Sot paradite, në Selinë e PLL, kryetari i kësaj partie Ekrem Spahiu, dha një konferencë për shtyp.

Më poshtë po ju përcjellim tekstin e plototë të deklaratës së tij.

Tiranë, më 21 shkurt 2007

Deklaratë për Mediet

Partia "Lëvizja e Legalitetit" vlerëson ngritjen e standardeve para dhe gjatë procesit zgjedhor të 18 shkurtit 2007 në raport me zgjedhjet e mëparshme dhe thekson se, realizimi i tyre në masën më të madhe u sigurua prej përcaktimit dhe vullnetit parësor e të pandryshuar të shumicës qeverisëse për garantimin dhe zhvillimin e zgjedhjeve të lira dhe të ndershme që u shoqërua edhe me tolerime ndaj kërkesave të pamotivuara të opozitës.

Përkundrejt këtij vullneti të qartë të maxhorancës, opinioni i gjerë publik ka parë se  Partia Socialiste dhe aleatët e saj kanë qenë frenues dhe bllokues në këtë proces shumë të rëndësishëm  edhe për të ardhmen e Shqipërisë.

Sipas rezultateve paraprake rezulton se koalicioni Aleanca e Madhe ka fituar rreth 60%  të njesive vendore të vendit duke rikonfirmuar kështu maxhorancën e saj.

Po sipas rezultateve të KZQV-ve rezulton se Partia "Lëvizja e Legalitetit" me kandidatët e saj që konkurruan për "Aleancën e Madhe" ka fituar në bashkinë e Krujës dhe 19 komuna, me një shtrirje gjeografike në të gjithë vendin.

Fituesit e PLL janë si më poshtë:

Lulzim Haxhi Guni               Bashkia Krujë

Justi Abas Zyka                     Komuna Cukalat, Berat

Rahim Myrtezan Lala         Komuna Muhurr, Dibër

Rufat Mehmet Shoti            Komuna  Reç, Dibër

Agim Sefedin Selita             Komuna  Lis, Mat

Muharrem Fadil Kurti        Komuna Rukaj, Mat

Ardian Xhevahir Zeneli     Komuna Stravaj, Librazhd

Agim Ramazan Xhaja         Komuna Përparim, Peqin

Ardjan Miti Shurdhaqi      Komuna Grabian, Lushnje

Altin Qazim Bregasi           Komuna Selitë, Mallakastër

Artur Ylber Agolli               Komuna Progër Devoll

Rushan Hazis Çela              Komuna Dardhas, Pogradec

Kujtim Mustaf Gjoka          Komuna Bushtricë, Kukës

Vesel Ismail Shehu             Komuna Grykë-Çaje, Kukës

Feriz Ahmet Hoxha            Komuna Bytyç, Tropojë

Fran Gjok Frokaj                 Komuna Shënkoll, Lezhë

Nikolin Marash Lleshaj     Komuna Selitë, Mirditë

Ndoc Mark Prendi              Komuna Blerim, Pukë

Faz Tahir Shabaj                 Komuna Postribë Shkodër

Ymer Gjergio Marku           Komuna Bërxull, Tiranë

Ky është rezultati më i mirë historik i arritur ndonjëherë nga PLL në konkurrimin për pushtetin vendor dhe që është materializuar pavarësisht vështirësive objektive me të cilat PLL është përballur, ku si më kryesore veçojmë mungesën e komisionarëve në të gjitha hallkat e procesit zgjedhor dhe pamundësinë e plotë financave.

Ky rezultat dëshmon faktin se Partia "Lëvizja e Legalitetit" ka qenë dhe mbetet një alternativë e vlerësuar dhe e votuar prej elektoratit shqiptar.

Partia "Lëvizja e Legalitetit" falënderon zgjedhësit për mbështetjen e dhënë dhe garanton se të zgjedhurit vendorë të dalë prej saj do të punojnë kurdoherë në dobi të komunitetit, duke dëshmuar përkushtim, ndershmëri dhe aftësi qeverisëse.

Një falënderim të veçantë i drejtojmë organeve të mediave për rolin e tyre pozitiv të shfaqur gjatë gjithë fushatës e në veçanti për pasqyrimim me transparencë e profesionalizëm të procesit zgjedhor.

Tiranë, më 19 shkurt 2007

Informacion për Mediat

Ju konfirmojmë fitoren e kandidatit të PLL:

1.      Ardian Shurdheqi, Komuna Grabian, Lushnje.

Zëdhënësja e Fushatës së PLL

Armira Kapxhiu

Tiranë, më 18 shkurt 2007

Informacion për Mediat

Ju konfirmojmë fitoren e kandidatëve të PLL:

1.      Rifat Shoshi, Komuna Reç, Dibër

2.      Nikolin Lleshi, Kurbnesh, Mirditë

Zëdhënësja e Fushatës së PLL

Armira Kapxhiu

Tiranë, më 18 shkurt 2007

Informacion për Mediat

Ju konfirmojmë fitoren e kandidatit të PLL:

1.      Justin Zyka, Komuna Cukalat, Berat

Zëdhënësja e Fushatës së PLL

Armira Kapxhiu

 
--
Partia "Lëvizja e Legalitetit"
Bulevardi "Zog I", Tiranë.
legaliteti@gmail.com
Tel&Fax: +355 4 230076

Tiranë, më 18 shkurt 2007

Informacion për Mediat

Ju konfirmojmë fitoren e kandidatëve të PLL:

1.      Kujtim Gjoka, Komuna Bushtricë, Kukës

2.      Altin Bregasi, Komuna Selitë, Mallakastër

Zëdhënësja e Fushatës së PLL

Armira Kapxhiu 

Tiranë, më 16 shkurt 2007

Informacion për Mediat

Fundi i fushatës zgjedhore ka qenë për Partinë "Lëvizja e Legalitetit" e mbushur me takimet përmbyllëse në komunat Lis, Muhurr, Reç, Bushtricë dhe  Kolsh, ku në emër të "Aleancës së Madhe" konkurrojnë kandidatët e PLL Agim Selita, Rrahim Lala, Rifat Shoti, Kujtim Gjoka dhe Xhevat Toda.

Në këto takime kryetari i PLL Ekrem Spahiu shoqërohej nga deputetë të koalicionit qeverisës, drejtues vendor të Partisë Demokratike si dhe nga zotërinjtë Skënder Zogu (nipi i Mbretit Zog I), Sulejman Gjanaj (Sekretar i Marrëdhënieve me jashtë të PLL), Yllë Spahiu dhe Patric Najbor (drejtor i Institutit Francez të Studimeve Monarkiste), të cilët kanë ardhur posaçërisht nga Franca për të mbështetur fushatën e PLL.

Spahiu vlerësoi lart kandidatët Agim Selita, Rrahim Lala, Rifat Shoti, Kujtim Gjoka dhe Xhevat Toda, të cilët janë 5 nga 26 kandidatët e PLL që konkurrojnë me siglën e saj brenda koalicionit Aleanca e Madhe, duke theksuar faktin se ato kanë gjetur mbështetjen e plotë të elektoratit dhe strukturave drejtuese të partive aleate.

Gjatë këtyre takimeve, duke ju drejtuar zgjedhësve, Spahiu tha:  "I bëj thirrje gjithë mbretërorëve, anëtarëve dhe simpatizantëve të Partisë "Lëvizja e Legalitetit" që të votojnë kandidatët e PLL dhe koalicionit Aleanca e Madhe në maxhoritar, si dhe Partinë "Lëvizja e Legalitetit" për listat shumë-emërore për këshilltarë të njësive vendore, sepse kandidatët tanë janë figurat më përfaqësuese të komunitetit, me integritet të lartë politik dhe moral, të përkushtuar për të mbrojtur interesat e zgjedhësve duke unifikuar vendim-marrjen me të gjithë këshilltarët e djathtë gjatë mandatit të ardhshëm."

Zëdhënësja e Fushatës së PLL

Armira Kapxhiu

Tiranë, më 15 shkurt 2007

Informacion për mediat

Dega e Partisë "Lëvizja e Legalitetit" në Korçë zhvilloi një takim përmbyllës së fushatës elektorale të zgjedhjeve të 18 shkurtit.

Kryetari i PLL Spahiu shoqërohej edhe nga zotërinjtë Skënder Zogu (nipi i Mbretit Zog I), Sulejman Gjanaj (Sekretar i Marrëdhënieve me Jashtë të PLL), Yllë Spahiu dhe Patric Najbor (drejtor i Institutit Francez të Studimeve Monarkiste), të cilët kanë ardhur posaçërisht nga Franca për të mbështetur fushatën e PLL.

Takimin e hapi Kryetari i degës së PLL Korçë dhe njëkohësisht Kryetar i Këshillit Kombëtar të PLL z. Nebi Ganellari.

Kandidati për kryetar në Bashkinë e Korçës z. Gjergji Papa tha: "Kam dalë në këtë fushatë me sloganin "Ta bëjmë Korçën zonjë", e cila ka qenë realisht e tillë gjatë kohës së Mbretërisë Shqiptare.

Kryetari i PLL Spahiu tha se:  "Nëse ne mbretërorët krenohemi me periudhën e artë  të Mbretërisë Shqiptare nën drejtimin e Mbretit Zog, një pjesë e kësaj krenarie i takon edhe korçarëve, sepse Pandeli Evangjeli ishte Kryetar i Asamblesë Kushtetuese që miratoi  Statutin Themeltar të Mbretërisë Shqiptare të vitit 1928. Po ashtu, kryeministër i suksesshëm i atyre viteve ka qenë edhe Koçi Kote.

Ne kemi besim se kultura dhe qytetaria korçare do t'ju shtyjnë të votoni më 18 shkurt për alternativën më të mire, e cila sigurisht përfaqësohet nga z. Gjergji Papa dhe gjithë kandidatët e tjerë të Aleancës së Madhe, të cilët  do ti bashkëngjiten fitores së madhe që Koalicioni ynë do të realizojë më 18 shkurt 2007."

Zoti Spahiu vazhdoi turin elektoral në Komunën Grabian të rrethit të Lushnjës ku në emër të Aleancës së Madhe dhe i propozuar nga PLL kandidon Ardian  Shurdheqi.

Zëdhënësja e Fushatës së PLL

Armira Kapxhiu

--
Partia "Lëvizja e Legalitetit"
Bulevardi "Zog I", Tiranë.
legaliteti@gmail.com
Tel&Fax: +355 4 230076

Tiranë, më 14 shkurt 2007

Informacion për Mediet

Kryetari i Partisë "Lëvizja e Legalitetit" Ekrem Spahiu ishte në Pogradec ku dega lokale e PLL zhvilloi një takim elektoral në mbështetje të kandidatëve të "Aleancës se Madhe" që do të garojnë në zgjedhjet e 18 shkurtit, e në veçanti kandidatëve Rushan Çela dhe Vasfi Dulellari të propozuar nga PLL, përkatësisht në komunat  Dardhas dhe Buçimas.

Gjithashtu në këtë takim ishin të pranishëm edhe zotërinjtë Skënder Zogu (nipi i Mbretit Zog I), Sulejman Gjanaj (Sekretar i marrëdhënieve me jashtë të PLL), Yllë Spahiu dhe Patric Najbor (drejtor i Institutit Francez të Studimeve Monarkiste) të cilët kanë ardhur posaçërisht nga Franca për të mbështetur fushatën e PLL.

Në fjalën e tij, z. Spahiu, pasi evidentoi vlerat dhe traditën e shkëlqyer të krahinës, fuqinë dhe garancitë në fitore të "Aleancës së Madhe" dhe përcaktimin e pandryshuar të saj për t'i ofruar zgjedhësve një pushtet vendor në dobi të tyre, u ndal më në hollësi për vlerat e kandidatëve  të PLL për kryetarë apo këshilltarë të njësive vendore.

Spahiu tha se në përzgjedhjen e kandidaturave të saj, PLL ka zbatuar si kriter parësor mishërimin prej njerëzve të propozuar prej saj të vlerave të shenjta të familjes, ndershmërisë, përkushtimit, humanizmit, përfaqësimit dhe profesionalizmit. Ai gjithashtu tha se këto cilësi mishërohen në të gjithë kandidatët e "Aleancës së Madhe", të cilët janë edhe kandidatët e fitores.

Zëdhënësja e Fushatës së PLL

Armira Kapxhiu

Tiranë, më 13 shkurt 2007

Informacion për Mediet

Kryetari i Partisë "Lëvizja e Legalitetit" Ekrem Spahiu ishte në një takim elektoral në rrethin e Dibrës, komuna Muhurr, për ti dhënë mbështetje kandidatit të PLL dhe Koalicionit "Aleanca e Madhe"  për kryetar të kësaj komune, z. Rrahim Lala.

Në takim ishin të pranishëm edhe deputetë të Aleancës së Madhe, drejtues lokalë të partive aleate dhe eksponentë të tjerë të së djathtës, sepse kandidatura e PLL për kryetar të komunës Muhurr gëzon një konsensus dhe mbështetje pa rezerva të të gjithë Koalicionit.

Në fjalën e tij Spahiu, pasi evidentoi vlerat dhe traditën e shkëlqyer të krahinës, fuqinë dhe garancinë në fitore të "Aleancës së Madhe" dhe përcaktimin e pandryshuar të saj për t'i ofruar zgjedhësve një pushtet vendor në dobi të tyre, u ndal më në hollësi për vlerat e kandidatëve të PLL për kryetarë të njësive vendore.

Spahiu tha se në përzgjedhjen e kandidaturave të saj, PLL ka zbatuar si kriter parësor mishërimin prej njerëzve të propozuar prej saj të vlerave të shenjta të familjes, ndershmërisë, përkushtimit, humanizmit, përfaqësimit dhe profesionalizmit. Ai gjithashtu tha se këto cilësi mishërohen në të gjithë kandidatët e "Aleancës së Madhe", të cilët janë edhe kandidatët e fitores.

Zoti Spahiu i ftoi zgjedhësit dibranë që të votojnë masivisht jo vetëm për z. Lala dhe kandidatët e tjerë të "Aleancës së Madhe", por të votojnë masivisht edhe për Partinë "Lëvizja e Legalitetit", si një parti serioze që është përcaktuar qartë në mbrojtje të vlerave morale që trashëgojmë, interesave të individit, familjes dhe shoqërisë.

Po ashtu, Kryetari i PLL Ekrem Spahiu zhvilloi edhe një takim tjetër në Komunën Reç, ku në emër të Aleancës së Madhe dhe i propozuar nga PLL konkurron z. Rifat Shoti.

Zëdhënësja e Fushatës së PLL

Armira Kapxhiu

Tiranë, më 12 shkurt 2007

Informacion për Mediat

Dega e Partisë "Lëvizja e Legalitetit" Vlorë organizoi një takim elektoral për prezantimin e kandidatëve të saj për këshilltarë në njësitë vendore të Vlorës dhe mbështetjen e kandidatit për kryetar bashkie të Aleancës së Madhe, z. Kreshnik Alimerko.

Në këtë takim morën pjesë edhe kryetari i PLL Ekrem Spahiu, Kryetari i degës se PD Agron Sharra, kandidati i Aleancës së Madhe Kreshnik Alimerko, etj.

Në fjalët e tyre, zotërinjtë Sharra dhe Alimerko shprehën konsiderata të larta për Partinë "Lëvizja e Legalitetit", rolin që ajo ka luajtur në historinë e krijimit dhe zhvillimit të shtetit shqiptar, e ne veçanti u ndalën në kontributet politike të kësaj partie pas rivendosjes së pluralizmit. Ata vlerësuan dukshëm qëndrimet e të zgjedhurve të PLL në pushtetin vendor, rolin dhe kontributin e drejtuesve dhe strukturave lokale të PLL në koalicion, si dhe shkallën e koordinimit dhe mirë kuptimit që egziston ndërmjet palëve tona.

Kryetari i PLL Ekrem Spahiu e përqendroi fjalën e tij në cilësitë e kandidatëve të PLL për të zgjedhur vendor.  Ai tha se:  "listat e kandidatëve për këshilltarë të Partisë "Lëvizja e Legalitetit" janë përpiluar në konsultim të gjerë me strukturat lokale të PLL, grupet e interesit dhe përfaqësuesit e  komunitetit. Në listat e PLL gjenden personalitete të spikatura të jetës politike, akademike dhe artistike,  përfaqësues me peshë të grupeve të interesit dhe komunitetit."

Zoti Spahiu tha gjithashtu se, "qëndrimi i deritanishëm i të zgjedhurve lokalë të PLL ka qenë transparent, i unifikuar me votat e përfaqësuesve të djathtë e në dobi të komunitetit dhe garantoi se ky qëndrim do të jetë i tillë edhe në të ardhmen."

Gjithashtu z. Spahiu dha mbështetjen e tij dhe të partisë që përfaqëson  ndaj kandidatëve të Aleancës së Madhe edhe në dy takime të tjera që u organizuan përkatësisht në komunat Dermenas dhe Topojë të rrethit të Fierit.

Zëdhënësja e Fushatës së PLL

Armira Kapxhiu

Tiranë, më 11 shkurt 2007

Informacion për mediat

Në një miting madhështor të organizuar në sheshin kryesorë të qytetit të Burrelit dhe në një atmosferë festive u prezantuan kandidatët e  Koalicionit "Aleanca e Madhe" për të gjitha njësitë vendore të rrethit Mat.

Në këtë prezantim të kandidatëve të Koalicionit "Aleanca e madhe" morën pjesë Kryeministri i Shqipërisë z. Sali Berisha, Kryetari i PLL z.Ekrem Spahiu, deputetë, drejtues vendorë, etj.

Kryetari PLL Ekrem Spahiu ndër të tjera tha: "Shqiptarët në përgjithësi dhe ju matjanët në veçanti keni provuar se si qeverisin të djathtët dhe si qeverisin të majtët. Dallimin e bëni vetë....

...Ashtu sikur mbështetët Mbretin Zog në hedhjen themeleve të shtetit shqiptar dhe zhvillimin e Shqipërisë në vitet 1924-1939, sot është koha të mbështesim qeverinë aktuale dhe kryeministrin Berisha për zhvillim e progres që do të mundësojë  integrimin e Matit në Shqipëri dhe Shqipërinë në strukturat euro-atlantike.....

Kandidatët tanë janë kandidatët e fitores, - tha zoti Spahiu. Fitorja do të filloje me Skënder Lleshin në Burrel, Muharrem Kurtin në Rukaj, Agim Selitën në Lis, Bedri Hoxhën në Klos, e kështu me radhë në të gjitha njësitë vendore të rrethit të Matit.

Zëdhënësja e Fushatës së PLL

Armira Kapxhiu

Tiranë, më 10 shkurt 2007

Informacion për Mediat

Në qytetin e Kavajës, Partia "Lëvizja e Legalitetit" organizoi një takim me intelektualë, anëtarë dhe simpatizantë të kësaj partie, ku u bë prezantimi i kandidatëve të PLL për këshilltarë në bashkinë e Kavajës dhe komunat.

Në këtë takim morën pkesë kryetari i PLL Ekrem Spahiu, nënkryetari Murat Basha, kryetari i degës së PLL Kavajë Remzi Muhja, kryetari aktual i bashkisë dhe kandidati për kryetar bashkie i Aleancës së Madhe Refik Rugia.

Nënkryetari i PLL Basha tha se,  "Është nder dhe privilegj që të flasësh para qytetarëve të Kavajas, këtij qyteti simbol të demokracisë. Krenarë për atë ç farë përfaqësojmë, jo si raport numerik, por si ide dhe program, ne i jemi bashkangjitur Aleancës së Madhe për të kontribuar në zgjidhjen e halleve dhe problematikave që kanë shqiptarët. Njëkohësisht për të mos lejuar të majtën agresive që të ndërpresë rrugën e reformave dhe ndryshimeve të mëdha që ka ndërmarrë qeverisja e sotme.

Ashtu si Kavaja, Shkodra, Tropoja, Dibra, Mati, Kruja, Tirana, etj., ne do të  konfirmojmë fitoren e së djathtës dhe rrugën e vazhdimësisë.

Unë besoj se edhe legalistët si gjithmonë do japin kontributin maksimal në këtë fitore.

Kemi edhe një arsye më tepër për të kërkuar mbështetjen për PLL në Kavajë, sepse Kavaja ka zgjedhur deputet për herë të parë nga gjiri i saj ish mbretin Zog."

Kryetari i PLL Ekrem Spahiu e vuri theksin në bashkëpunimin e frytshëm që ekziston ndërmjet partive pjesëmarrëse të Aleancës së Madhe, bashkëpunim që do të konkretizohet në fitoren e saj me përmasa të thella në zgjedhjet e 18 shkurtit.

Spahiu tha se e majta ka shpërdoruar dhe konsumuar çdo mundësi të saj për të qeverisur si në pushtetin qendror, ashtu edhe në atë vendor.

Zëdhënësja e Fushatës së PLL

Armira Kapxhiu

Tiranë, më   9 .02.2007

Informacion për Mediat

Një tubimin entuziast elektoral u organizua në qytetin e Krujës për të prezantuar kandidatit e  përbashkët të koalicionit "Aleanca e Madhe" për kryetar bashkie z. Lulzim Guni.

Në këtë prezantim, kryetari i PLL Ekrem Spahiu tha: "është nder dhe kënaqësi që sot në Krujën e Skënderbeut, në Krujën e Abaz Kupit, të prezantojmë kandidatin tonë të përbashkët z. Lulzim Guni. Ashtu  si në vitet 1991-1992 ishim të gjithë së bashku për të rrëzuar diktaturën komuniste, edhe sot jemi përsëri të gjithë së bashku për të larguar të keqen që i ka ardhur vendit nga  keq-qeverisja socialiste. Ne po mbështesim të gjithë së bashku fitoren e kandidatëve tanë në të gjithë vendin, të cilët janë përfaqësuesit më të mirë të alternativës tonë."

Sikurse dihet, në mbështetje të traditës dhe përkrahjes elektorale që PLL gëzon në këtë qytet, kandidati i Koalicionit "Aleanca e Madhe" për kryetar të bashkisë Krujë, do të konkurrojë nën siglën PD + PLL.

Zëdhënësja e Fushatës së PLL

Armira Kapxhiu

Tiranë, më  8 shkurt 2007

Informacion për Mediat

Dega e Partisë "Lëvizja e Legalitetit"  në Shkodër organizoi një takim elektoral për të mbështetur kandidatin e Koalicionit "Aleanca e Madhe" për kryetar të Bashkisë Shkodër, z. Lorenc Luka.

Takimin e hapi kryetari i degës lokale të PLL z.Ilir Kuka i cili në fjalën e tij e vuri theksin në bashkëpunimin e frytshëm PD-PLL.

Kandidati për Kryetar Bashkie z. Lorenc Luka vlerësoi lart rolin dhe kontributin e Partisë "Lëvizja e Legalitetit" në dobi të vendit gjatë gjithë historisë së saj. Në fjalën e tij ai shprehu rrespekt të thellë dhe mirënjohje të veçantë ndaj Mbretit Zog, Mbretit Leka dhe Familjes Mbretërore, për gjithçka ato kanë bërë për ndërtimin e shtetit shqiptar dhe mbështetjen e çështjes kombëtare.

Kryetari I Partisë "Lëvizja e Legalitetit" Ekrem Spahiu në takim tha se:  " jemi sot në Shkodër për t'i dhënë mbështetjen e plotë politike dhe elektorale kandidatit të përbashkët për bashkinë e Shkodrës z.Lorenc Luka,  si dhe gjithë kandidatëve të tjerë të koalicionit tonë në rrethin e Shkodrës. Fitorja e kandidatëve për kryetarë të njësive vendore do të ishte e cunguar nëse nuk do të shoqërohej edhe me fitoren e shumicës së vendeve në këshillall vendore.

Në hartimin e listës së saj për kandidatë të Këshillit Bashkiak Shkodër, Partia "Lëvizja e Legalitetit"  është kujdesur që në të të përfshihen personalitete të shquara të jetës politike dhe akademike të cilët janë njëkohësisht edhe përfaqësues të denjë të qytetarisë shkodrane dhe grupeve të interesit.

Zëdhënësja e Fushatës së PLL

Armira Kapxhiu

Tiranë, më  07.02.2007

Informacion për Mediat

Kryetari i Partisë "Lëvizja e Legalitetit" Ekrem Spahiu vazhdoi turin elektoral me prezantimin e kandidatin të PLL Muharrem Kurti që do të konkurrojë në emër të Koalicionit "Aleanca e Madhe" në komunën Rukaj të rrethin të Matit.

Në tubimin e organizuar me këtë rast, kryetarët lokalë të partive aleate shprehën mbështetjen e tyre të plotë për kandidatin Kurti, si kandidatura më përfaqësuese jo vetëm e koalicionit, por e gjithë komunës.

Në fjalën e tij, Spahiu tha  se, "kur para tre viteve  z.Muharrem Kurti konkurroi për kryetar të komunës tuaj, e ne ishim këtu në prezantimin e tij,  patëm shprehur sigurinë e plotë se gjatë mandatit të tij si kryetar komune ai do të ishte i përkushtuar, i ndershëm dhe administrator i mirë. Tani, pas tre viteve,  ne shprehim kënaqësi që në këtë vlerësim tonin nuk kemi qenë të gabuar. Në këtë realitet, rikandidimi i zotit Kurti ka ardhur si kërkesë e unifikuar e komunitetit dhe subjekteve tona politike.

Fitorja e kandidatëve të djathtë, do të ishte e cunguar nëse nuk do të shoqërohej edhe me fitoren e shumicës së vendeve në këshillat vendore prej partive të koalicionit. Listat për këshilltarë të PLL përbëhen nga përfaqësues të spikatur të komuniteteve përkatëse, që janë të përkushtuar për mbrojtjen e interesave të zgjedhësve."

Zëdhënësja e fushatës së PLL

Armira Kapxhiu

Tiranë, më 6 shkurt 2007

Informacion për mediat

Kryetari i Partisë "Lëvizja e Legalitetit"  Ekrem Spahiu zhvilloi më qytetin e Durrësit një takim me drejtuesit dhe strukturat e PLL të këtij rrethi, takim ku u bë edhe prezantimi i kandidatit për kryetar bashkie të Koalicionit "Aleanca e Madhe" z. Armand Teliti. Në këtë takim mori pjesë edhe prefekti i qarkut të Durrësit z. Klodian Pajuni. 

Duke folur për kandidaturën e z. Teliti, Spahiu tha se "ai përfaqëson vlera të larta intelektuale e qytetare, përkushtim e ndershmëri, formim të shumanshëm dhe përvojë të gjerë politike e administrative." 

Spahiu shprehu siguri për fitoren e Armand Telitit dhe solli në kujtesë jo vetëm rezultatet e sondazheve aktuale, por edhe fitoren prej Partisë Demokratike në zgjedhjet e 3 korrikut të të gjitha zonave zgjedhore të rrethit të Durrësit, ku, në cilësinë e kryetarit të degës së PD,  rol të dukshëm ka luajtur edhe z. Teliti. 

Kryetari i PLL Ekrem Spahiu e vuri theksin edhe në nevojën për një përbërje sa më cilësore të këshillit të ardhshëm bashkiak, në dispozicion të së cilit PLL ka ofruar kandidatura të spikatura si Riza Dajko, Kujtim Vllamasi, Gjergji Thanasi, Islam Aliko dhe personalitete të tjera të politikës dhe qytetarisë durrsake. 

Spahiu tha gjithashtu se z. Teliti është kandidatura më përfaqësuese e gjithë koalicionit dhe se PLL ndjehet mjaft e përfaqësuar me kandidaturën e tij.

Kryetari i ardhshëm i bashkisë Durrës, Armand Teliti,vlerësoi lart rolin dhe kontributin që Partia "Lëvizja e Legalitetit" ka dhënë në ndërtimin e shtetit shqiptar dhe konsolidimin e proceseve demokratike dhe siguroi se bashkëpunimi ndërmjet subjekteve tona do të thellohet edhe më tej pas zgjedhjeve të 18 shkurtit.

Zëdhënësja e Fushatës së PLL

Armira Kapxhiu