë lojës edhe Nanon, kandidatin e mbështetur nga një pjesë e deputetëve të majtë. Por nga leximi i rezultatit të votimit, duket qartë se Neritan Ceka ka marrë shumë më tepër vota sesa numri i 21 deputetëve që mbështetën kandidimin e tij. Përveç deputetit të LSI-së Dritan Prifti që la të kuptohej pas votimit se kishte votuar për Cekën,votës së vetë Cekës dhe 21 votave që vinin nga ata që mbështetën deputetin e PAD-së, janë edhe 9 deputetë të tjerë të maxhorancës që kanë votuar për të. Edhe vetë Ceka nuk e kishte pritur një rezultat të tillë duke vlerësuar pas seancës se tashmë ishte e rëndësishme që opozita të vinte dhe të merrte pjesë në votimet e tjera. Ndërsa kandidati tjetër Bamir Topi, edhe pse ka marrë vetëm 50 vota në këtë votim, nuk e ka humbur entuziamin për të vijuar garën, duke theksuar se as që bëhej fjalë për t'u tërhequr në këtë fazë nga gara. Zyrtarisht nga kryetari i Këshillit të Procedurave të Votimit Arjan Madhi u deklarua se në votimin e katërt kalojnë dy kandidatët që kanë marrë më shumë vota, Topi dhe Ceka. Tashmë ndryshe nga raundi që u zhvillua dje në raundin e katërt nuk mund të paraqitet një kandidat i ri. Pra gara do të vijojë deri në fund nga Topi dhe Ceka. Elementi tjetër që i dha më shumë seriozitet votimit të djeshëm ishte edhe plotësimi i kuorumit të duhur të votave, me 84 deputetë që kërkon votimi për Presidentin, pasi ndryshe nga dy votimet e para ku kishte mungesë kuorumi dje votuan 85 deputetë.       Mustafaj, kundër Bodes për gjobën Julian Llupo 15-07-2007   "Partia Dmoikratike është krijuar si një parti që mbështet interesat e biznesit, si një parti që mbron fjalën e lirë, ndaj zoti Bode, si ministër i Financave, ndoshta ka harruar se çdo zë që shtyn në fatura të tilla, është një dëmtim që i bëhet imazhit politik të kësaj maxhorance dhe në mënyrë të veçantë Partisë Demokratike. Kështu që, unë do t'i kërkoja zotit Bode, të arsyetonte politikisht, kur vendos që të marrë vendime të tilla". Kundërshtimit të gjobës së vënë ndaj kanalit televiziv "Top Channel" i është bashkuar edhe Besnik Mustafaj, deputet i Partisë Demokratike. Në deklaratën e tij për mediat, në lidhje me këtë çështje, Mustafaj ka lënë të kuptohet se kjo masë është marrë nga njerëz që duan të rrëzojnë imazhin politik të maxhorancës dhe Partisë Demokratike. Mustafaj ka shigjetuar ministrin e Financave, Ridvan Bode, duke e vlerësuar masën e marrë ndaj këtij kanali si të ekzagjeruar. "Një nga mënyrat për ta bërë të pazbatueshëm një vendim administrativ, gjyqësor, etj., është ekzagjerimi. Partia Dmoikratike është krijuar si një parti që mbështet interesat e biznesit, si një parti që mbron fjalën e lirë, ndaj zoti Bode, si ministër i Financave ndoshta ka harruar se çdo zë që shtyn në fatura të tilla, është një dëmtim që i bëhet imazhit politik të kësaj maxhorance dhe në mënyrë të veçantë Partisë Demokratike. Kështu që, unë do t'i kërkoja zotit Bode, të arsyetonte politikisht, kur vendos që të marrë vendime të tilla",- ka deklaruar Mustafaj. Në deklaratën e tij ai ka bërë të ditur gjatë ditës së djeshme, se organet tatimore duhet që të rishikojnë masën e marrë ndaj këtij kanali televiziv. Ish-ministri i Jashtëm, Mustafaj i ka bërë thirrje kreut të Financave, që të realizojë procedurat e nevojshme për rishikimin e kësaj gjobe. "Gjoba ndaj televizionit "Top Channel" është një kosto e rëndë ndaj qeverisë të djathtë",- ka bërë të ditur Mustafaj. Deputeti Mustafaj ka deklaruar se i bashkohet shqetësimit të ngritur nga ana e shoqatave të gazetarëve, lidhur më këtë çështje. Ish ministri i Jashtëm, Mustafaj, që zotëronte marrëdhënie të ngushta më kryeministrin Berisha, dha disa muaj më parë në mënyrë të çuditshme dorëheqjen, duke deklaruar se ishte i lodhur. Pas ftohjes së marrëdhënieve me kryeministrin, Mustafaj, ka deklaruar publikisht se tashmë marrëdhëniet e tyre janë vetëm institucionale. Kundër gjobës së vënë ndaj kanalit televiziv "Top Channel" është deklaruar edhe deputeti Nikollë Lesi. Ai është shprehur se Berisha duhet të anulojë gjobën e vënë ndaj "Top Channel", dhe njëkohësisht të dënojë përgjegjësit për vendosjen e saj. "Gjoba ndaj "Top Channel" është një shenjë ogurzezë për lirinë e fjalës së lirë",- tha Lesi. Deputeti Lesi kërkoi mbledhjen urgjente të Komisionit të Medias dhe thirrjen për të raportuar për këtë çështje, përfaqësues të Ministrisë së Financave.       Presidenti, ambasadorët takime me Ramën e Berishën Shekulli Online 15-07-2007   TIRANE- Raundit të tretë të votimit duket se i kanë prirë një sërë negociatash informale, ku natyrisht nuk ka munguar dhe prania e faktorit të huaj. Megjithëse, deri më tani nuk kanë preferuar që të ndërhyjnë direkt, për të detyruar palët në debat, për të gjetur një zgjidhje të imponuar, përveç rasteve të deklaratave, përfaqësia ndërkombëtare e pranishme në Tiranë, ka nisur dje që të kontaktojë faktorët kryesorë politikë në vend. Ka shërbyer një pritje e dhënë nga Ambasada Franceze, me rastin e Festës Kombëtare të Francës, që ambasadorë të vendeve mike me Shqipërinë të bisedojnë direkt me krerë të politikës shqiptare. Pritja shërbeu si një rast ku përfaqësuesit e Trupit Diplomatik të akdredituar në Tiranë, të bisedonin me aktorët kryesorë të politikës shqiptare, lidhur me krizën presidenciale, ku natyrisht kanë rënë në sy takimet që janë zhvilluar me kryetarin e opozitës dhe atë të mazhorancës. Duket se ka qënë Iber Peti, i ngarkuari me punë i delegacionit të Komisionit Evropian në Tiranë, ai që ka marrë përsipër që të influencojë sadopak për përafrimin e qëndrimeve të palëve në konflikt dhe për të imponuar një zgjidhje të pranueshme, që do të shmangte zgjedhjet e parakohshme. Fillimisht, ai ka zhvilluar një takim informal me kryeministrin e vendit, Sali Berisha dhe, më pas ka takuar kreun e opozitës, Edi Rama, me të cilin ka zhvilluar një takim kokë më kokë. Megjithëse nuk dihet asnjë detaj në lidhje me temën e këtyre bisedave të zhvilluara në oborrin e Ambasadës Franceze, burime pranë liderëve respektivë konfirmojnë se, kriza presidenciale ka qënë një nga çështjet kryesore për të cilën është folur.   Ndërkohë që në këtë pritje kanë asistuar dhe figura të tjera politikës shqiptare, ku natyrisht nuk ka munguar as kandidati i vetëshpallur, ish-kryeministri, Fatos Nano. Nuk ka munguar dhe presidenti i Aleancës Demokratike, Neritan Ceka, i cili vetëm pak orë më vonë, me mbështetjen e mazhorancës, do të shpallej kandidati i tretë zyrtar për postin e Presidentit të Republikës.       http://www.gazetametropol.com/tekst.php?idt=43956 NDI: Bamir Topi më i votuari në popull ELJONA BALLHYSA 13/07/2007  Instituti amerikan publikon rezultatet e sondazhit Topi merr mbështetjen e 40 për qind të të intervistuarve, më pas Moisiu, Godo dhe Milo Nëse Presidenti i Republikës do të zgjidhej nga populli, Bamir Topi do të ishte Presidenti i ri i vendit. Këtë e vërteton sondazhi i publikuar dje nga (NDI) Instituti Ndërkombëtar për Demokraci në bashkëpunim me Institutin AGENDA. Sondazhi në fjalë është realizuar në periudhën 17 deri në 23 qershor të këtij viti, gjatë të cilës janë intervistuar 1200 qytetarë mbi moshën 18 vjeç në shtëpitë e tyre në mënyrë të rastësishme. Intervistat janë realizuar nga profesionistë të cilët realizojnë anketime në mënyrë të vazhdueshme. Toleranca e gabimit për rezultatet e këtij sondazhi është +/- 3.0 %. Rezultatet Në bazë të sondazhit, dy politikanët më pak të pëlqyer janë Fatos Nano dhe Sali Berisha. Qytetarët e intervistuar janë përgjigjur se nëse presidenti do të zgjidhej nga populli, 40% e tyre do të votonin për Bamir Topin, i ndjekur nga Alfred Moisiu me 28% dhe Fatos Nano me 15%. Më pas vjen Sabri Godo 5%, Paskal Milo 2% dhe Teodor Laço me 1%. Të tjerë emra të përmendur nga vetë qytetarët për postin e presidentit janë Ben Blushi, Edi Rama, Eduart Selami, Ermelinda Meksi, Gramoz Ruci, Ilir Meta, Ismail Kadare, Jozefina Topalli etj. Ndërsa të pyetur se cili është politikani më i favorshëm del sërish në vendin e parë Bamir Topi me 76%, më tej Alfred Moisiu më 68%, Edi Rama 57%, Ilir Meta 57%, Jozefina Topalli 50%, Ben Blushi 47%, Sali Berisha 44% dhe Fatos Nano 33%. Ndërsa të pyetur se a duhet të zgjidhet presidenti nga populli rreth 60% e qytetarëve dëshirojnë të votojnë për zgjedhjen e presidentit dhe 75% besojnë se një president i zgjedhur nga populli do të ishte më shumë përgjegjës karshi nevojave të qytetarëve. Zgjedhjet Përsa i përket mundësisë së mbajtjes së zgjedhjeve të parakohshme, rreth 60% e të intervistuarve mendojnë se zgjedhjet e parakohshme do të ishin të dëmshme për Shqipërinë. Rreth 22% e të anketuarve thanë se zgjedhjet e parakohshme do të kishin ndikim pozitiv për Shqipërinë, ndërsa 61% e të anketuarve thanë se zgjedhjet e parakohshme do të kishin ndikim negativ për Shqipërinë. Të pyetur se nëse zgjedhjet do të mbaheshin sot për cilën parti do të votonin, rreth 34 % e të intervistuarve janë përgjigjur për Partinë Demokratike, 32% për Partinë Socialiste, 9% për Partinë Lëvizja Socialiste për Integrim, 4% për Partinë Republikane, 3% Partinë Demokristiane dhe nga 1% për partitë e tjera. Të intervistuarit gjithashtu janë shprehur për vazhdimin e sistemit aktual zgjedhor. Ndërkohë që 86% e qytetarëve mbështesin praninë e një numri më të madh grash në Parlament. 87% përqind besojnë se të zgjedhurit e tyre shqetësohen më shumë për para dhe pushtet, sesa për nevojat e komunitetit. 45 % besojnë se Shqipëria po ecën në drejtim të gabuar, ndërkohë që 44% thonë se po ecën në drejtimin e duhur. Seanca e parë Ditën e diel në datën 8 korrik, është zhvilluar seanca e parë parlamentare, në të cilën, megjithëse pa praninë e opozitës, u zhvillua votimi i parë për Presidentin e Republikës. Deputetët votuan për kandidatët Topi dhe Nano. Seanca e dytë Në datën 10 korrik, ditën e martë, pavarësisht se deputetët e mazhorancës nuk arrinin kuorumin e duhur në Kuvend sërish u realizua votimi i dytë për Presidentin e Republikës, ku merrnin pjesë sërish Topi dhe Nano. Seanca e tretë Konferenca e kryetarëve të grupeve parlamentare në Kuvend vendosi gjatë mbledhjes së mbajtur dje që seanca parlamentare në të cilën pritet të zhvillohet edhe raundi i tretë i votimit, të mbahet ditën e shtunë, në datën 14 korrik. Seanca e katërt Pas raundit të tretë të votimit, nëse dy apo më shumë kandidatë në garë do të jenë në balotazh do të zhvillohet sipas Kushtetutës raundi i katërt i votimit, i cili duhet të mbahet brenda 7 ditëve, që i bie brenda datës 20 korrik. Seanca e fundit Nëse edhe pas raundit të katërt të votimit vendi nuk ka ende një president, atëherë duhet të mbahet raundi i pestë dhe i fundit i votimit. Ky raund duhet të mbahet para përfundimit të mandatit të Moisiut, pra afati i fundit është data 23 korrik. Shpërndarja Nëse në mëngjesin e datës 24 korrik vendi gdhin pa Presidentin e ri, në bazë të Kushtetutës duhet të shpërndahet Parlamenti dhe vendi të futet në zgjedhje të parakohshme për Parlamentin e ri. Topi bisedime për situatën Kandidati demokrat për postin e Presidentit të Republikës Bamir Topi, ka zhvilluar dje një tjetër takim me kryetarin e Lëvizjes socialiste për Integrim, Ilir Meta. Burimet bëjnë të ditur se dy politikanët e forcave kundërshtare politike janë parë të pinë kafe në shoqërinë e njëri-tjetrit gjatë paradites së djeshme në një lokal përballë Kuvendit të Shqipërisë. Burimet gjithashtu tregojnë për gazetën se në qendër të bisedës ka qenë pikërisht çështja e zgjidhjes së Presidentit të Republikës. Bamir Topi është kandidati zyrtar i mazhorancës, i cili ka marrë dy herë pjesë në votim në Kuvend por pa praninë e opozitës. Ndaj dhe nuk ka arritur të marrë votat e duhura për t’u zgjedhur president. Për shkak se mazhoranca në total ka rreth 82 vota, ndërsa Topi në dy votimet e zhvilluara në raundin e parë ka marrë 75 vota dhe në raundin e dytë 74 vota. Takimi i Topit me Metën aludohet për nënshkrimin e një bashkëpunimi të mundshëm gjatë raundit të tretë të votimit. Kështu kreu i LSI-së disponon 6 vota deputetësh në Kuvendin e Shqipërisë, të cilat nëse do të kalonin në favor të kandidatit demokrat Bamir Topi, këtij të fundit i shtohen shanset për të marrë postin e presidentit. Por një tjetër mundësi është edhe që Meta të ketë marrë rolin e negociatorit, duke këmbëngulur që për të shmangur zgjedhjet e parakohshme Topi të tërhiqet nga gara për Presidentin e Republikës. Të rimblidhet sërish tryeza e partive politike ku palët të bien dakord për një president     http://www.tvklan.tv/lajme_info.php?id=4315 Presidenti, sot zhvillohet raundi i trete i votimit Ora 19.00 do te shenoje raundin e trete te votimit per zgjedhjen e Presidentit te Republikes se Shqiperise. Aktualisht jane vetem dy kandidate, Bamir topi dhe Fatos Nano. Por njekohesisht deri ne fillim te senaces parlamentare mund te regjistrohen pranë komisionit të ligjeve kandidatë të tjerë për President. Pasi sipas Kushtetutës, në raundin e tretë, përveç kandidatëve që janë në garë, mund të hyjnë dhe kandidatura të reja dhe e vazhdojnë garën për dy raundet e fundit, dy kandidatët që kanë marrë më shumë vota. Nderkohe nese edhe ne kete raund nuk do te kete emra te tjere, atehere gara presidenciale do te vijoj ne raundin e kater e te peste vetem me dy kandidatet shume te perfolur, Topin dhe Nanon. Nese sot politika shqiptare nuk arrin te zgjedhe presidentin e ardheshem te shqiptareve, sipas detyrimeve kushtetuese pritet te zhvillohet raundi i katërt dhe i pestë, te cilet duhet te mbahen brenda javës tjetër, pasi me 24 korrik, përfundon maratona e votimit për President. Nëse zgjidhet Presidenti i ri, atëherë Moisiu do të mund të organizojë zyrtarisht ceremoninë e largimit të tij dhe kalimin e pushtetit te Presidenti tjetër. Por nëse nuk zgjidhet, atëherë ka të gjitha gjasat që Moisiu të shpërndajë Parlamentin dhe të shpallë zgjedhjet e parakohshme, që mendohet të bëhen brenda 60 ditëve