http://www.kohajone.com/ E Shtune 27 janar 2007   Ahtisari i dorëzon GK pakon për Kosovën

 

 I dërguari i posaçëm i OKB-së, Marti Ahtisari, takohet me Grupin e Kontaktit

Përmbajtja e saj komunikohet më 2 shkurt në Prishtinë
I dërguari i OKB-së për Kosovën, Marti Ahtisari përfundoi dje në Vjenë takimin e tij me rusët dhe perëndimorët për paraqitjen e planit për të ardhmen e Kosovës, konstatoi AFP-ja. Takimi me dyer të mbyllura me përfaqësuesit e vendeve të Grupit të Kontaktit; Gjermani, SHBA, Francë, Itali, Britani e Madhe, Rusi, filloi rreth orës 10:00 në mëngjes.

Ahtisari, ndërmjetësuesi i OKB-së prej një viti, nuk bëri asnjë deklaratë për shtypin gjatë daljes nga selia e Organizatës për Siguri dhe Bashkëpunim në Europë (OSBE), ku u zhvillua takimi. Projekti për statusin e ardhshëm të Kosovës pritet të marrë parasysh vullnetin për pavarësi të kosovarëve dhe të mbrojë minoritetin serb. Përmbajtja e tij nuk u bë publike dje, por elementë të saj do të komunikohen më 2 shkurt pas prezantimit të planit në Prishtinë dhe në Beograd, sipas zëdhënësve nga OKB-ja.

Propozimi
Sipas burimeve diplomatike, propozimi i zotit Ahtisari lë të kuptohet një formë e pavarësisë së Kosovës. Kryenegociatori Ahtisari bëri konsultimet e fundit me diplomatët ndërkombëtarë para se të sjellë propozimin e tij në Prishtinë dhe në Beograd më 2 shkurt. Ndërkohë ai i ka dorëzuar planin e tij për të ardhmen e Kosovës edhe Sekretarit të Përgjithshëm të OKB-së, Ban Ki Moon.

Duke folur dy ditë më parë në Asamblenë Parlamentare të Këshillit të Evropës në Strasburg, ish presidenti finlandez tha se propozimi i tij është një zgjidhje e balancuar dhe bazohet në respektimin e plotë të të drejtave të njeriut, nëpërmes një Kosove demokratike dhe shumetnike, ku të gjithë qytetarët janë të garantuar dhe të mbrojtur me ligj.  Ai tha se pas zgjidhjes së statusit të Kosovës do të ketë një prani të fortë ndërkombëtare.

Prishtina
Kryeministri i Kosovës, Agim Çeku, tha se pala kosovare ende nuk e ka parë propozimin e Marti Ahtisarit për statusin e Kosovës, por beson se ajo që ai e ka quajtur "zgjidhje e balancuar", nënkupton një formë të pavarësisë me garanci të forta për pakicat. vendore në zbatimin e marrëveshjes për zgjidhjen e statusit.

Ndërkaq shefi i Misionit të Kombeve të Bashkuara në Kosovë, Joakim Ryker beson se propozimi i ndërmjetësve ndërkombëtarë do të jetë i mirë dhe i balancuar për palët në bisedime. "Unë mund të them se pas një viti negociatash, duke ditur qëndrimin e të gjitha palëve të përfshira, unë kam besim të plotë në gjykimin e zotit Ahtisari për të bërë një propozim të balancuar", tha zoti Ryker, pas një takimi me kryeministrin Çeku.

Rusia dhe Perëndimi, të ndarë për Kosovën

Rusia është skeptike për një plan të të dërguarit të posaçëm të OKB-së, Marti Ahtisari, që i jep Kosovës një pavarësi të kufizuar, deklaroi dje një diplomat. Pas një takimi 90-minutësh në Vjenë me gjashtë anëtarët e Grupit të Kontaktit, diplomati tha se Rusia kishte kërkuar një shtyrje të çdo vendimi të OKB-së për Kosovën, derisa Serbia të kishte formuar një qeveri të re, që vjen pas zgjedhjeve të përgjithshme parlamentare të 21 janarit.

Pesë anëtarët perëndimorë të grupit ishin të bashkuar për çështjen e planit të Ahtisarit dhe nuk e shihnin të nevojshme një shtyrje të vendimit, deklaroi diplomati. Grupi i Kontaktit, SHBA, Britania, Franca, Italia, Gjermania dhe Rusia, ka qenë politikisht i pranishëm në Kosovë, që kur Kombet e Bashkuara morën kontrollin e Kosovës, në vitin 1999.

Ahtisari kërkonte të sigurohej për miratimin e tyre përpara se të bënte publik planin e tij, për të cilin diplomatët thonë se do ta çojë Kosovën drejt pavarësisë me mbikëqyrje ndërkombëtare. “Nuk ka asgjë dramatike për sa i takon këtij takimi”, deklaroi Ahtisari përpara fillimit të bisedimeve. 

 

http://www.shekulli.com.al/

 

Kosova, Ahtisari propozon pavarësi Shekulli 27-01-2007

Marti Ahtisari   Statusi i Kosovës Ahtisari paraqet propozimin për Kosovën. Rusia kërkon shtyrjen e statusit, derisa të formohet qeveria e re serbe. Çeku kundërshton shtyrjen, po kështu edhe shtetet e tjera të Grupit të Kontaktit. Sipas burimeve diplomatike brenda takimit me dyer të mbyllura për mediat, është propozuar një formë pavarësie për Kosovën, por sërish prani e fortë e NATO-s. Rusia kërkoi dje nga vendet anëtare të Grupit të Kontaktit, që të shtyhet çdo lloj vendimi për Kosovën dhe mbi të ardhmen e statusit të saj, deri në formimin e një qeverie të re serbe, e cila do ta dalë nga zgjedhjet e 21 janarit. Sipas agjencisë së lajmeve, "Reuters", Rusia është shfaqur mosbesuese ndaj një plani të të dërguarit të posaçëm të OKB-së, Marti Ahtisarit, që i jep Kosovës pavarësi të kufizuar. Pas një takimi 90-minutësh në Vjenë, me gjashtë anëtarët e Grupit të Kontaktit, një diplomat konfirmoi për "Reuters", se Rusia kishte kërkuar shtyrje të çdo vendimi të OKB-së për Kosovën, derisa Serbia të kishte formuar një qeveri të re, që vjen pas zgjedhjeve të përgjithshme parlamentare të 21 janarit. Por, me sa duket, anëtarët perëndimorë të Grupit, ishin në një mendje për çështjen e planit të Ahtisarit dhe nuk e shihnin të nevojshme një shtyrje të vendimit. I dërguari i posaçëm i Organizatës së Kombeve të Bashkuara, Marti Ahtisari, e ka paraqitur planin e tij të shumëpritur për Kosovën, para Grupit të Kontaktit në Vjenë. Megjithatë, hollësitë e propozimit duket se nuk do të bëhen publike deri në momentin kur do t'u paraqiten shqiptarëve dhe serbëve në Kosovë. Sipas burimeve diplomatike, propozimi i zotit Ahtisari, lë të kuptohet një formë e pavarësisë së Kosovës. Takimi i së premtes u mbajt në Vjenë, me dyer të mbyllura, në nivel drejtorësh politikë për Ballkanit të SHBA-së, Britanisë, Rusisë, Gjermanisë, Francës dhe Italisë. Kryenegociatori Ahtisari pritej të bënte konsultimet e fundit me diplomatët ndërkombëtarë, para se të sjellë propozimin e tij në Prishtinë dhe në Beograd, më 2 shkurt. Pas dëgjimit të propozimit të Ahtisarit, përfaqësuesit e lartë të SHBA-së, Rusisë, Francës, Britanisë, Gjermanisë dhe Italisë, ranë dakord që të marrin kopjet e dokumentit për t'i shqyrtuar në kryeqytetet respektive. Po kështu është rënë dakord, edhe për praninë e një Misioni Vëzhgues Ndërkombëtar pas statusit, i cili do të ketë fuqi vetoje ndaj ligjeve dhe vendimeve qeveritare dhe autoritet, për të shkarkuar zyrtarët që shkelin marrëveshjen ndërkombëtare. Takimi ishte me dyer të mbyllura për gazetarët. Si përfundim, palët ranë dakord të vazhdohen konsultimet rreth formës së statusit të ardhshëm. Diplomatët thonë se dokumenti final i Ahtisarit do të përfshijë edhe ndonjë sugjerim të mundshëm, pas shqyrtimit nga vendet anëtare të Grupit të Kontaktit. Tashmë dihet se propozimi final do u paraqitet palëve në Prishtinë e Beograd, më 2 shkurt. Plani, që është fryt i bisedimeve diplomatike që zgjatën një vit, mes Prishtinës dhe Beogradit në Vjenë, ka nevojë për një Rezolutë të re të OKB-së, për të hyrë në fuqi. Ahtisari, kishte nevojë të siguronte aprovimin e Grupit të Kontaktit: SHBA, Britania, Franca, Italia, Gjermania dhe Rusia, përpara se ta bënte planin e tij publik.   Detajet e Planit, që Ahtisari paraqiti dje në Grupin e Kontaktit 1. I jep Kosovës të drejtën për të hyrë në marrëveshjet ndërkombëtare dhe të aplikojë për anëtarësi në organizatat dhe institucionet ndërkombëtare, duke përfshirë edhe Kombet e Bashkuara, Fondin Monetar Ndërkombëtar dhe Bankën Botërore. 2. I siguron të drejtën për "kombësi të dyfishtë" dhe i bën thirrje Prishtinës për të vendosur marrëdhënie të mira me fqinjët e tjerë. 3. Kosova do të marrë pjesën e saj në pasuritë ekonomike dhe borxhet, që dikur i përkisnin ish-Jugosllavisë dhe Serbisë. 4. T'u japë 100 mijë serbëve të Kosovës, autonomi për vetëqeverisje, kontroll mbi pushtetin vendor dhe të drejtën për të pasur lidhje me Beogradin. 5. Serbia do të ketë mundësi të financojë zonat serbe, me kusht, që paratë të kalojnë përmes Prishtinës. 6. Zonat e Protektoratit do të merren në mbrojtje, si vende me rëndësi të madhe të fesë Ortodokse serbe. 7. NATO do të mbajë numrin e trupave në Kosovë të pandryshuar, rreth 16 mijë e 500, deri në vitin 2008. Çeku: Jemi kundër shtyrjes Kryeministri Agim Çeku, kundërshtoi dje vonimin ose shtyrjen e mëtejshme të planit të të dërguarit të OKB-së, që i jep pavarësi virtuale Kosovës. Kjo deklaratë e Çekut ka ardhur si reagim pas një deklarate të djeshme të diplomateve, sipas së cilës, Rusia kërkon ta shtyjë atë deri në krijimin e një qeverie të re. "Nuk ka nevojë për një shtyrje të mëtejshme",- tha Çeku në konferencën për shtyp, duke shtuar se edhe Grupi i Kontaktit e ka siguruar një gjë të tillë, pra, që s'do të ketë shtyrje të vendimit të statusit të ardhshëm të Kosovës. Kryeministri i Kosovës, Agim Çeku, tha se pala kosovare ende nuk e ka parë propozimin e Marti Ahtisarit për statusin e Kosovës, por beson, se ajo që ai e ka quajtur "zgjidhje e balancuar", nënkupton një formë të pavarësisë me garanci të forta për pakicat. "Besoj fuqishëm, që Ahtisari do ta propozojë pavarësinë për status të Kosovës dhe do të propozojë mekanizma, masa, procedura shumë konkrete, të cilat do të garantojnë të gjitha të drejtat e komuniteteve që jetojnë në Kosovë",- tha kryeministri Çeku. Ai deklaroi se pala kosovare do të shprehë pakënaqësinë e saj, në qoftë se z. Ahtisari propozon një prani të fortë ndërkombëtare pas zgjidhjes së statusit. Nuk përmendet fjala "pavarësi" Kryenegociatori për statusin e Kosovës, Marti Ahtisari, ka paraqitur në Vjenë para anëtarëve të Grupit të Kontaktit, dokumentin për statusin e Kosovës. Sipas burimeve diplomatike për mediat, gjatë diskutimeve nuk është përmendur fjala pavarësi, por është rënë dakord se Kosovës do t'i jepen atributet e një shteti të pavarur, përfshi këtu edhe anëtarësimin e këtij vendi në institucione ndërkombëtare. Takimi u zhvillua me dyer të mbyllura, por mësohet se një nga vendet anëtare të Grupit të Kontaktit, Rusia, ka kërkuar shtyrjen e statusit Ryker: Propozimi, i balancuar Shefi i Misionit të Kombeve të Bashkuara në Kosovë, Joakim Ryker, beson se propozimi i ndërmjetësve ndërkombëtare do të jetë i mirë dhe i balancuar për palët në bisedime. "Unë mund të them se pas një viti negociatash, duke ditur qëndrimin e të gjitha palëve të përfshira, unë kam besim të plotë në gjykimin e zotit Ahtisari, për të bërë një propozim të balancuar",- tha zoti Ryker, pas një takimi me kryeministrin Çeku. Dy krerët e institucioneve kryesore, shfaqën bindjen se nuk do të ketë dhunë në Kosovë, edhe në qoftë se do të ketë pakënaqësi të qytetarëve me vendimin ndërkombëtar për statusin. "Nuk pres dhunë, Kosova nuk është vend i dhunës, populli i Kosovës nuk është popull i dhunshëm, nuk ka asnjë arsye për dhunë…Mund të ketë pakënaqësi, por mënyra e shprehjes së pakënaqësive, dallon krejtësisht nga dhuna",- deklaroi kryeministri i Kosovës, Agim Çeku.

 

https://www.korrieri.com/

E vetmja zgjidhje per Kosoven - Pavaresia

E Premte, 26 Janar 2007

Aleksander Biberaj Ne radhe te pare deshiroj te pershendes raportin e pergatitur nga Lord Russell Johnston, i cili eshte nje raport teper profesional, realist dhe nje raport qe parashtron edhe vizionin per statusin e ardhshem te Kosoves, qe natyrisht eshte pavaresia dhe jep perspektiven e zhvillimit te Kosoves, qe eshte integrimi euroatlantik i saj Perfitoj nga rasti per te pershendetur te derguarin special te sekretarit te Pergjithshem te Kombeve te Bashkuara, President Ahtisaarin, per kontributin e jashtezakonshem dhe te vazhdueshem qe ka dhene gjate fazes se negociatave dhe po vazhdon te jape per percaktimin e statusit final te Kosoves, si dhe per pjesemarrjen dhe paraqitjen realiste qe i beri sot perpara Asamblese Parlamentare te Keshillit te Evropes situates ne Kosove dhe te ardhmes se saj. Kosova qe nga nderhyrja e NATO-s ne vitin 1999 dhe deri me sot, ka bere nje progres te dukshem ne stabilitetin e brendshem, plotesimin e standardeve, permiresimin e marredhenieve nderetnike, si dhe ndertimin e nje qeverisjeje (lokale dhe qendrore) demokratike, multietnike, eficente dhe funksionale nepermjet zgjedhjeve te lira dhe te ndershme. Me ndihmen e komunitetit nderkombetar dhe te qeverive perendimore - dhe une perfitoj nga rasti per t’ju falenderuar, - populli i Kosoves po nderton te ardhmen e vet evropiane, nje te ardhme qe bazohet ne barazine e te gjithe qytetareve perpara ligjit, nje te ardhme ku te drejtat e minoriteteve do te jene te respektuara dhe te garantuara me ligje dhe institucione. Kosova po nderton institucione demokratike dhe po perparon ne respektimin e parimeve baze te Keshillit te Evropes lidhur me shtetin ligjor, te drejtat e njeriut dhe demokracine. Perspektiva evropiane e Kosoves, permbushja e standardeve, si dhe realizimi i ketyre standardeve do te shkojne paralel me percaktimin e statusit final, i cili perben sot nje nder problemet me emergjente dhe me te rendesishme per paqen, stabilitetin dhe integrimin euroatlantik te Ballkanit Perendimor. Shqiperia mbeshtet perpjekjet e Komunitetit Nderkombetar, Keshillit te Sigurimit, Grupit te Kontaktit dhe Misionit te te Derguarit Special te sekretarit te Pergjithshem te OKB-se, President Ahtisaari, per gjetjen e shpejte te zgjidhjes se ceshtjes se Kosoves, duke u mbeshtetur ne parimet baze: te moskthimit ne situaten e para vitit 1999, mosndarjes dhe mosbashkimit te Kosoves apo te nje pjese te saj me nje vend tjeter, si dhe marrjen ne konsiderate te vullnetit te shumices. Ne kete kuader, ne bashkohemi me draftrezoluten per Kosoven, qe e konsideron percaktimin e statusit te Kosoves si nje ceshtje urgjente, qe do te sjelle stabilitet per te gjithe rajonin, qe do te krijoje kushte per ndertimin e institucioneve perfaqesuese te Kosoves, plotesisht te pergjegjshme, qe gezojne besimin e tere popullsise, qe forcon demokracine dhe vendos themelet e rritjes ekonomike, qe do te kontribuoje per nje konsolidimit te metejshem te marredhenieve paqesore te fqinjesise se mire ne Ballkanin Perendimor dhe perspektiven e tij te integrimit evropian. Ne, gjithashtu, bashkohemi me draftrezoluten, se gjetja e nje zgjidhjeje kompromisi, te pranuar nga palet, do te ishte zgjidhja me e mire, por ne rast se kjo nuk arrihet, ne mbeshtesim idene e nje zgjidhjeje te imponuar nga komuniteti nderkombetar, zgjidhje qe do te kishte ne themel te saj respektimin e vullnetit te popullit te Kosoves. Jam i sigurt, qe e vetmja zgjidhje per Kosoven do te jete pavaresia dhe Kosova shume shpejt do te jete shtet sovran dhe i pavarur demokratik dhe multietnik, ku lirite dhe te drejtat e pakicave do te respektohen dhe garantohen me ligje dhe institucione. Nje Kosove e pavarur dhe demokratike, e orientuar drejt integrimit euroatlantik, do te jete nje faktor stabiliteti dhe paqeje per rajonin e Ballkanit dhe me gjere. Pa zgjidhjen e statusit te Kosoves, nuk mund te flitet per nje Ballkan te qete e stabel. Edhe pas percaktimit te statusit te Kosoves, prania e NATO-s dhe e perfaqesuesve civile nderkombetare ne Kosove eshte kusht “sine quo non” per te garantuar sigurine, ndertimin e shtetit ligjor, respektimin e popullsive pakice, si dhe zbatimin e vendimit qe do te merret per statusin. Kosova perben nje rast unikal dhe zgjidhja e statusit te saj nuk mund te perdoret si precedent per ndonje vend tjeter. Asambleja Parlamentare e KE-se eshte nje institucion i pavarur dhe shume i rendesishem, keshtu qe do te thosha, se eshte ne nderin dhe dinjitetin tone qe te miratojme projektrezoluten e Lord Russell Johnston, duke perfshire edhe paragrafin 4, qe eshte edhe zemra e projektrezolutes.

 

 

http://www.gazeta-shqip.com/

Statusi final dhe perthyerjet e opsionit te pavaresise

 

Mustafa Nano

Pas zgjedhjeve politike në Serbi, rezultati i të cilave nuk ka ngrohur askënd as në Serbi, as në Kosovë, as në rajonin e Ballkanit, as në Bruksel e as në Uashington, pritet të rishfaqet bujshëm në skenën e diplomacisë ndërkombëtare çështja e Kosovës. Të gjithë kanë premtuar, e në të njëjtën kohë të gjithë janë duke pritur, statusin përfundimtar të ish-provincës serbe të banuar prej shqiptarëve, e cila në terma teknikë e legalë njihet ende edhe sot e kësaj dite - bazuar në Rezolutën 1244 të Këshillit të Sigurimit të Kombeve të Bashkuara - si një "entitet shtetëror" nën juridiksionin serb. Kemi të bëjmë me një nga paradokset legalë të dekadës së fundit, pasi momenti i nënshkrimit të kësaj rezolute nga anëtarët e Këshillit të Sigurimit shënoi praktikisht fundit e pushtetit serb në Kosovë. Pas vitit 1999, Kosova është drejtuar administrativisht nga UNMIK-u e ushtarakisht nga KFOR-i.

Zgjedhjet e herëpashershme atje kanë prodhuar pothuaj të gjitha organet e institucionet përfaqësuese, por kompetencat e fuqia e këtyre të fundit kanë qenë gati honorifike. Kosova e tetë viteve të fundit ka qenë e sunduar nga një lloj regjimi krejtësisht jo demokratik, ku ligjin e kanë bërë njëri pas tjetrit një numër funksionarësh të OKB-së. Supozohet, që statusi final t‘i japë fund edhe këtij "regjimi", i cili, sikur të mos ketë mjaftuar fakti që ka qenë jodemokratik, ka qenë gjithashtu dhe jo eficient.

Dhe deri në ditën, që do të merret vendimi mbi statusin final, i vetmi emër që do t‘i asociohet së shumti Kosovës do të jetë Martti Ahtisaari, i dërguari i posaçëm i Kombeve të Bashkuara, misioni i të cilit gjithë këto kohë ka qenë fillimisht ai i kryenegociatorit midis palës serbe e palës shqiptare (në këtë rol, ai dështoi për shkak të palës serbe, gjë që e ka pranuar dhe vetë), e më pas gjetja e një përkufizimi për këtë status (në këto përpjekje nuk duket se ka dështuar. Ai e ka një ide të qartë tanimë).

Ndërsa prestigjiatori Ahtisaari po bëhet gati të bëjë magjinë e momentit, të gjithë të interesuarit kanë filluar të bëjnë counting down. Plani i ish-presidentit finlandez nuk është më sekret: ai do të propozojë pavarësinë e kushtëzuar të Kosovës. Ç‘do të thotë kjo? Kjo do të thotë që Kosova do të njihet si shtet i veçantë, por sovraniteti i saj do të jetë i kufizuar për një kohë të pacaktuar. Vendin e misionit të OKB-së do ta zërë një mision i BE-së. Ahtisaari, por edhe të tjerë, kanë adoptuar këtë zgjidhje, ngaqë nuk janë të bindur se, së pari, rrethanat e konteksti rajonal mund ta absorbojnë opsionin e pavarësisë së plotë e së dyti kosovarët janë në gjendje të vetëqeverisen duke dhënë garancitë e nevojshme në funksion të ndërtimit të demokracisë, të shtetit të së drejtës, të mbrojtjes së të drejtave të njeriut e të pakicave etnike etj., etj.

Tash që ka filluar "counting down"-i, në mënyrë të papritur kanë zënë të dëgjohen opinione disi apokaliptike. Qarqe diplomatike e mediatike, të cilat deri para ca muajsh e quanin pavarësinë e Kosovës të vetmin opsion të mundshëm, po demonstrojnë këto ditë një shqetësim e një alarm të tepruar. Po studiohen me kujdes të gjitha përthyerjet e mundshme të opsionit të pavarësisë, dhe po stisen skenarë të frikshëm, që fillojnë me pamundësinë e Këshillit të Sigurimit për të marrë një vendim (për shkak të vetos ruse), vijojnë me shpërthime të zemërimit të shqiptarëve të Kosovës qoftë në një rrethanë të tillë, qoftë në rrethanat që prodhojnë pavarësinë e kushtëzuar, vijojnë më tej me jehonën përtejballkanike të kësaj ngjarjeje, e përfundojnë me reagimin potencial ushtarak të Serbisë kundër njohjes së Kosovës së pavarur.

Fjala vjen, në numrin e fundit të "Limes"-it, revistë gjeopolitike italiane, e cila është shumë influente në qarqet politike të qendrës së majtë në vendin përtej Adriatikut (të majtët e atjeshëm janë në pushtet), të binte në sy një optikë shumë pesimiste. I gjithë numri me mbi 200 faqe i ishte kushtuar Kosovës, dhe në kopertinë ishte shkruar me germa të mëdha një titull goditës: Kosova, një shtet mafioz. Nuk mungonin analiza të thelluara e objektive të situatës, por një numër autorësh të shkrimeve të kësaj reviste rrekeshin të jepnin një pikturë të sterrosur të Kosovës së sotme, nga e cila kullonte një mesazh: Kosova e kosovarët nuk e meritojnë pavarësinë e nuk janë në gjendje ta menaxhojnë atë.

Sigurisht, të thuash që Kosova e kosovarët do të heqin shumë për të ndërtuar një shtet demokratik e për ta bërë funksional këtë shtet, nuk është as ndonjë mëkat, as ndonjë teprim. Të gjithë ne i njohim limitet e shoqërisë kosovare, ku më së shumti bie në sy deficiti demokratik e civik i anëtarëve të saj. Po ky deficit është një dukuri endemike në gjithë rajonin e Ballkanit perëndimor, gjë që është vënë re gjatë gjithë dekadës së fundit në të gjitha vendet e rajonit. A mos vallë, maqedonasit janë shquar për aftësi të veçanta në përpjekjet për të ndërtuar një shtet të së drejtës? Absolutisht jo! Atje kemi ende një ndarje të thellë mbi baza etnike, e cila është - përveç të tjerash - produkt i përpjekjeve për të instaluar sundimin politik e shtetëror një etnik. A mos vallë, shqiptarët e Republikës së Shqipërisë janë më të përparuar në pikëpamje demokratike sesa shqiptarët e Kosovës? Absolutisht jo! Ne jemi duke jetuar një krizë komplekse socio-ekonomiko-politike prej gjashtëmbëdhjetë vitesh, gjë që duket te fakti, që shoqëria shqiptare është seriozisht apatike dhe e shthurur, që kriza energjetike është më e frikshme se kurrë, dhe që nuk po mundim të mbajmë dot një palë zgjedhje normale. A mos vallë serbët po demonstrojnë një qasje politike e demokratike më të fisme? Absolutisht jo! Në zgjedhjet e fundit parlamentare, ata nuk ditën të bënin tjetër, veçse t‘i falnin goxhá mbështetje sojit më anakronik të politikanëve ballkanikë, nacionalistëve të Sheshelit.

Në këtë kontekst, duket se pesimizmi dhe paniku lidhur me Kosovën e pavarur janë disi të kërkuar. Duket se është e vërtetë e kundërta, d.m.th., nëse Kosovës i jepet pavarësi e plotë, me fjalë të tjera nëse nuk adoptohen ato kushtëzimet e sovranitetit, të cilat do të bëjnë të mbretërojë status quo-ja, rreziqet janë më të pakta. Një vendim i tillë i marrë nga Këshilli i Sigurimit, jo vetëm do të qetësojë shqiptarët e Kosovës, por edhe do t‘i bëjë të gjithë serbët të flenë mendjen njëherë e mirë, duke i mbajtur kështu larg prej makthit e zhgjëndrrave nacionaliste e larg idesë për ta kundërshtuar me ndonjë mënyrë këtë vendim (serbët do të gjendeshin krejt të izoluar në këto rrethana). Në rast të kundërt, nëse Këshilli i Sigurimit nuk do t‘ia dalë mbanë të marrë një vendim apo nëse do të vulosë vendimin mbi pavarësinë e pjesshme, do t‘i hidhet benzinë një zjarri që është gati për t‘u shuar: ndërsa serbët mbeten të ushqyer me shpresa, pritmëri e iluzione të kota e të rrezikshme, shqiptarët e zhgënjyer do të jenë të shtrënguar të shpallin pavarësinë në mënyrë unilaterale. Çfarë do të ndodhë më tej? Askush nuk është në gjendje ta njohë në detaje këtë skenar.

 

 

PACE RESOLUTION ON KOSOVA PASSES DESPITE SERBIAN OPPOSITION. Serbia's
delegation voted against a Parliamentary Assembly of the Council of
Europe (PACE) resolution on Kosova on January 24, after failing to
get several amendments added to the document, B92 reported the next
day. Despite the Serbian opposition, the measure passed by a vote of
99-36, with 14 abstentions. "A few of the amendments we suggested,
demanding that the...Parliamentary Assembly accept the reality that
Kosovo is an integral part of Serbia as is [written] in the UN
[Security Council] Resolution 1244, did not pass," Milos Aligrudic,
the head of the Serbian delegation, said. "Our amendment to erase the
part which mentions the possibility of an imposed solution also
lacked support. That's why we could not vote in favor of the
resolution." As Serbia demanded, the resolution does not contain the
word "independence." But Belgrade failed to get a clause inserted
that calls for the region's current borders to be maintained. Serbia
also failed to have removed from the document a clause allowing for
an imposed solution for Kosova should negotiations become deadlocked.
BW

KOSOVA'S PRIME MINISTER PREDICTS INDEPENDENCE. Prime Minister Agim
Ceku said on January 25 he believes UN special envoy Martti Ahtisaari
will propose independence for Kosova, AP reported the same day. "I
strongly believe that Ahtisaari will propose independence for Kosova
and will propose a concrete mechanism and procedures to guarantee all
the rights of the communities that live in Kosova," Ceku said. "After
his proposal, the minorities, namely Serbs, will have no reason to
refuse Kosova's independence or to refuse to live in an independent
Kosova." Ahtisaari is scheduled to unveil his status proposal to the
Contact Group -- Britain, France, Germany, Italy, Russia, and the
United States -- on January 26. He is scheduled to present it to
Serbian and Kosovar leaders on February 2 (see "RFE/RL Newsline,"
January 25, 2007). Media reports have quoted officials as saying the
proposal will give Kosova a form of limited or supervised
independence (see "RFE/RL Newsline," January 24, 2007). BW

 

DETAILS EMERGE ON KOSOVA STATUS PROPOSAL... UN special envoy Martti
Ahtisaari will present a proposal for Kosova's future that will
"advocate independence for Kosova, but with limits on its
sovereignty," Reuters reported on January 23, quoting German Foreign
Ministry State Secretary Gernot Erler. Ahtisaari is scheduled to
present the plan to the contact group -- which comprises Britain,
France, Germany, Italy, Russia, and the United States -- on January
26. Reuters quoted unidentified diplomatic and political officials as
saying the proposal states that Kosova should be granted "the right
to seek membership of international organizations and institutions."
Such institutions could include the United Nations, the International
Monetary Fund, and the World Bank although none were identified in
the text of the document, according to a diplomat cited by Reuters.
BW

..AS PRO-WESTERN SERBIAN LEADER CALLS FOR DELAY. The pro-Western
Democratic Party's (DS) candidate for prime minister, Bozidar Djelic,
appealed to UN envoy Ahtisaari on January 23 to delay publication of
his Kosova proposal, Reuters reported the same day. "Some speedy move
on Kosovo could make formation of a democratic government more
difficult, and that is not in anyone's interest," Djelic said. "These
are delicate issues and we have to have full control over things such
as the armed forces." Prime Minister Vojislav Kostunica, whose
Democratic Party of Serbia (DSS) is central to any coalition deal,
said it does not matter when Ahtisaari goes public with his proposal.
"It is absolutely irrelevant when [Ahtisaari] will give his proposal,
before or after the government is formed," Kostunica said, adding
that most Serbs oppose Kosova's independence and Russia supports
Belgrade's position. BW